تاريخ النشر : 09/02/2024, 07:41:21

... 

ﺑﻌﺪ ﻣﺮﻭﺭ ﺳﻨﺘﻴﻦ ﻭﺷﻬﺮ

ﺳﻬﻰ

ﻛﻨﺖ ﻣﺪﺩﺓ ﺑﺎﻟﻔﺮﺍﺵ

ﺍﻡ ﺳﻬﻰ ﻭﻫﻲ ﺗﺪﺧﻞ ﺍﻡ ﺍﺑﺮﺍﻫﻴﻢ ﺍﻟﻤﻀﻤﺪﺓ ﺟﺎﺭﺗﻬﻢ

ﺣﺘﻰ ﺗﺠﻲ ﺗﻀﺮﺏ ﺳﻬﻰ ﺍﺑﺮﺓ

- ﺗﻌﺎﻱ ﻓﻮﺗﻲ ﺍﻡ ﺍﺑﺮﺍﻫﻴﻢ ﻣﺤﺪ ﻣﻮﺟﻮﺩ ﺑﺲ ﺍﻟﺒﻨﺎﺕ

ﺣﺘﻰ ﻣﺤﺴﻴﺖ ﻣﻦ ﺯﺭﻗﺘﻨﻲ ﺑﺎﻻﺑﺮﺓ ﺍﺑﺪ

ﺍﻡ ﺍﺑﺮﺍﻫﻴﻢ - ﺧﺎﻟﺔ ﺳﻬﺎﻭﻱ ﺷﺼﺎﻳﺮ ﺑﻴﺞ ﺣﻴﻞ ﻣﺘﻐﻴﺮﺓ

ﻭﻳﻦ ﻫﺎﻱ ﺳﻬﺎﻭﻱ ﺍﻟﻲ ﺟﺎﻧﺖ ﺟﻨﻬﺎ ﻭﺭﺩﺓ

ﺗﺘﻠﻜﺎﻧﻲ ﻣﻦ ﺍﻟﺒﺎﺏ ﺑﻀﺤﻜﺘﻬﺎ ﺍﻟﺤﻠﻮﺓ ﻭﻳﻦ ﺍﻟﻮﺟﻪ ﺍﻟﺒﺸﻮﺵ

ﺍﻡ ﺳﻬﻰ - ﺍﻱ ﻛﻠﻴﻠﻬﺎ ﻳﺎ ﺍﺑﺮﺍﻫﻴﻢ ﻣﻮﺗﺔ ﺭﻭﺣﻬﺎ ﻋﻠﻰ ﺍﺑﻨﻬﺎ

ﻣﻦ ﺍﺧﺬﻭﻩ

ﻟﻠﻴﻮﻡ ﻧﺎﻳﻤﺔ ﺑﺎﻟﻔﺮﺍﺵ ﻭﻣﺘﻘﺒﻞ ﺗﺎﻛﻞ

ﺍﺩﺭﻱ ﻫﻮﺭﺍﺡ ﻟﺒﻴﺖ ﺟﺪﺓ ﻭﻳﺘﺮﺑﻰ ﺑﺒﻴﺖ ﺍﺑﻮﻩ ﺑﻴﻦ ﺍﻫﻠﺔ ﻭﻧﺎﺳﺔ ﻭﺍﻟﻠﻪ ﻫﻴﺞ ﺍﺣﺴﻨﻠﺔ

ﻳﺎ ﻣﺎﻣﺎ ﻣﻴﺼﻴﺮ ﺗﺄﺫﻳﻦ ﻧﻔﺴﺞ ﻭﺗﺄﺫﻳﻨﻲ ﻭﻳﺎﺝ

ﺗﺮﺓ ﻣﻮ ﻋﺒﺎﻟﺞ ﺍﻧﺘﻲ ﻟﻮﺣﺪﺝ ﻣﺘﺄﺫﻳﺔ ﻭﻣﺸﻠﻮﻉ ﮔﻠﺒﺞ ﻋﻠﻰ ﺑﺰﺭﺝ

ﺗﺮﺓ ﺣﺘﻰ ﺍﻧﻲ ﺩﺍﺍﺷﻮﻑ ﺑﺰﺭﻱ ﮔﺪﺍﻡ ﻋﻴﻨﻲ ﻣﺘﺄﺫﻱ ﻭﻣﻮﺟﻮﻉ ﻫﻢ ﺣﺴﻲ ﺑﻴﺔ ﺗﺮﺓ ﺍﻧﻲ ﺍﻡ ﻣﺜﻠﺞ ﻫﻢ ﻓﻜﺮﻱ ﺑﺤﺎﻟﻲ

ﺍﻡ ﺍﺑﺮﺍﻫﻴﻢ - ﻫﺎﻱ ﺑﺪﺍﻝ ﻣﺎ ﺗﺴﺎﻋﺪﻳﻦ ﻭﺗﻌﻴﻨﻴﻦ ﺍﻣﺞ ﻋﻠﻤﻮﺩ ﺑﺎﺟﺮ ﺩﻭﺭﺍﻥ ﺍﻟﺴﻨﺔ ﻣﺎﻝ ﺍﺑﻮﺝ ﺍﻟﻠﻪ ﻳﺮﺣﻤﺔ

ﺍﻧﺘﺒﻬﺖ ﻋﻠﻰ ﺍﻣﻲ ﺷﻠﻮﻥ ﻣﺸﻠﻮﻉ ﮔﻠﺒﻬﺎ ﻭﻳﺎﻱ

ﻭﻫﻲ ﺍﻟﻲ ﺑﻴﻬﺎ ﻛﺎﻓﻴﻬﺎ ﻛﻠﺶ ﻛﺎﻓﻲ ﻭﻓﺎﺓ ﺍﺑﻮﻱ ﻗﺒﻞ ﺳﻨﺔ

ﻃﺒﻌﺎً ﺑﺎﺑﺎ ﻗﺒﻞ ﺳﻨﺔ ﺍﻧﻘﺘﻞ ﻃﺒﮕﺖ ﺳﻴﺎﺭﺓ ﻏﺮﻳﺒﺔ ﮔﺒﺎﻝ ﺑﻴﺘﻨﺎ ﻭﻧﺰﻟﻮ ﻣﻨﻬﺎ ﺍﺛﻨﻴﻦ ﻣﺘﻠﺜﻤﻴﻦ ﻭﺧﺮﻃﻮﻩ ﺑﺎﻟﺒﺎﺏ ﺑﺎﻟﺮﺷﺎﺵ ﻭﺷﺮﺩﻭ

ﻃﺒﻌﺎً ﺑﺎﺑﺎ ﻣﻮ ﺍﻭﻝ ﻗﺎﺿﻲ ﻳﺘﻌﺮﺽ ﻟﻼﻏﺘﻴﺎﻝ

ﻭﻻ ﺍﺧﺮ ﻗﺎﺿﻲ ﺑﺴﺒﺐ ﻗﻀﺎﻳﺎ ﺍﻟﻔﺴﺎﺩ ﺍﻟﻲ ﺭﻓﺾ ﺍﻟﺴﻜﻮﺕ ﻋﻨﻬﺎ ﻭﻛﺎﻧﺖ ﺍﻟﻨﺘﻴﺠﺔ ﻓﻘﺪﺍﻥ ﺣﻴﺎﺗﻪ

ﺑﺲ ﻣﺎ ﺍﺣﺠﻴﻠﻜﻢ ﻋﻦ ﺍﻟﺤﺰﻥ ﺍﻟﻲ ﺍﺗﻮﻏﻞ ﻟﺮﻭﺣﻲ ﻭﺍﺳﺘﻮﻃﻦ ﺑﻲ ﺻﺮﺕ ﺍﻣﺮﺍﺀﺓ ﻋﺠﻮﺯ ﺑﺠﺴﺪ ﻓﺘﺎﺓ ﺷﺎﺑﺔ

.......

ﻃﺒﻌﺎً ﺻﺎﺭﻟﻬﻢ ﺷﻬﺮ ﻣﻦ ﺍﺟﻮ ﺑﻴﺖ ﺍﻫﻞ ﻓﺮﺍﺱ

ﻭﺍﺧﺬﻭ ﺣﺴﻮﻧﻲ ﺍﺑﻨﻲ ﻣﻨﻲ

ﻭﻫﻤﺔ ﻣﺒﻴﻦ ﻋﻠﻴﻬﻢ ﻧﺎﺱ ﺷﻮﻳﺔ ﺑﮕﻠﺒﻬﻢ ﺭﺣﻤﺔ

ﺍﺗﻔﻘﻮ ﻭﻳﺎﻱ ﺍﻥ ﻛﻞ ﺷﻬﺮﻳﻦ ﻳﺠﻲ ﻋﻨﺪﻱ ﺍﺳﺒﻮﻉ ﺣﺘﻰ ﺍﺷﻮﻓﺔ

ﻭﻗﺒﻠﺖ ﻻﻥ ﻣﺎﻋﻨﺪﻱ ﺣﻞ ﻏﻴﺮ ﺍﻟﻤﻮﺍﻓﻘﺔ

ﺑﺲ ﻣﻮ ﺑﻴﺪﻱ ﺍﺑﻘﻰ ﺍﻡ ﻭﻓﺆﺍﺩﻱ ﻳﺤﻦ ﻟﺒﺰﺭﻱ ﻭﺑﻮﻗﺘﻬﺎ ﺍﻧﺘﻜﺴﺖ ﺣﺎﻟﺘﻲ ﻭﺍﺗﻤﺮﺿﺖ ﻋﻠﻰ ﻓﺮﺍﻛﻪ ﺍﺗﺬﻛﺮ ﺷﻠﻮﻥ ﺑﺪﻳﺖ ﺍﻓﻄﻤﺔ ﻣﻦ ﺻﺪﺭﻱ

ﻭﺷﻠﻮﻥ ﻫﻮ ﻳﺒﺠﻲ ﻋﻠﻴﻪ

ﺳﻮﺩﺓ ﻋﻠﻴﺔ ﻣﺎﻣﺎ ﺣﺴﻮﻧﻲ ﻫﺴﺔ ﺍﻧﺖ ﻭﻳﻦ ﻭﺑﻴﺎ ﺣﺎﻝ ﺩﺗﺒﺠﻲ ﻋﻠﻴﺔ ﺗﺮﻳﺪﻧﻲ ﻟﻮ ﻣﺮﺗﺎﺡ ﻭﺍﻟﺘﻬﻴﺖ ﻭﻳﺔ ﺍﻫﻠﻚ ﻭﻧﺴﻴﺘﻨﻲ

ﺍﺍﺍﺥ ﻳﺎﺩﻧﻴﺎ ﺑﻌﺪ ﺷﻨﻮ ﺿﺎﻣﺘﻠﻲ ﻣﺎﻛﺎﻓﻲ

ﻗﻬﺮ ﻭﺣﺰﻥ ﺍﻱ ﺷﻮﻛﺖ ﺍﻋﻴﺶ ﻣﺜﻞ ﺍﻟﺒﺸﺮ

ﺍﺗﺬﻛﺮ ﻣﻦ ﺍﺟﻮ ﺍﺧﺬﻭﻩ ﻣﻨﻲ ﺷﻠﻮﻥ ﻓﺮﻓﺢ ﻣﻦ ﺍﻟﺒﺠﻲ ﻋﻠﻴﺔ

ﻭﺍﻧﻲ ﺻﺮﺕ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﻭﺍﻟﻠﻪ ﻇﻠﻴﺖ ﺍﻛﻤﺰ ﻣﻦ

ﺍﻟﻘﻬﺮ ﻋﻠﻰ ﻭﻟﻴﺪﻱ

ﺍﻧﻬﺎﺭﻳﺖ ﺑﻴﻮﻣﻬﺎ ﻭﺍﻣﻲ ﻭﺭﻳﻢ ﺍﺑﺘﻠﻮ ﺑﻴﺔ

ﻃﺒﻌﺎً ﺍﺧﻮﺗﻲ ﻭﻧﺴﻮﺍﻧﻬﻢ ﻫﺬﻭﻟﻲ ﻣﺎﻗﺼﺮﻭ

ﺑﺎﻟﻄﺎﻟﻌﺔ ﻭﺍﻟﻨﺎﺯﻟﺔ

ﻳﺴﻤﻌﻮﻧﻲ ﺣﺠﻲ ﻳﺴﻢ ﺍﻟﺒﺪﻥ

ﺍﺗﺬﻛﺮ ﻭﻻ ﻣﺮﺓ ﻳﻌﺒﺮ ﻋﻠﻴﺔ ﻳﻮﻡ ﺍﺫﺍ ﻣﻮ ﻭﺣﺪﺓ ﻣﻦ ﻧﺴﻮﺍﻧﻬﻢ ﺗﺬﺑﻠﻲ ﺣﺠﺎﻳﺔ ﺗﺮﺟﻔﻨﻲ ﻣﻦ ﺍﻟﻘﻬﺮ

...........

ﻃﺒﻌﺎً ﺍﺗﺬﻛﺮ

ﺍﺧﺬﺕ ﺭﻗﻢ ﺍﻟﺤﺠﻴﺔ ﺍﻡ ﻓﺮﺍﺱ ﺣﺘﻰ ﺍﺗﻮﺍﺻﻞ ﻭﻳﺎﻫﺔ ﻣﻦ ﻧﻘﺎﻝ ﺍﻣﻲ

ﺍﻧﻲ ﻣﺎﻋﻨﺪﻱ ﻧﻘﺎﻝ ﻻﻥ ﺍﻟﻨﻘﺎﻝ ﺍﻟﻲ ﺍﺷﺘﺮﺍﻩ ﺍﻟﻲ ﻓﺮﺍﺱ

ﻛﺴﺮﺓ ﻗﺘﻴﺒﺔ ﻣﻦ ﺷﺎﻓﻨﻲ ﺍﺣﺠﻲ ﺑﻲ ﻭﻳﺔ ﺍﻫﻞ ﻓﺮﺍﺱ

ﻣﺎ ﺍﻋﺮﻑ ﻟﻴﺶ ﺍﺧﻮﺗﻲ ﻛﻠﺶ ﺣﺪﻳﻴﻦ ﻭﻳﺎﻱ

ﻭﺻﻌﺒﻮ ﻋﻠﻴﺔ ﺣﻴﺎﺗﻲ ﻭﻛﺮﻫﻮﻧﻲ ﺑﻌﻴﺸﺘﻲ ﻓﻮﻙ ﻣﺎ ﺍﻧﻲ

ﻋﺎﻳﺸﺔ ﺑﺠﺤﻴﻢ

ﺭﺍﻭﻧﻲ ﺍﻟﻮﻳﻞ ﻟﻜﻦ ﻗﺴﺎﻭﺗﻬﻢ ﺑﺲ ﻭﻳﺎﻱ

ﺑﺲ ﻭﻳﺔ ﻧﻮﺭ ﻭﺭﻳﻢ ﻋﺎﺩﻱ ﺗﺼﺮﻓﻬﻢ ﻃﺒﻴﻌﻲ

ﻗﺮﺭﺕ ﺍﻛﻮﻡ ﻋﻠﻰ ﺣﻴﻠﻲ ﻣﻦ ﺷﻔﺖ ﺣﺴﺮﺕ ﺍﻣﻲ

ﻭﻋﻴﻮﻧﻬﺎ ﺍﻟﺬﺑﻼﻧﺔ

ﺷﻮﻳﺔ ﺣﺴﻴﺖ ﺑﺘﺤﺴﻦ ﻣﻦ ﺯﺭﻗﺘﻨﻲ ﺍﻡ ﺍﺑﺮﺍﻫﻴﻢ ﺑﺎﺑﺮﺓ

ﻭﻛﻌﺪﺕ ﻭﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺟﻮﺓ ﺣﺘﻰ ﺍﺳﺎﻋﺪﻫﻢ ﺷﻔﺖ ﺭﻳﻢ ﻭﻧﻮﺭ ﻭﺍﻣﻲ ﻭﺟﺎﺭﺍﺗﻨﺎ ﻣﺘﺠﻤﻌﺎﺕ ﺩﻳﺸﺘﻐﻠﻮﻥ ﻭﻳﻄﺒﺨﻮﻥ ﺍﻟﺜﻮﺍﺏ ﺑﺎﻟﻤﻄﺒﺦ

ﻭﺷﻔﺖ ﻟﻤﻴﺎﺀ ﺩﺗﻨﻈﻒ ﺑﺎﻟﺒﻴﺖ ﻭﺑﻨﺘﻬﺎ ﺷﻬﺪ ﺗﺒﺠﻲ ﺭﺣﺖ ﻋﻠﻴﻬﺎ ﻭﺷﻠﺘﻬﺎ ﻭﺷﻤﻴﺖ ﺭﻳﺤﺘﻬﺎ ﺍﻭﻭﻭﻭﻑ ﻫﻲ ﻣﻦ ﻋﻤﺮ ﺣﺴﻮﻧﻲ

ﻃﺒﻌﺎً ﻣﺎ ﺍﺣﺠﻴﻠﻜﻢ ﻋﺎﻻﺫﻳﺔ ﺍﻟﻲ ﺷﻔﺘﻬﺎ ﻋﻠﻰ ﺍﻳﺪ ﺍﺧﻮﺗﻲ ﻗﺘﻴﺒﺔ ﻭﺍﺣﻤﺪ ﺯﺍﺩﺕ ﻣﻦ ﺑﻌﺪ ﻭﻓﺎﺓ ﺑﺎﺑﺎ

ﻋﻠﻨﻮ ﻋﻠﻴﺔ ﺍﻟﺤﺮﺏ ﻭﻛﺄﻥ ﺑﺎﺑﺎ ﻛﺎﻥ ﺩﺭﻉ ﺍﻟﺤﻤﺎﻳﺔ ﻣﺎﻟﺘﻲ ﻭﻣﻦ ﺍﺗﻮﻓﻰ ﺍﻟﻠﻪ ﻳﺮﺣﻤﺔ ﻫﻤﺔ ﺍﻧﻬﺪﻭ ﺑﻴﺔ

ﻳﻌﻨﻲ ﻣﺮﺍﺕ ﺍﺣﺲ ﺑﻴﻬﻢ ﺑﻄﻠﻌﻮﻥ ﻋﻀﻼﺗﻬﻢ ﻛﺪﺍﻡ ﻧﺴﻮﺍﻧﻬﻢ ﻭﻳﺘﻘﻮﻥ ﻋﻠﻴﺔ

ﻣﺮﺍﺕ ﺍﻣﻲ ﺗﺼﺪﻫﻢ ﻋﻨﻲ ﺑﺲ ﻣﺘﻜﺪﺭ ﻋﻠﻴﻬﻢ

ﺭﺣﺖ ﺍﻧﻄﻴﺖ ﺷﻬﺪ ﻻﻣﻬﺎ

ﻭﺩﺧﻠﺖ ﻋﻠﻴﻬﻢ ﺑﺎﻟﻤﻄﺒﺦ ﺑﻌﺪ ﻣﺎ ﺳﻠﻤﺖ

ﻭﻛﻌﺪﺕ ﺍﺳﺎﻋﺪﻫﻢ ﺑﺎﻟﻄﺒﺦ ﻭﺍﻟﺸﻐﻞ ﻭﺍﻟﺘﻬﻴﺖ ﻭﻓﻌﻼ ﻛﺎﻥ ﺍﻟﻬﺎﺀ ﻣﻔﻴﺪ

ﺭﻳﻢ - ﺳﻬﻰ ﻋﻔﻴﺔ ﺧﻠﻲ ﺍﻧﻜﻤﻞ ﺍﻟﺘﻤﺮ ﻭﺍﻟﻠﺒﻦ ﺑﺴﺮﻋﺔ ﺣﺘﻰ

ﻧﻠﺤﻚ ﻧﻮﺯﻋﺔ ﺗﺮﺓ ﺍﻟﻨﺴﻮﺍﻥ ﻋﻠﻰ ﺟﻴﺔ ﻫﺴﺔ ﺭﺍﺡ ﻳﺒﺪﻱ ﺍﻟﻤﺄﺗﻢ

ﺍﻡ ﺳﻬﻰ - ﻣﺎﻣﺎ ﻣﻮ ﺗﻨﺴﻮﻥ ﺍﻟﺨﺘﻤﺔ ﻣﺎﻟﺖ ﺍﻟﻘﺮﺍﻥ ﻭﺯﻋﻮ ﺍﻻﺟﺰﺍﺀ ﻋﻠﻰ ﺍﻟﺒﻨﺎﺕ

ﻭﻓﻌﻼً ﻭﺭﺓ ﻋﺪﺓ ﺳﺎﻋﺎﺕ ﺧﻠﺺ ﻛﻠﺸﻲ ﻭﺗﻢ ﺗﻮﺯﻳﻊ ﺍﻟﺜﻮﺍﺏ ﻋﻠﻰ ﺭﻭﺡ ﺑﺎﺑﺎ ﻭﺍﻟﺘﻬﻮ ﺍﺧﻮﺗﻲ ﺑﺘﺄﺟﻴﺮ ﺳﻴﺎﺭﺓ ﺟﺒﻴﺮﺓ ﺣﺘﻰ ﻳﺴﺎﻓﺮﻭﻥ ﺑﻴﻬﺎ ﻟﻠﻨﺠﻒ ﻓﺎﻟﺘﻤﻮ ﺍﻻﻗﺎﺭﺏ ﻭﻋﻤﻲ ﻗﺎﺳﻢ ﻣﻨﺎﻙ ﻛﺎﻝ ﺍﻟﺘﻘﻲ ﺑﻴﻜﻢ ﻭﺧﻄﻴﺔ ﺍﺧﻮﻳﺔ ﺍﻟﺠﺒﻴﺮ ﺍﻣﺠﺪ ﻛﺎﻝ ﺭﺍﺡ ﺍﻧﺰﻝ ﻣﻦ ﻣﻄﺎﺭ ﺍﻟﻨﺠﻒ ﻭﺍﻟﺘﻘﻲ ﺑﻴﻜﻢ ﻭﺍﺧﻴﺮﺍً ﺧﻠﺺ ﺩﺭﺍﺳﺘﺔ ﻫﻨﺎﻙ ﻭﺭﺍﺡ ﻳﺮﺟﻊ ﻫﻮ ﻭﺯﻭﺟﺘﺔ ﻭﺍﻭﻻﺩﻩ

ﻗﺘﻴﺒﺔ - ﻳﻤﺔ ﺗﺮﺓ ﺳﻬﻰ ﻣﺘﺠﻲ ﻭﻳﺎﻧﺔ ﻓﺎﻫﻤﺔ

ﺍﻡ ﺳﻬﻰ - ﻟﻴﺶ ﻳﻤﺔ ﻗﺘﻴﺒﺔ ﺗﺮﺓ ﻫﺎﻱ ﺳﻨﻮﻳﺔ ﺍﺑﻮﻫﺎ ﻛﻠﺶ ﻛﺎﻓﻲ ﺍﻧﺘﻮ ﻣﻘﺒﻠﺘﻮ ﺗﺤﻀﺮ ﺑﺎﻻﺭﺑﻌﻴﻦ ﻳﻌﻨﻲ ﺣﺘﻰ ﺍﻟﺴﻨﻮﻳﺔ ﺗﺮﺩﻭﻥ ﺗﺤﺮﻣﻮﻧﻬﺎ

ﺍﺣﻤﺪ - ﻳﻤﺔ ﻧﺺ ﺟﻤﺎﻋﺘﻲ ﻭﺟﻮﺍﺭﻳﻨﺎ ﻳﺠﻮﻥ

ﻭﺍﺧﺎﻑ ﻳﺸﻮﻓﻮﻧﻬﺎ ﻭﻳﺘﺬﻛﺮﻭﻥ ﺳﺎﻟﻔﺘﻬﺎ ﻭﻛﺒﺎﻝ ﺟﻤﺎﻋﺘﻲ ﻭﺍﻧﺘﻲ ﺍﻟﺤﻤﺪ ﻟﻠﻪ ﺗﻌﺮﻓﻴﻦ ﺟﺎﺭﺍﺗﻨﺎ ﺍﻟﻲ ﻫﻨﺔ ﺻﺪﻳﻘﺎﺗﺞ . ﺷﻜﺪ

ﻣﻴﺤﺒﻦ ﺍﻟﻜﺮﻛﺔ ﻭﺍﻟﻠﻐﻮﺓ ﻓﻜﻔﺎً ﻟﻼﺷﻜﺎﻝ ﻣﺘﺠﻲ ﺳﻬﻰ

ﻭﻛﺎﻥ ﻗﺘﻴﺒﺔ ﻣﺆﻳﺪ ﻟﻜﻼﻡ ﺍﺣﻤﺪ

ﻭﺑﻮﻗﺘﻬﺎ ﺍﻧﻤﺮﺩﺕ ﻣﺮﺩ ﻣﺘﺖ ﻗﻬﺮ ﺣﺴﻴﺖ ﺑﺎﻟﻈﻠﻢ ﻭﺍﻟﻐﺼﺔ ﺷﻜﻠﺖ ﺑﺼﺪﺭﻱ

ﻟﻴﺶ ﺣﺮﺍﻡ ﻋﻠﻴﻬﻢ ﺍﻧﻲ ﺍﺭﻳﺪ ﺍﺯﻭﺭ ﺑﺎﺑﺎ ﺣﺎﻟﻲ ﺣﺎﻟﻬﻢ

ﺑﺲ ﺣﻜﻢ ﺍﻟﻘﻮﻱ ﻋﺎﻟﻀﻌﻴﻒ

ﻭﻓﻌﻼً ﺑﻴﻮﻣﻬﺎ ﻛﻠﻬﻢ ﺭﺍﺣﻮ ﻭﺑﻴﻘﻴﺖ ﻟﻮﺣﺪﻱ ﺑﺎﻟﺒﻴﺖ ﺑﺲ ﺑﻨﺖ

ﺧﺎﻟﻲ ﺗﻮﻓﻴﻖ ﻭﺍﺑﻨﺔ ﻳﺼﻴﺮ ﺑﺼﻒ ﺍﻟﺴﺎﺩﺱ ﺍﻋﺪﺍﺩﻱ

ﺑﻘﻮﺍ ﻳﻤﻲ ﺑﺎﻟﺒﻴﺖ

ﻭﻳﻮﻡ ﺛﺎﻧﻲ ﻛﻌﺪﺕ ﻋﻴﻮﻧﻲ ﻣﻮﺭﻣﺔ ﻣﻦ ﺍﻟﺒﺠﻲ

ﻭﺍﺗﻮﺟﻬﺖ ﻟﻠﻤﻄﺒﺦ ﻻﻥ ﺍﻟﻴﻮﻡ ﺭﺍﺡ ﻳﺮﺟﻌﻮﻥ ﻣﻦ ﺍﻟﺰﻳﺎﺭﺓ ﻓﺸﻲ ﺍﻛﻴﺪ ﺭﺍﺡ ﻳﺠﻮﻥ ﻧﺎﺱ ﻭﻳﺎﻫﻢ ﺧﻄﺎﺭ ﻭﺍﺧﻮﻱ ﺍﻣﺠﺪ

ﺣﺒﻴﺐ ﮔﻠﺒﻲ ﺍﻟﻲ ﺍﺑﺪ ﻣﺘﺮﻛﻨﻲ ﺑﺎﻟﺸﺪﺓ ﻣﺎﻟﺘﻲ ﺩﺍﺋﻤﺎً

ﻳﺘﺼﻞ ﻋﻠﻰ ﺍﻣﻲ ﻭﻳﺴﺄﻝ ﻋﻨﻲ ﻭﻳﺤﺠﻲ ﻭﻳﺎﻱ

ﻭﻳﻮﺍﺳﻴﻨﻲ ﺳﻮﺍﺀ ﻣﻦ ﻋﺮﻑ ﺑﺤﻤﻠﻲ ﺍﻭ ﻣﻦ ﺍﺗﻮﻓﻰ ﺑﺎﺑﺎ

ﺻﺤﻴﺢ ﺑﻌﻴﺪ ﻋﻨﻲ ﺑﺲ ﻛﺪﺭ ﻳﻮﺻﻞ ﺣﻨﺎﻧﺔ ﺍﻟﻲ

ﺭﺣﺖ ﻟﻠﻤﻄﺒﺦ ﻭﻃﻠﻌﺖ ﺍﻟﻠﺤﻢ ﻭﺍﻟﺪﺟﺎﺝ ﻭﺟﺪﺭ ﺍﻟﺪﻭﻟﻤﺔ ﺍﻟﻲ ﺳﻮﺗﺔ ﺍﻣﻲ ﻫﻲ ﻭﺟﺎﺭﺗﻨﺎ ﺍﻡ ﺍﺑﺮﺍﻫﻴﻢ

ﻭﺍﻟﺘﻬﻴﺖ ﺑﺎﻟﺸﻐﻞ ﻭﺭﺣﺖ ﻟﻐﺮﻓﺔ ﺍﺧﻮﻳﺔ ﺍﻣﺠﺪ ﻭﻛﻌﺪﺕ ﺍﻧﻈﻒ ﺑﻴﻬﺎ ﺍﻧﻲ ﻭﺑﻨﺖ ﺧﺎﻟﻲ ﺯﻫﻮﺭ ﻭﺟﻬﺰﺗﻬﺎ ﻭﻓﺮﺷﺖ ﻓﺮﺷﺔ ﺟﺪﻳﺪﺓ

ﻭﺍﻟﻠﻪ ﻭﺭﺓ ﺳﺎﻋﺘﻴﻦ ﺳﻤﻌﺖ ﺍﺻﻮﺍﺗﻬﻢ

..... 

ﻳﻤﺔ ﻣﻦ ﺷﻔﺘﺔ ﺩﺧﻞ ﻟﺒﻴﺘﻨﺎ ﻭﺍﻟﻠﻪ ﺷﻌﻮﺭ ﻣﺎ ﺍﻛﺪﺭ ﺍﻭﺻﻔﺔ ﺍﻟﻜﻢ

ﻋﺒﺎﻟﻚ ﺷﻔﺖ ﺑﺎﺑﺎ ﺑﺪﺧﻠﺘﺔ ﻻﻥ ﺻﺎﻳﺮ ﻛﻠﺶ ﻳﺸﺒﻪ ﺑﺎﺑﺎ

ﺣﺒﻴﺒﻲ ﺍﻧﻲ ﺷﻔﺘﺔ ﻭﺍﻧﻲ ﻣﻜﺪﺭﺕ ﺍﺗﻤﺎﻟﻚ ﻧﻔﺴﻲ ﺭﻛﻀﺖ ﻋﻠﻴﻪ ﻭﺷﻤﺮﺕ ﻧﻔﺴﻲ ﺑﺤﻀﻨﺔ ﻭﻇﻠﻴﺖ ﺍﺷﻬﻚ ﻣﺜﻞ ﺍﻟﻄﻔﻠﺔ ﺍﻟﻲ ﻣﻦ ﺗﺸﻮﻑ ﺍﺑﻮﻫﺎ ﺗﮕﻌﺪ ﺗﺸﺘﻜﻴﻠﺔ ﻋﻦ ﺍﻻﻟﻢ ﺍﻟﻲ ﺍﺗﻌﺮﺿﺖ ﻟﻪ ﺑﻐﻴﺎﺑﻪ

ﻭﻫﻮ ﻣﻘﺼﺮ ﻓﺘﺤﻠﻲ ﺫﺭﺍﻋﻪ ﻭﺍﺧﺬﻧﻲ ﻟﺤﻀﻨﺔ

ﺍﻣﺠﺪ - ﻟﺞ ﻫﺎﻱ ﺷﻨﻮ ﺑﻌﺪﺝ ﺍﻡ ﺩﻣﻴﻌﺔ ﺧﺮﺏ

ﻣﻮ ﻋﻠﻰ ﺍﺳﺎﺱ ﺻﺮﺗﻲ ﺍﻡ ﺣﺴﻮﻧﻲ

ﺍﺷﻮ ﺑﻌﺪﺝ ﺯﻋﻄﻮﻃﺔ

ﺍﻣﺴﺢ ﺑﺪﻣﻮﻋﻲ ﻭﺍﺳﺤﺐ ﻧﻔﺲ ﻣﻦ ﺧﺸﻤﻲ

- ﺍﻱ ﺻﺤﻴﺢ ﺻﺮﺕ ﺍﻡ ﺣﺴﻦ ﺑﺲ ﻫﺬﺍ ﻣﺎ ﻳﻐﻴﺮ ﺍﻥ ﺑﻌﺪﻧﻲ ﺍﺧﺘﻚ ﺍﻟﺼﻐﻴﺮﺓ

- ﻭﺍﺣﻠﻰ ﺍﺧﺖ ﺑﺲ ﺗﻌﺎﻱ ﺍﺷﻮ ﺣﻠﻴﺎﻧﺔ ﺑﻨﺖ ﺍﻟﻠﺬﻳﻦ

- ﻳﺎﻋﻴﻨﻲ ﻋﻴﻮﻧﻚ ﺍﻟﺤﻠﻮﺍﺕ ﻭﺗﺸﻮﻓﻨﻲ ﺣﻠﻮﺓ

ﻭﺭﺣﺖ ﻋﻠﻰ ﺍﻭﻻﺩﻩ ﻫﻤﺎﻡ ﻭﻧﺒﺮﺍﺱ

ﻭﺍﺣﺪ ﺧﻤﺲ ﺳﻨﻮﺍﺕ ﻭﺍﻟﺜﺎﻧﻲ ﺛﻼﺙ ﺳﻨﻮﺍﺕ

ﻭﺳﻠﻤﺖ ﻋﻠﻰ ﺗﻤﺎﺭﺓ ﺯﻭﺟﺘﺔ ﻛﻠﺶ ﺣﺒﺎﺑﺔ ﻋﻜﺲ ﺯﻭﺟﺔ ﺍﺣﻤﺪ ﻣﻬﺎ ﻭﻟﻤﻴﺎﺀ ﺯﻭﺟﺔ ﻗﺘﻴﺒﺔ

ﻭﺍﺟﺘﻤﻌﻨﺎ ﻭﺍﻟﺘﻬﻴﻨﺎ ﺻﺒﻴﻨﺎ ﺍﻟﻐﺪﺓ ﻭﻛﺎﻧﺖ ﺍﻟﻠﻤﺔ ﻛﻠﺶ ﺣﻠﻮﺓ ﻳﻌﻨﻲ ﺻﺤﻴﺢ ﺍﺣﻨﺎ ﻋﺎﺋﻠﺔ ﺑﺲ ﻣﻊ ﺍﻻﺳﻒ

ﻓﺎﻗﺪﻳﻦ ﻧﻌﻤﺔ ﺍﻟﻠﻤﺔ ﻭﺍﻻﻟﻔﺔ ﻳﻌﻨﻲ ﻣﻨﻜﻌﺪ ﻋﻠﻰ ﺍﻻﻛﻞ ﺳﻮﻳﺔ ﺍﻭ ﻧﺠﺘﻤﻊ ﻛﻠﻨﺎ ﺑﻔﺪ ﺻﺎﻟﺔ ﻭﺣﺪﺓ

ﻫﺬﺍ ﺍﻟﺸﻲ ﺍﺧﺘﻔﻰ ﻣﻦ ﺣﻴﺎﺗﻨﺎ

ﺍﺧﻮﺗﻲ ﺍﺣﻤﺪ ﻭﻗﺘﻴﺒﺔ ﻛﻠﻤﻦ ﺑﻐﺮﻓﺘﺔ ﻭﻳﺔ ﺯﻭﺟﺘﺔ

ﺣﺘﻰ ﻣﺮﺍﺕ ﻳﺘﻐﺪﻭﻥ ﺑﻨﻔﺲ ﺍﻟﻐﺮﻓﺔ ﻋﺎﺩﻱ ﻋﻨﺪﻫﻢ ﻣﻴﺸﺎﺭﻛﻮﻧﺔ ﺍﻭﻗﺎﺕ ﺍﻻﻛﻞ ﻭﺍﺗﻌﻮﺩﻧﺎ ﻋﻠﻴﻬﻢ ﻭﺍﻣﻲ ﻣﻦ ﺍﻟﻨﻮﻉ ﺍﻟﻤﺴﺎﻟﻤﺔ ﺍﻟﻲ ﻣﺘﺤﺐ ﺍﻟﻤﺸﺎﻛﻞ

ﻭﻣﺮﺕ ﺍﻻﻳﺎﻡ ﻭﻻﺣﻆ ﺍﻣﺠﺪ ﺗﻌﺎﻣﻞ ﺍﺧﻮﺗﻲ ﻭﻳﺎﻱ ﻭﺯﻣﺨﻬﻢ ﻋﻠﻴﺔ ﺣﺘﻰ ﻣﺮﺍﺕ ﻳﺪﺍﻓﻌﻮﻥ ﻟﻨﺴﻮﺍﻧﻬﻢ ﻭﻳﻈﻠﻮﻥ ﻳﻐﻠﻄﻮﻥ ﻭﻳﺘﺠﺎﻭﺯﻭﻥ ﻣﺮﺓ ﻣﻦ ﺍﻟﻤﺮﺍﺕ ﺳﻤﻊ ﺍﺣﻤﺪ

- ﺷﻮﻓﻲ ﻟﺞ ﻋﺎﺭ ﺍﻧﺘﻲ ﻫﻨﺎ ﻋﺎﻟﺔ ﺗﻜﻌﺪﻳﻦ ﻭﺗﻨﺠﺒﻴﻦ

ﻓﺎﻫﻤﺔ ﻟﺘﺘﻄﺎﻭﻟﻴﻦ ﻋﻠﻰ ﻣﺮﺗﻲ ﺗﺮﺓ ﻣﻬﺎ ﺗﺎﺝ ﺭﺍﺳﺞ

ﻋﻠﻰ ﺍﻻﻗﻞ ﺍﺷﺮﻑ ﻣﻨﺞ ﻣﻨﻄﺖ ﻧﻔﺴﻬﺎ ﻭﺻﺎﻧﺘﻬﺎ ﻟﺤﺪ ﻣﺎ ﺍﺟﺘﻲ ﻟﺒﻴﺘﻲ

ﺳﻬﻰ - ﺍﺣﻤﺪ ﻣﺎﻟﺔ ﺩﺍﻋﻲ ﻫﺬﺍ ﺍﻟﻜﻼﻡ

ﺗﺮﺓ ﺍﻧﻲ ﻣﮕﻠﺖ ﺷﻲ ﺑﺲ ﮔﻠﺘﻠﻬﺎ ﻣﻦ ﺗﺨﻠﺼﻴﻦ ﻏﺪﺍﺝ ﺍﻧﺘﻲ ﻭﺯﻭﺟﺞ ﻏﺴﻠﻲ ﺍﻟﻤﻮﺍﻋﻴﻦ ﻭﺭﺍﺝ ﻟﺘﺨﻠﻴﻬﻢ ﻭﺗﺪﻭﺭﻳﻦ ﻭﺟﻬﺞ ﻋﻴﺐ ﺗﺮﺓ ﻫﻲ ﺟﺒﻴﺮﺓ ﻣﻮ ﺻﻐﻴﺮﺓ ﻭﻭﺍﺣﺪ ﻳﻐﺴﻞ ﻭﺭﺍﻫﺔ ﺍﻟﺼﺤﻮﻥ

ﺍﺣﻤﺪ - ﻟﻴﺶ ﺍﻧﺘﻲ ﺷﻨﻮ ﺷﻐﻠﺞ ﻫﻨﺎ

ﺑﺎﻟﻠﻪ ﻫﻲ ﺣﺎﻣﻞ ﻭﻣﺒﻴﻬﺎ ﺣﻴﻞ

ﻋﻠﻰ ﺍﻻﻗﻞ ﺣﻠﻠﻲ ﺧﺒﺰﺗﺞ ﻫﻨﺎ ﻭﺍﺷﺘﻐﻠﻲ ﻟﻮ ﻣﺎﺑﻴﺞ ﺧﻴﺮ ﺑﺲ

ﻛﺎﻋﺪﺓ ﻟﻠﻌﺮﺍﻳﻚ ﺑﻜﻞ ﺻﻼﻓﺔ ﻟﺞ ﺍﻧﻲ ﻟﻮ ﻣﻨﺞ ﺍﻃﻢ ﺭﻭﺣﻲ

ﺳﻤﻌﻨﺎ ﺻﻮﺕ ﻋﺎﻟﻲ ﺭﺝ ﺍﺭﻛﺎﻥ ﺍﻟﺒﻴﺖ ﺍﻟﺘﻔﺘﻨﺎ ﺍﻧﻲ ﻭ ﺍﺣﻤﺪ

ﻭﺍﻧﺘﺒﻬﺖ ﻋﻠﻰ ﺍﺣﻤﺪ ﺍﺭﺗﺒﻚ ﻭﺍﻧﺨﻄﻒ ﻟﻮﻧﺔ

ﺍﻟﻈﺎﻫﺮ ﻧﺴﻰ ﻭﺟﻮﺩ ﺍﻣﺠﺪ ﺑﺎﻟﺒﻴﺖ

ﺍﻣﺠﺪ - ﺍﺍﺍﺍﺣﻤﺪ ﺷﻨﻮ ﻫﺬﺍ ﺍﻟﻲ ﺟﺎﻱ ﺍﺳﻤﻌﺔ ﻣﻨﻚ

ﺍﺣﻤﺪ ﻓﻠﺖ ﻭﺟﻬﺔ ﻭﻣﻌﺮﻑ ﺷﻴﺤﺠﻲ

- ﺍﺍﻣﺠﺪ ﺗﺮﺓ ﺳﻬﻰ

- ﺍﺍﺍﺍﺵ ﺍﻧﺠﺐ ﻭﻻ ﻛﻠﻤﺔ ﻭﺍﻟﻠﻪ ﺣﺴﺎﻓﺔ ﻋﻠﻴﻚ ﻣﺤﺴﻮﺏ ﺯﻟﻤﺔ

ﻭﮔﺎﻋﺪ ﺗﺴﺘﻘﻮﻱ ﻋﻠﻰ ﺍﺧﺘﻚ ﺍﻟﻴﺘﻴﻤﺔ ﻭﺗﻐﻠﻂ ﻭﺗﻌﻴﺮ ﺑﻴﻬﺎ

ﻟﻚ ﺣﻴﻮﺍﻥ ﺍﻛﻮ ﺍﺥ ﻳﻌﻴﺮ ﺑﺄﺧﺘﺔ ﻭﻟﻚ ﻫﺎﻱ ﺳﻮﺍﻟﻒ ﻧﺴﻮﺍﻥ

ﺷﻠﻮﻥ ﺗﺤﻂ ﻧﻔﺴﻚ ﺑﻬﻴﺞ ﻣﻮﻗﻒ

ﻣﻦ ﻃﻴﺢ ﺍﻟﻠﻪ ﺣﻈﻚ ﻳﺎﻟﻮﺍﻃﻲ

ﺍﺣﻤﺪ - ﻭﺍﻟﻠﻪ ﺧﻮﻳﺔ ﻫﻲ ﺍﻟﺴﺎﻧﻬﺎ ﻃﻮﻳﻞ ﻭﺗﺮﺍﺩﺩ

ﺍﻣﺠﺪ - ﺩﻛﻞ ﺗﺒﻦ ﻭﻻ ﺗﻈﻞ ﺗﻤﺴﻠﺖ ﺑﺎﻟﺤﺠﻲ

ﺍﻧﻲ ﺟﻨﺖ ﻣﻮﺟﻮﺩ ﻭﺳﻤﻌﺖ ﻛﻠﺸﻲ

ﺷﻮﻑ ﻗﺴﻤﺎ ﺑﺎﻟﻠﻪ ﻭﺧﻠﻲ ﺍﻟﻜﻞ ﻳﺴﻤﻊ ﻭﺣﺎﻇﺮﻛﻢ ﻳﺒﻠﻎ ﻏﺎﻳﺒﻜﻢ ﺍﻟﻲ ﺍﻟﻜﺎﻩ ﻣﺘﺠﺎﻭﺯ ﻋﻠﻰ ﺳﻬﻰ ﻟﻮ ﻳﺴﻤﻌﻬﺎ ﺣﺠﺎﻳﺔ ﺯﺍﻳﺪﺓ ﻧﺎﻗﺼﺔ ﻭﺍﻟﻠﻪ ﺍﻣﺴﺢ ﺑﻲ ﺍﻟﻜﺎﻉ

ﺻﺎﺭ ﺍﻟﺒﻴﺖ ﻫﺪﻭﺀ ﻭﻣﺤﺪ ﻛﺪﺭ ﻳﺤﺠﻲ ﻛﻠﻤﺔ ﻣﻦ ﺑﻌﺪ ﻛﻼﻡ ﺍﻣﺠﺪ ﺣﺴﻴﺖ ﺟﺒﺮ ﺑﺨﺎﻃﺮﻱ

ﻭﺭﺓ ﻛﻢ ﻳﻮﻡ ﺟﻨﺖ ﻛﺎﻋﺪﺓ ﺍﺳﻮﻱ ﺭﻳﻮﻙ ﻭﺟﺎﻧﺖ ﺍﻣﻲ

ﻛﺎﻋﺪﺓ ﻋﺎﻟﻤﻴﺰ ﻭﻳﻤﻬﺎ ﻧﺒﺮﺍﺱ ﻭﻫﻤﺎﻡ ﺍﻭﻻﺩ ﺍﻣﺠﺪ

ﻭﻛﺎﻥ ﻗﺘﻴﺒﺔ ﺩﻳﻠﺒﺲ ﺣﺬﺍﺋﺔ ﻳﺮﻳﺪ ﻳﻄﻠﻊ ﻟﻠﺸﻐﻞ ﻭﺍﺣﻤﺪ ﻫﻢ ﻛﺎﻋﺪ ﻣﻦ ﺍﻟﺼﺒﺢ ﻳﺮﻳﺪ ﻳﻄﻠﻊ ﻟﻠﺪﻭﺍﻡ

ﺩﺧﻞ ﺍﻣﺠﺪ ﻭﻫﻮ ﻳﻤﺴﺢ ﻭﺟﻬﺔ ﺑﺎﻟﻤﻨﺸﻔﺔ

ﺍﻣﺠﺪ - ﺷﻮﻓﻲ ﺳﻬﻰ ﺣﻈﺮﻱ ﺍﻭﺭﺍﻗﺞ ﺣﺘﻰ ﺍﻟﺒﺎﺟﺮ ﺍﺣﻤﺪ

ﻳﺎﺧﺬﺝ ﻟﻠﻜﻠﻴﺔ ﻭﻳﻘﺪﻣﻠﺞ ﺣﺘﻰ ﺗﻜﻤﻠﻴﻦ ﺩﺭﺍﺳﺘﺞ

ﺍﻧﺘﻲ ﺷﺎﻃﺮﺓ ﻭﺣﺮﺍﻣﺎﺕ ﻛﻌﺪﺗﺞ ﺑﺎﻟﺒﻴﺖ ﺑﺲ ﻇﺎﻟﺔ ﻟﻠﺨﺪﻣﺔ ﻭﻫﺬﺍ ﺍﻟﺸﻲ ﻣﺎ ﺍﻗﺒﻞ ﺑﻲ ﺍﺭﻳﺪﺝ ﺗﻨﺘﺒﻬﻴﻦ ﻟﻤﺴﺘﻘﺒﻠﺞ

ﺷﻔﺖ ﻗﺘﻴﺒﺔ ﺍﻋﺘﺮﺽ - ﺷﻜﻮ ﺧﻴﺮ ﺍﻣﺠﺪ ﺷﻨﻮ ﻧﺴﻴﺖ ﺍﺧﺘﻚ ﻭﻋﻤﻠﺘﻬﺎ

ﺍﻣﺠﺪ ﺑﻐﻀﺐ - ﺍﻱ ﺑﺎﻟﻠﻪ ﺷﻨﻮ ﻋﻤﻠﺘﻬﺎ ﻓﻬﻤﻨﻲ ﺗﺮﺓ ﻣﺎ ﺩﺍﻓﺘﻬﻢ

ﻗﺘﻴﺒﺔ - ﻟﺘﺴﻮﻱ ﻧﻔﺴﻚ ﻣﺘﻌﺮﻑ ﺑﻤﻜﺴﻮﺭﺗﻬﺎ ﻭﺷﻠﻮﻥ ﺳﻴﺮﺗﻬﺎ

ﻋﻠﻰ ﻛﻞ ﺍﻟﺴﺎﻥ

- ﺷﻮﻑ ﻭﻟﻚ ﻫﺎﻱ ﺍﺧﺮ ﻣﺮﺓ ﺍﺳﻤﻌﻚ ﺗﺤﺠﻲ ﺑﻬﺬﺍ ﺍﻟﻤﻮﺿﻮﻉ ﺷﻮﻑ ﻳﺎﻟﻤﺘﺨﻠﻒ ﺍﺧﺘﻚ ﻣﺘﺰﻭﺟﺔ ﻭﺻﺎﺭ ﻋﻨﺪﻫﺎ ﻃﻔﻞ ﻭﻳﻦ ﺍﻟﻐﻠﻂ ﺑﺎﻟﻤﻮﺿﻮﻉ ﻟﻮ ﺍﻧﺘﻮ ﺣﺘﻰ ﺣﻼﻝ ﻭﺷﺮﻉ ﺍﻟﻠﻪ ﺗﻜﻌﺪﻭﻥ ﺗﺤﺮﻓﻮﻥ ﺑﻲ

ﻫﺴﺔ ﺍﻧﺖ ﻣﺎ ﻫﺎﻣﻚ ﺷﻨﻮ ﻣﻮﻗﻒ ﺍﺧﺘﻚ

ﺑﻜﺪ ﻣﺎ ﻫﺎﻣﻚ ﻛﻼﻡ ﺍﻟﻨﺎﺱ

ﻋﻤﻲ ﺍﻧﺘﻮ ﺷﻨﻮ ﻣﻦ ﻣﺼﻴﺒﺔ ﻋﺎﻳﺸﻴﻦ ﺑﻈﻼﻡ ﺍﻟﺠﻬﻞ

ﺑﻌﺪﻛﻢ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺣﺎﻛﻤﺘﻜﻢ ﻭﺗﺮﻛﺘﻮ ﺷﺮﻉ ﺍﻟﻠﻪ ﻭﺣﻼﻟﻪ

ﻭﺗﺨﺎﻓﻮﻥ ﻣﻦ ﻛﻼﻡ ﺍﻟﻨﺎﺱ ﻭﺍﻟﻌﺎﺭ ﻫﺬﺍ ﻋﻴﺐ ﻭﻫﺬﺍ ﻣﻴﺼﻴﺮ

ﻳﻌﻨﻲ ﺍﻟﺤﻼﻝ ﻭﺍﻟﺤﺮﺍﻡ ﺍﻧﺮﻛﻦ ﻋﻠﻰ ﺻﻔﺤﺔ

......

ﻭﺍﻟﻠﻪ ﻳﺎﻟﻠﻪ ﺍﻟﻨﺎﺱ ﻭﺻﻠﺖ ﻟﻠﻘﻤﺮ ﻭﺍﺣﻨﺎ ﻇﺎﻟﻴﻦ

ﺍﻻﺧﻮ ﻳﻨﻬﺶ ﺑﻠﺤﻢ ﺍﺧﺘﺔ ﻭﻳﺴﺘﻘﻮﻱ ﻋﻠﻴﻬﺎ ﻭﻧﻮﺏ ﺑﻌﺪﻳﻦ ﻧﻄﻠﺐ ﺍﻟﺮﺣﻤﺔ ﻣﻦ ﺍﻟﻠﻪ ﺑﺎﻟﻠﻪ ﻓﻬﻤﻨﻲ ﺷﻠﻮﻥ ﻧﺘﺰﻝ ﺭﺣﻤﺔ ﺍﻟﻠﻪ ﻋﻠﻴﻚ ﻭﺍﻧﺖ ﺑﻬﺬﺍ ﺍﻟﻈﻠﻢ ﻭﺍﻟﻄﻐﻴﺎﻥ ﻭﺳﺎﺑﻲ ﺍﺧﺘﻚ ﺳﺒﺎﻳﺔ ﻭﺍﻧﺖ ﺗﻌﺮﻑ

ﻛﻠﺶ ﺯﻳﻦ ﻫﻲ ﻻﺣﻮﻝ ﻭﻻﻗﻮﺓ ﻭﻣﺎﻟﻬﺔ ﻣﻜﺎﻥ ﺗﻠﺠﻲﺀ ﺍﻟﺔ ﻭﺗﺒﺘﻌﺪ ﻋﻦ ﻇﻠﻤﻜﻢ ﻳﻌﻨﻲ ﺯﻳﻦ ﻭﻣﻨﻬﺎ ﻣﺎ ﺷﺮﺩﺕ ﻣﻨﻜﻢ

ﺳﻬﻰ ﻛﻨﺖ ﺍﺳﻤﻊ ﺑﻜﻼﻡ ﺍﻣﺠﺪ ﻭﺍﺑﺠﻲ ﻣﺎ ﺍﻋﺮﻑ ﺍﺣﺲ ﻛﻞ ﻛﻠﻤﺔ ﺗﻄﻠﻊ ﻣﻦ ﻋﻨﺪﺓ ﻋﺒﺎﻟﻚ ﻣﺜﻞ ﺍﻟﻤﺮﻫﻢ ﺍﻟﻲ ﻳﻨﻤﺴﺢ ﻋﺎﻟﺠﺮﺡ ﻭﻳﻄﻴﺐ

ﺍﻟﻠﻪ ﻳﺠﺒﺮ ﺑﺨﺎﻃﺮﻙ ﻣﺜﻞ ﻣﺠﺒﺮﺕ ﺑﺨﺎﻃﺮﻱ ﻳﺎﺑﻦ ﺍﻣﻲ ﻭﺍﺑﻮﻱ ﺭﻭﺡ ﺍﻟﻠﻪ ﻳﺮﺿﻰ ﻋﻨﻚ

ﻣﻦ ﺑﻌﺪ ﻛﻼﻡ ﺍﻣﺠﺪ ﻣﺤﺪ ﻛﺪﺭ ﻳﻔﺘﺢ ﺣﻠﻜﺔ ﻭﻳﻌﺘﺮﺽ

ﻭﻭﺍﻓﻖ ﺍﺣﻤﺪ ﺍﻥ ﻳﺎﺧﺬﻧﻲ ﻭﻳﻘﺪﻣﻠﻲ ﺑﺎﻟﻜﻠﻴﺔ ﺑﺲ ﺑﻮﻛﺘﻬﺎ

ﻭﺍﻟﻠﻪ ﺍﻟﻜﺎﻉ

ﻣﺎ ﺷﺎﻟﺘﻨﻲ ﻣﻦ ﺍﻟﻔﺮﺣﺔ ﺣﻴﺎﺗﻲ ﻛﻠﻬﺎ ﻣﻔﺮﺣﺎﻧﺔ ﻫﻴﺞ ﻓﺮﺣﺔ ﻳﻌﻨﻲ ﻓﻌﻼً ﺍﻣﺠﺪ ﺍﺧﻮﻱ ﻛﺪﺭ ﻳﺮﺳﻢ ﺍﻟﻔﺮﺣﺔ ﻋﻠﻰ ﻭﺟﻬﻲ

ﻭﺑﻴﻮﻣﻬﺎ ﺍﺗﺼﻠﺖ ﻋﻠﻰ ﺻﺪﻳﻘﺘﻲ ﺳﺎﺭﺓ ﻭﺑﺸﺮﺗﻬﺎ ﻭﻓﺮﺣﺖ

ﻣﻦ ﺳﻤﻌﺖ ﺑﺎﻟﺨﺒﺮ ﻭﺍﻧﻄﺘﻨﻲ ﻛﻢ ﻣﻌﻠﻮﻣﺔ ﻋﺎﻟﺘﻘﺪﻳﻢ ﻟﻬﺎﻱ ﺍﻟﺴﻨﺔ ﻻﻥ ﺑﻌﺪﻧﺎ ﺑﺎﻟﺒﺪﺍﻳﺔ ﻭﺍﻗﺘﺮﺣﺖ ﺍﻥ ﺍﺩﺧﻞ ﺑﻨﻔﺲ ﻗﺴﻤﻬﺎ ﺑﺎﻟﺠﺎﻣﻌﺔ ﺍﻟﻤﺴﺘﻨﺼﺮﻳﺔ ﻭﻛﺎﻥ ﻗﺴﻤﻬﺎ ﻋﻠﻮﻡ ﺍﻟﺤﻴﺎﺓ

ﺗﻌﺮﻓﻮﻥ ﻭﺍﺣﺪ ﺷﻨﻮ ﻳﻜﻮﻥ ﺷﻌﻮﺭﻩ

ﻣﻦ ﻳﻜﻮﻥ ﻣﺪﻓﻮﻥ ﻭﻫﻮ ﺑﺎﻟﺤﻴﺎﺓ

ﻭﻓﺠﺎﺀﺓ ﻳﻨﻤﺪﻟﺔ ﺣﺒﻞ ﻟﻠﻨﺠﺎﺓ ﺍﺧﻮﻱ ﺍﻣﺠﺪ ﻗﺪﻣﻠﻲ ﺍﻣﻞ

ﺍﻱ ﺍﻣﻞ ﻛﻨﺖ ﻛﺎﻃﻌﺔ ﺍﻟﺮﺟﻰ ﻣﻨﺔ ﻭﻣﻜﺎﻥ ﻋﻨﺪﻱ ﺍﻱ ﺍﻣﻞ

ﺍﻥ ﺍﻛﻤﻞ ﺣﻴﺎﺗﻲ ﻭﺍﺭﺟﻊ ﻟﺪﺭﺍﺳﺘﻲ

ﺟﻨﺖ ﻣﺜﻞ ﺍﻟﻤﺨﺒﻠﺔ ﻣﻦ ﺍﻟﻔﺮﺣﺔ ﺍﺗﺬﻛﺮ ﺍﻣﺠﺪ ﻣﻦ ﺍﺷﺘﺮﺍﻟﻲ

ﻣﻼﺑﺲ ﺯﻱ ﻟﻠﻜﻠﻴﺔ ﺍﻟﻘﻤﻴﺺ ﺍﻻﺑﻴﺾ ﻭﺍﻟﺘﻨﻮﺭﺓ ﺍﻟﺮﺻﺎﺻﻲ

ﻭﺍﻟﻠﻪ ﺑﻠﺤﻈﺘﻬﺎ ﺷﻤﻴﺘﻬﻢ ﻭﻇﻠﻴﺖ ﺍﺑﻮﺱ ﺑﻴﻬﻢ ﻭﺑﺠﻴﺖ

ﻭﺑﻴﻮﻡ ﺍﻟﻲ ﺍﺧﺬﻧﻲ ﺍﺣﻤﺪ ﻟﻠﻜﻠﻴﺔ ﺣﺘﻰ ﻳﺴﺠﻠﻨﻲ ﻭﻳﻜﻤﻞ ﺍﻻﺟﺮﺍﺀﺍﺕ

ﻭﺑﻮﻗﺘﻬﺎ ﺍﺑﺘﺴﺎﻣﺘﻲ ﻣﻄﺎﺣﺖ ﻣﻦ ﻭﺟﻬﻲ ﻣﺜﻞ ﺍﻟﻄﻔﻞ ﺑﻴﻮﻡ ﻳﺎﺧﺬﻭﻧﺔ ﻟﻠﻤﻼﻋﻴﺐ ﺍﻟﻌﻴﺪ

ﻭﻻ ﺭﺍﺡ ﺍﻧﺴﻰ ﺷﻜﻞ ﺍﺧﻮﺍﻧﻲ ﺍﺣﻤﺪ ﻭﻗﺘﻴﺒﺔ ﺷﻠﻮﻥ

ﻳﻮﺻﻮﻧﻲ ﻭﻳﺘﻮﻋﺪﻭﻥ ﺍﺫﺍ ﺑﺪﺭ ﻣﻨﻲ ﺷﻲ ﺍﻭ ﺷﻤﻮ ﺭﻳﺤﺔ ﻟﻌﺐ ﺍﺗﺤﻠﻔﻮ ﻳﺪﻓﻨﻮﻧﻲ

ﺑﺲ ﻣﻜﺪﺭﻭ ﻳﻨﺰﻋﻮﻥ ﻣﻨﻲ ﻓﺮﺣﺘﻲ

ﻃﺒﻌﺎً ﻟﺤﺪ ﻫﺬﺍ ﻳﻮﻣﻲ ﺍﺗﺬﻛﺮ ﺷﻠﻮﻥ ﺩﺍﻭﻣﺖ ﺑﺎﻭﻝ ﻳﻮﻡ ﺍﻟﻲ ﺑﺎﻟﻜﻠﻴﺔ ﻛﺎﻥ ﺷﻌﻮﺭﻱ ﺑﻮﻗﺘﻬﺎ ﻣﺜﻞ ﺷﻌﻮﺭ )) ﺍﻟﻴﺲ ﻓﻲ ﺑﻼﺩ ﺍﻟﻌﺠﺎﺋﺐ ((

ﻛﻨﺖ ﺧﺎﻳﻔﺔ ﻣﻦ ﻛﺒﺮ ﺣﺠﻢ ﺍﻟﻜﻠﻴﺔ ﺧﺎﻑ ﺍﺿﻴﻊ ﺍﻭ ﺍﺗﻴﻪ

ﻭﻣﺎ ﺍﻧﺪﻝ ﺑﺲ ﺑﻨﻔﺲ ﺍﻟﻮﻛﺖ ﻓﺮﺣﺎﻧﺔ ﻭ

ﺍﺑﺎﻭﻉ ﻋﻠﻰ ﺍﻟﺒﻨﺎﺕ ﻭﺍﺷﻜﺎﻟﻬﻢ ﻭﺍﻟﺸﺒﺎﺏ ﻭﺍﻛﻔﻴﻦ ﻋﻠﻰ ﻃﻮﻝ ﺍﻟﻄﺮﻳﻖ ﻋﻠﻰ ﺷﻜﻞ ﺗﺠﻤﻌﺎﺕ ﻭﻛﺮﻭﺑﺎﺕ

ﻳﻌﻨﻲ ﺍﺗﺨﻴﻠﻮ ﺷﺨﺺ ﻣﺜﻠﻲ ﻣﻘﻄﻮﻉ ﻋﻦ ﺍﻟﻌﺎﻟﻢ ﺍﻟﺨﺎﺭﺟﻲ ﻭﺍﻟﺘﻮﺍﺻﻞ ﻣﻊ ﺍﻟﻨﺎﺱ ﺍﻻﻣﻊ ﻛﻢ ﺷﺨﺺ ﻳﻨﻌﺪﻭﻥ ﺑﺎﻻﺻﺎﺑﻊ

ﺍﺟﻲ ﻫﻨﺎ ﺑﻬﺬﺍ ﺍﻟﻤﻜﺎﻥ ﺍﻟﻤﻤﻠﻮﺀ ﺑﺎﻟﻨﺎﺱ

ﻭﺍﻟﻠﻪ ﺑﻮﻗﺘﻬﺎ ﻣﻦ ﺍﺧﺬﺗﻨﻲ ﺳﺎﺭﺓ ﺗﺪﻟﻴﻨﻲ ﻋﻠﻰ ﻗﺎﻋﺔ ﺍﻟﻤﺤﺎﺿﺮﺍﺕ ﻭﺍﻟﺠﺪﻭﻝ ﻭﻋﺮﻓﺘﻨﻲ ﻋﻠﻰ ﻛﻢ ﻃﺎﻟﺒﺔ ﻣﻦ ﺩﺧﻠﺖ ﻟﻠﻘﺎﻋﺔ ﻭﻛﻌﺪﺕ ﻋﻠﻰ ﺍﻻﺳﺘﻴﺞ

ﺑﻠﺤﻈﺘﻬﺎ ﺗﺼﺮﻓﺖ ﺗﺼﺮﻑ ﺟﺪﺍً ﻃﻔﻮﻟﻲ

ﻭﺍﻟﻠﻪ ﻟﻮ ﺍﻛﻠﻠﻜﻢ ﺩﻧﻜﺖ ﻋﻠﻰ ﺍﻟﺴﺘﻴﺞ ﻭﺑﺴﺘﺔ ﻣﺜﻞ ﺍﻟﺸﻲﺀ ﺍﻟﻤﻘﺪﺱ

ﺭﺍﺡ ﺗﻜﻮﻟﻮﻥ ﺩﺗﺒﺎﻟﻐﻴﻦ ﺑﺎﻟﻤﻮﺿﻮﻉ ﺑﺲ

ﻣﺤﺪ ﺭﺍﺡ ﻳﻌﺮﻑ ﺍﻟﻠﻬﻔﺔ ﻭﺍﻟﺤﻤﺎﺱ ﻭﺍﻻﻣﺘﻨﺎﻥ

ﺍﻟﻲ ﺑﮕﻠﺒﻲ ﻻﻥ ﺟﺎﻥ ﺍﻋﺰ ﺷﻲ ﻋﻠﻰ ﮔﻠﺒﻲ

ﺍﻟﺪﺭﺍﺳﺔ ﻭﺍﻟﺸﻬﺎﺩﺓ ﺍﻻ ﺍﻟﻤﺤﺮﻭﻡ ﻣﻨﻬﺎ

ﻭﺍﻧﻲ ﻛﻨﺖ ﻗﺎﻃﻌﺔ ﺍﻻﻣﻞ ﺍﻥ ﺍﻋﻴﺶ ﻣﺜﻞ ﺻﺪﻳﻘﺎﺗﻲ ﻣﺎ ﺍﻧﺴﻰ ﺍﺣﺴﺎﺳﻲ ﺑﻴﻮﻡ ﺍﺷﻮﻑ ﺻﺪﻳﻘﺎﺗﻲ ﺷﻠﻮﻥ

ﺩﻳﻜﻤﻠﻮﻥ ﺩﺭﺍﺳﺘﻬﻢ ﺑﺎﻟﻜﻠﻴﺔ ﻭﻣﺮﺍﺕ ﻣﻦ ﺟﺎﻧﺖ ﺳﺎﺭﺓ ﺗﺠﻴﻨﻲ ﻟﺒﻴﺘﻨﺎ

ﻭﺗﺮﺍﻭﻳﻨﻲ ﺻﻮﺭﻫﻢ ﺑﺎﻟﻜﻠﻴﺔ ﺑﺎﻟﻨﻘﺎﻝ

ﺍﺑﺎﻭﻉ ﻫﻨﺔ ﻭﻳﻦ ﻭﺻﻠﻦ ﻭﺍﻧﻲ ﻭﻳﻦ ﺻﻔﺔ ﺑﻴﺔ ﺍﻟﺪﻫﺮ ﺣﻴﻞ ﺍﻧﻘﻬﺮ ﻋﻠﻰ ﺣﺎﻟﻲ

ﺑﺲ ﺑﻔﻀﻞ ﺍﻟﻠﻪ ﻭﺑﻔﻀﻞ ﺍﺧﻮﻱ

ﺭﺍﺡ ﺍﻛﻮﻥ ﻋﻨﺪ ﺣﺴﻦ ﺿﻨﻪ ﻭﺍﺑﺪ ﻣﺮﺍﺡ ﺍﺧﻴﺐ ﺍﻣﻠﻪ ﺑﻴﺔ

ﻭﺭﺍﺡ ﺍﺭﻓﻊ ﺭﺍﺳﻪ ﺑﺘﺤﻘﻴﻖ ﺣﻠﻤﻲ ﺑﺴﺘﻼﻡ ﺷﻬﺎﺩﺗﻲ

...... 

ﺑﺲ ﺑﻴﻮﻣﻬﺎ ﻛﺎﻥ ﻭﻳﺎﻧﺔ ﺍﺧﻮﻳﺔ ﺍﺣﻤﺪ ﻛﺎﻝ ﺍﺩﺧﻠﺞ ﻭﺍﻋﺮﻓﺞ ﻋﻠﻰ

ﺑﻨﻴﺔ ﻫﻨﺎ ﺍﺧﺖ ﺻﺪﻳﻘﻲ

ﻭﺍﻧﺘﺒﻬﺖ ﻋﻠﻰ ﺍﺧﻮﻱ ﺍﺣﻤﺪ ﻳﻤﺸﻲ ﻭﻳﺨﺰﺭ ﺑﺎﻟﺸﺒﺎﺏ ﻭﻛﻠﺴﺎﻉ ﻳﺘﻮﻋﺪ

- ﺍﻳﺎﻧﻲ ﻭﻳﺎﺝ ﺍﺷﻮﻓﺞ ﻭﺍﻛﻔﺔ ﻭﻳﺔ ﺷﺎﺏ ﻟﻮ ﺗﺤﺠﻴﻦ ﻭﻳﺔ ﻭﺍﺣﺪ ﻭﺍﻟﻠﻪ ﺗﻠﮕﻴﻨﻲ ﮔﺒﻞ ﻓﻮﻙ ﺭﺍﺳﺞ ﺗﺮﺓ ﻣﻮ ﻋﺒﺎﻟﺞ ﺍﻧﻲ ﻣﻮ ﻭﻳﺎﺝ ﺑﺎﻟﻜﻠﻴﺔ ﻣﺮﺍﺡ ﺍﻋﺮﻑ ﺑﺴﻮﺍﻟﻔﺞ ﻭﺷﻨﻮ ﺗﺴﻮﻳﻦ ﻭﻭﻳﺎﻣﻦ ﺗﺤﺠﻴﻦ

ﺗﺮﺓ ﻋﻨﺪﻱ ﻫﻨﺎ ﻋﻴﻮﻥ ﺭﺍﺡ ﺗﺮﺍﻗﺒﺞ

ﻭﺍﻧﻲ ﺑﻬﺬﺍ ﺍﻟﻴﻮﻡ ﺧﻠﻴﺖ ﺑﺒﺎﻟﻲ ﺍﻧﻲ ﻣﺮﺍﻗﺒﺔ ﻻ ﺍﺿﺤﻚ ﻻ ﺍﺭﻯ ﻻ ﺍﺳﻤﻊ ﻻ ﺍﺗﻜﻠﻢ ﻭﺍﻟﻠﻪ ﺣﺘﻰ ﻟﻮ ﻣﻮ ﻣﺮﺍﻗﺒﺔ ﺭﺍﺡ ﺍﺻﻮﻥ ﻧﻔﺴﻲ ﺍﺣﺘﺮﺍﻣﺎً ﻟﺬﺍﺗﻲ ﻣﻮ ﻟﻐﻴﺮ ﺷﻲ

ﻭﻋﺪﺕ ﺍﻻﻳﺎﻡ ﻭﺍﻧﻲ ﻻﺯﻟﺖ ﻋﻠﻰ ﻧﻔﺲ ﺍﻟﺤﻤﺎﺱ ﻭﺍﻟﻨﺸﺎﻁ

ﺩﺭﺍﺳﺔ ﻭﻣﺸﺎﺭﻛﺔ ﻣﻊ ﻛﺮﻭﺏ ﺍﻟﺒﻨﺎﺕ ﺍﻟﻲ ﺍﺗﻌﺮﻓﺖ

ﻋﻠﻴﻬﻢ

ﻣﻊ ﺍﻟﺤﺬﺭ ﻣﻦ ﺍﻟﻮﻗﻮﻑ ﺑﺠﺎﻧﺐ ﺍﻭ ﺑﻘﺮﺏ ﺍﻱ ﺷﺎﺏ

ﻭﺻﺮﺕ ﻳﻮﻡ ﻋﻦ ﻳﻮﻡ ﺍﻓﺘﺢ ﻣﺜﻞ ﺍﻟﺰﻫﺮﺓ

ﺍﻟﻲ ﺗﺒﺪﻱ ﺗﻔﺘﺢ ﺍﻭﺭﺍﻗﻬﺎ ﺑﺎﻟﺘﺪﺭﻳﺞ

ﻭﺑﺪﺕ ﻋﻠﻴﺔ ﻋﻼﻣﺎﺕ ﺍﻟﺤﻴﺎﺓ

ﻭ ﻭﺍﺗﻌﺮﻓﺖ ﻋﻠﻰ ﻛﻢ ﺑﻨﻴﺔ ﺣﺒﺎﺑﺔ

ﻭﺟﻨﺖ ﺣﻴﻞ ﺣﺮﻳﺼﺔ ﻋﻠﻰ ﻧﻔﺴﻲ ﻟﺪﺭﺟﺔ ﺍﺗﻬﻤﻮﻧﻲ

ﺑﺎﻻﻧﻄﻮﺍﺋﻴﺔ ﺑﺲ ﺧﻠﻲ ﺷﻴﺮﺩﻭﻥ ﻳﺤﺠﻮﻥ ﺧﻞ ﻳﺤﺠﻮﻥ ﺍﺭﺿﺎﺀ ﺍﻟﻨﺎﺱ ﻏﺎﻳﺔً ﻻﺗﺪﺭﻙ

ﻭﺟﻨﺖ ﺍﻧﻲ ﻭﺻﺪﻳﻘﺎﺗﻲ ﻣﻦ ﻧﺪﺧﻞ ﻟﻠﻜﻠﻴﺔ ﻟﺤﺪ ﻣﺎ ﻧﻄﻠﻊ ﺑﺲ ﻧﺴﻮﻟﻒ ﻭﻧﺤﺠﻲ ﻭﻧﺼﻨﻒ ﻋﻠﻰ ﺑﻌﺾ ﺍﻟﻄﻠﺒﺔ

ﻭﺍﻻﺳﺎﺗﺬﺓ

ﻛﺎﻥ ﻋﺎﻟﻢ ﺛﺎﻧﻲ ﻏﻴﺮ ﺍﻟﻲ ﺟﻨﺖ ﻋﺎﻳﺸﺔ ﺑﻲ

ﻋﺮﻓﺖ ﻫﻮﺍﻱ ﺍﺷﻴﺎﺀ ﻭﺳﻤﻌﺖ ﻫﻮﺍﻱ ﻗﺼﺺ

ﻭﺍﻓﺘﻬﻤﺖ ﻣﻦ ﺧﻼﻝ ﻛﻼﻡ ﺍﻟﺒﻨﺎﺕ ﺍﻥ ﻫﻨﺎﻙ ﺣﻴﺎﺓ ﺍﺧﺮﻯ

ﺗﻜﻤﻦ ﺧﻠﻒ ﺍﺑﻮﺍﺏ ﺑﻴﺘﻨﺎ

ﻳﻌﻨﻲ ﺍﻟﺤﻴﺎﺓ ﻣﻮ ﻣﺜﻞ ﻣﺠﺎﻥ ﺑﺎﺑﺎ ﻣﻔﻬﻤﻨﺎ ﺍﻥ ﺑﻴﺖ ﻭﺯﻭﺍﺝ ﻭﻋﺎﺋﻠﺔ ﻭﺧﻠﻔﺔ

ﻋﺮﻓﺖ ﻫﻨﺎﻙ ﺷﻲ ﺍﺳﻤﺔ ﻣﻄﺎﻋﻢ ﻣﻮﻻﺕ ﻭﻣﻨﺘﺰﻫﺎﺕ

ﻣﺮﺍﺕ ﺍﺳﻤﻊ ﺻﺪﻳﻘﺎﺗﻲ ﻳﺘﻮﺍﻋﺪﻥ

ﻣﻦ ﻳﻄﻠﻌﻮﻥ ﻭﺭﺓ ﺍﻟﺪﻭﺍﻡ ﻳﺮﺣﻮﻥ ﻟﻠﻤﻮﻝ

ﻭﻛﺎﻟﻌﺎﺩﺓ ﺍﻧﻲ ﺩﺍﺋﻤﺎ ﺍﺭﻓﺾ ﻣﺮﺍﻓﻘﺘﻬﻢ ﻻﻥ ﺍﻧﻲ

ﻃﺮﻳﻘﻲ ﻣﺤﺪﻭﺩ ﻛﻠﻴﺔ ﺑﻴﺖ

ﺑﻴﺖ ﻛﻠﻴﺔ ﻻﻥ ﺍﻋﺮﻑ ﻫﺬﺍ ﺍﻟﺸﻲ ﻣﻤﻨﻮﻉ ﻣﻨﻌﺎً ﺑﺎﺗﺎً

ﻛﺎﻧﺖ ﺣﻴﺎﺓ ﺍﻟﻜﻠﻴﺔ

ﻭﻻﺗﺨﻠﻮ ﻣﻦ ﺑﻌﺾ ﺍﻟﻤﻐﺎﻣﺮﺍﺕ ﺍﻟﻲ ﻧﺴﻤﻌﻬﺎ

ﻋﻦ ﺑﻌﺾ ﺍﻟﺒﻨﺎﺕ

ﻭﻛﺎﻧﺖ ﺳﺎﺭﺓ ﺻﺪﻳﻘﺘﻲ ﻣﺜﻞ ﻣﺨﺘﺎﺭ ﺍﻟﻤﻨﻄﻘﺔ

ﺗﻌﺮﻑ ﺗﺎﺭﻳﺦ ﻛﻞ ﻃﺎﻟﺒﺔ ﻭﻃﺎﻟﺐ ﺑﺎﻟﻘﺴﻢ ﻣﺎﻟﺘﻨﺔ

ﻭﺑﻴﻮﻡ ﻣﻦ ﺍﻻﻳﺎﻡ ﻛﻌﺪﺕ ﺍﻟﺒﺲ ﻣﻼﺑﺲ ﺍﻟﻲ ﻫﻮ ﺯﻱ ﺍﻟﻜﻠﻴﺔ ﻛﺎﻥ ﺟﺴﻤﻲ ﻣﻠﻔﺖ ﻟﻼﻧﺘﺒﺎﻩ ﻣﻊ ﺍﻟﻌﻠﻢ ﺍﺧﻮﺗﻲ ﻳﺄﻛﺪﻭﻥ ﻋﻠﻰ ﻟﺒﺲ ﺍﻟﻤﻼﺑﺲ ﺍﻟﺮﺍﻫﻴﺔ ﻳﻌﻨﻲ ﻣﺎﻛﻮ ﺷﻲ ﺿﻴﻚ ﻭﻳﺤﺪﺩ ﺍﻟﺠﺴﻢ ﻭﻳﺒﺮﺯﺓ ﺑﺲ ﺍﻧﻲ ﺍﻱ ﺷﻲ ﺍﻟﺒﺴﺔ ﻳﻄﻠﻊ ﻋﻠﻴﺔ ﺭﺍﻫﻢ

ﻧﺰﻟﺖ ﺟﻮﺓ ﺳﻤﻌﺖ ﺍﺧﻮﻱ ﻗﺘﻴﺒﺔ

- ﺍﻛﻠﺞ ﻳﻮﻡ ﻫﺎﻱ ﻟﻴﺶ ﻣﺘﻠﺒﺲ ﺟﺒﺔ ﺍﺳﻼﻣﻴﺔ ﻣﻦ ﺗﺮﻭﺡ ﻟﻠﻜﻠﻴﺔ

ﺍﻧﻲ ﺑﻮﻗﺘﻬﺎ ﺟﻨﺖ ﺍﺗﺮﻳﻚ ﻭﻣﻨﺘﻈﺮﺓ ﺍﻟﺴﺎﻳﻖ

ﺍﻟﺘﻔﺘﺖ ﻋﻠﻴﻪ

- ﻣﻼﺑﺴﻲ ﻣﺒﻴﻬﻢ ﺷﻲ ﻭﻣﺴﺘﻮﺭﺍﺕ ﻭﺍﻣﺠﺪ ﺷﺎﻓﻬﻢ ﻭﻗﺒﻞ ﺑﻴﻬﻢ

- ﻳﺎ ﻣﺒﻴﻬﻢ ﺷﻲ ﺩﺭﻭﺣﻲ ﺷﻮﻓﻲ ﺟﺴﻤﺞ ﺑﺎﻟﻤﺮﺍﻳﺎ

ﺍﻡ ﺳﻬﻰ - ﺍﻧﺖ ﻣﺎﻟﻚ ﺣﻖ ﺗﺘﺤﻜﻢ ﺑﺄﺧﺘﻚ ﺍﺧﻮﻙ ﺍﻟﺠﺒﻴﺮ ﻣﻮﺟﻮﺩ ﻭﻫﻮ ﺳﻤﺤﻠﻬﺎ

ﺳﻤﻌﺖ ﺻﻮﺕ ﺍﻟﺴﺎﻳﻖ ﻭﻃﻠﻌﺖ ﺑﺴﺮﻋﺔ

ﻭﻇﻠﻴﺖ ﻛﻞ ﻳﻮﻡ ﺍﺩﺍﻭﻡ ﻭﺍﻧﻲ ﺣﺎﻃﺔ ﮔﻠﺒﻲ ﺑﺸﻴﺸﺔ

ﺍﺣﺲ ﺑﻴﻬﻢ ﮔﺎﻋﺪﻳﻦ ﻟﻲ ﻋﺎﻟﺰﻟﺔ

ﺣﺘﻰ ﺳﺎﺭﺓ ﻣﻦ ﺍﺣﺠﻴﻠﻬﺎ ﻋﻨﻬﻢ ﺗﻈﻞ ﻓﺎﺗﺤﺔ ﺣﻠﻜﻬﺎ ﻭﻣﺘﻌﺠﺒﺔ ﻋﻠﻰ ﺍﺳﻠﻮﺑﻬﻢ

ﺳﺎﺭﺓ - ﺍﺍﻭﻭﻱ ﺍﻟﻠﻪ ﻳﺴﺎﻋﺪﺝ ﻫﺬﻭﻟﻲ ﺷﻨﻮ ﺍﺧﻮﺍﻧﺞ

ﻣﻦ ﻳﺎﻃﻴﻨﺔ ﻣﺼﻨﻮﻋﻴﻦ ﻭﺍﻟﻠﻪ ﻟﻮ ﺍﺧﻮﻱ ﻳﺴﻮﻱ ﻭﻳﺎﻱ ﻫﻴﺞ

ﺍﻫﻔﺔ ﺑﺠﻼﻕ ﺍﻃﻴﺮﺓ ﺍﻧﻲ ﻣﺎ ﺍﺗﺤﻤﻞ ﻫﻴﺞ ﻭﺍﺣﺪ ﻳﺘﺤﻜﻢ ﺑﻴﺔ

- ﺍﻱ ﻣﻮ ﺣﻘﺞ ﺍﺧﻮﺝ ﺍﺻﻐﺮ ﻣﻨﺞ ﻭﺑﺼﻒ ﺳﺎﺩﺱ ﺍﺑﺘﺪﺍﺋﻲ

ﻣﻮ ﺍﻧﻲ ﺯﻟﻢ ﻣﺸﻮﺭﺑﺔ ﺧﻮ ﻣﺘﺮﺩﻳﻨﻲ ﺍﺭﻭﺡ ﺍﻣﺪ ﺍﻟﻠﺴﺎﻥ ﻋﻠﻴﻬﻢ ﺣﺘﻰ ﻣﺎ ﻳﺼﻴﺮ ﻛﺘﻠﻲ ﻋﻤﻞ ﺷﻌﺒﻲ

ﻭﺻﻠﻨﺎ ﺑﻮﻗﺘﻬﺎ ﻟﻠﻜﻠﻴﺔ ﻭﺍﻧﻲ ﻋﻘﻠﻲ ﻳﻔﻜﺮ ﺑﻜﻼﻡ ﻗﺘﻴﺒﺔ ﺍﻱ

ﺻﺪﻙ ﺍﻧﻲ ﻟﻴﺶ ﻣﺎ ﺍﻛﺴﺮ ﺍﻟﺸﺮ ﻭﺍﻟﺒﺲ ﺟﺒﺔ ﺍﺳﻼﻣﻴﺔ ﺣﺘﻰ ﻣﻴﻠﺰﻣﻮﻫﺎ ﻋﻠﻴﺔ ﺣﺠﺔ

ﻭﺍﻧﻲ ﺩﺍﻣﺸﻲ ﻗﺮﻳﺐ ﻋﻠﻰ ﻛﺮﺍﺝ ﺍﻟﺴﻴﺎﺭﺍﺕ ﻭﺣﺴﻴﺖ ﻭﺑﺴﻴﺎﺭﺓ ﺿﺮﺑﺖ ﺭﺟﻠﻲ ﻭﺍﻧﻲ ﻣﻦ ﺧﻮﻓﻲ ﻋﻄﺖ ﻭﻭﻛﻌﺖ ﺑﺎﻟﻜﺎﻉ ﻭﺍﻟﻜﺘﺐ ﻭﮔﻌﺖ ﻣﻨﻲ ﻭﺳﻤﻌﺖ ﻋﻴﻄﺔ ﺳﺎﺭﺓ

- ﺳﻬﻰ ﺳﻬﻰ

ﺍﺟﺘﻲ ﻋﻠﻴﺔ ﻭﮔﻌﺪﺕ ﺗﻠﻢ ﺑﻐﺮﺍﺿﻲ ﻭﺍﻟﺴﺠﻼﺕ

ﻭﺷﻔﺖ ﻭﺍﺣﺪ ﻧﺰﻝ

ﻭﻳﺼﻴﺢ

- ﺛﻮﻝ ﺣﺘﻰ ﺛﻮﻝ ﺍﺩﺭﻱ ﺷﻨﻮ ﺣﻀﺮﺗﺞ ﻋﻤﻴﺔ

ﻣﺘﺸﻮﻓﻴﻦ ﮔﺪﺍﻣﺞ ﺷﺎﺭﻉ ﻋﺎﻡ

ﺍﻧﻲ ﺍﺳﻤﻊ ﺑﻜﻼﻣﺔ ﻭﻣﺪﻧﻜﺔ ﻭﻋﻴﻮﻧﻲ ﺍﻧﺘﺮﺳﺖ ﺩﻣﻊ ﻻ ﺑﻴﺔ ﺍﺣﺠﻲ ﺍﺧﺎﻑ ﺍﺣﺠﻲ ﻭﻳﮕﻌﺪ ﻳﻘﻠﻞ ﺍﺩﺑﺔ ﻋﻠﻴﺔ ﻭﻳﻈﻞ ﻳﺼﻴﺢ ﻭﻟﻮ ﺍﻧﻲ ﻟﻮ ﻋﻠﻴﺔ ﺍﻣﺪﻟﺔ ﺍﻟﻠﺴﺎﻥ ﻭﺍﻟﻌﺐ ﺑﻲ ﻃﻮﺑﺔ ﺑﺲ ﺍﺧﺎﻑ ﻭﺍﺣﺪ ﻳﺮﻭﺡ ﻳﺤﺠﻲ ﻻﺣﻤﺪ ﺍﺧﻮﻱ ﻭﻳﮕﻠﺔ ﺷﻔﻨﺎ ﺍﺧﺘﻚ ﺗﺘﻌﺎﺭﻙ ﻭﻳﺔ ﻭﺍﺣﺪ ﺣﺘﻰ ﻣﺎ ﮔﺒﻞ ﻳﺒﻄﻠﻨﻲ ﻫﺬﺍ ﺍﺫﺍ ﻣﺎﺳﺤﻠﻨﻲ

ﺳﻤﻌﺖ ﺳﺎﺭﺓ ﻇﻠﺖ ﺗﺤﺠﻲ ﻭﺗﺼﻴﺢ ﻋﻠﻴﻪ

ﻭﺍﻧﻲ ﻣﻔﺘﻬﻤﺖ

ﻫﻮﺷﻨﻮ ﺟﺎﻭﺑﻬﺔ ﺑﺲ ﺩﺧﻴﻠﻚ ﻳﺎﺭﺑﻲ ﺻﻮﺗﺔ ﻭﺍﻟﻠﻪ ﺑﻲ ﻧﺒﺮﺓ ﻣﻮﻃﺒﻴﻌﻴﺔ ﻳﻜﻮﻥ ﻣﻦ ﺍﻟﻨﻮﻉ ﺍﻟﺠﻮﻫﺮﻱ

ﺍﻧﻲ ﺑﻠﺤﻈﺘﻬﺎ ﺍﻟﺘﻬﻴﺖ ﺍﻧﻔﺾ ﺑﻤﻼﺑﺴﻲ ﻣﻦ ﺍﻟﺘﺮﺍﺏ ﻭﺍﺧﺬﺕ ﺟﻨﻄﺘﻲ ﻣﻦ ﺍﻟﮕﺎﻉ ﻭﻛﺎﻧﺖ ﺳﺠﻼﺗﻲ ﺑﻴﺪ ﺳﺎﺭﺓ ﻭﻛﻨﺖ ﺧﻠﻒ ﺳﺎﺭﺓ ﺭﺣﺖ ﺍﺗﻘﺪﻣﺖ ﻣﻨﻬﺎ ﻭﻣﺪﻳﺖ ﺍﻳﺪﻱ ﻋﻠﻰ ﺯﻧﺪﻫﺎ ﺣﺘﻰ ﺍﺳﺤﺒﻬﺎ

- ﺳﺎﺭﺓ ﻛﺎﻓﻲ ﻟﺘﺼﻴﺤﻴﻦ ﻋﻮﻓﻲ ﺗﺮﺓ ﻣﺒﻴﺔ ﺷﻲ

ﻳﺎﻟﻠﻪ ﺍﻣﺸﻲ ﺧﻞ ﻧﻠﺤﻚ ﻧﺮﻭﺡ ﻋﺎﻟﻤﺤﺎﺿﺮﺓ ﻟﺘﻔﻮﺗﻨﺎ

ﺭﻓﻌﺖ ﺭﺍﺳﻲ ﻭﺍﺟﺖ ﻋﻴﻮﻧﻲ ﻣﺘﺮﻭﺳﺔ ﺩﻣﻮﻉ ﻣﻨﺎﺯﻟﺔ ﺑﻌﻴﻮﻥ ﺍﻟﻮﻟﺪ ﺍﻟﻲ ﺩﻋﻤﻨﻲ ﺑﺴﻴﺎﺭﺗﺔ

ﻫﻮ ﺟﺎﻥ ﻳﺤﺠﻲ ﻭﻋﺼﺒﻲ ﻣﻦ ﺍﻟﺘﻘﺖ ﻧﻈﺮﺍﺗﻨﺎ ﺣﺴﻴﺖ ﺑﻲ ﻗﻄﻊ ﻛﻼﻣﻪ ﻭﻇﻞ ﻳﺒﺎﻭﻉ ﻋﻠﻴﺔ

ﻳﺘﺒﻊ