تاريخ النشر : 08/29/2024, 22:51:54

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

بعد يومين نازلين اني ومصطفى وايناس بالكرسي المتحرك وايده كله كانونتين ومغذيات وهي لزمه ايد مصطفى ومبتسمه حسيت بارحه تجاه منظرهم بعد الحلم الي حلمته رايحين ندخل ايناس العمليه 

 

نور: علي خايفه عليه صايره ما تتحمل 

 

علي: ديري بالج تبينله خوفج احنه ما مصدكين هي شون اقتعنت احسه تعب ماكل وجها وروحها كوه مقومه وانتن زيدنه عليه رحمه لمحمد لا تسون هجي 

 

وصلنه المستشفى ونزلنها من سياره وهي بس صافن تبوعت المصطفى عيونه عليه ومدمعه ونور اديه تترجف لو اني معدي حساس لو اني مو من عائلتهم بس اني اختار الخيار الاول صحت بيهم وهمه جفلو وايناس تضحك 

 

ايناس: علي شجاك والله جفلتني حتى بعد ميحتاج سوالي عمليه قبل اروح للنجف 

مصطفى خزره وينتر نتر بيه جي تحجي هجي وهي مبتسمه بتعب دخلنها للغرفه ونور ويها تسولف وتقرا قران ومصطفى يما رايح يما جاي 

علي: بالقرآن الكريم اذا ما استقريت وكعدت شايف شسوي اشيلك واكطفك للعراق هجي زرك بدون تذكره 

 

مصطفى: والعباس ابو فاضل مو وقتك احس روحي طالعه عليها واني اشوفه امدده ما بيدي شي عليه بقيت اهدي بي وطلعت بي نروح نتمشه

 

نور "

 

كاعد ادعيله وقرا قران يم راسه رفعت راسه مبتسم الي ابتسمت اله فتحت تلفون لكيت البنات يتصل كم فتحته عليهن وجان صوت رغد 

 

رغد: شنو ولج وين ايناس دخلت لو بعده 

 

نور: لا بعد وي اذان صبح يدخلونه 

 

رغد: يعي وهاي نبقه صابرين للخمسه لو للاربع جا شمالهم اخذوه بالمستشفى من عصر 

 

نور: يردون يسوله تحاليل واشياء الالزمه 

خوما مثل دكاترتنه 

 

رغد: والعباس انت تتفيكن يا مستشفياتنه كل شي مابيه 

 

ضحَكت وايناس ضحكت وحجت وياهن شويه غيرت جو دخل علي ويا مصطفى سلمو وكعد 

 

مصطفى: ميصير تاكلين مو 

 

ايناس: اي عادي متعوده ابقه سبوع بدون اكل 

 

فتح اعيونه على وسعهن ونتر بيه 

مصطفى: شون يعني شون سبوع ما تاكلين بشر طبيعي انت

 

ايناس: لا جلب اهوهو 

 

ضحكنه عليه وهي وجه مبلوع وكل شويه تتعب لو تكول راسي 

 

دخلت ممرضه  وبقت تحجي ويا مصطفى وهو يحجي ويها ويسال عن حالت ايناس وكالت نخذها نسويله فحوصات اخذوها لل2:00 يله خلصو واحنه ويها روحنه راحت مكدرنه ناكل لان هي ما اكلت ومكدرن ناكل وهي تبقه ساعه 3:30 كالو جهزوها ناخذه للعمليات جهزته وطلعنه كعدت على سديه وطيته ايدي تمددت واجت الممرضه وياها ثنين يدفعون بسديه واني لازمه ايده وامشي وياهم وهي مقهوره بس دموع صب من عيونه حجت بصوت يرجف

 

ايناس: ها صافو 

مصطفى كوه مصبر نفسه 

مصطفى: اعيون صافو احجي امري 

ايناس : خاف افضح روحي ورى البنج سد حلكي 

ضحك مصطفى واني ابتسمت اله علي. نزل على راسه باسه ودعاله بسلامه بقينه كاعدين يم الباب وامها كل شويه تتصل ومرتين متخربطه ومخذيه المستشفى والبنات كل شويه وحده تتصل ساعه 9:00 صبح طلعو الدكاتره الثنين 

 

ركض عليه مصطفى يحجي ويا وطمنه عليه مصطفى نزل للكاع سجد من فرحته 

طلعوه وهي تحت البنج وصيح 

 

ايناس: لا تروح احمد والله قلبي عصرني من روحتك هاي 

 

التفت على مصطفى لكيت صافن بيه 

دخلوها للغرفه ودخلنه ويها ثالثتنه راسه ملفوف وهي تون وكل شويه صيح اسم احمد وتسولف اشياء جانت بينهم ومصطفى واكف وصافن حسيت جا يستوعب شجاي يسوي بروحه

 

أيناس: لا تعوفني تعال بوس هنا 

تگوله وتاشر على راسه

 

أيناس:  تعال العب بايدي حباب خل انام صار ايام منايمه

 

ايناس : اه ه ه ه يمه راسي 

حجت شعر وهي بلبنج الفيديو مصورته اله الحد هسه عدي 

ايناس: 

هم تزورنوي من اموت وعلي تبجي عيونكم؟ 

ومن تسمعون بوفاتي الخبر يخطف لونكم؟ 

يمر طاري بالسنكم؟ 

تعطش الكلماتِ اذنكم للهلا والشلونكم

تكظها نغز وتنعصر بلمغربيه قلوبكم 

سوالفي 

سوالفي وكعدتنه ذيج بكل مسه تذكرونه

خاف حتى ذكريات بروحتي تشيعونها

خاف حتى الحمد ما تقرونها 

خاف لو مر بيكم اسمي الحسره مجرونها

 

ايناس: اه يمه بعد ششوف من دنيا 

تعبتني تحجي بلا وعي 

من سالت عليه مطين مخدر مرتين كاعده بنص العمليه ورجعين مطينه بنج مره لخ نعصر قلبي عليه تقريباً بالعشره كعدت بس خرطت الاكو والماكو كعدت بس احنه رواحنه خاويه كلمن كاعد على كرسي اول ما كعدت صاحت بصوت يرجف 

 

ايناس: مصطفى علي نور انتم هنا 

 

طفر عليه مصطفى ويدفي بيه بلغط ويعدل بنومته 

 

ايناس: مصطفى راح اموت بلعومي يابس 

جابله مي بكل هدوء صب على شفايفه 

توقعته زعلان او شي لان ما يحجي بس سحب الكرسي وكعد لاز ايده وكالنه روحو ارتاحو وارجعو بعدين احنه من كد ما صارلنه يومين ما نايمين ما كلنه لا رحنه للشقه من تعب نمنه بهدومنه

 

مصطفى" 

 

اتبوع عليه شون صافنه بالسكف سحبت كرسي وكعدت يمها كل ما اريد احجي ترجع الكلمه وهي صافنه بوجهي 

 

ايناس: غرد صوفه غرد 

 

ضحكت من كل قلبي على دلع مالته كل شويه مطلعتلي دلع 

مصطفى: اني غلطت من خطبتج جبرتج 

 

ايناس: جاي تسال لو جاي تحجي حتى اعرف اشون اجوب 

 

مصطفى: أسأل 

 

ايناس: اذا حاجيه شي بالبنج فخلي يكون بعلمك العقل الباطني يطلع اشياء قديمه ويحجي بيهن اما بنسبه الجبراتني لا ما جبرتني واني محد يكدر يجبرني 

بس بنفس الوقت لزم تراعي ان اني مريضه نفسيا وما اتقبل بسرعه يردلي وقت اتقبل اي شي يصير بحياتي مو كل شيء اتقبله 

 

كضيت ايدها وهديته لان حسيته اختنكت واني هم معرف شبيه من طلعت من بنج وحجت قلبي قبض 

 

ايناس: ولك صافو تعال 

 

مصطفى: اها نوب صافو شكو ولج 

 

ايناس: عليك العباس خو ما صورتوني واني بالبنج 

ضحكت وسحبت التلفون من جيبي وخليته بيدها كل فديو تشوفه ترفع عيونه عليه تخزر وترجع تنزل حرفياً نفضحت فضيحه وكل شويه تبلع ريكه ودمع عيونه سحبت الفون منه وكعدت على سديه وحظنته 

مصطفى: اني محجيت وكالت خطيه انت حجيتيني 

 

ايناس: خبيث كتلكم لا تصوروني لان ادري فضايح هواي مثل تمن 

 

مصطفى: زين شنو سالفت شعر الي حجيتي 

 

ايناس: هذا الشعر نزل قبل فتره واني ميته بي كل يوميه اسمعه وخاصه اني تعبانه احسه ينطبق عليه 

 

مصطفى: اسمعي هجي حتى افرك حلكج بعد 

 

ايناس: اي بعد بعد 

بقيت للعصر ويها نمنه ظهر شويه وبعدين رجعنه كعدنه وهيه متربعه على سديه واني كعد مقبيله دخلو علي ونور 

اجتي نور عليه تبوس بيه وتحظن بيه واني سحبني علي بره 

 

علي: خو ما غثيته على سولفته وهي بالبنج 

 

مصطفى: شسالفه شنو شبيه مخبل جنه نايمين تونه كعدنه 

 

علي: امشينه نتغده جا نور سوت اكل النه واله 

دخلنه لكينه نور توكل بيه واحنه كل واحد اخذ ماعون وكعد ياكل وهي كل شويه تكله وخري شبعت 

 

ايناس: وصمخ كافي راسي احس ثكيل وعلي وخري عني 

 

ضحكنه على تعبيره وحجه علي : نور شيلي راسه عنه اقصد شيلي الاكل 

ضحكت هي عليه شون يقلد عليه 

 

نور "

 

يوم نرجع للعراق صارلنه تقريباً اسبوعين بأيران الوضع ابد مو راحه رحنه سوينه المسحه حتى نطلع للمطار باجر العصر طلعت المسحه راح جابه علي ومصطفى اشتره شغلات النه هدايه معرف المن بس ترسو جنط اثنين هو وعلي وحتى ايناس وصتهم على شغلات 

 

ثاني يوم كعدنه من وكت لمينه الاغراض والجنط ونظفنه الشقه في ما بعد عرفت هاي الشقه ملك الاحمد الله يرحمه وايناس اكثر من مره جايه ويا هنا 

 

مصطفى: يله خلصتن نطلع؟ 

 

نور: اي خويه خلصنه بس ايناس منو يدفعه 

 

مصطفى: خل اودي الجنط اشحنهن وبعدين ارجع عليكم 

 

راح ربع ساعه ورجع وعلي طلع قبلنه يرتب كل شيء من ردنه نطلع التفت ايناس على الغرف والشقه اخذت حسره ورجعت دارت مصطفى انتبه وهم تحسر اثنيهن ما بيدهم شي 

 

مصطفى: يله انوستي نمشي 

ابتسمت بوجه واشرتله اي دفع الكرسي لكينه علي جوه ماجر تكسي نزلو ايناس من كرسي وصعدوها بسياره طلعنه للمطار بين ختم الجواز وبين روح وتعال خلصنه صعدنه طيره اني من تعب نمت ما ادري شصار بيهم ما كعدت اله لمن علي كال يله راح تهبط الطياره 

 

نزلنه من طياره لكينه ضياء وسامي ورغد وعلياء بيبت ايناس وناصر اخو مصطفى وزياد رغد اول ما وصلنه يمها هلهلت وبيبتي نزلت على ادين ايناس اتبوس بيهن وعلياء واكفه تبجي يمها ويحظنون بيه. لان حرفياً طلعنها من حلك الموت بهاي العمليه 

 

رسيل: يله جده امشونه خلي ترتاح اكيد تعبت 

اني سلمت عليهم ومشينه اخذون لبيت جدهم واهنا الاستقبال الحقيقي ابوها ذبح 5 خرفان وعجوله ثنين وهي واكفه مصطفى حاط راسه بصدره لان ما تستحمل منظرهن 

 

دخلنه شي يسلم شي يتبارك شي يستقبل شي يصب شي ينظف حتى امي لكيته جايه وبنتي بحظنها حظنته وابوس بيه 

 

ايناس" 

 

اتبوع للبنات كلهم يشتغلون ونص يسوالف ونص ما اعرف شيسوي سحبت نفس بقهر احس اريد اروح البيتنه اني واحمد لان لزم اسلم مفاتيحه العلياء لزم اطلع اغراضنه سحبت نفس واحجي وي نفسي ايناس اصبري ما بقه شي كل كم يوم وترحين لا تعبين نفسج 

 

احس نفسي مرات انجنيت من تعب والمرض اسوالف وي نفسي وما اسوالف وي الناس احس اختنك وهمه عبالهم اني متكبره ميدرون اني تعبانه سديت حسباتي على سوشل مديه مع العلم جنت اقضي وقت حلو عليه وحتى مصطفى ايدني الفكره خلصو العزيمه ودخل مصطفى اتمدد بصاله وحجه 

 

مصطفى: شبيج ايناس من شنو ضايجه 

 

ايناس: اريد اروح للبيت الغرفتي تعبانه 

 

مصطفى: راح احظر سياره جهزنه 

 

ام ايناس: وين عمه العالم تجي منى 

 

مصطفى: يندلون بيتكم ويجونكم يله جهزي نفسج وجهزيه 

 

رح شويه واجه جانت دنيا العصر والجو حلو صعدني يمه وامي ونور ورى هي ورغد 

 

ايناس: طيني تلفونك خل اشغل اغنيه لبين ما نوصل 

ابتسم واطاني التلفون شغلته وبقيت ادور باليوتيوب على الاغاني جديده و مصطفى يضحك عليه يكلي رجعتي لخبالج 

 

ايناس: احله شي بيه خبالي 

 

مصطفى: الحمدلله رجعت ايناس الي نعرف بهاي المنسبه اهلهلكم هلهولتي الشهيره

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد