تاريخ النشر : 08/07/2024, 21:03:37

في بيت ثريا بعد ان حكت براء لامها ما اصابهم تنهار الام بالبكاء والحسرة الام : بس لا قتلوها ؟ براء : لا بس طلعوا يدورن عليها الام : ابوج وين ؟ براء : بغرفته من طلعوا عمامي لسه ماطلع من الغرفة تنهض الام وتدخل الى الغرفه ترى زوجها نائم ومعطي وجهه الى الحائط الام : نايم وبنتك راح يقتلوها ليش ما احتويتها ليش هدرت دمها جاوبني تقترب الام من زوجها وتمسكه لكي تراه وفجاة تراه فاتحا عينه وفمه الام تنهد به : عماد .. عماد .. عماد ... ولج براء الحكيني ابوج مات ..... مازال علي و اولاد عمه يتابعون سيارة زكريا تتصل علي اخته براء ولكنه يرفض الاتصال جبريل ينتبه ان اكو سيارة تمشي وراهم على طول جبريل : زكريا اكو سياره صارلها هواي تمشي ورانه انتبهت عليه زكريا : لا يدخلون الى المنطقة فيقرر زكريا يدخل بغير فرع فاذا بها سيارة تدخل وراهم وينتبه زكريا لذلك زكريا : هاي سيارة علي اخوها ! جبريل : ضيعهم يحس علي ان انكشف فيقرر يروح وراهم جبريل يتصل بزوجته : اخذي ثريا وروحي لبيت ابو سليم على سريع زوجته : ليش صار ؟ جبريل : اخوها ديلحك ورانه ميسون تحاجي ثريا : كومي لمي غراضج عسريع خلنطلع اخوج اندل البيت ثريا : يا ربي سترك راح يذبحني ميسون : ميكدر واني موجوده استعجلي خلي نطلع بعد ما طلعوا من البيت وكدر زكريا يضيع علي رجعت براء تتصل بااخوها علي علي : متكوليلي شبيج خبصتيني كلساع داك عليه براء وهي تبجي : علي ابويه مات علي ماكدر يتحمل الخبر وكبل وكف السياره وضل صافن والموبايل باذنه اولاد عمه : شكو شبيها اختك ؟ علي بعيون مدمعه : ابويه مات ... في بيت سليم توصل ثريا وميسون الى بيت سليم تتلاكهم ام سليم ام سليم : ياهلا ومرحبا بخيتي ميسون ميسون : هلا بيج ام سليم ، جاي دخيله عليج ام سليم : اسم الله بس لاتعاركتي وي جبريل ميسون : لا مااتعاركنه بس هاي البنيه امانه يمج ام سليم : ابشري عين غطه وعين فراش في بيت ثريا تشيع جثمان ابو ثريا حيث البكاء واللطم الكل جان موجود ماعدا ثريا وزكريا لان لحد الان ماوصل خبر وفاه ابوها بعد ما خلصت التعزيه واجه الليل يدخل علي الى غرفه والدته واول مادخل الغرفة تلكته امه بسؤال ثريا وين ؟ علي : يم زكريا ضامها عد ناس وبس الزمها اقتلها الام : حاول تلمس شعره وحده من راسها الا اكص ايدك علي : كله بسبها مات ابويه من قهره وحركت قلبه عليها مات وفضحتنه بلمنطقه وخلت الي يسوى والي ميسوى يحجي علينه الام : جان تكدر من اولها تلزم اعصابك وتفهم من عدها مهما جان الغلط الي سوته تبقى اختك عرضك مو تركض وراها وتقتلها علي : الي سمعج تكولين مسويه مشكله تافها وتعال سامحها اسمعي زين يمه بس تخلص الفاتحه راح ارجع ادور عليها وما يرتاح بالي الي بقتلها وخلي هذا الحجي ترجيه بااذنج الام : عفيه ابني خوش تحجي وي امك بعده ابوك اول يوم بكبره وكمت تتجاوز عليه علي : اني ماجاوزت عليج بس كتلج على الي راح اسوي الام : فكر بمستقبلك الي راح ادمره بيدك والسجن الي راح ادخله ومنو بعد ينطيك مره ومن تمشي بشارع كلها راح اتكول هذا الي قتل اخته ، واذا تكول عمامي موجودين فعمامك بس بوكت المشاكل يعرفوك ، روح ابن بطني اني ماراضيه عليك لا دنيا ولا اخره في بيت سليم في حلول المساء عاد سالم الى بيته فرحا والابتسامه لا تفارق وجهه فهو سوف يتزوح حبيبه عمره ولكنه وقف عنده بيته راى سياره عمه بقرب بابهم قائلا: هاي شبسرعه وصل الحجي لعمي وعند دخوله الى المنزل راي عدد من الاحذيه ويتميزها حذاء لاامراه ضنن انه حذاء زوجه عمه فقال : اكيد اذا عمي اجه فاكيد مرته ويا حتى تباركلي فدخل المنزل فإذا بوجوه غريبه في المنزل عمه جبريل جالس مع شخص وهذا الشخص بجانبه فتاه محمره العينين ووجهها عليه علامات ضرب وكدمات تكاد ملامح وجهها لا تظهر من كثرة الكدمات ووالده يحاول تهدئة عمه قائلا : جبريل كافي هسه همه بيا حال جبريل : هذا شي غلط ياخذها ويطلع هو كله يصير نسيبها لا اخوها ولا ابوها سالم يدخل غرفة الضيوف: السلام عليكم الجالسين : وعليكم السلام سالم : خير عمي خو ماكو شي جبريل: لا عمي ماكو شي , اني راح اروح للبيت وانتوا اليوم ضلوا هنا باتو مابين اشوفلكم مكان , سالم تعال رايدك بموضوع سالم : حاضر عمي يخرج مع عمه الى خارج المنزل جبريل: اسمع عمي ذوله الناس امانه يمكم بلبيت يومين ثلاثه يضلون مابين اشوفلهم مكان وبلنسبه للمحل لا تطلع ضل بلبيت سالم : غير اعرف شكو صاير ياعمي جبريل : بعدين اشرحلك مثل ماكتلك سوي سالم : صار عمي يعود سالم الى المنزل وتسحبه اخته من يده وتدخله الى غرفتها سالم : شكو شبيج اخته ميار : عرفت ذوله شبيهم سالم : لا ! وانتي عرفتي ؟ ميار: اي عرفت سالم : شبيهم ؟ ميار : هذا نسيبها يعني اخت مرته مااخذها وشارد سالم : ليش ؟ ميار : ماادري بس الي عرفته اسمها ثريا والولد زكريا ابن عم بابا سالم : ثريا ...... موبايل زكريا يرن زوجته تتصل به يكوم من مكانه ويجاوب زكريا : ها حبيبتي اشلونج براء تبجي : زكريا ابويه مات زكريا: اشلون شوكت براء : اليوم مات طبت امي عليه للغرفه ولكته ميت وعلي ذب الصوج كله بثريا زكريا يباوع على ثريا من بعيد : اني مااكدر احاجي ثريا واكلها ابوج مات انتي احجي وياها براء : هسه انته وين زكريا : اليوم اخوج جان يلحك ورانه وبلكوه كدرنه نخلص منه وهسه اني يم بيت ابن عمي الثاني براء : وشلون لكاكم علي زكريا : جنه رايحين لبيت مهند وطلع طافر لاهله يعني بين قوسين مراح نحصل شي منه براء : عزه عزاج ثريا راحت برجلين والله وشراح اسوي هسه زكريا : ماادري اني راح ارجع للبيت اريد اغير ملابسي انام مانايم صارلي يومين براء : ديربالك على نفسك من علي زكريا : لتخافين ميكدر يسوي شي اليه يالله اشويه واخليج تحجين وي ثريا براء : تمام حبيبي سليم بغرفته يحجي وي ايناس : اني مامصدك ابوج وافق بعد معاناه طويله وشاقه ومرهقه ومؤلمه ايناس : اني كتلك اصبر يجي يوم ويوافق بس ياويلك اذا زعلتني بعد مشوف وجهي سليم : من هذا الي يكدر يزعلج ايناس : على ساس انته ما فديوم مزعلني سليم : اي صحيح بس مااخليج تنامين زعلانه بسرعه اراضيج ايناس : اي شنو الوضع يمكم شو شفت سياره طابكه يمكم منو اجاكم سليم : ابن عم ابويه ويا وحده مزوركه ايناس : ليش شبيها ؟ سليم : الي افتهمته من امي ان واحد وياها بلكليه حبيبها واكعين بلمحظور وهسه هيه حامل واخوها يريد يقتلها ايناس : ياا عزه اي ايناس : ياا عزه وحبيبها مياخذها اذا يحبها صدك سليم : اضاهر طافر الولد لو ما طافر جان ماجتي لهنا شارده ايناس : هذا جذب ميحبها المفروض يحافظ عليها سليم : مشوفين اني محافظ عليج من جنتي بروضه لحد لان ايناس تضحك : فديت الي حافظني براء تحجي وي ثريا بلمويل : اشلونج ثريا ؟ ثريا : اشلوني ، منتظره موتي وبس براء : تفرج حبيبتي مضل هيج ثريا : امي اجتي ؟ براء : اي جتي وكلبت البيت كلاب عليج ثريا : وشكالت ؟ براء : ماقبلت على تصرف علي بس علي معاند والا يلزمج يذبحج وعمامي طابكين ويا ثريا : بابا شلونه ؟ براء تسكت شويه ثريا : براء سئلتج بابا شلونه بي شي براء تبجي : بابا مات ثريا انصدمت من هذا الخبر يوكع الموبايل من ايدها وعيونها تدمع بدون صوت ومازالت براء على الخط زكريا ياخذ الموبايل: براء روحي هسه بعدين اخابرج زكريا : البقيه بحياتج اني مااكدرت اكلج لان مااعرف شلون افاتحج بالموضوع ثريا : يعني جنت تدري وما كلتي زكريا : قبل ساعه دريت ثريا : بابا مات من ورايه ، اني لازم ارجع للبيت امي موجودة زكريا: امج مراح تكدر تساعدج وعلي موجود ثريا : اني ارد اموت حتى ارتاح واخلص زكريا : صبري لازم اكو حل ثاني هسه روحي ارتاحي بغرفه البنيه واني باجر الصبح اجي عليج ثريا كاعده بغرفه ميار وتفكر بينه وبين نفسه وتكول : ماكو حل بعد لازم اموت واني ميته ميته بلحالتين اخلص روحي واخلص الطفل الي بطني من هلدنيا هاي تكوم من مكانها وتقفل الباب وادور على شي حاد بين غراض الغرفه تلكه حبل بلغرفه تاخذه تسحب ميز دراسه صغير وتصعد عليه وتعلك الحبل (بجنكال ) وتلفه بركبتها وتغمض عيونها وهي تبجي .....