تاريخ النشر : 10/22/2024, 11:39:32
الباتروس الثالث
بسم الله الرحمن الرحيم
شبيك تتسائل؟ وصوتك ما ينام
تدور بليالي العمر نور وِظلام
وين طريقك؟ واللي يسند الكلام
ولا تفهم.. غير معاني السلام.
بقلم الكاتبة رقيه محمد
بقلمي رئيكم يهمني
تعليقاتكم اقراها تعليق تعليق رقه تموت بيكم روحي انتو🫀 🪽
قراءه ممتعه
~~~~~~
يوليو: مو كل الوم على ابوها
آن: شلون
يوليو: هية كبيره ودارسه وبعدهة تدرس واكيد دارسه عن الدين بس هية ممهتة بي او ممنطيته اهميه يعني فقط درس عابر لمهم تحصل درجه علي بدون فهم هيه هنا غلطانه لازم الدرس تفهمة يعني لو مو مهم ماتاخذ درجات علي وهمة مسوينه كتب مو كتاب هية هم عندها غلط .
آند: اي صح بس هية محد منبها يعني همة اجوها من باب لاجبار تلبسين وغصب مو بسياسه والاقناع .
آن: اي صح صح وخلوها تكره الحجاب .
يوليو: صح ماما اني وياجن بس هية لمفروض يصير عدها فضول احنى ليش نصلي ليش ربنا نزل كتاب على محمد (ص) شنو نستفاد شنو نسوي
آند: تره الناس مو مثلج انتي ياخذج الفضول تجاه دينج تحبين تفسرين كلشي رايدته. تستفادين وشنو معناه مو كل ناس مثلج ولا كل البنات لان كلمن وتفكيره
اكو ناس فضولهة ع قراءه اي كتاب لمهم عدهم معلومات اكو ناس بكتب الغات اكو بس كتابه.
يوليو: بس دين شي اساسي بحياة الانسان الماعندة دين ماعندة ضمير ماعندة اهل ماعندة وطن ماعندة شرف لان هو مايعرف بدين الدين مهم بحياتنه كلنا
الدين مو مجرد اصلي الصلوات وبس تأديت واجب لا الدين حب، الدين راحه ،الدين طمئنينه ،الدين علاج، الدين علم، الدين رضا ربنا عز وجل .
آن: صح قنعتيني .
آند: حتى اني قتنعت الدين مهم بحياة الانسان جميعاً
يوليو : اني مامتعمقه بدين بس هو احنه نخلقنا علمود أمتحان او ختبار ليش نغضب رب الكون علمود خلقه او نسوي لي مايرضي شگد نريد نعيش لو الاف السنين مرجعنه بالارض والروح للخالقها خلينا نخلي اثر وبصمه طيبه تنذكر بعدين .
آن: اني محضوضه بيج انتِ أختنا .
آند: بعد روحي كون احبج .
يوليو: بعد عمري حبيباتي ،
يله بنات كلمن تقرا دروسها بسرعه
آن ،آند : يله رايحين عمري باي.
يوليو: باي
عفت البنات وطلعت اتصلت ب ماربين لان لگيتها متصله عليه
يوليو: الوو
ماربين: هلا والله اشرقت وانورت شلونج شخبارج شكو ماكو وين ما وين
يوليو: شلوني مثل لونج اخباري تمام شكو كلشي ماكو وين ماوين ،بلبيت .
ماربين: كلهن صح بس مو مثل لوني لان اني بيضاء الون
يوليو: چنچ بيضه وينج وين حلاتج هم زين الخلطات جابت نتيجه
ماربين: شوف الغيره .
يوليو: كلش اغار منج حتى اقلد بكلشي .
ماربين: اي مو اعرفج .
يوليو: لمهم شكو متصله ام الخلطات ؟
ماربين: احم احم اني نخطبت .
يوليو: شنو شنو نخطبتي؟
ماربين: شوف مو اعرفج تغارين اي نخطبت .
يوليو: خطيه وعلي نكسر كلبي مو بس خاطري .
ماربين: شنو هيج تحبيني وبعدين عليمن ينكسر گلبج اني اجيج كل فتره .
يوليو: نكسر كلبي ع الولد الله يعينا ويساعده على مابتلا
ماربين: شنو قصدج اني بلوة ؟؟
يوليو: انتي لبوه حبيبتي مو بلوه .
ماربين: عبالي تقصدين شي ؟
يوليو: ليش اني اگدر اقصد ابد ليمته نخطبتي منو هذا من وين
ماربين: ليوم يجون يخطبوني .
يوليو: يعني صارلج دقايق مخطوبه ومخطوبه طلعتي محد داك بابج وانتي لگفتي .
ماربين: اي ليوم يجون لمهم اجيت انطيج نصايح خاف ضلين بايرة وتعنسين على گلب امج
يوليو: ههههههههه اني اعنس واجيتي تنطيني نصايح مو اي كملي شنو نصايحج حبي
ماربين: وسم شبيج تتمضحكين فوك ماريد لج الخير
يوليو: منو گلج اريد خيرج ها ؟؟
ماربين: المهم اني حنصحج وانتي بكيفج خوش ؟
يوليو: ههههههههه اي خوشات مو بس خوش .
ماربين: اول شي حتى ينجذب لج خطيبج حطي معطرات قويه حتى ينسطر بعطرج ويگول عطرج يفوح حتى بالجو.
يوليو: خاف يختنك من المعطرات المخليتها طاح حضج ع هل نصيحه امشي ولي تنطي نصايح وهية بعدهة. ممخطوبه والله يالله امشي لج
ماربين: فوك مانصح سوي زين وذب بشط .
يوليو: وين الزين مالتج معطرات زين شنو اسمائهن ؟
ماربين: شاليز ،وتو
يوليو: الله يعينك يلجاي تخطب الله يكون بعونك
ويساعدك عله عبوه اقصد لبوه هاي المعطرات نقرضن من عهد بيبيتي الله يرحمها .
ماربين: مو صوجج صوجي اني جاي انطيج نصايح
اروح احضر روحي له حبيبي لي ماعرفه منين ماوين
يوليو: عفيه تحضري وكثري معطرات وبخور وحرمل وياج هم فد مره .
ماربين: اي عفيه ذكرتيني .
يوليو: امشي روحي طار العريس باي
وغلقت المبايل اعرفهة تشاقه هي وكلش فطيره بس عدهة سولف تحجي الخرس .
رحت اصلي حتى اكمل دروسي
....................................
أبا : جنت گاعده واحجي وي أكثم
أبا : أكثومي حبيبي ليمته يجي يناير ؟؟
أكثم: الشوارب تلطم بزاويه أكثومي شنو؟؟
أبا: هسة مو زين هيج ادلعك من تجي مرتك تدلعك بيبي كوكو كواثم عود كللهة هيج
أكثم: حته اطيح حضها كوكو وصخومو خوش ادور حته اصير علج بحلك سادن وي حجايتي دخل سادن
سادن: خير شكو شبي سادن ها شمسوي لكم ؟
أبا: لان ادلعه أكثومي ميقبل
سادن: واذا دلعتك أكثومي احمد ربك اني دلعني سوسو لو دندون خاب اسكت احسلك
أكثم: هم صدك نعم الله عليج
أبا: عفيه ،ليمته يجي يناير ؟
سادن : گال يومين ويجي
أبا: صدك الحمدالله
أكثم: بيبيتج تريد تعزم ولدهة ترة هنا ويجون همة وعوائلهم
أبا: اهوف والله مالي خلگ هيج هوسات وطبخ ونفخ وانتم شوكت تتزوجون ها شنو متانين ؟
أكثم: متانين يناير يعرس غير هو الچبير
سادن: غير يفتح الجبسه حضره جنابه صدك تعالو ليوم شتريد خط جديد خلي ننصب علي تعالو خل نتصل ونتونس شويه
أبا: تدري بي اذا اجاك ميرحمك ابد
سادن : لمن يجي الله كريم نديح بالشوارع عود
أبا جاب الخط ودخله بجهاز ودخل رقم يناير
سادن عنده صوت بنات محد يصدك بحيث انعم من صوتي ،اتصل علي ويرن
سادن: غير يرد حضره جناب يناير الموقر
شويه ورد
يناير: الوو
الوو منو ويايه
سادن: هلو حبيبي
يناير :-منو انتِ
سادن : معجبه اريد اتعرف عليك حبيبي
يناير بويه انتِ حلمانه لو شنو روحي نامي
سادن : اه فديت هالصوت شلون رجولي يربي اريده
يناير : اكلج انتِ منو وشتردين لااقفل المبايل
سادن: شبيك حبيبي فديت العصبي ريلاكس حبي
يناير : يبعد الريلاكس كولي شتريدن حب
سادن: بعد عمري شوف شلون يتغزل لو هيج لو ماريد بحياتي عود كلمن يتغزل يتغزل اووف ربي
أبا: اني ميته ضحك وأكثم يصيح طاح النچر عود يناير
يناير: اي حبيبتي من وين انتي خلي نتعرف خاف نطلع عرف
سادن : اوييي اروح فدوه لحبيبتك اني ،اني من الديوانيه
يناير: ها تشرفت بيج حبيبتي ونعم بيج وبنات الديوانيه
سادن: هاي شنو حوووبي شكو بنات الديوانيه ذكرتهن
يناير: ماخونج لاتخافين حبيبتي اريد اشوفج فتحي كامره
سادن: عزااا تريد اهلي يذبحوني بحجه غسل عار
واموت بدون ماشوفك ؟
يناير : اسم الله عليج صدك شنو اسمج ؟
سادن: اسمي عسل اوف صدك عسل
يناير : اكلج عسل شايفه اذا الوحج له اخليج تسيحين بين اديه
سادن :شگد عنيف اوويي ماما
يناير : اذا تردين اراويج العنف بس الزمج
سادن: عيب حبي استحي خجلتني
يناير : ستحيتي سوسو موو
سادن: سوسو منو اني عسل
يناير: شاف اذا مابطلت صوت البنات له اخليك اخرس
أبا: هو گال هيج واحنه نفجرنه بضحك عباله ميكشفه بس هو كاشفه من البدايه
سادن: احم شبيك متتحمل شقه
يناير: من اجيك اعلمك شلون تتشاقه ولك عوف صوت البنات عوفه صير رجال
سادن: شوف تجيني بيوم تحتاز صوتي لماعاجبك
يناير: امشي لك احتاز صوته لمن احتازه
سادن: له حبيبتك تخليها تغار
يناير: متوهم اخلي الدنيا تغار منها مو اخليها تغار.
سادن: بصوت مايع گال ،موافقه حوووبي .
يناير : لك حيوان شبيك؟؟؟
أكثم: عوفه بس والله عبالنه طحت وتغازل ؟
يناير: مو غبي عباله ماعرف صوته .
أبا: شونك حبيبي ؟
يناير: بعد روحي هالصوت زين انتي شلونج ؟
أبا: اذا انته بخير اني بخير .
يناير: عساج دوم بخير بعد روحي .
أبا: شوكت تجي؟
يناير: يومين اني يمكم
أبا: يناير بيبي تريد تعزم عمامي وعوائلهم وشلون اني مالحك ؟
يناير : معليج حبيبتي باجر من ترجعين تلگين البيت نضيف مثل المرايا اهم شي ماتتعب اميرتنا
أبا: منو ينضفه ؟
يناير : من ترجعين تشوفين منو ينضف اهم شي راحتج بعد عيون اخوج .
أبا: الله لا يحرمني منك ويخليكم كلكم ليه سند .
يناير: ويخليج اميرتنا لي تدلل بجاه اخوتهه .
أبا: يله حبيبي اخذ راحتك اني راح اقره .
يناير : حبيبتي انتبهي عله نفسج انطيني اكثم وسادن
خذو من المبايل
وهو حجه وياهم اسمعا
يناير : اسمعو انتبهو عله أبا من تدرس تنسه روحها
سوولهة عصاير ومكسرات وفواكه لاتخلونها لمن تجوع تاكل كل ربع ساعه يدخل واحد ينظيها اكل سمعتو لو اعيد
أكثم: لاتوصي اخليها بنص عيني .
سادن: جعلني أبا
هو گال هيج واني تمددت بصاله من الضحك اريد اسكت ماكو واكثم دفره ويناير يصرخ
جاي نحجي واجا ابويه ويا شخص نصدمت من شفته
.............................................
يوليو: مر شهرين وكملت دوام وطلعت معدل
لي صدمني وصدم. اهلي عگب التعب والسهر والمصاريف هيج معدلي ضليت ابجي ليش هيج ليش
آن : شافت معدلها وتبجي وتصيح
آند : جانت تبجي واغمه عليها نريدهة تصحى
ماكو
شالها نجيد للمستشفى الضغط نازل شكلولها مغذي
واجانه الدكتور وحجه
الدكتور:.... يتبع
__________________________
حبايبي لاتنسون التعليق بين الفقرات
وتعليق واشتركو بقناه الواتبات
تابعوني انستا noorprh
توقعاتكم شنو بيهة يوليو وشنو يگول الدكتور
روحي انتو 🫀 ✨ احبكم
