تاريخ النشر : 09/02/2024, 07:51:13
البارت 9
...
ﺭﺟﻌﺖ ﻟﺒﻴﺖ ﺍﻫﻠﻲ ﻛﻠﺶ ﺗﻌﺒﺎﻧﺔ ﻭﺭﺍﺳﻲ ﻳﺮﻳﺪ ﻳﻄﻚ ﻣﻦ ﺍﻟﺘﻮﺗﺮ ﺍﻟﻲ ﺻﺎﺭ ﺍﻟﻴﻮﻡ ﻋﻤﺮﻱ ﻣﺎ ﺭﺍﺡ ﺍﻧﺴﺎﻩ
ﺩﺧﻠﺖ
ﻟﮕﻴﺖ ﺧﺎﻟﺘﻲ ﻣﻮﺟﻮﺩﺓ ﻋﺪﻧﺎ ﻫﻲ ﻭﺑﻨﺎﺗﻬﺎ
ﺳﻠﻤﺖ ﻋﻠﻴﻬﻢ ﺍﻧﺘﺒﻬﺖ ﻋﻠﻰ ﺍﻣﻲ ﺿﺎﻳﺠﺔ ﻭﻭﺟﻬﺎ ﻣﻴﺘﻔﺴﺮ
ﺩﻭﺭﺕ ﺑﻌﻴﻮﻧﻲ ﻋﻠﻰ ﺣﺴﻦ ﺍﺑﻨﻲ
- ﻳﻮﻡ ﺣﺴﻮﻧﻲ ﻭﻳﻦ ﺍﺷﻮ ﻣﺎﻛﻮ ﻣﺎﻟﺔ ﺻﻮﺕ ﻣﺎ ﺍﺟﺎﻧﻲ
ﻳﺴﺘﻘﺒﻠﻨﻲ ﻣﻦ ﺍﻟﺒﺎﺏ ﻣﺜﻞ ﻛﻞ ﻳﻮﻡ
ﺍﻡ ﺳﻬﻰ - ﺣﺒﻴﺒﺘﻲ ﺳﻬﺎﻭﻱ ﺣﺴﻦ ﺍﺟﺔ ﻋﻠﻴﻪ ﻋﻤﺔ ﺭﺍﺟﺢ ﺍﻟﻴﻮﻡ ﻭﺍﺧﺬﺓ ﻳﻜﻮﻝ ﺍﻟﻮﺍﻟﺪﺓ ﺭﺟﻌﺖ ﻣﻦ ﺍﻟﺨﺎﺭﺝ ﺟﺎﻧﺖ ﻣﺴﻮﻳﺔ ﻋﻤﻠﻴﺔ ﻭﺍﻟﻴﻮﻡ ﻳﺎﻟﻠﻪ ﻛﺪﺭﻭ ﻳﺎﺧﺬﻭﻩ
ﺣﺴﻴﺖ ﻭﺍﺣﺪ ﺧﻤﻂ ﺭﻭﺣﻲ ﻭﺗﺮﻛﻨﻲ ﻫﺸﺔ ﻭﺧﺎﻭﻳﺔ
ﺻﺮﺕ ﻣﺠﺮﺩ ﺟﺴﺪ
ﻛﻌﺪﺕ ﻋﻠﻰ ﺍﻗﺮﺏ ﻛﺮﺳﻲ ﺍﻟﻲ
ﺍﻧﺘﺒﻬﺖ ﻋﻠﻰ ﻭﺍﺣﺪ ﺧﻠﺔ ﺑﻴﺪﻱ ﻛﻼﺹ ﻣﻲ ( ﻣﺎﺀ )
ﺭﻓﻌﺖ ﺭﺍﺳﻲ ﺷﻔﺘﻬﺎ ﻧﻮﺭ ﺍﺧﺘﻲ
ﺍﻡ ﺳﻬﻰ - ﺷﺮﺑﻴﻠﺞ ﺷﻮﻳﺔ ﻣﻲ ﺑﻠﻠﻲ ﺭﻳﻜﺞ
ﺳﻬﻰ ﺑﺼﻮﺕ ﻓﺎﺭﻍ ﻭﺍﻫﻦ ﻣﺤﺴﻴﺖ ﻋﻠﻰ ﺩﻣﻮﻋﻲ ﻣﻦ ﻧﺰﻟﺖ
- ﻳﻮﻡ ﻟﻴﺶ ﺍﺧﺬﻭﻩ ﺍﻱ ﻣﻮﺟﺎﻥ ﻣﺮﺗﺎﺡ ﺑﺤﻀﻨﻲ
ﻭﺻﺤﺘﺔ ﺻﺎﺭﺕ ﺯﻳﻨﺔ ﻣﻦ ﺑﻌﺪ ﻣﺎ ﺟﺎﺑﻮﻩ ﺍﻟﻲ ﺟﻠﺪ ﻋﻠﻰ ﻋﻈﻢ ﺳﻮﺩﺓ ﻋﻠﻴﺔ ﻳﻤﺔ ﺣﺴﻮﻧﻲ
ﺍﺳﺄﻟﺞ ﺑﺎﻟﻠﻪ ﻳﻤﺔ ﻣﻦ ﺍﺧﺬﺓ ﻋﻤﺔ ﺧﻮ ﻣﺎ ﮔﺎﻡ ﻳﺒﺠﻲ ﻋﻠﻴﺔ
ﺍﺳﺄﻝ ﺍﻣﻲ ﻭﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﺍﻟﺤﻴﺎﺓ ﺷﻜﺪ ﻗﺎﺳﻴﺔ ﻭﺍﺑﺪ ﻣﻮ ﻣﻨﺼﻔﺔ
ﻻ ﻳﻜﺴﺮ ﺧﺎﻃﺮﻫﺎ ﻃﻔﻞ ﺻﻐﻴﺮ ﻭﻻ ﺗﺤﻦ ﻋﻠﻰ ﮔﻠﺐ ﺍﻡ ﻣﻠﺠﻮﻡ
ﺍﻡ ﺳﻬﻰ - ﻻ ﺑﺎﻟﻌﻜﺲ ﻓﺮﺡ ﻣﻦ ﺷﺎﻑ ﺳﻴﺎﺭﺓ ﻭﻃﻠﻌﺔ ﺭﻛﺾ ﮔﺪﺍﻡ ﻋﻤﺔ ﻃﺎﻳﺮ ﻣﻦ ﺍﻟﻔﺮﺡ
ﻃﺒﻌﺎً ﺍﻋﺮﻑ ﻛﻠﺶ ﺯﻳﻦ ﺍﻣﻲ ﺗﺮﻳﺪ ﺗﺼﺒﺮ ﻋﻠﻴﺔ
ﺑﺲ ﺍﻧﻲ ﺍﻋﺮﻑ ﺣﺴﻦ ﺍﺑﻨﻲ ﻣﺘﻌﻠﻖ ﺑﻴﺔ ﺧﺼﻮﺻﺎً ﻫﺴﺔ ﺑﺎﺧﺮ ﺍﺷﻬﺮ
ﺣﺴﻴﺖ ﺑﺮﻭﺣﻲ ﻻ ﺣﻮﻝ ﻭﻻ ﻗﻮﺓ
ﺍﺻﻌﺐ ﺷﻲ ﻋﻠﻰ ﺍﻟﺸﺨﺺ ﻣﻦ ﻳﻜﻮﻥ ﻣﺎﺑﻴﺪﺓ ﺷﻲ ﻳﻘﺪﻣﺔ
ﺍﻋﺮﻑ ﺍﺑﻨﻲ ﺣﺴﻦ ﺩﻳﻌﺎﻧﻲ ﻋﻨﺪ ﺍﻫﻞ ﺍﺑﻮﻩ ﻫﻮ ﻛﻠﺔ ﺑﻴﺪ
ﻧﺴﻮﺍﻥ ﻋﻤﺎﻣﺔ ﺍﻋﺮﻑ ﺑﻴﻬﻢ ﻣﺎ ﻳﻌﺎﻣﻠﻮﻧﺔ ﺑﻌﻄﻒ
ﻻﻥ ﺍﺑﻨﻲ ﻣﻦ ﺍﺟﺔ ﻣﻦ ﻋﻨﺪﻫﻢ ﺍﺧﺮ ﻣﺮﺓ
ﻣﻦ ﻧﺰﻋﺘﺔ ﻣﻼﺑﺴﺔ ﻛﺎﻥ ﺍﺛﺮ ﺍﺯﺭﻕ ﻋﻠﻰ ﺟﺴﻤﺔ ﻣﺜﻞ ﺍﻟﻀﺮﺏ
ﻫﻮ ﻃﻔﻞ ﺳﺄﻟﺘﺔ ﺑﻮﻗﺘﻪ ﮔﻠﻲ ﻋﻤﺔ ﺗﻮﺣﺎﺩ ( ﺳﻬﺎﺩ )
ﻭﺍﻟﻠﻪ ﺑﻴﻮﻣﻬﺎ ﮔﻤﺖ ﺍﮔﻤﺰ ﻣﻦ ﺍﻟﻘﻬﺮﺑﺲ
ﺷﻨﻮ ﺑﻴﺪﻱ ﺣﺠﻴﺖ ﻷﻣﻲ ﺗﮕﻠﻲ ﮔﻌﺪﻱ ﻭﺳﻜﺘﻲ
ﻛﻠﺸﻲ ﻟﺘﺤﺠﻴﻦ ﻻﻧﻮﺏ ﻳﺒﻄﻠﻮﻥ ﺑﻌﺪ ﻣﻴﺨﻠﻮﻧﺔ ﻳﺠﻲ ﻟﻌﻨﺪﺝ ﻋﻠﻰ ﺍﻻﻗﻞ ﻳﺠﻲ ﻭﺗﺸﻮﻓﻲ ﻭﺗﻄﻤﻨﻴﻦ ﻋﻠﻰ ﺍﺧﺒﺎﺭﻩ
ﺍﺣﺴﻦ ﻣﻦ ﻣﺎﻛﻮ
.......
ﻣﺘﺖ ﻗﻬﺮ ﺗﺮﻛﺘﻬﻢ ﻭﺭﺣﺖ ﺻﻌﺪﺕ ﻓﻮﻙ ﻟﻐﺮﻓﺘﻲ
ﻭﮔﻮﺓ ﺑﺪﻟﺖ ﻣﻼﺑﺴﻲ ﻧﺰﻋﺖ ﺍﻟﺠﺒﺔ ﺍﻻﺳﻼﻣﻴﺔ ﻭﺑﺎﻭﻋﺖ ﻋﻠﻴﻬﺎ ﻭﺷﻤﺮﺗﻬﺎ ﺑﺎﻟﮕﺎﻉ ﺑﺰﺍﻭﻳﺔ ﺍﻟﻐﺮﻓﺔ
- ﻭﺍﻧﺖ ﻫﻢ ﺭﺍﺡ ﻳﺠﻲ ﺍﻟﻴﻮﻡ ﺍﻟﻲ ﺗﺘﺮﻛﻨﻲ ﻟﻮﺣﺪﻱ ﻭﺗﺮﻭﺡ
ﺑﻌﺪ ﻣﻨﺎ ﻭﺭﺍﻳﺢ ﻣﺎ ﺍﺗﻌﻠﻖ ﺑﺄﺣﺪ ﻭﺍﻋﻠﻖ . ﻋﻠﻴﻪ ﺍﻻﻣﻞ
ﻭﻧﻤﺖ ﺟﻔﻲ ﻋﻠﻰ ﻭﺟﻬﻲ
ﻭﺣﻀﻨﺖ ﺑﺠﺎﻣﺖ ﺣﺴﻮﻧﻲ ﻭﺍﺷﻢ ﺭﻳﺤﺘﺔ ﺑﻴﻬﺎ
ﻭﺻﺮﺕ ﺍﺷﻬﻚ ﻭﺍﺑﺠﻲ ﻣﺜﻞ ﺍﻟﻄﻔﻠﺔ
ﻳﻤﺔ ﺣﺴﻮﻧﻲ ﺍﺑﻮ ﺟﺴﻢ ﺍﻟﺘﺮﻑ ﺷﻠﻮﻥ ﺑﻴﻚ ﻣﻨﻮ ﻳﺤﻤﻴﻚ ﻣﻦ ﺍﺛﺮ ﺿﺮﺑﺘﻬﻢ ﺻﺮﺧﺖ ﺻﻮﺕ ﻭﻛﺘﻤﺘﺔ ﺑﺎﻟﻮﺳﺎﺩﺓ
ﻳﺎ ﻧﺎﺱ ﺍﺭﻳﺪ ﺍﺑﻨﻲ
ﺑﺎﻟﺒﺪﺍﻳﺔ ﻣﻦ ﺍﺧﺬﻭﻩ ﻣﻨﻲ ﻛﻨﺖ ﻣﺄﻣﻨﺔ ﺍﻥ ﻫﻤﺔ ﺍﻫﻠﺔ ﻭﺭﺍﺡ ﻳﺪﻳﺮﻭﻥ ﺑﺎﻟﻬﻢ ﻋﻠﻴﻪ
ﻟﻜﻦ ﻣﻦ ﺍﺟﺎﻧﻲ ﻭﺻﺮﺕ ﺍﻻﺣﻆ ﺍﺛﺎﺭ ﺍﻟﻀﺮﺏ ﻋﻠﻰ ﺟﺴﻤﻪ ﮔﻤﺖ ﺍﺧﺎﻑ ﻋﻠﻴﻪ ﻣﻨﻬﻢ
ﺭﺑﻲ ﺑﺮﺩ ﮔﻠﺒﻲ ﺑﺎﺑﻨﻲ ﺭﺟﻌﺔ ﻟﺤﻀﻨﻲ
ﻣﺎ ﺍﻋﺮﻑ ﻫﻮ ﺍﻧﻲ ﺍﻟﻲ ﻣﺤﺘﺎﺟﺘﺔ ﻟﻮ ﻫﻮ ﺍﻟﻤﺤﺘﺎﺟﻨﻲ
ﺑﺲ ﺍﻟﻈﺎﻫﺮ ﺍﻧﻲ ﺍﻟﻲ ﻣﺤﺘﺎﺟﺔ ﻗﺮﺑﻪ
ﻻﻥ ﺍﻧﻲ ﻭﺣﺴﻦ ﻧﺸﺘﺮﻙ ﺑﻨﻔﺲ ﺍﻟﻤﻌﺎﻧﺎﺕ
ﺍﺣﻨﺎ ﺍﻻﺛﻨﻴﻦ ﻣﻨﻌﺮﻑ ﺷﻨﻮ ﻣﺼﻴﺮﻧﺎ ﺑﺎﻟﺤﻴﺎﺓ
ﻫﻮ ﺭﺍﺡ ﻳﻈﻞ ﻣﻦ ﺑﻴﺖ ﻟﺒﻴﺖ ﻭﺍﻧﻲ ﺭﺍﺡ ﺍﻇﻞ ﻣﻌﻠﮕﺔ
ﻻﻥ ﺍﺣﻨﺎ ﺍﻟﺜﻨﻴﻦ ﺩﻧﻌﺎﻧﻲ
ﻧﺘﻴﺠﺔ ﺛﻤﺎﺭ ﺍﻟﻌﺎﺭ ﺍﻟﻲ ﺩﻳﻠﺤﻜﻨﻲ ﺍﻟﻰ ﻳﻮﻣﻲ ﻫﺬﺍ
..
ﻧﻤﺖ ﻭﻣﺤﺴﻴﺖ ﺍﻻ ﺍﻣﻲ ﮔﻌﺪﺗﻨﻲ ﻣﻦ ﺍﻟﻨﻮﻡ
ﺍﻡ ﺳﻬﻰ - ﻟﺞ ﻳﻤﺔ ﺳﻬﻮﺓ ﺍﻟﺪﻧﻴﺎ ﻣﻐﺮﺏ ﻛﻌﺪﻱ ﻣﻴﺼﻠﺢ
ﺗﻈﻠﻴﻦ ﻧﺎﻳﻤﺔ ﻳﺎﻟﻠﻪ ﮔﻮﻣﻲ ﺧﺎﻟﺘﺞ ﺗﺴﺄﻝ ﻋﻠﻴﺞ ﺗﻜﻮﻝ ﺣﺘﻰ ﻣﺸﻔﻨﺎﻫﺔ
ﻛﻤﺖ ﻣﺜﻞ ﺍﻟﺮﺟﻞ ﺍﻻﻟﻲ ﺑﺎﻭﻋﺖ ﻻﻣﻲ ﻭﺍﻟﻠﻪ ﻛﺴﺮﺕ ﺧﺎﻃﺮﻱ
ﺻﺮﺕ ﺍﻋﺮﻑ ﺑﻤﺸﺎﻋﺮ ﺍﻻﻡ ﻭﺷﻠﻮﻥ ﺗﺤﺰﻥ ﻭ ﻳﻨﺸﻠﻊ ﮔﻠﺒﻬﺎ ﻋﻠﻰ ﺑﺰﺭﻫﺎ
ﻛﻤﺖ ﺑﻴﺔ ﻣﺎ ﺑﻴﺔ ﻟﺨﺎﻃﺮﻫﺎ
ﺷﻨﻮ ﺫﻧﺒﻬﺎ ﺍﻥ ﺍﻟﻠﻪ ﺍﻧﻄﺎﻫﺔ ﺑﻨﻴﺔ ﻓﺎﺷﻠﺔ ﻣﺠﺮﺩ ﻛﺎﺋﻦ ﺣﻲ ﻋﺎﺋﻞ
ﻧﺰﻟﺖ ﻭﺭﺍﻫﺔ
ﻭﻛﻌﺪﺕ ﻭﻳﺔ ﺧﺎﻟﺘﻲ ﻭﺑﻨﺎﺗﻬﺎ
ﻭﺻﺎﺭﻭﺍ ﻳﺤﺠﻮﻥ ﻭﻳﺴﻮﻟﻔﻮﻥ ﻭﺍﻧﻲ ﺑﺎﻟﻲ ﻣﻮ ﻳﻤﻬﻢ
ﺍﺣﺲ ﺭﺍﺳﻲ ﻭﻋﻈﺎﻣﻲ ﺗﺮﻳﺪ ﺗﻄﮓ
ﻛﻮﺓ ﻛﻤﻠﺖ ﻳﻮﻣﻲ ﻭﺍﺗﻤﻨﻴﺖ ﺍﺷﻮﻑ ﺍﻟﻤﺨﺪﺓ ﺍﺣﺲ ﺟﺴﻤﻲ ﺑﺎﻳﺪ ﻭﻣﺎ ﺑﻴﺔ ﺣﻴﻞ ﺍﻱ ﺷﻲ ﺍﺳﻮﻱ ﺣﺘﻰ ﻛﺎﻥ ﻋﻨﺪﻱ ﺍﻣﺘﺤﺎﻥ
ﻭﻻ ﻟﺰﻣﺘﺔ ﻭﻻ ﻗﺮﻳﺖ ﺍﻱ ﺷﻲ ﻣﻦ ﺍﻟﻤﺎﺩﺓ
ﺻﺒﺤﺖ ﻳﻮﻡ ﺛﺎﻧﻲ ﻓﻼﻭﻧﺰﺓ ﻗﻮﻳﺔ ﺑﻌﻈﺎﻣﻲ ﻭﺑﻼﻋﻴﻤﻲ ﻛﻮﺓ ﺍﺑﻠﻊ ﺭﻳﮕﻲ
ﻟﺬﻟﻚ ﻃﻠﺒﺖ ﻣﻦ ﺍﻣﻲ ﺗﺘﺼﻞ ﻋﻠﻰ ﺳﺎﺭﺓ ﻭﺗﻜﻠﻠﻬﺎ ﻣﺮﺍﺡ ﺃﺩﺍﻭﻡ ﺍﻟﻴﻮﻡ
ﻭﺍﻟﻠﻪ ﻭﻇﻠﻴﺖ ﻋﻠﻰ ﻫﺬﺍ ﺍﻟﺤﺎﻝ ﺛﻼﺙ ﺍﻳﺎﻡ ﻣﺪﺍﻭﻣﺖ
ﻛﻤﺖ ﮔﻮﺓ ﺍﻧﺰﻝ ﺟﻮﺓ ﻭﺍﮔﻌﺪ ﻭﻳﺎﻫﻢ ﻋﺎﻻﻛﻞ
ﺣﺘﻰ ﺍﻻﻛﻞ ﺍﺣﺲ ﺑﻲ ﻃﻌﻤﺔ ﻣﺮ ﺑﺤﻠﮕﻲ
ﺳﻤﻌﺖ ﺻﻮﺕ ﻧﻮﺭ ﺗﺼﻴﺢ ﻭﺗﺒﺠﻲ
ﻧﻮﺭ
ﻣﺴﺤﺖ ﺩﻣﻮﻋﻬﺎ - ﻳﻮﻡ ﻟﺘﻈﻠﻴﻦ ﺳﺎﻛﺘﺔ ﺍﺣﺠﻴﻠﺞ ﻛﻠﻤﺔ ﻳﻌﻨﻲ ﻋﺎﺟﺒﺞ ﻫﺬﺍ ﺍﻟﺠﺠﻲ
ﻳﻨﻬﻮﻥ ﻋﻠﻴﺔ ﺷﻨﻮ ﻭﻳﻦ ﻛﺎﻋﺪﻳﻦ
ﺗﺮﺓ ﻫﻮ ﻣﻮ ﺑﻜﻴﻒ ﻋﻤﻮ ﻗﺎﺳﻢ ﻳﻨﻬﻲ ﻋﻠﻴﺔ ﻻﺑﻨﺔ
ﺍﻣﺠﺪ - ﺍﺣﺘﺮﻣﻲ ﻧﻔﺴﺞ ﻭﺍﻭﻛﻔﻲ ﻋﺪﻝ ﻭﻟﺘﻌﻠﻴﻦ ﺻﻮﺗﺞ
ﺷﻨﻮ ﻭﻳﻦ ﺍﻻﺷﻜﺎﻝ ﺍﺑﻦ ﻋﻤﺞ ﻳﺘﻘﺪﻡ ﻟﺨﻄﺒﺘﺞ ﺍﺷﻮﻓﺔ ﻭﻟﺪ ﺯﻳﻦ ﻭﺷﺎﻏﻮﻝ ﻭﺳﺒﻊ
ﻧﻮﺭ - ﺑﻌﺪﻧﻲ ﺻﻐﻴﺮﺓ ﻭﻣﺎ ﻣﻔﻜﺮﺓ ﺑﺎﻟﺰﻭﺍﺝ
ﺳﻬﻰ - ﻣﺎﻛﻮ ﺍﺷﻜﺎﻝ ﺍﺑﻦ ﻋﻤﻲ ﻗﺎﺳﻢ ﻭﺍﻟﻨﻌﻢ ﺑﺲ ﻫﻲ ﺧﻄﻴﺔ ﻋﺎﻻﻗﻞ ﺧﻠﻴﻬﺎ ﺗﺎﺧﺬ ﺷﻬﺎﺩﺗﻬﺎ
ﻟﺘﻌﻴﺪﻭﻥ ﻏﻠﻄﺘﻲ ﻭﻏﻠﻄﺖ ﺭﻳﻢ ﻭﺗﺰﻭﺟﻮﻫﺎ ﻭﺗﻘﻀﻮﻥ ﻋﻠﻴﻬﺎ
ﺍﻣﺠﺪ - ﻋﻔﻮ ﻋﻠﻴﺞ ﺳﻬﻰ ﻭﺷﺘﺪﺭﻳﻦ ﺑﻴﺔ ﺍﺗﺨﺒﻞ ﻣﻦ ﺷﻐﻠﺔ ﺍﺑﻄﻞ ﻭﺣﺪﺓ ﻣﻨﻜﻢ ﻣﻦ ﺍﻟﺪﻭﺍﻡ ﻭﺍﻫﺪﻡ ﻣﺴﺘﻘﺒﻠﻬﺎ
ﺑﺲ ﺍﻧﺔ ﻗﺒﻞ ﻛﻠﺸﻲ ﺷﺮﻃﺖ ﻋﻠﻰ ﻋﻤﻲ
ﺍﻥ ﻧﻮﺭ ﺗﻨﺠﺢ ﻭﺗﺎﺧﺬ ﺷﺎﻫﺪﺗﻬﺎ ﻭﺗﺘﺨﺮﺝ ﻳﺎﻟﻠﻪ ﻳﻔﺘﺢ ﻣﻮﺿﻮﻉ ﺍﻟﺰﻭﺍﺝ ﻭﺍﻇﻦ ﺍﻟﺤﻖ ﻣﺎ ﻳﺰﻋﻞ
ﺳﻬﻰ ﺍﻟﺘﻔﺘﺖ ﻋﻠﻰ ﻧﻮﺭ - ﻫَـﺎ ﺑﻌﺪ ﺷﺘﺮﺩﻳﻦ .
ﺑﻌﺪ ﻣﺎ ﻛﻮ ﻣﺸﻜﻠﺔ ﻭﺳﺎﻟﻔﺖ ﺍﻟﺰﻭﺍﺝ ﺍﻧﺤﻠﺖ
ﻣﺘﺘﺰﻭﺟﻴﻦ ﺍﻻ ﺗﺎﺧﺬﻳﻦ ﺷﻬﺎﺩﺗﺞ
ﻧﻮﺭ - ﻫﺬﺍ ﻫﻮ ﺍﺫﺍ ﻭﺍﻓﻘﻮ ﻋﻠﻰ ﺷﺮﻭﻃﻜﻢ ﺧﻼﺹ ﺍﻧﻲ ﻣﻮﺍﻓﻘﺔ ﻣﺎﻋﻨﺪﻱ ﺍﻋﺘﺮﺍﺽ ﺑﺲ ﻫَـﺎ ﺍﻛﺪ ﻣﺎ ﻳﻨﻔﺘﺢ ﺍﻟﻤﻮﺿﻮﻉ ﺍﻻ ﺍﺗﺨﺮﺝ ﻳﺎﻟﻠﻪ
ﺍﻣﺠﺪ ﺑﺒﺘﺴﺎﻣﺔ - ﺍﻥ ﺷﺎﺀ ﺍﻟﻠﻪ ﻳﺼﻴﺮ ﺧﻴﺮ
ﺍﺑﺘﺴﻤﺖ ﻣﻦ ﺷﻔﺖ ﺿﺤﻜﺔ ﺍﻣﻲ ﻭﺍﻣﺠﺪ .
ﺷﻠﻮﻥ ﻧﺼﺐ ﻋﻠﻰ ﻧﻮﺭﻭﻫﻲ ﺧﺠﻼﻧﺔ
ﻭﺍﻟﻠﻪ ﻓﺮﺣﺘﻠﻬﺎ ﻣﻦ ﻛﻞ ﮔﻠﺒﻲ
ﻋﻠﻰ ﺍﻻﻗﻞ ﻭﺣﺪﺓ ﺑﻴﻨﺔ ﻳﮕﻌﺪ ﺣﻈﻬﺎ
ﺑﺲ ﻛﻮﻥ ﻋﻤﻲ ﻗﺎﺳﻢ ﻭﺍﺑﻨﺔ ﻳﺘﻔﺎﻫﻤﻮﻥ ﻭﻣﺎ ﻳﻌﺘﺮﺿﻮﻥ
ﺍﻡ ﺳﻬﻰ - ﻳﻤﺔ ﺳﻬﺎﻭﻱ ﺩﺗﻌﺎﻱ ﻭﻳﺎﻱ ﺧﻠﻴﻨﻲ ﺍﺧﺬﺝ ﻟﻠﻤﻀﻤﺪ
ﺍﺑﻮ ﻋﻼﺀ ﻳﻨﻄﻴﺞ ﺍﺑﺮﺓ ﻣﺎﻝ ﺍﻓﻼﻭﻧﺰﺓ ﺧﻮ ﻣﺎﺗﻈﻠﻴﻦ ﻫﻴﺞ
ﺻﺪﺭﺝ ﻣﻘﺒﻂ
ﺳﻬﻰ ﺑﻌﺠﺰ - ﻭﺍﻟﻠﻪ ﻳﻤﺔ ﻣﺎﺑﻴﺔ ﺣﻴﻞ ﻋﻮﻓﻴﻨﻲ ﺍﺷﺮﺏ ﺳﻮﺍﺋﻞ
ﻭﺍﺧﺬ ﻛﺒﺴﻮﻝ ﻭﺍﻧﻲ ﺍﻃﻴﺐ ﺍﺧﺎﻑ ﻣﻦ ﺍﻻﺑﺮﺓ
ﻇﻠﻴﺖ ﻋﻠﻰ ﻫﺎﻟﺤﺎﻝ ﻳﻮﻣﻴﻦ ﺣﺘﻰ ﺩﻭﺍﻡ ﻣﺪﺍﻭﻣﺖ
ﻟﻜﻦ ﻳﻮﻡ ﺛﺎﻟﺚ ﺍﺗﻔﺎﺟﺌﺖ ﺑﺴﺎﺭﺓ ﺻﺪﻳﻘﺘﻲ ﺍﺟﺘﻲ ﻟﻠﺒﻴﺖ
ﺣﺘﻰ ﺗﺸﻮﻓﻨﻲ ﻭﺻﻌﺪﺗﻠﻲ ﻓﻮﻙ
ﺳﺎﺭﺓ ﻭﻫﻲ ﺗﻨﻄﻲ ﻋﻠﺐ ﺍﻟﺒﻘﻼﻭﺓ ﻭﺍﻟﺸﻮﻛﻼ
ﺍﻡ ﺳﻬﻰ - ﻳﺎﺍﺍ ﺧﺎﻟﺔ ﺷﺪﻋﻮﺓ ﻫﻴﺞ ﻛﻠﻔﺘﻲ ﻧﻔﺴﺞ ﺑﺲ ﺟﻴﺘﺞ ﻛﺎﻓﻲ
ﺳﺎﺭﺓ : ﻻ ﺧﺎﻟﺔ ﻣﺴﻮﻳﺖ ﺷﻲ ﻫﺬﺍ ﻭﺍﺟﺐ ﻫﺴﺔ ﻫﻲ ﺷﻠﻮﻧﻬﺔ
ﺍﻡ ﺳﻬﻰ : ﻭﺍﻟﻠﻪ ﺧﺎﻟﺔ ﺍﺟﻴﺘﻲ ﺑﻮﻛﺘﺞ ﺧﻄﻴﺔ ﻭﻛﻌﺖ ﻣﺮﻳﻀﺔ ﻣﻦ ﻳﻮﻡ ﺍﻟﻲ ﺍﺧﺬﻭ ﺍﺑﻨﻬﺎ ﻣﻨﻬﺎ
ﺳﺎﺭﺓ : ﻳﺎ ﺳﻮﺩﺓ ﻋﻠﻴﺔ ﺣﺒﻴﺒﻲ
ﺍﻱ ﻣﻮ ﻻﻥ ﻫﺎﻟﻤﺮﺓ ﻃﻮﻝ ﻋﻨﺪﻫﺎ ﻫﻮﺍﻱ ﺍﺳﺘﻐﻔﺮ ﺍﻟﻠﻪ
ﺷﺎﻓﺘﻬﺎ ﺗﻜﺴﺮ ﺍﻟﺨﺎﻃﺮ ﻭﻻ ﻋﺒﺎﻟﻚ ﺫﺍﻙ ﺍﻟﻴﻮﻡ ﺗﻀﺤﻚ ﺟﻨﻬﺎ ﻭﺭﺩﺓ ﻭﻓﺮﺣﺎﻧﺔ ﺧﻄﻴﺔ
ﻫﺎﻱ ﺍﻟﺒﻨﻴﺔ ﺷﻜﻠﻬﺎ ﻣﺘﻮﻛﻌﻠﻬﺎ ﺍﻟﻔﺮﺣﺔ
- ﻟﺞ ﮔﻮﻣﻲ ﻛﺴﻮﻟﺔ ﻳﺎﻟﻠﻪ ﻛﺎﺿﻴﺘﻬﺎ ﻛﻠﺔ ﻧﻮﻡ
ﺍﻡ ﺳﻬﻰ - ﺧﺎﻟﺔ ﺍﻧﻲ ﻃﺎﻟﻌﺔ ﺍﻋﻮﻓﻜﻢ ﻟﻮﺣﺪﻛﻢ
ﺳﺎﺭﺓ ﻭﻫﻲ ﺗﻬﻤﺲ ﻳﻢ ﺍﺫﻥ ﺳﻬﻰ
- ﻟﺞ ﮔﻮﻣﻲ ﻋﻮﺑﺔ ﻟﻮ ﺗﺪﺭﻳﻦ ﺻﺎﺣﺒﻨﺔ ﺍﻟﺜﺎﺋﺮ ﺷﺴﻮﺓ ﺑﻴﺔ ﺍﻟﺒﺎﺭﺣﺔ ﻭﺍﻟﻴﻮﻡ ﻟﺞ ﺣﺮﮒ ﺍﻟﺪﻧﻴﺎ ﻋﻠﻰ ﺭﺍﺳﻨﺎ ﺍﻧﻲ ﻭﻋﺴﺎﻑ
ﮔﻮﻣﻲ ﻟﺞ ﺍﻟﻴﻮﻡ
ﺭﺍﺩ ﻳﺠﻴﺞ ﻫﻨﺎ ﻟﺒﻴﺘﻜﻢ ﻟﻮﻣﺎ ﻋﺴﺎﻑ ﺣﻠﻔﺔ ﻣﻴﺘﻬﻮﺭ
ﻭﻳﺴﻮﻳﻠﺞ ﻣﺸﺎﻛﻞ
ﺳﻬﻰ ﺟﻨﺖ ﺧﺎﻣﻠﺔ ﻭﻧﺤﻼﻧﺔ
ﺑﺲ ﻣﻦ ﺳﺎﺭﺓ ﺍﺟﺘﻲ ﻭﺳﻤﻌﺖ ﻛﻼﻣﻬﺎ
ﻭﺟﺎﺑﺖ ﺳﻴﺮﺗﺔ ﺍﻧﻲ ﮔﺒﻞ ﺣﺴﻴﺖ ﺑﮕﻠﺒﻲ ﻓﺰ ﺑﺎﻟﮕﻮﺓ ﻓﺘﺤﺖ ﻋﻴﻮﻧﻲ
ﻭﺑﺼﻮﺕ ﺧﺸﻦ ﻣﻦ ﺍﺛﺮ ﺍﻟﻔﻼﻭﻧﺰﺓ
- ﺻﺪﮒ ﻭﺍﻟﻠﻪ ﻇﻞ ﻳﺴﺄﻝ ﻋﻨﻲ
- ﻫﻬﻬﻬﻬﻪ ﻫﻠﺔ ﻫﻠﺔ ﺷﻠﻮﻥ ﺻﺤﺖ ﻣﻦ ﺳﻤﻌﺖ ﺑﻄﺎﺭﻱ ﺍﻟﺤﺒﻴﺐ
ﻟﺞ ﻟﻮ ﺗﺸﻮﻓﻴﻦ ﺷﻜﻠﺔ ﻣﻦ ﻳﺠﻲ ﻭﻣﻴﺸﻮﻓﺞ
ﺷﻠﻮﻥ ﻳﻈﻞ ﻳﺤﻮﻡ ﻭﻳﺪﻭﺭ ﺑﻌﻴﻮﻧﺔ ﻋﻠﻴﺞ
ﻭﻳﻈﻞ ﻳﺴﺄﻝ ﻛﺎﻟﺴﺎﻋﺔ ﻋﺒﺎﻟﺔ ﺷﺎﺭﺩﺓ ﻣﻦ ﻋﻨﺪﺓ
ﻋﺴﺎﻑ ﮔﻠﻲ
ﺛﺎﺋﺮ ﻳﻜﻮﻝ ﻫﺎﻱ ﺑﺲ ﻻﺑﻄﻠﻮﻫﺎ ﺍﻫﻠﻬﺎ
ﺧﺎﻑ ﻭﺍﺣﺪ ﻻﺟﺤﻬﺔ ﻳﻤﻲ ﻭﺍﻛﻔﺔ ﺑﺬﺍﻙ ﺍﻟﻴﻮﻡ
ﻟﺞ ﺣﺮﻙ ﻋﺴﺎﻑ ﺑﺎﻻﺗﺼﺎﻝ ﻣﺎ ﺍﺭﺗﺎﺡ
ﺍﻻ ﺳﻤﻊ ﻣﻨﻲ ﻛﺘﻠﺔ ﺗﺮﺓ ﺳﻬﻰ ﻣﺮﻳﻀﺔ
ﻟﺞ ﺍﻟﻴﻮﻡ ﺍﺟﺔ ﻭﺣﻤﻠﻨﻲ ﻋﻠﺐ ﺍﻟﺒﻘﻼﻭﺓ ﻭﺍﻟﺸﻜﻮﻻ
ﻻﻥ ﺍﻧﻲ ﺣﺪﻱ ﻗﻮﻃﻴﺔ ﺟﻜﻠﻴﺖ ﻭﺍﺷﻮﻓﻬﺔ ﺯﺍﻳﺪﺓ ﻋﻠﻴﺞ
ﺍﻧﻲ ﺍﺑﺘﺴﻢ ﻋﻠﻰ ﻛﻼﻡ ﺳﺎﺭﺓ
: ﻫَـﺎ ﺍﻱ ﺍﺗﺬﻛﺮﺕ ﻭﮔﻠﻲ ﻫﺴﺔ ﺗﺮﺣﻴﻦ ﻋﻠﻴﻬﺎ ﺑﻮﺟﻬﺞ
ﻭﻣﻦ ﺗﻮﺻﻠﻴﻦ ﻟﺒﻴﺘﻬﺎ ﺍﺗﺼﻠﻲ ﻋﻠﻴﺔ ﻭﺍﻧﻄﺎﻧﻲ ﺭﻗﻤﺔ ﻳﺮﻳﺪ ﻳﺤﺠﻲ ﻭﻳﺎﺝ
ﺳﻬﻰ - ﻋﺰﺓ ﻻﻻ ﺍﺍﺍ ﻣﺴﺘﺤﻴﻞ
ﻛﻌﺪﺕ ﻋﻠﻰ ﺣﻴﻠﻲ ﻣﻦ ﺳﻤﻌﺖ ﻛﻼﻡ ﺳﺎﺭﺓ ﻭﻭﺻﺮﺕ ﺍﻋﺪﻝ ﺑﺸﻌﺮﻱ ﻭﻛﺄﻥ ﺑﺲ ﻣﺠﺮﺩ ﺫﻛﺮ ﺍﺳﻤﺔ ﻳﻜﻔﻲ ﻳﺨﻠﻴﻨﻲ ﻋﻠﻰ ﺍﻫﺒﺔ ﺍﻻﺳﺘﻌﺪﺍﺩ ﻭﺍﺷﻌﺮ ﺑﺎﻟﺤﻴﺎﺓ
ﺷﻔﺖ ﺳﺎﺭﺓ ﻃﻠﻌﺖ ﺍﻟﻨﻘﺎﻝ ﻣﻦ ﺟﻨﻄﺘﻬﺎ
- ﺷﻨﻮ ﺷﺪﺗﺴﻮﻳﻦ
- ﺍﺗﺼﻞ ﻋﻠﻴﻪ ﻏﻴﺮ ﺣﺘﻰ ﻳﻄﻤﻦ
ﺧﻤﻄﺖ ﺍﻟﻨﻘﺎﻝ ﻣﻨﻬﺎ
- ﺩﺭﻭﺣﻲ ﻭﺍﻟﻠﻪ ﻟﻮ ﺗﻤﻮﺗﻴﻦ ﻣﺎ ﺍﺧﻠﻴﺞ ﺗﺘﺼﻠﻴﻦ ﻋﻠﻴﻪ ﺍﻧﺘﻲ ﺑﻜﻞ ﻋﻘﻠﺞ ﻫﺎﻱ ﺷﺒﻴﺞ ﺳﺎﺭﺓ ﻭﻳﻦ ﮔﺎﻋﺪﻳﻦ ﺗﺮﺓ
ﺻﺤﻴﺢ ﺍﻧﻲ ﻭﮔﻌﺖ ﻣﺮﻳﻀﺔ ﺑﺲ ﻋﻘﻠﻲ ﺑﻌﺪﺓ ﺑﺮﺍﺳﻲ
ﻭﺍﻟﻠﻪ ﻳﺎﻟﻠﻪ ﻻ ﻭﺑﻌﺪ ﺗﺮﻳﺪﻧﻲ ﺍﺣﺠﻲ ﻭﻳﺔ ﺍﻟﻮﻟﺪ ﻫﻨﺎ ﺑﺒﻴﺘﻨﺔ ﺑﻌﺪ ﻟﻴﺶ ﻣﺎ ﺍﺭﻭﺡ ﺍﻛﻌﺪ ﻳﻢ ﺭﺍﺱ ﺍﺣﻤﺪ ﺍﺧﻮﻱ ﺍﺿﺒﻂ
ﺣﺘﻰ ﻳﺼﻴﺮ ﻛﺘﻠﻲ ﻋﻤﻞ ﺷﻌﺒﻲ
- ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻠﺞ
ﺑﺲ ﺷﺪﻋﻮﺓ ﻋﻠﻴﺞ ﻋﻠﻰ ﺍﻻﻗﻞ ﺑﺲ ﺷﻮﻓﻲ ﺷﻴﺮﻳﺪ
ﺍﻱ ﻣﻮ ﺷﻠﻌﺘﻲ ﮔﻠﺒﺔ
ﻭﻟﺞ ﻭﺍﻟﻠﻪ ﻟﻮ ﺗﺴﻤﻌﻴﻦ ﻋﺴﺎﻑ ﺷﻴﻜﻮﻝ
ﻳﮕﻮﻝ ﻋﻨﺪﺓ ﺷﻐﻞ ﺍﻟﺪﻧﻴﺎ ﻋﻠﻰ ﺭﺍﺳﺔ ﻭﻏﺮﻛﺎﻥ ﻭﻣﻔﺎﺭﻍ ﻳﺤﻚ ﺭﺍﺳﺔ ﺑﺲ ﺧﻄﻴﺔ ﻳﻔﺮﻍ ﻧﻔﺴﺔ ﺑﺎﻟﻜﻮﺓ ﻋﺸﺮ ﺩﻗﺎﻳﻖ
ﻋﻠﻤﻮﺩ ﻳﺮﻳﺪ ﻳﺠﻲ ﻳﺸﻮﻓﺞ ﻭﻳﺤﺠﻲ ﻭﻳﺎﺝ ﺑﻤﻮﺿﻮﻉ
ﺩﻧﻜﺖ ﺭﺍﺳﻲ ﺑﺤﺰﻥ
- ﺳﺎﺭﺓ ﺧﻠﻴﻨﺎ ﻻﻧﻀﺤﻚ ﻋﻠﻰ ﻧﻔﺴﻨﺎ
ﺍﻧﺘﻲ ﺗﻌﺮﻓﻴﻦ ﻛﻠﺶ ﺯﻳﻦ ﺍﻧﻲ ﻟﻴﺶ ﺩﺍﺍﻗﺎﻭﻡ ﻭﺍﺭﻓﺾ
ﻻﻥ ﺍﻋﺮﻑ ﺍﻭﻝ ﻭﺗﺎﻟﻲ
ﺑﺜﺎﺋﺮ ﺑﺲ ﺭﺍﺡ ﻳﺴﻤﻊ ﺑﻤﻮﺿﻮﻉ ﺧﻄﻮﺑﺘﻲ
ﻭﺳﺎﻟﻔﺘﻲ ﺭﺍﺡ ﻳﺒﻄﻞ ﻭﻳﺸﺮﺩ ﻭﺑﻌﺪ ﻣﺮﺍﺡ ﺍﺷﻮﻑ ﻭﺟﻬﺔ
ﺣﺎﻟﺔ ﺣﺎﻝ ﺍﻟﺒﻘﻴﺔ ﺍﻟﻲ ﻗﺒﻠﺔ
ﺻﺤﻴﺢ ﺍﻧﻲ ﻣﺎ ﺍﺗﺄﺛﺮ ﺑﺎﻟﻨﺎﺱ ﺍﻟﻲ ﻳﺸﺮﺩﻭﻥ ﻣﻦ ﻳﺴﻤﻌﻮﻥ ﺑﺴﺎﻟﻔﺘﻲ
ﺑﺲ ﺛﺎﺋﺮ ﻣﻮ ﺍﻱ ﻭﺍﺣﺪ ﻳﺨﺘﻠﻒ ﻋﻦ ﺍﻟﺒﻘﻴﺔ
ﺛﺎﺋﺮ ﻏﻴﺮ ﻟﺞ ﻫﺬﺍ ﺍﺗﻌﻠﻚ ﺑﮕﻠﺒﻲ ﻭﺧﺎﻳﻔﺔ
ﺣﻴﻞ ﻣﻦ ﺭﺩﺓ ﻓﻌﻠﺔ ﺑﺘﺠﺎﻩ ﺳﺎﻟﻔﺘﻲ
ﻣﺎ ﺍﺗﻮﻗﻊ ﺭﺍﺡ ﻳﺘﻘﺒﻠﻨﻲ ﺍﺣﺘﻤﺎﻝ ﻳﺸﺮﺩ ﺑﺮﻭﺣﺔ ﺍﻟﻌﺰﻳﺰﺓ
ﻭﺑﻮﻗﺘﻬﺎ ﻣﺎ ﺍﻛﺪﺭ ﺍﺗﺤﻤﻞ ﺭﻓﻀﺔ ﺍﻟﻲ
ﻳﻤﻜﻦ ﺍﻣﻮﺕ ﻣﻦ ﺍﻟﻘﻬﺮ
ﻭﻣﺮﺍﺡ ﺍﻛﺪﺭ ﺍﻛﻮﻡ ﻭﺍﻭﻛﻒ ﻋﻠﻰ ﺭﺟﻠﻲ
ﻭﺍﺩﺍﻭﻱ ﺟﺮﻭﺣﻲ ﻣﻦ ﺟﺪﻳﺪ
ﻻﻥ ﺍﺻﻌﺐ ﻛﺴﺮ ﻫﻮ ﻛﺴﺮﺓ ﺍﻟﻘﻠﺐ
ﺑﻴﻮﻣﻬﺎ ﺭﺍﺣﺖ ﺳﺎﺭﺓ ﻟﺒﻴﺘﻬﻢ
ﻭﻛﻤﺖ ﺳﺒﺤﺖ ﺷﻮﻳﺔ ﺣﺴﻴﺖ ﺷﻮﻳﺔ ﺻﺤﺘﻲ ﺻﺎﺭﺕ ﺯﻳﻨﺔ
ﻧﺰﻟﺖ ﻭﺷﻔﺖ ﺍﻣﺠﺪ ﻳﺤﺠﻲ ﻋﻠﻰ ﺍﺣﻤﺪ
ﺍﻣﺠﺪ - ﻟﻚ ﻟﻴﺶ ﻫﻴﺞ ﺳﻮﻳﺖ ﺑﺎﻟﺒﻨﻴﺔ ﻭﻃﻠﻜﺘﻬﺎ
....
ﺍﺣﻤﺪ - ﺧﻠﻲ ﺗﻮﻟﻲ ﻣﺎ ﺍﺭﻳﺪﻫﺎ ﻭﺍﻟﻠﻪ ﺑﻌﺪ ﻟﻮ ﻳﺼﻮﻏﻮﻧﻬﺎ ﺫﻫﺐ ﻣﺎ ﺍﺭﻳﺪﻫﺎ ﻭﻻ ﺍﺭﺟﻌﻬﺎ
ﺍﻡ ﺳﻬﻰ - ﻟﻴﺶ ﺍﺳﺘﻌﺠﻠﺖ ﻭﻃﻠﮕﺘﻬﺎ ﻋﻠﻰ ﺍﻻﻗﻞ ﺧﻞ ﻧﺸﻮﻓﻬﺎ ﻭﻧﻜﻌﺪ ﻧﺤﺠﻲ ﻭﻳﺔ ﺍﻫﻠﻬﺎ
ﺍﺣﻤﺪ - ﻳﻮﻡ ﻣﺎ ﺍﺭﻳﺪ ﻻ ﺍﻛﻌﺪ ﻭﻳﺔ ﺍﻫﻠﻬﺎ ﻭﻻ ﺍﻧﺘﻈﺮ ﻟﺤﻈﺔ ﻭﺣﺪﺓ ﺗﺒﻘﻰ ﻋﻠﻰ ﺫﻣﺘﻲ
ﺧﻠﻲ ﺗﻮﻟﻲ ﻫﺎﻟﺤﻴﻮﺍﻧﺔ ﻟﺞ ﻳﻮﻡ ﺭﺣﺖ ﻟﺸﺮﻛﺔ ﺍﻻﺗﺼﺎﻻﺕ ﻭﺟﺒﺖ ﺍﻟﻘﺎﺋﻤﺔ ﺍﻻﺗﺼﺎﻝ ﻣﺎﻟﺘﻬﺔ
ﻃﻠﻌﺖ ﻣﻦ ﺍﻟﺼﺒﺢ ﻟﻠﻴﻞ ﺗﺤﺠﻲ ﻭﻳﺎﻩ
ﻣﻜﺎﻟﻤﺎﺕ ﺩﻙ ﻭﺍﻧﻲ ﺍﺳﺄﻟﻬﺎ ﻟﻴﺶ ﻣﺸﻐﻮﻝ ﻭﻭﻳﺎﻣﻦ ﺗﺤﺠﻲ ﺗﻜﻠﻲ ﻭﻳﺔ ﻣﺎﻣﺎ
ﻭﺍﺣﻨﺎ ﻳﺎﻏﺎﻓﻠﻴﻦ ﺍﻟﻜﻢ ﺍﻟﻠﻪ ﺧﻠﻲ ﺗﺤﻤﺪ ﺭﺑﻬﺎ ﻣﻮ ﺯﻳﻦ ﻣﻨﻲ ﻣﺎ ﺫﺑﺤﺘﻬﺎ
ﺍﺳﻤﻊ ﻛﻼﻣﻬﻢ ﻇﻠﻴﺖ ﻣﺼﻔﺼﺔ ﺍﺳﺘﻐﻔﺮ ﺍﻟﻠﻪ
ﻫﺠﻤﺖ ﺑﻴﺘﻬﺎ ﻭﺧﺴﺮﺕ ﺣﻤﻠﻬﺎ ﺑﺴﺒﺐ ﺍﻟﻀﺮﺏ ﺍﻟﻲ ﺍﺗﻌﺮﺿﺘﻠﺔ ﻣﻦ ﺍﺣﻤﺪ ﻭﻃﺮﺣﺖ ﻛﻠﺔ ﻋﻠﻤﻮﺩ ﻋﻼﻗﺔ
ﻏﻴﺮ ﺷﺮﻋﻴﺔ ﻭﺍﻟﻠﻪ ﻳﺎ ﺩﻧﻴﺎ ﻋﺠﻴﺒﺔ ﻧﻌﻴﺶ ﻭﻧﺸﻮﻑ
.................
ﺛﺎﺋﺮ
ﻭﻫﻮ ﻛﺎﻋﺪ ﺑﻤﻜﺎﻧﺔ ﺍﻟﺨﺎﺹ ﺑﺎﻟﻤﺰﺭﻋﺔ
ﻳﺸﺮﺏ ﻧﺮﻛﻴﻠﺔ
ﻭﻳﺤﺲ ﺑﻨﺎﺭ ﺗﺠﻮﻱ ﺑﺼﺪﺭﺓ ﻭﻏﻀﺐ
ﻣﻦ ﻭﺭﺓ ﺳﻬﻮﺓ ﮔﻠﺒﺔ ﺍﻟﻲ ﺍﺗﻮﻏﻠﺖ ﺑﺮﻭﺣﺔ
ﻭﺗﻌﺸﻌﺸﺖ ﺟﻮﺓ ﮔﻠﺒﺔ ﺑﺪﻭﻥ ﻣﺘﺮﻓﻊ ﺻﺒﻊ ﻭﺍﺣﺪ
ﺣﺘﻰ ﺗﻠﻔﺖ ﺍﻧﺘﺒﺎﻫﻲ ﺍﻭ ﺗﺴﻌﻰ ﻟﻘﺮﺑﻲ
ﻭﺩﺍﺋﻤﺎً ﺗﺤﺎﻭﻝ ﺍﻟﻬﺮﻭﺏ ﻣﻦ ﻋﻨﺪﻱ
ﺑﺲ ﻣﻊ ﺍﻻﺳﻒ ﻗﺒﻞ ﻳﻮﻣﻴﻦ ﻛﻨﺖ ﺍﺣﺠﻲ ﻭﻳﺔ ﻋﺴﺎﻑ ﻃﻠﺒﺖ ﻣﻨﺔ ﻛﻢ ﻣﻌﻠﻮﻣﺔ ﻋﻦ ﺳﻬﻰ ﻻﻥ ﻗﺮﺭﺕ ﺍﺧﻄﺒﻬﺎ ﻣﻦ ﺍﻫﻠﻬﺎ ﻟﻜﻦ ﺻﺪﻣﻨﻲ ﺑﻴﻮﻡ ﮔﻠﻲ
............
ﻋﺴﺎﻑ : ﻭﺍﻟﻠﻪ ﺛﺎﺋﺮ ﻣﺎ ﺍﻋﺮﻑ ﺷﻨﻮ ﺍﮔﻠﻚ ﺑﺲ ﺍﻟﺒﻨﻴﺔ
ﻣﺘﻔﻴﺪﻙ ﻻﻥ ﺍﻋﺮﻑ ﺍﻧﺘﺔ ﻭﺍﻫﻠﻚ ﺷﻨﻮ ﺗﺪﻭﺭﻥ
ﺛﺎﺋﺮ ﺍﻧﺨﻤﻂ ﮔﻠﺒﻲ ﻣﻦ ﻭﺭﺓ ﻛﻼﻡ ﻋﺴﺎﻑ
: ﺷﻨﻮ ﺷﺒﻴﻬﺎ ﺳﻬﻰ
ﻋﺴﺎﻑ : ﻭﺍﻟﻠﻪ ﻫﻲ ﻣﺒﻴﻬﺔ ﺷﻲ
ﻭﺍﻟﻠﻪ ﻓﻮﻙ ﺍﻟﺮﺍﺱ ﺍﻟﺒﻨﻴﺔ ﺍﺷﺮﻑ ﻣﻦ ﺍﻟﺸﺮﻑ
ﻟﻜﻦ ﻋﻨﺪﻫﺎ ﻣﺎﺿﻲ ﺍﻧﻲ ﻋﻨﻲ ﺍﺷﻮﻓﺔ ﻣﺎﺑﻲ ﺷﻲ
ﺑﺲ ﺍﻋﺮﻑ ﺑﻄﺒﻌﻜﻢ ﺍﻧﺖ ﻭﺍﻫﻠﻚ ﻭﺍﺩﺭﻱ ﺑﻴﻜﻢ ﻣﺮﺍﺡ
ﻳﺼﺮﻓﻠﻜﻢ ﻭﺿﻌﻬﺎ
ﺛﺎﺋﺮ ﺑﺼﻮﺕ ﺣﺎﺩً
: ﺍﮔﻠﻚ ﻋﺴﺎﻑ ﺍﺣﺠﻲ ﺷﻨﻮﺓ ﺍﻟﻤﻮﺿﻮﻉ
ﻻ ﺗﻈﻞ ﺗﻠﻒ ﻭﺗﺪﻭﺭ
: ﺍﻧﻲ ﺍﮔﻠﻚ ﺗﺮﺓ ﺳﻬﻰ ﻛﺎﻧﺖ ﺧﺎﻃﺒﺔ ﻭﻋﺎﻗﺪﺓ ﻭﺣﺒﻠﺖ ﻣﻦ ﺧﻄﻴﺒﻬﺎ ﻭﺍﺗﻮﻓﻰ ﻗﺒﻞ ﻻﻳﺘﺰﻭﺟﻬﺎ ﻭﻋﻨﺪﻫﺎ ﻣﻨﺔ ﻭﻟﺪ ﻋﻤﺮﺓ ﺍﺭﺑﻊ ﺳﻨﻮﺍﺕ
ﺳﺎﺭﺓ ﺣﺠﺘﻠﻲ ﻋﻦ ﺳﺎﻟﻔﺘﻬﺎ ﻣﻦ ﺭﺍﺩ ﻳﺨﻄﺒﻬﺎ ﺯﻣﻴﻞ ﺍﻟﻨﺔ ﺑﺎﻟﻜﻠﻴﺔ ﻭﻫﻲ ﺭﻓﻀﺖ ﻭﻣﻦ ﻋﻨﺪﻫﺎ ﻋﺮﻓﺖ ﺑﻘﺼﺘﻬﺎ
(((((((()))))))
ﻭﺍﻧﺔ ﻣﻦ ﻳﻮﻡ ﺍﻟﻲ ﺳﻤﻌﺖ ﺑﺎﻟﻤﻮﺿﻮﻉ
ﺍﺣﺲ ﺿﺎﮔﺖ ﺍﻟﺪﻧﻴﺎ ﺑﻌﻴﻨﻲ
ﻛﺮﻫﺖ ﻛﻠﺸﻲ ﺑﺤﻴﺎﺗﻲ
ﻭﺻﺮﺕ ﺣﺘﻰ ﻧﻔﺴﻲ ﻣﺎ ﺍﻃﻴﻘﻬﺔ
ﻣﺎ ﺟﻨﺖ ﻣﺘﺨﻴﻞ ﻫﺎﻱ ﺍﻟﺒﺮﺍﺋﺔ ﻭﺍﻟﺠﻤﺎﻝ ﻳﻄﻠﻊ ﻣﻨﻬﺎ ﻫﻴﺞ ﺧﻄﺎﺀ ﺷﻠﻮﻭﻥ ﺗﺴﻤﺢ ﻟﻮﺍﺣﺪ ﻳﺪﻧﺴﻬﺎ ﻭﻳﺤﻂ ﻣﻦ ﻗﺪﺭﻫﺎ
ﻭﻳﺪﻧﺲ ﻃﻬﺎﺭﺗﻬﺎ ﻭﻳﺎﺧﺬﻫﺎ ﺑﻬﻴﺞ ﻃﺮﻳﻘﺔ
ﻟﻴﺶ ﺳﻤﺤﺘﻠﺔ ﻳﻜﺴﺮﻫﺎ ﺣﺘﻰ ﻟﻮ ﺟﺎﻧﺖ ﻣﺨﻄﻮﺑﺔ
ﺍﺣﺲ ﺍﻟﻨﺎﺭ ﮔﺎﻣﺖ ﺗﺎﻛﻞ ﺑﺼﺪﺭﻱ
ﺍﺣﺲ ﺑﺮﻭﺣﻲ ﺍﺗﺤﻄﻤﺖ ﻭﺗﺒﻌﺜﺮﺕ ﻻﺷﻼﺀ
ﺣﺎﻟﻲ ﻣﻦ ﺫﺍﻙ ﺍﻟﻴﻮﻡ ﻣﺎ ﻳﺘﻔﺴﺮ
ﻭﺭﺣﻲ ﻭﺍﺻﻠﺔ ﻟﺨﺸﻤﻲ
ﺻﺮﺕ ﻣﺎ ﺍﺗﺤﺎﺟﺔ ﺍﻟﻜﻞ ﮔﺎﻡ ﻳﻨﻔﺮ ﻣﻨﻲ ﻭﻳﺒﺘﻌﺪ
ﺍﺍﺍﺍﺍﺍﺍﺍﺥ ﻳﺎﻟﻠﻪ
ﺍﻟﻬﻤﻨﻲ ﺍﻟﺼﺒﺮ
ﻫﺴﺔ ﻳﺎﻟﻠﻪ ﻋﺮﻓﺖ ﺳﺒﺐ ﺗﻬﺮﺑﻬﺎ ﻣﻦ ﻋﻨﺪﻱ ﻭﻋﺪﻡ ﺗﻘﺒﻠﻬﺎ ﻷﻱ ﺷﺨﺺ ﻳﻘﺘﺮﺏ ﻣﻨﻬﺎ
ﺑﺲ ﻣﻊ ﺍﻻﺳﻒ ﻛﻞ ﻫﺬﺍ ﺍﻟﻲ ﻋﺮﻓﺘﺔ ﻋﻨﻬﺎ ﻣﻜﺪﺭ
ﺗﻘﻠﻞ ﻣﻦ ﺣﺒﻬﺎ ﺑﮕﻠﺒﻲ ﻭﻳﺨﻠﻴﻨﻲ ﺍﺑﺘﻌﺪ ﺑﺎﻟﻌﻜﺲ
ﺍﺣﺲ ﺍﻟﺸﻮﻙ ﻭﺍﻟﻠﻬﻔﺔ ﺯﺍﺩ
ﻭﻣﻦ ﻗﺮﺭﺕ ﺍﺑﺘﻌﺪ ﻋﻦ ﻃﺮﻳﻘﻬﺎ
ﻛﻞ ﺩﮔﺔ ﺑﮕﻠﺒﻲ ﺗﺼﻴﺢ ﺍﺭﻳﺪﻫﺎ ﻣﺎ ﺍﻋﺮﻑ ﻫﻮ ﻫﻴﺞ ﺍﻟﻴﺤﺐ ﺗﺘﺨﺮﺑﻂ ﻋﻠﻮﻣﺔ ﻭﻳﺼﺒﺢ ﺍﻋﻤﻲ ﻭﻏﺎﻓﻞ
ﻣﻦ ﻳﻮﻣﻬﺎ ﻭﺍﻧﺔ
ﻋﺎﻳﺶ ﺑﺼﺮﺍﻉ ﺑﻴﻦ ﺍﺭﺿﻲ ﮔﻠﺒﻲ ﻭﺍﺗﺰﻭﺟﻬﺎ ﻋﻠﻰ ﺣﺴﺎﺏ ﻛﺒﺮﻳﺎﺋﻲ ﻭﻛﺮﺍﻣﺘﻲ ﻛﺮﺟﻞ
ﻟﻮ ﺍﺗﺮﻛﻬﺎ ﺗﻌﻴﺶ ﺑﺤﺎﻝ ﺳﺒﻴﻠﻬﺎ ﻭﺍﻋﻴﺶ ﺣﻴﺎﺗﻲ
ﺑﺲ ﺍﻋﺮﻑ ﺭﻭﺣﻲ ﻛﻠﺶ ﺯﻳﻦ ﻣﺮﺍﺡ ﺍﻛﺪﺭ ﺍﺗﺠﺎﻭﺯﻫﺔ ﻭﺍﺗﺮﻛﻬﺎ ﺗﻌﻴﺶ ﻭﻳﺔ ﻏﻴﺮﻱ
ﻭﺍﻟﻠﻪ ﺍﺣﺮﻙ ﻋﺸﻴﺮﺗﻬﺎ ﺍﺫﺍ ﻓﻜﺮﺕ ﻣﺠﺮﺩ ﺗﻔﻜﻴﺮ ﺑﻐﻴﺮﻱ
.....
ﺍﺍﺍﺍﺍﺥ ﺑﻮﻳﺔ
ﺣﺴﻴﺖ ﺍﻟﻨﺎﺭ ﻭﺟﺮﺕ ﺑﮕﻠﺒﻲ .
ﺯﻳﻦ ﻫﺎﻱ ﺷﻠﻮﻥ ﺍﻛﺪﺭ ﺍﻧﺴﺎﻫﺔ
ﻭﻋﺸﮕﻲ ﺍﻟﻬﺔ ﺍﺳﺎﺳﻪ ﻋﻤﻴﻖ
ﻣﻮ ﺣﺐ ﻣﺮﺍﻫﻖ ﻭﺍﻛﻮﻝ ﺍﻧﺴﻰ
ﻻ ﻫﺬﺍ ﻋﺸﮓ ﻭﻟﻬﺎﻥ ﻣﻦ ﺗﺎﻟﻲ ﺍﻟﻌﻤﺮ
ﺍﺭﻳﺪﻫﺎ ﺭﻏﻢ ﻣﺎ ﺳﻤﻌﺖ ﻣﻨﻬﺎ ﻭﻋﺪ ﻭﻻ ﻳﻮﻡ ﺳﻤﻌﺘﻨﻲ ﻛﻼﻡ ﻣﻌﺴﻮﻝ
ﺑﺲ ﺟﺎﻧﺖ ﻧﻈﺮﺍﺗﻬﺎ ﺍﻟﻲ ﺗﺤﺠﻲ ﺍﻟﻒ ﻣﻌﻨﻲ ﺍﻟﻒ ﻭﻋﺪ
ﻋﻜﺲ ﺗﺼﺮﻓﺎﺕ ﺍﻟﺼﺪ ﻭﺍﻟﻤﻤﺎﻧﻌﺔ
ﺟﺎﻧﺖ ﻧﻈﺮﺍﺗﻬﺎ ﻓﺎﺿﺤﺘﻬﺎ
ﺍﻧﺔ ﺭﺟﺎﻝ ﻭﺍﻋﺮﻑ ﺍﻟﻤﺮﺓ ﻣﻦ ﺗﻨﻌﺠﺐ ﺑﺮﺟﺎﻝ ﺷﻠﻮﻥ ﺗﺼﻴﺮ ﻋﻴﻮﻧﻬﺎ ﺗﻠﻤﻊ ﻭﺗﻜﻮﻥ ﺍﻟﻠﻬﻔﺔ ﻣﺒﻴﻨﺔ ﺑﻌﻴﻮﻧﻬﺎ
ﺍﻱ ﻭﻛﺎﻧﺖ ﻋﻴﻮﻧﻬﺎ ﺗﻠﻤﻊ ﺑﺲ ﺍﻟﻲ
ﺍﺍﺍﺍﺍﺍﺍﺍﺥ ﺍﺭﻳﺪﻫﺎ ﺍﺭﻳﺪﻫﺎ ﻣﺜﻞ ﻣﺎ ﺍﻟﺮﺟﺎﻝ ﻳﺮﻳﺪ ﺣﺮﻣﺘﺔ
ﺍﺗﺨﻴﻠﻬﺎ ﺑﺤﻀﻨﻲ ﻭﺭﺍﺳﻬﺔ ﻋﻠﻰ ﺻﺪﺭﻱ
ﺍﺗﺨﻴﻠﻬﺎ ﺗﺘﻮﺳﻠﻲ ﺣﺘﻰ ﺍﺿﻤﻬﺎ ﻭﺍﺧﺬﻫﺎ ﺑﻴﻦ ﺫﺭﺍﻋﻲ ﻭﺗﺼﻴﺢ ﺑﺄﺳﻤﻲ ﻣﻦ ﺍﺑﺘﻌﺪ ﻋﻨﻬﺎ ﻭﺍﺭﻳﺪ ﺍﺗﻨﻔﺲ ﻋﻄﺮﻫﺎ
((((((((((((()))))))))))))
ﻋﻘﻠﻲ ﺭﺍﺡ ﻳﻮﮔﻒ ﻣﻦ ﻭﺭﺓ ﺍﻟﺘﻔﻜﻴﺮ ﻭﺍﻟﺼﺮﺍﻉ ﺍﻟﻲ ﺟﺎﻱ ﺍﻋﻴﺸﺔ ﻭﻳﺔ ﺭﻭﺣﻲ ﺍﺣﺲ ﺻﺮﺕ ﺟﺴﺪ ﺧﺎﻭﻱ
ﻭﺍﻟﻤﺸﺎﻋﺮ ﺟﻮﺓ ﺻﺪﺭﻱ ﺗﺘﻼﻃﻢ ﻣﺜﻞ ﻣﻮﺝ ﺍﻟﺒﺤﺮ
ﺣﻴﺮﺓ ﺷﻐﻒ ﻟﻬﻔﺔ ﻋﺸﻚ ﺧﻮﻑ ﺧﺬﻻﻥ
ﻫﺬﻭﻟﻲ ﻛﻠﻬﻢ ﺟﺎﻱ ﺍﺣﺲ ﺑﻴﻬﻢ ﻳﻮﺟﺮﻭﻥ ﺑﮕﻠﺒﻲ ﺍﻟﻨﺎﺭ
( ﻳﺸﻌﻠﻮﻥ )
.................
ﻧﺎﺻﺮ - ﺧﻴﺮ ﺍﺷﻮ ﺍﻟﻴﻮﻡ ﺍﻟﻮﺣﺶ ﻣﻮﺵ ﻋﻠﻰ ﺑﻌﻀﻪ
ﺷﻨﻬﻮ ﺷﺼﺎﻳﺮ ﻳﺎﺳﺘﺎﺭ
ﻋﺪﻱ ﻭﻫﻮ ﺷﺎﻳﻞ ﺳﻼﺣﺔ ﻭﻳﺨﺰﺭ ﺑﻨﺎﺻﺮ ﻭﻳﻌﻀﻠﺔ ﺷﻔﺔ
ﺑﺎﻥ ﻳﺴﻜﺖ ﻻ ﻳﻮﻛﻊ ﺑﻠﺴﺎﻥ ﺍﻟﻮﺣﺶ ﺷﻴﺨﻠﺼﺔ ﻣﻨﺔ
ﻧﺎﺻﺮ ﺑﺘﺴﺎﺋﻞ : ﻋﻠﻰ ﺷﻨﻮ ﺍﻟﻮﺣﺶ ﺩﺯ ﻋﻠﻴﻨﺎ
ﺛﺎﺋﺮ ﺑﻐﻴﺾ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ ﻭﻳﺸﻴﻞ ﺳﻼﺣﻪ
- ﻳﺎﻟﻠﻪ ﺍﻣﺸﻮ ﺟﺪﺍﻣﻲ ﺑﻠﺔ ﻫﺬﺭﺓ ﻋﻨﺪﻧﺎ ﺷﻐﻞ ﻣﺘﺄﺧﺮ
ﻻﺯﻡ ﻧﺨﻠﺼﺔ
ﺛﺎﻳﺮ ﺑﺼﻮﺕ ﺧﺸﻦ ﻏﺎﺿﺐ
: ﻋﺪﻱ ﺍﺗﺼﻞ ﻋﻠﻰ ﻣﻨﺘﺼﺮ ﻭﺍﻟﻮﻟﺪ ﺧﻠﻲ ﻳﺠﻮﻥ ﻭﻳﺠﺒﻮﻥ ﻭﻳﺎﻫﻢ ﺭﺟﺎﻝ ﺿﺎﺭﻱ ﺧﻠﻴﻬﻢ ﻳﺠﻬﺰﻭﻥ ﺣﺎﻟﻬﻢ
ﺍﻟﻴﻮﻡ ﻓﻠﻴﺢ ﻭﺍﻟﻲ ﻭﺭﺍﻩ ﺭﺍﺡ ﺍﻏﺴﻞ ﺷﺮﺍﻋﻬﻢ
ﻟﺴﻮﻳﻪ ﺍﻟﻴﻮﻡ ﻋﺒﺮﺓ ﺟﺪﺍﻡ ﺍﻟﺨﻠﻚ
ﺍﻟﻴﻮﻡ ﻣﺸﺘﻬﻲ ﺍﻃﻠﻊ ﺣﺮﮔﺔ ﻧﺎﺭ ﮔﻠﺒﻲ ﻛﻠﻬﺎ ﺑﻲ
ﺍﺟﺘﻤﻌﺖ ﺫﻳﺎﺏ ﺿﺎﺭﻱ ﻭﻣﺰﺍﺣﻢ ﺑﺎﻟﺒﺮ
ﺛﺎﺋﺮ : ﺣﻲ ﺍﻟﻠﻪ ﺍﻟﺮﺑﻊ ﺍﺭﻳﺪﻛﻢ ﺗﺸﺪﻭﻥ ﺍﻟﻬﻤﺔ
ﺍﺟﺎﻧﺔ ﺍﻣﺮ ﻣﻦ ﺍﻟﺸﻴﺦ ﻣﺰﺍﺣﻢ ﺑﺘﻄﻬﻴﺮ ﺍﻟﻤﻨﻄﻘﺔ
ﺍﺭﻳﺪ ﻓﻼﺡ ﺍﺑﻦ ﺟﺎﺳﻢ ﺧﻼﻝ ﺧﻤﺲ ﺩﻗﺎﻳﻖ ﻳﻢ ﺭﺟﻠﻲ ﻳﺘﻮﺳﻞ
ﺍﺭﻳﺪ ﺍﻟﻴﻮﻡ ﺍﺳﻮﻳﻠﺔ ﻛﺮﺻﺔ ﺍﺫﻥ ﺷﻜﻠﺔ ﻫﺬﺍ ﻧﺴﻰ ﻧﻔﺴﺔ
ﻭﻳﻦ ﮔﺎﻋﺪ ﻭﻧﺴﻰ ﺍﻥ ﻭﺭﺍﻩ ﻧﺎﺱ ﻛﺒﺎﺭ ﺗﻜﺴﺮ ﺭﺍﺳﺔ ﻭﺗﺤﻄﺔ ﻋﻨﺪ ﺣﺪﺓ
ﻋﺪﻱ - ﺯﻳﻦ ﻭﺍﺧﻮﻩ ﺍﻟﺠﺒﻴﺮ ﻧﺠﻴﺒﺔ ﻭﻳﺎﻩ
ﺛﺎﺋﺮ - ﻻ ﻫﺬﺍ ﺗﺮﻛﻮﻩ ﻣﺎ ﻋﻠﻴﻜﻢ ﻣﻨﺔ ﻣﻮ ﺫﻧﺒﻪ
ﺍﺧﻮﻩ ﻋﺎﺭ
ﻭﻛﺎﻟﻌﺎﺩﺓ
ﻫﺪﺕ ﺿﺒﺎﻉ ﺍﻝ ﻋﻠﻮﺍﻥ ﻣﺜﻞ ﺍﻟﻮﺣﻮﺵ ﺍﻟﻀﺎﺭﻳﺔ
ﻳﺴﺤﻜﻮﻥ ﻛﻞ ﻭﺍﺣﺪ ﻳﻌﺘﺮﺽ ﻃﺮﻳﻘﻬﻢ ﻭﻳﻄﻠﻊ ﻋﻦ ﺷﻮﺭﻫﻢ
ﻭﺍﺣﺪﻫﻢ ﻛﺎﻟﺬﻳﺐ ﻣﻦ ﻳﻬﺪ ﻋﻠﻰ ﻓﺮﻳﺴﺘﺔ ﻣﺎﻳﻬﺎﺑﻮﻥ ﺍﻟﻤﻮﺕ ﻭﻣﺎﻋﻨﺪﻫﻢ ﺷﻲ ﻳﺨﺴﺮﻭﻧﺔ ﻭﻫﺬﺍ ﺍﻟﻨﻮﻉ ﻣﻦ ﺍﻟﺮﺟﺎﻝ
ﻳﺼﺒﺢ ﻋﺪﻭ ﺷﺮﺱ ﻳﺤﺮﻙ ﺍﻻﺧﻀﺮ ﻭﺍﻟﻴﺎﺑﺲ
..................
ﺳﻬﻰ
ﺑﺪﻳﺖ ﺍﺳﺘﻮﻋﺐ ﺍﺑﺘﻌﺎﺩ ﺍﺑﻨﻲ ﺣﺴﻦ ﻋﻨﻲ
ﺻﺮﺕ ﺍﻋﻠﻢ ﻧﻔﺴﻲ ﺣﺘﻰ ﺍﺗﻌﻮﺩ ﻋﻠﻰ ﺟﻴﺎﺗﻪ ﺍﻟﻘﺼﻴﺮﺓ ﻋﻠﻴﺔ
ﺑﺲ ﻛﻞ ﺳﺎﻋﺔ ﻛﻤﺖ ﺍﺗﺼﻞ ﻋﻠﻰ ﺧﺎﻟﺘﻲ ﺍﻡ ﻓﺮﺍﺱ
ﺣﺘﻰ ﺍﻃﻤﻦ ﻋﻠﻴﻪ ﻭﺍﺳﻤﻊ ﺻﻮﺗﻪ
ﺍﺧﻮﻱ ﻗﺘﻴﺒﺔ ﺳﺎﻓﺮ ﻭﺍﺧﺬ ﻋﺎﺋﻠﺘﺔ ﻭﺍﺣﻤﺪ ﺍﺧﻮﻳﺔ ﺍﻧﺘﻘﻞ ﻻﺭﺑﻴﻞ ﺣﺼﻞ ﺷﻐﻞ ﻫﻨﺎﻙ ﺑﺸﺮﻛﺔ ﺍﻫﻠﻴﺔ ﺑﻌﻘﺪ
ﻭﺑﻘﻰ ﺍﺧﻮﻳﺔ ﺍﻣﺠﺪ ﺩﻳﺸﺘﻐﻞ ﻋﻠﻰ ﻣﺸﺮﻭﻋﺔ ﻭﻛﻠﺶ ﻣﻠﺘﻬﻲ ﻭﻧﻮﺭ ﻭﺗﻤﺎﺭﺓ ﻭﺍﻧﻲ ﻟﻮﺣﺪﻧﺎ ﺑﺎﻟﺒﻴﺖ ﺍﻣﻲ ﺳﺎﻓﺮﺕ ﻟﻠﻌﻤﺮﺓ
ﺣﺴﻴﺖ ﺑﻴﺘﻨﺎ ﻳﻮﻡ ﻋﻦ ﻳﻮﻡ ﻳﻐﻄﻴﻪ ﺍﻟﻈﻼﻡ ﻭﺍﻟﺒﺮﻭﺩ
ﺻﺎﻳﺮ ﻣﻮﺣﺶ
......
ﺍﻣﺎ ﻋﻦ ﺃﻣﻠﻲ ﺍﻟﺠﻤﻴﻞ
ﻣﺜﻞ ﻣﺎ ﺳﻤﻴﺘﺔ ﺑﺪﻓﺘﺮ ﺍﻟﺨﻮﺍﻃﺮ
ﺻﺎﺭﻟﺔ ﻓﺘﺮﺓ ﻛﻠﺶ ﻃﻮﻳﻠﺔ ﻣﮕﺎﻡ ﻳﺠﻲ ﻋﺎﻟﺠﺎﻣﻌﺔ
ﻭﺻﺮﺕ ﻣﺜﻞ ﺍﻟﻀﺎﻳﻌﺔ
ﺍﻧﻲ ﺍﻭﻝ ﻣﺮﺓ ﺑﺤﻴﺎﺗﻲ ﺍﺟﺮﺏ ﺍﻟﺤﺐ
ﺻﺤﻴﺢ ﻣﺎﻛﻮ ﺷﻲ ﺑﻴﻨﻲ ﻭﺑﻴﻨﺔ ﺑﺲ ﻛﺎﻧﺖ ﺍﻟﻨﻈﺮﺍﺕ ﺗﻜﻔﻲ ﻭﺗﺤﺠﻲ ﻭﺗﻌﺒﺮ ﻋﻦ ﺍﻟﻒ ﻛﻠﻤﺔ ﺑﻜﻠﻤﺔ
ﻭﻛﺎﻥ ﺍﻫﺘﻤﺎﻣﻪ ﻭﺍﺿﺢ ﻭﻟﻬﻔﺘﺔ ﻣﺒﻴﻨﺔ ﻭﺣﺮﺻﻪ ﻋﻠﻴﺔ
ﻣﻤﻌﻘﻮﻟﺔ ﻣﻞ ﻣﻦ ﻋﻨﺪﻱ
ﻣﻌﻘﻮﻟﺔ ﻋﻠﻤﻮﺩ ﻣﻘﺒﻠﺖ ﺍﺣﺠﻲ ﻭﻳﺎﻩ ﺑﺎﻟﻨﻘﺎﻝ ﺯﻋﻞ ﻭﺭﺍﺡ
ﻻ ﻣﻤﻌﻘﻮﻟﺔ ﻫﻮ ﺑﻌﺪﺓ ﻧﻈﺮﺍﺗﺔ ﻣﺘﻐﻴﺮﺕ ﻣﻦ ﺷﻔﺘﺔ ﺍﺧﺮ ﻣﺮﺓ
..............
ﺟﻨﺖ ﮔﺎﻋﺪﺓ ﺍﺩﺭﺱ ﺑﺒﻨﺖ ﺟﻮﺍﺭﻳﻨﺎ ﺍﻡ ﺍﺑﺮﺍﻫﻴﻢ
ﻭﺍﺟﺘﻨﻲ ﺗﻤﺎﺭﺓ ﻻﺯﻣﺔ ﻧﻘﺎﻟﻬﺔ
ﺗﻤﺎﺭﺓ - ﺳﻬﻰ ﻫﺎﻱ ﺳﺎﺭﺓ ﺍﺗﺼﻠﺖ ﻋﻠﻴﺞ ﺗﺮﻳﺪﺝ
ﺍﺧﺬﺕ ﺍﻟﻨﻘﺎﻝ ﻣﻨﻬﺎ
ﺳﺎﺭﺓ ﺑﻘﻠﻖ : ﻟﺞ ﺳﻬﻰ ﺛﺎﺋﺮ ﺍﺗﺼﻮﺏ ﻭﻫﺴﺔ ﻫﻮ ﺑﺎﻟﻤﺴﺘﺸﻔﻰ
ﺳﻬﻰ
ﻭﻫﻲ ﺗﻀﺮﺏ ﻭﺟﻬﺔ
- ﻋﺰﺯﺯﺓ ﺑﻌﻴﻨﻲ ﻟﺞ ﺍﺣﺠﻲ ﺷﻮﻛﺖ ﺍﺗﺼﻮﺏ ﻭﻫﺴﺔ ﻫﻮ ﺷﻠﻮﻧﺔ
ﺣﺴﻴﺖ ﻋﺒﺎﻟﻚ ﻭﺍﺣﺪ ﺳﻠﺐ ﺍﻟﺮﻭﺡ ﻣﻨﻲ
ﮔﻌﺪﺕ ﺑﺎﻟﮕﺎﻉ
ﺍﻧﺘﺒﻬﺖ ﻋﻠﻴﺔ ﺗﻤﺎﺭﺓ
ﺗﺮﻛﺘﻬﺎ ﻭﺭﺣﺖ ﻟﻐﻴﺮ ﻣﻜﺎﻥ ﻣﻜﺪﺭﺕ ﺍﺗﻤﺎﻟﻚ ﻧﻔﺴﻲ
ﺳﻬﻰ ﺑﺮﺟﻔﺔ ﺧﻮﻑ
- ﺳﺎﺭﺓ ﺍﺭﻭﺣﻠﺞ ﻓﺪﻭﺓ ﺗﻌﺎﻱ ﻟﺒﻴﺘﻨﺎ ﻫﺴﺔ
ﻋﻔﻴﺔ ﻻﺗﻌﻮﻓﻴﻨﻲ ﻟﻮﺣﺪﻱ ﻭﺍﻟﻠﻪ ﺍﺗﺨﺒﻞ
ﺍﺭﻳﺪ ﺍﺗﻄﻤﻦ ﻋﻠﻴﻪ ﺍﺭﻳﺪ ﺍﻋﺮﻑ ﺷﻠﻮﻥ ﺻﺎﺭ
: ﺍﻧﺘﻈﺮﻳﻨﻲ ﻫﺴﺔ ﺭﺍﺡ ﺍﺧﻠﻲ ﺍﻣﻲ ﺗﻠﺒﺲ ﻋﺒﺎﻳﺘﻬﺎ ﻭﺗﺠﻴﺒﻨﻲ ﺍﻟﻜﻢ
ﺣﺴﻴﺖ ﺑﻌﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻮﻉ
ﻳﺎﺭﺏ ﻻﺗﻔﺠﻌﻨﻲ ﺑﺜﺎﺋﺮ
ﻭﺍﻟﻠﻪ ﺍﻣﻮﺕ
ﺍﺟﺘﻲ ﺳﺎﺭﺓ ﻭﺍﻧﻲ ﺑﺴﺮﻋﺔ ﺻﻌﺪﺗﻬﺎ ﻟﻐﺮﻓﺘﻲ
ﻭﺳﺪﻳﺖ ﺍﻟﺒﺎﺏ ﻭﺍﻧﺘﺠﻴﺖ ﻋﻠﻴﻪ ﻭﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﻭﮔﻠﺒﻲ ﻳﺪﮒ ﻣﻦ ﺍﻟﺨﻮﻑ ﻋﻠﻰ ﺷﻤﻌﺔ ﺍﻻﻣﻞ ﺍﻟﻮﺣﻴﺪﺓ ﻓﻲ ﺣﻴﺎﺗﻲ
ﺛﺎﺋﺮ ﺍﻣﻠﻲ ﺍﻟﺠﻤﻴﻞ
ﺳﺎﺭﺓ ﺗﺒﺎﻭﻉ ﻋﻠﻴﺔ
- ﻟﺞ ﺳﻬﻰ ﮔﻮﻟﻲ ﻳﺎﻟﻠﻪ ﻻ ﺗﺘﺨﺮﺑﻄﻴﻦ ﻋﻠﻴﺔ ﮔﻌﺪﻱ ﻣﺎﺑﻴﻨﺎ ﺣﻴﻞ ﺧﺒﺎﻟﺞ ﺑﺎﻟﻠﻪ ﺷﻮ ﮔﻌﺪﻱ ﺧﻞ ﻧﺘﺼﻞ ﻋﻠﻰ ﻋﺴﺎﻑ ﻭﻧﻔﺘﻬﻢ ﻣﻨﺔ ﺷﻠﻮﻥ ﺻﺎﺭ ﺛﺎﺋﺮ
ﮔﻌﺪﺕ ﻋﻠﻰ ﺍﻟﺴﺮﻳﺮ ﺍﻟﻤﻘﺎﺑﻞ ﻟﻠﺴﺮﻳﺮ ﺍﻟﺜﺎﻧﻲ ﺍﻟﻲ ﮔﻌﺪﺕ ﻋﻠﻴﻪ ﺳﺎﺭﺓ
ﺑﻌﺪﻣﺎ ﺍﺗﺼﻠﺖ ﺳﺎﺭﺓ ﻋﻠﻰ ﻋﺴﺎﻑ
ﮔﻠﻠﻬﺎ ﺛﺎﺋﺮ ﻣﻦ ﺍﻟﺒﺎﺭﺣﺔ ﺑﺎﻟﻤﺴﺘﺸﻔﻰ ﻭﻣﺼﻮﺏ ﺑﻜﺘﻔﺔ
ﻭﻫﺴﺔ ﻫﻮ ﺻﺤﺘﺔ ﺯﻳﻨﺔ ﻭﺍﻟﺤﻤﺪ ﻟﻠﻪ ﺑﺲ
ﻛﻠﺶ ﺗﻌﺒﺎﻥ ﻭﻣﺎ ﻳﻜﺪﺭ ﻳﺮﺗﺎﺡ ﻣﻦ ﻭﺭﺓ ﺍﻟﺨﻄﺎﺭ
ﻻﻥ ﺍﻟﺪﻧﻴﺎ ﻣﮕﻠﻮﺑﺔ ﻫﻨﺎﻙ ﻣﺎﻛﻮ ﻣﺤﻂ ﺭﺟﻞ ﻛﻠﻬﺎ ﺯﻟﻢ
ﺣﺘﻰ ﺟﻤﺎﻋﺘﻬﻢ ﺍﻟﻲ ﺑﺎﻟﺒﺤﺮﻳﻦ ﺟﺎﻳﻴﻦ ﻟﻬﻨﺎ
ﻋﻴﺒﻬﻢ ﻣﺎﻳﻌﺮﻓﻮﻥ ﻣﺮﻳﺾ ﻭﻻﺯﻡ ﻳﺮﺗﺎﺡ
ﺗﺸﻮﻓﻴﻬﻢ ﻛﻠﻬﺔ ﻓﻮﻙ ﺭﺍﺳﺔ
ﺍﻓﻮﺍﺝ ﺗﺮﻭﺡ ﻭﺍﻓﻮﺍﺝ ﺗﺠﻲ
ﻃﺒﻌﺎً ﺳﺎﺭﺓ ﻓﺎﺗﺤﺔ ﺍﻟﺤﺎﻛﻴﺔ ﻭﺗﺤﺠﻲ ﻭﻳﺔ ﻋﺴﺎﻑ ﻭﺍﻧﻲ ﺍﺳﻤﻊ ﻭﺍﺑﺠﻲ ﺍﺣﺲ ﮔﻠﺒﻲ ﻃﻚ ﻋﻠﻴﻪ
ﻣﺎ ﺍﻋﺮﻑ ﺷﻠﻮﻥ ﻃﻠﻌﺖ ﻣﻨﻲ ﺍﻟﺤﺠﺎﻳﺔ
ﻋﻔﻴﺔ ﻋﺴﺎﻑ ﺍﻛﺪﺭ ﺍﺣﺠﻲ ﻭﻳﺎﻩ ؟ﺍﺭﻳﺪ ﺍﺳﻤﻊ ﺻﻮﺗﺔ
ﻭﺍﻟﻠﻪ ﻣﻦ ﻛﺪ ﺍﻟﻠﻬﻔﺔ ﻭﺍﻟﺨﻮﻓﺔ ﻣﺤﺴﻴﺖ ﻋﻠﻰ ﺭﻭﺣﻲ ﻣﻦ ﺣﺠﻴﺖ ﺣﻄﻴﺖ ﺍﻳﺪﻳﺔ ﻋﻠﻰ ﺣﻠﮕﻲ ﺑﺼﺪﻣﺔ ﻭﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ
ﺍﻟﻈﺎﻫﺮ ﺍﻧﻲ ﻧﺴﻴﺖ ﻧﻔﺴﻲ ﻭﮔﻌﺪﺕ ﺍﺧﺒﺺ ﺑﺎﻟﺤﺠﻲ
ﻋﺴﺎﻑ - ﺍﻭﮔﻔﻲ ﻫﺴﺔ ﻓﺪ ﻟﺤﻈﺔ ﺍﻧﺔ ﻳﻤﺔ ﺑﺎﻟﻤﺴﺘﺸﻔﻰ ﺑﺲ
ﺧﻠﻲ ﺍﺷﻮﻑ ﻣﻨﻮ ﻋﻨﺪﺓ ﺑﺎﻟﻐﺮﻓﺔ
ﺳﻬﻰ ﺑﺎﺭﺗﺒﺎﻙ ﻭﻛﺄﻧﻬﺎ ﺗﺮﻳﺪ ﺗﺮﺟﻊ ﺍﻟﻜﻠﻤﺎﺕ ﺍﻟﻲ ﺍﺗﻔﻮﻫﺖ
ﺑﻴﻬﺔ ﺍﺧﺬﺕ ﺍﻟﻨﻘﺎﻝ ﻣﻦ ﺍﻳﺪ ﺳﺎﺭﺓ
ﻭﻗﺮﺑﺘﺔ ﻋﻠﻰ ﺍﺫﻧﻲ
: ﻫﺎﺍﺍ ﻣﻼﺯﻡ ﻣﻮ ﺍﻻ ﺧﺎﻑ ﺗﻌﺒﺎﻥ ﻣﻴﻜﺪﺭ ﻳﺤﺠﻲ
ﻛﻤﺰﺕ ﻣﻦ ﻣﻜﺎﻧﻲ ﻣﻦ ﺳﻤﻌﺖ ﺻﻮﺗﺔ ﺍﻟﺨﺸﻦ ﺍﻟﻤﺘﻔﺎﺟﻲﺀ
: ﺍﻟﻮ ﺳﻬﻰ !!!! ﻣﻌﻘﻮﻟﺔ
ﺍﺣﺠﻲ ﺧﻠﻴﻨﻲ ﺍﺳﻤﻊ ﺻﻮﺗﺞ ﻭﺍﺻﺪﻙ ﺍﺫﻧﻲ
ﻋﺰﺯﺯﺯﺓ ﻫﺬﺍ ﺛﺎﺋﺮ ﻣﻦ ﺧﻮﻓﻲ ﻣﺪﻳﺖ ﺍﻟﻨﻘﺎﻝ ﻟﺴﺎﺭﺓ
ﺣﺘﻰ ﺗﺎﺧﺬﺓ
ﻟﻜﻦ ﻫﻲ ﺭﺟﻌﺘﺔ ﻭﺣﻄﺘﺔ ﻋﻠﻰ ﺍﺫﻧﻲ
ﺳﻬﻰ ﺑﺼﻮﺕ ﻳﺮﺟﻒ : ﺍﺓﺓ ﺍﺓﺓ ﺍﻱ ﺍﻧﻲ ﺳﻬﻰ ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﻚ ﺛﺎﺋﺮ ﻣﺎﺗﺸﻮﻑ ﺷﺮ
ﺛﺎﺋﺮ - ﺍﺍﺍﺍﺍﺍﺍﺍﺍﺥ ﺑﻮﻭﻭﻭﻳﺔ ﻟﺞ ﺍﺣﺠﻲ ﺍﺣﺠﻲ ﺑﻌﺪ ﺧﻠﻴﻨﻲ ﺍﺳﻤﻊ ﻫﺎﻟﺼﻮﺕ ﺍﻟﻲ ﺧﻠﻴﺘﻴﻨﻲ ﺑﺤﺴﺮﺗﺔ
ﺳﻬﻰ ﮔﻠﺒﻲ ﻳﺮﻳﺪ ﻳﻄﻔﺮ ﻣﻦ ﺻﺪﺭﻱ
- ﺷﻠﻮﻥ ﺻﺤﺘﻚ ﻫﺴﺔ ﺍﻥ ﺷﺎﺀ ﺍﻟﻠﻪ ﺑﺨﻴﺮ
- ﻭﻟﺞ ﻟﻮ ﺍﺩﺭﻱ ﻣﻦ ﺯﻣﺎﻥ ﻣﺘﺼﻮﺏ ﻟﺠﻞ ﺍﻋﺮﻑ ﻣﻌﺰﺗﻲ
ﺑﮕﻠﺒﺞ
ﺳﻬﻰ ﺑﺪﻭﻥ ﻣﺘﺤﺲ
- ﺍﺳﻢ ﺍﻟﻠﻪ ﻋﻠﻴﻚ ﺍﻥ ﺷﺎﺀ ﺍﻟﻠﻪ ﺍﻟﻴﻜﺮﻫﻮﻙ
- ﻻﺍﺍﺍﺍ ﺍﻟﻴﻮﻡ ﺍﻧﺔ ﺣﻈﻲ ﻭﻳﺔ ﻧﺠﻢ ﺍﻟﺴﻤﺎ ﮔﺎﻋﺪ
ﻭﻟﺞ ﻳﺴﻬﻮﺓ ﻋﻨﺪﻱ ﺍﻟﺞ ﺑﮕﻠﺒﻲ ﻛﻼﻣﻦ ﺟﺜﻴﺮ
ﻭﺍﻣﻮﺕ ﺍﺫﺍ ﻣﺎ ﺍﻃﻠﻌﻪ
ﻳﺒﻨﺖ ﺍﻟﻨﺎﺱ ﺣﺒﺞ ﺑﻬﺬﻝ ﺍﺣﻮﺍﻟﻲ
ﺻﺮﺕ ﻣﻔﻀﻮﺡ ﺍﻟﻬﻮﻯ ﺑﻴﻦ ﺭﺑﻌﻲ ﻭﺍﺧﻮﺍﻧﻲ
ﺻﺤﺖ ﺑﺴﻤﺞ ﻓﺎﻗﺪ ﻭﻋﻲ ﻭﻏﻴﺮﺝ ﻣﺤﺪ ﻃﺮﺓ ﺑﺒﺎﻟﻲ
ﺻﻔﺔ ﺗﺎﻟﻴﻬﺔ ﺍﻟﻮﺣﺶ ﺳﺎﻟﻔﺔ ﺑﺤﻠﻚ ﻋﺬﺍﻟﻲ ( nuha )
ﺳﻬﻰ ﺍﻭﻝ ﻣﺮﺓ ﺑﺤﻴﺎﺗﻲ ﺍﺳﻤﻊ ﻫﻴﺞ ﻛﻼﻡ
ﻭﺑﻬﻴﺞ ﺻﻮﺕ ﻭﺑﻠﻬﺠﺔ ﺟﻤﻴﻠﺔ ﻋﺎﻻﺫﻥ
ﻭﻣﻌﺮﻓﺖ ﺷﻨﻮ ﺍﺟﺎﻭﺑﺔ
ﺳﺄﻟﺘﺔ ﺧﻮ ﻣﺎ ﻳﺄﺫﻳﻚ ﺟﺮﺣﻚ
- ﺍﺍﺥ ﺑﻮﻳﺔ ﻭﺍﻟﻠﻪ ﺍﻧﺞ ﻣﻮﺵ ﻫﻴﻨﺔ ﺗﻌﺮﻓﻴﻦ ﺷﻠﻮﻥ ﺗﻐﻴﺮﻳﻦ ﺍﻟﻜﻼﻡ ﻭﺗﺘﻬﺮﺑﻴﻦ ﺑﺲ ﻣﺎ ﻋﻠﻴﻨﺎ ﻻﺣﮕﻴﻦ ﻋﻠﻰ ﻫﺎﻟﺤﺠﻲ
ﻻ ﺗﺨﺎﻓﻴﻦ ﻋﻠﻴﺔ ﺗﺮﺍﻧﻲ ﺫﻳﺐ ﺍﻣﻌﻂ ﻭﺻﻮﺍﺑﻲ ﻫﻴﻦ
ﺳﻬﻰ ﺑﺒﺘﺴﺎﻣﺔ ﻫﻤﺴﺖ ﺑﺨﺠﻞ : ﺗﺪﺭﻱ ﻧﺺ ﻛﻼﻣﻚ ﻣﺎ ﻓﻬﻤﺘﺔ
- ﻭﻟﻚ ﻳﺎﺑﻮﻳﺔ ﺑﺖ ﺍﻟﻤﺪﻳﻨﺔ ﺗﺘﺪﻟﻊ ﻋﻠﻴﺔ ﻭﺍﻧﺔ ﻣﻮﺵ ﺣﻤﻞ ﺍﻟﺪﻟﻊ ﻫﺎﺫ ﺑﺴﻴﻄﺔ ﺍﺫﺍ ﻣﺎ ﺗﻌﺮﻓﻴﻦ ﺣﺠﻴﻨﺎ
ﻫﺎﻱ ﺣﻠﻬﺔ ﻋﻨﺪﻱ ﻣﻦ ﺗﺠﻴﻦ ﻟﻴﺠﺎﻱ ﻋﺪﻧﺎ
ﺍﻧﺔ ﺍﻛﻌﺪ ﺍﻋﻠﻤﺞ ﺍﻋﻠﻰ ﺣﭽﻴﻨﺎ
ﻭﺍﻋﻠﻤﺞ ﺷﻠﻮﻥ ﻧﺤﺐ
ﺗﺮﺓ ﺍﺣﻨﺎ ﺣﺘﻰ ﺑﺤﺒﻨﺎ ﻧﺨﺘﻠﻒ
ﺣﺒﻨﺎ ﻋﺸﮓ ﻣﻔﻀﻮﺡ
ﻳﺒﺖ ﮔﻠﺒﻲ ﺗﺠﻴﻦ ﻭﺍﻋﻠﻤﺞ ﺷﻠﻮﻥ ﺗﺤﺒﻴﻦ ﻣﺜﻠﻨﺎ
ﻭﺍﻋﻠﻤﺞ ﺳﻮﺍﻟﻒ ﺗﺎﻟﻲ ﺍﻟﻠﻴﻞ
ﻭﺍﻧﺘﻲ ﺑﻴﻦ ﺍﺣﻀﺎﻧﻲ
........................
ﻋﺎﺍﺍﺍﺍ ﻋﺰﺓ ﻏﺪﻳﺖ ﻣﺎﻱ ﻣﻦ ﺍﻟﺨﺠﻞ ﻭﺻﺮﺕ ﺣﻤﺮﺓ
ﻭﮔﻠﺒﻲ ﺻﺎﺭ ﻳﺮﺟﻒ ﻋﺒﺎﻟﻚ ﮔﺎﻋﺪ ﮔﺒﺎﻟﻲ ﻭﻳﺤﺠﻲ
ﻣﻜﺪﺭﺕ ﺍﻛﻤﻞ ﺳﺪﻳﺖ ﺍﻟﻨﻘﺎﻝ ﺑﻮﺟﻬﺔ
ﺍﻧﺘﺒﻬﺖ ﻋﻠﻰ ﺭﻭﺣﻲ ﻛﺎﻋﺪﺓ ﺑﺎﻟﮕﺎﻉ ﻫﺎﻱ ﺷﻨﻮ ﺷﮕﻌﺪﻧﻲ ﺑﺎﻟﮕﺎﻉ ﺷﻠﻮﻥ ﻭﺻﻠﺖ ﻫﻨﺎ
ﺳﺎﺭﺓ ﻭﻫﻲ ﺗﻬﺰ ﺍﻳﺪﻫﺎ
ﻭﺗﺒﻮﺳﻬﺎ ﻭﺗﺤﻄﻬﺎ ﻋﻠﻰ ﺍﻟﺠﺒﻴﻦ
- ﺍﺣﻤﺪﻙ ﻭﺍﺷﻜﺮﻙ ﻳﺎﺭﺏ ﻋﻠﻰ ﻧﻌﻤﺔ ﺍﻟﻌﻘﻞ
ﻭﺍﻟﻠﻪ ﻳﺎﺭﺑﻲ ﻫﺎﻱ ﺍﻟﺒﻨﻴﺔ ﺍﻧﺠﻨﺖ ﺭﺳﻤﻲ
ﺳﻬﻰ ﻭﻫﻲ ﺑﻐﻴﺮ ﻋﺎﻟﻢ ﺳﺮﺣﺎﻧﺔ
: ﻳﺎﻟﻠﻪ ﺑﺎﺑﺎ ﺭﻭﺣﻲ ﻣﻨﺎ ﻟﺘﻈﻠﻴﻦ ﺗﺤﻮﻣﻴﻦ ﻓﻮﻙ ﺭﺍﺳﻲ
ﺟﻨﺞ ﺫﺑﺎﻧﺔ
ﺭﺣﺖ ﺍﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺍﻧﻲ ﺍﻟﻌﺐ ﺑﺸﻌﺮﻱ ﻭﻏﻤﻀﺖ ﻋﻴﻮﻧﻲ ﻭﺳﺮﺣﺖ ﺑﺘﻔﻜﻴﺮﻱ ﺑﻜﻼﻡ ﺛﺎﺋﺮ
: ﺳﺪﻱ ﻭﺭﺍﺝ ﺍﻟﺒﺎﺏ ﻣﻦ ﺗﻄﻠﻌﻴﻦ
ﺳﺎﺭﺓ ﻭﻫﻲ ﺗﺸﻤﺮ ﺍﻟﻤﺨﺪﺓ ﻋﻠﻰ ﺳﻬﻰ
: ﺻﺪﻙ ﻣﺎ ﺗﺴﺘﺤﻴﻦ ﻫﺎﻱ ﺟﺰﺍﺗﻲ ﺗﺎﻟﻲ ﺗﺼﺮﻓﻴﻨﻲ
ﺑﺴﻴﻄﺔ ﺍﻧﻲ ﺍﻟﺞ
ﺷﻤﺮﺕ ﺍﻟﻤﺨﺪﺓ ﻋﻠﻴﻬﺎ ﻣﺮﺓ ﺛﺎﻧﻴﺔ ﻭﺷﺮﺩﺕ
ﻫﻬﻬﻬﻪ
ﮔﻌﺪﺕ ﻋﻠﻰ ﺣﻴﻠﻲ ﻋﻠﻰ ﺻﻮﺕ ﻣﻦ ﺩﺍﺧﻞ ﺍﻋﻤﺎﻗﻲ ﺟﻨﺖ ﺍﺗﻐﺎﺿﺔ ﻋﻨﺔ
ﺷﻨﻮ ﺳﻬﻰ ﺷﺒﻴﺞ ﺷﻨﻮ ﻧﺴﻴﺘﻲ ﻧﻔﺴﺞ ﺍﺻﺤﻲ ﻻ ﺗﺤﻠﻤﻴﻦ ﺍﻟﻲ ﻣﺜﻠﺞ ﻣﺎﻟﻬﺔ ﺣﻖ ﺗﺤﻠﻢ ﺑﻮﺍﺣﺪ ﻣﺜﻞ ﺛﺎﺋﺮ
ﺑﻴﻨﻜﻢ ﺣﻮﺍﺟﺰ ﻫﻮﺍﻱ
ﺍﻟﻤﺎﺿﻲ ﺍﺑﻨﺞ ﺍﻫﻠﺔ ﻫﻮ
ﺍﻟﻨﺎﺱ ﻓﻀﻴﺤﺘﻲ ﻛﻠﻬﺎ ﺿﺪﻱ
((((((((())))))))
ﻣﺰﺍﺣﻢ - ﺍﺗﺮﻳﺾ ﻳﺎﻟﻮﺣﺶ
ﻭﺍﺗﺄﻛﺪ ﻣﻦ ﺍﻟﺤﺠﻲ ﻗﺒﻞ ﻻ ﺗﺴﺘﻌﺠﻞ
ﻳﺤﻮﻭﻡ ﻣﻦ ﺍﻻﺳﺪ ﺍﻟﺜﺎﺋﺮ ﻣﻌﻘﻮﻟﺔ ﻣﺎ ﺍﻛﺪﺭ ﺍﺻﺪﻙ ﺷﻠﻮﻥ
ﻋﺪﻱ ﻳﺴﻮﻱ ﻫﻴﺞ
ﻫﺎﻱ ﻭﻳﻦ ﺟﺎﻧﺘﻠﻲ
ﺛﺎﺋﺮ ﻭﻫﻮ ﻳﻌﺾ ﺑﻴﺪﺓ ﻣﻦ ﺍﻟﻘﻬﺮ
ﺍﺍﺍﺍﺍﺍﺍﺍﺍﺥ ﺍﻟﻠﻪ ﻛﻮﻥ ﺍﻟﺰﻣﺔ ﺍﻻ ﺍﻧﺪﻣﺔ ﻭﺍﺧﻠﻴﻪ ﻳﺘﻤﻨﻰ ﺍﻟﻤﻮﺕ
ﺣﺲ ﺑﺎﻟﻢ ﺑﺠﺮﺣﺔ
ﺍﻟﻠﻪ ﺣﺎﺑﻚ ﻳﻌﺪﻱ ﺍﻧﺔ ﻫﺴﺔ ﻣﻠﺠﻮﻡ
ﻳﺘﺒﻊ
