تاريخ النشر : 09/10/2024, 24:02:56

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

نور " 

 

عائله يحبون الاطفال ولزم اذا مجيب زوجته عدد الاطفال المطلوب يزوج عليه

ادري عادات غريبه بس والله هذا الديصير ويانه ودنشوفه يمكن ولدهم ثقفو بس امهاتهم لا 

جنت منتبه المصطفى وايناس فرحانين 

 

نور: شراح تسمون البنوته 

 

أيناس: بكيف مصطفى 

 

مصطفى: انتي شنو عاجبج بما انو احمد اني سميته البنوته عليج انتِ 

 

أيناس: عاجبني اسم هتان 

 

مصطفى: حلو شنو معناه 

 

أيناس: معنا زخات مطر الخفيفه 

 

نور: عاشت ايدج يجنن هل اسم 

 

علياء: مدري منين طلعن اسماء هسه شون ندلعه هااا 

 

ضحكت ايناس ورفعت بنته تشم بيه ومصطفى حاضن متنه ومبتسم واحمد ابنهم كاعد يم رجلين امه ومبتسم وبيده 

لفه ياكل وصافن عليه 

 

مصطفى: كوم بابا كوم تعال نروح اخذه وراح

والولد طلعو همه وزوجتهم واني بقيت شويه يمه عدلتله فراشه ومن اجه مصطفى تعشت ونامت واني طلعت لبيتي اكمل قرايتي هاي اخر سنه الي بالكليله اريد بس تخلص هاي سنه لان علي شلع قلبي وما قابل اكمل ونقلب حاله ومثل قبل وياي

 

ايناس"

 

بعد مرور شهر ونص على على ولادتي دخل مصطفى يصنع الابتسامه اني قلقت من منظره مو عوايده وحتى اذا صاير عده مشاكل بشغل يرجع بشوش ويضحك وياي ويحظن ابنه 

ايناس: حبيبي اكو شي مضوجك احجيلي

 

مصطفى: لا حبيبتي ماكو لا يضل بالج 

 

حجها بدون نفس بلعت ريكي وسكتت ما متعوده عليه بهجي طريقه صفنت اني حتى ما ضليت هواي بيت اهلي من سويت العمليه 15 يوم ورجعت بقت دمعه بعيني وهو التفت شافني شون صافنه مع رغم بتي تبجيي عاف كل شي بيدي وجاني شايل هتان

مصطفى: حبيبتي لا يضل بالج والله شغله شاغله بالي 

ايناس: تمام مصار شي حبيبي 

اخذت هتان منه ارضعه وهو بقه واكف وصافن عليه ومبين بقت يحوس بقلبه تصرفه 

مصطفى: أيناس اليوم معزومين ابيت علياء دورت سنه احمد وساره كمل كلامه وطلع هاي صار خمس سنين مزوجين ولا مره صارت دورت سنه احمد ورحته ولا من يعزموني اروح وهو كل سنه هجي تصرفه بس يبقه منتظر من جواب هل مره هو ايردني اروح بس شون اروح ابني وبتي وياي وزجي؟ شون اشوف قبره جان كل تفكير هجي شون راح التقي بي بعد خمس سنوات زواج والسبب الاهم ليش مصطفى يردني اروح معقول يعرف بيه من ابقه عد اهل واطلع صورنه وابجي معقول واحد حجاله بقيت افكر تودي وتجيب ومستحيه اقابله زين شيكول عليه اذا رحته وهو مبين ميردني اروح زين اروح 

فزيت عله صوت تلفون كمت اشوفه علياء تتصل اخذت تلفون جاوبته 

 

علياء: هله أيناس شونج 

 

أيناس: هله علياء بعد قلبي 

 

علياء: شبي صوتج ولج ليش باجيه مصطفى محاجيج شي كولي ليش تبجين 

 

أيناس: لا بس هو مدري شبي ضايج واني هجي مخنوكه 

 

علياء: مبي شي لا ضايج ولا شيء بس هو كال أيناس كل سنه علمود لا يضل بالي متروح خاف اني اضوج لو اكره ومتروح 

 

أيناس: علياء استحي منه ولا يوم ردني ولا مره قلل من قيمتي مبقيني الشيخه حتى امه متهيني ميخليه وعزني ورازني وشون اروح اقابل احمد واني مزوجه وعدي جهال فوكها ثنينهم ما اكدر اكسر بخاطره 

 

علياء: صارله عمر اخوي من مات ومصطفى مراح يروحي صدكيني حتى لا يحرجج ويخليج براحتج واحمد مراح يزعل لان حقج هذا وهو يحب يشوفج مبتسمه

بجيت محروك دمي زين اصبح شفت تاريخ بس مصار بالي شي وتنسيت ونسيت روحي ليش اجه هو ذكرني

قنعتني علياء اروح وياهم وجهزت نفسي اكون صبوره وقويه وما اضعف كدامهم بقيت للعصر جهزت ملابسنه بعد ما خبرني مصطفى اجاني وهو مبتسم حولت ابتسم بوجه اجه عليه باس راسي وايد وحط جبينه على جبيني بقت عيونه بعيوني ستحيت منه نزلت عيوني بجت هتان تركته ورحت شلته 

 

مصطفى: بعده بكد البرغي وزعجتنه لو كبرت شسوي 

 

أيناس: صير نفس امه تشلع قلبك 

 

مصطفى: اذا صير بحلاتج حلال عليه

 

ابتسمت ونزلت راسي اجه عليه حضني من ضهري واني بعدني شايله هتان والوليه حتى تنام 

مصطفى: ضايجه مني ومن تصرف مساعه 

 

أيناس: لا..... 

مصطفى: اششش اعرف اني طوخته وجاي اتعبج بس حبي الج يعمي عله قلبي احمد انسان ميت ما ياثر بحياتنه صدك مغيرن منه احمد ابوج واعرف رباج وعشتي ويا اكثر من اهلج دللج وعزج ورزج وخلج شيخه الشيخات من انت بالكماط وهو يلوليلج ويوكلج وينومج اني لا شيء بحياتج اني حبيتج صح وزوجتج بس مقدملتج الي قدمه احمد ولا وصلت شعر اني نقطه بحر مقارنتن اله 

 

أيناس: بس انت ابو اطفالي واجب عليه احترام مشاعرك واهم من كلهن انت محترم مشاعري سنين صارلك ولا يوم جبرتني على شي او ضوجتني 

 

مصطفى: خلص انسي أيناس اني احبج حتى لو قلبج ميدق الي يكفين احنه صرنه بروح وحده اطفالي هم ردولي روحي لان منج ومن عطرج 

 

أيناس: غلطان مصطفى انت صرت روحي من دنيا لو ما انت من زمان ميته 

 

ابتسم وشال هتان مني خلها بفراشه وشالني يفتر بيه يبوس بخدي نزلني 

 

أيناس: شنو اول اعترف بمشاعري الك

 

مصطفى: لا بس اول مره احسه من قلبج

 

فتحت عيوني عله وسعهن وهو ضحك وجرني وراح للحمام 

 

أيناس: مصطفى راح تروح للنجف

 

مصطفى: اي حبيبتي اروح وياكم لا تخلين علياء جذب عليج وتكلج ما يروحي 

نصدمت بس بعدين عرفت علياء كايلتله خابرته وكتله انت متروح وهو عناد بيه يرد يروحي بدلت لاحمد وهتان ودخلت اني بحمام الصاله اسبح وابدل طلعت لكيت مصطفى شايل هتان واحمد يلعب وهو يكوي بملابسه ابتمست عله منظر واخذت منه وهو كمل وطلعنه لبيت علياء لكيت مسويه مجلس بسيط ولكيت عمتي ام مصطفى واخته هنا عرفت راح يسون مشكله سلمت عليهم واخذ امي وفتت جوه وبيبتي فاتت ويانه بصاله لكيت مصطفى ستغرب بس محجه وياي بقه كاعدين يمه وبتي صارت تتنقل من حضن الحضن اخر شي وصلت لحضن ابوي 

 

ابو أيناس: اسم الله عليج يابعد جدج انت معزتج من معزت امج امج هواي تعبتني بقلبه الفطير وتخل بنادم يحبه كوه 

 

ايناس: يابه جيبه عنه لا تعبك 

 

ابو ايناس: ما تعبتني امه حتى تعبني بته اثنينجن بروحي اشيلجن

ابتسمت اله هو متقصد يحجي قبال عمي ابو مصطفى لان عرف ابوي بقل مشاكل الي صارت من وره زوجت عمي

وخطبته لبتول لمصطفى ومن امي حاجته تكله بنتج خطفته من عده وهو جان يحبه ويرده بس بتج حطتله سحر 

 

شويه وكمت وي علياء بالمطبخ وبتي بقت عدي امي واني اطبخ وي علياء خلص مجلس نسوان وبدو يطلعون وعمتي ام احمد تسلم عليهم وعماتي تحولن للصاله يم بيبتي شويه وسعمعت عمتي هناء تصيح وي صوت عمامي ومصطفى يحجي هم بصوت عالي دخلنه نركض اني وعلياء عليهم نشوف شكو 

 

هناء: خافي ربج يمره البنيه دخلت سلمت عليج واجت هنا شوكت بجت شوكت لطمت وابعدين تعاي لو لطمت وبجت مو بتج تدبج بنص نسوان لو بتج وحد وايناس وحد 

 

اني مصكوره محجيت بس اتبوع بعيوني

علياء فاتت عليهم هداده واني رحت لابوي كعدت يمه ودمعتي على خدي بختصار الي صار اكشن بس عركه نسوان وعماتي بس ومرت عمي اني وامي كاعدين مترحكنه ولا حجينه طلعت مرت عمي ورها بعد البهذله مصطفى ما تحرك وستغربت مصطفى ليش مكام ورى اهله مدام صمت هواي وابوي حجاه 

 

ابو ايناس: كوم روح وراى اهلك 

 

مصطفى: عمي ماكو شي وماله داعي اني اروحلهم بعدين 

 

ايناس: مصطفى والله مكعدت ويا نسوان اني اصلاً بس.... 

مصطفى: اشش اني مو اعمه ولا اطرم حكج يجيج يبت عمي 

 

بقيت صافنه وعيوني بعيونه كام كدمهم حضني وباس راسي ضحكت علياء وغمزتلي واني استحيت من ابوي ولولد كلهم كاعدين وعمامي همين كاعدين كمت من يمهم ورحت للمطبخ مستحيه 

 

رغد.... 

دخلت للبيت لكيت الكل يسوالف وكل مجموعه تحش بغيرهم شبيهم صدك جذب شنهاي 

سامي: شبيج رغد دخلي 

 

رغد: سامي يمكن صايره عركه 

 

سامي : شوفي هي اذا مرت عمج ام مصطفى موجوده وايناس هم موجوده صير عركه لان يردلهن حجه عليه 

 

التفت عليه استوعب ايناس جايه ما كالتلي ستغربت وضع ودخلت ونسيت سامي بره واكف دخلت وشفت ايناس منصيه راسه تبجي وعلياء سكت بيه 

 

رغد: شني هاي من وراي جاي صير خيان ومجتمعات 

 

ضحكت ايناس واجت تحضني وي حضنته اني ذكرت سامي وكتلهن نسيته بره واكف وهن نصبن عليه اكو وحده تنسه رجله دخل هو يهز بايده عليه وستقبلو خوالي يرحبون بي خالي ابو ايناس كعد. بصدر ديوان ومصطفى بجانبه وخالي ابو بتول بجانبه الثاني ستغربت وجوده لان اخر مره عركه جانت حاميه بسبب نسوانهم 

 

طلعت المطبخ وي بنات تفاجئت من دخول بتول واخته تسلم عله علياء وحاطه طن مكياج وتموع علينه صفنه عليه قبل سنه بتول جان الطف انسانه بحياتنه طلعت حيت من تحت تبن 

 

بتول: هلا ام ساره شونج 

 

رديت بلا نفس.... هلا توله حبيبتي نورتي المكان 

ضحكت واشرت باصبعه باي ودخلت للصاله ايناس ركضت دخلت وي علياء نركض انريد نشوف ايناس راحت كعدت يم مصطفى وخلت ابنه بحضنه وبته بحضنه وحضنت زند مصطفى ومصطفى ما التفت على اي احد بصاله بقه يبوع بعيون ايناس واني علياء نتنادس عليهم 

 

شويه ومصطفى طلع وي ابنه احمد مبتسم 

مصطفى: وعلي كارثه خلتني اطلع اني وابني علمود متشوفني بتول 

ايناس: شكو تلفض اسم ها شكو؟ 

 

مصطفى: ما الفض اسم بس اسمج حبيبتي انت

هي عود سوت نفسه خجلانه منه وغمزتله واشرتله احنه عود نسوي جاي ومو يمهم بس احنه تركيزنه كله يمهم 

مصطفى: ها اي اني راح ابقه بره لو احتاجيتي شي خابريني

طلع وهي اجت يمنه وكعدت عله كرسي مال طبله وخذت نفس عالي وذبته 

 

ايناس: ايناس الحباب بح راح تجي ايناس الوكحه محد شايفه بعمرهه وعلي خلتني اسوي تصرفات عمري ما مسويته صدك لو كالو الغيره تكتلك 

 

اني وعلياء ضحكنه وسحبنه كراسي وكعدنه يمهن 

 

ايناس: والقران حياتي درما درما دا احس نفسي عايشه بفلم مو حياه طبيعيه 

 

علياء: من كتبتي قصتج شنو حجو عليها الناس اكيد كالو درمه 

 

رغد: حيات ايناس تعجبني اكشن افلام ايثاره 

 

تبوعت علينه ضحكت وراحت جابت بته تنوم بيه وسوالف ويانه حاسه اكو غصه بقلبه بس متكدر تحجي دخلو ضياء وسامي ومصطفى شفت نظرات مصطفى لايناس ايريد يشوف وجها بس جان وجه جامد مابي اي ملامح صافنه على بته دخلت نور هي وجهاله يبجون وعلي كالب وجه عرفت معنها تاخرت بالدوام وهو ما عجبه الوضع اخذت جهاله علياء و مصطفى سحب علي وراحو ورى الولد

 

وهي نهدت تبجي جنه تريد بس يطلع

 

نور: والقران متحمله كل شيء الخاطر درستي بس يروح الامه ويجي ينقلب عليه ويريد يبطلني وانتساب ردت اسوي ميخليني واهلي حجو ويا هده وسكت وصار يحجي من صالحي بس خل يروح دقيقه يرجع ايريدني اترك دوام

 

لو يزوج عليه وحده منهن صاير معقد وما يفكر بيه وتخيلي هسه مد ايده عليه من جنه سمنه على عسل 

 

رغد: كل الامور تنحل وهسه نكعد نسوالف ويا كلنه ويقتنع وهسه ايناس تحاجي 

 

نور: ياريت لان هو يسمع من ايناس ويقتنع بكلامه اكثر من امه 

 

علياء"

 

كل حياتنه نكلبت شنو الفلم التفت على البنات واشوف وجوهن ذبلانه 

 

علياء: ذكرني لو رحنه للنجف اروح للساده الي يم الامام علي (ع) نشوف شنو فلمنه 

 

هزن روسهن متقبلات الموضوع ومبين كلهن تعبنات من الوضع نور اخذت جهاله نومتهم وايناس نومت بته وداتوكل بابنه واني ورغد نصفن عليهن ونطبخ اريد بس يخلص الوقت علمود نتعشه ونطلع واوصل للنجف خلصنه عشه واجت سياره وصعدنه اغراضنه ورحنه بطريق الكل اقترح اروح نجف وكربلاء وايناس وافقت كالت من زواجي ما اجيت زرت وكلنه ستغربنه كلامه بس ذكرت شون حياته جانت وكل فتره تحمل ويصير عده اصقاط  الحمدلله كل هل فتره تخطينها وصلنه للنجف تعبانين دخلنه شقه..... 

 

إيناس.... 

طلعنه اني ومصطفى نتمشه بلاسواق مالت نجف ونعشي احمد ونسوالف اني ويا 

 

مصطفى: تدرين شنو ايناس  

 

هممت بمعن جواب 

مصطفى:  شكد اجيت هنا وزرت بس ولا حسيت بطعم الزياره وارتاحيت 

 

ابتسمت بوجه وكظيت ايده وحظنته بكف ايدي هو ابتسم وحظن كتفي راحن قريب الامام علي (عليه السلام)  شفانهم كاعدين رحنه كعدنه يمهم  كل احنه بكلبنه هم وكل وحده بينه وجه ذبلان من الي بقلبه  جان الاذن ياذن خلصنه صلاه ومصطفى خلص صلاه واخذ ايدي وايد احمد وبقه يدعي ومغمض عيوني وبس يهمس 

 

مصطفى:  يله عيني كلمن يكض حبيبته ويمشي والي ما عده حبيبه ندورله الحبيبه تبقه بس الحجيه ندورله شايب 

 

رسيل: من فلك فلكك كون شوكت كلتلك اريد رجل يلمصلبخ 

 

كل احنه متنه من ضحك على بيبتي وهو يداهر بيه ولا يسكت عنه 

 

مصطفى: جا جده انت محنيه راسج وامس كالو رايحه للحافوفه حافتلج تروح للحافوفه بس تريدله رجل 

 

ضحكنه عليه وعلياء صور بيهم فيديو وابوي يكله على كيفك وي جدتك هو يكله غير ادورله مصلحته جيبلكم اخو زغير  ونلعب ويا 

 

رسيل: روح المرتك هي جيبلك فرخ زغير اني شكو  وتلعب عليه 

 

اني ستحيت هو يضحك ويها 

مصطفى: اروحله عادي جده تدرين ما استحي 

اني اخزر بي وبيبي ندلعت تحجي وماكو  احس راح اطب بهدومي واهلي وعمامي كلهم كاعدين 

 

مضى الوقت تريكنه وطلعنه للمقبر قلبي مقبوض شعور الي بداخلي رجع شعور قبل خمس سنوات من اجي وارجع واني املي خايب  واديه فارغه وصلنه للمقبره ونزله كلنه بيبي ونور بقت يم جهال بشقه مصطفى نقلب وجه ونطعن صار اسود ولا جنه مصطفى الي قبل شوي يضحك واني صيحه والبجيه مكبوته بداخلي ولزم ايد مصطفى وبتي بايدي ومكدرت اتركه لان بعده على صدري وصلنه يم قبر احمد

 

 ومصطفى ما استحمل بد دموع تكت على خدوه صار ست سنوات احمد متوفي اليوم وجع بقلبنه وكل مره اشوف مصطفى منهار عليه وينعى عليه وداما من يتمرض مصطفى او يصخن يبقه يهذري باسمه اذكر مره تمرض 

 

مصطفى: ولك يا صاحبي ياصاحبي عمت عيني بعدك مو يوم اجه ارتاحيت بي بعد  ولكككك اخ غسلتك بهاي ادي من عسى ايدي بالكطع يوم غسلتك 

 

ايناس: اسم الله عليك 

 

جنت اتعب هواي واعاني من يذكر سوالفه وي احمد وحتى من اروح البيت اهلي واطلع مذكرت احمد الكه كومه كلام على مصطفى واني شكد احول اقوم اتعب لان مصطفى يشبه احمد بهواي صفااات حرفين نسخه منه 

 

كل احنه نتبوع المصطفى وهو يحجي شعر لاحمد واني واكفه وصافنه حتى بجي ما اكدر ابجي 

 

مصطفى:

 

  وصلت الكبرك ومحتار شحجيلك 

سوالف تارس دلال وحرت  ومن ياهو ابديلك 

وعرفتك عني راح تروح 

من بحضني تغفه واني الوليك 

كون الكون مره تصير 

وتفز من نومتك تشكيلي واشكيلك

اخ شكد اغنيلك...... 

 

نام مصطفى على قبر وصار يبجي بكل قوته وحاظن القبر الكل جان يبجي خلص مصطفى وكلهم خلصو بقيت اني على وكفتي مستحيه ومتوتره وما اريد احد يشوفني واني ابجي على احمد كام مصطفى اخذ هتان طاها العلياء وكالهم روحو هسه نجي وراكم حضن متوني بادي وسحبني للقبر يمشي بيه نزلني على كيف يم القبر حسيته اطاني فرصه وقلي ابجي براحتج مكدرت اعاتبه ولا اسوي اي شي بس دموعي صب على خدي 

 

أيناس: طفت دنيا بعدك صدكني  صح كملت حياتي بس أيناس جان روحه احمد مات احمد بقت ايناس جسد بلا روح مسحت دموعي رشيتله مي ورد وشغلت شمعه وكمت مصطفى جان وكف منتظرني خلصنه وطلعنه

بعد مرور شهر من هل الاحداث.....

 

نور كملت جامعته وسوينله حفلت تخرج

ومصطفى دوره وسطه وتعين بمدرسه حكومي ابتدائي ويها بته وابنه سجلتهم سويه 

علياء عالجت ابنه والحمد الله صار احسن 

رغد حياته مستقر وما صارت ذيج الاحداث بقصته 

شنو الي راح يصير ويقلب موازين هل احداث الهادئه 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد و