تاريخ النشر : 08/25/2024, 11:35:44

الكاتبه زهراء الركابي 

ذي قار (القيثاره الذهبيه) 

 

★★★★★★★★★

بتول "

يجي عمتي ام ايناس التفت للجه ثانيه و شفت عمتي هديل العب بدت الحرب العالميه الثالثه رحت اركض لعلياء و علياء اصلاً ملتهيه باأيناس 

 

بتول: علياء الحكي راح تبدي الحرب امج و امها بالحوش والعباس و النظرات مال الحقد من سنين شايلات دكن ع صدرهن و كامن ثنيهن حتى ايناس نست تعب و المرض تريد تلحك تسحل امها دخله ليجوه 

 

شويه و دخلت ايناس تحجي وي امها و تسحل بيه سحل والعباس منظره جان يفطس من الضحك و عمتي هنا تهلي و ترحب بيهم 

 

التفت البت عمنه و غمزتله البزون يحب خناكه ضحكت و مشت تكمل شغل دخلت و اني شايله خبز 

 

بتول: بتلينه صار عمنه شيخ من صخام بوجوهنا ع هل الشغله التعبانه 

 

سمعت صوت من وراي 

 

مصطفى: اسم الله عليج حبيبتي خزرته و هو بقه يبلعم و البنات بقن يضحكن و يهمسن بيناتهن و هو طلع من المطبخ شارد 

و اني بقيت اخوزر بلبقيه دخل ابن عمي سالم و صاح 

 

: بتول صيحي شيخه ايناس

 

بتول: تم هسه تجي 

 

دخلت للصاله و لكيته مشاحنات من عماتي و نسوان عمي الثنين و بالاخص عمتي هديل تخوزر و تبسمر كدام الخطار و النسوان الغرب و ايناس تهلي و ترحب رغم هي ازغرنه بس ما جذب جدها من يصيحله الشيخه 

 

بتول: شيخه يردونج 

ردت عمتي هديل 

 

هديل: هلا شيردون مني 

 

فشلته عمتي هناء و صاحت 

 

هناء: لا عيني يردون ست الشيخات شيخت الكل هنا أيناس 

 

أيناس: هسه جايه بس البس جواريب لان ما لبسه 

 

رغم ماكو غرب بس ملابسه عريضه و لابسه الجواريب و ردان طويله و حجابه مرتب وهيه مرتيبه مو مبهذله اني اذا البس حجاب اتبهذل 

 

اجته لبن عمي و حاجته طلع أحمد دزهم حتى يطمئنون عليه صفنت عليهم شويه و صليت ع محمد و كمت اصب وي البنات دخلو أحمد لان باله ضل على أيناس 

 

صبيناله صينيه اكل و اخذنها للغرفه 

 

أحمد: وين انوستي 

 

بتول: هسه اصيحه الك ولا يهمك 

 

طلعت ادور عليه لكيته يم بيبتي سلمت على بيبتي و صحت أيناس 

 

أيناس "

 

صاحوني و رحت اشوف شكو و دخلت احچي عليهن لان كومني من اكل تفاجئت بجود عمي و ابوي و ضياء و مصطفى لزمت شفتي بفشله و أحمد 

ضحك بصوت عالي

أحمد: تعالي يابه تعالي من خرب بغيرتج مكدرت لا اكل ولا اتحرك بالي يمج 

 

خزرته لان الكل واكف يتباوع و اني الفشله الاوله ما تخطيته ضياء ضحك 

 

ضياء: خلون نتركهم براحتهم طلعونه 

 

طلعو و مصطفى تربع 

مصطفى: و الكفل زينب ابقه و اتباوع و اريد اشوف ياهو يطلعني

 

غلست على كلامه و رحت على أحمد بست راسه 

أيناس: حمد الله على سلامتك الصبح جنت تعبانه ورها طلعت مكدرت اسلم عليكم ابتسم و سحب ايدي باسه و كعدني يمه باس راسي التفت ع مصطفى عيونه عشره على عشره علينه استحيت بس غلست عنه لان هذا واحد يحب واحد يرد عليه 

 

مصطفى " 

 

شكد مريت بقسوه بحياتي شكد 

شفت اذيه بس بقيت صابر و خطبت بنت عمي عن اعجاب و جنت احاول ارضيه و ارضي نفسي بس بكل مره جانت طلعني عن طوري بين قوسين ما ارتاحينه بس صابر لان بنت عمي وما اكدر اكسره كدام العالم 

فزيت من صفنتي و تفكيري ع سولف احمد و ضحكه وي ايناس صليت بقلبي على محمد و آل محمد و ضحكت من شفت احمد يلف الايناس لفات و هي تاخذ منه و تاكل جنه طفله صغيره و لا تكول عمره صار 18 

 

التفت على صوت ساره 

ساره: هاي شنو خيانه من ورى ضهري بابي 

ضحكنه كلنه بصوت عالي عليه و اشرله احمد و هم بده يلف و ينطيها و هو ياكل و ياهن و يضحك و اني مبتسم عليهم شكد حلوين رجعت لصفنتي و اني اذكر كل المشاكل البينه اني و بتول حاولت اخذ نفس و اطرد الافكار وما اكسر بخاطرها و هي ولا همها همه نفسه 

 

أيناس "

مر يومين على حادث احمد رجعت للبيت احظر دروسي و نمت 

كعدت الصبح ابدل و اذكرت منو ياخذني و هذا السايق ما اصعد ويا شون اخذت نفس و نزلت و اني اكول بقلبي اخلي ابوي يوصلني و لكيت مصطفى توه يكعد يشرب جاي 

 

أيناس: الله جابك مكدر اروح وي السايق 

 

مصطفى: ادري خابرني أحمد من الصبح يكعدني و البارحه لليل كله يوصي بيه 

 

ضحكت و كعدت اشرب قهوه وياهم 

ام ايناس: عوفي القهوة و اكلي لكمه 

 

ايناس: هاي سوالف أحمد من رحنه اني ويا الايران اخر مره عودني عليه بعد مكدرت اكطعه 

 

ضحك بابا و كاله خليه براحتها كام مصطفى يغسل شويه و صاحني 

 

أيناس: عفيه شغل قران بصوت ناصي 

 

مصطفى: تدلل شيختنه 

انتبهت عليه يصفن

 

أيناس: بيك شي مصطفى

 

مصطفى: احس نفسي مخنوك والله بلقوه عليه جاي اكابر و اطلع للشغل البيت كله ما اريده نوم ما انام راسي و عيوني تغوش كل ساعه 

 

أيناس: الى بذكر الله تطمئن القلوب 

اذكر دائماً 

 

ابتسم و كمل حديثه 

مصطفى: ما اريده بس احس شي جارني عليه معرف شنو والله روحي جزعت منه بس مكدر ارفض ولا اكدر افصخ 

 

أيناس: ترى بتول خوش بتول والله و اخلاقه و كلامه و فوك هذا موضفه مو جاهله 

 

ابتسم مصطفى: مو مهم عدي والله بس مجاي تفهميني جنت ما اطيقه بليله و يوم حبيته و هسه معرف كارها بس مكدر اعوفها 

 

أيناس: خلص ذبه يم الله و يحلها ميت حلال 

 

ابتسملي و فتح محفظه و خله بيدي عشره الف 

 

مصطفى: هاي من أحمد 

 

أيناس: شكراً مصطفى تعبتك 

 

مصطفى: لا ولا يهمج و ها وصاني انزل للمديره 

احجي ويها علمود بته 

 

نزلت اني ويا شال الجنطه مقبل اشيله و الاداره صايره بالباب المدرسات استقبلني الحمدلله على سلامتج و خطاكم سوء رديت عليهم و اخذت الجنطه من مصطفى و رحت و هو دخل للاداره 

خلص الدوام بين شرح و امتحان و الثالث الي طيح حظي و حظ الخلفني 

جنت واكفه و ضايجه اجتي ابنيه 

 

البنيه: السلام عليكم 

 

أيناس: و عليكم السلام، تفضلي حبيبتي محتاجه شي هاي الشعب بس للثوالث 

 

البنيه: اي اعرف دزوني ع المراقبه ايناس …اريده بشغله 

 

أيناس: اني بشحمها و لحمه احجي قلبي

 

ابتسمت و حجت بهدوء

البنيه: اني نقل و ما اعرف شي و المديره دزتني عليج 

جان شكله هاداء و العيون حلوات واسعات و الحجاب جان نازل ع اكتافه و محنكه و معاصم وي القميص الاسود و السدريه العريضه ابتسمت اله بخفه 

 

أيناس: هلا بيج حبيبتي ادخلي وياي دخلنه للشعبه بما انو عرفتي اسمي عرفيني اسمج ، ابتسمت و حجت 

 

البنيه: اسم نور… …من مدرسه…

 

أيناس: مدرستي القديمه من جنت بالابتدائه و المتوسطه 

 

نور: لعد هسه انت اعداديه 

 

أيناس: خرب بيومج اقصد الاول والثاني 

انطيني صبر اكمل جنج ردت احجي و سكتت تذكرت هي منين تعرف احمد و اشبها بي 

 

نور: شجني ولج احجي 

 

ضحكت أيناس: اجيت اشبهج بخطيبي و بعدين اذكرت انت متعرفي

 

ضحكت و انطيته دفاتر و تبادلنه الارقام جانت بنيه جد حبابه و خلوقه و متدينه 

وجه نوراني لوهله حسيته نبأ بس شخصيه ثانيه و ارتاحيت وياها و انطلق بلكلام 

 

نور: انت ما عدج صديقات شو من اجيت لحد الان وحدج 

 

غركن عيوني بدموع و سحبت الكلاده من ركبتي طلعت صورت نبأ

أيناس: لا عدي بس متوفيه و ما صادقت بعده هي جانت سند و اخت و تفتهم عليه بشكل بدون ما احجي ابتسمت و حجت

 

نور: الله يرحمها و يجعلها من سكنت الجنى

 

ابتسمت الدعائه الدرس الخامس على نصه و صاحوني يردوني بالاداره على معلومات و كذا للطالبات حتى يسونه البطاقه الامتحانات و نزلت لكيت مصطفى ابتسمتله 

 

: هلا هلا بابن عمي شيال همي ضحك 

 

مصطفى: خلصت قضايه ع وكت كلت امرج و أحمد خابرني فكلت امرج و ابقه كاعد منتظرج 

 

: والله لو ما عدي شغل مهم جان طلعت هسه لان عصافير بطني ازق زق من الجوع 

ضحك بصوت عالي و دخل للاداره و جان بيه مدرس الرياضيات و مدرسه الكيمياء و المديره سألتني المديره 

: بنيتي منو سلمت صورته و منو بعدهت 

 

: ست من شعبتنه بس سبعه 

 

: و الباقيات شنو جايات ينشن ذبان غير يجيبن صورهن 

 

: ست قبل لا اخذ اجازه حاجيتهم و اليوم هم بس ما فاد 

 

المدرس: بابا انتِ معليج احنه نحجي عليهم امشي وياي خل نشوف الشعب بقيه

أيناس: استاذ الشعب بقيه باقيات قليلات 

: تمام بنيتي جا شعبتج تاكد عليه اليوم

 

هزيت راسي و طلعت شهل ورطه الي صارت و سوني المراقبه من خرب بهل قسمه صاعده و ادردم انردمت بشخص و لزمني لا اوكع ابتسمت من شفته نور تبجي 

 

: صخام بوجهي عليش تبجيت شصاير 

 

نور: مدرسه تكول جيبي ورقه من المديره و ادخلج 

نزلنه إني وياها و حچيت للمديره

 

: حبيبتي ما يستوجب البجي انتِ بينه جبيره مو مال بجي 

 

نور: عادي اطلع مريد ابقه 

 

: براحتج بس اكو احد ياخذج 

 

نور: لا ست هو إني اجي عبريه 

 

: براحتج بس اتصلي ع اهلج اول 

 

نور: براحتج ست 

 

مصطفى: اني هم اريد نطلع أيناس 

لان خابرونه 

 

: صايره هواي تاخذ اجزات و هذا مو بصالحه هي وزاري 

 

مصطفى: بعيونه ست مخليه لا تخافين عليه 

 

صعدنه جبنه جنطنه و طلعنه و اصريت على نور تصعد ويانه 

 

: لا تخلين ابالج ترى هي مدرسه غثيثه و الكل يشتكي منه 

 

نور: لا على شنو ما تهمني وحده ملاكيه احد معبره تبرز شخصيته بلصياح و السب 

ابتسمت حكيمه بعد اختج ضحكت بهدوء 

 

نور: زحمتكم اني و انتو مشغولين

 

مصطفى: ولا يهمج بس دير بالج على هاي خوثه و كلشي مريد منج و دمغني ع راسي رفعت راسي عليه بصدمه و بجيت

 

: والقران اله اكول الاحمد ولك والله انفتحت العمليه خرب بقسمتك و قسمتي و هو يضحك و اني اشيل روحي و اركعها وهو يستفز بيه 

 

نور: يولي هو يريدج تعصبين غلسي 

 

مصطفى: ذيبه وعلي انت شبهين واحد بعلي نفس النسخه

 

واحنه نسوالف مصطفى سحب بريك قوي 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد ومحمد