تاريخ النشر : 08/29/2024, 18:33:06

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

كلام من أيناس جامع بي الفصحه والجنوبية البحت 

كيف لي ان انسى ذالك العطر الذي كان يتسر رئتي 

كيف لي ان انسى ضحكات گانت اضحكها من قلبي 

كيف وكيف لم ينسى حبك مهما كان طريقه البعد 

يوم سنلتقي يوم سسنجمع انا وانت 

 

 

أيناس: هم ضوج من احجي على احمد وحبي اله 

شفته يباوعلي بابتسامه عرفت نفسي جفصت 

أيناس: هو يعني شوف 

مصطفى: اي اي افتهمتج شوفي أيناس 

اني من حبيتج حبيتج بنهايه فتره خطوبتج تذكرين مره جبتلج بتول تبقه يمج حتى تفكر ما ننفصل من وقته بس مجنت اعرف هذا هو حب جنت عبالي اعجاب او حترام لان انتي بت عمي وزوجه اخوي وصديقي بعدين من توفه احمد واخذتج كم مره عرفت مشاعري 

بس معرفت الوقت المناسب وجوابي السؤالج يعني ما اضوج لان اعرف مكانتي بقلبج هواي واحمد شكد ما تحبين يبقه جان يوم من ايام حلالج 

ما اكدر اعترض على هذا شيء ولا اكدر اغير هسه فهمتي 

 

هزيت راسي بقبول وكمت نكتت ملابسي

أيناس: خلينه نتمشه 

هز راسه ومشه وياي وعيونه ليكدام واني امشي وبالي مو ياي وتفكير شنو اسوي وشنو احجي والله تعبانه مو مال هجي تفكير

 

مصطفى: أيناس تاخر الوقت لزم نرجع للبيت وباجر هم اجيبج تتمشين 

 

أيناس: اي اصلا اني تعبت اريد انام 

 

صعدنه وتوجهن لبيت عمي ابو مصطفى لكيت الولد كاعدين والبنات ودخلنه عليهم 

 

ناصر: ياهله وميت هلا بشيخت العشير 

 

زياد: هله بالكويه هلا بالي مكسر خشوم 

 

أيناس: هاي اني ولا عرفت نفسي

 

ضحكو كلهم بصوت عالي حجه مصطفى وهو ينزع الغتره 

مصطفى: أيناس تعبانه وباجر اريد اخذه للدكتور من صبح خلوها ترتاح يمه بلا امر عليج اخذيه لوحده من غرف خلي ترتاح 

 

محد جان يدري انو اني اتعالج عد دكتور نفسي واني مجنت حابه احد يعرف 

غير رغد وعلياء ونور ومصطفى 

يعني المقربين بس وما يحجون 

 

نمت من التعب او الهم الي بداخلي كعدت ع صوت منبه صلاه طلعت لكيتهم بعدهم كاعدين طلعت اتوضيت ورجعت للغرفه اصلي وطلعت كعدت وياهم 

 

ناصر: أيناس ليش مو مثل قبل تجين علينه تروحيت ويانه للمزرعه او تجين البيت جدي مستفقدينج 

 

أيناس: اجذب عليك اذا كتلك عدي جواب اني معرف اجوب نفسي جد تعبانه وروحي واكفه بتاريخ معين ومجاي اتخطى 

 

ناصر: شوفي اني ما حاس بشعورج بس خل اكلج شغله تكدرين تعالجين نفسج بلقران اقري هواي صدك راح ترتاحين 

 

أيناس: ان شاءلله 

 

زياد: ولا يكعد المتحدث عوفج منه صاير صكوك 

 

ضحكت عله كلمته ومصطفى نزل يرزل بيهم ويرزل بازياد اكثر شي

 

مصطفى: صوتك واصل الباريس ما اتكول ناس عده شغل تردي تنام

 

زياد انتبه عليه يرزل بي هو بذات مع العلم العائله كله كاعده وهو عناد بي التفلتي 

 

زياد: ايناس عوفج منه هاي عيونج لو عدسات غير يشكن مطي 

 

هو كال هجي ومصطفى دفره ويسب بي 

 

مصطفى: حيوان اللسانك والفاظك الخايسه 

صدك بساعته ضحكت لان جنت محتاجه هجي جو مصطفى نتبهلي سكت ما حجا بعد لان من صدك جانو يتمسكون باي شي يضحكني وينسيني 

 

بقينه كاعدين للسته صبح وهو اشرلي اكوم كمت بدلت وجهزت نفسي ورحنه للدكتور 

 

أيناس: مصطفى انتظرني لاتروح 

 

مصطفى: شون اروح واني جاي علمودج فوت يابه لا تخافين 

 

فتت عيوني مدمعه وخايفه مثل كل مره وما كدرت اتعود 

 

دكتور: هلا هلا باأنوستنه الجميله 

 

