تاريخ النشر : 07/25/2024, 21:20:15

 

.

. كلشي بيدك 

حتى هاي الضحكه 

تكدر انتَ ترسمها عله شفتي 

حتى حزني بجلمة منك

ينجفي وتزغر دمعتي

ياعزيز الگطع مو عادت اگليبك

 

_________لهب البارود______

 

بارود : قطع فكريّ صوت هورن وضوء بعيني اريد اشوف ماگدر توقع هاي نهايتي فريت السياره بقوه وگفتها الضوء دخل بعيوني بعد ماشفت شي فتحت عيوني السياره مقابيلي واگفه نزل منها رجال 

گال بيك شي صارلك ؟

لا يابه زين مصار شي  تگدر تروح جان وجهه مخطوف وخايف من شافني زين راح بقيت گاعد ادحج وضعي بسببها وين وصلت شارع فارق الضلام مغي شكو شي، بس ضوء سيارتي مشتغل بعز التعب  رَثة جگارتي انا احرگها وهيَ تحرگني رن تلفون اذكرة امي بنتظارني طفيت الجمره توجهة البيت بهوستي وتعبي راح اشوفها اريد احضنها اريد انسه زعلي منها لو دقيقه وارجع احضنها مثل قبل ، وصلت للبيت كل تعب تحول القوه الشوق تحول الكرهَ دخلت وانا اشوف لكل موجود، السلام عليكم الله محي من جانه  لكل صد عليه 

 

العمه : هلا يروح عمتك 

 

بارود : شلونج ياغاليه سلمت على لكل گعدت ادحج هيَ ماكو قطع فكريّ صوت وحده 

 

دارين :  گاعده ويه بنت عمي نحچي گالت وصل قلبي رجف اليوم احچي وياه اليوم اعرف كلشي منه جنت صغيره وماافهم بس هسه اريد اعرف  طلعت لهم شفته گاعد بملابسه السوده وشعره المتناثر بتعب الجگاره بطارف ايده تحترگ تدل على هوسته محد يشوف بس انا اعرف سبب حزنه من بين نظراتي وتوتري وتفكيري انطقت كلمه ، السلام عليكم  بسرعه صد عليه ،

 

بارود :  وعليكم السلام بدون مادحج عليها اجت گعدت مقابيلي، 

 

دارين: گعدت وانا اريد لكل يختفي حتى احصل على فرصه لو ساعه وحده، بقيت ادحج تفاصيله وكل حركه تصدر منه كلامه ابتسامة خطوط ايده 

 

بارود " انا ترخّص منكم تَرَجل بخطواتي مشدود فكريّ بيها شلون الواحد  ينسئ بهيج سرعه، تركت خلفي اصوات الضَجيج  ولكل يعرف سوالف أهلنه اشلون،

 

دارين "  شفته راح ماگدرت احچي تابعة مَسيره وهوَ نَهَجَ قرّت اواجهه، سهرنه على سوالف عمي ومرته ضاع الوقت من ايدي ماسويت شيء ،

 

بارود " يول انتَ وين عجل تعال هينه عمتي اجت اليوم  لك امي اليوم رادتك علبش ماجيت عجل حدر باجر تريگ ونطلع سوه ، ماشي أغلقت تلفون من باهر خليت ايدي على عيوني حتى انام وفعلاً نمت ، فززني صوت فتَح عيني دحجتو  عَايَنَت صوبي على شي اضَربه بي ماكو، يولو منو دازك عليه 

 

باهر "  خالي امك دزت عليه تعرف انا شلون احب عمتي، غمزتلوا 

 

بارود "  شوفني عوض اچتافك تعبان اريد انام رجعت ضهري وغمضت عيوني،

 

باهر " عمي گال خلي يجهز عنده شغل وياك اضن اكو شي ،؟

 

بارود " دحجتو يول انتَ روح گوله نايم مالي خلك تحرك  سدها من يمك، صار نظري على الصگف  تذكرت قبل من تجي اگعد من الصبح كلي الهفه هسه مااحمل خلك حچايه ،

 

باهر "  يلاا بارود عمي طلبك مامنها بعد عمتك گاعده وبنتها رجلها راح من غبشه الاهله ،

 

بارود " عَايَنَ هينه شوكت راح شعجب عمتي بقت،؟

 

باهر "  گال شغل وبعيد وعمتك ماتعرفها طول عمرها تجينه تبقى اسبوع هاي اذا مستعجله هاي بنتها وياها ،

 

بارود " تحچه زين يول عمتك هاي نهضت بهمه  حضر ملابس وياك بين مااسبح ،

 

باهر "  شنهي خالي احضرك ملابس حرمتك انا،؟

 

بارود " بالحمام هوَ يرعد اشش حضرهن يمك خمس دقايق وطالع  ،

 

باهر " مشيت على كنتور دحج كله اسود الالوان ،  اخر وكت باهر يحضر ملابس ويطبخ وبعد وبعد دامي رفيچ بارود حتى اصير مجرم  هاك هذول الملابس تأمر بشي ابن عمي انا طالع ،

 

بارود "  اسمع كلامه ميت ضحك اخر شي گاله ضحكت من گلبي طلعت شفته ماكو دحجت الملابس تحضرت نزلت شفتها گاعده من سمعت خطواتي خلة على شعرها حجاب صباحكم الله بالخير يابه،

 

دارين "  سمعت خطواته وعطره السبق يعلن عن  صوله المكان صبح على لكل وگعد برهاوه سبحته بيده تفتر وتلتف حول اصابعه جگاره الي ماتفارگه، بهاي الزحمه واهلي واهله شلون احچي وياه ماعرف قطع فكريّ صوت امي ،

 

بارود "  كملت اكلي شربت چاي يابه طالبني بشغل خير ،؟

 

الأب "  اي كم شغله نگضيها ونرد اليوم عشه عمامك يمنه باهر تسوگ كلشي انا اريدكم وياي بچم شغله اذا كملتوا يلاا نتوكل ،

 

بارود "  تأمر يابه انا جاهز،

 

باهر " عمي هسه جاي من غبشه سويت كلشي تريده ماتخلني اروح تكسب بيه أجر ،

 

الأب "  حدر بساعك الأجر عوفه ورانه شغل وتعب 

 

باهر "  دحج يعني اليوم نأكلها دسمه عمي لو نايم ولا هل چيه ،

 

بارود "  حدر كافي تحچي مشينه الاراضي وشفنه البستان الضهر رجعنه لگيت الاهل كلهم جايين  گعدت تعبان،صحت بويه ماي احچي مع عمي وابوي واحد قدم ماي اخذته بدون مادحج ويه شربي شفتها،  كملت كلامي ويه عمامي  ،

 

دارين "  سمعته طلب مي رحت جبتله  ومن بين الهوسه وسوالف وكعدتنه كلها خلصت وكلمن رجع على بيته  شفته صعد فوگ بعد مامنها لازم اشوفه صعدت وراه وقلبي يرجف رجيف خايفه يشوفني احد هوَ دخل ونسد الباب ركضت فتحته وسديته صد عليه مصدوم من تصرفي ومذهول من دخولي ،

 

بارود "  خيرج بويه شسوين هينه،؟

 

دارين "  اريد اعرف الحقيقه منك انا اجيت على هل بيت بس حتى اشوفك 

 

بارود " ورثة جگاره  اخذت منها نفس  اعاين عليها من بين الدخان، تعصر بيدها شفايفها ترجف من الخوف، اردفت حقيقيةشنو تعرفين؟

الصار حرگ كلشي بقى بس الرماد مااضن تلگين شي وبهذا الوكت بعد ،

 

 

دارين " حركاته طريقة كلامه تستفز يحچي بكل اريحيه وغرور، وحتئ،  وأن اريد اعرف كلشي  انا مو طالعه مناَ اذا ماعرف منك السالفه  صح الصار بالماضي بس عايش ويانه الحاضر ودليل جاي اشوفه واسمعه ،

 

بارود "  عوفي بويه لاتفتحين جروح مچموده  روحي مناَ مو حلوه جيتج اليه بهذا الوكت ،

 

دارين " نفضت ايدي بقوه وحچيت بحده ماطلع وانتَ لازم تحچيلي،صارلي يومين اريد فرصه بس حتى اشوفك ،

 

بارود  "  بويه هاي النبره لاتحچين بيها وياي وثاني شي هذا الموضوع سديته من اسنين وهسه روحي اريد انام درت ضهري عنها ،

 

دارين  " ماشي بس راجعه لك عفته وطلعت وكفت خلف الباب اجر النفس گوه من غير الحرگه على تعامله الي بهاي الطريقه مشيت ركض الغرفه اخاف واحد يشوفني ،مثل المسوي مصيبه وشارد  وقتي قليل لازم اقنعه يحجي ولازم لگه وقت ماعرف شسوي ،

 

بارود  " اخر ساعات من اليل اشتغل بيدي جگاره ووراق  كلشي حولي ظلام ضوء قليل بصفي مركز على قضيه عندي هجست حركه تركت من ايدي نهضت دهشني دخولها الي بدون أذن حچيت بحده خير بويه ... ؟

 

 

 

 

دارين  " ردت انام ماجاني نوم طلعت برا البيت هدوء كلها نايمه استغل الفرصه اروحله مشيت على اطراف اصابيعي ادعي امي ماتلزمني وصلت الغرفه خليت أذني علىَ الباب سمعت حركه يعني گاعد اريد ادخل سمعت صوت وراي  

دخلت بسرعه غلقت الباب  حتى مافكرت شگوله عيوني على الباب اعصر بيديه فززني صوت،  اردفت ممكن تسمعني واسمع منك ؟

 

بارود  " طفيته الجكاره، شسمع ؟

 

دارين  " بتوتر اريد اعرف الصار 

 

بارود  " سبق وگلت انسي الموضوع 

 

دارين  ." وگفت مقابيله، لا ماانسئ 

 

بارود  ." خوش بويه احچيلج بس مو اليوم 

 

دارين  " فرحت وتلهفت لا لا اليوم حتى اذا جزء  

 

بارود   " عجل  نكعد بالحديقة واريد چاي 

 

دارين  "  رايحه ركض اسوي چاي وفعلاً اسرعة دخلت المطبخ اضلم فتحت الضوء جبت القوري خليت مي وچاي هدرته ركضت جبت الكوب متوتره كلش خدر الچاي صبيته اخذته وهوَ يرجف بيدي الحد ماوصلت الحديقه طار ربع الكوب، تفضل كعدة گباله 

 

بارود  " الحچي هواي منين ابدي ؟

 

دارين  " من البدايه ... 

 

بارود "  عجل اسمعي بويه هذا  راح اگوله ماريد بشر يعرفه،  اخذت نفس تذكر اول يوم اجت بي البيت ......؟!

 

ماذا حدث في الماضي....!!

 

توقعاتكم ؟!

 

البارت تدريجياً يطول بس اريد تفاعلكم حتى استمر 

 

#الكاتبه نور علي