تاريخ النشر : 08/15/2024, 13:37:39
بارت 9
ما أستغرب من تلوح ظهري سهام
انة استغرب من المايجن بية
___________لهب البارود________
بسم ﷲ الرحمن الرحيم 💜
.
.
بارود : - گعدت فتحت عيوني بس ظلام ماكو اي ضوه ايديه مربطه الگاع بارده احس ضلوعي ثلجن اسمع صوتهم يحچون صوت شي يتكسر يكسرون الحطب واحد يسوي نار حسيت احد يمشي اتجاهي؟
نرفع غطا عن عيوني ماگدرت اشوف بوضوح الثواني توضحت الرؤيه عندي شفت شخص گاعد گبالي يدحگ عليه نطقت اول كلمه انتَ منو؟
مارد بس يدحگلي بنظرات ماعرف ايش
: - گتلو منو بيكم جابني هينا عليش رابط ايديه فك الرباط لا اشك لا اسود عيشتكم ادحگلو منتظر منه رد...؟
گال: - شغلنا ويه ابوك وعمك نريد نرجع أرضنا انتَ راح تبقى هينا لحد اليوم الي ناخذ بي الأرض
بارود : - كمل كلامه هو گاعد يفرلي بالسبحه واني اضحك بإستهزاء اخر جمله سمعتها گال ماريد اسمع صوتك...؟
ربط عيوني بعد ماكدر اشوف شي فقط اسمع كلامهم وصوت الضحك حاولت افهم من كلامهم المكان لكن ماگدرت أني متأكد من وصول أبوي لان مايتركني هلگد كل شي اجه بالي وراح اله امي مستقره بنص گلبي لأن اعرف خوفها علي جنت حاسب احساب اليوم تجي روز
روز: - اجه اخر الاسبوع انتظره بفرح حتى نروح على بيت جدي ومثل كل مرا گعدنه تريگنه ولبسنا وتجهزنه وأنا احس خدودي راح تنفجر من الابتسامة اخذنه ابوي توجهنا البيت السعادة العند بارود مثل كل مرا اخذ الطريق ادحگ على شوارع والأراضي اتأمل كلشي مار
باهر: - طلع الصبح محد اجه عمتي ام بارود بده الخوف يظهر على وجها مو بس هي الكل گعدو البنوات يسون ريوگ جدتي گاعده تقرأ القرآن تصدقت شالتو اجت تريگ
الجده : - اليوم تجي عمتكم مادري شلون نستقبلها ياباهر حدر هينا يمي
باهر : - صخام الصخمك ي باهر شتريدين خاتونه تراني تعبان مأكل شي رحت يمها هي تأشر على مكان يمها جلست يمها گولي خاتونه ابتليت بيج أنا رجلج عايفج مدري وين را** ندمقت على راسي دحگت جدتي اضربتني ليش يول هيج تاحچي كلمه الحق ...
الجده : - اچسر راسك بعدك هطول تحچي على جدك هيج اسمع زين فك إذنك عمتك اليوم تجي ماريد تعرف بالصار البارود ماريد نضيج خلگها ان شاء الله بارود اليوم يرجع هوه سبع اسمع هاي موزه انتَ أخذها افتر بيها بلبستان گولها بارود راح يشتري ملابس راح وي رفيجه عدل كلامي ؟
: - عدل بس منو موزه؟
: - بنت عمتك فوزه مدري موزه ...؟
باهر : - روززززززز جده روززززززز مو فوزه ولا موزه طرگاعه عليك باهر هنوب احير بموزة السيد بارود مخطوف وجاعد أنا هينا اتبهذل طرگاعه عليج فوزه
الجده : - وگرص لاجوعر يمي سوي مثل ماگتلك
: - هي بنتج شكو كل أسبوع تجينه ترا وجوهنه ماتغيرت حتى تجي تشوفها خليها كل شهرين تجي
: - ولك تمنع عمتك من الجيه ملار انطيني العصئ هذا ايريد اچسره بيها
باهر : - انتِ تگدرين بس علي عجل جدي صار يومين ماكو ماتكسرينه هي گامت وانا طلعت اركض برا ايي يباهر هسه تجي ست الحسن موزه تاحير بيها بالله شگول شچذب شلون أقنعها ...
روز : - وصلنه بيت جدي بس محد تلاگانه مثل كل مرا جدي خوالي بارود ماكو احد فجأة طلعوا كلهم فرحت بيهم رحت على جدتي احضن بيهم واحد واحد عيوني ادور على بارود ماكو؟ شفت باهر گتلو عجل وين بارود؟
باهر : - طرگاعه عليج كون بارود راح وي عمي وابوي وجدي عدهم شغل العصر يجي تعالي البنوات يردوج هي مشت بخطوات ثگيله أنا ادحگ جدتي واگفه تعاين الطريق اكو خوف وغلق بگلب كل شخص لكن يجيت عمتي ماخلت احد يخاف بكيفه الله واكبر يعني لازم حتى الخوف نخفي كله من خاتونه تريد بنتها مرتاحه امشي احچي نضربت بروز واگفه هاخيرج دحگين صفح ...؟
روز : - كل فرحتي والهفتي راحت من سمعت بارود ماكو مشيت على باهر وراي سمعت يحچي ماعرف ايش وگفت دحگتو گلت شبيك؟
: - عينج لادحگين هيج فهمتي يلااا امشي
: - چنت تحچي؟ بعدين شكو تصيح علي ؟
باهر : - احچي وي نفسي عندج شي وياي روحي على بنوات أنا رايح عفتها ومشيت العند الحارس عمي شنهي الاخبار ماسمعت شي ...؟
گال : - لاوالله ياعمي انا شغلي احرس هينا ماگدر اروح الولد راحوا الصبح ان شاء الله يرجعون بعد ساعات
باهر : - ان شاء الله عفتوا مشيت الساگيه گعدت وحدي وانتضرهم واني شتاگيت لباهر وخايف عليه لحگتني روز كتلها عرفتها جتني علمود بارود
روز : باهر وين بارود لهسه ما اجه اريد اشوفه بس اشوفه صايرله شي لو شنو احجي ..؟
باهر : يمعوده لضلين تسولفين راحو يتسوگون وطلع ويه عمامي شمدريني اني لتخبليني عفتها وطلعت ماكدرت احجي لان ضل تحجي وماكدر على نفس واسولفلها
بارود : ضل بالي يم روز اجتي وهسه شگلولها سمعت فتحت الباب دخلو عليه فكوني واحد اخذني ورادو يغيرون مچاني حتى ابويه وعمامي ميندلونه اخذني مجموعه وطلعنا لمكان بس صحراء بس ماخفت لان عرفت اهلي ميعوفوني بنص الطريق وماحس بس ناس طلعت من جوه التراب ملثمين ومسلحين لزمو الي لازميني وربطوهم وشبعوهم كتل واني ادحج عليهم واضحك شالو الشماغ عن وجوهم واشوفهم عمامي وابويه
والد بارود : ها وليدي خوما اذوك اعرفك سبع ميهمنك هيج سواليف
بارود افا يابوي وانا ترباتك مانطيت كسار وعرف زلم الليل وراي
الوالد :عفيه يله عجل استعجلو قبل لا يكشف الجو حتى نوصل البيوت
بارود : واحنه جاي نمشي تلگونه مجموعة ناس چثيرين واحنه بس 5 واني سادسهم
عم بارود : انهزم واحنه نصرف انزل بالبزل وروح احنه نحلها ونجي
بارود : افا وانا ابن الجدين لو اموت وياكم لو اعيش
والد بارود : اگضب الرشاشه ونفس مادربتك
بارود : ابشرر يبوي سحبت اقسامها وصديناهم
رأيس المجموعة : وين طريقكم ومنو انتم
ابو بارود : عابرين سبيل وصيادة راجعين لديارنه
رأيس المجموعه :عجل اسئلكم تعرفون شيخ ابو بارود وأبنه بارود
ابو بارود : ليش شعندك وياهم
رأيس المجموعة : اريد روسهم وارمل نسوانهم
عم بارود : ماسمع اله بارود سحب سرگيها وگال يخسى الي تنمد ايده على اهلي وچتل ريسهم
ابو بارود :هاي شسويت چتلته
بارود : ماعاش اليذكر اهلي ماجابتني امي الما ذبحتهم
كرايب بارود : ارجعووو ناخذ هاي التله درع
ابو بارود : رجعنا واخذنا التله درع النه وعفتهم وصفنت على بارود وغيرته على عرضه شفت بيه زلمه مهبش ومثل الاسد وشلون يقاتل وجان تصويبه بالگصه واني ماعلمته وشفت بي هيبة شيوخ
عم بارود :خلصت واحنه طلعنه بخير يول يبارود ماعبالنه انته هيج جان مادورنه عليك مشينه وبارود مكيف وفرحان اخذ حگه بأيدة
ابو بارود: ادحج لبارود وهوه يتمختر كام يگصد انا الذي امي سمتني بارودُ قاسِ المنضر سريع الرد سقتهم كالاغنام حامِ لأبي وسندٌ لأعمامي أنا الذي قتلتهم ك حيدره
ابو بارود : هههههههههه ولك طلع بيك بله
بارود : اركض ركض كدامهم اريد اوصل اشوف روز وامي وصلت البيت واشوف الكل كاعد ينتضر حسيت بفرحه جبيره سلمت عليهم بس ماشفت روز مسكتني امي من فرحتها حتارت شلون تحجي الكل مجمعين ضليت ادور سئلتهم كالو ماندري رحت امشي للشجرة
روز : اكيد عافني اكيد ماشتاگلي عافني وحدي وهسه مدري شبي ماحس بس واحد يصعد للشجرة اني خفت ماحس لن طلع بوجهي بارود حضني وعرفت جان بي شي
بارود : صعدت على كيفي لگيت روز مدنگه وتبجي شافتني وحضنتها ردنا نوكع من فوك حضنتها وكمت ابجي وياهه
روز: ليش عفتني وحدي ليششش هاي شصاير بيك
بارود : بعدين احجيلج باهر وين مشتاگله
روز: عفته بالمزرعه عمو علي گاله اسگيهن
بارود :سهله اني اعلمه احسابه بعدين هاي انا معلمه قاطعني صوت صاح باروددددد ......
"يتبع ......
حبيباتي البارت قصير اعرف اوعدكم القادم حيكون اكثر
تصويت القصه متابعه الحساب واتباد تصويت بين الفقرات مهم جداً تعليقاتكم الحلوه بين كل فقرة لاتنسون انا احبكم مؤنساتي 🥺 💜
