تاريخ النشر : 08/15/2024, 13:35:33

 

 

الكاتبه: نور علي

 

مره 

شفت الدنيا مطرت

رحت ضميت الرسايل 

خاف يتبلل حچينه 

 

تصويت القصه متابعه الحساب واتباد تصويت بين الفقرات مهم جداً تعليقاتكم الحلوه بين كل فقرة لاتنسون انا احبكم مؤنساتي 🥺 💜 🫂 

 

__________لَهب البارود___

 

بسم ﷲ الرحمن الرحيم"

 

باهر " _ بقيت مدد ادحج على الحياطين الغرفه ماعرف شوكت نمت ماعرف اذا بارود صدك نام لو بس يتهرب، 

 

بارود "

 

نايم حسيت بثگل كسر ضهري فتحت عيوني، شفته باهر ، دفرته عني وگمت ، لك الف مره كتلك لاتنام يمي كوم باهرررررر ، 

 

باهر " فزيت على صوته شبيك من الصبح بس جوعر ،؟

 

_ كمل كلامه ورجع نام على بطنه 

كوووم نايم على ضهري عايز تعب انا كسرتني ،

 

_ احجي وانا على وضيعتي نايم، 

خليني انام بعد شويه روح انتَ مو عندك شغل 

 

_ شفت ماكو فايده من لحجي وياه نهضت الكنتور طلعت بدلتي ، توجهت الحمام سبحت وطلعت دحج بعده نايم ، البست البدله وجهزت نفسي اخذت اغراضي نزلت على درج سمعت صوتهم كاعدين ، صباح الخير ياجماعه ، 

 

ام بارود " صباح النور يروح امك تعال تريك ، 

 

_ دحجت عليها كاعده 

لا يمه رايح وراي شغل اودعناكم ، رجعت خطوتين باهر نايم فوك مو تنسونه بدون ريوك ، وطلعت، 

 

ام بارود "  ياا شوكت اجه ؟

 

دارين " بليل اجه شفته قبل لا انام 

 

ام دارين " ليش بقيتي كاعده ؟

 

_ عزاا شلون حجيت نسيت امي موجوده  

ها لا نمت بس كعدت شربت مي وشفته يعني هيج صدفه ، مشه اليوم روتين عادي بارود ماكو انا منتظره يجي اليل حتى يكمل السالفه 

 

بارود " من الصبح اليل شغل نهد حيلي، خلصت وطلعت بالطريق امشي  ، كل القضايه والجرايم اشوفها واسمعها اجت بالي، صار ضجيج بعقلي ، وصلت للبيت احس كل تعبي راح ،تلكتني امي بوجها يضحك وكلامها ماكو منه ، هلا يبعد العافيه ، 

 

ام بارود " شلونك يمه عساك ماتعبت ، 

 

_ تقربت عليها بست راسها 

يشوفج مايبقئ بي تعب دخلنه الصاله سوه جان لكل كاعد بيت عمتي وباهر يسولف مع دارين ، شلونكم يابه  

 

باهر " نايم وبحلات النومه سمعت الباب تكسر ، منووووو ؟

 

دارين " الدنيا ضهر وقت غده عمتي تكول خلي يجي يتغده بسرعه ، 

 

_ تربعت دحجت الساعه بـ12 

ايي جاي روحي انتِ ،

 

_ حتى مافتح الباب  مو صوچك صوجي انا اجي اصيحك عفته ومشيت 

 

_ باهر  غسلت نزلت شلونكم بيت عمي العزيز ،

 

ام بارود " هلا عمه، غير تكعد تأكل الكمه 

 

_ كعدت بصفها  

عمه ابنج ماخلاني انام كعدني وياه الصبح عباله جندي عنده، عمه انا تعبت من ابنج اريد اطلب الطلاك منه ، 

 

_ ضربته على راسه

ماجوز من هاي سوالفك عيب ولك، شكبرك بعد تصير .

 

_ الزمت راسي شبيج عمه ايدج شثكلها مثل ايد ابنج ، 

 

_ أكل عوف سوالف هاي  

 

دارين " متت على سوالف باهر عنده اسلوب حلو وشلون يقلد مثل الحقيقه ماخذ دور مرت بارود ، علاقتهم تجنن، خلص النهار واجه اليل المنتظر  ، كاعده احجي ويه باهر  ودخل بارود، لازم ايد امه وحاضنها تحت ايده، سلم وكعد، انا عَاين علي بكل الهفه ، 

 

بارود" ها باهر شوكت كعدت ؟

 

ام بارود " ياا اسمع شيكول عليك 

 

باهر " طفرت عليها على بختج عمه لاتفضحيني ابنج تعبان هسه يطلع التعب بيه ،

 

_ وخرت منه

لا خلي يسمع ، اسمع يكول ابنج ماخلاني انام كعدني من الصبح ويريد يطلك منك بالله هذا حجي ؟

 

بارود " دحج علي ايي باهر ، وانا اكف اردان قميصي، تريد تطلك مو ، بسرعه گضبته وين تروح مني .

 

باهر " شفته تقدم ويكف اردانه ، ردت اشرد بس الزمني ، لا شبيك اتشاقه هاي عمتي ماتحمل شقه ، 

 

_ الزمته بين ايديه وعصرته حيل 

ماتوب انتَ مني ماجوز ؟

 

_ عصرني عصر 

لا عليك الله كافي مصاريني راح تطلع ، راح اتوب وداعتك بعد ماحجي هيج بس عوفني ، ولج عمه متت ابنج راح يموتني .

 

ام بارود " انا مادخل بينكم

 

_ عجل بس تسوين فتنه عليه ، اشو هدني وخر عمي متت وراي اهل تريد تزوجني ، 

 

بارود " جوز؟مني لاموتك ، عفته وكعدت ، فحطان شربت مي ، 

 

دارين " خلص العشه وتعلوله ، لكل راح ينام، بس انا هاي فرصه بقيت انتظر شويه حتى تاكد محد كاعد ، طلعت شفت البيت هدوء  ماكو احد ، مشيت على اطراف اصابيعي ، وصلت غرفته كيت الباب على كيف كوه تنسمع، 

 

بارود " كاعد اشغل على اوراق سمعت دكة الباب، نهضت متوجهه الباب ، لان اعرف منو وراه فتحته شفتها تتلفت يميين ويسار ، هاا بويه خيرج،؟

 

_ ماصدكت نفتح الباب دخلت بسرعه وسديته وراي ، احس امي راح تلزمني ، اخذت نفس تأكدت محد وراي ، عَاينت علي، جان واكف ويدحج عليه وجكارته بيده ، تحمحمت  تكمل السالفه ؟؟

 

_ دحجتها، بويه انتِ بهاي سوالفج طايح حظها هسه يشوفج واحد يفهم غلط بعد ممنوع تجين الغرفتي ، 

 

_ عصرت اصابعي حيل ، 

مو قصدي شي بس اريد اعرف وانتَ تعرف ماكدر احجي بوجود احد ولا انتَ بالنهار هنا ماكو فرصه غير بليل .

 

_ كعدت على مكتبي 

هذا مو معنى تجين شوكت ماتردين هاي التصرفات غلط وتنحسب عليج لان بنيه، اذا شافج احد بهاي الطريقه تجيج راح يفكرج بيج بامور ماتليق بتربيتج، صح لو لا ؟

 

_ دنكت راسي من الخجل

ايي صح انا ماعندي وقت غير هيج امي ماتقبل  نكعد سوه ولا نطلع بعد شلون اعرف منك

 

_ مسح على شواربه بيده 

زين يابه هسه ماريدج تبقين هنا روحي الحديقه على اقل اذا شافج احد كولي كاعدين هنا بالغرفه، تبقين اكبر غلط ، روحي جدامي جايج ،

 

_ كطعت اصابعي من الخجل 

تمام رايحه، طلعت بسرعه حتى مافكرت احد يشوفني، لان كلامه صح ، مافكرت هيج ابد جان كل همي اعرف الحقيقه منه ، هيَ تكول هوَ غلط ، وهوَ يكول هيَ غلط محد يعرف الصار ، كعدت بالحديقة جو بي بروده شويه هوئ حلو يحوك الاشجار وظلام محتل السماء النجوم تبرق برق بين الظلام مثل الحقيقه اذا رادت تضهر ، تضهر لو مو ظلام يغطيها  ، انا قبل لا روح اكيد راح اعوف كلشي ، سمعت خطوات ،بسرعه عَاينت شفته هوَ 

 

بارود " كعدت مقابلها، اسمعي 

 

(عوده الماضي )

 

 

 

 

بارود : - اي يمه گعدت گمت غسلت دحگت باهر گاعد ولا حس دحگت عمي وابوي موجدين عرفت السبب وله باهر مايسكت السانه برنو يگش الغيم سمعت عمي گال. باهر 

 

باهر: - نايم بالديوان فززني صوت ابوي گعدت ها ابويه 

 

الاب : - حدر يول ليش چاتل ابن عمتك اجت هينا اشتكت منك هاي مو اول مره عمك يستر عليك 

 

باهر: - ابويه يغلط علي انا تدري بيا ماسكت اذا احد غلط عليك موش انا عايل وصي عمتي ترد ابنها عني 

 

بارود: - غسلت وجهي رحت عليهم شلونك عمي گعدت يم باهر 

 

العم: - هلا انت هم تستر على عمايله 

 

بارود: - على شنو اتستر باهر ماعايله هو ابن اختك مايركد،  عمي دحگ بينه وسكت ندست باهر شلون عرف مو ابوي ماوصله شي؟ 

 

باهر : - ماكو سالفه تنضم على ابوي يلگفها وهي طايره تريد مايدري بهاي عجل عمتي تسكت هسع الديره كلها تدري تعلمني بيها 

 

بارود : - اي والله نسيت عمايل عمتي كلهن سود ويانه بس الحگ احنا نعيل بيها هذا ابنها شبع چتل 

 

باهر : - خلي حتى يصير رجال 

 

بارود : - ههههههه يول شيصير بعد 

 

باهر: - عجل مو يگولون رجال مايصير رجال إذا مانطگ انا اريد اسوي رجال 

 

بارود : - هههههه اسكت يول لايسمعك عمي ههه  

 

باهر: - اسكت ضحكتك فضحتنه دحگ ابوي شلون يدحگ علينه گوم بسرعه نطلع 

 

بارود: - اي يلاا رحنا نتمشى بنص البستان نهاية البستان الساگيه نسولف سوه راح نصير مدرسة يمكن حتى على البستان مايخلونه نطلع ذكرت بعد يومين تجي روز فز گلبي يول يومين وتجي روز 

 

باهر : - اي ادري موش تنساني يول بس اختها المغثه تفتر علي انا الساني متبري مني مو بعدين گلتو باهر عايل 

 

بارود : - ههه ادري بيك وصلنه الساگيه حدر هينا يول گعدنه نلعب بالماي اخذنه الوكت نلعب ونضحك دحگت السماء حمره غربت تغيب دحگ يول تأخرنه امشي لك باهر رجعنه ركض البيت طرينه البستان وصلت البيت صاحت علي امي گالت حدر هينا وين چنت ادور عليك تعال جاي اغسل مسكت ايديه غسلتهن بيدها وجهي ادحگ عليها بعين وحده اخاف الماي يدخل بعيني افتح وحده واغمض الثانيه بيدها مبلله مسحت على شعري ابسمت لها ركضت قبل باهر دخلت الكل گاعدين مرت عمي تحضر السفره دحگني ابوي 

 

الاب: - هلا سبعي وين چنت عليش تركض 

 

بارود : - هلا يابه سبقت باهر گعدت بصحفه دحگت وجه مبتسم الي 

 

الجده: - باروده وين بوهر والكم انا مو ندهتلكم ليش محد اجاني ها 

 

بارود : - جده اسمي بارود مو باروده باهر مو بوهر شوهتي الأسماء كلها بعدين انا محد گالي انتِ ترديني باهر مادري عنه هذاك هو  دخل باهر 

 

باهر : -  هلا هلا جدي العزيز  شلونج جدجوده بفراگي 

 

الجده : - الغبر شنو جدجوده من اگوم اكسر رجليك هسع عجل مو صار اربع ايام اصيحك ليش ماطل علي  

 

باهر : - والله جده مستقال منج انا بعد لادزين علي انتِ بس وكت مصلحتج ترديني من تخلص تكسرين رجليه 

 

الجده : - خايب انت اغم موش تجيبك الدورب علي 

 

باهر : -  جدي موجود الله لايعوزني لج ادري بيج تموت على فلس شوفي جدي بعده شباب جدي خلي ابوي يزوجك جدتي كبرت من فدوه هل وجه دحگي شوارب يول انا من أكبر تصير عندي هيج شوارب يول يابه 

 

الجد: - موش اگوم تراني ساكت لك صار ساعه 

 

باهر : - أفا عجل انا بعت جدتي الخاطرك تحجي علي هيج 

 

بارود : -  سوالف باهر عمي صاح بي سكتت  صبوا العشه  ابوي وعمي يحجون على ناس متعارك وياهم عمي ماخليت بالي شي بقيت اكل كملنه العشه ركض باهر وانا وراه منو يوصل يغسل اول غسلنه مدافر نفس الركضه صعدنه فوگ السطح نلعب وندحگ البيوت من فوگ عليها ضوء تصير حلوه 

 

ابو بارود : -  مايصير ابو باهر يااخويه تعارك وياهم وحدك هذول ناس شرانين كل الناس تعرفهم بس الطلايب وراهم انا اخاف عليك منهم بعد أخذ حذرك منهم ترا غدارين 

 

ابو باهر : - انا سمعت حچي منه يحچي بين الناس تردين اسكت عنه مو لازم اعرف شنو هذا الحچي منو گاله سئلت طلعت هو ماكو غيره هل مرا انا ماسكت لازم اخلي له حد مايجاوز بعد 

 

الجد : - انا احلها راح اجمع اكبار العشيره واحچيلهم السالفه حتى نلگه حل ونشوف شنو نسوي انتوا لاتسوين شي بدون علمي 

 

ابو بارود : - بويه انت شوف شنو الحل احنا نسوي موش نضل ساكتين  

 

ابو باهر : -  هذا موسم الحصاد اجه ارض السنه بيها أرباح خلي نبيع المحصود حتى نرجع على البستان 

 

ابو بارود : -  عدنا خير من الله ارض نبيع محصودها نتقاسمه علينه حتى بنوات لهن حصه 

 

الجد : - بارك الله بيكم مانسيتو اخواتكم  ان شاء الله خير 

 

ابو بارود : - عجل شلون انسئ يابه 

 

بارود : -  خلي نزل باهر نزلنه گعدنه يمهم يحچون بسالفه مدري ايش تعال باهر دخلت الحجرة الگيت فراشي ممدود حطيت فراش ال- باهر  نام هينا بقينه نحچي ماحسينه شلون غفينه 

 

روز : -  مر ايام مو حلوه وانا اريد بس يخلص السبوع حتى اروح الخوالي بليل اجوا يمنه بيت عمتي ابنها يفتر وراي يريد العب وياه بس انا ماحبيته زهكت منه گلت والله اگول ال بارود عليك اخلي يكتلك لاتجي وراي بعد بقئ يباوع علي چنت من اضوج من احد او شي مايجي على بالي غير بارود أخوف الكل بي طول الگعده ولد يم امه بس يخوز بيا انا ادحگ اگلب عيوني حتى يخاف وتوعد له 

 

بارود: - گعدت باهر نايم يمي ندهته باهر اگعد باهرررر 

 

باهر : -  فزيت على صياح دحگت بارود شبيك 

 

بارود: - گوم نتريگ جوعان طلعت غسلت الگيت ريوگ جاهز الخبر حار صباح الخير يابه گعدت جنب ابوي امي حطت اكل جدامي بديت اكل چنت جوعان يمه كثري 

 

الام : - عافيات يمه اكل على مهل لاتطلع بعيد ابوك وعمك عدهم مشىكه وي ناس 

 

الأب : - دحگ سبعي لاتطلع خارج البيت بين مانحل طلابه وي الناس عينك على امك والبنوات 

 

بارود: - تامر يابه رجعت اكل ماخذت كلامه بجد عبالي بس خوف علينه ابوي طلع يهجز الديوان تجي ناس اجه باهر تريگ بساعك اكل ادحگ على عمال تشتغل يلا باهر بساع البستان راح يحون المحصول خلي نروح اجيب فواكه مسكت باهر طلعنه ركض على بستان بنهاية شجرة توت وكل نواع الشجار كلهن كبار بس شجرة التوت صغيره نازل منها اگدر اقطف منه مثل كل مرا انا اوصل اول واحد باهر اخير اجه يسحب النفس گوه ضحكت علي يلاا بدينه نقطف توت اخذنه هواي منه خلي نروح على الساگيه نغسله وناكل حتى نرجع قبل جيه ابوي وعمي رحنه على الساگيه گعدت اغسل واكل طيب حيل 

 

باهر : - عجل ابوك مو گال لااحد يطلع ولك خاف بيها كارثه طلعتنه هسه دحگ ترا ابوي يفسخ عظامنه تفسخ 

 

بارود : -  لاا هسع نرجع احچي وي باهر شفت خيال واحد وراه الشجره ندست باهر لاطالع وراك احد 

 

باهر : - وين صاير؟ 

 

بارود: - وراه شجرة الغلنطوز لادحگ خلك هيج گمت مشيت على مهل وصلت الشجرة ماكو احد دحگت بكل مكان ماكو راح يلا باهر بساع نرجع نخبر ابوي وعمي تركنه كل شي من ايدينه رجعنه ركض على البيت البستان محد يگدر يوصله شلون هذا دخل 

 

ام بارود : -  دورت بارود وباهر ماكو گلت ابو بارود وليدي ماكو طلع وي باهر مدري وينه 

 

ابو بارود : - عجل انا مو وصيته مايطلع شفتها خايفه وغلقه لاتخافين هسع انا طالع اشوفه وين حتمال وي عمه يجمع المحصول طلعت دورت سئلت ماكو حتى باهر صرنه ندور بالديرة وين راح عجل؟ 

 

ابو باهر : - حتى باهر ماكو خلينه انشوف البستان همه يرحون هناك تانطلع صارت مشكله برا شفتهم همه نفسهم دخلت الديوان سمعت حچيهم ماتحملت تكاونت وياهم صار غلط مني ومنهم تدخلت ناس كبار بيها مانحلت المشكله نسيت سالفه باهر وبارود  

 

باهر: - عمي حذرك عجل ليش خليتنه نطلع دحگ ورانه اخاف يجي 

 

بارود : - عبالي يخوفني ماكو شي جاي نمشي بداية البستان باهر انت اركض لاتوگف ابدد دحگ علي مسكته دحگ يول اركض على البيت ولا دحگ وراك يلاا باهر بساع يلاا حسيتهم وراي روح بساع 

 

باهر : -  ماعوفك بارود ماعوفك وحدك نرجع سويه احس بيهم گراب منه درت وجهي دحگ اخطف بساع صار وراه شجرة شفته بارود شفته هناك يمكن بس واحد 

 

بارود : - باهر روح حتى تخبر اهلي مو ثنينه روح لادحگ كل مرا انا افوز عليك بس هل مرا انت اركض ابد لادحگ عليه خوش باهر 

 

باهر : -  ماعوفك وحدك مو تواعدنه نبقى سوا شلون اروح وانت تبقى خلي نهرب سوا؟ 

 

بارود: - همه يردون واحد منه اذا هربه الاثنين  مانخلص منهم انا اگولك روح  باهر روح عليش ادحگ روح بساع 

 

باهر : -  دحگت وجه انا رايح أخبر ابوي وعمي نرجع ناخذك انتبه لنفسك بارود طريت الحشيش اكو مثل نهر مال ماي بس جاف صاير علي حشيش وأشجار نزلت بي ركضت على البيت مادحگت وراي شصار بعد 

 

بارود : - بقيت بمكاني ادحگ باهر حسيت احد مسك بيدي سحبني حيل بس دحگت وجه جان ملثم....؟ 

 

.يتبع...........؟؟؟؟!!!! 

 

يتبع تصويت القصه متابعه الحساب واتباد تصويت بين الفقرات مهم جداً تعليقاتكم الحلوه بين كل فقرة لاتنسون انا احبكم مؤنساتي 🥺 💜 🫂 توقعاتكم البارت الجاي؟ 

شاركوا القصه الكل اصدقائكم 

 

#الكاتبة نور علي "