تاريخ النشر : 08/31/2024, 08:33:31
البارت 3
ﺛﻤﺎﺭ ﺍﻟﻌﺎﺭ ﺑﺎﻟﺤﻼﻝ
ﻟﻠﻜﺎﺗﺒﺔ nuha-d-h
ﻟﺘﺨﺎﻓﻴﻦ ﺍﻧﻲ ﺍﺧﺬﺗﺞ ﻭﺍﻧﺘﻲ ﻫﺴﺔ ﺻﺮﺗﻲ ﻣﺮﺗﻲ ﻭﺣﻼﻟﻲ
ﻟﻄﻤﺖ ﻋﻠﻰ ﻭﺟﻬﻲ
- ﻏﺰﺓ ﺑﻌﻴﻨﻲ ﻭﺳﻮﺩﺓ ﺑﻮﺟﻬﻲ
ﺷﻠﻮﻥ ﺷﻨﻮ ﺍﻛﻮﻝ ﻻﻫﻠﻲ
- ﻣﺎﻟﺔ ﺩﺍﻋﻲ ﺗﺤﺠﻴﻦ ﻻﻫﻠﺞ ﻋﻠﻰ ﺍﻟﻲ ﺻﺎﺭ
ﺗﺮﺓ ﺍﺣﻨﺎ ﻣﻤﺴﻮﻳﻦ ﺷﻲ ﺣﺮﺍﻡ ﻣﺮﺗﻲ ﻭﺍﺧﺬﺗﻬﺎ ﺷﻜﻮ ﺑﻴﻬﺎ
ﻣﺤﺪ ﺭﺍﺡ ﻳﻜﺪﺭ ﻳﺤﺠﻲ
ﺑﺲ ﺍﻓﻀﻞ ﺍﻥ ﻣﺘﺤﺠﻴﻦ ﻷﻱ ﻭﺍﺣﺪ
ﻻﻥ ﺍﺣﺘﻤﺎﻝ ﻧﺘﺰﻭﺝ ﻭﻫﻤﺔ ﻣﻴﺪﺭﻭﻥ ﺑﺎﻟﻲ ﺻﺎﺭ ﻓﺨﻠﻲ ﺍﻟﻤﻮﺿﻮﻉ ﺳﺮ ﺑﻴﻨﻲ ﻭﺑﻴﻨﺞ
ﻭﻓﻌﻼً ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﺍﻧﻲ ﺟﺴﻤﻲ ﻛﻠﺔ ﻳﺮﺟﻒ ﻣﻦ ﺍﻟﺨﻮﻑ ﻭﺍﻻﻟﻢ ﺍﻟﻲ ﺣﺴﻴﺖ ﺑﻲ
ﺑﺪﺍﺧﻠﻲ ﻭﺭﺣﺖ ﺑﻮﺟﻬﻲ ﻟﻠﺤﻤﺎﻡ ﻭﻛﺸﻔﺖ ﻋﻠﻰ ﻧﻔﺴﻲ ﻭﺷﻔﺖ
ﺩﻡ
ﺣﺴﻴﺖ ﺑﻤﻌﺪﺗﻲ ﮔﺎﻣﺖ ﺗﮕﻠﺐ ﺭﺣﺖ ﺩﺧﻠﺖ ﺟﻮﺓ ﺍﻟﺪﻭﺵ ﺑﻤﻼﺑﺴﻲ ﺑﺪﻭﻥ ﻭﻋﻲ ﻣﺎ ﺍﻋﺮﻑ ﺷﺘﺼﺮﻑ
ﺣﺴﻴﺖ ﺑﺎﻟﺒﺮﺩ ﻭﺍﻟﺨﻮﻑ ﻣﻊ ﻣﻐﺺ ﺍﺗﺨﺮﺑﻄﺖ ﺍﺣﻮﺍﻟﻲ
ﺻﻌﺪﺕ ﺑﺴﺮﻋﺔ ﻟﻐﺮﻓﺘﻲ ﻣﺮﺩﺕ ﺍﺣﺪ ﻳﺸﻮﻓﻨﻲ ﻻﻥ ﺑﺲ ﻣﺠﺮﺩ ﺍﻟﻨﻈﺮ ﻟﺸﻜﻠﻲ ﺭﺍﺡ ﻳﻌﺮﻓﻮﻥ ﺍﻥ ﺍﻛﻮ ﺷﻲ ﺻﺎﻳﺮ ﻭﻳﺎﻱ
ﻻﻥ ﻣﺸﻜﻠﺘﻲ ﻣﺎ ﺍﻋﺮﻑ ﺍﺧﺒﻲ ﺑﮕﻠﺒﻲ ﺍﻟﺨﻮﻑ ﻳﺒﻴﻦ ﻋﻠﻰ ﻭﺟﻬﻲ
ﻃﻠﻌﺖ ﻣﻦ ﺍﻟﺤﻤﺎﻡ ﻭﺍﻧﻲ ﺍﺗﻠﻔﺖ ﺧﺎﻑ ﺍﺣﺪ ﻳﺸﻮﻓﻨﻲ
ﺭﺣﺖ ﺩﺧﻠﺖ ﺟﻮﺓ ﺍﻟﺒﻄﺎﻧﻴﺔ ﻭﻇﻠﻴﺖ ﺍﺑﺠﻲ ﺣﺴﻴﺖ ﺍﻛﻮ ﺷﻲ
ﺛﻤﻴﻦ ﺧﺴﺮﺗﺔ
ﻭﻣﺎﻋﺪﺕ ﺍﻧﻲ ﺫﻳﺞ ﺍﻟﺒﻨﻴﺔ ﺍﻟﻨﻈﻴﻔﺔ ﺍﻟﺒﺮﻳﺌﺔ
ﻃﺒﻌﺎً ﺍﺻﻌﺐ ﺷﻲ ﻋﻠﻰ ﺍﻟﺸﺨﺺ ﻣﻦ ﻳﻜﻮﻥ ﻟﻮﺣﺪﺓ ﻳﻌﺎﻧﻲ
ﻭﺍﻟﻤﺸﻜﻠﺔ ﺍﻟﻈﺮﻭﻑ ﻛﻠﻬﺎ ﺿﺪﻱ
ﻭﺗﺰﻳﺪ ﻣﻦ ﺗﺮﺍﻛﻢ ﺍﻟﺨﻮﻑ
ﻭﺍﻟﺤﺬﺭ ﻣﻤﺎﻳﺆﺩﻱ ﺍﻟﻰ ﺍﻟﺒﺆﺱ
ﻳﻌﻨﻲ ﻻ ﻋﻨﺪﻱ ﻋﺎﺋﻠﺔ ﻭﺍﻋﻴﺔ ﻣﺜﻘﻔﺔ ﺗﻜﻌﺪ ﺗﻌﻠﻤﻨﻲ ﻭﺗﻔﻬﻤﻨﻲ
ﺷﻨﻮ ﻻﺯﻡ ﺍﻟﺒﻨﻴﺔ ﺗﺘﺼﺮﻑ ﻭﻳﺔ ﺧﻄﻴﺒﻬﺎ ﺑﻬﻴﺞ ﻣﺮﺣﻠﺔ ﻛﻞ ﺍﻟﻤﻌﻠﻮﻣﺎﺕ ﺍﻟﻲ ﺣﺼﻠﺖ ﻋﻠﻴﻬﺎ
ﻛﺎﻧﺖ ﻣﻦ ﻣﺼﺎﺩﺭ ﻏﻴﺮ ﻣﺆﻫﻠﺔ ﺑﺄﻥ ﺗﻌﻄﻲ ﺍﻟﻨﺼﻴﺤﺔ
ﺻﺪﻳﻘﺎﺗﻲ ﺍﻟﻤﺮﺍﻫﻘﺎﺕ
ﻭﻣﻦ ﺍﺟﻴﺖ ﺍﺳﺄﻝ ﺍﻣﻲ
ﻛﺎﻥ ﺟﻮﺍﺑﻬﺔ ﺍﻟﻲ ﻋﻠﻰ ﺿﻮﺀ
ﺍﻥ ﺍﻧﻲ ﺍﺫﺍ ﺍﺗﺰﻭﺟﺘﺔ ﻭﺻﺮﺕ ﻋﻨﺪﺓ ﺑﺎﻟﺒﻴﺖ
ﺍﻭﻭﻭﻑ ﺍﺫﺍ ﻫﻴﺞ ﻳﻜﻮﻥ ﺍﻟﺰﻭﺍﺝ ﺑﻴﻦ ﺍﻟﻤﺮﺓ ﻭﺍﻟﺮﺟﺎﻝ
ﻓﻤﻦ ﺧﻼﻝ ﺗﺠﺮﺑﺘﻲ ﺍﻟﻔﺎﺷﻠﺔ ﻛﺮﻫﺖ ﺳﻴﺮﺓ ﺍﻟﺰﻭﺍﺝ ﻭﺍﻟﺮﺟﺎﻝ
ﺳﺎﻓﺮ ﻓﺮﺍﺱ ﻳﻮﻡ ﺛﺎﻧﻲ ﺍﻟﻔﺠﺮ
ﻭﺻﺎﺭ ﻛﻞ ﻳﻮﻡ ﻳﺘﺼﻞ ﻋﻠﻴﺔ
ﻓﺮﺍﺱ - ﻫَـﺎ ﺑﺸﺮﻱ ﺧﻮ ﻣﺎﺣﺠﻴﺘﻲ ﻷﺣﺪ ﻋﻦ ﺍﻟﻲ ﺻﺎﺭ
ﺳﻬﻰ ﺑﺼﻮﺕ ﻫﺎﻣﺲ
- ﻻ ﻣﺤﺠﻴﺖ ﺷﻲ ﺍﺧﺎﻑ
ﻓﺮﺍﺱ - ﺍﻱ ﻋﻔﻴﺔ
ﻛﻌﺪ ﻳﻄﻤﻨﻲ ﺣﺘﻰ ﻻ ﺍﺧﺎﻑ ﻭﺍﻧﻬﺔ ﺍﻟﻤﻜﺎﻟﻤﺔ ﻭﺭﺍﺡ
ﻭﺭﺓ ﺍﺳﺒﻮﻉ ﺍﺟﺘﻲ ﺍﺧﺘﻲ ﺭﻳﻢ ﺯﻋﻼﻧﺔ ﻟﺒﻴﺖ ﺍﻫﻠﻲ ﺭﺟﻠﻬﺎ ﺿﺎﺭﺑﻬﺎ
ﻭﺑﻮﻗﺘﻬﺎ ﻗﺘﻴﺒﺔ ﺭﺍﺡ ﺍﺗﻀﺎﺭﺏ ﻭﻳﺎﻩ ﻻﻥ ﻣﺪﻣﻴﻬﺔ ﺧﻄﻴﺔ ﻛﺴﺮﺕ ﺧﺎﻃﺮﻱ
ﺣﻀﻨﺘﻬﺎ ﻭﺍﺧﺬﺕ ﺑﻨﺘﻬﺎ ﻣﻦ ﺍﻳﺪﻫﺎ
- ﺍﻟﻠﻪ ﻳﻜﺴﺮ ﺍﻳﺪﻩ ﺷﻨﻮ ﺷﺒﻲ ﺍﺗﺨﺒﻞ ﻫﺬﺍ
ﻃﺒﻌﺎً ﺑﺎﺑﺎ ﻣﺴﺎﻓﺮ ﻟﻠﺸﻤﺎﻝ ﻋﻨﺪﺓ ﺷﻐﻞ
ﻭﻗﺘﻴﺒﺔ ﻣﻦ ﺷﺎﻑ ﺷﻜﻞ ﺭﻳﻢ ﺍﺗﺨﺒﻞ ﻭﺭﺍﺡ ﻫﺪ ﻋﻠﻰ
ﺯﻭﺟﻬﺎ
ﺍﺑﺎﻭﻉ ﻋﻠﻰ ﺍﻣﻲ ﻭﻫﻲ ﺗﻀﺮﺏ ﻋﻠﻰ ﺭﺟﻠﻬﺎ
- ﻋﺰﺓ ﺍﻟﻌﺰﺍﻧﻲ ﻳﻤﺔ ﺍﺣﻤﺪ ﺭﻭﺡ ﺍﺗﺼﻞ ﻋﻠﻰ ﻗﺘﻴﺒﺔ ﺷﻮﻑ ﺷﺴﻮﺓ ﻳﻜﻠﻚ ﻣﺘﻌﺎﺭﻙ ﻭﻳﺔ ﻋﻤﺎﺩ ﺭﺟﻞ ﺭﻳﻢ ﻭﺿﺎﺭﺑﺔ
ﺍﺣﻤﺪ - ﻳﻄﺒﺔ ﻃﻮﺏ ﺯﻳﻦ ﻳﺴﻮﻱ ﺑﻲ ﻫﺎﻟﻌﺎﺭ ﺷﻔﺘﻲ ﺷﻠﻮﻥ ﻣﻤﺜﻞ ﺑﺨﻠﻘﺘﻬﺎ ﻭﺍﻟﻠﻪ ﻟﻮ ﺍﻟﺰﻣﺔ ﺍﻧﻬﻲ
- ﻟﻚ ﻳﻤﺔ ﺍﻟﺸﻴﻄﺎﻥ ﺷﺎﻃﺮ ﻭﺧﺎﻑ ﻳﻤﻮﺕ ﺍﻟﻮﻟﺪ
- ﻟﺘﺨﺎﻓﻴﻦ ﻳﻮﻡ ﻫﺬﺍ ﻋﺎﺭ ﻣﻴﺼﻴﺮ ﺑﻲ ﺷﻲ
ﺍﺗﺼﻠﺖ ﻋﻠﻰ ﻗﺘﻴﺒﺔ ﮔﺎﻝ ﺟﺎﻱ ﺑﺎﻟﻄﺮﻳﻖ
ﺩﺧﻞ ﻗﺘﻴﺒﺔ ﻟﻠﺒﻴﺖ
ﻭﻋﻴﻮﻧﺔ ﺣﻤﺮ ﻣﻦ ﺍﻟﻐﻀﺐ
- ﺷﻮﻓﻲ ﺭﻳﻢ ﻫﺬﺍ ﺍﻟﺴﻜﻂ ﻛﺴﺮﺕ ﺭﺟﻠﻴﻪ ﻭﺍﻳﺪﻳﻪ ﺍﺗﻜﺴﺮ ﻭﺑﻌﺪ ﻣﺘﺮﺟﻌﻴﻠﺔ ﺍﻻ ﻳﺤﻔﻲ ﻭﻳﺠﻲ ﻳﺒﻮﺱ ﺍﻻﻳﺪﻳﻦ
ﺧﻄﻴﺔ ﺭﻳﻢ ﻣﺠﺎﻭﺑﺖ ﺍﻱ ﺷﻲ ﺑﺲ ﺗﺒﺠﻲ
ﺭﺣﺖ ﻛﻮﻣﺘﻬﺎ ﻭﺍﺧﺬﺗﻬﺎ ﻭﺩﺧﻠﺘﻬﺎ ﻟﻠﺤﻤﺎﻡ ﻭﻏﺴﻠﺖ
ﻭﺭﺣﺖ ﻟﻠﻤﻄﺒﺦ ﺣﻀﺮﺗﻠﻬﺎ ﺍﻛﻞ ﻻﻥ ﻭﻗﺖ ﻋﺸﺎ ﻭﺳﺌﻠﺘﻬﺎ ﻭﮔﺎﻟﺖ ﻻ ﻣﻤﺘﻌﺸﻴﻦ
ﺣﻀﺮﺕ ﺍﻟﺼﻴﻨﻴﺔ ﻭﺩﺧﻠﺖ ﻣﺮﺕ ﺍﺧﻮﻱ ﻗﺘﻴﺒﺔ ﺍﺳﻤﻬﺎ ﻟﻤﻴﺎﺀ
ﻃﺒﻌﺎً ﻫﺎﻱ ﻫﻨﺎ ﻣﺜﻞ ﺍﻟﺨﻄﺎﺭ ﺑﺲ ﺗﺎﻛﻞ ﻭﺗﻤﺴﺢ ﺑﻴﺪﻫﺎ ﻭﻻ ﻋﺒﺎﻟﻚ ﻫﺬﺍ ﺑﻴﺖ ﻋﻴﺎﻟﻬﺎ ﻭﻋﻠﻴﻬﺎ ﻭﺍﺟﺒﺎﺕ
ﻋﻨﺪﻫﺎ ﺍﻫﻢ ﺷﻲ ﻫﻲ ﻭﺯﻭﺟﻬﺎ ﻭﻫﺴﺔ ﺍﻟﺴﺖ ﺣﺎﻣﻞ
ﺍﻣﻲ ﻣﺘﺤﺐ ﺗﺼﺨﺮﻫﺎ ﺗﻜﻮﻝ ﻣﺎﺩﺍﻡ ﮔﺎﻳﻤﺔ ﺑﻮﺍﺟﺐ ﺭﺟﻠﻬﺎ ﻭﺭﺍﺿﻴﺘﺔ ﺧﻼﺹ ﻫﺬﺍ ﻫﻮ ﺧﻠﻴﻬﺎ ﺑﺮﺍﺣﺘﻬﺎ
ﻭﺍﺣﻨﺎ ﻣﻤﺤﺘﺎﺟﻴﻨﻬﺎ ﻭﻻ ﻣﺤﺘﺎﺟﻴﻦ ﻣﺴﺎﻋﺪﺗﻬﺎ ﺍﻧﺘﻲ ﻭﺍﺧﺘﺞ ﻣﻮﺟﻮﺩﺍﺕ ﻭﺗﺴﺎﻋﺪﻭﻧﻲ
ﺩﺧﻠﺖ ﻟﻤﻴﺎﺀ ﻋﻠﻴﺔ ﻭﺍﻧﻲ ﺩﺍﺍﺣﻀﺮ ﺑﺼﻴﻨﻴﺔ ﺍﻟﻌﺸﺎ ﻟﺮﻳﻢ
- ﺍﻭﻭﻭﻑ ﻫﻢ ﺍﺟﺖ ﺭﻳﻢ ﺯﻋﻼﻧﺔ ﺗﺮﺓ ﻭﺍﻟﻠﻪ ﻣﻴﺼﻴﺮ ﻫﻴﺞ
ﻳﻌﻨﻲ ﺍﺧﺘﺞ ﻻﺯﻡ ﺗﺤﺲ ﻭﺗﻜﻊ ﺑﺒﻴﺘﻬﺎ ﺗﺮﺓ ﻣﺸﺎﻛﻠﻬﺎ ﺯﺍﺩﺕ
ﻭﺩﺍﺗﺄﺛﺮ ﻋﻠﻰ ﺍﺧﻮﻫﺎ
- ﺷﻨﻮ ﻋﻴﻨﻲ ﺗﺮﺩﻳﻬﺎ ﺗﻨﻀﺮﺏ ﻭﺗﻨﻬﺎﻥ ﻭﺗﺴﻜﺖ ﻭﺍﻟﻠﻪ ﻋﻠﻤﻮﺩ ﺣﻀﺮﺗﺞ ﺍﻧﺘﻲ ﺗﺘﻨﺮﻓﺰﻳﻦ ﻭﺗﻀﻮﺟﻴﻦ
- ﻻ ﺣﺒﻴﺒﺘﻲ ﻣﻦ ﺣﻘﻲ ﺍﺿﻮﺝ ﻻﻥ ﺍﻟﻤﻮﺿﻮﻉ ﻳﺨﺺ ﺍﺑﻮ ﺑﻴﺘﻲ ﺍﻟﻲ ﻫﺪ ﻋﻠﻰ ﺭﺟﻠﻬﺎ ﻭﺍﺗﻌﺎﺭﻙ ﻭﻳﺎﻩ
ﻳﻌﻨﻲ ﺍﺫﺍ ﺻﺎﺭ ﻋﻠﻰ ﻗﺘﻴﺒﺔ ﺷﻲ ﺍﻧﻲ ﻣﻦ ﻳﻔﻴﺪﻧﻲ
ﺍﺧﺘﺞ ﻟﻮ ﺭﺟﻠﻬﺎ
- ﺣﺒﻴﺒﺘﻲ ﺍﻧﺘﻲ ﺍﻟﺸﻐﻠﺔ ﻣﺘﺨﺼﺞ ﻟﺘﺘﺪﺧﻠﻴﻦ ﺑﻴﻬﺎ
ﺍﺧﻮ ﻭﻳﺪﺍﻓﻊ ﻋﻦ ﺍﺧﺘﺔ ﻟﻴﻜﻮﻥ ﺣﻀﺮﺗﺞ ﺣﺘﻰ ﻫﺎﻱ ﺗﻌﺘﺮﺿﻴﻦ ﻋﻠﻴﻬﺎ
ﻋﻔﺘﻬﺎ ﻟﻮﺣﺪﻫﺎ ﺑﺎﻟﻤﻄﺒﺦ ﻭﻃﻠﻌﺖ ﻛﻼﻣﻬﺎ ﻳﺴﻢ ﺍﻟﺒﺪﻥ
ﺭﺣﺖ ﻭﻣﺮﻳﺖ ﻣﻦ ﻳﻢ ﺍﻣﻲ ﻭﺍﺧﻮﻱ ﻗﺘﻴﺒﺔ
ﻭﺻﻌﺪﺕ ﺍﻟﺼﻴﻨﻴﺔ ﻓﻮﻙ ﻭﺩﺧﻠﺖ ﻋﻠﻴﻬﺎ ﺷﻔﺘﻬﺎ ﺩﺗﻤﺸﻂ ﺷﻌﺮﻫﺎ ﺍﻟﻤﻬﻠﺲ ﺧﻄﻴﺔ ﻣﺒﻴﻦ ﺟﺎﺭﻫﺎ ﻣﻦ ﺷﻌﺮﻫﺎ ﺍﻟﻠﻪ ﻻﻳﺮﺿﻰ ﻋﻠﻴﻪ
ﺷﺎﻓﺘﻨﻲ ﺟﺒﺖ ﺍﻟﺼﻴﻨﻴﺔ
ﻭﻛﻌﺪﺕ ﺑﻨﺘﻬﺎ ﺟﺎﻧﺖ ﻧﺎﻳﻤﺔ
ﻭﻛﻌﺪﺕ ﺗﺎﻛﻞ ﻭﺍﻧﻲ ﺍﺧﺬﺕ ﺑﻨﺘﻬﺎ ﻣﻨﻬﺎ ﻭﺻﺮﺕ ﺍﻭﻛﻠﻬﺎ
ﻭﺍﺣﺠﻲ ﻭﻳﺎﻫﺔ
- ﺷﻨﻮ ﺷﺒﻲ ﻋﻤﺎﺩ ﻫﺎﻟﻤﺮﺓ ﺷﻨﻮ ﺳﺒﺐ ﺍﻟﻀﺮﺑﺔ
ﻣﻦ ﻛﻮﻥ ﻛﺴﺮ ﺑﻠﻴﺔ ﺟﺒﺮ ﺍﻟﺤﻴﻮﺍﻥ
- ﺳﻜﺘﻲ ﻏﻴﺮ ﻏﺴﻠﺖ ﻫﺪﻭﻡ ﻭﻋﻤﺘﻲ ﺍﺻﺮﺕ ﺍﻻ ﺍﺷﺮﻫﻢ ﻓﻮﻙ ﺑﺎﻟﺴﻄﺢ
ﺍﻧﻲ ﻛﻠﺘﻠﻬﺎ ﻋﻤﺔ ﻋﻤﺎﺩ ﻣﺎﻧﻊ ﻋﻠﻴﺔ ﺍﺻﻌﺪ ﻟﻠﺴﻄﺢ
ﻭﺍﻟﻠﻪ ﻫﻲ ﺩﻛﺖ ﺭﺍﺳﻬﺎ ﻭﺍﻟﻒ ﺳﻴﻒ ﺍﻻ ﺍﺻﻌﺪ
ﻫﻲ ﻣﻮ ﺗﺮﻳﺪ ﺍﻟﻤﺸﺎﻛﻞ ﻻ ﺑﺲ ﻣﺮﺕ ﺣﻤﺎﻱ
ﺍﺗﻌﺎﺭﻛﺖ ﻭﻇﻠﺖ ﺗﺤﺠﻲ ﺷﻤﻌﻨﺎ ﺭﻳﻢ ﻣﺘﺼﻌﺪ ﺗﺸﺮ ﺍﻟﻤﻼﺑﺲ ﻟﻴﺶ ﻛﻠﺔ ﺍﻧﻲ ﻟﻮ ﺗﺨﺎﻓﻮﻥ ﻣﻦ ﻋﻤﺎﺩ ﻭﺗﺴﻮﻟﺔ ﺣﺴﺎﺏ
ﻋﻤﺘﻲ ﻇﻠﺖ ﺗﺤﺠﻲ ﻋﻠﻴﻬﺎ
- ﻳﻤﺔ ﺭﻳﻢ ﺩﻛﺴﺮﻱ ﺍﻟﺸﺮ ﻭﺻﻌﺪﻱ ﺷﺮﻱ ﺍﻟﻤﻼﺑﺲ ﺗﺮﺓ ﻫﺎﻱ ﻛﻌﺪﺕ ﺗﺘﻌﺎﻳﻦ ﻭﻳﺎﺝ ﻭﺗﺪﻭﺭ ﺍﻟﻤﺸﺎﻛﻞ
ﺭﻳﻢ - ﻋﻤﺔ ﺑﺲ ﻋﻤﺎﺩ ﻣﻴﻘﺒﻞ
- ﻫﺴﺔ ﻫﻮ ﻋﻤﺎﺩ ﺷﻤﺪﺭﻱ ﺗﺼﻌﺪﻱ ﺻﻌﺪﻱ ﻭﻣﻌﻠﻴﺞ ﺍﻧﻲ ﺍﺣﺠﻲ ﻭﻳﺎﻩ ﺍﻛﻠﺔ ﺍﻧﻲ ﻛﻠﺘﻠﻬﺎ
ﺭﺣﺖ ﺑﻌﺪ ﻣﻜﺪﺭﺕ ﺍﻃﻮﺧﻬﺎ ﺷﺮﻳﺖ ﺍﻟﻤﻼﺑﺲ
ﻋﺰﺓ ﻭﺍﻧﻲ ﺑﺎﻟﺴﻄﺢ ﻭﺟﺎﻥ ﻳﺠﻴﻨﻲ ﻋﻤﺎﺩ ﺑﺲ ﺍﻧﮕﻠﺐ ﺷﻠﻮﻥ ﺍﻟﺸﻴﻄﺎﻥ ﻋﻠﻴﺔ
ﺳﺤﻠﻨﻲ ﺳﺤﻞ ﻣﻦ ﺷﻌﺮﻱ
ﺳﻬﻰ - ﺯﻳﻦ ﻋﻤﺘﺞ ﻭﻳﻦ ﻟﻴﺶ ﻣﺤﺠﺖ ﻭﻳﺎﻩ
- ﺷﺒﻴﺞ ﺍﻧﺘﻲ ﻳﺎﻋﻤﺘﻲ ﻳﺎﺑﻄﻴﺦ ﺍﻛﻠﺞ ﺍﺧﻮﺍﻧﺔ ﻳﺮﺩﻭﻥ ﻳﻔﻜﻮﻧﻲ ﻣﻨﺔ ﻣﺎﻛﻮ ﻣﻴﺘﻔﺎﻫﻢ ﺍﻣﺔ ﻇﻠﺖ ﺗﻐﻠﻂ ﻋﻠﻴﻪ ﻭﻃﻴﺤﺖ ﺣﻈﺔ ﺑﺲ ﻫﻮ ﻓﺎﻗﺪ ﻣﺨﺒﻞ ﻧﺰﻝ ﺑﻴﺔ ﻛﻠﺔ ﺑﻮﻛﺴﺎﺕ ﻋﺒﺎﻟﻚ ﺟﺎﻱ ﻳﻀﺮﺏ ﺑﺮﺟﺎﻝ
ﻭﺍﻟﻠﻪ ﺳﻬﻰ ﺍﺣﺲ ﺑﺮﻭﺣﻲ ﻣﻴﺘﺔ
ﻭﺍﻧﻲ ﻭﺍﻟﻤﻴﺖ ﺳﻮﻳﺔ ﻫﺴﺔ ﺍﻧﻲ ﺷﻨﻮ ﻋﻴﺸﺘﻲ
ﺍﺑﺎﻭﻉ ﻋﻠﻰ ﻧﺴﻮﺍﻥ ﺣﻤﻮﻳﻨﻲ ﺷﻠﻮﻥ ﻳﻄﻠﻌﻮﻧﻬﻦ ﻭﻳﺎﺧﺬﻭﻧﻬﻦ
ﻟﻠﺰﻳﺎﺭﺓ ﻟﻮ ﻟﻠﻤﺘﻨﺰﻫﺎﺕ ﻫﻤﺔ ﻭﺟﻬﺎﻟﻬﻢ ﻭﺍﻧﻲ ﺍﺑﺎﻭﻉ ﺑﻌﻴﻮﻧﻲ
ﻭﺍﻟﻠﻪ ﻣﺮﺍﺕ ﺍﺷﻮﻑ ﻫﻨﻮﺩﺓ ﺑﻨﺘﻲ ﺗﻈﻞ ﺗﺒﺠﻲ ﻭﺭﺍﻫﻢ
ﺧﻄﻴﺔ ﻃﻔﻠﺔ ﻭﺗﺮﻳﺪ ﺗﻄﻠﻊ
ﻭﺍﻻﺳﺘﺎﺫ ﻭﻻ ﻳﻤﺔ ﺍﺑﺪ
ﺑﺎﻭﻋﺖ ﻋﻠﻰ ﻭﺟﻪ ﺭﻳﻢ ﻭﺍﻻﺛﺎﺭ ﻣﺎﻟﻴﺔ ﻭﺟﻬﺎ ﻛﺴﺮﺕ ﺧﺎﻃﺮﻱ ﻣﺴﻮﻱ ﻭﺟﻬﺎ ﺧﺮﻳﻄﺔ ﺍﺑﻦ ﺍﻟﻠﺬﻳﻦ
ﻫﺴﺔ ﻫﺎﻱ ﺷﻨﻮ ﺷﺎﻓﺖ ﻣﻦ ﺣﻴﺎﺗﻬﺎ
ﺯﻳﻦ ﻭﺍﻧﻲ ﻫﻢ ﺭﺍﺡ ﺍﻋﻴﺶ ﻣﺜﻠﻬﺎ ﻟﻮ ﻣﺜﻞ ﺍﻣﻲ ﺍﻟﻲ ﻣﻦ ﺳﺎﻓﺮ ﺑﺎﺑﺎ ﺣﺴﻴﺖ ﺑﻴﻬﺎ ﺷﻲ
ﻭﻭﻛﻌﺖ ﻣﺮﻳﻀﺔ ﺑﺎﻟﻔﺮﺍﺵ
ﻭﻣﺘﺖ ﻗﻬﺮ ﻋﻠﻴﻬﺎ ﺣﺴﻴﺖ ﺍﻛﻮ ﺷﻲ ﺑﻴﻨﻬﺎ ﻭﺑﻴﻦ ﺍﺑﻮﻳﺔ
ﺭﻳﻢ ﻭﻫﻲ ﺗﺘﻠﻔﺖ ﻭﺗﺤﺠﻲ ﺑﺼﻮﺕ ﻫﺎﻣﺲ
- ﺍﻛﻮﻝ ﺳﻬﺎﻭﻱ ﺍﻣﻲ ﺷﺒﻴﻬﺎ
- ﻭﺍﻟﻠﻪ ﻋﻠﻤﻲ ﻋﻠﻤﺞ ﻳﻌﻨﻲ ﻣﻦ ﺳﺎﻓﺮ ﺑﺎﺑﺎ ﻟﺤﺪ ﻫﺴﺔ
ﺍﻣﻲ ﻣﻮ ﻋﻠﻰ ﺑﻌﻀﻬﺎ
ﺭﻳﻢ - ﻭﺍﻟﻠﻪ ﺧﻄﻴﺔ ﺍﻣﻲ ﺍﺷﻮﻑ ﺣﻴﺎﺗﻬﺎ ﻭﻳﺔ ﺍﺑﻮﻱ ﺍﺣﻤﺪ ﺍﻟﻠﻪ ﻭﺍﺷﻜﺮﺓ ﻋﻠﻰ ﻋﻤﺎﺩ ﻋﻠﻰ ﺍﻻﻗﻞ ﻋﻤﺎﺩ ﺍﻛﺪﺭ ﺍﻧﺎﻗﺸﺔ ﻭﻣﺮﺍﺕ ﻳﺴﻤﻌﻠﻲ ﺣﺠﺎﻳﺔ
ﺭﻳﻢ - ﺍﻱ ﺻﺪﻙ ﺍﻧﺘﻲ ﺷﻠﻮﻧﺞ ﻧﺴﻴﺖ ﺍﺳﺌﻠﺞ ﻋﻦ ﺧﻄﻴﺒﺞ ﻭﺑﺎﺭﻛﻠﺞ ﻋﻠﻰ ﺍﻟﻌﻘﺪ
ﻣﻦ ﺟﺎﺑﺖ ﺭﻳﻢ ﻃﺎﺭﻱ ﻓﺮﺍﺱ ﺣﺴﻴﺖ ﺑﮕﻠﺒﻲ ﺍﻧﻘﺒﺾ
ﻭﻋﺮﮔﺖ ﻭﻣﺤﻄﻴﺖ ﻋﻴﻨﻲ ﺑﻌﻴﻨﻬﺎ
- ﻫﺎﺍ ﺍﻟﻠﻪ ﻳﺒﺎﺭﻙ ﺑﻴﺞ ﺧﻴﺔ
ﻓﺮﺍﺱ ﺯﻳﻦ ﺍﻟﺤﻤﺪﻟﻠﻪ
ﻇﻠﻴﺖ ﺍﺑﻠﻌﻢ ﻭﻛﻼﻣﻲ ﻣﻤﺘﺮﺍﺑﻂ
ﺭﻳﻢ ﺑﺸﻚ - ﺷﻨﻮ ﺷﺒﻴﺞ ﺳﻬﻰ ﺍﺷﻮ ﻣﻮ ﻋﻠﻰ ﺑﻌﻀﺞ
ﺍﺣﺠﻴﻠﻲ ﺍﺳﻤﻌﺞ
ﺭﻳﻢ ﺍﺧﺘﻲ ﻭﺗﻌﺮﻓﻨﻲ ﻛﻠﺶ ﺯﻳﻦ
ﻭﺗﻌﺮﻑ ﻣﻦ ﻳﻜﻮﻥ ﻋﻨﺪﻱ ﻓﺪ ﺷﻲ
ﻓﺴﻠﻤﺖ ﺍﻣﺮﻱ ﻟﻠﻪ ﻭﺣﺠﻴﺖ ﻟﺮﻳﻢ ﻋﻦ ﻛﻞ ﺍﻟﻲ ﺻﺎﺭ ﺑﻴﻨﻲ ﻭﺑﻴﻦ ﻓﺮﺍﺱ
ﺭﻳﻢ ﺑﺨﻮﻑ ﻭﻫﻲ ﺗﻀﺮﺏ ﺧﺪﻭﺩﻫﺎ
- ﻋﺰﺓ ﺑﻌﻴﻨﺞ ﻳﺴﻬﻰ ﺷﻠﻮﻥ ﺗﺴﻠﻤﻴﻨﺔ ﻧﻔﺴﺞ ﺷﻨﻮ ﺍﻧﺘﻲ ﻏﺒﻴﺔ
- ﻟﺞ ﻭﺍﻟﻠﻪ ﺍﻧﮕﻠﺐ ﻋﻠﻴﺔ ﻣﺜﻞ ﺍﻟﻮﺣﺶ ﻣﻌﺮﻓﺖ ﺍﻓﻚ ﺭﻭﺣﻲ
ﺗﺼﺪﮔﻴﻦ ﻟﺤﺪ ﻫﺬﺍ ﻳﻮﻣﺞ ﺍﻧﻲ ﺍﻧﺰﻑ ﻣﺎ ﺍﻋﺮﻑ ﺷﻨﻮ ﻭﻟﻴﺶ ﺍﻧﺰﻑ
ﺭﻳﻢ ﻭﺍﻟﻠﻪ ﺍﻧﻘﻬﺮﺕ ﻋﻠﻰ ﺍﺧﺘﻲ ﺳﻬﻰ ﻣﻦ ﺳﻤﻌﺖ ﻛﻼﻣﻬﺎ ﻭﺗﺨﻮﻓﻬﺎ ﺍﻟﻠﻪ ﻳﺤﻔﻈﻬﺎ ﻣﻄﻔﻴﺔ
ﻭﻟﻮ ﻛﻠﻨﺎ ﻣﺤﺪ ﻋﻠﻤﻨﺎ ﺷﻲ ﻳﺼﻴﺮ ﺑﻴﻦ ﺍﻟﻤﺮﺓ ﻭﺍﻟﺮﺟﺎﻝ ﺍﻻ ﺑﻠﻴﻠﺔ ﺍﻟﺪﺧﻠﺔ ﻳﺎﻟﻠﻪ ﻧﻜﺪﺭ
ﻧﻌﺮﻑ ﻫﺬﺍ ﺍﻟﺴﺮ ﺍﻟﻌﻈﻴﻢ
ﻟﻜﻦ ﻣﺠﺘﻤﻌﻨﺎ ﻭﺍﻫﻠﻨﺎ ﻣﺠﺎﻱ ﻳﻜﺪﺭﻭﻥ ﻳﻔﺮﻗﻮﻥ ﺑﻴﻦ ﺍﻟﺘﻮﻋﻴﺔ ﻭﺍﻻﻧﺤﺮﺍﻑ ﻳﻌﻨﻲ ﻋﻨﺪﻫﻢ ﻋﻴﺐ ﺍﻟﺒﻨﻴﺔ ﺗﺴﻤﻊ ﻣﺜﻞ ﻫﻴﺞ ﻛﻼﻡ ﻟﺬﻟﻚ ﻧﺸﻮﻑ ﺍﻟﺒﻨﻴﺔ ﺍﻟﻲ ﺗﻜﻮﻥ ﻗﻠﻴﻠﺔ ﺍﻟﻤﻌﺮﻓﺔ ﻭﺍﻻﻃﻼﻉ ﺍﻛﺜﺮ ﻭﺣﺪﺓ ﻣﻌﺮﺿﺔ ﻟﻠﻮﻗﻮﻉ ﺑﺎﻟﺨﻄﺎﺀ ﺑﺪﻭﻥ ﺍﺩﺭﺍﻙ
- ﻟﺞ ﺳﻬﻰ ﻫﺬﺍ ﺍﺧﺬﺝ ﻳﻌﻨﻲ ﺍﻧﺘﻲ ﻫﺴﺔ ﻣﻮ ﺑﻨﻴﺔ
ﻫﻮ ﺷﻨﻮ ﻛﻠﺞ ﻣﻦ ﻭﻗﻊ ﺍﻟﻤﺤﻀﻮﺭ
- ﻛﺎﻝ ﻟﺘﺨﺎﻓﻴﻦ ﻭﻟﺘﮕﻮﻟﻴﻦ ﻷﻱ ﻭﺍﺣﺪ ﺍﻧﻲ ﺍﺧﺬﺗﺞ
ﻭﺍﻥ ﺷﺎﺀ ﺍﻟﻠﻪ ﻧﺘﺰﻭﺝ ﻭﺍﻫﻠﺞ ﻣﻴﻌﺮﻓﻮﻥ
......
ﻣﺮﺕ ﺍﻻﻳﺎﻡ ﻭﺑﺎﺑﺎ ﻻﺯﺍﻝ ﺑﺎﻟﺸﻤﺎﻝ ﻭﺭﻳﻢ ﺑﻘﺖ ﻋﺪﻧﺎ ﻫﻲ ﻭﺑﻨﺘﻬﺎ
ﻭﺍﺟﺔ ﻋﻤﻬﺎ ﻭﺍﺧﻮﺍﻥ ﺯﻭﺟﻬﺎ ﻳﻌﺘﺬﺭﻭﻥ ﻣﻦ ﺍﻫﻠﻲ ﻋﺎﻟﺼﺎﺭ
ﻭﻗﺘﻴﺒﺔ ﻛﻠﻠﻬﻢ ﺟﻴﺘﻜﻢ ﻋﻠﻰ ﺍﻟﻌﻴﻦ ﻭﺍﻟﺮﺍﺱ ﺑﺲ ﻣﻨﻜﺪﺭ ﻧﻔﺘﻲ ﺑﺎﻟﻤﻮﺿﻮﻉ ﺍﻻ ﻳﺮﺟﻊ ﺍﻟﻮﺍﻟﺪ ﻣﻦ ﺍﻟﺴﻔﺮ ﻭﺍﻧﻲ ﻟﻮ ﺑﻴﺪﻱ ﻣﺎ ﺍﺧﻠﻴﻬﺎ ﺗﺮﺟﻌﻠﺔ ﻻﻥ ﺍﺑﻨﻜﻢ ﻣﺼﺨﻬﺎ ﺷﻨﻮ ﻳﻤﺪ ﺍﻳﺪﺓ ﻋﻠﻴﻬﺎ ﻭﻳﻀﺮﺑﻬﺎ ﺷﻨﻮ ﻫﻠﻜﺪ ﻣﺴﺘﻬﺎﻥ ﺑﻴﻨﺎ ﻭﻋﺒﺎﻟﺔ ﻣﺎ ﻭﺭﺍﻫﺔ ﺯﻟﻢ
ﺗﻄﻠﻊ ﻋﻠﻴﻪ ﻭﺗﺎﺧﺬ ﺑﺤﻘﻬﺎ
ﻫﺬﺍ ﺍﻟﺤﺠﻲ ﻫﻤﺔ ﻳﺤﺠﻮﻥ ﻭﺍﻧﻲ ﻭﺭﻳﻢ ﻻﻃﺸﺎﺕ ﺍﻻﺫﺍﻧﺎﺕ
ﻋﻠﻰ ﺑﺎﺏ ﺍﻻﺳﺘﻘﺒﺎﻝ ﻧﺮﻳﺪ ﻧﺴﻤﻊ ﺷﻨﻮ ﻳﺤﺠﻮﻥ ﺑﺲ ﻭﺍﻟﻠﻪ ﺑﺮﺩ ﮔﻠﺒﻲ ﻗﺘﻴﺒﺔ ﻣﻦ ﺭﺩﻫﻢ ﻭﻓﻌﻼً ﻃﻠﻌﻮ ﻭﻣﻜﺪﺭﻭ ﻳﺮﺟﻌﻮﻥ ﺭﻳﻢ ﻭﻳﺎﻫﻢ
ﻭﻭﺭﺓ ﺳﺎﻋﺘﻴﻦ ﺳﻤﻌﻨﺎ ﻫﻮﺳﺔ ﺑﺎﻟﺒﺎﺏ ﻭﺳﻤﻌﺖ ﺻﻴﺎﺡ ﺍﺣﻤﺪ ﺍﺧﻮﻱ ﻭﺿﺮﺑﺔ ﺍﻟﺒﺎﺏ ﺻﻮﺕ ﻋﺎﻟﻲ
ﺭﻛﻀﺖ ﺭﻳﻢ ﻭﻫﻲ ﺗﺮﺟﻒ
ﺭﻳﻢ - ﻋﺰﺓ ﻫﺬﺍ ﻋﻤﺎﺩ ﺩﻳﺘﻌﺎﺭﻙ ﺑﺎﻟﺒﺎﺏ
ﺷﻔﺖ ﺍﻣﻲ ﻃﻠﻌﺖ ﻭﻫﻲ ﺩﺗﻠﺒﺲ ﺑﻌﺒﺎﻳﺘﻬﺎ ﻋﻠﻰ ﺭﺍﺳﻬﺎ
ﺍﻡ ﺳﻬﻰ - ﻣﻦ ﺳﺎﻋﺔ ﺍﻟﺴﻮﺩﺓ ﺍﻟﻲ ﺍﻧﻄﻴﻨﺎﻙ ﺑﻴﻬﺎ ﻣﺮﺓ
ﻃﻠﻌﺖ ﺑﺮﺓ ﺑﺒﺎﺏ ﺍﻟﺒﻴﺖ ﻭﺳﻤﻌﺖ ﺻﻮﺗﻬﺎ ﺗﺤﺠﻲ ﻋﻠﻰ ﻋﻤﺎﺩ
ﻭﺳﻤﻌﻨﺎ ﺻﻮﺕ ﻋﻤﺎﺩ ﻳﮕﻮﻝ ﺍﺭﻳﺪ ﻣﺮﺗﻲ ﻭﺑﻨﺘﻲ
ﺍﺣﻤﺪ - ﻟﻚ ﻋﺎﺭ ﺳﮕﻂ ﻣﺎ ﻋﻨﺪﻙ ﻣﺮﺓ ﻳﻤﻨﺎ ﺳﺎﻣﻊ ﻭﻟﻚ ﻧﺠﻮﻡ ﺍﻟﺴﻤﺎ ﺍﻗﺮﺑﻠﻚ ﻳﺎﻟﻠﻪ ﺍﻧﻜﺴﺢ ﻣﻨﺎ
ﻋﻤﺎﺩ - ﻣﺎ ﺍﺗﺤﺮﻙ ﻣﻨﺎ ﺍﻻ ﺗﻨﻄﻮﻧﻲ ﺑﻨﺘﻲ
ﺳﻬﻰ
ﺍﻫﻮﻭﻭ ﺭﺍﺡ ﻳﻠﺰﻡ ﺭﻳﻢ ﻣﻦ ﺍﻳﺪﻫﺎ ﺍﻟﺘﻮﺟﻌﻬﺎ
ﻭ ﻫﺎﻱ ﻣﺨﺒﻠﺔ ﻛﻠﺸﻲ ﻭﻻ ﺑﻨﺘﻬﺎ ﺑﺲ
ﻻ ﺗﻀﻌﻒ ﻭﺗﺴﺘﻠﻢ ﺍﻟﺔ ﻭﺗﺮﺟﻊ ﻭﻳﺎﻩ ﻋﻠﻤﻮﺩ ﺑﻨﺘﻬﺎ
ﻭﺭﺓ ﺭﺑﻊ ﺳﺎﻋﺔ ﻣﻦ ﺍﻟﻬﻮﺳﺔ ﺳﻤﻌﻨﺎ ﺻﻮﺕ ﺳﻴﺎﺭﺓ
ﻭﺑﻌﺪﻳﻦ ﺩﺧﻠﺖ ﺍﻣﻲ ﻭﺍﺣﻤﺪ ﻣﻦ ﺑﺎﺏ ﺍﻟﻤﻄﺒﺦ ﻭﺍﺣﻨﺔ ﻋﻴﻮﻧﺔ ﺗﺪﻭﺭ ﻭﺭﺍﻫﻢ
ﺳﻬﻰ .. ﻫَـﺎ ﻳﻮﻡ ﺷﻨﻮ ﺷﺼﺎﺭ ﺷﺴﻮﻳﺘﻮ ﻭﻳﺔ ﻋﻤﺎﺩ
ﺍﻡ ﺳﻬﻰ - ﻣﺴﻮﻳﻨﺎ ﺷﻲ ﺍﺟﻮ ﺍﺧﻮﺗﺔ ﻭﺳﺤﺒﻮﻩ ﻣﻦ ﺍﻟﺒﺎﺏ ﺍﻟﻈﺎﻫﺮ ﺍﺣﺪ ﻣﺨﺒﺮﻫﻢ ﻋﻠﻰ ﺟﻴﺔ ﺍﺧﻮﻫﻢ ﻟﻌﻨﺪﻧﺎ ﻭﺧﺎﻓﻮ ﺗﺼﻴﺮ ﻋﺮﻛﺔ
ﺍﺣﻤﺪ - ﻭﺍﻟﻠﻪ ﻟﻮ ﻣﻄﻮﻝ ﺷﻮﻳﺔ ﺟﺎﻥ ﺳﺤﻠﺘﺔ ﺳﺤﻞ ﺑﺲ ﺍﻟﻠﻪ ﺣﺎﺑﺔ ﺍﺟﻮ ﺍﺧﻮﺗﺔ ﻭﺍﺗﻼﺣﮕﻮﻟﺔ
ﺍﺑﺎﻭﻉ ﻋﻠﻰ ﺭﻳﻢ ﺑﺲ ﺗﻠﻮﺏ ﻣﺘﻌﺮﻑ ﺷﺘﺴﻮﻱ
ﻣﻦ ﺻﻌﺪﺕ ﻭﻳﺎﻫﺔ ﺑﺎﻟﻠﻴﻞ ﻭﻓﺮﺷﺘﻠﻬﺎ ﻭﻟﺒﻨﺘﻬﺎ ﺑﺎﻟﮕﺎﻉ ﻓﺎﺟﺌﺘﻨﻲ ﺑﻜﻼﻣﻬﺎ
ﺭﻳﻢ - ﺗﺪﺭﻳﻦ ﺳﻬﻰ ﺍﺣﺲ ﺑﺮﻭﺣﻲ ﺍﺳﺘﻌﺠﻠﺖ ﻭﺗﺮﻛﺖ ﺍﻟﺒﻴﺖ ﻭﻃﻠﻌﺖ ﺯﻋﻼﻧﺔ
ﺳﻬﻰ - ﻻ ﺣﺒﻴﺒﺘﻲ ﺑﺎﻟﻌﻜﺲ ﻳﻌﻨﻲ ﻟﻮ ﺑﺎﻗﻴﺔ ﺟﺎﻥ ﻋﺒﺎﻟﺔ ﺍﻧﺘﻲ
ﻣﺘﮕﺪﺭﻳﻦ ﺗﺮﺣﻴﻦ ﻻﻫﻠﺞ ﻭﻣﺤﺪ ﺭﺍﺡ ﻳﻜﺪﺭ ﻳﺎﺧﺬ ﺣﻘﺞ
ﺑﺎﻟﻌﻜﺲ ﺍﺣﺘﻤﺎﻝ ﻫﺎﻱ ﺍﻟﺨﻄﻮﺓ ﺍﻟﻲ ﺧﻄﻴﺘﻴﻬﺎ
ﺭﺍﺡ ﺗﺴﻮﻳﻠﺞ ﺣﻞ ﻭﺑﻌﺪ ﻣﻦ ﻳﺮﻳﺪ ﻳﻤﺪ ﺍﻳﺪﺓ ﻋﻠﻴﺞ ﺭﺍﺡ ﻳﺴﻮﻱ ﺍﻟﻒ ﺣﺴﺎﺏ ﻭﻳﻔﻜﺮ ﺍﻟﻒ ﻣﺮﺓ ﻗﺒﻞ ﻻ ﻳﻀﺮﺏ
ﺭﻳﻢ - ﻭﺍﻟﻠﻪ ﻳﺎﺭﻳﺖ
ﻣﺮﺕ ﺍﻻﻳﺎﻡ ﻭﺍﻧﺸﻐﻠﺖ ﻭﻳﺔ ﺭﻳﻢ
ﻭﺻﺮﺕ ﻳﻮﻡ ﻋﻦ ﻳﻮﻡ ﺟﺴﻤﻲ ﻳﻨﺤﻞ
ﺍﻡ ﺳﻬﻰ - ﻳﻤﺔ ﺳﻬﺎﻭﻱ ﺷﺒﻲ ﻭﺟﻬﺞ ﺍﺻﻔﺮ ﺍﺷﻮ ﻣﺎ ﻋﺎﺟﺒﻨﻲ ﺷﻜﻠﺞ
ﺷﻔﺖ ﺭﻳﻢ ﺟﺎﻧﺖ ﺗﻨﻈﻒ ﺍﻟﺨﻀﺮﺓ ﺍﺗﻮﻗﻔﺖ ﻭﻇﻠﺖ ﻓﺎﺗﺤﺔ ﻋﻴﻮﻧﻬﺎ ﻋﻠﻰ ﻭﺳﻌﻬﻦ ﻣﺜﻞ ﺍﻟﻲ ﺍﻧﺼﺪﻣﺖ
ﺳﻬﻰ - ﻭﺍﻟﻠﻪ ﻳﺎ ﺍﻣﻲ ﻣﺎ ﺍﻋﺮﻑ ﺷﻨﻮ ﺑﻴﺔ
ﺣﺘﻰ ﻣﻌﺪﺗﻲ ﮔﺎﻣﺖ ﺗﻮﺟﻌﻨﻲ ﻫﺎﻻﻳﺎﻡ
ﺭﻳﻢ - ﻣﺒﻴﺞ ﺷﻲ ﺑﺲ ﺗﺘﺪﻟﻌﻴﻦ
ﺷﻔﺖ ﺭﻳﻢ ﮔﺎﻣﺖ ﻭﺧﻠﺖ ﺳﻠﺔ ﺍﻟﺨﻀﺮﺓ ﻋﻠﻰ ﺍﻟﺴﻨﻚ ﻭﻃﻠﻌﺖ
ﺭﻳﻢ - ﺳﻬﻰ ﺍﺭﻳﺪﺝ ﺑﺸﻐﻠﺔ ﺑﺲ ﺗﻌﺎﻱ ﺷﻮﻳﺔ
ﺷﻔﺘﻬﺎ ﺻﻌﺪﺕ ﻓﻮﮒ
ﺭﺣﺖ ﺻﻌﺪﺕ ﻭﺭﺍﻫﺎ
ﺳﻬﻰ - ﺷﻨﻮ ﺭﻳﻢ ﻛﻮﻟﻲ ﺷﻨﻮ ﺗﺮﺩﻳﻦ
ﺭﻳﻢ ﺑﺼﻮﺕ ﻫﺎﻣﺲ
- ﺍﻛﻠﺞ ﺳﻬﻰ ﺷﻮﻛﺖ ﺍﺧﺮ ﺩﻭﺭﺓ ﺍﻟﺞ
ﻣﺠﺮﺩ ﺭﻳﻢ ﺳﺌﻠﺖ ﺍﻟﺴﺆﺍﻝ ﺍﻧﻲ ﺻﻜﻴﺖ ﺑﻤﻜﺎﻧﻲ
ﻭﻋﺮﻓﺖ ﻋﻠﻰ ﺷﻨﻮ ﺗﻠﻤﺢ
- ﻫﺎﺍ ﺍﺓﺓﺓ ﻓﺎﺗﺘﻨﻲ ﺻﺎﺭﻟﻬﺎ ﺍﺳﺒﻮﻋﻴﻦ
ﺭﻳﻢ - ﺍﻧﺘﻲ ﺩﻭﺭﺗﺞ ﻣﻨﺘﻀﻤﺔ ﻟﻮ ﻻ
- ﺍﻧﻲ ﺩﻭﺭﺗﻲ ﻛﻠﺶ ﻣﻨﺘﻀﻤﺔ
ﺑﺲ ﻣﺎ ﺍﻋﺮﻑ ﻟﻴﺶ ﻫﺎﻟﻤﺮﺓ ﺍﺗﺄﺧﺮﺕ
ﻃﺒﻌﺎً ﺍﺣﺠﻲ ﻭﻋﺒﺎﻟﻚ ﺍﺭﻳﺪ ﺍﻏﺎﻟﻂ ﻧﻔﺴﻲ
ﺭﻳﻢ ﻭﻫﻲ ﺗﻀﺮﺏ ﻋﻠﻰ ﻭﺟﻬﺔ
- ﺻﺨﺎﻡ ﻭﻟﺞ ﺳﻬﻰ ﺑﺲ ﻻ ﺣﺎﻣﻞ ﺍﻧﺘﻲ
- ﻻ ﻻ ﻋﻔﻴﺔ ﻟﺘﻜﻮﻟﻴﻦ ﻫﻴﺞ ﻻ ﺷﻨﻮ ﺣﺎﻣﻞ ﻣﻨﻴﻦ ﺍﺣﺒﻞ
- ﻭﻟﺞ ﻳﺎﻟﻤﻌﺰﺍﻳﺔ ﻧﺴﻴﺘﻲ ﻟﻮ ﺍﺫﻛﺮﺝ ﻟﺘﺴﻮﻳﻦ ﻧﻔﺴﺞ ﻏﺒﻴﺔ
- ﻻ ﻻ ﻭﺍﻟﻠﻪ ﻋﻘﻠﻲ ﻣﺪﺍﻳﺴﺘﻮﻋﺐ ﻛﻼﻣﺞ
- ﺷﻮﻓﻲ ﺧﻴﺔ ﺧﻠﻲ ﺍﻧﻄﻴﺞ ﺍﻳﺎﻫﺔ ﻣﻦ ﺍﻻﺧﻴﺮ ﺍﻧﺘﻲ ﺍﺣﺘﻤﺎﻝ ﻗﻮﻱ ﺣﺎﻣﻞ
ﺑﺲ ﺧﻠﻲ ﻧﺘﺄﻛﺪ ﺑﺎﻻﻭﻝ
ﻃﺒﻌﺎً ﻫﻲ ﺗﺤﺠﻲ ﻭﺍﻧﻲ ﺑﻄﻨﻲ ﺍﻧﻤﻐﺼﺖ
ﺑﺲ ﺧﻠﻲ ﺍﺷﻮﻑ ﺷﻠﻮﻥ ﺍﺩﺑﺮﻫﺎ ﻭﺍﺟﻴﺒﻠﺞ ﺷﺮﻳﻂ ﺍﺧﺘﺒﺎﺭ ﺣﻤﻞ ﻣﻦ ﺍﻟﺼﻴﺪﻟﻴﺔ
ﻭﺑﻌﺪ ﻓﺘﺮﺓ ﻛﺪﺭﺕ ﺭﻳﻢ ﺗﺪﺑﺮﻟﻲ ﺷﺮﻳﻂ ﺍﺧﺘﺒﺎﺭ ﺣﻤﻞ
ﻭﺣﻠﻠﺖ ﻭﻃﻠﻌﺖ ﺍﻟﻨﺘﻴﺠﺔ ﺍﻳﺠﺎﺑﻴﺔ ﻳﻌﻨﻲ ﺍﻧﻲ ﺣﺎﻣﻞ
ﻭﺑﻮﻗﺘﻬﺎ ﺍﻧﺘﻜﺴﺖ ﺣﺎﻟﺘﻲ ﻭﺍﺣﺘﺎﺭﺕ ﺭﻳﻢ ﺷﻠﻮﻥ ﺗﺪﺍﺭﻱ ﻋﻠﻰ
ﺍﻟﺴﺎﻟﻔﺔ
ﺭﻳﻢ - ﺷﻮﻓﻲ ﻫﺴﺔ ﺗﮕﻮﻣﻴﻦ ﺗﺘﺼﻠﻴﻦ ﻋﻠﻰ ﻓﺮﺍﺱ ﻭﺗﺤﺠﻴﻠﺔ
ﻋﻠﻰ ﺍﻟﻤﺼﻴﺒﺔ ﺍﻟﻲ ﺭﺍﺡ ﺗﻮﻛﻊ ﻓﻮﻙ ﺭﺍﺳﻨﺎ ﺍﺫﺍ ﻣﺎ ﺍﺗﺼﺮﻑ
ﻭﻛﻠﻴﻠﺔ ﺧﻠﻲ ﻳﺠﻲ ﻭﻳﺠﻴﺐ ﺍﻫﻠﺔ
ﻭﻳﺤﺠﻲ ﻭﻳﺔ ﺑﺎﺑﺎ ﻭﺍﺧﻮﺍﻧﻲ
ﺣﺘﻰ ﻳﺴﺘﻌﺠﻞ ﺑﺎﻟﺰﻭﺍﺝ
ﻭﺍﻟﻠﻪ ﻭﺳﻮﻳﺖ ﺍﻟﻲ ﻛﺎﻟﺖ ﻋﻠﻴﻪ ﺭﻳﻢ
ﺑﻮﻗﺘﻬﺎ ﻓﺮﺍﺱ ﺍﻧﺼﺪﻡ ﻣﻦ ﺍﻟﺨﺒﺮ ﻭﺍﻧﺨﺒﺺ ﺧﺒﺺ
ﻭﻭﻋﺪﻧﻲ ﺍﻧﻪ ﺭﺍﺡ ﻳﺠﻴﺐ ﺍﺑﻮﻩ ﻭﻳﺠﻲ ﻭﻳﺤﺠﻮﻥ ﻭﻳﺔ ﺑﺎﺑﺎ ﻳﮕﻠﻮﻟﺔ ﺍﻥ ﻫﻤﺔ ﻣﺴﺘﻌﺠﻠﻴﻦ ﻭﻋﻨﺪﻫﻢ ﻋﻤﻬﻢ ﺩﻳﺠﺎﻟﻊ ﻭﻳﺨﺎﻓﻮﻥ ﻳﻤﻮﺕ ﻭﺗﻄﻮﻝ ﺍﻟﺴﺎﻟﻔﺔ
ﻭﺟﺎﻥ ﻳﺮﺟﻊ ﺑﺎﺑﺎ ﻣﻦ ﺍﻟﺴﻔﺮ
ﻭﺍﻟﺘﻬﺔ ﺑﺴﺎﻟﻔﺔ ﺭﻳﻢ ﻭﺍﺟﻮ ﻋﻴﺎﻟﻬﺎ ﻭﺯﻭﺟﻬﺎ ﻭﻛﻌﺪﻭ ﻭﻳﺔ ﺑﺎﺑﺎ
ﺣﺘﻰ ﻳﻌﺘﺬﺭﻭﻥ ﻋﺎﻟﺼﺎﺭ
ﻭﺑﻮﻗﺘﻬﺎ ﺑﺎﺑﺎ ﻟﻌﺐ ﺑﻌﻤﺎﺩ ﻃﻮﺑﺔ
ﻭﺧﻼﻩ ﻣﻴﻨﺪﻝ ﺣﻠﻜﺔ ﻭﻫﻮ ﺑﺲ ﻣﺪﻧﻚ ﻭﻣﺤﺠﺔ ﺍﻱ ﺷﻲ
ﻭﺩﺧﻠﺖ ﻟﻌﻨﺪﻫﻢ ﺭﻳﻢ ﻭﺷﺮﻃﺖ ﻋﻠﻴﻪ
ﺍﻥ ﻳﺤﻄﻠﻬﺎ ﻧﻘﺎﻝ
ﻭﻗﺒﻞ ﺑﺸﺮﻃﻬﺎ
ﻭﺧﻠﺼﺖ ﺍﻟﺴﺎﻟﻔﺔ ﺑﺮﺟﻮﻉ ﺭﻳﻢ ﻭﺑﻨﺘﻬﺎ ﻟﺒﻴﺖ ﺍﻋﻴﺎﻟﻬﺎ ﻭﻇﻠﻴﺖ ﺍﻧﻲ ﻟﻮﺣﺪﻱ ﻣﺤﺘﺎﺭﺓ ﺑﺎﻟﻮﺭﻃﺔ ﻭﺍﻟﻮﮔﻌﺖ ﻓﻮﻙ ﺭﺍﺳﻲ
ﻭﺍﺗﺼﻠﺖ ﻋﻠﻰ ﻓﺮﺍﺱ ﺑﺎﻟﻠﻴﻞ ﻭﻛﻠﻲ ﺍﻟﺒﺎﺟﺮ ﺍﺣﻨﺎ ﺟﺎﻳﻴﻦ ﺍﻧﻲ ﻭﺍﺑﻮﻱ ﺑﺲ ﻋﺪﻧﺎ ﺳﺎﻟﻔﺔ ﺗﺨﻠﺺ ﻭﺍﺟﻴﻜﻢ
ﻭﺍﻟﻠﻪ ﻭﺟﺎﻥ ﻳﺼﻴﺮ ﻳﻮﻡ ﺛﺎﻧﻲ ﻭﺍﻧﺘﻈﺮﺕ ﺟﻴﺖ ﻓﺮﺍﺱ
ﻋﻠﻰ ﺍﺣﺮ ﻣﻦ ﺍﻟﺠﻤﺮ
ﺍﻧﻲ ﻣﺎ ﺍﺭﻳﺪ ﺍﻱ ﺷﻲ ﺑﺲ ﻛﻮﻥ ﺍﻟﻠﻪ ﻳﺴﺘﺮﻧﻲ
ﻳﻌﻨﻲ ﻭﺍﻟﻠﻪ ﻣﻴﺘﺔ ﻣﻦ ﺍﻟﺨﻮﻑ ﻣﻦ ﺍﻫﻠﻲ ﻭﺍﺧﻮﺍﻧﻲ
ﻭﺍﻟﻠﻪ ﺑﺲ ﻳﺪﺭﻭﻥ ﺑﺴﺎﻟﻔﺘﻲ ﻳﺬﺑﺤﻮﻧﻲ
ﻭﻣﺎﻳﺮﻓﻠﻬﻢ ﺟﻔﻦ
ﻇﻠﻴﺖ ﺍﺣﻮﻡ
ﻟﻤﻴﺎﺀ - ﺷﺒﻴﺞ ﺳﻬﻰ ﺑﺲ ﺗﻔﺘﺮﻳﻦ ﻭﺍﻟﻠﻪ ﺩﻭﺧﺘﻴﻨﻲ
ﺳﻬﻰ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﺍﺟﺘﻨﻲ ﻫﺎﻱ ﺍﻟﺜﺎﻧﻴﺔ ﻋﻠﻰ ﺍﻻﺳﺎﺱ ﺍﻧﻲ ﻧﺎﻗﺼﺔ
ﺳﻬﻰ - ﻣﺒﻴﺔ ﺷﻲ ﻫﺴﺔ ﺍﻧﺘﻲ ﺷﺪﻋﻮﺓ ﻋﻠﻴﺞ ﻣﺮﻛﺰﺓ ﻭﻳﺎﻱ
ﺟﻨﺖ ﺍﺣﺠﻲ ﻭﻳﺔ ﻟﻤﻴﺎﺀ ﻭﺑﻬﺎﻱ ﺍﻻﺛﻨﺎﺀ ﺳﻤﻌﺖ ﻋﻴﺎﻁ ﺍﻣﻲ
ﺭﻛﻀﻨﺎ ﺍﻧﻲ ﻭﻟﻤﻴﺎﺀ
ﺳﻬﻰ - ﺧﻴﺮ ﻳﻤﺔ ﺷﺒﻴﺞ
ﺍﺑﺎﻭﻉ ﻋﻠﻴﻬﺎ ﺗﻠﻄﻢ ﻭ ﺗﻀﺮﺏ ﻋﻠﻰ ﻭﺟﻬﺔ
ﺣﺴﻴﺖ ﺑﺠﺴﻤﻲ ﺑﺎﺩ
ﺍﺑﻮ ﺳﻬﻰ ﻭﻫﻮ ﻣﺪﻧﻚ ﺭﺍﺳﺔ
- ﺑﺎﺑﺎ ﺳﻬﺎﻭﻱ ﻓﺮﺍﺱ ﺍﻧﻄﺎﺝ ﻋﻤﺮﺓ ﻣﺎﺕ
...... ﺑﺘﺒﻊ
