تاريخ النشر : 07/25/2024, 21:23:09

وأحسك تكبر بروحي..!

ويلوموني

وأنا بلا شوفتك شينفعن عيوني..؟

 

___________لهب البارود ________

 

بِسْمِ اللَّـهِ الرَّحْمَـٰنِ الرَّحِيمِ 

 

بارود "

بارود "  عجل اسمعي بويه هذا  راح اگوله ماريد بشر يعرفه،  اخذت نفس تذكر اول يوم اجت بي البيت ......؟!

 

عوده الماضي :

 

بارود " 

 

كعدت بنشاط لان، راح تجي اسمع أصوات اهلي كاعدين غسلت البست احلى شي عندي بوجهي ابتسامة فرح طلعت صباح الخير 

 

الأب -: صباح النور هلا يابه تعال جاي

 

-: تربعت يم ابوي واعاين وانا مبتسم 

 

-: شنو سر هاي ابتسامة من الصبح وكاعد دحج يولد شصاير اليوم حتى بارود يكعد بكلهذا النشاط،،،؟

 

-: حجيت وانا ماعين بوجه يابه يعني مازين كعدت حتى اساعدك بشغل احجيت اخر كلمه بفرح اليوم تجي عمتي

 

-: اي يابه اليوم تجي

 

بارد -: هناا زاد فرحي منتظر جيتهم على نار عجل انا اروح اشوف ولد العم طلعت تمشئ بالبستان الجو حلو نسمات الهوئ تهب بارده تحرك أوراق الشجر العصافير تغرد اخذتني رجليه الساگيه كعدت يمها الماي اليجري وصوته اكو فرحه بنص گلبي ينبض بسرعه احس يريد يطلع

 

روز "  وصلنه بيت جدي البيت اليضم كل العائلة وكل فرد هنا فرحي من اجي تجيني السعادة والفرح دخلت ركض البيت اعداد العائلة هواي ادور بعيني، نداريت لمحته رجعت نداريت شفته عيونه تلمع والضحكه مرسومة على وجه رحتله ركض رتميت بحضنه واحس بخجل اول مره الاحظه حاوطني اخذني الحضنه اكثر احس نار تطلع من وجهي بتعدت عنه مبتسمة شلونك 

 

بارود -: كاعد يم الساگيه سمعت صوتهم رجعت شفتها اجت دخلت وراها شفتها دور على شي بس شافتني اجتني ركض اخذتها بحضني بتعدت عني بخير انتِ شلونج 

 

-: اعصر بيديه مرتبكه، رفعت نظري نطقت زينه بس انا وياه العائلة مو بحاله اصلا الكل يعرف انا وبارود أصدقاء 

 

-: تعالي نروح نلعب الزمت ايدها اخذتها طلعنه نركض هي تضحك والهوى يطير شعرها مثل خيوط الحرير الشمس تصير على عيونها تنطي الون أخضر مثل أوراق الشجر وصلنه شجره الغلنطوز المعروفه بسم شجرة الغار جبيرة مسوين بيها مكان 

روز تدرين عيونج مثل الون الشجره انا احبهن 

 

: - ضحكت على كلماته وين بيتنه صعدت فوك الشجره مسوين مكان مثل البيت نكعد بي احساسي جانت مثل الفراشه التطير اطير وي الهوئ وارجع اضحك من گلبي خلصنه الوكت نلعب فرينه البستان كله صار المغرب 

 

: -بارود يلاا روز باجر نجي نلعب صار اليل هسه اهلنه يحجون علينه الزمت يدها مشيت هي ماتقبل ها شبيج 

 

: - اريد برتقال مناك اشرتله على شجرة البرتقال 

 

: - ولج مو هسه باجر شوفي الشمس بدت تغيب باجر الصبح اجيبلج منها يلاا اخذتها كوه ماتقبل ترجع دخلت البيت شردت الغرفه غسلت وبدلت خاف يشوفني ملابسي بيها تراب عدلت شعري طلعت كعدت يم ابوي هي كبالي من تبتسم ترتفع خدودها وتصير حمر ايديها صغار وناعمة كل شويه تبعد خصلات شعرها  مركز عليها اعرف كل حركه تصدر منها هيج انا حافظها 

 

-: روز خلص العشه كاعدين كلنه سوالفهم حلوه يشربون چاي وانا مركزه على كل واحد يحجي احسها قصه مو سالفه هواي طولنه بالكعده النعاس قلبني بديت اغمض عيوني وافتح اخر وجهه شفته وجه بارود يدحك بنص عيوني ونمت ،،،، 

 

: - بارود ادحك عليها شلون تغفئ وتفز ادحك على الون  عيونه،  نامت اجت امها شالتها بحضنها اخذتها وانا ادحك عليها الكل راح ينام امي حطت فراشي تمددت وانا بالي يمها مادري شلون نمت 

 

: - روز كعدتني امي فتحت عيوني شفتها تحضر غراضنه كعدت وخرت شعري من وجهي فركت أرنب خشمي بكف ايدي، اردفت  راح نرجع،؟ 

 

-: اي نرجع عجل شكد تبقين هينه يلاا تحضري روزه ورانا طريق 

 

: - خلوني هينه ماريد اروح من تجون ارجع وياكم 

 

-: لا أمي تروحين وياي يلاا تحضري لاتبقين كاعده 

 

: -اريدابقى هينه  بعدني ماقطفت برتقال من الشجره 

 

-: روحي اقطفي هسه بسرعه تعالي تانروح 

 

: - ركضت بسرعه عاينت ماكو بارود رحت الغرفه جان نايم بارود، صحت بصوت خفيف اشبه ابجي من القصه لان ماريداروح ، بارود اكعد تانروح ،

 

بارود "  فتح عيوني هي بوجهي وين تروحين؟ 

 

: - راجعين البيتنه كوم بسرعه بارود اريد برتقال من شجره الجبيره احسبه من ايده 

 

: - زين كمت غسلت وجهي تعالي اخذتها الشجره صعدت قطفت برتقال هي تحت بس تأشر انا اقطف كافي هذول جانو سته برتقالات نزلت هي أخذت ثلاثه وانا ثلاثه تعالي يم الساگيه كعدنه نگشر وناكل خلصنه بدينه نلعب بالمي يجري بارد وصافي منظره حلو كلش ماحسينه بالوكت له على صوت ام روز وهي تصيح روزه تأخرنا هنا روز ذكرت هي راح تروحين تعگر  وجها مشت منزعجه بقيت بمكاني ماحبيت اشوفها تروح مر الوكت وانا كاعد الجو ربيع حلوه 

 

روز " مشيت وانا مو حابة ارجع البيتنه طريق كله منزعجه عاد من شافوني كالو اسبوع ونرجع فرحت هواي لان اسبوع واشوف بارود فرحتي جانت واضحه تبدل مزاجي بسرعه اخذت الطريق ادحك على الشوارع والأشجار كل شجره اشوفها تذكر شجرة الغلنطوز ومكانه الحلو قطع خيالي وصولنه البيت 

 

: - بارود خلصت اليوم كله يم الساگيه وبيت الشجره الغروب رجعت البيت تعشينه كاعد اذكرت مكانها البارحه هذا الحب صار بالطفوله بس اذكر كل تفاصيلها وكل كلمه مستحيل شخص ينسى الحظات الحلوه او الشخص الي يحبة،

الكل راح ينام انا كاعد  اجه ابوي  كعد بصفي 

 

الأب: - خيرك كاعد لهلساعه متنام ؟ 

 

: -  يابه مو جايني نوم هسه 

 

: - دحك يول سوالفك ذول مو عليه بطلهن اهچب واكعد

 

: - هسه انا شمسوي كاعد يمك نحجي  

 

الأب: -  مو انا اعرف سوالفك انت ماتهچب  ديله هسه كوم نام تأخر الوكت 

 

بارود: -  يابه انت روح نام تحسسني كاطع ارزاقك 

 

: - اكو واحد يگول هيج كوم  هسه يللا  

 

بارود : -  أمرنا لله انا رايح انام تصبح على خير،   كعدت الصبح بين ماتريكت وغسلت طلعت الساگيه شفت باهر،  تعال هنا يول شجاي تسوي من الصبح 

 

باهر: -  ها يول  منتظرك تجي  

 

بارود "  اول تالي انت منتظرني شمسوي من مصيبه 

 

: - أفا عليك انا مامسوي شي بس تعاركت وي ابن عمتي كتلته من الصبح 

 

بارود: -  مو اني اعرفك ماتجي اله ومسوي مصيبه عليش كتلته بالله 

 

باهر : - عجل تريد اسكت عنه هو يحجي عليه دحك حطيته سحكت راسه

 

بارود " انت بس اذا اجو يكتولنك لاتصيحني انا رايح 

 

: - عجل تعوف صاحبك وحده يلاا امشي وياك مشينه رحت وياه نتمشى دحك هذيج الشجره البرتقال اجيب منها 

 

بارود: -  اي يلاا بس اول شي نسوي تحدي من يوصل اول 

 

باهر : - يعني سباق يلاا راح اعد ونركض واحد ثنين ثلاثه ركضت 

 

بارود"  ركضت قبله وصلت وصل باهر اوكف اخذ نفس سحبت نفس وصعدت على غصن گطعت وحده شمرتها على ألگاع گطعت الثانيه وثالثه نزلت باهر يلا وحده ونزل كعدت جوه الشجره ناكل 

 

باهر: - دحك لايجي عمي يچتله على هالبرتقالات مايقبل احد يگطع  منها 

 

: - اكل وانت ساكت  مايقبل لان انتَ  تكسر الغصن مو مثل الاوادم بس تگطع برتقال تكسر غصنها وتخلي عمي يرعد من وراك  

 

: - باهر اكلنه جيب الگشور نخفي ادله عمي كل يوم يطرك الكاع اخذت الگشور شمرتها بالماي يجي، ضحكت  هسه ماكو ادله علينه  بقيت وي بارود الضهر رجعت يلاا  نروح تغده 

 

بارود: -  خلص نص النهار وي باهر الوحيد انا  وهوَ صحبه باقي ولد عمامي غير عن باهر  نتعارك نتصالح اكثر وكتي وياه ماشي يلا مشينه البيت وانا  جوعان دخلت تلكتني ريحه الاكل طيبة كل عمامي كاعدين وعماتي  ماعدا عمتي ام روز هي الوحيده مزوجه بعيد كل أسبوع لو اسبوعين تجينه وهاي احبها لان ام روز تعال نغسل غسلنه انا وباهر  يمه جوعان صبيلي 

 

الام: - اي يمه عجل وين جنت انت وباهر من الصبح بس اريد اعرف شسون بالبستان كل يوم  

 

باهر: - عجل عمه غير زلم نطلع انشوف ارضنه 

 

بارود: - يم الساگيه هنا ورجعنه 

 

العم - دحك يول مارحتو صوب الشجر ترا اكسر رجليكم اني محذركم انتو الاثنين  

 

باهر: - عمي ترا هوة حلالنه بعدين مارحنه صوبه بس يم الساگيه ورجعنه مو بارود 

 

بارود : -  ابد ولا وصلنا دحگ علينه عمي بعدم تصيدق وسكت كل مرا يحذرنه مانسمع منه دحگت على باهر يضحك بالخفيه لان شمرنه قشور بالساگيه ضحكت على ضحكته، 

 

باهر: - عجل لو  اعرف عمك يصلخنه صلخ  رايحين صوب الشجر  كتله عمي اني اريد شجرة الي اكل منها لو اخرب كل شجراتك 

 

العم: - تاخرب وجهك بس توصل صوبهن انتو الاثنين فهمتو  

 

بارود: - سكتنه انا وباهر  كملنه اكل رحنه غسلنه كوم باهر نروح نفتر بالديرة

 

: - يول العصر مو هسه رايح انام ساعه 

 

: - انت متنام ساعه عشرين ساعه ماتكفيك العصر تعال انا رايح انام عفتو رحت تمددت ونمت  

 

:روز: -  يمه شوكت نروح البيت جدي مو كلتي اسبوع 

 

الام: - ماصار اسبوع يمه ابوج عنده شغل نهاية الأسبوع عطلته ونروح  

 

: - عجل شوكت اريد اروح هسه العب وي بنات خوالي ابقى يمهم 

 

: - لاا ماتبقين ترجعين وي خواتج ترا ماخذج مو تروحين هناك تبقين فهمتي 

 

روز: - زين مابقئ ارجع  طلعت منها وانا زعلانه ليش ماتقبل ابقى يم بيت جدي  طلعت العب وي بنات خالي اختي  نايمه انا وياها دائما نتعارك على اللعاب وكل شي ،

 

يتبع  البارت القادم ......

 

تصويت حبايبي القصه ومتابعه حساب واتباد  تعليقاتكم بين كل فقره تشجعني استمر 

 

دمتم في امان الله 

 

الكاتبه نور علي .

 

خُطىً تُجرُّ،

مُتَّكَأ متقلقلٌ،

جسدٌ واهٍ، ليغطَّ في سباتهِ على صخرةٍ سوداءٍ،

يلتحفُ حرارةَ الظهيرةِ؛

ليستعيذَ من كوابيسهِ عند الغروب.