ابتسمتله وكعدت قدمي الكلنس وحجه بهدوء مثل كل مره 

 

دكتور: بعدنه ما بادين جلستنه ليش هل دموع الحلوه تنزل 

 

أيناس : دكتور احس تعبانه وشي الوحيد الي اعبر بي عن تعبي دموعي 

 

ابتسم بهدوء وحرك راسه يحثني على كلام بقيت اسولف بكل الي بقلبي بدون اي قيود 

 

دكتور: تذكرين اول جلسه شون جنت متردد زين اسالج سؤال هسه انتي ليش تجين تحجيلي مع العلم انو انت كلتي علياء قريبه وتعرف كل اسرارج ومشاكلج ليش محجيتله؟ 

 

صفنت افكر باجابه مثل ما علمني 

 

أيناس: لان انت صرت صديق وجزء من حياتي وتفهمني بدون ما اتعب من شرح او اتردد احجي او احجي وخايفه تكون ما تفهمني 

 

دكتور: حلو يعني تقبلتي دخولي الحياتج 

كذالك الناس يحتجلهم وقت مو اول ما يدخلون الحياتج تنفرين بلعكس استكشفي وجودهم 

 

فهمت كلامه وهزيت راسي هو يعرفني قليله الكلام وهو يسحب كلام مني بدون ما اني احجي تعود عليه وما يمل مني بقيت تقريبا ثالث ساعات 

 

أيناس: يعني تتوقع دكتور هسه اذا وافقت على خطوبتي من ابن عمي راح اكون سعيده 

 

دكتور: لا تفكرين بهجي اشياء خليج مسترخيه وتخطي الي انتي بي وبعدين فكري بغير شي 

 

أيناس: شكراً دكتور 

 

ابتسم بوجهي وهز راسه الي طلعت لكيت مصطفى يدخن من طلعت كام بسرعه واجه بتاجهي يتفحصني بنضره 

وحجه بقلق وخوف 

 

مصطفى: ها أيناس شونج 

 

أيناس: نكدر نطلع لان احس تعبانه ارد انام 

 

تنفس براحه وطلعنه نمشي وهو يسوالف بحماس على شكله واضح

 

مصطفى: اروح لشارع بغداد تحبينه انت مو؟ اكو مطاعم حلوه واكل طيب 

 

أيناس: مصطفى احس نفسي مسدوده والله اني اذا جوعنه اكلك 

من شفته الضوجه عتلت ملامحه حجيت 

 

أيناس: بس اني مشتهيه عصير رمان تكدر تجيبلنه 

ابتسم واحسه طار من فرحه وكف يدورلنه على كوفي مفتح لكه واحد وما قبل اله ننزل نزلنه وطلبت عصير شربته وحجيت ويا 

أيناس: ادري جاي اثقل عليك

 

مصطفى: كلش لا اصلاً فرحان خليتي اشتري شي الج 

ابتسمت وكمت غسلت واجيت لكيته محاسب وطلعنه نتمشه للسياره 

مرينه من شارع جنه نمشي بي اني واحمد وحجيت بخنكه 

 

أيناس: كلولهم مريت من يمهم امس ودموعي نزلت دافيه 

وشتك لسولف شخص 

ضحكاته جانت عافيه 

 

مصطفى حس عليه ودار وجه عله جه ثانيه لان اني حجيته بهمس

بلعت ريكي مو بيدي مكدر اتخطى وصلنه سياره صعدنه وصلني البيتنه 

 

رغد "

 

رغد: يمه يمه البنات عشره وقولو قليلت 

يمه اروحلج فده يمه بنيتي الكبرت وصارت دنفوشه 

 

سامي: شنو يابه وعلي مشاتق ضحكتج 

 

ابتسمت بوجه 

رغد: اني دوم اضحك وروحي رياضيه اتقبل كلشي بس انت صاير متنشاف 

 

سامي: اي والله بهاي صدقتي اني صاير ما انشاف 

 

ضحكت بوجه هو اجه حظني وبقه يسولف وياي واني صافنه بوجه 

 

رغد : سمسم حبيبي 

 

سامي: دخيل زينب واهله مدام سمسم معنها مصيبه كول يا عيون حبيبج 

 

رغد: اوي شجاك هسه شحجينه مزين جاي ادلعك 

 

سامي: دخيلج يا شريفه مصيبه راح طيح على روسنه 

 

كال هجي واني نفجرت اظحك وهو مبتسم بوجهي 

رغد: والله جان كل الي اريد اكول خلينه نطلع صار هواي مطالعين 

 

سامي: تامرين بس مصطفى عازمنه بعد يومين نروح نجف وكربلاء

 

رغد: غير حظر شون يصير 

 

سامي: بعد ولد عمتج واسطاتهم ما تنحزر بلمح بصر يسون مصيبه ويفلتون منه

 

ضحكت من كل قلبي صدك وعلي يطلعون مثل شعره من العجين 

 

رغد: تمام لعد احظر ملابسي وملابس جهالي 

 

سامي: هسه ارسله واشوف شوكت واكلج اي لو لا لضلين سابقين 

 

رغد: سمسم حبيبي والله خانكه واصله للستار 

 

سامي: تدرين شنو بارحه شصار واختنكت من سمعت الحجي عن ايناس 

 

رغد: صخام بوجي احجي شصاير 

 

سامي: يردون تروح تتنازلهم عن وكاله

 

رغد: عبالي سالفه جديد صارله ثالث اشهر هاي سالفه والبنيه عده امتحنات سادس بس مصطفى تكفل بكل شي 

 

سامي: هي هنا المصيب يكلوله تردين تحولين الوكاله المصطفى ومعرف منين عارفين بخطبه مصطفى لايناس ولطشين بيها

 

رغد: ايناس صاير تعجبني اطنش البارحه ناشره ستوري ومطنشه الكل 

 

سامي: نفسيته مصارت احسن تكسر خاطري 

 

رغد: لا بعده نفس ما هي وهي رافضه مصطفى اصلاً 

 

سامي: اني ويها بلرفض لان تكمل درسته احسن 

 

رغد: مدري بس مصطفى يحبها ويموت عليه 

سامي: ادري سولفت ويا امس وحجالي كل شيء 

 

رغد: عليك الله من شوكت حبه 

 

انطاني نظره  وصار يضحك على طريقه حماسي واني بس مفهيه بوجه 

 

سامي: عوفي الفضول عيب نحجي بخصوصياتهم 

 

رغد: صار حظرت الدكتور سامي 

 

كمت عنه اشوف جهال نايمين لو كاعدين لكيته يلعبون عفتهم يلعبون ودخلت للمطبخ اسوي عشه شفت تلفون يهتز وشاشه تضوي رحت عليه 

 

علياء: هلا رغد شونج مشتاقين 

 

رغد: الحمد لله انت شلخبار 

 

علياء: الحمد الله كل احنه شنو رئيج باجر نجتمع يم ايناس خبرت بتول ونور 

 

رغد: اي عادي بس شنو المناسبه 

 

علياء: غير مصطفى عزممكم وكال عزمتهم اروح لكربلاء 

 

رغد: يا ادري شسمه هسه احظر نفسي وباجر صبح اخلي سامي يجبني 

 

علياء: هلا بيكم تعالو عليه اول 

 

سديت تلفون منه وجهزت العشه حجه سامي وهو مدنك ياكل

 

سامي: ضياء خابرني كال تعالو علينه باجر حتى نطلع للزياره 

 

رغد: ادري خابرتني علياء كلته ولميت المواعين غسلنه 

 

وثاني يوم طلعنه من صبح ورحنه على علياء وطلعنه الايناس 

 

ايناس: ياهلا وميت هلا شهل جيه هاي ولا عبالي تجن عبالي تنسني وترحن 

 

علياء: مو عيب عليج شون ننسه اختنه 

ابتسمت وكامت بدون اي شي مثل كل مره تاخذ البنات جهال معدنه بس ابتسامه وسلام وخلص التفت على علياء

 

رغد: شبيه أيناس؟ 

 

علياء: يعني ما دريتي وهاي الروحه علمودمن غير علموده راح يسفروها للهند 

بنيه مريضه ولزم تسوي عمليه 

 

لطمت على صدري لان حرفياً ثالث اشهر اني كطعت ومعرف اخبارهم ما عبالي هجي صاير ولا احد خابرني 

 

رغد: صخام بوجهي وشون هسه ليش ما كتيلي ليش ما خبرتيني 

 

علياء: ليش اني ادري البنيه كامت ما ترد على مكالماتي واشوفه تنشر ستوري ارد ما ترد اجيت اكثر من مره عمتي تطلع تسالم وترحب بينه وايناس ماكو 

ذاك اليوم طكت روحي حجيت ضياء كلشي وهو كالي مريضه وميعرفون مرضه كل الي يعرفونه دوخ وطيح وخالي ومصطفى بس يفترون من دكتور دكتور 

 

بقت بس دمعه على خدودي شصار بحاله شنو الي سوته كل يوم اسمع بيه متمرضه لو صاير اله شيء 

 

واحنه كاعدين دخل مصطفى وعلي وياهم البنات 

 

بتول: خاينات جيات قبلنه غير تكولنه 

 

علياء: تعالو كعدو أيناس راحت سووي ريوك 

 

مصطفى: اي وتكعدن وهي تخدمجن كومن يله كومن 

 

كمنه نركض من ورى دخلنه مطبخ نظحك لكينه ايناس صافنه رحت حظنته 

رغد: مشتاقتلج 

 

أيناس: حتى اني صار هواي مجايتنه 

بقيت اسوالف ويها والهيها 

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد