تاريخ النشر : 07/25/2024, 21:25:32
بارت 6
روايه : لهب البارود
الكاتبه : نور علي
................................
والعزيز اليبتعد تكثر معزته
أبعد شما تبتعد ،، تبقى انتَ انتَ
....................................
تصويت القصه متابعه حساب واتباد تصويت بين الفقرات تعليقاتكم الحلوه بين كل فقرة لاتنس انا احبكم مؤنساتي 🥺 💜 🫂
___________ لَهب البارود ___________
بسم ﷲ الرحمن الرحيم
بارود: -
لا يابه هيج سالفه انا وباهر كلما ادحگ وجهه باهر اضحك الگعده ماتخلاه من سوالف جدتي الحلوه وغزل جدي بيها گدامنه بعد كل الضحكه وسالفة حچت عمتي . باجر تروح عيوني راحت عليها شكد اضوج من تروح
ام روز -: باجر نرجع ابو روز خلصت عطلته
ابو بارود -: ان شاء الله خير أخيتي انتو كل أسبوع تعالو هم بنوات يتونسون وي بنياتنه
-: اي ان شاء الله كل عطله نجي انا مالي احد هناك ابو روز بشغله
روز -: يمه خلني هينا يم جده
ام روز -: لا ابوج مايقبل كل أسبوع انجي يلا روحي تحضري
-: نجمعت الدموع بعيني اريد بس ابچي عفتهم يحچون طلعت
بارود -: شفتها طلعت واضح من عيونها الزعل رحت وراها مسكت ايدها لاتزعلين اسبوع وتجين ادحگ الدمعه تلمع بعيونها يول دحگي ليش البچي ، مسكت وجها بيديه دحگي، فراشتي،
روز -: دحگت بعيونه الچان كلها حزن وخوف
-: دحگي انا هينا يمج تعالي وياي اخذتها السطح گعدنه سويه دحگي خلي نتفق ماكو زعل ولا بچي ترا انا ازعل منج انتِ تروحين اسبوع وترجعين وهيج اسبوع يمنا واسبوع بيتكم اتفقنا
روز -: حچيت ببچي ماريد اروح احب ابقى هينا يمك انت وجده وعمه وخالي ماريد اروح
بارود -: مو اتفقنا ماكو بچي گتلج كل أسبوع تجينه مديت يدي امسح دموعها يلا كافي بچي تعالي دحگي الديره من هينا اخذتها من ايدها دحگي شلون حلوه نست البچي بقت ادحگ وتبتسم
ام بارود -: ام روز لايضل بالج على روز مع بارود گعدت يمها
ام روز -: روز كل تعلقها ببارود مدري لان أعمارهم قريبه على بعض او لان بارود شتطلب يجيب لها
-: خليهم بعدهم اصغار باجر الدنيا تغير وكل شي يتغير بارود هل سنه يسجل مدرسة هو وباهر هل لاثنين مثل التوأم طول الوكت سوه والرايح والجاي يتعاركون وياه
ام روز -: ههه من يوم يومه بارود يتعارك هذا باهر يطمطم سوالفه خليهم هيج حلوين ساندين بعضهم الله يحرسهم
ام بارود -: اي والله انا فرحانه لان بارود عنده ابن عم مثل باهر الحمد الله على نعمة
باهر -: گاعد وحدي انتظر بارود يجي ماكو طول اجتني اخت روز الله أكبر اجت الغثه دحگت بيه گالت،
دارين : - جده تريدك بحجرتها
-: انتِ احد موكلج عليه، نهارج كله وراي گوليها ماجي
-: مو ميته عليك جدتي گالت اصيحك على زينك حتى امشي وراك غميته بثنين ايديه ورحت، جده بعد ماروح اصيحه يگول ماجي
الجده -: اريد اكسره بالعصئ عجل مو راضي يجي عوفي باجر أعلمه
بارود -: بقينه ساعه اكثر يلا ، فراشتي، هسه امج تدور عليج من تجين مرا ثانيه اجيبج هنا يلاا أمسكت ايدها نزلنه دنگت بست خدها بسرعه يلا روحي نامي
روز -: ابتسمت، رحت ركض الحجرة الگيت فراشي ممدود تغطين ونمت
باهر -: طلعت شفت بارود حدر هينا انت وين چنت؟
بارود : - هينا شتريد انت عليش تزامخ
-: ادور عليك وحدي بدونك ماگدر اصبر تدري بيا حدر هينا گعدنه بالحديقة باجر عمتي تروح تدري بيها
بارود : - اي ادري وانت تدري اضوج من تروح عليش گول
باهر : - شبيك عضيدي بس حبيت اذكرك باجر تروح غزالتك وترجع الحضني حدر يول حدر احس مشتاگلك
: - ابعد عني منين جابك الشوگ ابعد لااگضبك ميل عني غاد
باهر: - هسه لو غزالتك ماخذتها بالاحضان ميل غاد عني باجر تجيبك الوحده عليه لاتگرب
: - ماريد منك شي انا رايح انام عفته دخلت البيت دخلت الحجرة الگيت امي ماده فراشي تمددت ونمت
روز : - گعدت على صوت امي فتحت عيوني شفتها تلبس اختي
ام روز :- حدري روز امشط شعرج بساع اختج خلصت
روز : - زحفت العندها مشطت شعري راح نروح البيتنا شوكت نجي ليش ماناخذ بيت جدي ويانه كلهم
الام: - اي رايحين على بيتنا ابوج وحده هناك بعد اسبوع ونجي جدج مايگدر يروح ويانه هينا بيته والبستان كل ناسه هينا يلا خلصت شعرج روحي البسي بساع
روز : - اي گمت اخذت هدومي البست طلعت شفت مو الكل گاعد مثل كل يوم لان احنا رايحين من وكت بس خالي ومرته جدي وجدتي دحگت بارود ماكو صاحتني امي گعدت تريگ أكلت شويه راح اغسل جذبت رحت على بارود دحگت نايم سديت الباب على مهل ورجعت شفت امي تودع الكل بوستني جدتي وجدي والكل طلعنه لوحت بيدي اسوي باي بقيت ادحگ من الجامه السياره الورا شويه شويه نبتعد الحد ماختفو وانا ادحگ بهيج عمر كلنا مارين بهيج مواقف خاصه الخوال الهم معزه خاصه غير اكو منا يحب بيت الخوال اكثر من العمام
باهر : - گعدت غسلت وجهي دحگت عمتي عجل وين بارود
ام بارود : - هلا يمه بعده نايم
باهر : - عجل رايح اگعده شدعوه هيج وكت نايم مشيت له دخلت دحگته گاعد ها يول گاعد عجل ماتجي تريگ وياي
بارود : - راحت مو؟
باهر : - اي راحت ولا يهمك انا هينا اعوضك تعال نتريگ ونروح وي ولد الديره
بارود : - گمت بس غسلت وجهي گعدت امي جابت ريوگ ماروح انا بقيت گاعد
باهر : - عجل انا رايح تاشوف شلون بعد اطلع وياك طلعت امشي طلعلي ابن عمتي غثه من الله صار يحجي براسي اگضبته سحگته سحگ ولي من وجهي يلاا راح يبچي
بارود : - البيت بدونها مو حلو احسه بدون بشر دحگت امي يمه شوكت راحو عمتي والبنوات؟
الام : - الصبح انت شعندك هيج ضايج ماطلعت وي باهر على روز مو اسبوع وتجي حضر نفسك ابوك سجلك مدرسه انت وباهر
بارود : - شوكت سجلني؟
الام : - امس اليوم راح يجيب ملابس المدرسه بعد ماكو العب تگعد تدرس
بارود : - تامرين أمر انتِ
الام : - ابتسمت على كلماته اليسمع كلامه مايگول طفل عفيه وليدي السبع
بارود : - الابهر انتِ
الام : - هههه رايحه انا راح تأكلني بحچيك الحلو
بارود : - الله وياج يالغاليه راحت امي بقيت گاعد اطلع اشوف باهر زعل مني مشيت افتر ادور باهر ماكو دحگته على الساگيه حدر يول وينك انا ادور انت هينا شسوي ولك
باهر : - شتريد انت جاعد هينا على الماي هذا ابن عمتك كتلته من الصبح
بارود: - أفا ليش هههه
باهر : - طلع بوجهي من صباح الله وانا الشيطان راكب راسي وانت تعرفه السانه مايدش حلگه مسكته كتلته جيت هينا
بارود : - ههههه شيخلصك من عمتي هسع تجي تشكيك لأبوك تعال نصعد فوگ بيت الشجره تدري هذا مكان روز محد يوصله بس هي تعال سحبته وياي صعدنه فوگ اركد هينا اجيبلك شي تأكله
باهر : - مسكته تعال ماريد خلينا مصيبه وحده مو گد ثنين تريد عمك يصلخنه
بارود : - اي والله يصلخنه اذا عرف تدري ابوي سجلنه امس انا وانت؟
باهر: - ها شوكت هاي انا مادري
بارود: - امس ولا انا هسع عرفت روز هم تسجل اذا سجلت اخاف ماتجي بعد
باهر : - لا تجي هي كل أسبوع يعني عطله
بارود : - اي هم صدگ بقينه هواي من وكت گاعدين يلاا باهر امشينه تاخرنه رجعنه الگيت الغدا جاهز تغديت انا وباهر وراه الضهر اجه ابوي
ابو بارود : - ها شلونهم النشامه
بارود : - هلا يابه
باهر : - هلا عمي بخير دامك بخير
ابو بارود : - ولدي السباع اليوم رحت سجلتكم بداية العام الدراسي تبدون
بارود: - اي عرفت الصبح امي گالت عجل شكد باقي
ابو بارود : - شهرين باقي على دوام ها صدگ باهر عمتك شكت منك ليش كاتل ابنها عجل عمي انت ماتبطل سوالفك هذني مو صرت جبير راح تدرس مايصير انت كاتل الرايح والجاي عليش كتلته؟
باهر : - عمي انت تعرف محمود السانه مايدش حلگه انا طلعت الصبح وهو اجه بس يدرم عاد بزعت منه مسكته حطيته بالكاع كتلته حتى يجوز مني
ابو بارود : - عمي مايصير هيج عيب من عمتك هو ابن عمتك انت ابعد عنه حتى ماتسمع حچي منه بعد لا تعيدها انا سديت السالفه وي عمتك حتى ابوك مايعرف وانت اخذ حذر بعد يلاا انا رايح ارتاح شويه لاتطلعون الشمس تصگع بالرأس
بارود : - تامر يابه وانا رايح انام العصر نطلع سوا
باهر : - وانا هم رايح انام عجل العصر اشوفك بس اخاف امي ماتقبل نطلع
بارود : - ماعليك بعمتي انا اجيك اخذك
باهر : - ماشي الله معاك
بارود : - طلعت من يمه على حجرتي تمددت
روز : - وصلنه بيتنا تلاگاني ابوي ركضت على حضنه هوة حملني بين ايدي يفتر بياا وانا اضحك نزل على ركبه اخذ اختي بيد الثانيه امي واگفه دحگ تبتسم دخلنه البيت واحنا بحضن ابوي يسمعنا احلى الكلمات فراشاتي بناتي اميرتي وغيرها وغيرها من كلمات الغزل حنيه الأب لايمكن أن تعوض ولا ممكن نو شخص بحنية الأب كذاب الگال يجي شخص يعوض گعدنه نحچيله شسوينه ببيت خوالي وهو يسمع ويبتسم بدون ملل او انزعاج بالعكس يسمع بكل تركيز گال شوفو شجبت طلعلنا العبات باربي بهذا الوكت جانو أجمل الألعاب الباربي اخذتها منه بست خده رحنه انا واختي نلعب سوه
بارود : - گعدت على صوت امي الدافي فتحت عيوني شفتها ها يمه ردت عليه باجمل الكلماته
ام بارود: - يروح امك يلاا اگعد مو نمت هواي گوم تسبح أكلك الگمه يلا بساع
بارود : - اي يمه گعدت گمت غسلت دحگت باهر گاعد ولا حس دحگت عمي وابوي موجدين عرفت السبب وله باهر مايسكت السانه برنو يرعد، سمعت عمي گال.....؟
(عوده للحاضر )
بارود : دحج على السَاعه ب3:15 كافي اليوم حچيتلج ربع السَالفه
_ طلع جگاره ورثها
دارين : مسحت دموعي ربع العرفته عن الصار وهيج بچيت، ليش هيج صار،؟
_ دحج بويه الصار وراح يصير كله ربج كاتبه وهَذه جزء من السَالفه، اكو چلمات ضامنهن بگلبي محد يعرفهن،
_كمل كلامه وجگارته سوه، هزيت راسي بــــ ايي انا ماعرف شنو صار وليش صار بس مثل ماگلت أنتَ اكو سبب كلشي،
بارود : كلشي له سبب اذا جان خير لو شر الانسان يتتأذه ويتعلم ويتعود ،
دارين : يعني ضروري نتعلم من كل تجربه ؟
_ ماكو شي اسمه تجربه لو ناس تتعلم منها محد تأذه ولا واحد مات الخطأ خطأ وصح صح
_ مو يگولون جرب وتعلم ؟
_ جربي الناس جربي امور غير بس مو الثقه ولا الحب، دحجت على السَاعه كافي الهنا نهضت من مكاني متوجهه الغرفتي، روحي نامي بويه تصبحين على خير،
راح خطواته تسابق
_ بقيت گاعده افكر بالعرفته خلاني ازيد اصرار حتى اعرف المخفي والخافي، فززني صوت
باهر _ مورث جگاره دخلت البيت شفتها كاعده وحدها وصافنه ، خيرج ؟
_ ايدي على قلبي من الخوف خوفتني اسم الله عليه ،
_ انتِ هم تخافين ؟
_ شايفني جني الاسود حتى ماخاف
_ الجني يمج يلطم
_ عَاينت على يميني ويساري، وينو؟
_ امشي امشي على اساس بطله ،
_ نهضت ، طبعاً بطله توقفت وهوَ يمشي بخطوات بطيئة، اسئلك سؤال،؟
توقف وزفر الدخان الفوك يتطاير ويه الهوى مغلص عينه من أثر الدخان
_ أسئلي اسمعج ؟
_ أنتَ تعرف كلشي صار بالماضي وشاهد علي،؟
باهر : ايي شاهد بس ماعرف ولا احچي، وهَسه فوتي البيت الوقت تأخر،
دارين : دحجتوا ماخذت لاحق ولا باطل عفته ومشيت ركض الغرفه امي تعدمني اذا تعرف كاعده لهسه دخلت جوه البطانيه الفيت نفسي بيها الف بقى عقلي يلف افلام وكلام الحد ماغفيت
باهر : هيَ راحت انا دحجها، خلصت جگارتي،رحت على بارود فتحت الباب شفته مدد ايده على عيونه يول كاعد ؟
بارود : عَاينتوا بويه اريد انام شوف السَاعه وتالي وياكم
_ سد الباب بدون استأذن دخل مبتسم، اردف تعرف احبك مااستقني عنك اكمل اخر كلمه وغمز بعينه شمر نفسه على السرير، تعرف بارود شنو هَسه ؟
_ شنو ؟
_ نروح لبيتنه ونام على السطح مثل قبل وعمي يدورنه تذكر ؟
_ كوم باهر لادفنك وراي شغل وأنتَ تحچي سوالف قبَل كوم منييييييي
_ شبيك اتجوعر الناس نايمه
_ لك كوممممم
_ وهوَ يأشر على حلگه بمعنئ سكتت،
خلص راح انام يمك ماحچي .
بارود : نفس ماسمع باهر تعبان،
_ بقيت مدد ادحج على الحياطين الغرفه ماعرف شوكت نمت ماعرف اذا بارود صدك نام لو بس يتهرب،
يتبع .......
يتبع تصويت القصه متابعه الحساب واتباد تصويت بين الفقرات مهم جداً تعليقاتكم الحلوه بين كل فقرة قراءة ممتعه لاتنسون انا احبكم مؤنساتي 🥺 💜 🫂
بارت تقصير ماگدرت اكتب اكثر مريضه
دمتم في امان الله وحفظه
الكاتبه نور علي
