تاريخ النشر : 08/25/2024, 10:43:07

لكاتبه زهراء الركابي 

ذي قار (القيثاره الذهبيه) 

 

★★★★★★★★★

گعدت و إني بحضن علياء و هي تبچي و ساره بنت أحمد ويانة 

 

أيناس: شنو صار أحچي علياء أحمد وين شصار 

 

علياء: گومي يلا گومي و انتِ عمه ساره روحي بدلي حتى تروحين و يانة 

 

ساره گامت تركض و إني گومتني علياء 

و علياء تبچي و تصيح ويه أمها و تتعارك وياها لأن عايفتني و تحچي و تصيح عليه

 

ساره: عمه خلصت يلا خلنه أنروح 

 

ألتفتنه على صوته و سحبتنه علياء و طلعنه چانت أكو سيارة بالباب أبن جيرانهم

وصلنه المستشفى شافنه مصطفى و أجه خازرنة 

مصطفى: بنات الأوادم ألمن جايات المستشفى كله زلم وين توكفن تعالن أرجعچن

 

علياء: وخر عني مصطفى إني مو بوعي لا أزعلك مني 

 

أيناس: مصطفى وينه أحمد 

 

أجة ضياء جراها و صاح

 

ضياء: يلا على البيت ماريد توگفن ولا ثانية 

 

علياء صاحت بصوت و هو بقه خازره اجه بابا و صاح بيهم و اخذنه كعدنه على الكراسي ثلاثتنه و كوه نجر النفس من كد ما بجينه 

 

اجه مصطفى بيده ماي اطانيا و حجه بهدوء

 

مصطفى: اخذن نفس والله مابي شي 

بس جتفه متصوب و قبل لا يدخلون كال ايناس ابيت اهلي تروح توديه و يسولف ويانه صدك جذب خايفات على اسد مالتنه 

 

علياء: اشون ما اخاف عليه ولك هذا ابني قبل لا يكون اخوي و ابوي و صديقي شون ما اخاف عليه 

 

مصطفى: ما الومج والله بس ذني البنات منو الهم اذا انتِ قويتهم تلطمين و تبجين

ضياء: يلا عيني أحمد طلع من العمليه امشن اوديجن 

 

أيناس: ما اتحرك منا لمن اشوف بعيني گعد 

 

ضياء: عمي إني ها اها راح اسكت احفظ على ما تبقى من كرامتي منجن 

 

خله و راح و إني و علياء بقينه نفهي تجاوزنه عليه هواي 

 

بقينه لل2:00 الصبح يله كالو كعد و مصطفى منعهم يدخلون و دخلني إني 

وحدي دخلت اله لكيته كاعد و صافن على سكف بس شهكت التفت و فاتح عيون ع وسعهن معباله اني جايه 

 

أحمد: تعالي بويه تعالي شجابج 

 

ايناس: افديك بروحي حموديتي انتَ 

 

أحمد: تعالي يمعوده تعالي هسه الي يسمعج يكول طفل بروضه 

 

رحت يمه و كعدت ع طرف الچربايه لزم ايدي باسه و ابتسم 

 

أحمد: تعالي بحضني 

صفنت بوجها و فهيت و هو طكه ضحكه قويه و سحلني نومني بحضنه ضعت بحضنه و هو حاضني بكل قوته وانه مصنمه و هو يتباوعلي و يبتسم 

فتحت عيوني بصدمه بعد ما شال الشال 

و خله خشمه بركبتي حجه 

 

أحمد: هنا احيه و اموت هنا الموت الاحمر بويه مو عطر يدوخ 

 

بقا يتغزل و اني مثل صنم لا اتحرك ولا اي شيء بس عيوني تغفي نعست على حركاته هو مبتسم بوجهي 

 

أحمد: شبيج سنحتي ترى مسوينه شي 

 

فزينه ثنينه على دخلت ضياء وهو يصيح 

ضياء: كنالج شوفي و طل...... 

 

ما كمل كلامه و طلع و أحمد بقه مصدوم و إني كاعده على السديه عاضه شفتي بخفه من موقف الي صار و أحمد ضحك 

 

أحمد: معليج ما شاف شيء تعالي نكمل

 

ضربته بصدره و نزلت عدلت شالي هوسه الي و عدلت قميصي و طلعت من غرفه منزله راسي احس الكل شافنه مو بس ضياء 

 

ابو أيناس: ها بابا طمئنيتي عليه يله خلي علياء سلم عليه و روحن و باجر العصر يطلع 

راحت علياء سلمت عليه و طلعت صاح ضياء اني اخذهن و ابق يمهن بلبيت وما اجي للصبح يله و بابا وافقه الرئي 

اني امشي و منزله راسي و اتفاده احجي وي ضياء و مخليت عيني بعينه 

 

ضياء: يله عيني اصعدن 

 

صعدنه و لمحته مبتسم عله تصرفاتي 

علياء انتبهت و دارت وجها صاحت 

علياء امداج دومج مفضوحه اي والله امداج 

سكت بعد ما صعد ضياء سويت نفسي نايمه و ساره بت أحمد كل شويه تندسني 

 

بالف يا علي وصلنه سبحنه و نمنه جنت صح ضايجه ع أحمد بس احس براحه 

نمت و اني مرتاحه كعدت ع هوسه البنات كمت شافتني علياء ضحكت 

 

علياء: من صخام بوجهج البارحه ضياء كل شويه طاكه ضحكه مخلني انام و تغمز 

 

اني سحت من المستحه الكلبيه الي لابسته عريضه و شويه بيه طول كفيته بملابسي و بديت اشتغل و اني ساكته لان نصهم خوالي و اني ما احجي وياهم بسبب المشاكل اجه مصطفى يلعل بصوت و يحجي من شافني سكت و اجه بصفي بينه مسافه همس

 

مصطفى: أيناس كلبيه كصيره و دلعته جبيره روحي بدليه لا يجي أحمد و يسويه كربلاء ع راسج 

 

استحيت وصرت هلكدني من الخجل و رحت وصيت البنات من يجن يجيبن وياهن كلبيات الي من بيتنه 

 

بتول: ما مريت ع بيتكم جبتلج من عدي توني جايبتهن بعدهن بجيسهن 

 

أيناس: شكراً ضلعي ارده الچ بفراحچ 

 

ضحكت و غمتني و اني مشيت ابدل

خلصنه الغده و صارت هوسه يم باب 

المطبخ طلعت اركض شفت أحمد و عمامي و خوالي و مصطفى و ضياء كامشينه علياء تبجي و اني توني رفعت راسي شفتهم يذبحون و اني خرت روحي واغما عليه 

 

بتول "

 

واكفين و سمعنه صوت عمتي هناء صيح 

 

هناء يمه راحت ابنيه اخوي 

 

ركضت للمطبخ و شفت ايناس واكعه اجه سند ابن عمي شاله للصاله كعدنها بروح خاويه و عمامي و عمام أحمد واكفيت 

 

أحمد: شبيه متكلولي 

 

علياء: يمكن لان ما اكلت 

 

أحمد: و سوده عليه كلجن حنينات و طيتنه اكل خليتنه تاكل 

 

هرج البيت بصوته ولاجن توه طالع من العمليه حجيت أني

 

بتول: على كيفك احمد اغا 

مبيه شي صار عده هبوط اكعد انتَ

كالو مسويلك عمليه 

 

خرزني و حجه بنتر

 

أحمد: غير تكعد الممرضه مصطفى صيح خطيبتك عني لا ارفس بطنه 

 

رفعت راسي لمصطفى تباوعتله برئه و هو فه عليه 

 

أحمد: امداك اكتل البزون من ليلة العرس لا صير مطي 

 

ضياء: اشوفك بعد روحي كطعت راس بزون من اول يوم خاف كطعت غير شي 

شو بس تشوفه اضل ترجف 

 

ضحكو و هو يخوزر بضياء و ايناس بعد بحضن عمه هناء تمسد ع راسه طلعت لكيته قبالي ابتسمت و رحتله اتمشه 

 

مصطفى: هلا يابه صايره ما تنشافين 

 

بتول: مشتاقتلك بعد عيوني 

 

ابتسم و راح لان عدنه شغل و اني رحت اخبز 

 

سمعت ضياء يحجي وي احمد ويضحك صرت بصف الحايط 

ضياء: شبيك ترجف يولي ما بيه شي 

 

احمد: موبس ارجف اضل ما اشوف لو شفته اغدي تراب جدامها 

 

ضياء: من كالولي تحبه معبالي هلكد عبالي حب عادي 

احمد: غلطان يبعد هلي كلهم ترى روحي الهوه الي اشمه

 

اجه مصطفى وكف بصفي ويكلي عليمن تسمعين سديت حلكه واسحب بي واضحك وهو يضحك عليه شبيج 

التفت للجه ثاني عتلت الصدمه وجوه الكل والكل متجمد واني لا اقل صدمه عنهم شبكت بايد مصطفى حيل خايف تجي ايناس وتنصدم صدمه مثلي 

اجتي اخر شخص اتمنى

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد