تاريخ النشر : 07/30/2024, 12:38:50

رواية إلتقينا صدفه الجزء السابع 

.. 

ﻫﺒﻪ ..

ﺑﻌﺪ ﻣﺎﻃﻠﻊ ﻋﻤﺎﺭ ﻧﻤﺖ ﻣﻦ ﺍﻟﺘﻌﺐ ﺣﺴﻴﺖ ﺍﻛﻮ ﻫﻢ ﺍﻧﺰﺍﺡ ﻣﻨﻲ ﻣﻦ ﺷﻜﻴﺖ ﺣﺎﻟﻲ ﻭﻗﺼﺘﻲ ﺍﻟﻪ ﺣﺴﻴﺖ ﻋﻨﺪﻱ ﻇﻬﺮ ﻭﺳﻨﺪ ﺍﻛﺪﺭ ﺍﺳﺘﻨﺪ ﻋﻠﻴﻪ .. ﻛﻌﺪﺕ ﺍﻟﺼﺒﺢ ﺑﺎﻭﻋﺖ ﻣﻦ ﺍﻟﺸﺒﺎﻙ ﻋﻠﻰ ﺍﻟﺸﻤﺲ ﻭﺷﻠﻮﻥ ﺑﺪﺕ ﺍﻟﺪﻧﻴﺎ ﺗﺼﺤﻲ ﻭﺻﻮﺕ ﺍﻟﻌﺼﺎﻓﻴﺮ ﻭﻣﻨﻈﺮ ﺍﻟﺤﻤﺎﻡ ﺣﺴﻴﺖ ﺭﻭﺣﻲ ﻣﺮﺗﺎﺣﻪ ﺍﻛﺜﺮ ﻣﻦ ﺍﻱ ﻭﻗﺖ ﻣﻀﻰ ﺩﻋﻴﺖ ﺭﺑﻲ ﻭﻃﻠﺒﺖ ﻣﻨﻪ ﺃﻧﻪ ﻣﻴﻨﺴﺎﻧﻲ ﻭﺍﻥ ﺗﻨﺤﻞ ﻣﺸﻜﻠﺘﻲ ﻭﻳﻌﺮﻑ ﺍﺑﻮﻳﻪ ﺍﻟﺤﻘﻴﻘﻪ ﻭﻛﻞ ﺍﻟﻲ ﺻﺎﺭ ﺑﻴﻪ ﺳﺒﺒﻪ ﺇﻫﻤﺎﻟﻪ ﻗﺒﻞ ﻛﻠﺸﻲ ﺻﺢ ﻋﻠﻲ ﺍﻋﺘﺪﻯ ﻋﻠﻴﻪ ﻟﻜﻦ ﻣﻨﻮ ﺍﻟﻲ ﺧﻼﻧﻲ ﻟﻜﻤﻪ ﺳﻬﻠﻪ ﻟﻌﻠﻲ ﻏﻴﺮ ﺍﺑﻮﻳﻪ ﻫﻮ ﺍﻟﻲ ﺷﻤﺮﻧﻲ ﻋﻠﻴﻬﻢ ﻭﺗﺮﻛﻨﻲ ﻭﻳﻦ ﺣﺒﻪ ﺍﻟﻲ ﺟﺎﻥ ﺭﺍﻓﺾ ﺍﻟﺰﻭﺍﺝ ﻭﻣﻦ ﺗﺰﻭﺝ ﺣﺘﻰ ﺍﻧﻲ ﺍﺭﺗﺎﺡ ﻣﻦ ﻣﺴﺆﻭﻟﻴﻪ ﺍﻟﺒﻴﺖ ﺗﺎﻟﻲ ﻳﺬﺑﻨﻲ ﺑﺎﻟﺸﺎﺭﻉ ﻭﻳﺨﻠﻴﻨﻲ ﻟﻜﻤﻪ ﺳﻬﻠﻪ ﻟﻌﻠﻲ ﻭﻟﻐﻴﺮﻩ .. ﺟﺎﻥ ﻫﻤﻲ ﺧﺎﻟﻲ ﺧﻔﺖ ﻋﻠﻴﻪ ﻛﻠﺶ ﻣﻦ ﺧﻴﺮﻳﻪ ﺍﺫﺍ ﻋﺮﻓﺖ ﺍﻻﻣﻼﻙ ﻛﻠﻬﺎ ﺑﺎﺳﻤﻲ ﺷﺮﺍﺡ ﺗﻌﻤﻞ ﺑﻴﻪ ﻭﺍﻛﻴﺪ ﻫﺴﻪ ﻫﻮ ﻗﻠﻖ ﻋﻠﻴﻪ ...

ﺻﺎﺭﺕ ﺍﻟﺴﺎﻋﻪ ﻋﺸﺮﻩ ﻭﺍﻧﻲ ﻛﺎﻋﺪﺓ ﺍﻧﺘﻈﺮ ﻭﻣﺎﺍﺟﺎ ﻋﻤﺎﺭ ﻭﻳﻦ ﺻﺎﺭ .. ﻧﺰﻟﺖ ﺍﺩﻭﺭ ﻋﻠﻰ ﺻﺪﻳﻘﻪ ﻣﺤﻤﺪ ﻣﺎﻟﻜﻴﺘﻪ ﻭﺍﻧﻲ ﺑﺲ ﺍﻋﺮﻑ ﺍﺳﻤﻪ ﻣﺤﻤﺪ ﻭﻛﻢ ﺷﺨﺺ ﺑﻬﺎﻻﺳﻢ ﺻﺎﺭﺕ ﺍﻟﺴﺎﻋﻪ ١٢ ﺍﻟﻈﻬﺮ ﻭﻋﻤﺎﺭ ﻣﺎﺑﻴﻦ ﻻ ﻣﺴﺘﺤﻴﻞ ﻋﻤﺎﺭ ﻳﻌﻮﻓﻨﻲ ﺍﻻ ﺍﻛﻮ ﺷﻲ .. ﻃﻠﻌﺖ ﻣﻦ ﺍﻟﻐﺮﻓﻪ ﻭﺳﻠﻤﺘﻬﺎ ﻭﻧﺰﻟﺖ ﺍﻧﺘﻈﺮ ﺟﻮﺓ ﺑﻠﻜﺖ ﻳﺠﻲ ﻣﺮﺕ ﺳﺎﻋﺘﻴﻦ ﻭﻫﻮ ﻣﺎﻛﻮ ﻛﻠﺖ ﺑﻌﺪ ﻣﺎﻳﺠﻲ ﺍﻛﻴﺪ ﺻﺎﺭ ﺷﻲ ..

ﻓﺘﺤﺖ ﺟﻨﻄﺘﻲ ﺑﻴﻬﺎ ﺭﻗﻢ ﺗﻠﻔﻮﻧﻪ ﺍﻟﻲ ﻧﻄﺎﻧﻲ ﺇﻳﺎﻩ ﻭﻛﻠﺖ ﺧﻠﻲ ﺍﺗﺼﻞ ﻭﺍﺷﻮﻑ ﻟﻴﺶ ﻣﺎﺍﺟﺎ ﻻﻥ ﻫﻮ ﻧﻄﺎﻧﻲ ﺍﻟﺮﻗﻢ ﻭﻛﺎﻝ ﺍﺣﺘﻔﻀﻲ ﺑﻴﻪ ﻛﻠﺸﻲ ﻳﺼﻴﺮ ..

ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻭﺩﻭﺭﺕ ﻣﻮﺑﺎﻳﻞ ﺍﺗﺼﻞ ﺑﻴﻪ ﻣﺎﻋﺮﻓﺖ ﻣﻨﻴﻦ ﺍﺟﻴﺐ .. ﻣﺮﺕ ﺑﻨﻴﻪ ﺷﺎﺑﻪ ﻭﺳﺄﻟﺘﻬﺎ ..

ﺍﺭﺟﻮﺝ ﻣﻤﻜﻦ ﺳﺆﺍﻝ ..

ﺍﺭﻳﺪ ﺍﺗﺼﻞ ﺑﻤﻮﺑﺎﻳﻞ ﺷﻠﻮﻥ ﻭﻳﻦ ﺍﺭﻭﺡ ﺍﻧﻲ ﺗﻴﻬﺖ ﺩﺭﺑﻲ ..

ﻣﻮ ﻣﺸﻜﻠﻪ ﺍﺗﺼﻠﻲ ﺑﺘﻠﻔﻮﻧﻲ ..

ﺍﺧﺎﻑ ﺯﺣﻤﻪ ﻋﻠﻴﺞ ..

ﻻ ﺍﺧﺘﻲ ﻣﺎﻛﻮ ﺯﺣﻤﻪ ﺍﻟﻠﻪ ﻳﺴﻬﻞ ﺍﻣﺮﺝ ..

ﺍﺗﺼﻠﺖ ﻋﻠﻰ ﺭﻗﻢ ﺗﻠﻔﻮﻧﻪ ﻣﺤﺪ ﻳﺮﺩ ﻭﺗﺎﻟﻲ ﺭﺩﺕ ﻋﻠﻴﻪ ﺑﻨﻴﻪ ﺷﺎﺑﻪ ﻛﺎﻟﺖ ﺍﺗﻔﻀﻠﻲ ..

ﻛﺘﻠﻬﺎ ﺍﻟﻌﻔﻮ ﻫﺬﺍ ﻣﻮ ﺗﻴﻠﻔﻮﻥ ﻋﻤﺎﺭ ..

ﺟﺎﻭﺑﺖ ﺑﺨﺸﻮﻧﻪ ..

ﻣﻨﻮ ﺍﻧﺘﻲ ..

ﺍﻧﻲ .. ﺍﻧﻲ .. ﻣﺤﺘﺎﺟﻪ ﻣﺴﺎﻋﺪﺓ ﻣﻨﻪ ﺍﻧﺘﻲ ﺃﺧﺘﻪ ﻣﺮﻳﻢ

ﻻ ﺍﻧﻲ ﺯﻭﺟﺘﻪ ..

ﺍﻧﺼﺪﻣﺖ ﻫﺒﻪ ﻣﻦ ﺳﻤﻌﺖ ﺑﻴﻪ ﻣﺘﺰﻭﺝ ..

ﺍﺭﺟﻮﺝ ﺑﺲ ﻛﻮﻟﻴﻠﻪ ﻫﺒﻪ ﺳﺎﻟﺖ ﻋﻠﻴﻚ ..

ﻭﺍﻧﻲ ﺣﺎﺍﺗﺼﻞ ﺑﻴﻪ ﻣﺮﺓ ﺛﺎﻧﻴﻪ ..

ﺳﺪﺕ ﺍﻟﺘﻠﻔﻮﻥ ﻗﺒﻞ ﻣﺎﺍﻛﻤﻞ ﻛﻼﻣﻲ .. ﺍﻧﻄﻴﺖ ﺍﻟﺘﻠﻔﻮﻥ ﻟﻠﺒﻨﻴﻪ ﻭﺗﺸﻜﺮﺕ ﻣﻨﻬﺎ ﻫﻮﺍﻱ ﻭﺑﺪﻭﻥ ﺷﻌﻮﺭ ﻭﺇﺣﺴﺎﺱ ﻛﻤﺖ ﺍﻣﺸﻲ ﺳﺮﻳﻊ ﻭﺍﺑﺠﻲ ﺑﺠﻴﺖ ﻭﺗﺬﻛﺮﺕ ﺍﻣﻲ ﻭﺑﻴﺒﻲ ﺗﺬﻛﺮﺕ ﻃﻔﻮﻟﺘﻲ ﺍﻟﻲ ﻗﺘﻠﺘﻬﺎ ﻧﺎﺩﻳﻪ ﻭﺍﺑﻮﻳﻪ .. ﺗﺬﻛﺮﺕ ﺧﺎﻟﻲ ﺷﻠﻮﻥ ﺍﺣﺘﻀﻨﻲ ﻭﺧﻴﺮﻳﻪ ﺍﻟﻲ ﺫﻟﺘﻨﻲ ﻭﺗﺘﺎﻣﺮ ﻋﻠﻴﻪ ﺑﺎﻟﺸﻐﻞ ﺟﻨﺖ ﺍﺗﻤﻨﻰ ﺗﺒﺘﺴﻢ ﺍﻟﻲ ﺣﺘﻰ ﻣﺎﺍﺣﺲ ﺑﺎﻟﺬﻝ ﺑﻴﺘﻬﺎ ﻭﺗﺬﻛﺮﺕ ﻋﻠﻲ ﺍﻟﻲ ﺟﺎﻥ ﻳﺒﺎﻭﻉ ﻋﻠﻴﻪ ﺣﺘﻰ ﻣﻦ ﺯﺭﻑ ﺑﺎﺏ ﺍﻟﺤﻤﺎﻡ ﻭﻳﺎﻛﻠﻨﻲ ﺑﻌﻴﻮﻧﻪ ﺣﺘﻰ ﻣﻦ ﺍﻛﻞ ﺍﻟﻠﻜﻤﻪ ﻳﻤﻬﻢ ﻭﻳﺤﺎﻭﻝ ﺣﺘﻰ ﻳﺘﻠﺬﺫ ﺑﺎﻃﺮﺍﻑ ﺍﺻﺎﺑﻌﻲ ﻣﻦ ﻳﻄﻠﺐ ﻣﻨﻲ ﺷﻲ ﻭﺍﻧﻄﻴﻬﺎ ﺍﻟﻪ ﻭﺍﺧﺮﻫﺎ ﺑﺎﻟﺤﻴﻠﻪ ﺍﻏﺎﻧﻲ ﻭﺧﺪﻋﻨﻲ ﻭﺩﺧﻞ ﻟﻠﻐﺮﻓﻪ ﻣﻦ ﺳﻮﺓ ﺻﻮﺕ ﻭﺣﺮﻛﻪ ﺑﺎﻟﺒﺎﺏ ﻭﺩﺧﻞ ﻋﻠﻴﻪ ﻭﺍﻏﺘﺼﺒﻨﻲ ... ﻟﺤﺪ ﻣﺎﺍﻧﻬﺰﻣﺖ ﻣﻦ ﺍﻟﻤﻮﺕ ﻭﺍﻧﻲ ﺍﻧﺰﻑ ﻭﺷﻔﺘﻪ .. ﺷﺎﻟﻨﻲ ﺑﺎﻳﺪﻩ ﺍﻭ ﻭﺩﺍﻧﻲ ﻟﻠﻤﺴﺘﺸﻔﻰ ﺍﺣﺘﻀﻨﻲ ﺑﺤﻨﺎﻧﻪ ﺍﻭ ﺟﺎﺏ ﺍﻻﻛﻞ ﻛﺪﺍﻣﻲ ﺟﺎﻥ ﻳﺘﻮﺳﻞ ﺑﻴﻪ ﺣﺘﻰ ﺍﻛﻞ ﻭﻳﺒﺎﻭﻉ ﻋﻠﻴﻪ ﺑﻨﻈﺮﺓ ﺣﻨﺎﻥ ... ﺑﺲ ﻳﻤﻜﻦ ﻣﺎﻛﻮ ﺷﻲ ﺍﺳﻤﻪ ﺣﺐ ﺍﻟﺤﺐ ﺍﻧﺘﻬﻰ ﻭﺭﺍﺡ .. ﻭﻃﻠﻊ ﻣﺘﺰﻭﺝ ﻭﻳﻤﻜﻦ ﺣﺘﻰ ﻋﻨﺪﻩ ﺍﻃﻔﺎﻝ ..

ﻣﺸﻴﺖ ﺑﺸﺎﺭﻉ ﻭﺍﻧﻲ ﻣﺎﺍﻋﺮﻑ ﺍﻟﻤﻦ ﺍﺭﻭﺡ ﻣﺎﻛﻮ ﻏﻴﺮ ﺍﺭﻭﺡ ﻟﻠﺒﻴﺖ ﺍﻟﻲ ﺳﺠﻠﻪ ﺑﺎﺳﻤﻲ ﺧﺎﻟﻲ ﻭﺃﺧﺬ ﺍﻻﻳﺠﺎﺭ ﻣﻨﻬﻢ ﻭﺍﻛﻌﺪ ﺑﻔﻨﺪﻕ .. ﺍﻟﺒﻴﺖ ﺟﺎﻥ ﺻﻐﻴﺮ ﻭﻋﻨﻮﺍﻧﻪ ﺣﺎﻓﻀﺘﻪ ﺑﺲ ﺟﻨﺖ ﺍﺗﻮﻗﻊ ﻣﺮﺍﺡ ﺍﻟﻜﺎﻩ ﺑﺴﻬﻮﻟﻪ ﺭﺣﺖ ﺍﻟﻤﻨﻄﻘﻪ ﻭﻣﺎﺍﻧﺪﻟﻴﺖ ﺍﻟﺒﻴﺖ ﺍﻻ ﺭﺣﺖ ﻋﻠﻰ ﺩﻻْﻝ ﻭﻫﻮ ﻳﻨﺪﻝ ﺍﻟﺒﻴﻮﺕ ﻛﻠﻬﺎ ﻭﺍﺳﺘﻐﺮﺏ ﻻﻥ ﻣﺎﺍﻧﺪﻝ ﺑﻴﺖ ﺍﻧﻲ ﺻﺎﺣﺒﺘﻪ ﻛﺘﻠﻪ ﺳﺎﻟﻔﻪ ﻃﻮﻳﻠﻪ ﻣﻮ ﻣﺎﻝ ﺃﺳﻮﻟﻔﻬﺎ ﺍﻟﻚ ﺍﻭ ﻭﺩﺍﻧﻲ ﻫﻮ ﺑﻨﻔﺴﻪ ﻟﻠﺒﻴﺖ ..

ﺟﻨﺖ ﻛﻠﺶ ﺗﻌﺒﺎﻧﻪ ﻭﺍﻟﻲ ﻣﺮﻳﺖ ﺑﻴﻪ ﻣﻮ ﺳﻬﻞ

ﺩﻛﻴﺖ ﺍﻟﺒﺎﺏ ﻃﻠﻌﺖ ﻋﻠﻴﻪ ﻣﺮﺓ ﺟﺒﻴﺮﻩ ﻣﻦ ﺷﺎﻓﺘﻨﻲ ﺻﻐﻴﺮﻩ ﻛﺎﻟﺖ ﺑﻨﺘﻲ ﺍﺗﻔﻀﻠﻲ ﺍﻟﻤﻦ ﺭﺍﻳﺪﻩ ..

ﺣﺠﻴﺘﻠﻬﺎ ﺍﻧﻲ ﺻﺤﺘﻲ ﺗﻌﺒﺎﻧﻪ ﻭﻃﻠﺒﺖ ﻣﻨﻬﺎ ﺍﻻﻳﺠﺎﺭ ﻭﻛﺘﻠﻬﺎ ﺍﺫﺍ ﻋﻨﺪﺝ ..

ﻛﺎﻟﺖ ﺍﻱ ﻳﻤﻪ ﻋﻨﺪﻱ ..

ﻣﺎﻣﺎ ﺟﺎﺑﺖ ﺍﻻﻳﺠﺎﺭ ﻭﻛﺎﻟﺖ ﺃﻧﻪ ﺧﺎﻟﻲ ﺍﺗﺼﻞ ﺑﻴﻬﻢ ﻭﻛﺎﻟﻠﻬﻢ ﺍﻧﻲ ﺑﻌﺖ ﺍﻟﺒﻴﺖ ﻟﻮﺣﺪﻩ ﺍﺳﻤﻬﺎ ﻫﺒﻪ ...

ﺍﻟﻤﺮﺓ ﺗﺤﺠﻲ ﻭﺗﺒﺎﻭﻉ ﻋﻠﻴﻪ ﺑﺎﺳﺘﻐﺮﺍﺏ .. ﻭﻛﺎﻟﺖ ﻳﻤﻪ ﺑﻴﺞ ﺷﻲ ﻣﺤﺘﺎﺟﻪ ﺷﻲ ..

ﻻ ﺧﺎﻟﻪ ﺍﻧﻲ ﺭﺍﻳﺤﻪ ..

ﺧﺎﻟﻪ ﻋﻨﺪﺝ ﻣﻜﺎﻥ ﺍﻧﺘﻲ ﺷﻮ ﻣﺒﻴﻦ ﻣﺎﻋﻨﺪﺝ ﺍﺣﺪ ..

ﺍﻟﺤﻤﺪﻟﻠﻪ ﺧﺎﻟﻪ ..

ﺗﻌﺎﻱ ﺍﺭﺟﻌﻲ ﻛﻮﻟﻴﻠﻲ ﺷﺒﻴﺞ ..

ﻣﻦ ﻛﺎﻟﺘﻠﻲ ﻫﻴﺞ ﺑﺪﻭﻥ ﺷﻌﻮﺭ ﺍﻧﻔﺠﺮﺕ ﻭﻛﻤﺖ ﺍﺑﺠﻲ ..

ﺧﺎﻟﻪ ﺍﺑﻘﻲ ﻳﻤﻲ ﻫﻨﺎ ﺍﺭﺗﺎﺣﻲ ﻭﺑﺎﺟﺮ ﺍﻟﺼﺒﺢ ﻧﺴﻮﻟﻒ ..

ﺑﺲ ﺧﺎﻟﻪ ﺍﺭﻳﺪ ﻣﻨﺞ ﺷﻲ ..

ﻣﺎﺭﻳﺪ ﺍﺣﺪ ﻳﻌﺮﻑ ﺍﻧﻲ ﻳﻤﺞ ﺣﺘﻰ ﺧﺎﻟﻲ ﻭﻣﻨﺎ ﻟﺒﺎﺟﺮ ﺍﻟﻠﻪ ﻛﺮﻳﻢ ..

ﺟﺎﻧﺖ ﻫﺎﻱ ﺍﻟﻤﺮﺓ ﺍﺳﻤﻬﺎ ﻧﻮﺭﻳﻪ ﻋﺪﻫﺎ ﻭﻟﺪ ﻭﺑﻨﺎﺕ ﺍﺛﻨﻴﻦ ﺍﻟﻮﻟﺪ ﻣﺘﺰﻭﺝ ﻭﻛﺎﻋﺪ ﻭﺣﺪﻩ ﻭﺍﻟﺒﻨﺎﺕ ﻫﻢ ﻣﺘﺰﻭﺟﺎﺕ ﻭﻛﻠﻤﻦ ﺣﺎﻳﺮﻩ ﺑﻴﺘﻬﺎ ﻭﺟﻬﺎﻟﻬﺎ ﺍﻟﺒﻨﺎﺕ ﻳﺰﻭﺭﻭﻫﺎ ﺑﻴﻦ ﻓﺘﺮﺓ ﻭﻓﺘﺮﺓ ﻭ ﻳﻨﻀﻔﻮﻟﻬﺎ ﺍﻟﺒﻴﺖ ..

ﻧﻮﺭﻳﻪ ﺣﻀﺮﺕ ﺍﻟﻌﺸﻪ ﻟﻬﺒﻪ ﻭﺳﻮﺗﻠﻬﺎ ﺍﻟﺠﺎﻱ ﺍﻛﻠﺘﻠﻬﺎ ﻫﺒﻪ ﻟﻜﻤﻪ ﺑﻌﺪ ﻣﺎﺳﺒﺤﺖ ﻭﺍﺭﺗﺎﺣﺖ ﻭﻧﻄﺘﻬﺎ ﺩﺷﺪﺍﺷﻪ ﻣﻦ ﻣﺎﻻﺕ ﺑﺘﻬﺎ ﻟﺒﺴﺘﻬﺎ ﺟﺎﻧﺖ ﺷﻮﻳﻪ ﺑﻴﻬﺎ ﻛﺼﺮ ﺑﺲ ﻋﻠﻰ ﺍﻻﻗﻞ ﺗﻜﻀﻲ ﻧﻮﻣﺘﻬﺎ ﻭﻫﻲ ﻧﻈﻴﻔﻪ ﻭﺑﺎﻳﺘﻪ ﺑﻤﻜﺎﻥ ﻧﻈﻴﻒ ﻣﺎﺑﻲ ﺷﺎﺏ ﻳﺒﺎﻭﻉ ﻋﻠﻰ ﺟﺴﻤﻬﺎ ... ﺫﺑﺖ ﺭﻭﺣﻬﺎ ﻭﻧﺎﻣﺖ ﻟﻠﺼﺒﺢ ﺑﺪﻭﻥ ﻣﺎﺗﺤﺲ ﺑﻨﻔﺴﻬﺎ ﻓﺘﺤﺖ ﻋﻴﻮﻧﻬﺎ ﺑﺎﻭﻋﺖ ﻋﻠﻰ ﺍﻟﺴﺎﻋﻪ ﺟﺎﻧﺖ ﻋﺸﺮﻩ ﺗﻌﺠﺒﺖ ﻫﺒﻪ ﺷﻠﻮﻥ ﺑﻘﺖ ﻟﻬﺎﻟﻮﻗﺖ ﻧﺎﻳﻤﻪ ..

ﻛﺎﻣﺖ ﻣﻦ ﻓﺮﺍﺷﻬﺎ ﺑﻌﺪ ﻣﺎﺭﺗﺒﺘﻪ ﻭﺭﺟﻌﺖ ﻛﻞ ﺷﻲ ﺑﻤﻜﺎﻧﻪ ﻟﻜﺖ ﻧﻮﺭﻳﻪ ﺑﺎﻟﻤﻄﺒﺦ ﺗﻠﻜﻂ ﺍﻟﺘﻤﻦ ﻭﻣﺸﻐﻠﻪ ﺍﻟﺘﻠﻔﺰﻳﻮﻥ ﻭﺗﺴﻤﻊ ﺍﺧﺒﺎﺭ ﻭﻣﻦ ﺷﺎﻓﺖ ﻫﺒﻪ ﻛﻌﺪﺕ ﻛﺎﻟﺘﻠﻬﺎ ﻫﺎ ﺻﺒﺎﺡ ﺍﻟﻌﺎﻓﻴﻪ ﺷﻠﻮﻥ ﺻﺮﺗﻲ ﺑﻨﺘﻲ ..

ﺿﻠﺖ ﻫﺒﻪ ﺗﺮﻥ ﺑﻤﺴﻤﻌﻬﺎ ﻛﻠﻤﻪ ﺑﻨﺘﻲ ﻭﺩﻣﻌﺖ ﻋﻴﻮﻧﻬﺎ ﻭﻛﺎﻟﺘﻠﻬﺎ ﺻﺒﺎﺡ ﺍﻟﻨﻮﺭ ﺍﻟﺤﻤﺪﻟﻠﻪ ﺧﺎﻟﻪ ﺍﻧﻲ ﺯﻳﻨﻪ ..

ﻳﺎﻟﻪ ﺧﻠﻲ ﺍﺳﻮﻳﻠﺞ ﺍﻟﺮﻳﻮﻙ ﻭﺍﻟﺠﺎﻱ ﺣﺎﺭ ﻋﻠﻰ ﻧﺎﺭ ﻫﺎﺩﻳﺔ ﻋﻠﻰ ﺍﻟﭽﻮﻟﻪ ..

ﺍﻧﻲ ﺍﻛﻮﻡ ...

ﻻ ﺍﻧﺘﻲ ﺗﻌﺒﺎﻧﻪ ﺍﻧﻲ ﺍﻟﻬﻲ ﻧﻔﺴﻲ ﺑﺎﻟﺸﻐﻞ ﻭﺑﻦ ﺍﺭﻭﺡ ﻭﺍﻧﻲ ﻭﺣﺪﻱ ..

ﺟﺎﻧﺖ ﻧﻮﺭﻳﻪ ﻣﻮ ﺟﺒﻴﺮﺓ ﺑﺲ ﻫﺎﻣﻠﻪ ﻧﻔﺴﻬﺎ ﻋﺮﻓﺖ ﻣﻨﻬﺎ ﺃﻥ ﺯﻭﺟﻬﺎ ﻣﻴﺖ ﻣﺼﺎﺭ ﺳﻨﻪ ﻭﻋﺎﻳﺸﻪ . ﺑﻮﺣﺪﺓ ﻭﻓﺮﺍﻍ ﻗﺎﺗﻞ ..

ﺑﻨﺘﻲ ﻫﺒﻪ ﺍﺣﺠﻴﻠﻲ ﺳﺎﻟﻔﺘﺞ ﺍﺭﻳﺪ ﺍﻋﺮﻓﻬﺎ ﺑﻠﻜﺖ ﺍﻛﺪﺭ ﺍﺳﺎﻋﺪﺝ ..

ﺷﺎﺣﺠﻲ ﺍﻟﺴﺎﻟﻔﺔ ﻣﺘﻨﺤﺠﻲ ﺧﺎﻟﻪ ﻭﻋﻘﻠﺞ ﻣﻴﺸﻴﻠﻬﺎ ..

ﻣﻴﺨﺎﻟﻒ ﺍﺣﺠﻲ ﺍﺳﻤﻌﺞ ..

ﺣﺠﻴﺘﻠﻬﺎ ﺳﺎﻟﻔﺘﻲ ﻣﻦ ﻳﻮﻡ ﺯﻭﺍﺝ ﺍﺑﻮﻳﻪ ﺑﺎﻣﻲ ﻭﻟﺤﺪ ﻫﺎﻱ ﺍﻟﻠﺤﻈﻪ ﻣﻦ ﻃﺒﻴﺖ ﺑﻴﺘﻬﺎ ﺿﻠﺖ ﻣﺘﻌﺠﺒﻪ ﻟﺴﺎﻟﻔﺘﻲ ﻭﻛﻠﺴﻊ ﺗﻜﻮﻝ ﺳﺘﺮﻙ ﺭﺑﻲ ﻓﺪﻭﺍﺗﻚ ﺍﺳﺘﺮ ﻋﻠﻰ ﺑﻨﺎﺗﻨﺎ ﺷﻠﻮﻥ ﻫﻢ ﻫﻤﺞ ﺑﻨﻴﺘﻲ ﺍﺏ ﻳﻌﻮﻓﺞ ﺑﻮﺳﻂ ﺍﻟﺬﻳﺎﺑﻪ ﺻﺪﻙ ﻫﺎﻱ ﺍﻟﺪﻧﻴﺎ ﺻﺎﺭﺕ ﻣﻮ ﺧﻮﺵ ﺩﻧﻴﺎ .. ﺍﻛﻠﺖ ﻟﻜﻤﻪ ﺧﻔﻴﻔﻪ ﺟﺎﻥ ﺭﻳﻮﻛﻬﻢ ﺑﻴﺾ ﻭﺟﺒﻦ ﻭﺍﻟﺠﺎﻱ ﺍﻟﺤﺎﺭ ﻧﺺ ﺑﻴﻀﻪ ﻣﺎﺍﻛﻠﺖ ﻫﺒﻪ ﺗﺤﺲ ﺍﻟﺒﻨﺞ ﺑﻌﺪﻩ ﺑﺠﺴﻤﻬﺎ ﻭﺍﻟﺘﻌﺐ ﺩﻳﺒﻴﻦ ﻋﻠﻴﻬﺎ ﺭﻛﻀﻬﺎ ﺑﺬﻳﺞ ﺍﻟﻠﻴﻠﻪ ﻭﻫﻲ ﺍﻧﻬﺰﻣﺖ ﻭﺗﻌﺮﺿﺖ ﻓﻮﻛﺎﻫﺎ ﻟﺤﺎﺩﺙ ﻏﻴﺮ ﻣﺠﺮﻯ ﺣﻴﺎﺗﻬﺎ ﻭﺣﺴﺖ ﻧﻔﺴﻬﺎ ﻟﻜﻦ ﺍﺣﺪ ﻳﺤﻦ ﻭﻳﻌﻄﻒ ﻋﻠﻴﻬﺎ ﺗﺎﻟﻲ ﺻﺤﺖ ﻣﻦ ﻫﺬﺍ ﺍﻟﺤﻠﻢ ﺑﻜﻠﻤﻪ ﺳﻤﻌﺘﻬﺎ ﻣﻦ ﺍﻟﻲ ﺭﺩﺕ ﺑﺘﻠﻔﻮﻧﻪ ﻭﻛﺎﻟﺖ ﺍﻧﻲ ﺯﻭﺟﺘﻪ ..

ﻛﻄﻌﺖ ﺍﻓﻜﺎﺭﻫﺎ ﻧﻮﺭﻳﻪ ﻭﻛﺎﻟﺘﻠﻬﺎ ..

ﻫﺒﻪ ﻭﻳﻦ ﺭﺣﺘﻲ ..

ﻻ ﺧﺎﻟﻪ ﺑﺲ ﺍﻧﻲ ﻫﻮﺍﻱ ﺍﺷﻜﺮﺝ ﺗﻌﺒﺘﺞ ﻭﻳﺎﻱ

ﺭﺩﺕ ﻋﻠﻴﻬﺎ ﻧﻮﺭﻳﻪ ﻭﻫﻲ ﺗﻠﻢ ﺑﺎﻟﻤﻮﺍﻋﻴﻦ ﻭﺗﻨﻈﻒ ﺍﻟﻤﻄﺒﺦ ..

ﺑﻨﺘﻲ ﺷﺘﻌﺒﺘﻴﻨﻲ ﻭﺷﻘﺪﻣﺘﻠﺞ ﺍﻧﻲ ..

ﻫﺴﻪ ﺧﺎﻟﻪ ﺍﻧﻲ ﺍﺭﻭﺡ ﻭﺍﺟﻴﺞ ﻧﻬﺎﻳﻪ ﺍﻟﺸﻬﺮ ﻋﻠﻤﻮﺩ ﺍﻻﻳﺠﺎﺭ ..

ﻭﻳﻦ ﺗﺮﺣﻴﻦ ..

ﺍﻟﻠﻪ ﻣﺎﻳﻜﻄﻊ ..

ﻭﺍﻟﻨﻌﻢ ﺑﺎﻟﻠﻪ ﺑﺲ ﻫﺬﺍ ﺍﻟﺒﻴﺖ ﻣﻠﻜﺞ ﻭﺗﻜﺪﺭﻳﻦ ﺗﺒﻘﻴﻦ ﺑﻴﻪ ﺍﻧﺘﻲ ﺻﺎﺣﺒﻪ ﻓﻀﻞ ﻋﻠﻴﻪ ﻣﻮ ﺍﻧﻲ ..

ﺧﺎﻟﻪ ﻫﺬﺍ ﺍﻟﺒﻴﺖ ﺻﺢ ﻣﻠﻜﻲ ﺑﺲ ﺍﻧﻲ ﻣﺎﺟﺮﺗﻪ ﺍﻟﺞ ﻣﻮ ﻣﻦ ﺣﻘﻲ ﺍﺑﻘﻰ ﺑﻴﻪ ..

ﺑﻨﺘﻲ ﺍﻧﻲ ﻭﺣﺪﻱ ﻛﺎﻋﺪﺓ ﺧﻠﻴﺞ ﻳﻤﻲ ﻭﻧﻴﺲ ﻭﺍﻧﺘﻲ ﻣﺎﻋﻨﺪﺝ ﺍﺣﺪ ﺗﺮﻭﺣﻴﻦ ﻋﻠﻴﻪ ﻭﺑﺲ ﻳﺸﻮﻓﺞ ﺍﺑﻮﺝ ﻳﻤﻜﻦ ﻳﺬﺑﺤﺞ ..

ﺧﺎﻟﻪ ﺍﻧﻲ ﻣﺸﻜﻠﺘﻲ ﻣﺎﺍﻛﺪﺭ ﺍﺑﻘﻰ ﻫﻨﺎ ﻣﺎﺭﻳﺪﻫﻢ ﻳﻨﺪﻟﻮﻥ ﺑﻴﻪ ...

ﺍﻱ ﻣﺤﺪ ﻳﺪﺭﻱ ﺑﻴﺞ ﻭﻳﻦ ﺍﺑﻘﻰ ﻫﻨﺎ ﻭﻻﻃﻠﻌﻴﻦ ﺍﺑﺪ ﻭﺍﺫﺍ ﺷﻔﺘﻲ ﻧﻔﺴﺞ ﻣﺤﺘﺎﺟﻪ ﺗﻄﻠﻌﻴﻦ ﻋﻨﺪﻱ ﺧﻤﺎﺭ ﺍﻟﺒﺴﻪ ﺍﻟﺞ ﻭﻧﺰﻋﻴﻪ ﺑﺲ ﻣﻦ ﺗﻄﻠﻌﻴﻦ ﻣﻨﺎ ...

ﻓﻜﺮﺕ ﻫﺒﻪ ﻣﺎﻛﻮ ﻏﻴﺮ ﺣﻞ ﺑﺲ ﻃﻠﺒﺖ ﻣﻦ ﻧﻮﺭﻳﻪ ﻛﺎﻟﺘﻠﻬﺎ ﺭﺍﺡ ﺍﺑﻘﻰ ﻳﻤﺞ ﺑﺲ ﺑﺸﺮﻁ ..

ﺿﻠﺖ ﻧﻮﺭﻳﻪ ﻣﺴﺘﻐﺮﺑﻪ ﻋﻠﻰ ﺍﻟﺸﺮﻁ ..

ﻛﻮﻟﻲ ﺷﻌﻨﺪﺝ ..

ﻣﺎﺍﺧﺬ ﻣﻨﺞ ﺍﻳﺠﺎﺭ ﻃﻮﻝ ﻣﺎﺍﻧﻲ ﻛﺎﻋﺪﺓ ..

ﻭﺍﺫﺍ ﺍﺣﺘﺎﺟﻴﺘﻲ ﻓﻠﻮﺱ ﺍﺧﺬﻱ ﻣﻨﻲ ﻛﻢ ﻓﻠﺲ ﺍﻧﺘﻲ ﻫﻢ ﻳﺘﻴﻤﻪ ﻣﺎﺭﻳﺪ ﺍﺗﺤﻤﻞ ﺧﻄﻴﺘﺞ ﻭﻧﻴﺎﻟﻪ ﺍﻟﻲ ﻳﺴﺎﻋﺪ ﻳﺘﻴﻢ ..

ﻫﺬﺍ ﻫﻮ ﺍﺗﻔﻘﻨﺎ ..

ﺿﻠﺖ ﻫﺒﻪ ﺑﻴﺖ ﻧﻮﺭﻳﻪ ﻭﻃﻠﻌﺖ ﻣﺮﺓ ﻭﺣﺪﻩ ﺍﺷﺘﺮﺕ ﻣﻮﺑﺎﻳﻞ ﻭﺧﻂ ﻭﺍﺣﺘﻔﻀﺖ ﺑﺮﻗﻢ ﻋﻤﺎﺭ ﻳﻤﻜﻦ ﻳﻮﻡ ﺗﻠﺘﻘﻲ ﺑﻴﻪ ﻭﺗﻌﺎﺗﺒﻪ ﻻﻥ ﻣﺎﺍﺟﺎﻫﺎ ﺍﻭ ﻭﻋﺪﻫﺎ ﻣﻴﺘﺮﻛﻬﺎ ..

ﻣﺮﺕ ﺍﻻﻳﺎﻡ ﻭﺟﺎﻧﺖ ﺗﻔﻜﺮ ﻣﺮﺍﺕ ﺗﺮﺟﻊ ﺗﺘﺼﻞ ﻭﺗﺘﺮﺩﺩ ﻭﺗﻜﻮﻝ ﻫﻮ ﺗﺮﻛﻨﻲ ﻣﺎﺍﺟﺎﻧﻲ ﻟﻴﺶ ﺩﺍﺍﺗﺼﻞ ﺑﻴﻪ ﻭﺍﻧﺰﻝ ﻧﻔﺴﻲ ..

......

ﻋﻤﺎﺭ ..

ﺭﺍﺣﺖ ﻣﺮﻳﻢ ﻟﻠﻤﺴﺘﺸﻔﻰ ﻭﺍﻟﺘﻘﺖ ﺑﻤﺤﻤﺪ ﻭﺑﻠﻐﻬﺎ ﺃﻧﻪ ﻣﺸﺎﻓﻬﺎ ﻟﻬﺒﻪ ﻣﻦ ﺍﺧﺮ ﻣﺮﺓ ﺍﻟﺘﻘﻰ ﺑﻴﻬﺎ ﻭﻳﻪ ﻋﻤﺎﺭ ..

ﻣﺮﺕ ﺍﻻﻳﺎﻡ ﻭﺭﺟﻠﻲ ﻣﺠﺒﺮﻩ ﻭﺍﻳﺪﻱ ﺑﺲ ﺍﻧﺘﻬﺖ ﺍﻻﻻﻡ ﺗﻘﺮﻳﺒﺎ ﻭﺑﻘﺖ ﺍﻟﻐﺼﻪ ﺑﺎﻟﮕﻠﺐ ﻭﺍﻟﺮﻭﺡ ﻋﻠﻰ ﻫﺒﻪ ﻳﻤﻜﻦ ﻫﺴﻪ ﺿﻠﺖ ﺑﺎﻟﺸﻮﺍﺭﻉ ﺗﻔﺘﺮ ﻭﻣﺎﺗﻌﺮﻑ ﻭﻳﻦ ﺗﺮﻭﺡ ﺍﻭ ﻳﻤﻜﻦ ﺍﺑﻮﻫﺎ ﻟﻜﺎﻫﺎ ﻭﺍﺣﺘﻤﺎﻝ ﻳﻘﺘﻠﻬﺎ ﺷﻠﻮﻥ ﻫﻴﺞ ﺳﻮﻳﺖ ﺑﺮﻭﺣﻲ ﻭﺍﺗﻌﺼﺒﺖ ﻋﻠﻰ ﺍﺯﻝ ﻭﻫﻲ ﺍﺯﻝ ﻣﻤﻬﺘﻤﻪ ﺍﺻﻼ ﺑﻴﻪ ..

ﻣﺎﺑﻘﻰ ﻋﻨﺪﻱ ﺍﻣﻞ ﻏﻴﺮ ﺃﻧﻪ ﻣﻦ ﺍﻛﻮﻡ ﻋﻠﻰ ﺣﻴﻠﻲ ﺍﺳﺤﺐ ﺧﻄﻲ ﺍﻟﻘﺪﻳﻢ ﻋﺴﻰ ﻭﻟﻌﻞ ﺃﻥ ﺗﺘﺼﻞ ﺑﻴﻪ ﺑﻌﺪ ﻭﺍﺑﻘﻰ ﺍﺩﻭﺭ ﻋﻠﻴﻬﺎ ﺣﺘﻰ ﻟﻮ ﺿﻠﻴﺖ ﺳﻨﻴﻦ ﻣﻮ ﻣﺴﺎﻟﻪ ﺣﺐ ﺍﻭ ﻣﺸﺎﻋﺮ ﻋﻨﺪﻱ ﺍﺗﺠﺎﻫﻬﺎ ﻻ ﻟﻜﻦ ﻣﺴﺎﻟﻪ ﺍﻧﻲ ﻧﻄﻴﺘﻬﺎ ﻛﻠﻤﻪ ﻣﺎﺍﻋﻮﻓﻬﺎ ﻭﻫﻲ ﻳﺘﻴﻤﻪ ﻭﺟﺎﻧﺖ ﺗﺤﺖ ﺿﺤﻴﻪ ﺍﺏ ﺟﺎﻫﻞ ﻭﺧﺎﻝ ﻋﺎﺟﺰ ﻭﺍﺑﻦ ﺧﺎﻝ ﺍﻧﺘﻬﻚ ﻋﺮﺿﻬﺎ ﻭﻋﺎﻓﻬﺎ ﺗﺤﺖ ﺍﻧﻈﺎﺭ ﺍﻟﻨﺎﺱ ﻭﺗﺴﺎﺅﻻﺗﻬﻢ ﺍﻟﻲ ﻣﺎﺗﺮﺣﻢ

. .. 

يتبع