تاريخ النشر : 08/24/2024, 23:17:07

الكاتبه زهراء الركابي 

ذي قار (القيثاره الذهبيه) 

 

★★★★★★★★★

أنصدمت وأني اشوف أهل نبأ أعز انسانة ع قلبي گمت بكل لهفه وحظنت أمها وأمها حضنتني وتضحك بوجهي وتباركلي 

 

: خاله والله توقعت ما تجيني 

 

ام نبأ: شون ما أجي ونبأ جانت تتمنه هل يوم وتريد تحضره صح تأخرنه بس أجينه نشارك فرحتكم ونفرحلكم 

 

طگته بهلوله قوية وتهوس ألنه وأني منزله رأسي وأحمد واكف بصفي أستحيت كلش بيومه كل شويه واحد مهلهل گعدنه وشبعنه سوالف وضحك وأحمد گاعد بصفي وكل شوية يبوس أيدي وعاصرها عصر حيل 

 

هناء : عمه شمالك هد أيد البنيه عاصره حيل 

 

ضياء: خاله عليچ الله عوفيهم براحتهم لحد يضايقهم خلوهم متونسين هسه أنتم شعليكم بيهم 

 

أحمد: صدك أيدچ أذتچ مني 

هزيت رأسي بالرفض وهو گام 

أحمد: يله گومينه 

 

ألتفتت على بابا وحچيت

 

أيناس: بابا عادي أروح ويا غير 

ضحك بابا وهز راسه وأحمد فاك حلگه علية گمت ويا  مشينه بين حرمين  وشفت مصور ألتفت علية

: أحمد خلي نصور حباب 

 

أحمد: تدلل نظر عيني

وگفنه وصاح للمصور أخذنه ما يقارب تسع عشر صور  

 

أيناس: أحمد

 

أحمد: ها نظر عيوني

 

أبتسمت, ايناس : فرحان ؟ 

 

ألتفت علية و تباوع بعيوني وحچه بحنان 

أحمد: راح أطير من فرح صرتي ملكي محد يگدر يوصل يمچ حتى بنظرة 

 

چنت بس بالفستان الأبيض وهو بالقاط مبين يعني عرسان وكذا دخلنه مطعم  وگعدنه على طاوله أجه الولد راقبنه بنظره وحچه 

 

:تفضلو عرسانة الحلوين

 

أبتسملة أحمد وطلبنة العشة شغلو أغنية بلقيس مبروك 

تباوعت لأحمد ، أيناس: ليش حسيتهم مشغلية علمودنة

 

أحمد: مو اني ناصف زيتونة وأنتِ. أنجلينيا جولي 

 

ضحكت علي بعدين تعشينة وبعدنا جاي نحسب اجة گرسونين وبيدهم كيك 

وشعلات نارية وأغاني زفات والخطوبة بعدها مستمرة 

 

ضحك أحمد وگام باس الولد وتشكر منهم 

 

أيناس: مو گتلك علمودنة شغلوها 

 

أحمد : وعلي حسيت روحي فد واحد مشهور 

 

ضحكت و أكلنة الكيكة وحاسبنة وطلعنة

 

خلص طريق يصنف ويضحك ومنطلق ....

 

يمكن لو أبقه أحچي العمر كله أحچي ما أوصف شعوري أله بقينه اليوم كله نتمشة لاربعة الصبح رحنة صلينة ورجعنة للفندق 

 

علياء: ههه وعلي مبينه مسحوله سحل من تعب

 

رغد: وعلي وجة منور والعباس انت الي وجهچ مسحول

 

 : عليچن الله تعبانه أسكتن أريد أنام، من تعب نمت بحذائي وبمكياجي 

 

علياء "

رجعنة للفندق من عصر بليل رجعنة تعشينة وكعدنة نسولف 

أبو أيناس: أحس هم ونزاح عني 

 

ضياء: لعد خالي لو مسوية من زمان يعني زينة بحقك طيته لهذا چلب 

ضحك خالي وخزره لأن أمه گاعده وبقت تخوزر بينة

 

أبو علي : وين راحو ذوله 

 

مصطفى: عمي عرسان خليهم فرحانين يخذون راحتهم 

 

أبو علي : راح أجي أجفص بطنك گمت تجفص 

ضحكنه عليه وهو يتبسم ولا وهامه

 

رغد: هسه وين راحو 

 

علياء :وأحنه شعلينه بيهم 

 

رغد : يع ولچ ذوله روحي من دنيا

 

علياء: عزه لا تسمعچ أيناس والعباس طيح حظي وحظچ

 

رغد: لا والعباس أيناس. سبورت مو هچي أنت ألي متعقده 

ضحكت عليه وعلى صدقت أيناس بيه 

 

★★★

 

رجعنه للفندق لاربعه ألصبح دخلت أيناس ملعوب بحاله نامت بالملابسة وحذائة أحسه طاير على الأرض مو تمشي من فرحة أبتسمت منظره ورحت عدلت نومته نزعته الحذاء وغطيته للـ11 نگعد بيهم هي وأحمد ميگعدون سحلناهم سحل وطلعنه بسيار صعدو صفة بسيارة چبيره هيه نايمة على چتفة وهو حاضنه والكل يتبوعلهم ويتهامزون بيناتهم أني ورغد شبعنه ضحك عليهم شون نايمين طريقتهم مبينه مال ناس ميتين تعب وكل شويه احمد يعدل ايناس على متنه لو ينومها بخضنه ويغطيها 

 

رغد : تدرين راح يطگونهم عين 

 

: أصخام بوجهي هذا تعب كله ويطگوهم بعين 

 

رغد : وهمه هسه شيشفونهم فرحانين 

لو ضايجين 

: مبين عليهم الفرح من بعد ألف ميل 

 

رغد : خلص بعد محد يشوف بيمن مرُ، 

الناس تشوف بس الأشياء الأيجابية والأشياء الي نجحنة بيهة تشوف فرحتنة متشوف شنو تخطينة متشوف بشنو مرينه وشنو الأشياء الواجهناها فالذالك يحسدونة على فرحتنه

 

 : صدگ كلامج بس شنو الحل برئيج شنسوي ألهم 

 

رغد: منسوي ألهم شي ندعي رب العالمين يحفظهم ونقرى المعوذات 

عليهم وخلص 

 

: أن شاء الله 

 

"رغد"

 وصلنه الناصريتنة اوف يرحت الناصريه

 

سامي : رغد يلا حبيبتي يلا نرجع ألبيته تعبانين

اخذ ابنة وصعدنة سيارتنه ألتفت علي

 

رغد: سامي إذا اني أحمل هسه شنو شعورك ، أبتسم وهز راسه وسكت 

 

رغد : ليش ساكتي عدي فضول أعرف 

هاي أبنه صار عمره سنة 

 

سامي : شيرزقني ربي أني حامده وشاكره عليه وراضي بقسمتي هو واحد عدي يسوه الدنيا كله 

 

رغد: وأذا صارو عدنة

 

سامي : رغد شبيچ دوختيني أحچي 

 

رغد : اني حامل وأمس من طلعنه أني وعلياء حللنه وطلعت حامل 

 

چان يسوق ويصرخ ويبچي حرمان سنين ربي عوضة بولد مثل الگمر وهسه حامل أحس طارت بي الدنيا من فرح وصلنة للبيت وبس دخلنة حضني على صدره ماخلاني أتحرك ألا بعد ساعة وكل ألي أسمعه صوت شهگاته وميقبل أتحرك كل ما أتحرك يحضني  أكثر

 

الى أن حسيت نفسه ثكل نسحبت بهدوء وعفته نايم هو وأبنه طلعت فرشت سجادتي بيومة معرف شگد بچيت

 

أيناس "" 

 

چان أسبوع عباره عن هدوء وماكو مشاكل وأخيراً ارتاحينة چذب هاي شنو منو چذب هل چذبه هههههه 

★★★

چنت راجعه بالباص مال مدرس وسايق جديد چان عينه زايغة الحقير و أنسان سافل مبين من نضراتة چنت طول طريق شايلة هم شون أني اخر وحدة خابرت أحمد مرتين وحچيتله كل تحركاتنه چنت جد خايفة منه مع العلم البخاخ وياي بس صابتني الرجفة

 

أحمد: راح تحچيني حچي ما حاچي من خرب بشكلچ

 

: والله خايفة شبيك أنت نزلو البنات بقينه بس أثنين 

 

أحمد: أبقي فاتحة اتصال لا تسدي لا أسد  وجهچ بوكس من خرب بالساعة الكتلچ أرجعي للمدرسة

 

: أي بس أصبر شبيك شسالفة نهد بيه صاير أيع

 

أحمد: أم الأيع ولا تستقر بت نسرين 

 

: أبن الزفر أستجن 

 

أحمد: والعباس فلا تصيرچلن چارة وين وصلتو

 : راح يوصلني آني بقيت اخر وحدة 

 

أحمد: ديري بالچ لا تسدين الخط 

 

السايق: شنو هسه وين صار بيتچ 

 

: منا خوية من هذا الفرع بقه يلوف ويفتر وأحمد وياي ما نزل اخر شي فجر القنبله  السايق 

السائق : شسمه اطيني رقمچ خاف أحتاج أحاچيچ 

 

أيناس: نعم بيمن تتحتاجني؟ رقم والدي من توصل تاخذه تتصل عليه من عده 

 

السائق: شسوي برقم أبوچ رقمچ يابه رقمچ 

 

: من كون تنفلك على هل سالفة أوگف خل أنزل أوگف لا أكسر الراسك

ابن ... أوگف 

 

هو أرتعب من گمت أصيح وگف ونزلت من سيارة وگملت مشي وطول طريق أمشي وابچي أحمد يدگ علية وما أگدر أرد علي من رعبة و الهبطة ألي بيه بس دموعي تصب 

وصلت للبيت ودخلت أنشغ أمي تلگتني بالحديقة

 

أم أيناس: صخام بوجي ولچ أشبيچ أحچي أحد أذاچ ؟ أحد حاچاچ ؟ أحد سوالچ شي ؟ أبد ولا نطقت كل الي چنت أسوي أنشغ بواچي بهل أثناء وباب البيت تفلش دخل أحمد يصيح

 

أحمد: أيناس أجت وصلت بيه شيء عمه وينة

أمي بقت مرعوبة لا تگدر تگله أي ولا تگدر تگله لا وآني بمكاني بس ابچي هو شافني اخذ نفس وذبة براحة وأجة علية

 

أحمد: نظر عيني تبچي والله باچر أسويه كربلاء عليه واخلي الما يشتري يتفرج وبعد أني أخذچ و أرجعچ

 

أيناس: أحمد لعبت نفسي و القرءان احچي وأنشغ هو يتابوعلي نزل علية وحضني وأمي بعد واگفه بوخ وجهي من مستحه أمي حست ودخلت بقينه أحنه برا

 

أحمد : خرب يومچ والله قلبي وقفتي عبالي بيچ شيء كله لأن طلب الرقم من خره بي 

 

أيناس: أحمد فدوه اسكت احس نفسي اختنگت 

 

أحمد: سوده عليه گومي بدلي اخذچ

 

أيناس : وين تاخذني 

صفن بوجهي وبعدين صاح 

 

أحمد:ما تصفه وعلي ماتصفه لو شسوي ما تصفه

فهيت بوجهي وهو ضحك وصفگ أدي وگال گومي أنروح دخلت على أمي گتله راح نطلع

 

أم أيناس: معرفت شبيچ تبچين غير تحچين والله قلبي يغلي عليچ

 

أيناس: ماكو شي يمه والله 

 

طلعت بسيار نتمشه وصلنه للمطعم ونزلنه نتعشه ونسولف ونضحك طلعني

من جو الي اني بي 

 

: شكراً حبيبي

 

أحمد: عفواً تدللين نظر عيني 

أبتسمتله

أيناس : سمعني شي أحمد 

 

أحمد: تدلل نظر عيني 

 

مشتاقله 

گد رحمة الله 

وأدعي من الله 

اشوفه مره 

حتى أبقه مگابله 

أيناس: هههه والله حلوه جديده هاي 

 

احمد : أي مصار هواية من نازله 

 

أيناس: أحمد احچيلي شي ما كتابه بالمذكرات مالتك وتحبه عن طفولتي 

 

أحمد: هاي من چنتِ زغيره تلعبين بالطين والجو بارد وتوگفين بالباب فا مره چنت جاي ولگيتچ تلعبين واچتي تحضنين بيه ودمرتيني اخذتچ غسلت رجيلچ و أوديچ انتي بقت عدچ عادي كل ما أجي تكضين صونده وصيحين أحمد تعال غسل رجليه 

 

ضحكت بكل قوتي لان قبل چنت ادفر بطنة وأملش شعرة وهو چان ميحچي بس يبتسم 

 

أحمد: أي أي أضحكي أنتِ قبل چنتِ اللسان طويل وكاحه الدنيا كله عدچ تكسرين وتظربين وتموتين العالم وما تخافين من أحدابتسم اله  

 

أيناس: طفوله ترى هسه صرت چبيرة

 

أحمد: يا چبيره أريد تختارين بيتنة اكو بيوت عارضيه للبيع اختاريت اربع تقريباً 

حلوات ومواقعهم حلوه 

 

أيناس: ليش مو بيتك القديم الي گاعد بي هسه

أحمد: مخليچ سكنين وي أمي وأمي ويها أمير گاعد وبعد هذا تعب أريد نخلص من المشاكل ونرتاح

هزيتله رأسي سكته رحنه الأبيون الأربع 

شفناهن

 

أيناس :ما عجبني ولا واحد عجبني كلهن قديمات وهذا الي توه مبني كلش زغير

 

احمد : ولا يهمچ نشتري قطعه ونبنيها 

شتگولين

 

أيناس: يصير هواية عليك والله جاي احس نفسي استغلاليه 

 

احمد : منو عرض الفكره اني لو انتِ 

 

أيناس : انتَ 

 

احمد : خلص أنطمي 

چنه منطلقين بالحچي ونقاش نحتد واحد منه يتنازل ويسولف صارت بـ8 أخذني لبيتهم

أحمد: ساره مشتاقتلچ وميته على شوفتچ وعده قرايه متگدر تطلع 

 

أيناس: وآني هم ميته على ما اشوفة

 

أحمد: تدللن أنت برمش عيني هسه اوديچ أله 

 

وصلنه للبيت عمتي ما سلمت عليه شي عادي تعودت عليه بس ساره أجت 

 

ساره : هله عمه 

اجت حضنتني وتبوس بيه 

 

أيناس: يبعد روحي صرصرتي هلا بيچ ليش ما تجين عليه

 

ساره:  عمه بابا مشغول وگال بس يخلص ينقلني المدرستچ الي دوامين بية

 

أبتسمت الية وضحكت بفرح

 

أيناس: عليچ الله يعني راح تجين درسين وياي بنفس مدرس 

ضحكت وهزت رأسي 

 

ام أحمد: عياره ترى بس تتمكن وتزوج 

وصير بيت ابوچ طيح حظچ وتخليچ خدامه 

بلعت ريگي وساره غمزتلي وحچت

 

سار : عمه صعدين وياي الغرفتي 

 

أيناس: أي 

صعدنه بقينه نسولف شوية وبعدين حچت هيه 

 

ساره : عمه لا تخلين ابالچ من بيبي ترى هي هيجي حچيه متعرف تثمنه 

 

أيناس: عادي متعوده وبسبب المشاحنات بين أمي وعمتي هيچي هسه عوفچ من ذني 

أبوچ يريدينه نسكن وحدنه أبيت 

 

ساره: أي عمه شفتي البيوت ؟ 

 

أيناس: شفتهن مو حلوات 

 

ساره :گلت البابا كل أيناس تقرر 

 

ضحكت شنو ولچ شنو أيناس تقرر 

 

ساره : أي والله عمه هو گال هچي 

 

أيناس: معليچ سويه أني وياچ نتفق البيت ألنه ثنينه

 

أبتسمت وحچت ساره : تدرين البارحة من حچيت الماما وگتله بابا هچي يگول گالت أيناس متقبل راح تبقه اشارك وياچ بكل شي لا تخافين راح صير عمه واخت الچ 

 

ابتسمت الة وحضنته

أيناس: فرق العمر مو كلش هواية بينه 

وآني ما بقلبي عليچن لأن اذيتني شكو اكرهچن بعد وخاصه رغد تجهز وتحط وتوگف وياي بحزاني قبل افراحي عليش اكرها 

 

ابتسمت وكملت

ساره : وحچت ع بيبي گالت لا تاخذين كلام بيبتچ أحترميه وأخدميه بس لا تحقدين على أيناس ما أله ذنب 

 

بقينه سهرانين للـ11 

سمعنه صوت هوسه ورصاص ودنيا نخبصت خبص نزلنه أني وساره نركض ولگينه مرت حماي وبناته يصرخن ويبچن وعمتي تلطم وتصيح راح وليدي  هجمت عليه بس شافتني 

 

أم احمد : انتي الفگر الحقيرة

 

أيناس: شصار عمه 

 

أم احمد : شصاير من ورى فگرچ من ورى فگرچ راح ابني راح يموت 

 

بقيت افهي اله أن التفتت وشفت دم بالگاع 

أيناس : شكو شصاير 

 

مريم : عمه عمي أصوب وأخذو 

هاي أخر شي سمعته بعد محسيت على شيء 

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد