تاريخ النشر : 08/27/2024, 14:41:45

الكاتبه زهراء الركابي 

ذي قار (القيثاره الذهبيه)

 

★★★★★★★

بتول: مصطفى طلكني مريد اكمل وياك 

ابداعت كل شي غالي عدك كافي عليه كسرت امي 

 

التفت عليه جنت متوقعته يهني بس 

الي صار العكس باس راسي و حجه بهدوء

 

مصطفى: انت مالج ذنب اكسرج خل اخلص شغلي و نجي نتفاهم عله هل موضوع تمام 

 

هزيتله راسي بقبول و هو طلع ايريد يروح ايطلع كلشي دافنته ابيتهم 

اخذت نفس و التفت البيبي الي جانت واكفه ذبيت نفسي بحضنه اخذتني و دخلت الغرفه الثانيه قرات قران عليه 

 

رسيل: بسج حبيبيه خليج كويه معرفتج هجي خيخه وما تحملين

 

ضحكت بعز دموعي و الحاله الكسيفه الي اني بيه بقيت يومين بلغرفه و لا اطلع و لا اطب و اخواتي وياي نطلب اكل و ناكل بالغرفه و ما نطلع ابد و لا عرفنه شصار اصلاً

 

مصطفى"

 

رجعت للبيت بعد ما رحت للنجف البيت هدوء استغربت كل مره ادخل و صريخ واصل لراس الشارع 

 

مصطفى: ها يمه شو هدوء خير ان شاءلله  

 

ضحكت امي و حجت : كله نايمه و الي يقره كلمن لاهيله بشغله

 

ابتسمت  و صعدت لغرفتنه لكيت الولد نايمين و الي يلعب بوبجي 

مصطفى:  ها يابه الله بلخير

 

الولد:  هله بيك كواك الله 

 

زياد: ها بشر شصار 

 

مصطفى: بت گـ.....  مسويه طلاك الابوي و امي و جنون المرت امير و مرض مستمر لختكم  و اني عقد لسان و ربط مدري شني ولكم داخ راسي و اني اذكر البيت شبي مكلوب كلاب 

 

ناصر: يعني هسه شنو اطلك بتول لو لا 

 

مصطفى: شتريد هي اسوي مريد اكسر بخاطره 

 

زياد: السحر بعده ما مفكوك 

 

ضحكنه عليه و اني فريت ايدي و جابوته ع غبائه 

 

مصطفى: ولك بت عمنه و شيوخ و كذا كدام خلك الله اطلكه خطيه لو اكسر خاطره 

 

ناصر: تحبه يعني لو شنو 

 

مصطفى: مو احبه بس هي صديقتي من الطفوله يمكن اكدر اتقبله 

 

ناصر:  مصطفى خطوبتكم مو علنيه طلكه لا تكسر البنيه هو عقد شيخ فض السالفه 

 

مصطفى: عقلي ما يجمع بعدني تعبان 

درت وجهي عنهم و نمت 

كعدت الصبح بدلت و رحت لبيت عمي و طلبت اشوف بتول لوحده اجتي عليه مبتسمه و عيونه مدمعه ابتسمتله بقهر لان اعرف ماله ذنب 

 

مصطفى:  هله تولايتي 

 

رفعت راسه بعد ما جانت منزلته 

 

بتول:  هلا  مصطفى 

 

حجيت بابتسما ماليه وجهي: اريد تحجيلي كل مشاعرج تجاهي اني هسه امام الله زوجج مو حرام تحجين مشاعرج شما كانت بدون احراج صدكيني اني متقبل كلشي تويله 

 

بتول:  انت مالك ذنب تتحمل منه كل الي صار الي اريده منك نبقه محافضين ع الحب الي بينه و علاقت الصداقه الي غلب ع رابط الزواج الي جان راح يصير الشي الي بينه صدك ميستاهل انكسه بسحر امي ولا خوفنه من الناس و كلامهم اني وياك جنه و لازلنه اصدقاء مستحيل انسه شون جنت بكل مره تسندني من افكر و اكول اني معدي اخ اذكرك من اوكع بشي و الكه ابوي لاهي بنسوانه 

و امي بسحورته اذكرك بس مجنت متوقعه راح حبي ياذيك 

 

رفعت راسي اله و حجيت بجديه و بسرعه انفي كلامه: عمرج ما اذيتيني ولا سمعتيني حجايه حتى الكلام و الاشياء الي صارت بفترت خطوبتنه جنه خطئانين بيه و اني اعترف خطائت و جاي اريد اكفر عن خطائي 

 

بتول: ابد والله و لا مره اذيتني كل مره جنت تتاذه بسببي من جنه نلعب ابيت جدي و تاخذ العقاب من جدي الله يرحمه و تنكتل بالخيزرانه بدالي لان نكسرت تحفيته و من الديوان اتلف طين و جدي نيمك بالشمس بدالي و اني الي دمرت و جان لازم اتعاقب بكل مره تاخذ عقاب و تتئاذه و هسه هم اخذت كلشي عني بعد شتتحمل مني 

 

ابتسمت و تقربت منه بست راسه و حطيت ايده بين اديه اهديه : تدرين كلهن ناسيهن و هسه ذكرتيني شنو رئيج اخذلي كف منج و تنسين اني تاذيت قبل 

 

ضحكت بنص دموعها و قهره حظنته الصدري 

 

مصطفى:  ما اريد اجبرج ع اي شي 

اريد تختارين حياتج بايدج و اني مساندج بكل قراراتج تردين نزوج اني مستعد هسه اروح محكمه نعقد تردين

سكتت مكدرت اكمل 

 

بتول: اريد ننفصل لا تخاف اني هذا تفكير صار ثالث ايام مستحيل و من سابع المستحيلات اخليك تكرهني فوك كرهك الي 

 

مصطفى: بيش احلفلج ما كارهج و لا اكرهج انت صديقتي دموعج مو هينات ينزلن اكبال عيني و ما اكدر امسحهن 

 

كمت عنه و حجيت بهدوء 

مصطفى:  اني اتركج تفكرين القرار الي تردينه خابري عليه و اني جاهز الكلشي 

 

وصلت للباب و صاحت 

بتول: عادي تبوس راسي مثل كل مره اني تعبانه حتى تهديني لان بعد متكدر تسويه 

 

مصطفى: صار،  رجعت عليه بست راسه 

 

: اتمنى تفكرين بعقل و انتي مرتاحه و بدون لا تفكرين بمشاعر احد و اذا البيت ضغط عليج اخذج يم ايناس معدي مشكله 

 

هزت راسه بقبول و كامت تبدل بقيت منتظره بره،  وصلته و نزلت ويها 

 

أيناس: هلا هلا والله نور البيت بجيتكم تفضلو 

 

ابتسمتله بتعب 

مصطفى: جايب بتول ترتاح يمج مريضه و بيتهم هوسه و بيتنه هم عاد انتم محد عدكم و انتي قريبه منه تعرفين شتحتاج 

 

أيناس:  افا والله ما تستاهل توله احطه بعيوني لا تخاف عليه و اذا مكان ميوسعه العين توسعه 

 

ودعتهن و طلعت شكد خلوقه هل ابنيه رغم متاذيه من امسه بس ما نطقت ولا مره و ذبت لوم على احد بكل مره اشوفها اقوا رغم خسراته اكبار

 

استغفرالله ربي على تفكيري بالبنيه و هي على ذمت اخوي قبل لا يكون ابن عمتي

 

بتول"

 

كعدت يم أيناس بقت بس تباوع بعيوني و كنما تريد تعرف جواب مني على حالتي

 

بتول : عادي ما سئالني لان اني معرف الجواب 

رفعت اديها و صاحت 

 

أيناس:  والعباس ما حجيت انتِ الي حجيتي تعالي ولج نامي بالغرفه محد يدخل عليج رايحه اسويلج عشه 

 

عافتني و نزلت صفنت بغرفه ايناس مرتبه مصلايته قران عطر صلاه ركن كامل لهجي شي ابتسمت لترتييه 

صدك بالعافيه ع أحمد عليه 

 

بقيت يومين عدهم طلبت منه نروح 

البيت اهلي ما اعترضت و كامت وياي كالت مخليج ترحين وحدج و صدك وصلتني للبيت و بقت وياي بالبيت 

بتول: بابا اني اريد انفصل 

 

ابو بتول:  مصطفى حلفني ما اضغط عليج بس اريد تطيني سبب 

 

بتول: بابا هذا زواج مو صح و انتَها النقاش عليك الله ما اكدر اناقش 

 

تنهد تنهيده طويله و هز راسه و كام من يمي بس حسيت بي تعب الدنيا و حمل دنيا ع ظهره بقت ايناس صافنه بوجهي و ما حجت 

 

بتول: ايناس لا تباوعين بوجهي هجي

 

ايناس: ما اتباوع بس اذا مشكله بسيطه تفاهمي ويا خطيه لا تكسرين قلبه 

 

بتول: بالعكس اني واكفه بطريق سعادته 

صدكيني اني الي مغلقه كل شيئ مكدر احجي اسباب، خليت تحت تاثير الصدمه 

و كمت لغرفتي استحيت اكل اله امي السبب جنت متمنيه بغير طريقه مخطوبين او بغير ضرف بس تحت هجي ضروف يعني جاي اجبره عليه و افرض نفسي عليه 

 

ثاني يوم العصر اجه عمي ابو ايناس و عمي ابو مصطفى و ابوي و بيبي يعني الكبار فقط مصطفى كالهم حجيت وي الشيخ جنت واكفه بالمطيخ و دخل عليه باس راسي 

 

مصطفى:  متاكده مراح تاذين مشاعرج اني مكدر اجبرج على شي الي يعجبج سوي بس متاكده 

 

هزيتله راسي و ماسكه دموعي بقوه حتى لا يغدرني و ينزلن سحبت نفس اهدي بنفسي بعد ما طلع و ايناس وياي متركتني شويه و صاحوني كالو اجه الشيخ جنت واكفه ورى الباب و الشيخ ينصح على انو الطلاك حرام و من هل سوالف بعدين كاله اذا مقتنعين الطرفين ارمين اليمن ابني 

 

طلقني مصطفى و اني ما ستحملت وكعت بالارض و صرت اشهك النفس كوه يطلع من صدري  هدتني ايناس و راح واحد من ولد عمي يوصل الشيخ دخل مصطفى لكاني منهاره نزل راسه و اخذ حسره و راد يطلع سمعنه صوت بيبي اصيح يمه ابني راح دخلنه للستقبال مفزوعين اولهم اني لان جنت متاكده ابوي شفته واكع و يريد يعض السانه دخلت ايدي بحلكه حتى ليعض اللسانه و يصير كارثه مصطفى شايله و اني امشي ويا بلسياره وصلنه مستشفى و للاسف ابوي نشل شلل نصفي حمدت الله وشكرته امي اطلكت و ابوي بقه ممدود بيومه كعدت بنص المستشفى ابجي و اصيح بلا وعي و ايناس تكوم بيه و تهديني نطفت الحياه بعينه كل بسبب غلطه من امي بسيطه دمرت حياتنه 

 

نور "

مرور اسبوعين ع عطله نص السنه للاعداديه تفاجئت بالحجيه تكعدني 

: نور يمه كومي صديقتج و عماتها جايات عليج 

 

عرفت سوها الخبل اجه يخطبني كمت رتبت نفسي و رشيت عطر و نزلت سلمت 

 

و مثل ما اتوقعت خطبه بكوني البنيه الوحيده اهلي نخبصو الي يسال على وضيفته الي على شكله الي على يخليني اكمل درسه اله واحد منهم الي هو ابوي سال اذا اني موافقه لو لا و يصوني و يحترمني لو لا  شكد حسيت بعزه و فخر بوكته 

 

ردينه الموافقه الهم حظرو همه كل شيء 

من قاعه و صالون و ديجي و الى اخره 

جان يوم اكثر من رائع لبست فستان شويه منفوش كريمي ع ذهبي 

وي الحجاب جنت كلش مرتاحه هجي 

و احس نفسي مستوره 

 

و اغنيهم جانت مواليد حسينيه هذا الي جنت اتمنى و فعلاً حقق اول امنيتين الي عقد و عرس بنفس اليوم وي كل شيء هادء و مرضي رب العالمين اخذني الكربلاء

وصلنه الكربلاء حاجزين بالفندق دخلنه الغرف عيوني تزرز هاي اول مره اكعد ويا وحدنا 

علي: حلوتي شبيج وجهج اصفر 

 

نور: هاا؟ 

ضحكت بكل قوته صوت ضحكته عالي يخليني ارجف فوك رجفتي وهو انتبه الي تقدم عليه باس راسي مبتسم 

علي: ولا توقعت ام السانين تنخرس هجي خرسه 

ابتسمت بدون لا اجوبه وانتفضت من مد ايده يوخر الطرح ويفتح بشال غلس على رجفتي وفتح الشال ونزل ايرد ينزعني حذاء انتفضت وكمت واني مرتبكه 

 

نور: لا علي ااا…اان…ااني انزعه 

 

علي: شبيج قلب قلبي لا تنفضين هجي تسحلين روحي وي كل رجفه

نزلت راسي مستحيه اريد اتبخر اريد كاع تنشك طمني مدري شريد ميتتته من الخجل على متوتره 

سحبت روحي لبست روب طويل على الخزي الي لبسته وطلعت لكيته كاعد يضحك بالتلوفن ويسولف ابتسمت على منظره انتبهلي وابتسم

 

علي: يله احمد لا تصير ملطلط كتلك توني وصلت لكربلاء…ولك مرتي ما ترضه تريدني هاك شوف عبست وجه راح تبجي

 

 ركضت سديت حلكه هو فاطس ضحك واسمع الي ويا هم يضحك وسد تلفون سحبني يحضن باس راسي يضحك 

 

علي: ايناس تكول نزلو صلو بين الحرمين ادعو لا تستهترون هسه بعد وكت 

 

نور: ها؛ هاي ايناس هجي كالت الي اعرفه ايناس تخجل منك كلشش 

ضحك وسحبني يطلع ملابس من جنطه اريد يلبسني حتى ننزل ومغلس على كلامي 

نزلنه صلينه وصعدنه للفندق دا نتعشه عكدت حاجبي مو تلفون بداله كل شويه واحد متصل

 

ابتسم من شاف اسم المتصل وعافه على جه يكمل اكله واني بعدني باول لكمه 

 

كمنه نام وحسيت على الفون يتصل ويرجع ينكطع يتصل ويرجع ينكطع تنفرز حيل وكام ينافخ شاف الفون ورد عليه 

 

علي: ابن القندره مصطفى والكعبه ارجعلك هسه معدي مانع لا تصير كـ......  

وبقه يفشر عليه فشار من العيار الثقيل انتبهل خانسه سد الفون قفله نهائي 

بعده بقينه بالفندق اسبوع و رجعنه 

 

عائلتهم كلش جبير و عدهم عادات غريبه 

بس حلوه أيناس جانت وياي و نسولف كلشي بينه و ماكو تعدي ع خصوصيات الغير بس نحجي بهدوء 

 

علي جان كلش لطيف و حباب و خلوق و انسان مهتم بشغله و يحب شغله صار صديقي قبل  لا يكون زوجي و حبيبي 

 

اقترح أحمد خطيب ايناس نتجمع ابيت المزرعه لان صار هواي همه ما مجمعين 

و فعلاً رحنه اني و علي بسيارته و منطلقين وهو على جوي ميشغل اغاني مثل ما اني اريد 

 

من جمعنه بالمزرعه جوهم يختلف بس احترام رئيهم ما كتلهم لا تشغلون وما ادخلت و كوني اني غريبه و اليوم ملتقين محترم ارء الكل وجوهم حلو و خاصه أحمد و أيناس من يندمجون بصعد مستحيل احد يوكفهم ركص ع اغاني ع شعر كل شيء عدهم اني اتباوعلهم و اصلي ع محمد لان صدك حلوين و مكسرين على كل الكاعدين 

 

أيناس "

 

أيناس:  أحمد نغني اني وياك بين العصر و المغرب 

ضحك هو  و هز راسه كام جاب ترمز المي يدك عليه و اني بديت اغني بصوتي المزنجر بس هو مطيني الضوء الاخضر صوتج احله من شيرين و احلام اني اضحك ادري بي يقشمرني بس اني متونسه 

 

أيناس: لا تضربني لا تضرب 

كسرت الخيزرانه 

صارلي سنه و ست اشهر 

من ظربتك وجعانه 

من ضربتك تعبانه

 

أحمد  :  والله لنصب مرجوحاه 

من سطوحي لسطوحا 

خلي يقولو حرامي

روح متعلكه بروحى

 

يوماً ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد