تاريخ النشر : 09/06/2024, 20:14:58

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★ 

راجعه من دوامي وصفيت سيارتي يم بيت اهلي اخذ حمودي خليته بالكرسي الوره وربطلة الحزام 

 

أحمد : ايناث 

أيناس: ها روحه أيناث 

 

ابتسمت على طريقه نطقه الاسمي صعدت اسوق البيتي وصلت وشفت مصطفى صف سيارته وبيده علاليك الاكل ابتسمتله دائماً من عدي دوم ميخليني ادخل المطبخ دخل العلاليك وحمودي شاله بايده 

 

تقرب مني يفتح شالي وهو مبتسم 

مصطفى: شونه انوستي ما اشتاقتلي 

 

نزلت راسي وابتسمت بخجل 

أيناس: هاي شبيك صوفي 

 

مصطفى: اوف ربي ولج لا يسمعج ويصحلي بالشارع صوفي

 

أيناس: عادي اذا اتريد اني اطلع همين واصيحلك صوفيتي 

طكه بضحكه قويه وحضن خصري وشالني وحمودي يصفك اله واني احس راح اطك من خجل منه شكد بينه سوالف وحب واني شكد احبه اي اي احبه بس استحي منه هو يضحك على خجلي يكزز عليه ويضحك عليه من اخجل 

 

مصطفى: انوستي روحي بدلي وتعالي نتغده 

اخذت منه حمودي بدلتله وسبحته وهو هم بدل واخذ حمودي طلع جان اخر يوم بالمرحله الثالثة مخلصه فينال رحت ورى للمطبخ لكيته يسوالف وي حمودي 

 

مصطفى: بابا حبيبي لزم نساعد ماما خطيه عده امتحنات 

 

حمودي: اي بابا خطيه

بابا اني اريد ازوج 

 

مصطفى صفن بوجه وبعدين ضحك رجع ساله 

 

مصطفى: ليش تريد تزوج 

 

حمودي: بابا حتى ابوسه مثلك شون انت تبوس ماما 

 

مصطفى: ولك وين تشوفني انت 

 

حمودي: بابا والله انتم خاليني بنصكم اني معليه 

 

يحجه بطريقه بريئه وعيونه مدمعه واني اريد ابجي من خجل ابني شايفني بوضع رذيل دخلت المطبخ اغير موضوعهم 

 

أيناس: يله تعالو نتغده راح نتاخر 

 

كعدنه نتغده وصفنت على ابني وزوجي الي صار اغله شيء

 

وصلت الحلمي الي اريده وخلصت من مدرسه وصرت جامعه صافو ما قصر وياي صديق وسند شترالي سياره وعلمني اسوقه وخلاني بجامعه اهليه 

 

اليوم راح ننجمع الشله بعد فراق ومشاكل دمت سنه بينه ومحد جان متوقع هل شي لاكن صار وخربت شلتنه

 

بسب انسانه متعرف الحلال والحرام مجنه نعرف هيه الي ورى مشاكلنه انسانه تترك بيته واولده علمود انسان متزوج وعده عائله وبيت ومرتاح بحياته 

 

كعده يم علياء الف دولمه نسويه لنور لان تتنسه عليه 

 

احمد: ماما جوعان اريد لحمه من هاي العنونه 

 

ايناس: تعال بعد امك هاك

 

علياء: ولج ايناس ابنج راح يخلص لحمات وعلي اموتج 

 

ايناس: فدوه انتِ ولحماتج وعشيرتج لحموديتي 

 

ضحكت لان كل مره اسويه بيهم سمعنه دك باب وكمنه استقبلنه البنات نور وعلياء وغدير نعمه الاخوات اختي جانت زغير متعرف شي من قسوت الحياه وما اكدر اشكيله بس الله عوضني بثالث اخوات وحده تكول للثانيه اني اسنده  

 

علياء فصار عده بنات ثنين وثالث ولد وايه من جمال ضياء صاينه وحابه وكل يوم حبه يكبر اله بنتها دخلت مدرسه وعالجت تشوها واحمد ابنه عنده ظمور بدماغ ودخلو برحله علاج محد يعرف نهايته لا اهله ولا دكاتره وباقي يم رحمت ربه 

 

رغد الصديقه والاخت والام وكلشي بنسبه الي فبقت على وضعه بس امها توفت بعد سنه من ولدتي لاحمد ابني سامي يموت عليه وكل فتره يطلعه بسفره خارج العراق كل فتره دوله وكلش فرحانه الهم 

 

نور صديقت عمري صار عده بنت ولد وهسه حامل بولد شترت بيت قريب عليه وصرنه تقريبن كل يومين عد وحده بس وقت نوم نفترق 

 

نسولف وين نطلع وشنو نشتري لعرس ابن عمنه وسمعنه صوت الولد اجوي كمنه ستقبلنهم 

مصطفى سلم على الكل واجه باس ايدي وراسي كدمهم اني ستحيت ونزلت راسي وحمودي ابني كام يصفك 

 

أحمد: هاي رمونسيه 

 

ضحكت علياء وشالته تبوس بي وهو حضنه ويضحك يحب علياء بشكل مو طبيعي 

علياء: انت وين تعرف الرومنسيه ولك هاا 

 

أحمد: اني اعرفه عمه اريد ازوج حتى اسوي رومنسه وي مرتي مثل بابا 

 

هو كال هجي واني صرت نار ستيحت من ولد وهمه غلسو نزلو روسهم بس اكتافهم تهتز 

بيوم جنه كاعدين اني ومصطفى واحمد بنصنه يلعب واحنه نخبث عليه نحبه من يعصب واني اكزكز عليه واشيله اعضضه لو ادغدغه سمعنه هبد على الباب كلشش قوي اني جفلت ومصطفى كام يصيح 

 

مصطفى: يا ستار اجيت بويه اجيت 

 

احمد: ماما شكو

 

أيناس: لا تخاف ماما 

هز راسه عيونه مدمعه اني ومصطفى حياتنه هادئه مو مال صياح يعني متعود على الهدوء وما مال واحد يهبد الباب لو يصيح عليه لو شي بسرعه يدمع

 

دخلت عمتي ام مصطفى تعد وتصف بصوت وهذا شي مو اول مره هاي ثاني مره تعيده علينه 

 

ام مصطفى: شون تفشلني كدام العالم بس اريد افهم والعالم متجهزه وانت كاعد هنا يم الخانم

 

مصطفى: يوم سدي الموضوع وروحي البيتج اني طلعت من بيتج حتى تكفيني من المشاكل 

 

ام مصطفى:مو مصطفى ابني الي ربيته لا والله بدلتك عليه هاي المسمومه لا من خلفه بيه خير ولامن شكل ولا من سنع 

 

مصطفى: يوم انت واكفه بيته وتحجين عليه وهيه حتى ما فكت حلكه وذيج المره من اجيتي وضربتيه كف وهيه ما وصلتلي الخبر لو ما مرت علي توصل الخبر رجله ويجي يقلي أيناس لليوم ما تحجيلي وهيه فعلاً لليوم ما حجتلي تبقه بت شيخ وبت عمي وعرضي الي يعجبه هلا بي والي ما يعجبه الله ومحمد وعلي ويا 

مكدرت احجي ولا اطي اي ردت فعل شلت ابني ودخلت للغرفه وبقيت اسمع من ورى الباب ودموعي صب 

لا اكدر احجي الابوي يحله ولا اكدر اشكي المصطفى صير مشاكل بينه وبين اهل بسببي وابوي اذا دخلته راح يخرب وي مصطفى واهله حاولت ابلع الغصه واسكت بس هيهات بس نام حمودي بايدي دموعي بدت تنزل وعمتي بعده مستمره على صياح

 

ام مصطفى: والله اذا ما تزوج بتول فلا ارضه عليك 

 

مصطفى: مخبل صاحي ازوج طليقت ابن عمي 

 

ام مصطفى: وليش هاي مو بت عمك ومرت ابن عمتك الي توفه 

 

مصطفى: ميت مو عدل ويمشي واني ماخذ مرته 

 

ام مصطفى: والله مكروده بنيت اختي ما عرفت تلفه مثل هاي المسمومه 

 

مصطفى: يمهه 

 

ام مصطفى: يمه ولدي راح 

طلعت مثل مصروعه اركض للصاله اشوف مصطفى شبي وروحي تلوب عليه مثل طير المذبوح 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد