تاريخ النشر : 08/27/2024, 21:32:00

الكاتبه زهراء الركابي 

ذي قار (القيثاره الذهبيه) 

 

★★★★★★★★★

نزلت من سيارت قلبي موجر نار اريد اشوف الي كاله علي صح لو يجذب دخلت عليه للبيت الي نلتقي بي احنه شباب شلتنه ولد عمي يعني اهلنه واهل ايناس ميدرون بيه والي اقصده باهل ايناس خوالها 

 

مصطفى: وينه هذا الكلب الحيوان 

 

علي: لا تخليني اتندم حجيتلك صير ادمي وعاقبه بس بهداواه على روحك ما اطلع علي اذا مخليته يتخت بالحبوس 

 

مصطفى: عبالك طمه تراب وتتكوه عليه لو توصل اله والله اطيح حظك وادفنك وانت عدل يا عار يا جلب مطي ملطلط من مره المره حرم عليه ضلمت المطي 

 

رجع بيه ذاكرتي واني بالمكتب وكاعد وروحي بالكوه سانده واني اذكر ايناس شون من جابوله البدله ملخت روحه لان احمد اختاره اله ومعرف شون الكه النذل الي جابه واني بيدي دخلته للبيت مالتهم وسديت الباب ضربت ايدي على المكتب وكمت اشوف التلفون باقي على قنفه 

عكدت حواجبي واني اشوفه عليه اكيد ايناس تخربطت ماكو غيرها رديت عليه واني الم اغراضي 

علي: حسين هو الي جاب بدلت العرس الايناس حتى يقهرها 

مصطفى: لا يكلب ابن سطعش؛ استغفر الله جده سيد حرام عليه

 

علي: تعال بمكانه  

 

مصطفى: جايك ابن النطيحه والمترديه 

 

رجعت للمكان الواكف بي لحضه هي ونزعت الحزام والقميص وبكل ما اتيت من قوه اضربه بس ما يفوخ قلبي واني اذكر ايناس شون تلطم على وجه بسبب الرساله الي وي الفستان وللان معرف شنو محتوى الرساله لان ايناس مخلتني اشوفها او احد ثاني يشوفه 

 

علي: كافي ولك موته خلص هدي كلنه انعاقبه بس مو هجي مصطفى انت وياي 

 

ايدفع بيه على حايط بس اني وين ما ادري شنو الي خلاني انفعل هجي علموده نفضت افكاري ومسحت عرق جبيني وطلعت اخذت القميص البس بي وطلعت 

راسي احس راح ينفجر اضرب على ستيرن بهستيريه نربدت سياره بالعمود يله ستوعبت نفسي فركت وجهي ونزلت شفت سياره متفلشه واني حاجبي مزلوغ شويه 

زفرت نفس اجه ولد يعرفني سحبني يطمئن عليه شاف سياره 

وصلني للمضمد ضمد جرحي واخذني للبيت وامي ابوي انخبصووو كلش مو وكت اني روحي طالعه بسبب اخر فتره من كلامهم وتصرفاتهم الي لا تطاق صعدت فوك انام 

 

كعدت على تلفون يهتز توقعت واحد من جماعتي او علي بس طلع ايناس قلبي رفرف بسرعه معرف شبيه اريد اسيطر على رجفه الي بايدي ما اكدر شبه؟ شهل شعور السخيف! رديت عليه خفت بيه شي 

 

أيناس: مصطفى صدك مسوي حادث مصطفى حاجيني خويه والله مبيه كسره ثانيه

مصطفى: افا هاي الرجفه عليه عمت عيني مبيه شي والله هسه ابدل واجيج زلغ بحاجبي زغير لا تخافين 

 

أيناس: والله من كالولي اريد اصعد اجيب التلفون اتصل عليك رجليه ما يعنني والله خويه انتم بعز روحي عدي يمكن روحي مو عزيزه بكدكم مبقالي من احمد بس انتم 

مصطفى: اسم الله بويه لا تنشغين سحبي نفس جايج والله مبيه شي بس سيارتي تحطمت 

أيناس: فدك خويه فدك بالحديد ولا بيك 

 

سديته منه صوته اليرجف احس روحي فرفحت مدري شبيه 

مصطفى: مصطفى اصحى جانت مرت صاحبك وهيه تعتبرك اخوها لا تفكر بهل غباء والخبال انت مو زعطوط 

بقيت اصارع وي نفسي غيرت ملابسي حتى اروح عليهم لكيت زياد كاعد هذا يعرف شفكر حاولت اتهرب بس ما اكدر لاكفني 

 

زياد: تعال بعد خوك تعال الحمدلله على سلامتك خطاك السوء 

 

مصطفى: السؤء ما يجيك

مدري هيه هجي تنكال ضليت الوص بالحجي لان ادري كاشفني من نضراته الي 

 

زياد: جاي وياك عدي شغله وياك 

 

مصطفى: هلا بيك 

كام يمشي وياي طلعنه نتمشه على بيت عمي ابو أيناس بعد ثالث شوارع عنه 

 

زياد: سوالف مصطفى اسمعك 

 

مصطفى: رجعلي ذاك الشعور الخايس الي عشته 

زياد: نفسه لو وي غيره 

 

مصطفى: على بختك معدي كرامه راجع اله لو شنو انسانه ثانيه وهل مره مليوصه معرف اذا راح اتبادلني نفس الشعور لو لا 

 

زياد: مني هاي احجيلي عنه ليش هجي متاكد مراح تبادلك نفس الشعور؟ 

 

مصطفى: مدري زياد احس نفسي متلخبط يمكن لا مو نفس شعور لا يختلف يمكن ازيد ويمكن شي ثاني 

 

زياد: مدام متلخبط اعرف راح ينداس بمصرانك وحبيت وحضك راح يطيح 

 

صفنت عليه اجيت ادفره لان زاده عليه ما نقصه اجيت اتفل عليه وهو انتبهلي وغير الموضوع 

 

زياد: هسه ما كتلي ياهيه شنو خايف ابوكه منك 

 

مصطفى: ما اخرب وياك على مره بس معرف شون انطق اسمها واني جنت الوم احمد شون يصير خفيف وما يسيطر على مشاعره 

 

زياد: ترى واكع ومحد مسمي عليك فكولي خويه خل اتلحك الكالك حل منيه من عائلتنه من غير عائله 

 

مصطفى: قريبه علينه الى ابعد الحدود 

 

عكمش وجها وجن ذكر شي مقزز و لعبت نفسه منه واردف بسرعه 

زياد: بس لا بتول قصدك ام سحوره 

 

مصطفى: شنو شبيك زياد ترى نفصلنه ونسد موضوعنه ليش كل شويه ترجع عليه 

 

زياد: هسه غير يحجي فت قلبي ابن استغفر الله ابوي رجال خير مو مال اسبه من ورك 

 

مصطفى: ايناس 

صاح صوت جفلني وكني كتله قنبله راح تنفجر مو اني احب ايناس 

 

زياد: انت مخبل ولك انسانه بعده ما متخطيه متمرضه وروح اسمع العشيره كله شتحجي عليه شجاك انت تركض ورى الهم

 

تمنيت بذيج ساعه ما كتله زاد ضيمي ضيم واني روحي فايره من نفسي نسيت احمد وكل شي ما ادري سبحان الي زرع حبه بقلبي سبحان خلها ما تفارع عقلي 

زفرت نفس بضيق وعفت واكف يسوالف وحده 

وتوجهت البيت عمي ركض وراي لزم ايدي 

زياده: مصطفى افهمني مجان هجي قصدي ترى هيه هم بحسبت اختي وما ارضه عليه بس انت شايف امي اذا درت تريد تخطبه عده استعداد اسمم ايناس ولك هاي الشيخه لو نسيت مصطفى

 

مصطفى: لا تحجي اني صوجي فتحتلك قلبي خلص انسه كنما ما حجيتلك

 

زياد: ولك انت تفهم لو مطي انت حاي تستوعب الي جا احجي لو جاي تتغابه 

 

مصطفى: امشي زياد امشي ارجع للبيت خليني اكمل وحدي

 

عفته ومشيت زادني همي هم صار جبال على ضهري هم حضه هاي البنيه الكل يكرهك بس بالوجه كله تحبه سحبت نفس ودكيت الباب 

 

طلعلي عمي نصدم بجيتي لان الظاهر عارفين بموضوع الحادث 

 

ابو أيناس: احنه جاين نجيك ليش اجيت وليد ليش تعبت روحك 

 

أم أيناس: فوت عمه فوت ترى عمك مشدوه باله

 هزيت راسي بخف لان موجوع واحس ينبض من كد الوجع

 

دخلت للبيت قدمت الي ماي حسيت بيه تعبانه مو ذيج ام أيناس الي تاخذ الكل بالسانه وتسكت الكل بكشخته ومحد يكله على عينج حاجب

 

مصطفى: عمه شبيج احسج تعبانه 

 

جان جانت منتظر احد يكاله احجي الي بقلبج فضفضي وهي بس تبجي وتنوح وعمي منزل راسه وهم يبج! شجاي يصير شكو 

مصطفى: عمي صاير شي جديد واني ما ادري 

 

أم أيناس: عمه والله تعبت وحالي تمرمر تمرمر وايناس خبلتني ومجاي تستوعب الي جاي يصير ادخل الكها دز فويزات الاحمد ومن ما يجوب تبقه تصرخ وتبجي وتملخ وما تحس على نفسه وهيه ضاربه ابوها لو ضاربه اخوها والما يخفن الله طشن الخبر بين الكل أيناس تخبلت 

 

تحسرت وهسه عرفت ليش زياد يكلي امك تسممه لو تموته هنا الحجي 

 

مصطفى: سهله عمه ما يكون خاطرج اله طيب ولا يهمج سهل والله الي طلع هل حجي الكفه لو ما الكفه مثل الي جاب البدله بيوم الفاتحه وي الرساله الي معرفت شبيه وخلت ايناس وصلت الحاله يرثا لها بسيطه شاربي مو عليه اذا جبته جوه رجليها يبوسهن 

 

واني جاي احجي سمعنه الصريخ زاد عمي بالبجي وعمتي بقت تنوح كمت اريد اروح 

أم أيناس: عمه لا تروح والله ظربك وما تحس 

 

مصطفى: مثل. العسل على قلب قلته وصعدت فوك 

لكيته واكف بنص الغرف غرفت أيناس الي الكل يشهد بنضافته هجي صاير عباره عن خرده وصور مكسره عطور مكياج ملابس مزقه بلكاع الفراش مكلوب صفنت ثواني على الصاير بغرفته 

فزيت على ايده الي تقطر دم ورجلها دخلت عليه سحبته طلعته بصاله الطابق الثاني كعدت على القنف اجت امها وعمي واكفين التفت الها 

مصطفى: عمه معقم وشاش وملقط يمكن اكو كزاز برجله 

هزت راسه وراحت تنزل وعمي بقه واكف على صفحه وهو يتبواع بعيون وما نطق ولا حرف مهضوووم هضمه جبيره عزيزت قلبه هاي شيخته 

أم أيناس: هاك عمه هاي كل شي تحتاجه هنا 

التفت عليه اخذت علبه منه التفت عليهم 

مصطفى: عادي تنزلون وتعفوني ويها وحدنه امانه الله ورسوله برمش عيني اخليه عمي ما تتاذه بمقدار شعره 

واخيراً نطق عمي بعد سكته الي ساكته من اجيت لحد هسه 

ابو أيناس: افا عمي والله مشك بيك ولو كشايه 

هزيتلهم راسي نزلو واني بقيت قباله وجه بوجه احيج ويها 

مصطفى: أيناس تسمعيني اني مصطفى تعرفيني اذا تعرفيني ردي عليه 

شهكت وحطت راسه بركبتي وتشهك تخربط كل وضعي صرت ما اعرف شسوي تاهت مني دنيا هيه حست عله نفسه بتعدت مني 

أيناس: اسفه اسفه تجيني ساعت افقد اسفه 

حطيت ايدي على ايده طبطبت عليه جريت ناحيتي اهدي بيه 

مصطفى: اهدي أيناس اني مصطفى لا تخافين ما اذيج والله 

فزت وبقت ترعش بيدي على رنت الفون رادت تكوم لزمت اطمئنها 

مصطفى: اهدي تلفوني يمكن علي لان تاخرت عليه 

هزت راسه سكتت ردت على تلفون اسمع علي يحيج ويسأل كل الي كدرت احجي 

 

مصطفى: علي بعدين احجي وياك ايناس تعبانه واني يمه 

نزلت الفون سديته التفت اله بعد زرزر بعيونها وخايف سحبت مره شانيه فتحت ايدها ظربت الفلاش الموبايل على ايد اطلع الكزاز من ايده فزت وصرخت جفلتني سحبت ايده تبجي 

 

مصطفى: خلصت بس خل اتاكد اذا بعد اكو او تحتاج خياط 

 

أيناس: مصطفى روح لا افقد واضربك وتكرهني 

مصطفى: عادي فداج هسه نخلص ونرتب غرفت اوكي؟ 

أيناس: اخاف 

مصطفى: من شنو تخافين كليلي تردين انسويلح غرفه جوه يم اهلج كلشششي فوك انزله الج جوه 

 

أيناس: لا لا اذي اخواني واني ما ادري ضربت بابا واني ما ادري وتسعر بقلبي وهو حتى ما دفعني 

 

مصطفى: هسه تخافين لان ضربيه وتفقدين لو لان تبقين وحدج 

 

أيناس: لان افقد وما احس بنفسي 

 

هزيت راسي متفهمه واني خلصت لف ايده بالباندج ونزلت اريد اسحب رجله بس هي ستحت وهزت راسه لا

 

مصطفى: ابددد لا تستحين مني عتبريني ما موجود تمام خل اشوف رجلج 

تقربت يمه لكيت كزازتي كبار برجله شلتهن اله ودور خاف باقي شي واشوف تعض على شفته متائلمه شديتها اله حتى يخف الدم ونزلت اجيبله شي تاكله فتحت ثلاجه بدون احم ودستور ومرت عمي فاتت ساعدني سويت عصير رمان وكيك حطيت عليه صوص واخذته اله 

 

مصطفى: ناكل اني وياج 

كامت هزت راسه لا 

مصطفى: شون حجي هذا ما اتفقنه هجي 

هزت، راسه اي واني تقدمت عليه اوكله بخفه واشربه من عصير سارحح بيه 

 

هاي هجي الحب يدمر؟ هجي انسان ميكدر يسيطر على مشاعره؟ 

 

أيناس: صافو شبعت والله 

مصطفى: احله من يدلعني والله كومي خل اغسلج كامت تنتفض بايدي غسلت اله رجعته على القنفه دخلت للغرفه 

عدلت الفراش على جربايته 

اتبوعت الغرفته الي جانت تنشره بالستوري سرير ابو النفرين يوميه فرشه جديه يوميه مبخره معقوله هاي ايناس نفسه 

تقدمت للكنتور ادور غطه للفراش طلعتله واحد وعطرته اله من عطر مشمور بلكاع فتحت باب البلكون والشباك من جه الثانيه رجعت اكنس بالغرف الى ان سويته تلمع صح البعض راح يستنقد الي سويته بس جنت منتظر منه ولو نظر هي بخير حتى يرتاح قلبي طلعت عليه لكيته صافنه بالفراغ مو يمنه ابد لزمت ايده 

 

مصطفى: تعالي ارويج شغله

سحبته للغرفه 

مصطفى: صح مو مثل ما انضفيه بس تمام تمشي الحل على ما ترجعين على حيلج صح

 

أيناس: ليش سويت هجي انت والله خجلتني اني مدري 

 

جانت متلخبطه وروحي خاويه ومستحيه شتحجي وناسيه أصلاً شون جمع الحروف يمكن اخذت نفس من شفته نايمه ومتغطيه نزلت العمي شفت متمدد

 

مصطفى: عمي دزيت رساله لولد صديقي يشوفلي دكتور نفسي كلش شاطر وما اريد جنس مخلوق يدري راح تراجع دكتور نفسي 

 

أبو أيناس: عمي متاكد خوش دكتور خاف متقبل تروحل 

 

_عمي يمي معليكم اني راح اروح ارتاحلي ساعه واجي 

هز راسه طلعت اتمشه خابرت ولد صديقي يدزلي سياره صبح ساعه سته

★★★★★★★★★

الحمدلله حمد كثير 

الهم صلي على محمد وال محمد