تاريخ النشر : 08/28/2024, 24:09:25

الكاتبه زهراء الركابي 

ذي قار (القيثاره الذهبيه) 

 

★★★★★★★★★

 

علياء "

عمه ترى صار المره الرابعه اجي على ايناس وما تقبلين اصعد وهيه ما تنزل وتلفونه 24 ساعه مغلق ليش شنو سبب ممكن افهم ترى خاف عبالكم بس هيه خسرت احمد حتى اني خسرته 

هيه خسرت بس احمد اني خسرت عائله كامله ترى احمد مجان اخ بس ابو واخو وام 

احجي منفعله عمتي منزله راسه تبجي وخالي عيونه حمر على عيطاطي دخل مصطفى يهدي الوضع وسحبني من نصهم تركت جهالي يم ضياء 

صعد مصطفى على كيف ويحذرني ما اسور صوت بهدوء امشي قلبي فرفح اريد اعرف شبيهم 

مصطفى: ديري بالح ترى أيناس باتعس حالاته والله وصايره ملطشه للرايح وجاي 

 

دخل الغرف واني واكفه بالباب شفت منظر الغرف هاي غرفت أيناس؟ مستحيل ملابس مشموره اكل بصينته باقي الفراش مدعوك وبابا الكنتور مفتوح المرايه مكسره بس ملموم الكزاز الكتب مشمورات بكل ماكن التفت على مصطفى الي راح يكنبص يمه وهيه كاعده بالزويه تلهث جنه جانت تصارع وفاقده ما تحس بحيث من دخلن مال التفت علينه اله من راحله مصطفى حضنت قميصه بكفوف اديها 

أيناس: ليش عفتني مو كتل راح ابقه يمج ليش عفتني 

تحجي وتشهك من مل قلبه مصطفى يمسد على راسه بهدوء هدت شويه رجعت تسولف وياه 

أيناس: خابرت على احمد ما يرد ما يرد شوف شصار بالحتي وهو ما مهتم بيه 

 

مصطفى: شون ما مهتم يحبج حب صدكيني ماكو مثله بس هو راح يم الارحم مني ومنج 

دفعته بكل قوته وتصيح و تدفع وتريد تضربه بعد لفه بحضنه يشهك ويها 

 

اني بعدني واكفه على صدمتي مكدرت اتحرك شنو صار الحد يوم 18 هيه مبيه شي حظرت كم خمس ويانه الى ان نقطعت اخبره بعد للاربعينه خمس ايام وهيه ماكو وكل ما اتصل عليه مغلق لو اجي ميقبلون اشوفه 

نامت على صدر مصطفى وهو يمسد على راسه وهي لا حجاب ولا ملابس مستوره مبينه مزقتهن بس هو ما يبوع عليه ويحول يغض البصر همس الي على كيف 

 

مصطفى: بلا امر عليج تكدرين تعدلين فراشه؟ اريد اشيله عليه 

هزيت راسي بدون اي كلام ودمعه بعيني وشفتي ترجف احس اريد ابجي اريد اصرخ شاله حطاها على جربايته غطها 

اجاني يهمس ويمشي على رؤس اصابع حتى لا تكعد 

مصطفى: مشينه بصاله 

علياء: مصطفى احجي شصار بحاله والله العظيم اتصل وما اترد اجي لا خالي ولا عمتي يخلوني اشوفه

مصطفى: اني كتلهم مريد احد يشوفه ولا احد يعرف هي دا تتعالج تمام الي يسألج كليل أيناس مسكت العده وخلص لا تحجين غيره ليش مجوب على تلفونها نفسيتها تعبانه ليش ما تطلع من نجيه كلنه ماسكه العده وما بيه خلك للناس تمام 

هزيت راسي نزل شويه بقيت على كعدتي حيلي مهدود حتى ضياء تصله كتله مكدر اجي راح ابقه يم أيناس ودي الجهال العمتهم

التفت على مصطفى صاعد وبيده صينيه اكل دخل الغرفت ايناس ستغربت الوضع وكفت اشوف يلف ويوكل وهيه حتى مضغ للكمله ما تمضغه 

التف الي مصطفى اشرلي اروحله تقدمت عليه كاعده وما رفعت راسه بس تنهيدات تطلع من بلعومها 

أيناس: والله مو مخبله لا تخافين بس جاي انسه وترجع بيه ذاكرتي لذاك اليوم مكدر ابقه هنا واكمل هجي جاي يصير 

 

هزيت راسي اله ارمش بعيوني حضنته حيل على صدري اوف هاي مدله احمد هجي صاير بيه ما توقعت هجي يصير بيها 

علياء: سوده عليه يروحي صدكيني راح يجي يوم وترجعين احسن من قبل وتضحكين وترجع لمتنه 

هزت راسه ورجعت نامت كمت نضفت الغرف والميت الملابس مالهته عدلته اخر حبايه مثل ما اتحب هيه تنفست بتعب ورحت نمت يمه على جربايه ومصطفى بصاله على قنفه غافي والفون على صدره مبين تعبانه  

زين هو من شوكت بادي علاج ويها وي الدكاتره نفسيه ومن شوكت محتار بيه ومن يمته عقلي كام ما يجمع غفيت بعد عناء وتعب وكسره اكبر من كسرت احمد أيناس كسرته توجع اخخخ 

 

مصطفى " 

كعدت لكيته كاعده صلي بالصاله وصافنه بالسكف اتقربت يمه 

مصطفى: شونج اليوم احسن مو اليوم عدنه جلسه ام النص ساعه وحده ورها اروح للحديق هاي 

هزت راسه ساكته وما حجت بقت عينه تلالي بالدموع اشويه فزت واجت تصرخ بكتم تحضن بيه ياخي رغم مرضه وتعبه ويادوب امها تعينه تبدله ملابسه اله عطره يخبل ادوخ لو تقربت يمي اكوم ما اجمع تنهدت بعدت على كيف 

مصطفى: ماكو شي شغلي صورت البقره ياعيني لا تخافين 

أيناس: ما خايفه بس مدري شصار وفزيت بس 

تحاول تبرر وداما من روح للدكتور تصيح اني مو مريضه مصطفى لا يضلون يصحولي المخبله فدوه وانشلع قلبي باول ثالث جلسات واني ادخل ويها وعيونه مغوركه وبس دكتور يحجي هي بس تبجي 

كتله تكوم تنام ما عاندت راحت نامت بقيت اصلي واني اذكر صارلي سبوعين مارايح بيت اهلي ومن المكتب لهنا ومن هنا للدكتور احس متكسر واريد ارتاح بس ادري بأيناس تتعب زياده هسه اذا عفنه العلاج بنص طريق

 

عدت علياء اجتي عليه عيونه مغوركه دموع 

علياء: شونك مصطفى احجي فضفض انت اكثر واحد تركض بينه وترجع كلنه نكدر نفضفض اله انت 

بتسمت الكلامه هزيت اله راسه تقدمت تكعد حتى تخلين احجي مثل كل مره بس هل مره شحجي اكله احب مرت اخوج شصارح بعد ما تاكدت من مشاعري جاي ادك على راسي من قلبي الجلب الي غدرني 

علياء: لزم نتنوب عليه ميصير كله براسك اني ورغد ونور صدك ذني اقرب شي لأيناس اذا جتمع بينه وطلعت من قوقعت ترتاح 

هزيت راسي مايده؛ مصطفى: شوفي اني متعبان منه صدكيني بس شنو اريدها تغير جو تاخذ نفس بس متقبل تالتقي باخد تدرين خلفله على مظهرات سدت مدارس جان هسه بعدادت التاركين بس المظهارت سترت علينه وهم يكولون موجوه مال هذا الفيروس راح يساعدنه بهواي امور نكدر نحلها ويها علمود ترجع الدوامه 

علياء: راح احول ويها عسى ولعله تقتنع 

مصطفى: كل حيلج ويها بعد اخوج فدوه حتى تطلع من نفسيه الي اني بيه؛ أءء … احم علياء بس شون اكوله الج بس ترى أيناس تحتاج تدخل للحمام تسبح لان عمتي ما تكدر واتوقع ايناس ما واعيه على نفسه اذا مبيه احرج ساعديه اني مكدر بهاي شغله 

علياء: صار صار اكيد هسه بس تكعد اقنعه وكل يوميه العصر اجيه الحد. ما تستعاد قوته 

 

حبت اغير السالفه لان صراح اني منحرج منه شون هيه واعصر بايدي خاف يصير تحسس بالموضوع واني مقصدي شي بسالفه بس خايف عليه 

كومي شوفه خل تكعد نطلع نتمشه وي الجلاب التارسه الشارع 

علياء: ياا عود صدك 

مصطفى: والله يوميه نطلع اني ويها هجي وقت يله تحرك حتى محد بشارع ونركض براحتنه راح تكعدت طلعت مبتسمه اليوم احسن بهواي اذا نستمر اكيد راح تتحسن 

أيناس: كافي مصطفى تعبت بعد مابيه اركض والله 

مصطفى: هذا جلب ورانه خلي نركض 

من الفزعه صارت تركض بكل طاقته وكفت اضحك وهيه التفت شافت الشارع فارغ شالت حجاره من الكاع تريد تضربني 

بعدين ستحت وعتذرت نزلته 

مصطفى: صدكيني زين الج الركض اني اوديج نادي ما عدي مشكله بس اخاف توكعين وتجيج رعصه مال البارحه تردين تكليهم شون شسوي 

ضحكت بخفه ورجعت تتمشه وياي دخلنه للبيت شفت البنات موجودات وعلي وسامي دخلت ايناس بهدوء رادت تروح لزمته رغد حضنتها 

أيناس: فدوه رغد تعبانه ما اكدر اعين نفس اسفه كالته وطلعت 

كعدت رغد تنوح ونور همين دمعته ما نشفت 

مصطفى: اذا ستسلمتن من اول مره فا احب اكلجن مراح نستفاد شي اذا نكعد ونقدم نواعي والبجي راح ابصملك بالعشره ايناس تبقه على حاله 

علياء خويه سوينه ريوك من ايدج الطيبه 

علياء: صار تدلل 

مصطفى: ايناس اله جبن لا تكل لا كيمر وما تحب البيض 

هزت راسه متفهمه راحت واني صعدت لكيت كاعده على طرف سرير 

مصطفى: عادي نسوالف 

 

أيناس: اي تعال

 

مصطفى: رغد خطيه هم خسرت ضنها والضنه ميرجع مثل الرجل او زوج صح لو اني خطائاً 

 

أيناس: والله مالي حيل لان انقش ولا اسوالف 

مصطفى: لخاطرب بس هل مره حبابه طلبت وما اريد ترديني 

أيناس: تمام هسه انزل 

نزلت قبله كم بايه منتظره اجت لابسه بشت عريض وشال ابتسمت اله حولت الطف عليه لان ادري مستصعبه الوضعيه 

نزلنه وهيه اخذت زاويه ساكته 

 

علياء: هذا الريوك الطيب تعالو تقدمو 

مصطفى: عاشت ايدج ام حمودي 

ابتسمت تردلي الشكر والتفنه اني ويها الأيناس حتى تجي ويانه تقدمت بدون صوت تكعد يمي اديه يرعشن سويت لفه من جبن وقدمته اله اكلت منه وتباوعت للكل يبوعلنه بس مغلسين

 

اليوم الاربعينيه كله تريد تروح بس اني ونور مرت عليه بقينه يم أيناس لان البنيه حامل وحتمال تولد باي ساعه هو هذا حظي الاغبر بله طلكت علينه هسه شون وين اولي 

مصطفى: نور والخلقج اذا مصبرتي على ما يجي رجلج ادفرج ازوعج الفرخ 

 

تضحك خجلانه مني بس اني شسوي الروحي سرسري احب اشاقه وي الكل وحاولت الطف الجو على ايناس الي لحد هسه تنشغ وتريد تروح وياهم 

 

مصطفى: أيناس لوين ضلين بلا اكل 

 

أيناس: لا تحاجيني قلبي موجر منك كله وافقت اروح اله انت رفضت روحي مفرفحه على شوفته ليش هجي سوي لا من نزلو للكبر خليتني احضنه ولا هسه خليتني اروح 

 

تحجي من فعله وتبجي توه طالعه من حمام كعدت نور تمشط شعرها وهي تبجي مو بيدي اذا راحت راح تجي فلتانه وعلتانه ويطشن الخبر وتروح هيبه الشيخه الي صارله سنين تبني بيه هي واحمد 

عفته تفوخ قلبه ما ناقشته ابد خليته براحته

★★★★★★★★★

الحمدلله حمد كثير 

الهم صلي على محمد وال محمد