تاريخ النشر : 09/06/2024, 20:06:56

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

مصطفى "

ايناس سابحه بدمه وتون بالكاع وعيونه مدمعه اول ما دخلت رفعت راسه تشهك 

 

أيناس: مصطفى حموت اريد امي 

 

مصطفى: اش اش اسم الله عليج ماكو شي هسه اخذج المستشفى 

 

حيلي انهد مكدرت اشيله ولا كدرت اعينه خابرت علي يجني هو ونور الي مصارله شهرين والده بس معرف وين اروح او المن اطلب 

اجت نور هي وعلي شلنها ودينها المستشفى بقيت كاعد باب الغرف هذا ثاني طفل يوصل شهر الخامس ويموت بطنه... 

 

نور " 

مصطفى كاعد اباب غرف العمليات واني وعلي خابرنه على علياء ورغد هنه افهم بهجي سوالف 

انتبهت المصطفى مدنك راسه وحاط ايده على راسه وكتافه تهتز وبس الحسرات ياخذه بلعت ريكي حجيت وي علي يروح اله بس وخر اديه مصطفى حط راسه بصدر علي يبجي ويتحسر 

 

شويه ودخلت علياء هي ورغد وضياء وياهن عمتي هدى كام مصطفى تلكه عمتي ورح بحضنه يبجي شويه وطلعو ايناس تون من الوجع وتصيح بمصطفى بلا وعي والبنج بعد بيه 

 

مصطفى: ها يروحي  

أيناس: مات ابني مصطفى وينك تعال 

مصطفى: ايروحلج فدوه مصطفى 

 

يحجي وبلعومه احتقن ايريد يبجي اكثر منه وروحه رايحه مخله دكتو ما راجعه علمود يشوف طفل بعينه ويشمه  

 

علي: مصطفى افا عليك يخوي يروحي واحد يجي خمسه مدام انت بصحتك وبقوتك سويله 100 صدك جذب الي يشوف يقول عاجز العوض بسلامت مريتك 

 

مصطفى: مشكور ابو شموسه ما تقصر 

 

طلعنه بعده كلنه بقت بس عمتي وهو وكالو العصر يطلعوها لان يعتبر ولاده بنهايه شهر الخامس 

ثاني يوم العصر تجمعنه ابيت ايناس ومصطفى حتى لا نخليهم يضوجون 

 

علي: شني هاي احسبو شهر سوو غير يابه ابو صوف موجود 

مصطفى: بنات منا علي شبيك اثكل 

 

علي: كلهن لديهن بعول حبيبي 

 

مصطفى: استغفر الله واتوب اليه 

 

علي: متعيني عليك شريف تقضي حاجتك نظري يعني 

أيناس وجه احتقن واهو يندس بي يسكت واني والبنات وجهنه احتقن من ضحك يضحكن خنسه والولد ميتن ضحك

كام عليه ضياء سد حلكه واحنه كلنه نعرف علي ما يحجي هجي بس يريد يغير جو على ايناس ومصطفى الي اجوهم تطي الوان من القهر 

جابت عمتي هدى صينيه الاكل لايناس وطلبت من والد يرحون كلهم راح بقه مصطفى اشرت النه عمتي نصير على جه كعدن كلنه على جه نزل مصطفى بصف الفراش الي فرشته عمتي اله بالارض 

 

مصطفى: خظرمت روحي شون صرتي 

 

رفعت عيونه مدمعه واديه ترجف رفعت تحك عينه حتى لا تنزل الدمعه بس ايده خانته لزم ايده مسح دموعها مبتسم اله حتى تحاول تقوي نفسه 

 

أيناس: اريد انام بحظنك 

 

مصطفى: ولا عرفت بنص جماهير طلبينه تدلين 

احنه ستحينه وطلعنه للصاله فرش علياء للولد بالديوان واحنه بصاله احنه وجهالنه

 

أيناس"

 

 طلعن البنات هو التفت الي يضحك وكل شوي يلتفت الجه ثاني يسيطر على ضحكت ويرجع يريد يحجي ويغص ويكمل ضحك 

أيناس: هاي شبيك مصطفى 

 

مصطفى: شبيه يعني اول مره تنطقينه فرحان يابه منو كدي اليوم 

 

أيناس: الله يديمه؛ شسمه اني... اني 

 

مصطفى: لا تحجين حبيبي انسي فدوه اروحلج هو ينطيي وهو ياخذ 

 

باس راسي حظني الصدره حيل ونام واني نمت من تعب فتحت عيوني بتعب مثل كل مره مشقلبه تشقلب وهو مبتسم ومكابلني ؛ فزيت انزل ملابس الي طافرات اريد اكو نسيت الوجع من الفشله 

 

مصطفى: ابقي لا تتوجعين عمليه مسويه يابه … شدعي على عمتي اله بالكاع والدوشك مو كطن كون …كون استغفر الله 

التف الي مبتسم وتقدم الي باس راسي يضحك 

مصطفى: صباح الخير والسعادة حبيبتي 

 

ضحك ومشه من نزلت راسي دخلن البنات يضحكن ويمدن بسفر الكل جاي اله بتول وستغربت ماله بالعاده ما تجي 

 

أيناس: بتول وين؛ وحده صفنت بوجه الثانيه وعاقده حاجبه ومحد جاوب

 

أيناس: شبيكم بنات سالتكم على بتول علياء شبيج 

 

علياء: ماكو شيء يروحي ارتاحي 

تغاضيت عن الوضع وكعد يمي مصطفى يركني والبنات كاعدت على سفره هن والولد

 

علياء "

 

واكفين بالمطبخ اني وعمتي هدى نغسل مواعين ونسوي غدا بعد ما البنات طلعن وبقه بس مصطفى يم أيناس

 

هدى: ما درت هاي كـ*** تحوم على رجله مو 

 

علياء: عمه ربج ستر وطلعت حامل وما صار طلاك فدوه اروحلج روحي احجي ويها 

 

هدى: مصطفى ما قصر ويها لعب بيها جوله لا تخافين وحت ظرب ظربه 

سحبت نفس واني اذكر شصار 

واكف اوكل بشمس وعيني على الكمرات وشفت سيار طبكت نزلت منه بتول تبجي ومبهذله كلعت اله اركض 

 

علياء: اشبيج ولج اححي 

 

بتول: تعاركت وي ليث 

سحلته للبيت وجه بي ظرب كف اصابع مطبوع وخشمه ينزف 

شوي ودخل مصطفى فاير نار اني عبالي لان مظروبه اجه عليه ايريد يظربه وكفت حاجز بينهم 

 

مصطفى: ولج جايتني بنص المكتب اتكلي تعال اخذني من بيت اهلي راح اطلك من ليث و

 

انتَ زوجني حجي وحده عاقله لو تعودتي على سفالت امج مو اني اكول بت عمي وعرضي ما اشهر بيه ليش تخليني احجي الي خلاني ارفضج غير على سحورت امج الي تارسه بيوت عمامي 

بقت منزله راسه تبجي وهو طلع ينافخ وروحه رايحه وماله خلك بدله يحطله جيله براسه ويخلص منه على حجيه اني من يمي تنفرزت بس مكدرت احجي 

 

دخلته بدون لا احجي ويها شي واتصلت على عمتي هدى هيه تحل المشكله واني ما ادخل وما نخلي الحجي يوصل الايناس لان حامل وخاف ياثر عليه

 

هدى: ها بتول ومصيبه جديده مو

 

علياء: يا خاله شدراج

 

هدى: مصطفى اجاني هسه طلع يقلي عقليه شعقل منه امه شيبت اخوي وهسه هي راح اشيب مصطفى 

 

علياء: ابتله على عمره الولد خطبه شنو يابه مصار نصيب اني هسه ضياء ما موجود خاف بعشويه يجي شنو اكله

 

هدى: اسكتي هسه اجي واريد اله افين حضه العايقه هاي 

 

دخلت على بالغرفه لكيته متمده وعيونه بالسكف ودموعه صب تحجي صدك هاي جا رجاله شنو 

 

علياء: بتول كومي مو زين عليج انت حامل كومي اكلي 

 

بتول: كون يروح بعد ما يرجع كولي امين 

 

علياء: شعده ما بده مو جنتي انتِ وليث شحلاتكم 

 

بتول: ما حبيت ولا راح احب غير مصطفى ولو مو أيناس مرت هسه اني مرتاحه ويا وهذا الحمل منه

 

علياء: حجي جديد هذا مو اجت البنيه وكالتلج راح اوفق على مصطفى مدام ماكو نصيب تردينه 

 

بتول: حتى خالتي رادتني بس مكدرنه ناثر عليه واحلف على ايناس ساحرته لهذا ميكدر يعوفه 

 

علياء: ايناس لا تعرف سوالف سحر ولا شعوذه ستري على روحج واكعدي يم رجلج وربي ابنج 

 

بتول: اني مستوره وابني بعد مجاي واما ليث اطلك منه يعني اطلك

 

علياء: شتطلكين وانت حامل بتوم من صخام صخم عينج 

 

نفرزتني خليت وطلعت منه صعد ضغط براسي واني الحمل متعبني وايام الاخيره على ساعه اولد وهاي اجتي زادت همي

 

بعد فتره مو هواي دكت الباب خالتي هدى واجت تلهث من تعب والحركه 

 

هدى: تعالي بتول امشي رجلج يريدج 

 

بتول: لو اخر شخص بدنيا ما ارجعله وايناس اعرف شنو دواها عدي 

 

هدى: فكري بس فكري اكسرج وافين حضج يالعايقه 

 

اخذنه شهر على هل حاله لحد ما هدائت بتول ورجعت الرجلة 

بس الي كسر كلوبنه وما كمل فرحتنه ايناس سقطت لليوم دمعت مصطفى ما تروح من بالي وهو واكف باب العمليات منتظر ايناس تطلع

 

ايناس"

بعد مرور كم سنه.... 

ايدي على بطني ومصطفى واكف مقابيلي ويلبسني بحذاء لان مكدر ادنك من بطني ويحجي حتى لا انحرج منه 

 

مصطفى: يله كالو وصلو للمتنزه احنه شنو كعدتنه هنا 

 

ايناس: صافو ايدك اكوم 

كومني وصلنه للمتنزه لكيتهم كاعدين ويسولفون 

 

رغد وسامي كاعدي صفه وبطنه بيه نفخه بسيطه على اثر الحمل وجهاله يلعبون بصفها

 

نور كاعده وفضل بحظنه وعلي بصفه وشمس تلعب وياهم وهو مبتسم اله 

 

علياء وضياء وجهالهم الثنين رحنه نمشي بتاجهم ومصطفى كاض ايدي 

 

علياء: هلا هلا با أيناس شنو ولج انت حتى الحمل محليج 

ابتسمت اله بخفه بعد الاسقطات الي صارت الي ماتوقعت هذا الحمل يثبت وخوف بقلبي الحد الشهر الثامن واني بقلبي رعبه يروح ابني مني حطيت ايدي على بطني ومصطفى طاني ايده وكعدت حجيت واني الهث 

 

أيناس: فدوه عوفن سلام اطني مي راح اموت اختنكت 

 

ضحكو ضياء وعلي وغمز المصطفى ويحجون ويا 

 

علي: اذا انت ابن ابوك كول اريد طفل ثاني 

 

وضياء جره بضحكه عليه وعلياء صيح بيهم وكعدنه نسولف واني احس بمغص بس تجاهلت لان صار سبوع يروحي ويجي ومن سالت رغد وعلياء كالن تقلصات عادي 

 

بس محسيت بنفسي اله وجع قويه وصرخه وهمه كلهم نخبصور ومصطفى اخذني المستشفى وحولوني عمليات لان مكدر ولده طبيعي 

 

كعدت لكيت مصطفى واكف ونور هي وعلياء والبقيه راجعين علياء تهلهل ونور صلي على محمد ومصطفى مبتسم ويبوس براسي رجعت نمت وكعدت لكيتهم كلهم مجمعين الولد والبنات وبيبتي وامي عدل كعدت مصطفى واني ابتسمت بوجهم ادور ابني  جابه الي مصطفى حجه بهدوء 

مصطفى: حمودي منتظرج تكعدين من زمان كعد بس حولنه نومه لبين متكعدين 

 

رفعت عيوني بعيونه وهو همس باذني 

 

مصطفى: ماكو احله من اسم احمد لابني 

واني اعرف هاي امنيتج 

 

اخذت ابني تبوعتله ناعم بسته وضميته الصدري الولد باركولي وطلعو صافنه بالفراغ وابني نايم بحظني وكلهم راحو بقه بس مصطفى يمي 

 

أيناس: ليش سويت هجي 

 

مصطفى: اني من زمان حالف الاحمد اسمي اسم ابني عليه حتى يطلع نجر مثله اعرف بشنو تفكرين بس صدكي اني تاكدت من طلعتي من عمليه وصيحين مصطفى عرفت قلبج مبي بس اني 

 

بلعت ريكي وعيوني مدمعه حنيته غطتني وكل مره يثبتلي الحب مو بس بطريقت التعصب والجهل الحب التخلي طرف ثاني براحته وما تضغط عليه وي ضغوطات الماضي اني مو نسيت احمد بس اني بديت حياه جديده وي انسان رائع يستحق حبي يستحق احترامي يستحق اوكف ويا واحبه من كل قلبي 

 

اليوم واني واكفه اتبوع بعيونه توني راجع من اهلي وهو يجهز للدوامه رايح واني مسويه انتساب بمرحله ثانيه صيدله تقدم عليه باسني وهو يحجي 

 

مصطفى: تردين شي اجيبلج وياي 

 

أيناس: لا سلامتك دير بالك على نفسك 

 

اتصلت على البنات وكل وحده فرحانه بحياته وكل وحده ستقرت بمكانها

 

بس مجنه نعرف المضموم النه اقوه ولا جنه نعرف راح تنتهي هاي ضحكات بالحضه....

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد