تاريخ النشر : 08/24/2024, 22:10:46

الكاتبه زهراء الركابي 

ذي قار (القيثاره الذهبيه) 

 

★★★★★★★★★

 

انتها الموقف بضرب بابا لماما بدخول ماما للغرفه واحنه رحنه كلمن الغرفته بدون صوت مثل ما علمتنه ما ندخل بمشاكلهم 

كعدت اقره متحاني باجر عدي متحان واني الحد هسه بس اربع صفحات 

اهلي دخلوني مدرسه اهليه علمود لان مريضه و يخافون اوكع لو شي لان بالحكومي ماكو مسؤليه عدي امتحان و اقرى و تاخر عليه السايق و نزلت البابا ابجي 

أيناس : بابا عدي امتحان و تاخر عليه السايق 

ابو أيناس :سهله سهله هسه اخابر مصطفى ياخذج 

شويه و سمعت هورن لان بيتهم قريب علينه طلعت و نصدت و آني اشوف احمد بسياره و يهام ابن عمي الثاني علي نزل فتحلي. الباب صعد بصفي و حجه

 

أحمد: نضر عيني صاير لا تخابر لا تسأل شنو نسيتنه 

أيناس: صباح الخير شونكم 

 

أحمد: غلسي غلسي بعد روحي 

مصطفى: صباح العوافي ، أنتَ بطل ستخفاف وصير ثكيل خفه للبنات 

نزلت رأسي اكتم ضحكتي وصلوني للمدرسه نزلت و رجعت عليهم نزلت دمعتي قبل لا احجي 

أيناس : اني متأخره مراح يدخلوني 

نزلو ثالثتهم و دخلو وياي للاداره 

دخل احمد سالم و سأل مديره و بعدين جذب عليه كاله مريضه جبته تتمتحن و اطلعها 

سالته المديره شتعودوله كاله اني خطيبه و ذواله ولد عمه بمثابت اخوانه 

هزت راسه مديره لان باكت طن هواء جنهم شقاوه مو ناس جاين وي طالبه و مصطفى محامي شخصيه وقاط 

و ابن عمي الثاني ضابط شخصيه هادئه بس شكله جدي و عصبي بس بل شكل و انما هو هادء و احمد يشبه المغني ناصف زيتون بس شويه اطول وهم فكه حاد ويخزر ولحيته ثخينه لابس قميص وغتره شامره على كتافه 

 

المديره : تفضلي جيبي ورقت الامتحان و استريحي و انتو تكدرون تتفضلون تكعدون بس تخلص و طلعوها 

 

كعدت سكته هي طلعت وهما نفجرو ضحك عليه لان صارت صفره و بقت بلكوه تحجي اجتي مدرست الاكيمياء 

 

مدرسه : يا انوستي تعبانه خيرج امي بيج شي وبقت تسأل وتطمن عليه لان تموت عليه و آني من اشطر طالباتها 

 

أيناس: لا ست بس تعبانه أريد امتحن حتى اطلع 

مدرسه : لو مخابرتني و كايله تعبانه ولا جايه نمونته هو امتحان ينعاد

 

أيناس: لا ست شكر انطتني الاساله وظحته و المديره كاعده جابو جاي للولد الي اخذو اجازات زمنيه واجو على مودي 

 

المديره : بس لا تفهموني غلط ليش جاين هل كد لو واحد يكفي خوافتوني ضحك احمد ورد عليه ابرود

أحمد: هاي شيخه شون ما نجي ورها 

واذا مسه هواء و تعبت لحنه نصيرله درع للهواء 

المديره بقت تبلعم لا تكدر تحجي ولا تكدر تسكت و آني كوه كاتمه ضحكتي 

رجعت عليه مدرسه 

مدرسه : ها انوس شونج شونها الاسائله

 

أيناس : لا ست سهله بس سؤال الأخير

المديره : دخيلج ست نور غيري ما اريده ألغي

كلنه تباوعنه عليه بصدمه و الولد نفجرو ضحك عليه و هيه بقت تغمز للمدرسه 

و المدرسة شرحتلي و ذكرتني بي و آني رجعت اجوب و خلصت سلمت ورقتي و طلعت 

مصطفى: أيناس هسه وين ترحين 

حجيت بغضب مصطنع

أيناس :لو سمحت شيخه أيناس 

ضحكو همه بقوه و صحت بيهم

أيناس :من تحجي الشيخه الكل يسكت يله ع كباب حجي حيدر 

 

مصطفى: راح اطيكم سيارتي و روحي انتي و احمد ومن يخلص يوصلج و يرجع يجب سياره هايه هي مو 

 

أحمد: تدلل 

نزلنه الولد و آني انتقلت الصدر مال سياره واحمد يسوق 

أحمد: لو تبقين تفكرين توافقين أيناس دخيلج وافقي 

 

أيناس : أصبر خل أفكر سحب بريك قوي و اردمنه 

أحمد: تحبيني لو لا ايناس 

 

أيناس : أي بس أنت تشوفه مناسبة هسه نزوج

أحمد: أيناس بس نعقد ما نزوج زواج براحتج تمام 

 

أيناس : تمام بس عقد معدي مشكله اليوم أريد الجواب البابا 

 

أحمد : و أخيراً راح توافقين 

 

أيناس: لا أرقص ويله أريد اتريك ضحك ضحكه قويه و كال

 

أحمد: تدلل نظر عيني 

و شغل اغنيه شمسين مال عبد جبار 

وهو يغني ويها

عيون الناس تحسد كل حبيبن 

يردوني ابتعد عنك و اعوفك 

و اذا أنت جرح ...! ماريدك أطيب 

 

جنت بس سكاته و ابتسم بداخلي فرحانه دخلنه للمطعم تريكنه وصلني للبيت و دخل وياي تاكله روح لطش 

دخلنه لكينه بابا كاعد نصدم بجيتي 

 

ابو أيناس: بابا ليش اجيتي بيج شيء

 

أيناس : بابا ذوله راحو وياي و خزوني كدام مديره و خوفها و هي بقت ترجف كالوها جبناها تمتحن و تطلع لان تعبانه و سولفتله شسو بالمديره و بابا يضحك و أحمد ساكت بس يبتسم 

أيناس: عاد كلت اخسرهم كباب رحت تريكت و اجيت 

ابو أيناس: وعلي تلوكلج الشيخه يبعد ابوج بقيت بس مبتسمه فهيت من غزلهم من الصبح 

 

أحمد: خالي طكت حوصلتي شوكت تردولي جواب 

 

ابو أيناس: هيها كبالك أسأله

 

أحمد: سالته تكول جواب يم ابوي 

أسألك تكول جواب يمه سويتوني مطي 

 

توني جاي احجي و حجت امي 

ام أيناس: أيناس ما موافقه تزوج سائق تكسي

ابوي بقه مصدوم و احنه و احمد كام

 

أيناس : احمد اني موافقه 

رجع عليع باسني من راسي وهو يحجي: مو احمد الي يعوف شي يخصه ما اعوفج لو على كطع هاي يكوله وياشر على ركبته

 

حنزلتو باس رأسي و آني بقيت أدفع بي بابا و اكف و هو سوده عليه نزع المستحه التفت ع بابا و ضحك 

أحمد: خطيبتي يابه محد اله حق علية 

 

ابو أيناس: تحرك منا يله حددلك موعد وي اعمامك 

أحمد: خالي يوم الخميس اروحله للدوام أخذه و نروح الكربلاء نعقد

 

:لا لا لا تر هو اليوم ثلاثاء يعني شوكت الحك أجهز نفسي 

 

أحمد: مراح نسوي شي بس نعقد حتى لو دشاشه 

ما احس غير دمغه اجته من ابوي وشحته بقيت للعصر و خابرتني علياء و صوت هلاهل بيبي يمه 

ابتسمت بخجل و حجيت: شكو 

 

علياء : كل خير كلشي جاهز كعب أبيض و شال العقد و الفستان كلهن شتريتهن من ذاك اليوم بس و افقي يله 

 

: علياء هاي شبيج انتِ وياي عليه

 

علياء : وياج و عليج يله هسه يوم الخميس امي و بيبي يردن يجنج و آني وياهن اجي اجيب الاغراض و نحاجي ابوج 

 

أيناس: اوكي منتظرتكم صدك فتت حظرت نفسي و ضيافه و اجوي علينه عماتي و بيبي و نسوان عمي 

 

رسيل : امشن نتبارك لبن طيبات علومه 

 

علياء : والله و نكضت و كضها تحل من ابو علي حجها 

 

هناء : يا ام احمد كومي اتكتري و البيت أجت راعيته

هدى : و فصوص روبى ويا كفها وين دورها و لكها

 

جنت مبتسمه وهن محاوطاتني و آني مستحيه و دخل خالي و ابوي و اثنين من عمامي بقيت منزله رأسي ما رفعته اله ع صوت هلاهل  مصطفى و هو يهلهل و هنا كله نفجرت تضحك و دخلو و بيبي مقبلت اكوم كام احمد ضيف الكل و هو يدردم 

أحمد: والعباس حسيت نفسي العروس 

لان آني شايف العروس تقدم ضيافه 

بيوم خطوبته 

و همه ميتن ضحك من وصل يمي سوه نفسه مستحي و كوه يقدم و هو يحجي 

 

أحمد: اوي حبيبي شكد طلعت شهم و اجيت خطبتني 

 

اهنا اني صرت بنزركيه كوه اتنفس اختنكت من الضحك و همه مفجورين يضحكون و يرجعون ليوره

 

ضياء: خرب بيومك ع هل طبه أحمد وعلي فلا تعقل 

 

أحمد: منو ضحك عليكم اني اعقل

اخذ عصير و كعد مقابيلي ع قنفه منفرده 

 

علياء: كوم منا روح غادي اكعد 

هو مسوي نفسه ميسمع و منطيها آذان طرشه ولا كنما تحجي و آني مبتسمه ع منظره و شون متونس و كاعد التفت و شفت أمي تخوزر بيه هنا ادركت انو امي مراح تعوفنه بسلام 

★★★

 

رحت يوم الأربعاء داومت و رجعت تعبانه 

نمت و فزيت ع صوت تلفون رديت بدون ما اشيل رأسي من مخده 

أيناس: هااا

أحمد: و سماااا  شبيج تحجين من ورى خشمج 

أيناس : عزه بعيني هاي شسويت 

سمعت ضحكته؛ أحمد: ما تبطلين تجفص 

بقيت ساكته و استمتع برزالته هههههه 

أحمد: هسه شنو باجر اجيج للدوام اخذج مو 

أيناس: ها أي 

أحمد: خايبه عود خجلانه و شسمه و انوثه 

أيناس: عزه يعني اني رجال شنو

أحمد: يمكن هل مره جفصت 

أيناس: لا حبيبي تأكد مو يمكن 

أحمد: مدام بيه حبيبي تدللين هسه اتأكد و اجي و اجيبلچ هديه 

ضحكت بخفه و سديته بوجه ستحيت منه نمت و كعدت المغرب ع عياط امي هي و ابوي  تفاجئت لان ماما وبابا عمرهم ما تعاركو ولا سمعنه صوتهم امي و ابوي الاحترام البينهم احترام بنت الابوها و ابن الامه رغم بابا شيخ بس ابد ما عده تعقيد و سبورتي و يحترمنه و معلمنه التفاهم ويا على الاشياء الاريده و الأشياء نحب انسويها معدا موقف الضربه الي صارت قبل فتره 

نزلت على درج بهدوء سمعته يحجون و انصدمت العركه بسببي سحبت نفس ونزلت 

أيناس: بابا اني مستحيل ابني سعادتي ع تعاست غيري وما دام امي مراضيه و ضايجه من هل زواج آني ما اريده 

 

ابو أيناس: سمعينه شتحجي مضحيه بسعادته و حب طفولتها علمود جنابج مراضيه بسائقي التكسي تردين ملياردير

مو حظرتج 

 

بقت ساكته ولا حجت طلع بابا من الغرفه و آني انهاريت جنت لازمه دموعي مستحيه ابجي كدام ابوي ع شخص الاحبه سحبت نفس و حجيت

 

: يوم بداعت كل عزيز ع كلبج لا تاذيني والله قلبي مبي 

 

ام أيناس: والله أريد سعادتج ادري بيج مدلله و متربيه ع غالي 

 

أيناس: إذا قصدچ ع ابن اختج فا ابن اختج مزوج و مرته حامل كلته و طلعت من الصاله صعدت فوك وخابرت ع علياء وبقيت ابجي و حجيتله كلشي

 

علياء: حقه ترى الشافته من امي مو قليلي و امس من اجينه مكلفت نفسه تجي الج ويانه و احنه طم طمنها  لخطر أحمد لا يزعل 

أيناس: اني مو ذنبي والله ولا الي دخل و أحمد هم خطيه امج كلساع تورطه وي وحده و تريد جهال يعني شتردين اسوي بالقرآن عيوني احس راح يطلعن من مكانهن كد ما بجيت 

 

علياء: سوده عليه شبيدي عليكم مكتوب عليكم شسوي اني هسه اجيج مدام بعد وكت و توها ساعه ب 8:00 

 

أيناس : لا يختي مريد اتعبج 

 

علياء : انجبي من شوكت هل حجي بينه 

 

سدت الفون من عدي و آني نمت 

 

""علياء""

سديت التلفون و رحت لضياء 

 

ضياء: ها خير شبيج ولج و جهج أصفر

 

علياء: أيناس 

ضياء: شنو شبيه بس لا تمرضت طاحت 

علياء: اسم الله عليه شبيك اطيني صبر احجي و حجيتله الصار 

ضياء: يعني متدرين بمرت خالچ شايله غرور دنيا كله بدلي البنتچ وبدلي راح اخابر ع احمد يمر ع بيبتچ و نروح 

 

علياء: بس مو تبينون كايلتنه البنية حلفتني 

ضياء: جنج متعرفيني

 

ضحكت و مشيت ع سوالفه بدلت البنتي 

الي صايره دنفوشه كل وقته يم أيناس متقبل تعوفها و توكل بيه هي و بت أحمد

 

و صلنة البيت خالي و تلكينه أحمد

نزلنه عليهم 

علياء: يمه فدوه اروحلك صاير تخبل 

ع الفرحه و غمزتله 

دمغني و حجه؛ أحمد: وعلي يا علياء إذا متلزمين السانج اجفص ابطنج 

 

ضحكت و حجيت لا عاد: اجفص بكل مكان اله بطني لان حامل

 فتح عيونه ع و سعهن و حضن رأسي و يبوس براسي و آني مبتسمتله و عيونه مدمعه ويهمس بدعاء  صح عدي اربع اخوان بس محس بيهم ما الهم وجود بحياتي امي و ابوي طلكو اطشرو كل اخواني بس احمد جان يحاول بكل قوته يلمنه بس مصارت و همه أصلاً من جانو اهلي موجودين ميكعدون ولا يجون للبيت بسبب ابوي لان جان يعنفهم و يضربهم و يشرب و يفقد احمد صارلي أخ و أب و أم و صديق خلاني اكمل دراستي وزوجني من شخص الاحبه وكف وياي ع اخر حبايه و جهزن و مقصر عليه بيوم 

 

: يارب أفرح بيك و أشوفك معرس و تردلي عافيتي و أشوفك مبتسم 

 

أحمد: كثريلي بعد اخوج كثريلي 

ابتسم و ايناس فتحت الباب و حجت بصوت مبحوح 

أيناس: تفضلو تفضلو عذروني محد بلبيت و آني نايمه توني يله سمعت

 

أحمد: يبعد عيوني نوم العوافي عساني بالعمه جي كعدتج 

بقت تبلعم و سدت الباب بوجهنه و صاحت؛ أيناس : عزه العزاك كون يححح ولا يلزم السانه  

و آني و ضياء ميتين من الضحك أجت امه فتحت الباب و دخلتنه و بقت ساكته و حسيته باجيه حجه ضياء 

ضياء: ام أيناس يصير نحجي اني وياج 

إذا مصير بيه زحمه انتِ بمثابت  امي

 

ام أيناس: أي احجي يمه اسمعك 

 

ضياء: شوفي خاله اله كسرت المحبوب ترها جبيره يم رب العالمين إذا شخص 

يحب شخص و ألناس تبعدهم رب العالمين راح يعاقب الشخص الي يبعدهم عن بعض و دمعتهم الي توكع منهم راح اتصير تيزاب عليه بجهنم و انتِ حسبي كم دمعه طاحت من أيناس لا توكفين بوجهة ترها تعلعلت و شافت الويل و بجت الخاطر بتج مو الخاطر احد اطوي الماضي ترهو أحمد خوش أحمد

جانت تستمع ساكته

دخلت أيناس و بيده صينيه قدمتنه كلنه عصير اله أحمد عبرته و هو بقه يخوزر بيه و هي تضحك عليه لان ميكدر يصيح عليه  

: ليش ولج هجي سوين بيه 

 

أيناس: خيولي خبيث مشفتي شون يحجي كدام ضياء والعباس طبيت بنص هدومي والعرك كام يكت

 

ضحك بصوت عالي وهي تكرص بيه 

وهمه انتبهو

أحمد: إذا تكصن  بيه ما ابريجن ذمه

حجيت و الغصه مال ضحكه بحلكي

 

: أحمد جاي اتخيل بعد يومين ترجع من الشغل تعبان و تتلكاك بالباب و تتغزل بيه و تسد الباب بوجهك

 

ضياء انفجر ضحك و هو بقه يتباوع عليه و هي طفرت من الاستقبال وما حجت 

 

أحمد: عمه خالي وين 

 

حجت و هي مرتبكه؛ ام أيناس: ها ..صار عده شغل 

خابر عليه أحمد ؛ أحمد: ها خالي أنت  وين…تمام احنه بلبيت منتظرينك…خوش …لا لا وين هو جاين علمودك

 

شويه و اجه خالي و كعدنه نسولف حجاله أحمد؛ أحمد: خالي تقبلها رجلة و هلا هلا و جاي علمودة حتى عصير متقدملي ولج أيناس أيناس من طركاعه لفت هذوالاك الناس

كل احنه نضحك عليه شون محروك قلبه و هي مستحيه و ضامه روحها صاحه خالي 

 

ابو أيناس: تعالي بابا تعالي 

اجتي تكت عرك و مستحيه و ميته بدمها

كعدت بصف ابوها و حجت 

أيناس: أمر بابا شرايد 

ابتسمله خالي و حظنه و احمد يشيل روح و يركعه شون خالي يحضنه و هي مبتسمه و ضامه راسه بصدر خالي 

و امها كوه لازمه دمعته حقها وما الومها امي انسانه تنكط خباثه و شبعته قسوه و مر و ضيم ما اعرف شون ام أيناس تحملته و آني بتها ما تحملته 

 

ابو أيناس: نامو عدنا و باجر اروح كلنه سوه اني اجرت بفندق بكربلاء اروح نزور الأمام علي و بعدين اروح لكربلاء بدون زياره القبور رجاءً اروح مره ثانيه و نزور القبور 

 

: خالي اوفقك رئي لان احنه رايحين فرحانين و متونسين و المقبره نصها سحوره و كذا لا يصير بيهم شي 

 

و صدك نمنه كعدت لكيت أيناس بالدوام كعدت وي مرت خالي 

 

علياء: عمه ادري بخاطرچ عليه بس والله عمه لا اني ولا احمد لا ننتمي لبيت اهل امي ولا اهل ابوي طلعنه هجي عنكم و عشنه بوادي وحدنه نحاول نبتعد عن مشاكل و أما بنسبه لاأحمد والله العضيم يا عمه بس يزوجه راح يحط بيت بأسمه و هم جاي يدرس لخاطر عيونها  

 

ام أيناس: الله يخلي و يقوي و يسعده شريد غير هجي 

 

اجيت اهلهل بساعته من الفرحه والعباس طلعته الروحنه 

 

"أيناس"

 

كاعده بلدرس الرابع واشارك وي الاستاذ واشرح و جت العامله صيحني طلعت لكيت شلت الشباب كله جايه ثنين من ولد عمي و ضياء و مصطفى و احمد بالاداره والعباس عبالي جاين مشيه كلهم دشاديش و عكل و عبي ما عدا واحد من ولد عمي جاي من الدوام ضابط ونجماته ع جتفه يخلسن 

 

أيناس: شنو يابه منو كاللكم اني متعاركه و تعالو سولكم مشيه

جانت مديره و مدرسين ثنين كاعدين نكتمو من الضحك  رجعت حجيت 

 

أيناس: يابه درينه صخام بوجهي شيخه مو خزيتونه الله يخزيكم 

 

أحمد: اعصابج عروستنه 

هو حجه و آني طكيته بخزره و هو بقه يبلعم ميكدر يرد

مصطفى: شباب اقرو ع احمد سلام صار بيد المدام

★★★★★★★★★

الحمدلله حمد كثير 

الهم صلي على محمد وال محمد