تاريخ النشر : 07/24/2024, 23:38:03

ﺍﻗﺘﺮﻓﺖ ﻏﻠﻄﺘﻲ ﺑﺎﻟﺤﻼﻝ ﻭﻟﻢ ﺍﻛﻦ ﺍﻋﺼﻲ ﺍﻟﻠﻪ ﻓﻲ ﺫﻟﻚ

ﻟﻜﻦ ﺗﻌﺘﺒﺮ ﻓﻌﻠﺘﻲ ﻓﻲ ﻣﺠﺘﻤﻌﻲ ﻋﺎﺭ ﻳﺴﻘﻂ ﻟﻪ ﺍﻟﺮﻗﺎﺏ

ﻭﺗﺴﻮﺩ ﺑﻪ ﺍﻻﻭﺟﻪ ﻓﺨﻄﺄﺋﻲ ﻓﻲ ﻧﻈﺮﻫﻢ

ﺍﺻﺒﺤﺖ ﻣﺴﺎﻭﻳﺔ ﻟﻤﻨﺰﻟﺔ ﺍﻟﺰﺍﻧﻴﺔ ((

ﺭﺟﻌﺖ ﻣﻦ ﺍﻟﻤﺪﺭﺳﺔ ﺷﺎﻳﻠﺔ ﺟﻨﻄﺘﻲ ﺑﻴﺪﻱ

ﻭﻣﻴﺘﺔ ﻣﻦ ﺍﻟﺤﺮ ﻭﺍﻟﻌﻄﺶ

ﺩﺧﻠﺖ ﻟﻠﺒﻴﺖ ﻭﺷﻔﺖ ﺍﻟﻮﺟﻮﻩ ﻣﮕﻠﺒﺔ ﻛﺎﻧﺖ ﺍﺧﺘﻲ ﻧﻮﺭﺍﻟﺼﻐﻴﺮﺓ ﺗﺒﺎﻭﻉ ﻻﻣﻲ

ﺩﺧﻠﺖ ﻟﻠﻤﻄﺒﺦ ﻭﺍﻧﻲ ﺍﺑﺎﻭﻉ ﻣﻦ ﻧﻮﺭ ﻻﻣﻲ

- ﺷﻜﻮ ﺷﺒﻴﻬﺔ ﺍﻣﻲ

ﻫﻤﺴﺖ ﻧﻮﺭ

- ﺳﻬﻰ ﻣﻮ ﻫﺴﺔ ﺑﻌﺪﻳﻦ ﺍﺣﺠﻴﻠﺞ

ﺳﻤﻌﺖ ﺑﺎﺑﺎ ﻳﺤﺠﻲ ﻭﻳﺘﻮﻋﺪ ﺑﺼﻮﺕ ﻋﺎﻟﻲ

ﺍﺑﻮ ﺳﻬﻰ - ﺍﻟﻲ ﺍﻛﻮﻟﺔ ﻳﺘﻨﻔﺬ ﻭﺍﻧﺘﻲ ﻣﺎﻟﺞ ﺍﻱ ﻛﻠﻤﺔ ﺑﺎﻟﻤﻮﺿﻮﻉ

ﺷﻔﺖ ﺍﻣﻲ ﺷﻤﺮﺕ ﺍﻟﺨﺎﺷﻮﻛﺔ ﺑﻐﻀﺐ ﻋﻠﻰ ﺍﻟﺴﻨﻚ ﻭﺭﺍﺣﺖ ﻟﺒﺎﺑﺎ ﻭﻭﻛﻔﺖ ﺑﺒﺎﺏ ﺍﻟﻤﻄﺒﺦ

ﺍﻡ ﺳﻬﻰ - ﻫﻮ ﺍﻧﺖ ﺩﻭﻣﻚ ﻫﻴﺞ ﻳﻌﻨﻲ

ﻣﺎ ﻛﻔﺎﻙ ﺯﻭﺟﺖ ﺭﻳﻢ ﻭﻫﻲ ﺻﻐﻴﺮ ﻭﺟﻨﻴﺖ ﻋﻠﻰ ﻣﺴﺘﻘﺒﻠﻬﺎ ﻭﻃﻴﺤﺖ ﺣﻀﻬﺎ

ﻭﺟﺎﻱ ﻫﺴﺔ ﻋﻠﻰ ﺳﻬﻰ ﺗﺮﻳﺪ ﺗﺰﻭﺟﻬﺎ ﻭﺗﻔﻴﻦ ﺣﻈﻬﺎ ﻫﻲ ﺍﻟﻼﺥ ﻣﻴﺼﻴﺮ ﻫﻴﺞ ﺣﺮﺍﻡ ﻋﻠﻴﻚ

ﺍﺑﻮ ﺳﻬﻰ - ﺷﻮﻓﻲ ﻟﺞ ﺍﻧﺘﻲ ﺗﺴﻜﺘﻴﻦ ﻭﻣﺘﻔﺘﺤﻴﻦ ﺣﻠﻜﺞ

ﺑﻨﺘﻲ ﻭﺑﻜﻴﻔﻲ ﺍﺯﻭﺟﻬﺎ ﺷﻮﻛﺖ ﻣﻴﻌﺠﺒﻨﻲ

ﻟﻄﻤﺖ ﻋﻠﻰ ﺻﺪﺭﻱ ﻋﺰﺓ ﻫﺎﻱ ﻋﻠﻴﻤﻦ ﻳﻘﺼﺪﻭﻥ ﻳﺰﻭﺟﻮﻥ ﻣﻨﻮ ﻻ ﻋﻔﻴﺔ ﺷﻨﻮ ﻳﺎ ﺯﻭﺍﺝ ﻭﺍﻟﻠﻪ ﺑﻌﺪﻧﻲ ﺻﻐﻴﺮﺓ

ﺣﺴﻴﺖ ﺑﮕﻠﺒﻲ ﮔﺎﻡ ﻳﺪﻙ ﺣﻴﻞ ﻭﺻﺎﺭ ﺍﻟﻤﺼﺎﻳﺢ ﺑﻴﻦ ﻣﺎﻣﺎ ﻭﺑﺎﺑﺎ

ﻭﺍﻟﻠﻪ ﺍﻣﻮﻭﺕ ﻣﻦ ﺍﻟﻘﻬﺮ ﺍﺫﺍ ﺻﺪﻙ ﻫﺬﺍ ﺍﻟﺤﺠﻲ

ﻟﻌﺪ ﻭﻣﺪﺭﺳﺘﻲ ﻭﺩﺭﺍﺳﺘﻲ ﻭﻣﺴﺘﻘﺒﻠﻲ ﻻ ﻳﺎﺭﺑﻲ ﻓﺪﻭﺓ ﺭﺣﺘﻠﻚ ﻛﻠﺸﻲ ﻭﻻ ﺩﺭﺍﺳﺘﻲ

ﻃﺒﻌﺎً ﻋﻠﻰ ﺍﻟﺮﻏﻢ ﺑﺎﺑﺎ ﻗﺎﺿﻲ

ﺑﺲ ﻣﻊ ﺍﻻﺳﻒ ﺟﺪﺍً ﻣﺘﺸﺪﺩ ﻭﻣﺎﻋﻨﺪﺓ ﺍﻱ ﺗﻔﺎﻫﻢ ﻭﻳﺔ ﺍﻫﻞ ﺑﻴﺘﺔ ﻳﻌﻨﻲ ﺍﻟﻲ ﻳﺸﻮﻓﺔ ﻳﮕﻮﻝ ﺍﺷﻜﺪ ﻣﺜﻘﻒ ﻭﻭﺍﻋﻲ

ﺑﺲ ﻟﺘﺤﻜﻢ ﻋﺎﻟﻜﺘﺎﺏ ﻣﻦ ﻋﻨﻮﺍﻧﺔ

ﻣﺮﺍﺕ ﺗﻜﺴﺮ ﺧﺎﻃﺮﻱ ﺍﻣﻲ ﺍﻛﻮﻝ ﺷﻠﻮﻥ

ﻣﺘﺤﻤﻠﺘﺔ ﻳﻌﻨﻲ ﺍﺑﺪ ﻣﻤﺤﺴﺴﻬﺎ ﺍﻥ ﻫﻲ ﺍﻡ ﺑﻴﺘﺔ

ﻭﻻﻳﻮﻡ ﺷﻔﻨﺎﻩ ﻳﻌﺎﻣﻠﻬﺎ ﺑﺤﻨﻴﺔ ﻭﻋﻄﻒ

ﻭﻻ ﻳﺸﺎﺭﻛﻬﺎ ﺑَـــﺄﻱ ﺭﺃﻱ ﺧﺼﻮﺻﺎً ﺑﺎﻟﻘﺮﺍﺭﺍﺕ ﺍﻟﺤﺎﺳﻤﺔ ﺍﻟﻲ ﺗﺨﺺ ﺍﻟﺒﻴﺖ ﻭﻣﺴﺘﻘﺒﻠﻨﺎ

ﻳﻌﻨﻲ ﻋﻨﺪﺓ ﺍﻟﻤﺮﺓ ﺍﻧﺨﻠﻘﺖ ﺑﺲ ﻟﻠﺨﻠﻔﺔ ﻭﺍﻟﻄﺒﺦ ﻭﺍﻟﺘﻨﻈﻴﻒ ﻭﻣﺎﻟﻬﺔ ﺣﻖ ﺑﺎﻟﺘﻌﺒﻴﺮ ﻋﻦ ﻗﻬﺮﻫﺎ ﺍﻭ ﺗﻌﺘﺮﺽ ﻋﻠﻰ ﻛﻼﻣﻪ ﺍﻭﻭﻏﻴﺮﻫﺎ ﻣﻦ ﺍﻻﻣﻮﺭ

ﺑﺄﺧﺘﺼﺎﺭ ﺑﺎﺑﺎ ﺭﺟﻞ ﻣﺘﺴﻠﻂ ﻭﻋﻨﻴﺪ ﻭﺭﺟﻌﻲ

ﻣﻊ ﺍﻻﺳﻒ ﺍﺧﻮﺗﻲ ﺍﺣﻤﺪ ﻭﻗﺘﻴﺒﺔ ﻃﻠﻌﻮ ﻋﻠﻴﻪ ﺑﺲ

ﺷﻮﻳﺔ ﺍﺧﻮﻳﺔ ﺍﻟﺠﺒﻴﺮ ﺍﻣﺠﺪ ﺍﺣﺴﻦ ﻣﻨﻬﻢ

ﻣﺘﻔﻬﻢ ﻫﻮ ﺍﻛﺜﺮ ﻭﺍﺣﺪ ﺍﻣﻲ ﺗﻌﺘﻤﺪ ﻋﻠﻴﻪ ﻭﺗﻠﺠﺎﺀ ﻟﻪ ﺑﻬﻮﺍﻱ ﺍﻣﻮﺭ

ﺣﺘﻰ ﻣﺮﺍﺕ ﻳﺘﻮﺳﻄﻠﻨﺎ ﻋﻨﺪ ﺑﺎﺑﺎ ﺑﺲ ﻣﻊ ﺍﻻﺳﻒ

ﻫﻮ ﻫﺴﺔ ﺣﺎﻟﻴﺎ ﻣﺴﺎﻓﺮ

ﻃﺒﻌﺎً ﺍﻧﻲ ﺍﺳﻤﻲ ﺳﻬﻰ ﻭﻋﻤﺮﻱ ١٨ﺳﻨﺔ ﺑﺎﻟﺴﺎﺩﺱ ﻋﻠﻤﻲ ﻭﻛﻠﺶ ﺷﺎﻃﺮﺓ ﻭﻋﻨﺪﻱ ﺧﻮﺍﺕ ﺍﺛﻨﻴﻦ ﻧﻮﺭ ﺍﻟﺼﻐﻴﺮﺓ ﻭﻋﻤﺮﻫﺎ ١٢ﺳﻨﺔ ﻭﺍﺧﺘﻲ ﺭﻳﻢ ﺍﻛﺒﺮ ﻣﻨﻲ

ﺧﻄﻴﺔ ﺍﺗﺰﻭﺟﺖ ﺻﺎﺭﻟﻬﺎ ﺳﻨﺘﻴﻦ ﻋﻨﺪﻫﺎ ﺑﻨﻴﺔ ﻭﻫﺴﺔ ﻫﻲ ﺣﺎﻣﻞ ﻭﺣﻴﻞ ﻣﺸﻠﻮﻉ ﮔﻠﺒﻬﺎ ﻋﻴﺎﻝ ﻭﺣﻤﻞ ﺑﺎﻟﻐﻠﻂ ﻳﻌﻨﻲ ﺍﻟﻌﻴﺸﺔ ﺯﻓﺖ ﻭﺭﺟﻠﻬﺎ ﺷﺎﻟﻊ ﮔﻠﺒﻬﺎ ﺷﻜﻮﻛﻲ

ﻃﺒﻌﺎً ﺑﺎﺑﺎ ﺯﻭﺟﻬﺎ ﻭﻫﻲ ﺑﻌﻤﺮ ﺍﻝ١٨ﺳﻨﺔ ﻭﻫﻢ ﺧﻠﺼﺖ ﺳﺎﺩﺱ ﻋﻠﻤﻲ ﻭﺟﺎﺑﺖ ﻣﻌﺪﻝ ﻛﻠﺶ ﻋﺎﻟﻲ ﻳﺨﻮﻟﻬﺎ ﺗﺪﺧﻞ ﻛﻠﻴﺔ ﻃﺐ ﺑﺲ ﺑﺎﺑﺎ ﻣﻴﻌﺘﺮﻑ ﺑﺒﻨﻴﺔ ﺗﺪﺧﻞ ﻛﻠﻴﺔ ﻋﻨﺪﺓ ﻫﺬﺍ ﻣﻀﻴﻌﺔ ﻭﻗﺖ

ﺍﻟﺒﻨﻴﺔ ﻣﺴﺘﻘﺒﻠﻬﺎ ﺑﻴﺘﻬﺎ ﻭﺭﺟﻠﻬﺎ

ﻓﻮﻙ ﻣﺎ ﺑﺎﺑﺎ ﻣﺘﺸﺪﺩ ﻋﻠﻴﻨﺎ

ﻓﻮﻛﺎﻫﺎ ﺍﺧﻮﺍﻧﻲ ﻫﻢ ﻣﻘﻴﺪﻳﻦ ﺣﺮﻳﺘﻨﺎ

ﺣﺼﺮﺓ ﻋﻠﻴﻨﺎ ﺍﻟﻄﻠﻌﺔ ﺑﺒﺎﺏ ﺍﻟﺒﻴﺖ

ﻳﻤﺔ ﻣﺮﺓ ﺍﺗﺬﻛﺮ ﺍﺧﺘﻲ ﺭﻳﻢ ﻛﺎﻧﺖ ﻣﺎﺩﺓ ﺭﺍﺳﻬﺎ ﺑﺒﺎﺏ ﺍﻟﺸﺎﺭﻉ ﺗﺴﻠﻢ ﻋﻠﻰ ﺻﺪﻳﻘﺘﻬﺎ ﻛﺎﻧﺖ ﺻﺎﺩﻑ ﻋﺪﻧﺎ ﺟﺎﻳﺔ ﺧﻄﺎﺭ ﻭﺭﺍﺩﺕ ﺗﻄﻠﻊ

ﻭﻟﺠﺤﻬﺎ ﺍﺣﻤﺪ ﺍﺧﻮﻱ

ﻳﻤﺔ ﺑﻮﻗﺘﻬﺎ ﺟﻨﺰﻫﺎ ﺗﺠﻨﺰ

ﻃﺒﻌﺎً ﺍﻣﺠﺪ ﻣﺘﺰﻭﺝ ﻭﺟﺎﻱ ﻳﺪﺭﺱ ﺑﺎﻟﺨﺎﺭﺝ

ﻭﻗﺘﻴﺒﺔ ﻣﺘﺰﻭﺝ ﻭﺍﺣﻤﺪ ﻣﻤﺮﺗﺒﻂ ﺑﺲ ﻋﻮﺩﻙ ﺷﻨﻮ ﻧﻘﺎﻟﺔ ﻣﺘﺮﻭﺱ ﺍﺭﻗﺎﻡ ﺑﻨﺎﺕ ﻣﻜﺒﻞ ﻭﺷﻮﻛﺖ ﻣﺎ ﺗﺠﻲ ﺍﺷﻮﻓﺔ ﺑﺎﻻﺳﺘﻘﺒﺎﻝ

ﻳﺤﺠﻲ ﻭﻳﺎﻫﻦ ﺑﺼﻮﺕ ﻧﺎﺻﻲ ﻃﺒﻌﺎً ﺍﻧﻲ ﻣﻮ ﻏﺒﻴﺔ ﺍﻋﺮﻑ ﺍﻥ ﻫﻮ ﺷﻨﻮ ﺳﺒﺐ ﻋﺰﻟﺘﺔ ﺣﺘﻰ ﻳﺤﺠﻲ ﻭﻳﺔ

ﺣﺒﻴﺒﺘﺔ ﺑﺤﺮﻳﺔ

ﻭﺍﻟﻠﻪ ﺍﻟﻌﺎﻟﻢ ﻫﺎﻱ ﻳﺎﺭﻗﻢ ﺑﻴﻬﻦ ﻻﻥ ﺍﻻﺥ

ﻛﻞ ﻭﺣﺪﺓ ﻣﺴﻤﻴﻬﺎ ﺣﺒﻴﺒﻲ ١ﻭﺣﺒﻴﺒﻲ ٢ﻭﺣﺒﻴﺒﻲ ٣

ﻳﻌﻨﻲ ﺍﻻﺥ ﻣﺴﻮﻱ ﻗﺎﺋﻤﺔ

ﻃﺒﻌﺎ ﻫﻨﺎﻙ ﺑﺎﻟﻤﺪﺭﺳﺔ ﻫﻮﺍﻱ ﺍﺳﻤﻊ ﻣﻦ ﺍﻟﺒﻨﺎﺕ ﺷﻠﻮﻥ ﻳﺤﺠﻮﻥ ﺑﺎﻟﺤﺐ ﻭﺍﻟﺮﻭﻣﺎﻧﺴﻴﺔ ﻭﺍﻟﻌﻼﻗﺎﺕ

ﻭﺷﻮﻥ ﻳﺤﺠﻦ ﺑﻤﻐﺎﻣﺮﺍﺗﻬﻦ ﻭﻳﺔ ﺍﻟﺸﺒﺎﺏ

ﻭﺍﻧﻲ ﻭﺳﺎﺭﺓ ﺻﺪﻳﻘﺘﻲ ﻓﻘﻂ ﻧﺴﺘﻤﻊ ﺑﺲ

ﻋﺒﺎﻟﻚ ﻋﺎﻳﺸﻴﻦ ﻭﻳﺎﻫﻦ ﺍﻟﻠﺤﻈﺔ ﻭﻣﺮﺍﺕ ﻧﺸﻮﻓﻬﻢ ﺷﻠﻮﻥ ﻳﺘﻮﺍﻋﺪﻭﻥ ﻳﺠﻲ ﻋﻠﻴﻬﺎ ﺣﺒﻴﺒﻬﺎ ﻟﺒﺎﺏ ﺍﻟﻤﺪﺭﺳﺔ ﻭﻳﻨﻄﻴﻬﺎ ﻫﺪﻳﺔ ﻋﻴﺪ ﻣﻴﻼﺩﻫﺎ

ﻣﺮﺍﺕ ﺍﺗﺤﺴﺪﻟﻬﺎ ﺍﻛﻮﻝ ﻫﻨﻴﺎﻟﻬﺔ ﺍﻛﻮ ﻣﻦ ﻳﺤﺒﻬﺎ ﻭﻳﺘﻤﻨﺎﻫﺎ

ﻭﻳﻬﺘﻢ ﺍﻟﻬﺔ ﻃﺒﻌﺎً ﻛﺎﻥ ﺗﻔﻜﻴﺮﻱ ﺗﻔﻜﻴﺮ ﻣﺮﺍﻫﻘﺔ

ﻭﺟﻨﺖ ﻛﻞ ﻳﻮﻡ ﺑﺎﻟﻠﻴﻞ ﻋﻨﺪﻱ ﺩﻓﺘﺮ ﻣﺬﻛﺮﺍﺕ ﺍﻛﺘﺐ ﺑﻲ

ﻛﻠﻤﺎﺕ ﻭﺧًﻮﺍﻃﺮ ﻭﺟﻨﺖ ﺍﺗﻤﻨﻰ ﺍﻥ ﻳﺠﻲ ﺍﻟﻴﻮﻡ ﻭﺍﺣﺐ ﺷﺨﺺ ﻭﻳﺒﺎﺩﻟﻨﻲ ﺍﻟﺤﺐ ﻭﺩﺍﺋﻤﺎً ﺍﺗﺨﻴﻠﺔ ﺷﺨﺼﻴﺔ ﻭﻫﻴﺒﺔ

ﻭﺟﺬﺍﺏ

.... 

ﺑﺲ ﻣﻊ ﺍﻻﺳﻒ ﺍﻟﻈﺎﻫﺮ ﻣﺎ ﺭﺍﺡ ﺍﻟﺤﻚ ﺍﻟﺘﻘﻲ ﻣﻊ ﺍﻟﺤﺒﻴﺐ ﺍﻟﻲ ﻛﻨﺖ ﺍﺗﻤﻨﺎﻩ ﻻﻥ ﺑﺎﺑﺎ ﻧﺎﻭﻱ ﻳﺰﻭﺟﻨﻲ ﻭﺍﻟﻠﻪ ﺍﻟﻌﺎﻟﻢ ﺍﻟﻤﻦ

ﺭﺍﺡ ﻳﺰﻭﺟﻨﻲ

ﺍﺑﺎﻭﻉ ﻋﻠﻰ ﺍﻣﻲ ﺩﺧﻠﺖ ﻟﻠﻤﻄﺒﺦ ﻭﺍﺧﺬﺕ ﻣﻦ ﺍﻟﺒﺮﺍﺩ ﻛﻼﺹ ﻣﻲ ﻭﺻﻜﺖ ﻋﻠﻴﻪ ﺧﻄﻴﺔ ﻃﺒﻌﺎً ﻣﻦ ﺣﺮﻛﺖ ﮔﻠﺒﻬﺎ ﻋﻠﻴﻨﺎ

ﺍﻱ ﺍﻡ ﺗﺮﻳﺪ ﻟﺒﻨﺘﻬﺎ ﺍﻥ ﺗﻜﻤﻞ ﺩﺭﺍﺳﺘﻬﺎ ﻭﺗﺎﺧﺬ ﺷﻬﺎﺩﺓ ﺗﻔﺘﺨﺮ ﺑﻴﻬﺎ

ﻻﻥ ﺍﻣﻲ ﻣﻦ ﻋﺎﺋﻠﺔ ﻛﻠﻬﺎ ﻣﺘﺨﺮﺟﻴﻦ ﻳﻌﻨﻲ ﻭﺍﺻﻠﻴﻦ ﻭﺍﺛﻨﻴﻦ ﻣﻦ ﺧﻮﺍﻟﻲ ﺩﻛﺎﺗﺮﺓ ﻭﻫﻲ ﻣﺪﺭﺳﺔ ﺭﻳﺎﺿﻴﺎﺕ ﺑﺲ ﺧﻄﻴﺔ ﺑﺎﺑﺎ

ﺑﻄﻠﻬﺎ ﻣﻦ ﺍﻟﻤﺪﺭﺳﺔ ﻛﺎﻟﻌﺎﺩﺓ ﺑﻴﺘﺞ ﻭﺟﻬﺎﻟﺞ ﺍﻭﻟﻰ ﺑﻴﺞ

ﺍﻧﻲ ﻣﺎ ﺍﺭﻳﺪ ﺍﺻﻴﺮ ﻣﺜﻞ ﺍﻣﻲ ﻭﻻ ﺍﺭﻳﺪ ﺍﺗﺰﻭﺝ ﻭﺍﺣﺪ ﻣﺜﻞ ﺑﺎﺑﺎ

ﻋﻨﺪﻱ ﻫﻮﺍﻱ ﻃﻤﻮﺡ ﻭﺍﺣﻼﻡ ﺍﺭﻳﺪ ﺍﺣﻘﻘﻬﻢ ﺍﺣﺲ ﻣﻤﺴﺘﻌﺪﺓ

ﻟﻠﺰﻭﺍﺝ ﻭﺗﻜﻮﻳﻦ ﻋﺎﺋﻠﺔ

ﺍﺭﻳﺪ ﺑﺎﻻﻭﻝ ﺍﻛﻤﻞ ﺩﺭﺍﺳﺘﻲ ﻭﺗﺤﺼﻞ ﺷﻬﺎﺩﺗﻲ

ﻭﺑﻌﺪﻳﻦ ﺍﺗﺰﻭﺝ ﺭﺟﺎﻝ ﺑﺤﺒﻨﻲ ﻭﻳﻌﺸﻘﻨﻲ ﻭﻳﺪﻟﻠﻨﻲ ﻭﺍﺩﻟﻊ ﻋﻠﻴﻪ ﻭﻳﺤﺘﺮﻣﻨﻲ ﻭﻳﺴﻤﻌﻨﻲ ﺍﻟﻜﻼﻡ ﺍﻟﺠﻤﻴﻞ ﻭﻳﺸﺎﺭﻛﻨﻲ ﺑﻜﻠﺸﻲ ﻭﻳﺴﻤﻌﻨﻲ ﺍﺫﺍ ﺣﺠﻴﺖ

ﻭﻧﺘﺸﺎﺭﻙ ﺍﻧﻲ ﻭﻳﺎﻩ ﺑﺘﺨﺎﺫ ﺍﻟﻘﺮﺍﺭﺍﺕ ﺍﻟﻲ ﺗﺨﺺ ﺣﻴﺎﺗﻨﺎ

ﺑﺲ ﻫﺴﺔ ﺍﺫﺍ ﺭﺍﺡ ﺍﺗﺰﻭﺝ ﻣﺎ ﺍﺗﻮﻗﻊ ﺭﺍﺡ ﻳﺨﻠﻴﻨﻲ ﺍﻛﻤﻞ ﺩﺭﺍﺳﺘﻲ

ﺻﻌﺪﺕ ﻓﻮﻙ ﻟﻐﺮﻓﺘﻲ ﺍﻧﻲ ﻭﺧﻮﺍﺗﻲ ﻭﺑﺎﻭﻋﺖ ﻟﻜﺘﺒﻲ

ﻭﻣﻼﺑﺴﻲ ﻣﺎﻟﺖ ﺍﻟﻤﺪﺭﺳﺔ

ﻣﺘﺖ ﻗﻬﺮ ﺍﺣﺲ ﺍﻛﻮ ﻛﺴﺮﺓ ﻭﻏﺼﺔ ﺑﺤﻨﺠﺮﺗﻲ

ﻳﻌﻨﻲ ﺍﻧﻲ ﺍﺷﻄﺮ ﻭﺣﺪﺓ ﺑﺎﻟﺼﻒ ﻣﺠﺎﻱ ﺍﮔﺪﺭ ﺍﺗﺨﻴﻞ ﺻﺪﻳﻘﺎﺗﻲ ﻛﻠﻬﻢ ﻳﻜﻤﻠﻮﻥ ﺩﺭﺍﺳﺘﻬﻢ ﻭﻳﺎﺧﺬﻭﻥ ﺷﻬﺎﺩﺍﺗﻬﻢ

ﻭﺍﻧﻲ ﺍﺗﺰﻭﺝ ﻭﺍﺧﻠﻒ ﻭﺍﻛﻌﺪ ﺑﺎﻟﺒﻴﺖ ﻭﺍﻟﺘﻬﻲ ﺑﻴﻬﻢ ﻭﺍﺑﺪ ﻣﺮﺍﺡ ﺍﻓﺮﻍ ﻟﻄﻤﻮﺣﻲ ﻭﺍﻟﻠﻪ ﺍﻣﻮﺕ ﻗﻬﺮ

ﺑﺪﻟﺖ ﻣﻼﺑﺴﻲ ﻭﻏﺴﻠﺖ ﻭﺟﻬﻲ ﻭﻧﺰﻟﺖ

ﻭﺟﻮ ﺍﻟﺒﻴﺖ ﻣﺘﻜﻬﺮﺏ ﻭﺍﻣﻲ ﺿﺎﺭﺑﺔ ﺍﻟﺒﻮﺯ ﻋﻠﻰ ﺑﺎﺑﺎ

ﻫﻲ ﺧﻄﻴﺔ ﻣﺒﻴﺪﻫﺔ ﺷﻲ ﺗﺴﻮﻳﻪ

ﺑﺲ ﺭﺍﺡ ﺗﻈﻞ ﺗﺤﺮﻙ ﺑﺪﻣﻬﺎ

ﺍﻋﺮﻑ ﺍﺑﻮﻱ ﻭﺭﺍﺳﺔ ﺍﻟﻴﺎﺑﺲ ﻣﺮﺍﺡ ﻳﺘﻨﺎﺯﻝ ﻋﻦ ﻛﻠﻤﺘﺔ

ﺍﻟﻲ ﺑﺮﺍﺳﺔ ﻳﺴﻮﻱ

ﺑﺲ ﻣﺎ ﺍﻛﺪﺭ ﺍﺳﺘﺴﻠﻢ ﺑﺪﻭﻥ ﻣﺎ ﺍﺩﺍﻓﻊ ﻋﻦ ﺣﻘﻲ ﻭﺍﺣﺎﻭﻝ

ﺭﺣﺖ ﺩﺧﻠﺖ ﻋﻠﻰ ﺑﺎﺑﺎ ﺑﺎﻟﻐﺮﻓﺔ

- ﺍﻟﻠﻪ ﻳﺴﺎﻋﺪﻙ ﻳﺎﺑﺔ

ﺍﺑﻮ ﺳﻬﻰ ﻭﻫﻮ ﻳﺘﻨﻔﺲ ﺑﻐﻀﺐ ﻣﻦ ﺍﺛﺮ ﺍﻟﻌﺮﻛﺔ

- ﻫﻠﺔ ﺑﻴﺞ ﺑﺎﺑﺎ

- ﻋﻔﻴﺔ ﺑﺎﺑﺎ ﺍﺭﻳﺪ ﺍﺣﺠﻲ ﻭﻳﺎﻙ ﺑﺲ ﺍﺭﻳﺪﻙ ﺗﺴﻤﻌﻨﻲ ﻭﻣﺘﻌﺼﺐ

- ﺍﺣﺠﻲ ﮔﻮﻟﻲ ﻫﻮ ﺍﻧﺘﻮ ﻭﺍﻣﻜﻢ ﺷﻨﻮ ﻳﻄﻠﻊ ﻣﻨﻜﻢ ﻏﻴﺮ ﻭﺟﻊ ﺍﻟﺮﺍﺱ

ﺑﻠﻌﺖ ﻛﻠﻤﺎﺗﻪ ﻭﻛﻤﻠﺖ ﻛﻼﻣﻲً

- ﻳﺎﺑﺔ ﺍﺭﻭﺣﻠﻚ ﻓﺪﻭﺓ ﺍﻧﻲ ﻣﺎﻣﺴﺘﻌﺪﺓ ﻫﺴﺔ ﺣﺎﻟﻴﺎً ﻟﻠﺰﻭﺍﺝ ﻋﻠﻰ ﺍﻻﻗﻞ ﺧﻠﻴﻨﻲ ﺍﺧﺬ ﺷﻬﺎﺩﺓ ﺍﻟﺴﺎﺩﺱ ﻭﺍﺩﺧﻞ ﻛﻠﻴﺔ ﻭﺑﻌﺪﻳﻦ ﺍﻟﺤﻚ ﻋﺎﻟﺰﻭﺍﺝ

ﺍﻧﺘﺒﻬﺖ ﻋﻠﻰ ﺑﺎﺑﺎ ﻭﻳﺔ ﻛﻞ ﻛﻠﻤﺔ ﻭﺟﻬﺔ ﻳﺼﻴﺮ ﻧﺎﺭ ﻣﻦ ﺍﻟﻐﻀﺐ

- ﻟﺞ ﻋﺎﺍﺍﺭ ﻫﺎﻱ ﻣﻦ ﺷﻮﻛﺖ ﻋﻨﺪﻧﺎ ﺑﻨﺎﺕ ﺗﺤﺠﻲ ﻭﺗﻨﻄﻲ ﺭﺃﻳﻬﺎ ﻟﺞ ﺍﻧﺘﻲ ﺻﺪﻙ ﺗﺮﺑﺎﺕ ﺍﻣﺞ ﻋﻠﻤﺘﺞ ﺷﻠﻮﻥ ﺗﻤﺪﻳﻦ ﺍﻟﻠﺴﺎﻥ ﻭﺗﻮﻛﻔﻴﻦ ﺑﻮﺟﻬﻲ ﺑﺲ ﺍﻧﺔ ﺍﻋﻠﻤﺞ

ﺣﺴﻴﺖ ﺑﻲ ﺳﺤﺒﻨﻲ ﻣﻦ ﺯﻧﺪﻱ ﻭﺟﺮﻧﻲ ﻟﻠﻬﻮﻝ ﺍﻟﻲ ﺟﺎﻧﺖ ﺍﻣﻲ ﮔﺎﻋﺪﺓ ﺑﻲ

ﻭﺍﻣﻲ ﮔﺎﻣﺖ ﻣﻔﺰﻭﻋﺔ ﻣﻦ ﻏﻀﺐ ﺍﺑﻮﻱ ﻭﻫﻮ ﮔﺎﻳﺪﻧﻲ ﻭﺭﺍﻩ ﻭﺩﻓﻌﻨﻲ ﺑﻜﻞ ﻗﻮﺓ ﻳﻢ ﺭﺟﻠﻴﻦ ﺍﻣﻲ

- ﻫﺎﺝ ﺍﺧﺬﻱ ﺑﻨﺘﺞ ﻭﺭﺑﻴﻬﺎ ﻋﺪﻝ ﻻ ﺍﺭﺗﻜﺐ ﺑﻴﻬﺎ ﺟﺮﻳﻤﺔ

ﻫﺎﻱ ﺗﺎﻟﻲ ﺍﻟﺪﺭﺍﺳﺔ ﺗﻌﻠﻤﻬﺎ ﺗﻮﻛﻒ ﺑﻮﺟﻬﻲ ﻭﺗﻤﺪ ﺍﻟﻠﺴﺎﻥ

ﻭﺍﻟﻠﻪ ﺍﻻ ﺍﻛﺴﺮ ﺭﺍﺳﻬﺎ ﻭﺭﺍﺳﺞ

ﺷﻮﻓﻲ ﻟﺞ ﻣﺪﺭﺳﺔ ﺑﻌﺪ ﻣﺎﻛﻮ ﻭﺍﻛﺴﺮ ﺭﺟﻠﺞ ﺍﺫﺍ ﻋﺘﺒﺘﻲ

ﺑﺒﺎﺏ ﺍﻟﺒﻴﺖ ﺍﺩﺭﻱ ﺑﻴﺞ ﺳﻮﺍﻟﻒ ﺍﻟﻤﺪﺍﺭﺱ ﺍﺛﺮﺕ ﻋﻠﻰ ﻋﻘﻠﺞ ﻭﺳﻜﻄﺖ ﺗﺮﺑﻴﺘﺞ ﻭﺍﻧﻲ ﺍﻋﺮﻑ ﺷﻠﻮﻥ ﺍﺭﺑﻴﺞ ﻣﻦ ﺟﺪﻳﺪ

ﺍﺟﻴﺖ ﺍﺗﺨﺒﻞ ﻣﻦ ﻋﺮﻓﺖ ﺭﺍﺡ ﻳﺒﻄﻠﻨﻲ ﻣﻦ ﺍﻟﻤﺪﺭﺳﺔ

ﺭﺣﺖ ﺭﻛﻀﺖ ﻋﻠﻴﻪ ﻭﻟﺰﻣﺖ ﺍﻳﺪﺓ ﻭﻧﺰﻟﺖ ﻋﻠﻴﻬﺎ ﺍﺑﻮﺳﻬﺎ

ﻭﺩﻣﻮﻋﻲ ﺍﺣﺲ ﺑﻴﻬﻢ ﻳﻄﻠﻌﻮﻥ ﻣﻦ ﻛﻞ ﮔﻠﺒﻲ

- ﻳﺎﺑﺔ ﺍﺭﻭﺣﻠﻚ ﻓﺪﻭﺓ ﺍﻻ ﻣﺪﺭﺳﺘﻲ ﻳﺎﺑﺔ ﻭﺍﻟﻠﻪ ﺍﻣﻮﺕ

..... 

ﺟﻨﺖ ﺍﺗﺬﻛﺮ ﻛﻼﻡ ﺍﻟﻤﺪﺭﺳﺔ ﻣﺎﻟﺘﻲ ﻣﻦ ﺗﺤﺠﻲ ﻋﻦ

ﻣﺴﺘﻘﺒﻠﻨﺎ ﻭﺍﻟﺸﻬﺎﺩﺓ

ﻛﺎﻧﺖ ﺗﮕﻮﻝ

)) ﺍﻟﺸﻬﺎﺩﺓ ﺑﺎﻟﻨﺴﺒﺔ ﻟﻠﺒﻨﻴﺔ ﻣﺜﻞ ﺍﻟﻲ ﻳﻤﺸﻲ ﺑﻨﻔﻖ ﻣﻈﻠﻢ ﻭﻳﻜﻮﻥ ﺑﻨﻬﺎﻳﺔ ﺍﻟﻨﻔﻖ ﺑﺼﻴﺺ ﻣﻦ ﺍﻟﻨﻮﺭ ﺍﻟﻲ ﻳﺨﻠﻴﺞ ﺗﺘﺒﻌﻴﻨﺔ ﻟﺤﺪ ﻣﺎ ﺗﻮﺻﻠﻴﻦ ﻟﻨﻬﺎﻳﺔ ﺍﻟﻨﻔﻖ ﻭﻫﻨﺎﻙ ﺗﻜﻤﻦ ﺍﻟﺤﻴﺎﺓ ﻭﺍﻻﺣﺘﺮﺍﻡ ﺍﻟﺬﺍﺗﻲ ﻟﻠﺸﺨﺺ ﻭﺍﻟﻨﻮﺭ ﻳﻌﺒﺮ ﻋﻦ ﺍﻻﻣﻞ ((

ﻳﻌﻨﻲ ﺷﻨﻮ ﺍﻧﻲ ﺍﻧﺪﻓﻦ ﺑﺎﻟﺤﻴﺎﺓ ﻭﺍﺑﺎﻭﻉ ﺑﻌﻴﻮﻧﻲ ﺻﺪﻳﻘﺎﺗﻲ ﺷﻠﻮﻥ

ﻛﻠﻬﻢ ﻳﻜﻤﻠﻮﻥ ﻭﻳﺘﺨﺮﺟﻮﻥ ﻭﻳﺼﻴﺮﻭﻥ ﺍﺣﺴﻦ ﻣﻨﻲ

ﻭﺍﻟﻠﻪ ﻛﻔﺮ ﺍﻧﻲ ﺍﺷﻄﺮ ﻭﺣﺪﺓ ﺑﻴﻬﻢ ﻭﻣﺘﻔﻮﻗﺔ ﻭﺍﻟﻠﻪ ﻇﻠﻢ ﺍﻣﻮﻭﻭﺕ ﻭﻻ ﺍﺧﻀﻊ ﻟﻘﺮﺍﺭﻫﻢ

ﻟﻜﻦ ﻣﻊ ﺍﻻﺳﻒ ﻣﻘﺎﻭﻣﺘﻲ ﻭﺭﻓﻀﻲ ﻟﻘﺮﺍﺭ ﺑﺎﺑﺎ

ﻛﺎﻥ ﻳﺮﺟﻊ ﻋﻠﻰ ﺍﻣﻲ ﺑﻮﻗﺘﻬﺎ

ﺍﺗﺒﻌﺖ ﺳﻴﺎﺳﺔ ﺗﺠﻮﻳﻊ ﺍﻟﻨﻔﺲ

ﻭﻇﻠﻴﺖ ﻣﺎ ﺍﻛﻞ ﻭﻻ ﺍﺷﺮﺏ ﻭﺻﺮﺕ ﻣﺜﻞ ﺍﻟﺸﺒﺢ

ﺻﺮﺕ ﺍﮔﻮﻡ ﻭﺍﻭﮔﻊ ﻣﻦ ﺍﻟﺪﻭﺧﺔ

ﺑﺎﺑﺎ ﻣﻦ ﺳﻤﻊ ﺑﻴﺔ ﺩﺧﻞ ﻋﻠﻴﺔ ﺑﻐﺮﻓﺘﻲ

ﻭﺷﺎﻓﻨﻲ ﺣﺎﻃﺔ ﻛﺘﺒﻲ ﻭﻧﺎﻳﻤﺔ ﺑﺼﻔﻬﻢ ﻣﺜﻞ ﺍﻟﻲ ﻳﻮﺍﺳﻲ ﺭﻭﺣﺔ

ﻟﻜﻦ ﺑﻜﻞ ﻏﻀﺐ

ﺷﻔﺘﺔ ﺟﻤﻊ ﻛﺘﺒﻲ ﻭﺍﺧﺬﻫﻢ ﻭﻧﺰﻟﻬﻢ ﻭﺍﻧﻲ ﺻﺮﺕ ﺍﻗﺎﻭﻣﺔ ﺑﺎﻟﺮﻏﻢ ﻣﺎ ﻋﻨﺪﻱ ﺣﻴﻞ ﻭﻗﻮﺓ ﻧﺰﻟﺖ ﻭﺭﺍﻩ

- ﻳﺎﺑﺔ ﻭﻳﻦ ﻣﺎﺧﺬ ﻛﺘﺒﻲ ﺍﻟﻠﻪ ﻳﺨﻠﻴﻚ ﺍﺭﻭﺣﻠﻚ ﻓﺪﻭﺓ ﻋﻮﻓﻬﻢ ﺍﻟﻲ

- ﻟﺞ ﻣﻮ ﺍﻧﺘﻲ ﺍﻟﻲ ﺗﻠﻮﻳﻦ ﺫﺭﺍﻋﻲ ﻭﺗﻤﺸﻴﻦ ﺣﺠﺎﻳﺘﺞ

ﻋﻠﻤﻮﺩ ﺍﻟﺪﺭﺍﺳﺔ

ﺑﺎﻭﻉ ﻋﻠﻰ ﺍﻟﻜﺘﺐ

ﻫﻨﺔ ﻫﺬﻧﻲ ﺍﻟﻲ ﺭﺍﺡ ﺗﻤﻮﺗﻴﻦ ﻧﻔﺴﺞ ﻋﻠﻴﻬﻦ ﺧﻼﺹ ﺭﺍﺡ ﺍﺧﻠﺼﺞ ﻣﻨﻬﻢ

ﺷﻔﺘﺔ ﺩﺍﺭ ﻧﻔﻂ ﻋﻠﻰ ﻛﺘﺒﻲ ﻭﺣﺮﻛﻬﻦ

ﺍﺑﺎﻭﻉ ﻋﺎﻟﻨﺎﺭ ﺷﻠﻮﻥ ﺻﺎﺭﺕ ﺗﻠﻬﺐ ﺑﻴﻬﻢ ﻋﺒﺎﻟﻚ ﺗﻠﻬﺐ ﺑﺮﻭﺣﻲ ﻭﺻﺮﺕ ﻣﺜﻞ ﺍﻟﻤﺨﺒﻠﺔ ﻭﺭﻛﻀﺖ ﻋﻠﻴﻬﻦ

ﻭﺑﺪﻭﻥ ﻣﺎ ﺍﺣﺲ ﺻﺮﺕ ﺍﻃﻠﻊ ﺑﻴﻬﻢ ﻣﻦ ﺍﻟﻨﺎﺭ ﻭﺍﻃﻔﻴﻬﻢ ﻭﺍﺑﺠﻲ ﻣﺤﺴﻴﺖ ﻋﻠﻰ ﺭﻭﺣﻲ

ﺑﺲ ﺑﺎﺑﺎ ﻛﺎﻥ ﻟﻪ ﺭﺃﻱ ﺍﺧﺮ

ﺟﺮﻧﻲ ﻭﺑﻌﺪﻧﻲ ﻋﻦ ﺍﻟﻨﺎﺭ ﻭﺩﺧﻠﻨﻲ ﻟﻠﺒﻴﺖ

ﻛﺎﻥ ﻋﻨﺪﺓ ﺣﺰﺍﻡ ﺩﺧﻠﻨﻲ ﻟﻠﻐﺮﻓﺔ

ﻭﺻﺎﺭ ﻳﻀﺮﺑﻨﻲ ﻋﻠﻰ ﻇﻬﺮﻱ ﺑﺎﻟﺤﺰﺍﻡ ﻭﺍﻟﻠﻪ ﻟﻮ ﺍﮔﻠﻜﻢ ﻣﺤﺴﻴﺖ ﺑﺎﻻﻟﻢ ﻣﻦ ﮔﺪ ﻣﺎ ﺟﻨﺖ ﻣﻘﻬﻮﺭﺓ ﻋﻠﻰ ﻛﺘﺒﻲ

ﻭﻣﺪﺭﺳﺘﻲ ﺻﺮﺕ ﻣﻦ ﺍﻟﻀﺮﺏ ﺧﺪﺭ ﺟﺴﻤﻲ ﻭﻫﺬﺍ ﻛﻠﺔ

ﺻﺎﺭ

ﮔﺪﺍﻡ ﻋﻴﻮﻥ ﺍﻣﻲ ﺍﻟﻲ ﻓﺮﺕ ﺭﻭﺣﻬﺎ ﻣﻦ ﺍﻟﺒﺠﻲ ﻋﻠﻰ ﺣﺎﻟﻲ

ﻭﻇﻠﺖ ﺗﺤﺠﻲ ﻭﺗﺼﻴﺢ ﻋﻠﻰ ﺑﺎﺑﺎ

- ﺍﻟﻠﻪ ﺍﻛﺒﺮ ﻋﻠﻴﻚ ﻳﺎﻟﻈﺎﻟﻢ ﻟﻚ ﺍﻟﺒﻨﻴﺔ ﺭﺍﺡ ﺗﻤﻮﺕ

ﻭﺍﻟﻠﻪ ﺑﻌﺪ ﻣﺎﻟﻲ ﮔﻌﺪﺓ ﻭﻳﺎﻙ ﺑﺎﻟﺒﻴﺖ

ﺷﻔﺖ ﺍﻣﻲ ﻫﺠﺖ ﻣﻦ ﺍﻟﺒﻴﺖ ﻣﺜﻞ ﺍﻟﻔﻘﺪﺕ ﻭﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﺍﺧﺬﻫﺎ ﺍﺣﻤﺪ ﺍﺧﻮﻳﺔ ﻟﺒﻴﺖ ﺧﺎﻟﻮ

ﻭﻋﺮﻓﺖ ﺑﻠﺤﻈﺘﻬﺎ ﺍﻥ ﺍﻟﻤﺸﻜﻠﺔ ﻣﻮ ﺑﺲ ﺗﺨﺼﻨﻲ ﻭﺍﻧﻤﺎ

ﺗﺨﺺ ﺍﻟﻴﻴﺖ ﻛﻠﺔ ﻭﺍﺛﺮﺕ ﻋﻠﻰ ﺍﻣﻲ ﺍﻟﻲ ﻃﻠﻌﺖ ﺯﻋﻼﻧﺔ

ﻣﻦ ﻭﺭﺓ ﺍﺑﻮﻱ

ﺩﺧﻞ ﻋﻠﻴﺔ ﺍﺣﻤﺪ ﻭﻗﺘﻴﺒﺔ ﻭﻇﻠﻮ ﻳﻐﻠﻄﻮﻥ ﻭﻳﺴﺒﻮﻥ

ﻗﺘﻴﺒﺔ

- ﻛﻠﺔ ﻣﻦ ﻭﺭﺓ ﺭﺍﺳﺞ ﺍﻟﻴﺎﺑﺲ ﺍﻣﻲ ﻃﻠﻌﺖ ﺯﻋﻼﻧﺔ

ﺷﻮﻓﻲ ﻟﺞ ﺗﺎﻛﻠﻴﻦ ﺗﺒﻦ ﻭﺗﻮﺍﻓﻘﻴﻦ ﻭﻣﺘﻔﺘﺤﻴﻦ ﺣﻠﮕﺞ ﺑﻜﻠﻤﺔ

ﺍﺣﻤﺪ - ﺍﻛﻠﺞ ﻻﻳﻜﻮﻥ ﺳﺒﺐ ﺭﻓﻀﺞ ﻋﻨﺪﺝ ﻭﺍﺣﺪ ﻣﻨﺘﻈﺮﺗﺔ

ﻳﺠﻲ ﻳﺨﻄﺒﺞ

ﻋﺰﺓ ﺑﻌﻴﻨﻚ ﻳﺎ ﺍﺣﻤﺪ ﻣﻨﻴﻦ ﻃﻠﻌﺘﻠﻲ

- ﻻ ﻭﺍﻟﻠﻪ ﻣﺎﻋﻨﺪﻱ ﺷﻲ ﻏﻴﺮ ﺍﺭﻳﺪ ﺍﻛﻤﻞ ﺩﺭﺍﺳﺘﻲ

ﺷﻨﻮ ﻫﻲ ﻗﺎﺑﻞ ﺟﺮﻳﻤﺔ

ﺍﻟﻜﻞ ﻇﻞ ﻳﻠﻮﻡ ﺑﻴﺔ

ﺍﺩﺭﻱ ﺍﻧﻲ ﻣﺮﺩﺕ ﺷﻲ ﻏﻴﺮ ﺑﺲ ﺍﻋﻴﺶ ﺣﺎﻟﻲ ﺣﺎﻝ ﺍﻟﺒﻨﺎﺕ

ﺍﺭﺓ ﻳﺎﻧﺎﺱ ﻣﻮ ﺟﺮﻳﻤﺔ

ﻇﻠﺖ ﺍﻣﻲ ﻋﻨﺪ ﺧﻮﺍﻟﻲ ﺍﺳﺒﻮﻉ

ﻭﺑﺎﺑﺎ ﻭﺩﺓ ﻧﺎﺱ ﻋﻠﻴﻬﺎ ﻭﻣﻘﺒﻠﺖ ﺗﺮﺟﻊ ﺍﻻ ﺑﺸﺮﻁ

ﺍﻧﻲ ﺍﺧﻠﺺ ﺍﻣﺘﺤﺎﻧﺎﺕ ﺍﻟﺴﺎﺩﺱ

ﻳﺎﻟﻠﻪ ﺍﺗﺰﻭﺝ ﻋﻠﻰ ﺍﻻﻗﻞ ﻣﺎﺧﺬﺓ ﺷﻬﺎﺩﺓ ﺍﻟﺴﺎﺩﺱ

ﻭﺍﺑﻮﻳﺔ ﻭﺍﻓﻖ ﻋﻠﻰ ﻃﻠﺒﻬﺎ ﺭﻏﻢ ﻛﺎﻥ ﻋﺼﺒﻲ

ﺑﺲ ﺍﻣﻲ ﻣﻦ ﻃﻠﻌﺖ ﻣﻦ ﺍﻟﺒﻴﺖ ﺍﺑﻮﻳﺔ ﻣﻦ ﻭﺭﺍﻫﺔ ﺍﺗﺒﻬﺬﻝ

ﻻﻥ ﺍﻣﻲ ﻣﻌﻮﺩﺗﺔ ﻋﻠﻰ ﻋﻨﺎﻳﺘﻬﺔ ﺍﻟﺔ ﻭﺗﺮﺗﻴﺒﻬﺎ ﻟﻠﺒﻴﺖ ﻭﺍﻟﻄﺒﺦ ﻭﻛﺎﻧﺖ ﻛﻠﺶ ﺩﺍﻳﺮﺓ ﺑﺎﻟﻬﺔ ﻋﻠﻴﻪ ﻭﻣﻬﺘﻤﺔ ﺑﻲ

ﺑﺤﻴﺚ ﺍﺑﺎﻭﻉ ﻋﻠﻴﻪ ﺍﺷﻜﺪ ﻗﺎﺳﻲ ﻭﻃﺎﻏﻲ ﻟﻜﻦ

ﻣﻦ ﺭﺍﺣﺖ ﺍﻣﻲ ﺯﻋﻼﻧﺔ ﺭﻏﻢ ﻣﻜﺎﺑﺮﺗﺔ ﺣﺴﻴﺖ ﺑﻲ ﺿﺎﻳﻊ ﺑﺪﻭﻧﻬﺎ ﻭﻣﻴﻌﺮﻑ ﻳﺪﺑﺮ ﺍﻣﻮﺭ ﺍﻟﺒﻴﺖ

ﺻﺤﻴﺢ ﻫﻮ ﺩﺍﺋﻤﺎ ﻣﺤﺴﺲ ﺍﻣﻲ ﺍﻥ ﻫﻲ ﻻﺷﻲﺀ ﻭﻣﺎﻟﻬﺔ ﺩﻭﺭ ﺑﺤﻴﺎﺗﻪ ﺍﻭ ﺍﻱ ﻓﺎﻳﺪﺓ

ﻟﻜﻦ ﺍﻣﻲ ﻛﺪﺭﺕ ﺗﺜﺒﺘﻠﺔ ﺍﻥ ﻫﻮ ﺑﺪﻭﻧﻬﺎ ﻻﺷﻲ ﻭﺍﻥ ﺍﻟﻤﺮﺓ

ﺍﻟﻨﺼﻒ ﺍﻻﺧﺮ ﺍﻟﻲ ﻳﻜﻤﻞ ﺑﻲ ﺍﻟﺮﺟﻞ ﻭﺑﺪﻭﻧﻬﺎ ﻳﺼﺒﺢ ﺭﺟﻞ ﻏﻴﺮ ﻛﺎﻣﻞ ﻟﻮ ﻣﻬﻤﺎ ﻛﺎﻥ ﺍﻟﺮﺟﻞ ﻗﻮﻱ ﺗﺒﻘﻰ ﻫﻨﺎﻙ ﺍﻣﺮﺃﺓ ﺧﻠﻔﻪ ﺗﻜﻮﻥ ﻫﻲ ﺳﺒﺐ ﻗﻮﺗﻪ ﻭﻫﺬﺍ ﺍﻟﺸﻲ ﻻﺣﻈﺘﺔ

ﻋﻨﺪ ﺑﺎﺑﺎ

ﻣﻦ ﻳﻮﻣﻬﺎ ﻭﺍﻧﻲ ﻗﺮﺭﺕ ﺍﻥ ﺍﺳﺘﺴﻠﻢ ﻟﻤﺼﻴﺮﻱ ﻣﺜﻞ ﺍﻟﻲ ﻳﺤﻜﻤﻮﻥ ﻋﻠﻴﻪ ﺑﺎﻻﻋﺪﺍﻡ ﻭﻫﻮ ﻣﺎﺑﻴﺪﺓ ﺷﻲ ﻳﻘﺪﻣﺔ ﻟﺤﺘﻰ ﻳﻨﻘﺬ ﻧﻔﺴﻪ

ﺭﺟﻌﺖ ﺍﻣﻲ ﻟﺒﻴﺘﻨﺎ

ﺑﻴﻮﻣﻬﺎ ﺍﺟﺘﻲ ﺭﻳﻢ ﺍﺧﺘﻲ ﻟﺒﻴﺖ ﺍﻫﻠﻲ

ﻭﻇﻠﺖ ﺗﺤﺠﻲ ﻭﻳﺎﻱ ﺣﺘﻰ ﺍﺗﻜﻴﻒ ﻭﻳﺔ ﺍﻟﻮﺿﻊ

ﺭﻳﻢ - ﺳﻬﻰ ﺣﺒﻴﺒﺘﻲ ﻫﺬﺍ ﻫﻮ ﻗﺒﻠﻲ ﺑﻘﺴﻤﺘﺞ ﻭﻟﺘﻀﻮﺟﻴﻦ

ﺗﺮﺓ ﺷﻮﻓﺖ ﻋﻴﻨﺞ ﺷﻔﺘﻲ ﺭﻓﻀﺞ ﻭﻣﻘﺎﻭﻣﺘﺞ ﺷﻨﻮ ﺳﻮﺕ ﺑﺎﻟﺒﻴﺖ ﻭﺑﺄﻣﻲ ﺑﺎﻟﺬﺍﺕ ﺗﺮﺓ ﺍﺣﻨﺎ ﺍﻭﻝ ﻭﺗﺎﻟﻲ ﻧﺘﺰﻭﺝ

ﺍﺳﺘﺴﻠﻤﺖ ﻭﺑﺪﻳﺖ ﺍﺗﻘﺒﻞ ﺍﻟﻮﺿﻊ ﻟﺨﺎﻃﺮ ﺍﻣﻲ

ﻭﺭﺣﺖ ﻧﺰﻟﺖ ﻭﺳﻠﻤﺖ ﻋﻠﻰ ﺍﻣﻲ ﻭﺑﺴﺘﻬﺎ ﻣﻦ ﺭﺍﺳﻬﺎ

- ﻳﻮﻡ ﺍﻟﻠﻪ ﻳﺨﻠﻴﺞ ﻟﺘﻨﻘﻬﺮﻳﻦ ﺗﺮﺓ ﺍﺣﻨﺎ ﺍﻭﻝ ﻭﺗﺎﻟﻲ ﻣﺼﻴﺮﻧﺎ ﺍﻟﺰﻭﺍﺝ

ﻃﺒﻌﺎً ﺍﻧﻲ ﺍﺣﺠﻲ ﻭﮔﻠﺒﻲ ﻳﺘﻤﺰﻕ ﻣﻦ ﺍﻟﻘﻬﺮ

ﺍﻡ ﺳﻬﻰ - ﺍﺩﺭﻱ ﺑﻴﻜﻢ ﺍﻭﻝ ﻭﺗﺎﻟﻲ ﻣﺼﻴﺮﻛﻢ ﺍﻟﺰﻭﺍﺝ ﺑﺲ ﻋﻠﻰ ﺍﻻﻗﻞ ﺍﺧﺬﻭ ﺷﻬﺎﺩﺗﻜﻢ ﻻﻥ ﺍﻟﻮﻛﺖ ﻣﻴﻨﻌﺮﻑ ﺷﻀﺎﻣﻠﻜﻢ ﻭﺗﻜﺪﺭﻭﻥ ﺑﺸﻬﺎﺩﺗﻜﻢ ﺗﺘﻌﻴﻨﻮﻥ ﻭﺗﻌﻴﻠﻮﻥ ﻧﻔﺴﻜﻢ

..... 

ﺍﺗﺪﺧﻠﺖ

ﺭﻳﻢ - ﻳﺎﺑﻌﺪ ﻋﻤﺮﻱ ﻫﺴﺔ ﺍﻧﺘﻲ ﻣﻮ ﺍﺧﺬﺗﻲ ﺍﻟﺸﻬﺎﺩﺓ ﺷﻨﻮ ﺍﺳﺘﻔﺎﺩﻳﺘﻲ

- ﻻ ﻣﺎﻣﺎ ﺣﺒﻴﺒﺘﻲ ﺍﻧﻲ ﺍﺧﺬﺕ ﺍﻟﺸﻬﺎﺩﺓ ﺑﺲ ﻋﻠﻰ ﺍﻻﻗﻞ ﻛﺪﺭﺕ ﺍﻓﻴﺪﻛﻢ ﺑﻴﻬﺎ ﻭﻛﺪﺭﺕ ﺍﺩﺭﺳﻜﻢ

ﻳﻌﻨﻲ ﻟﻮ ﻣﺎﻋﻨﺪﻱ ﺷﻬﺎﺩﺗﻲ ﻭﻣﺘﺨﺮﺟﺔ

ﺟﺎﻥ ﺍﺍﻧﺘﻮ ﻭﺍﺧﻮﺍﻧﻜﻢ ﻣﺘﻔﻮﻗﺘﻮ ﺑﻤﺪﺍﺭﺳﻜﻢ

ﻃﺒﻌﺎً ﺍﻋﺮﻑ ﺑﻜﻼﻡ ﺍﻣﻲ ﻛﻠﺔ ﺻﺤﻴﺢ ﺑﺲ ﺍﻟﻌﻴﻦ ﺑﺼﻴﺮﺓ ﻭﺍﻻﻳﺪ ﻗﺼﻴﺮﺓ ﻭﻫﺬﺍ ﺍﻣﺮ ﺍﻟﻠﻪ

ﻭﻋﺪﺕ ﻓﺘﺮﺓ ﻭﺻﺮﺕ ﺍﺩﺭﺱ ﺍﻣﺘﺤﺎﻧﺎﺗﻲ

ﺑﺲ ﺻﺮﺕ ﻛﻠﺶ ﺳﻄﺤﻴﺔ ﻭﻻ ﺍﺑﺎﻟﻴﺔ

ﻭﺭﺟﻊ ﺑﺎﺑﺎ ﻓﺘﺢ ﻣﻮﺿﻮﻉ ﺍﻫﻞ ﺍﻟﻮﻟﺪ

ﺍﻟﻲ ﻳﺮﺩﻭﻥ ﻳﺠﻮﻥ ﻋﻠﻴﺔ ﺧﻄﺎﺑﺔ ﻭﺣﺪﺩﻭ ﻣﻮﻋﺪ ﻭﻳﺔ ﺍﺑﻮﻱ ﻳﺴﻮﻥ ﻣﺸﻴﺔ ﺍﻟﺰﻟﻢ ﺍﻭﻝ ﻣﺎ ﺍﺧﻠﺺ ﺍﻣﺘﺤﺎﻧﺎﺕ ﺍﻟﺴﺎﺩﺱ

ﺩﺧﻞ ﺍﺧﻮﻱ ﺍﺣﻤﺪ ﺳﺘﻮﺓ ﻛﺎﻥ ﺭﺍﺟﻊ ﻣﻦ ﺍﻟﻜﻠﻴﺔ ﻫﻮ ﻛﻠﻴﺔ ﻗﺎﻧﻮﻥ

ﺭﺍﺡ ﺑﺎﺱ ﺭﺍﺱ ﺍﻣﻲ

ﺍﻟﺘﻔﺘﺖ ﻋﻠﻴﺔ

- ﻋﻔﻴﺔ ﺳﻬﻰ ﺻﺒﻴﻠﻲ ﻏﺪﺓ ﻣﻴﺖ ﻣﻦ ﺍﻟﺠﻮﻉ

- ﺻﺎﺭ ﺭﺍﺡ ﺍﺻﺒﻠﻲ ﻭﺍﺻﺒﻠﻚ ﺳﻮﻳﺔ

ﺩﺧﻠﺖ ﻋﺎﻟﻤﻄﺒﺦ ﺷﻔﺖ ﻧﻮﺭ ﺗﻤﺴﺢ ﺑﺎﻟﻄﺒﺎﺥ ﻻﻥ ﺍﻟﻴﻮﻡ ﻋﻠﻴﻬﺎ ﻣﻮﺍﻋﻴﻦ ﺍﻟﻐﺪﺓ ﻭﺍﻧﻲ ﻋﻠﻴﺔ ﻭﺟﺒﺔ ﺍﻟﻌﺸﺎ

ﻣﻘﺴﻤﻴﻦ ﺍﻟﺸﻐﻞ

- ﻧﻮﺭ ﺑﺎﻟﻠﻪ ﻓﻬﻤﻴﻨﻲ ﺷﻨﻮ ﺻﺎﻳﺮ ﻣﻨﻮ ﻫﻮﺫﻟﻲ ﺍﻟﻲ ﺟﺎﻳﻴﻦ ﻳﺨﻄﺒﻮﻧﻲ ﻭﻳﻦ ﺷﺎﻓﻮﻧﻲ ﺣﺘﻰ ﺍﺟﻮ ﻋﻠﻴﺔ

- ﻟﺞ ﺳﻜﺘﻲ ﻫﺬﻭﻟﻲ ﻧﺎﺱ ﻣﻦ ﺍﻗﺎﺭﺏ ﺟﺎﺭﻧﺎ ﺻﺪﻳﻖ ﺑﺎﺑﺎ ﺑﻴﺖ ﺍﺑﻮ ﻣﻨﺬﺭ ﺻﺎﺩﻑ ﺍﻟﻮﻟﺪ ﻛﺎﻥ ﻋﻨﺪﻫﻢ ﻣﻌﺰﻭﻡ ﻭﺷﺎﻓﺞ ﺗﻤﺸﻴﻦ ﺑﺎﻟﻄﺮﻳﻖ ﻭﺳﺎﺋﻞ ﻋﻨﺞ ﻭﺩﺍﺯ ﺍﺑﻮ ﻣﻨﺬﺭ ﻟﺒﺎﺑﺎ ﺣﺘﻰ ﻳﺮﻳﺪ ﻳﺘﻘﺪﻣﻠﺞ

- ﺍﻣﺪﺓ ﺣﻈﻲ ﻣﻦ ﺳﺎﻋﺘﺔ ﺍﻟﺴﻮﺩ ﺍﻟﻲ ﺷﺎﻓﻨﻲ ﺑﻴﻬﺎ

ﺷﻨﻮ ﺟﺎﻥ ﻻﺑﺪ ﻭﻣﻨﺘﻈﺮﻧﻲ ﺍﻃﻠﻊ

ﺍﺳﺘﻐﻔﺮ ﺍﻟﻠﻪ ﺻﺪﻕ ﺷﻐﻠﺔ ﺗﻘﻬﺮ ﻓﻮﻙ ﻫﺬﺍ ﺍﻟﻀﻴﻢ ﻛﻠﺔ

ﻻﻃﻠﻌﺔ ﻭﻻﻣﺸﻴﺔ ﻭﻻ ﻭﻧﺴﺔ ﻭﺣﺼﺮﺓ ﻋﻠﻴﻨﺎ ﻳﺼﻴﺮ ﻋﻨﺪ ﻭﺍﺣﺪ ﻣﻦ ﺍﻗﺎﺭﺑﻨﺎ ﻋﺮﺱ ﺍﻻ ﺑﺎﻟﺸﺎﻓﻌﺎﺕ ﻳﺎﻟﻠﻪ ﺑﺎﺑﺎ ﻳﻮﺍﻓﻖ ﻧﻄﻠﻊ ﻟﻠﻌﺮﺱ

ﺑﻌﺪ ﻣﺎ ﺗﻄﻴﺢ ﻭﺻﻠﺔ ﻣﻦ ﺍﻟﺴﺎﻧﺔ

ﻭﺑﻌﺪ ﻛﻞ ﻫﺬﺍ ﺍﻟﺤﺮﻣﺎﻥ ﺍﻟﻲ ﻋﺸﻨﺎﻩ ﻳﺰﻭﺟﻨﺎ

ﻧﻮﺭ - ﺑﻠﻜﺖ ﻳﻄﻠﻊ ﺯﻭﺟﺞ ﺧﻮﺵ ﻭﻟﺪ ﻭﻳﺴﻔﺮﺝ ﻭﻳﻮﻧﺴﺞ

ﻭﻳﻌﻀﻮﺝ ﺍﻟﺤﺮﻣﺎﻥ

- ﻋﻤﻲ ﻣﺎﺗﺴﻜﺘﻴﻦ ﺭﺣﻤﺔ ﻋﻠﻰ ﻭﺍﻟﺪﻳﺞ ﻫﻮ ﻋﻠﻰ ﮔﻮﻟﺖ

ﺭﻳﻢ ﻫﻮ ﺍﺫﺍ ﺍﻟﺒﻨﻴﺔ ﻋﻨﺪ ﺍﻫﻠﻬﺎ ﻭﻫﻲ ﻭﺻﻠﺔ ﻣﻦ ﮔﻠﺒﻬﻢ ﻣﻄﻴﺤﻴﻦ ﺣﻈﻬﺎ ﻭﻣﺎﻣﺴﻮﻳﻠﻬﺎ ﺍﺣﺘﺮﺍﻡ ﻭﺍﺣﺴﺎﺏ

ﺗﺮﺩﻳﻦ ﺍﻟﻐﺮﻳﺐ ﻳﻘﺪﺭﻫﺎ ﻭﻳﺤﻦ ﻋﻠﻴﻬﺎ ﺍﻟﻠﻪ ﻭﻛﻴﻠﺞ ﺩﺗﺸﻔﻴﻦ ﺑﻌﻴﻨﺞ ﺭﻳﻢ ﺧﻄﻴﺔ ﻣﻦ ﻭﺭﺓ ﻣﺸﺎﻛﻠﻬﺎ ﻭﻳﺔ ﺯﻭﺟﻬﺎ

ﺻﺎﻳﺮﺓ ﻋﺒﺎﻟﻚ ﻣﺮﻳﺔ ﻋﺠﻮﺯ ﻻﺗﻠﺒﺲ ﻭﻻﺗﻌﺪﻝ

ﻭﺍﻟﻠﻪ ﺷﻨﻮ ﻻﻥ ﺭﺟﻠﻬﺎ ﻳﺸﻚ ﻭﻳﻐﺎﺭ ﻋﻠﻴﻬﺎ

ﻭﻣﻴﺨﻠﻴﻬﺎ ﺗﻌﺪﻝ ﻭﺗﻠﺒﺲ ﻭﺍﻟﻠﻪ ﻳﺎﻟﻠﻪ

- ﻭﺍﻟﻠﻪ ﺻﺪﻙ ﻛﻼﻣﺞ

ﺗﺪﺭﻳﻦ ﺳﻬﻰ ﻣﺮﺍﺕ ﺍﺳﻤﻊ ﺻﺪﻳﻘﺎﺗﻲ

ﻳﺴﻮﻟﻔﻮﻥ ﻋﻦ ﺍﻟﻌﻄﻠﺔ ﻭﺷﺮﺍﺡ ﻳﺴﻮﻭﻥ ﺑﻴﻬﺎ ﻭﺣﺪﺓ ﺗﻜﻮﻝ ﺭﺍﺡ ﻧﺴﺎﻓﺮ ﻟﺘﺮﻛﻴﺎ ﻭﺍﻟﺜﺎﻧﻴﺔ ﺗﻜﻮﻝ ﺭﺍﺡ ﻧﺴﺎﻓﺮﺭﻟﻠﺸﻤﺎﻝ

ﻭﻛﻠﻬﻦ ﻳﺤﺠﻦ ﺑﺎﻟﺴﻔﺮﺍﺕ ﻭﺍﻟﻮﻧﺴﺔ ﺑﺎﻟﻌﻄﻠﺔ

- ﺍﻱ ﺑﺎﻟﻌﺎﻓﻴﺔ ﻋﻠﻴﻬﻦ ﻣﻮ ﻣﺜﻠﻨﺎ

ﻫﺴﺔ ﻫﻮ ﺑﺎﺑﺎ ﻭﺍﺧﻮﺍﻧﻲ ﻋﺎﺩﻱ ﻫﻤﺔ ﻳﺴﺎﻓﺮﻭﻥ ﻭﻳﻄﻠﻌﻮﻥ ﺍﻻ ﺍﺣﻨﺎ ﻋﻮﺩﻙ ﻟﻴﺶ ﻃﺎﻟﻌﻴﻦ ﻣﻦ ﺯﺭﻑ ﺍﻟﺤﺎﻳﻂ

ﺍﺣﻤﺪ - ﺍﻛﻮﻝ ﺑﻼ ﻟﻐﻮﺓ ﺷﻜﺪ ﺗﺤﺠﻦ ﺑﺲ ﺑﻴﻜﻢ ﺳﻮﺍﻟﻒ

ﺻﺒﻴﺘﻲ ﺍﻟﻐﺪﺓ

- ﺍﻱ ﻫﻴﺎﺗﺔ ﻛﺪﺍﻣﻚ ﻋﻠﻰ ﻣﻴﺰ ﺍﻟﻄﻌﺎﻡ

ﺗﻠﻔﺘﺖ ﻋﻠﻰ ﻧﻮﺭ - ﻣﻦ ﺗﺨﻠﺼﻴﻦ ﺷﻐﻠﺞ ﺍﻛﻮﻱ ﻗﻤﻴﺼﻲ

ﻧﻮﺭ ﻭﻫﻲ ﺗﻨﻔﺾ ﻣﻦ ﺍﻳﺪﻫﺎ ﺍﻟﺠﻼﻓﺔ

- ﺍﻭﻭﻭﻑ ﻛﻠﺔ ﻧﻮﺭ ﻧﻮﺭ ﻧﻮﺭ ﻭﺍﻟﻠﻪ ﻣﻠﻴﺖ

- ﺷﻮﻑ ﻫﺎﻱ ﺍﻟﻔﺼﻤﺔ ﮔﺎﻋﺪﺓ ﺗﺄﻓﺄﻑ ﺑﻮﺟﻬﻲ

ﺷﻔﺘﺔ ﺭﺍﺩ ﻳﮕﻮﻡ ﻋﻠﻴﻬﺎ ﻟﺰﻣﺖ ﺍﻳﺪﺓ ﻭﻛﻌﺪﺗﺔ ﻋﺎﻟﻜﺮﺳﻲ

- ﺩﻋﻮﻓﻬﺎ ﺍﻋﻮﻓﻬﺎ ﺟﺎﻫﻠﺔ

ﻏﻤﺰﺗﻠﻬﺎ ﺣﺘﻰ ﺗﻄﻠﻊ

- ﺍﺣﻤﺪ ﺗﻌﺎﻝ ﺍﺳﻮﻟﻔﻠﻚ ﺷﻨﻮ ﺻﺎﻳﺮ

ﺭﺩﺕ ﺍﺑﺪﻝ ﺍﻟﺴﺎﻟﻔﺔ ﺣﺘﻰ ﻳﻨﺴﻰ ﻭﻣﺎ ﻳﺨﻠﻲ ﺩﻭﺑﺔ ﻭﻳﺔ ﻧﻮﺭ

ﻻﻥ ﻫﻮ ﻣﺜﻞ ﺑﺎﺑﺎ ﺑﺲ ﻳﺰﻣﺦ ﻭﻳﺼﻴﺢ ﺻﺤﻴﺢ ﻣﺮﺍﺕ ﻳﺼﻴﺮ ﻭﻳﺎﻧﺔ ﺣﺒﺎﺏ ﻭﻳﺸﺘﺮﻱ ﺍﻟﻨﺎ ﺟﺒﺲ ﺣﻠﻮﻳﺎﺕ ﺑﺲ

ﻗﺴﺎﻭﺗﺔ ﺗﻌﻢ ﻋﻠﻰ ﻃﻴﺒﺘﺔ ﻓﻲ ﺑﻌﺾ ﺍﻻﺣﻴﺎﻥ

ﺑﻌﺪ ﻣﺮﻭﺭ ﻓﺘﺮﺓ ﺍﻻﻣﺘﺤﺎﻧﺎﺕ ﺍﺧﺮ ﺍﻟﺴﻨﺔ ﺍﻣﺘﺤﻨﺖ ﻭﺧﻠﺼﺖ

ﺑﺲ ﺑﺪﻭﻥ ﺣﻤﺎﺱ ﻣﺎﻟﻲ ﻧﻔﺲ ﻻﻥ ﺍﻋﺮﻑ ﻣﺼﻴﺮﻱ

ﺍﻟﺰﻭﺍﺝ ﺍﻟﻤﻦ ﻣﺘﻌﺒﺔ ﺣﺎﻟﻲ

ﺑﺎﺧﺮ ﻳﻮﻡ ﺍﻟﻲ ﺑﺎﻟﻤﺪﺭﺳﺔ ﻛﻨﺖ ﺍﺑﺎﻭﻉ ﻟﻠﺒﻨﺎﺕ ﻭﻟﻬﻔﺘﻬﻢ

ﻭﻧﺸﺎﻃﻬﻢ ﻭﺷﻠﻮﻥ ﻳﺨﻄﻄﻮﻥ ﻟﻤﺴﺘﻘﺒﻠﻬﻢ ﺍﻧﻲ ﻣﻦ ﻳﻤﻲ

ﺍﻣﻮﻭﺕ ﻗﻬﺮ ﻻﻥ ﺍﻧﻲ ﻣﻮ ﻣﺜﻠﻬﻢ

ﺑﺲ ﻭﺍﻟﻠﻪ ﺍﺑﻮﻱ ﺭﺍﺡ ﻳﺘﺤﺎﺳﺐ ﻣﻦ ﻭﺭﺍﻳﺔ ﺍﻧﻲ ﻭﺧﻮﺍﺗﻲ

ﻋﻠﻰ ﺍﻫﻤﺎﻟﺔ ﺍﻟﻨﺎ

ﻳﻬﺘﻢ ﺑﺄﺧﻮﺗﻲ ﻭﻣﺴﺘﻘﺒﻠﻬﻢ ﺍﻛﺜﺮ ﻣﻦ ﻋﺪﻧﺎ

ﻭﺑﻌﺪ ﻫﺎﻱ ﺍﻟﻔﺘﺮﺓ ﻋﻄﻠﻨﺎ ﻭﻛﻌﺪﻧﺎ ﺑﺎﻟﺒﻴﺖ

ﻭﺍﺟﻮﻱ ﺍﻟﻨﺎﺱ ﻳﺨﻄﺒﻮﻧﻲ

ﻻﻥ ﺍﺗﻔﻖ ﻭﻳﺎﻫﻢ ﺑﺎﺑﺎ ﺗﺘﻢ ﺍﻟﺨﻄﻮﺑﺔ ﺑﻌﺪ ﺍﻻﻣﺘﺤﺎﻧﺎﺕ

ﻭﺻﺎﺩﻑ ﺑﻴﻮﻡ ﺍﺳﺘﻼﻡ ﺍﻟﻨﺘﺎﺋﺞ ﺻﺎﺭﺕ ﻣﺸﻴﺔ ﺍﻟﺰﻟﻢ

ﻣﺮﺍﺡ ﺍﻭﺻﻔﻠﻜﻢ ﺷﻌﻮﺭﻱ ﺑﻴﻮﻡ ﺍﺗﺼﻠﺖ ﻋﻠﻴﺔ ﺳﺎﺭﺓ ﺻﺪﻳﻘﺘﻲ ﻋﻠﻰ ﻧﻘﺎﻝ ﺍﻣﻲ ﻭﺷﻠﻮﻥ ﺑﺎﺭﻛﺘﻠﻲ ﻋﻠﻰ ﻧﺠﺎﺣﻲ ﺍﻧﻲ ﺻﺤﻴﺢ

ﻣﺎﻋﻨﺪﻱ ﺣﻤﺎﺱ ﻟﻜﻦ ﻛﺪﺭﺕ ﺍﻧﺠﺢ ﻭﻛﺎﻥ ﻣﻌﺪﻟﻲ ﻭﺳﻂ

ﻭﺍﻧﻲ ﻣﺘﺄﻛﺪﺓ ﻟﻮﻣﺎ ﺳﺎﻟﻔﺔ ﺍﻟﺰﻭﺍﺝ ﺍﻟﻲ ﻛﺴﺮﺕ ﻭﺍﻫﺴﻲ ﺑﺎﻻﻣﺘﺤﺎﻧﺎﺕ ﺟﺎﻥ ﺟﺒﺖ ﻣﻌﺪﻝ ﺍﻋﻠﻰ ﻣﻦ ﻫﺬﺍ ﺑﺲ ﻳﺎﻟﻠﻪ

ﺍﻧﻌﻢ ﺍﻟﻠﻪ ﻋﻠﻰ ﺍﻻﻗﻞ ﻋﻨﺪﻱ ﺷﻬﺎﺩﺓ ﺳﺎﺩﺱ

ﺗﺮﻛﺖ ﻋﻨﻲ ﺍﻟﺘﻔﻜﻴﺮ ﺑﻤﺴﺘﻘﺒﻠﻲ ﻭﺷﻬﺎﺩﺗﻲ

ﻭﺍﻟﺘﻔﺘﺖ ﺍﻟﻰ ﺟﺎﻧﺐ ﺣﻴﺎﺗﻲ ﺍﻟﺜﺎﻧﻲ ﺍﻟﻲ ﻫﻮ ﺍﻟﺰﻭﺍﺝ

ﻭﺻﺮﺕ ﺍﺗﺄﻣﻞ ﻋﺴﻰ ﻭﻟﻌﻞ ﺍﻥ ﺍﻟﺸﺨﺺ ﺍﻟﻲ ﺟﺎﻱ ﻣﺘﻘﺪﻣﻠﻲ ﻳﻜﻮﻥ ﺍﻧﺴﺎﻥ ﺯﻳﻦ ﻭﻳﻌﻮﺿﻨﻲ ﻋﻦ ﺧﺴﺎﺭﺓ ﺷﻬﺎﺩﺗﻲ

ﻭﺑﻴﻮﻣﻬﺎ ﺍﺧﺬﺗﻨﻲ ﻋﻤﺘﻲ ﺍﺧﺖ ﺑﺎﺑﺎ ﻟﻠﺼﺎﻟﻮﻥ

ﻭﺧﻄﻴﺔ ﻣﺎﻣﺎ ﻭﺑﺎﺑﺎ ﺑﻌﺪﻫﻢ ﻋﻠﻰ ﺧﺼﺎﻡ ﻣﻦ ﻭﺭﺓ ﺳﺎﻟﻔﺘﻲ

ﺭﺟﻌﺖ ﻣﻦ ﺍﻟﺤﻼﻗﺔ ﺑﻌﺪ ﻣﺎ ﺣﻔﻴﺖ ﻭﻣﻜﻴﺠﺖ ﻭﻟﺒﺴﺖ ﺍﻟﺒﺪﻟﺔ

ﺩﺧﻠﺖ ﺷﻔﺖ ﺍﻫﻞ ﺍﻟﻌﺮﻳﺲ ﺟﺎﻳﻴﻦ ﻛﻨﺖ ﺑﻮﻗﺘﻬﺎ ﻛﻠﺶ ﻧﺎﻋﻤﺔ

ﻭﺧﺠﻼﻧﺔ ﻭﺍﻟﻠﻪ ﺣﺘﻰ ﺳﻼﻡ ﻣﺎ ﺍﻋﺮﻑ ﺍﺳﻠﻢ

ﻻﻥ ﺍﺣﻨﺎ ﻭﺍﻟﻔﻀﻞ ﻟﺒﺎﺑﺎ ﻣﻌﺪﻧﺎ ﺍﺧﺘﻼﻁ ﻭﻳﺔ ﺍﻟﻨﺎﺱ ﻭﺑﻴﺘﻨﺎ ﻧﺎﺩﺭﺍً ﻣﺎ ﻳﺠﻮﻧﺎ ﺧﻄﺎﺭ ﻳﻌﻨﻲ

ﻋﻠﻰ ﺍﻟﺮﻏﻢ ﺍﻣﻲ ﺗﺤﺐ ﺍﻟﻨﺎﺱ ﻭﺍﻻﻗﺎﺭﺏ ﻭﺗﺮﺣﺐ ﺑﻴﻬﻢ ﺑﺒﻴﺘﻬﺔ

ﻟﻜﻦ ﺍﺑﻮﻱ ﻋﻠﻰ ﺍﻟﻌﻜﺲ ﻳﻜﺮﻩ ﺳﺎﻟﻔﺔ ﺧﻄﺎﺭ ﻣﺎ ﺧﻄﺎﺭ ﻭﻳﻘﻮﻡ ﺑﺎﻟﻮﺍﺟﺐ ﺑﺄﺧﺘﺼﺎﺭ ﻣﻴﻮﺍﺻﻞ ﺍﻟﺮﺣﻢ

ﺩﺧﻠﺖ ﻋﻠﻰ ﺍﻫﻞ ﺍﻟﻮﻟﺪ ﻭﺷﻔﺖ ﻣﺮﺓ ﺟﺒﻴﺮﺓ

ﻣﻦ ﺳﻠﻤﺖ ﻋﻠﻴﻬﺎ ﻇﻠﺖ ﺗﺼﻠﻲ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﺑﺼﻮﺕ ﻋﺎﻟﻲ ﻓﺰﺯﺗﻨﻲ

ﺍﺗﻌﺮﻓﺖ ﻋﻠﻰ ﺍﻡ ﺍﻟﻮﻟﺪ ﻫﻤﺔ ﻣﻦ ﺍﻫﻞ ﺍﻟﺠﻨﻮﺏ ﻭﻫﻤﺔ ﺟﺎﻳﻴﻦ ﻫﺴﺔ ﻣﻦ ﺍﻟﺴﻔﺮ ﺑﻮﺟﻬﻢ ﻟﺒﻴﺘﻨﺎ

ﻭﺟﺎﻧﺖ ﻣﺮﻳﺔ ﺣﺒﺎﺑﺔ ﺟﺒﻴﺮﺓ ﺑﺎﻟﻌﻤﺮ

ﻭﺧﻮﺍﺗﺔ ﺗﻼﺛﺔ ﻭﺣﺪﺓ ﺍﺻﻐﺮ ﻣﻨﻲ ﻭﺍﺛﻨﻴﻦ ﻛﺒﺎﺭ

ﻃﺒﻌﺎً ﻟﺤﺪ ﺍﻻﻥ ﻣﺸﺎﻳﻔﺔ ﺍﻟﻮﻟﺪ

ﻳﻌﻨﻲ ﻭﺍﻟﻠﻪ ﺑﺎﺑﺎ ﺟﺮﻡ ﺑﺤﺎﻟﻲ

ﺭﻓﺾ ﺍﻟﺮﺅﻳﺔ ﺍﻟﺸﺮﻋﻴﺔ ﮔﺎﻝ ﻫﻮ ﺷﺎﻳﻔﻬﺎ ﻭﻣﻘﺘﻨﻊ ﺑﻴﻬﺎ ﺧﻼﺹ ﻣﻴﺤﺘﺎﺝ ﻳﺠﻮﻥ ﻭﻳﺘﺸﺎﻭﻓﻮﻥ

ﺍﺩﺭﻱ ﺷﻨﻮ ﺣﺠﻲ ﺑﺎﻳﻌﻠﻚ ﺧﺮﻭﻑ ﻭﺍﻧﻲ ﻣﺎ ﺍﺩﺭﻱ ﺍﺳﺘﻐﻔﺮ ﺍﻟﻠﻪ

ﻃﺒﻌﺎً ﺍﺟﻮ ﻋﻤﺎﺗﻲ ﻭﺑﻨﺎﺗﻬﻢ ﻭﺧﺎﻻﺗﻲ ﻭﺑﻨﺎﺗﻬﻢ

ﻭﺍﻣﻲ ﻛﻌﺪﺕ ﺗﻘﺪﻡ ﺍﻟﻜﻴﻚ ﻭﺍﻟﻌﺼﺎﻳﺮ ﻫﻲ ﻭﺭﻳﻢ ﺍﺧﺘﻲ

ﻭﺑﻌﺪﻳﻦ ﺻﺎﺣﻠﻲ ﺑﺎﺑﺎ ﺣﺘﻰ ﻳﻌﻘﺪﻭﻟﻨﺎ

ﻭﺗﻢ ﺍﻟﻌﻘﺪ ﻭﺧﻠﺺ ﻭﻣﻜﺪﺭﺕ ﺍﺷﻮﻑ ﺍﻟﻮﻟﺪ ﻻﻥ ﺑﺎﺑﺎ ﻓﻮﻙ ﺭﺍﺳﻲ ﻭﺍﺣﻤﺪ ﻭﻗﺘﻴﺒﺔ ﻭﻳﻦ ﺍﻛﺪﺭ ﺍﺭﻓﻊ ﺭﺍﺳﻲ

ﺑﻌﺪﻫﺎ ﺩﺧﻠﺖ ﻋﺎﻟﻨﺴﻮﺍﻥ ﻭﺻﺎﺭﺕ ﺍﻟﻬﻼﻫﻞ ﻭﺷﻐﻠﻮ ﺍﻟﺪﻳﺠﻲ ﻭﺭﺓ ﺷﻮﻳﺔ ﺩﺧﻞ ﺍﻟﻮﻟﺪ ﺍﻟﻲ ﺍﺳﻤﺔ ﻓﺮﺍﺱ ﺣﺘﻰ ﻳﻠﺒﺴﻨﻲ ﺍﻟﺤﻠﻘﺔ ﻭﺍﻟﺬﻫﺐ

ﻛﻌﺪ ﺑﺼﻔﻲ ﻭﺑﺎﺳﻨﻲ ﻣﻦ ﺭﺍﺳﻲ ﻭﺻﺎﺭﺕ ﻋﻴﻨﻲ ﺑﻌﻴﻨﺔ

ﻋﺰﺓ ﻫﺬﺍ ﺷﻨﻮ ﻛﻠﺶ ﺳﻤﻴﻦ

ﻭﺍﻟﻠﻪ ﺍﺟﻴﺖ ﺍﺑﺠﻲ ﻫﺎﻱ ﻟﻴﺶ ﻫﻴﺞ ﻋﻮﺩﻙ

ﻳﺘﺒﻊ. .