تاريخ النشر : 08/31/2024, 08:31:53

 

ﺛﻤﺎﺭ ﺍﻟﻌﺎﺭ ﺑﺎﻟﺤﻼﻝ

ﻟﻠﻜﺎﺗﺒﺔ nuha-d-h

ﺳﻬﻰ ﻣﻦ ﺻﺎﺭﺕ ﻋﻴﻨﻲ ﺑﻌﻴﻨﺔ

ﻋﺰﺓ ﻫﺬﺍ ﺷﻨﻮ ﻛﻠﺶ ﺳﻤﻴﻦ

ﻭﺍﻟﻠﻪ ﺍﺟﻴﺖ ﺍﺑﺠﻲ ﻫﺎﻱ ﻟﻴﺶ ﻫﻴﺞ ﻋﻮﺩﻙ

ﺑﺲ ﺑﻮﻗﺘﻬﺎ ﺷﻔﺖ ﺑﻌﻴﻮﻧﺔ ﺣﻨﻴﺔ ﻭﺩﻓﻮ

ﻭﮔﻌﺪ ﻳﻀﺤﻜﻨﻲ

ﻭﻓﻌﻼً ﻛﺪﺭ ﻳﻜﺴﺮ ﺣﺎﺟﺰ ﺍﻟﺘﺮﺩﺩ ﻭﺍﻟﻨﻔﻮﺭ ﺍﻟﻲ ﺍﻣﺘﻠﻜﻨﻲ ﺑﻠﺤﻀﺘﻬﺎ

ﺻﺤﻴﺢ ﻫﻮ ﻛﺎﻥ ﺷﻜﻠﺔ ﻋﺎﺩﻱ ﻭﻏﻴﺮ ﺟﺬﺍﺏ ﻣﻮ ﻣﺜﻞ

ﺷﻜﻞ )) ﻓﺎﺭﺱ ﺍﻻﺣﻼﻡ ﺍﻟﻲ ﺟﻨﺖ ﺍﺗﻤﻨﻰ ﺍﻟﺘﻘﻲ ﺑﻲ ((

ﻟﻜﻦ ﻫﻮ ﻛﺎﻥ ﺻﺎﺣﺐ ﺍﻟﺴﺎﻥ ﺟﺪﺍً ﻟﺒﻖ ﻭﻛﺪﺭ ﻳﺴﺤﺐ ﻣﻨﻲ ﺍﺳﺘﺠﺎﺑﺔ

ﻭﺍﺑﺘﺴﺎﻣﺔ ﻭﺻﺮﺕ ﺍﻗﻨﻊ ﺑﻨﻔﺴﻲ ﺍﻥ ﺍﻟﺮﺟﺎﻝ ﻣﻮ ﺑﺎﻟﺸﻜﻞ

ﺍﻫﻢ ﺷﻲ ﺍﺳﻠﻮﺑﺔ ﻭﺗﻌﺎﻣﻠﺔ ﻭﻳﺎﻱ

ﻳﺮﺟﻊ ﺗﻘﺒﻠﻲ ﻟﻬﺬﺍ ﺍﻟﺸﺨﺺ ﻻﻥ ﮔﻠﺒﻲ ﻓﺎﺭﻍ ﻣﺤﺪ ﺷﺎﻏﻠﺔ

ﺣﺘﻰ ﺍﻛﻌﺪ ﺍﻗﺎﺭﻧﺔ ﺑﻲ

ﻭﺑﻮﻗﺘﻬﺎ ﺿﻞ ﻳﻬﻤﺴﻠﻲ ﺍﻧﻮﺍﻉ ﺍﻟﻜﻠﻤﺎﺕ ﺍﻟﻲ ﺧﻠﺘﻨﻲ ﺍﺑﺘﺴﻢ

ﻓﺮﺍﺱ - ﻟﺞ ﺷﻨﻮﺍﻧﺘﻲ ﮔﻴﻤﺮ

ﻭﺍﻟﻠﻪ ﺍﻣﻲ ﺩﺍﻋﻴﺘﻠﻲ ﺣﺘﻰ ﺍﻭﻛﻌﻠﻲ ﺑﻬﻴﺞ ﺑﻨﻴﺔ

ﺑﻨﺖ ﺣﻼﻝ ﻭﺣﻠﻮﺓ ﻟﺞ ﻏﻴﺮ ﺗﻄﻴﺮﻳﻦ ﺍﻟﻌﻘﻞ ﻭﻫﺴﺔ ﺭﺍﺡ ﺗﻜﺴﺮﻳﻦ ﻋﻠﻰ ﺍﻟﻜﻞ ﻭﺗﺨﺮﺑﻴﻦ ﻋﻠﻰ ﺑﻨﺎﺕ ﺍﻟﻌﺸﻴﺮﺓ ﻛﻠﻬﻦ

ﻫﻮ ﻳﺤﺠﻲ ﻭﺍﻧﻲ ﺍﺑﺘﺴﻢ ﻣﺴﺎﻣﻌﺔ ﻭﺍﺣﺪ ﻳﮕﻠﻲ ﻫﻴﺞ ﻛﻼﻡ ﺍﻧﺘﻲ ﺣﻠﻮﺓ ﺍﻭﻝ ﻣﺮﺓ ﺍﺳﻤﻌﻬﺎ

- ﻟﺞ ﻻﺗﻀﺤﻜﻴﻦ ﺭﺣﻤﻲ ﺑﺤﺎﻟﻲ

ﻭﺑﻴﻮﻣﻬﺎ ﺟﺎﻥ ﺟﺎﻳﺐ ﻭﻳﺎﻩ ﻧﻘﺎﻝ ﺍﻟﻲ ﺣﺘﻰ ﻧﺘﻮﺍﺻﻞ ﻣﻊ ﺑﻌﺾ ﻭﻛﻠﺶ ﻓﺮﺣﺖ ﺑﻮﻗﺘﻬﺎ ﺑﺎﻟﻨﻘﺎﻝ

ﻻﻥ ﻫﺎﻱ ﺍﺣﺪ ﻋﻼﻣﺎﺕ ﺍﻟﺮﺟﻞ ﺍﻟﻤﺘﻔﻬﻢ

ﻋﻠﻰ ﺍﻻﻗﻞ ﻣﻮ ﻣﺜﻞ ﺭﺟﻞ ﺭﻳﻢ ﺣﺎﺭﻣﻬﺎ ﺣﺘﻰ ﻣﻦ ﺍﻟﻨﻘﺎﻝ

ﻭﻣﺮﺕ ﺍﻻﻳﺎﻡ ﻭﺟﺎﻥ ﻛﻞ ﻓﺘﺮﺓ ﻳﺠﻴﻨﻲ ﻣﻦ ﺍﻟﺴﻔﺮ ﮔﺒﻞ ﺑﻮﺟﻬﺔ ﻟﺒﻴﺘﻨﺎ ﺣﺘﻰ ﻳﺰﻭﺭﻧﻲ ﻭﺻﺮﻧﺎ ﻧﻜﻌﺪ ﺳﻮﻳﺔ ﺑﺎﻻﺳﺘﻘﺒﺎﻝ ﻣﺜﻞ ﺍﻱ ﻣﺨﻄﻮﺑﻴﻦ ﻻﺯﻡ ﻧﮕﻌﺪ ﻟﻮﺣﺪﻧﺎ

ﻭﻣﺜﻞ ﻣﺎ ﻋﻠﻤﺘﻨﻲ ﺭﻳﻢ ﻭﺑﺎﻗﻲ ﺻﺪﻳﻘﺎﺗﻲ

ﺷﻠﻮﻥ ﺍﺗﻌﺎﻣﻞ ﻭﻳﺔ ﺧﻄﻴﺒﻲ ﻭﻻﺯﻡ ﺍﻋﺪﻟﺔ ﻭﺍﻟﺒﺴﻠﺔ ﻓﺴﺎﺗﻴﻦ ﻛﻠﻤﺎ ﻳﺠﻲ ﻳﺰﻭﺭﻧﻲ

ﻻﺯﻡ ﻳﻠﻜﺎﻧﻲ ﻋﻠﻰ ﺣﺒﺎﻳﺔ ﻭﻧﺺ ﺍﺫﻛﺮ ﺍﻭﻝ ﻣﺮﺓ ﺑﺎﺳﻨﻲ ﺑﻴﻬﺎ ﻇﻠﻴﺖ ﺍﺑﺠﻲ ﻻﻥ ﻛﺎﻥ ﺍﺣﺴﺎﺱ ﻏﺮﻳﺐ ﻭﻣﻮﺣﻠﻮ ﻣﺎ ﺍﻋﺮﻑ ﻟﻴﺶ ﻳﻤﻜﻦ ﺑﻮﻗﺘﻬﺎ ﻛﺎﻧﺖ ﺍﻟﺒﻮﺳﺔ ﺷﻮﻳﺔ ﻋﻤﻴﻘﺔ ﺑﺤﻴﺚ ﺍﺧﺬ ﺷﻔﺎﻳﻔﻲ ﺩﺍﺧﻞ ﺷﻔﺎﻳﻔﻪ ﺑﺤﻴﺚ ﻗﻄﻌﺖ ﺍﻟﻨﻔﺲ ﻭﺍﺟﻴﺖ ﺍﺗﻘﻲﺀ ﺑﻮﻗﺘﻬﺎ ﻣﺠﻨﺖ ﺍﻋﺮﻑ ﺍﻥ ﺍﻟﺒﻮﺳﺔ ﺗﻜﻮﻥ ﻫﻴﺞ ﻣﻘﺰﺯﺓ

ﺍﺷﻮ ﺻﺪﻳﻘﺎﺗﻲ ﻣﮕﺎﻟﻮ ﻫﻴﺞ ﺍﺷﻮ ﻣﺪﺍ ﺍﺣﺲ ﺑﺎﻟﺸﻌﻮﺭ ﺍﻟﻲ ﻭﺻﻔﻮﻩ ﺍﻟﺒﻨﺎﺕ ﺍﻥ ﺍﻟﺒﻨﻴﺔ ﺍﺫﺍ ﺗﺘﺒﺎﺩﻝ ﺍﻻﺣﻀﺎﻥ ﻭﻳﺔ ﺣﺒﻴﺒﻬﺎ

ﺗﺬﻭﺏ ﺑﻴﻦ ﺍﻳﺪﻳﻪ ﻭﻣﻦ ﻳﺒﻮﺳﻬﺎ ﺣﺒﻴﺒﻬﺎ ﺗﺤﺲ ﺭﻭﺣﻬﺎ ﺗﺴﺎﻓﺮ ﺑﻐﻴﺮ ﻋﺎﻟﻢ ﻭﺗﺬﻭﺏ ﺑﻴﻦ ﺍﻳﺪﻳﻪ ﻭﺗﻨﺴﻰ ﻧﻔﺴﻬﺎ

ﺍﺷﻮ ﻫﺬﺍ ﻛﻠﺔ ﺍﻻﺣﺴﺎﺱ ﻣﺎﻣﺮ ﻋﻠﻴﺔ

ﺍﻟﺠﺎﺋﺰ ﺍﻟﺼﻮﺝ ﺑﻴﺔ

ﻭﺍﻧﻲ ﺑﺎﺭﺩﺓ ﻭﻣﺪﺍﺍﺗﺠﺎﻭﺏ ﻭﻳﺎﻩ

ﺑﺲ ﻫﻮ ﻭﻳﻦ ﺭﺍﻳﺢ ﻭﺫﺍﻳﺐ ﻭﺿﺎﻋﺖ ﻋﻠﻮﻣﺔ

ﺧﻄﻴﺔ ﺍﺣﺲ ﻋﻼﻣﺎﺕ ﺍﻻﺛﺎﺭﺓ ﺍﻟﻲ ﻭﺻﻔﻮﻫﺎ ﺻﺪﻳﻘﺎﺗﻲ ﺑﻴﻨﺖ ﻋﻠﻰ ﻓﺮﺍﺱ

ﺑﺲ ﺍﻧﻲ ﺍﺑﺪ ﻣﺤﺴﻴﺖ ﺑﺸﻲ ﺑﺘﺠﺎﻫﺔ

ﻻﺯﻡ ﺍﺳﺄﻝ ﺭﻳﻢ ﺍﺷﻮﻑ ﺷﻨﻮ ﺍﻟﺴﺎﻟﻔﺔ ﻣﻌﻘﻮﻟﺔ

ﺍﻧﻲ ﺑﺎﺭﺩﺓ ﺑﺎﻟﻤﺸﺎﻋﺮ ﻋﺰﺓ ﺑﺲ ﻻ ﻣﺜﻞ ﻋﻤﺘﻲ ﺳﻠﻴﻤﺔ

ﺍﻟﻲ ﺍﺗﺰﻭﺝ ﻋﻠﻴﻬﺎ ﺭﺟﻠﻬﺎ ﻻﻥ ﻛﺎﻥ ﻳﻜﻮﻝ ﻫﻲ ﺑﺎﺭﺩﺓ ﻭﻳﺎﻱ

ﻭﻣﺘﻨﻄﻴﻨﻲ ﺣﻘﻲ

ﻻ ﻋﺰﺓ ﻣﺎ ﺍﺭﻳﺪ ﺍﺻﻴﺮ ﻣﺜﻠﻬﺎ ﻭﻳﺘﺰﻭﺝ ﻋﻠﻴﺔ

ﻻﻥ ﺟﺎﻣﺪﺓ ﻭﺗﺼﻴﺮ ﺳﻴﺮﺗﻲ ﻋﻠﻰ ﻛﻞ ﺍﻟﺴﺎﻥ

ﺟﻨﺖ ﺍﺳﻤﻊ ﺑﺎﺑﺎ ﻳﺤﺠﻲ ﻻﻣﻲ ﻋﻠﻰ ﻋﻤﺘﻲ ﺳﻠﻴﻤﺔ

ﺑﻴﻮﻡ ﺍﻟﻲ ﺍﺗﺰﻭﺝ ﻋﻠﻴﻬﺎ ﺭﺟﻠﻬﺎ

ﺍﺑﻮ ﺳﻬﻰ - ﺍﻱ ﻫﻲ ﺻﻮﺟﻬﺎ ﺧﻠﺖ ﺍﻟﺮﺟﺎﻝ ﻳﺮﻭﺡ ﻣﻦ ﺍﻳﺪﻳﻬﺎ ﻭﻳﺘﺰﻭﺝ ﻏﻴﺮﻫﺎ

ﺍﺧﺘﻲ ﻭﺍﻋﺮﻓﻬﺎ

ﺍﻛﺒﺮ ﻓﺎﻫﻴﺔ ﻭﺑﺎﺭﺩﺓ ﻭﻣﺎ ﻋﺮﻓﺖ ﺗﺠﻨﻲ ﺯﻭﺟﻬﺎ ﻭﺗﺤﺘﻮﻳﻪ

ﻭﻫﻮ ﺭﺟﺎﻝ ﻳﺮﻳﺪ ﺍﻟﻤﺮﺓ ﺍﻟﺤﺎﺭﺓ ﺍﻟﻲ ﺗﻌﺮﻑ ﺷﻠﻮﻥ ﺗﺪﺍﺭﻱ ﺍﻟﺮﺟﺎﻝ ﻭﺗﻠﺒﻲ ﻃﻠﺒﺎﺗﺔ ﻭﺗﺴﻮﻳﻠﺔ ﺟﻮ

ﻭﺍﻧﺘﻲ ﺷﻮﻓﺖ ﻋﻴﻨﺞ ﺍﺧﺘﻲ ﻭﺟﻬﺔ ﺳﺠﻦ ﻭﻛﻔﺎﻫﺔ ﻣﺴﺘﺸﻔﻰ ﻃﺒﻌﺎً ﻳﺘﺰﻭﺝ ﻋﻠﻴﻬﺎ ﻣﻮ ﺯﻳﻦ ﻣﺎ ﺷﺮﺩ ﻣﻨﻬﺎ

..... 

ﻣﻊ ﺍﻻﺳﻒ ﺑﻤﺮﻭﺭ ﺍﻻﻳﺎﻡ ﺑﻨﻴﺖ ﺍﻓﻜﺎﺭ ﺧﺎﻃﺌﺔ ﺑﻌﻘﻠﻲ

ﻭﺧﻠﻘﺖ ﻣﺨﺎﻭﻑ ﻭﻫﻤﻴﺔ ﺑﺘﺠﺎﻩ ﺧﻮﻓﻲ ﻣﻦ ﺭﺟﻠﻲ ﻳﺘﺰﻭﺝ ﻋﻠﻴﺔ

ﺣﻘﻲ ﺟﺎﻫﻠﺔ ﻭﻣﺎﻋﻨﺪﻱ ﺍﻱ ﻣﻔﻬﻮﻡ ﻣﻦ ﻫﺎﻱ ﺍﻟﻨﺎﺣﻴﺔ

ﻭﺍﻣﻲ ﻣﻤﻌﻮﺩﺗﻨﺎ ﺍﻥ ﻧﺤﺠﻴﻠﻬﺎ ﻣﺸﺎﻛﻠﻨﺎ

ﻟﺬﻟﻚ ﻇﻠﻴﺖ ﺳﺎﻛﺘﺔ ﻭﻣﻨﺘﻈﺮﺓ ﺍﺧﺘﻲ ﺭﻳﻢ ﺗﺠﻴﻨﺎ ﺧﻄﺎﺭ ﺣﺘﻰ

ﺍﺣﺠﻴﻠﻬﺎ ﻭﻣﻊ ﺍﻻﺳﻒ ﺭﻳﻢ ﺍﺟﺎﺯﺗﻬﺎ ﺑﻌﻴﺪﺓ ﻳﻌﻨﻲ ﻛﻞ ﺷﻬﺮ ﻣﺮﺓ ﺗﺠﻲ ﻟﺒﻴﺖ ﺍﻫﻠﻲ

ﺩﻙ ﻓﺮﺍﺱ ﻋﻠﻰ ﻧﻘﺎﻟﻲ

- ﺍﻟﻮ ﻫﻠﻮ ﺷﻠﻮﻧﻚ ﻓﺮﺍﺱ

- ﻫﻠﺔ ﺑﻴﺞ ﺳﻬﺎﻭﻱ

ﺍﻛﻮﻝ ﺍﻟﻴﻮﻡ ﺣﻀﺮﻱ ﻧﻔﺴﺞ ﺍﻧﺔ ﺟﺎﻱ ﺑﺎﻟﻄﺮﻳﻖ

ﺍﻟﻴﻮﻡ ﻧﻌﻘﺪ ﺑﺎﻟﻤﺤﻜﻤﺔ ﻭﺍﺗﺼﻠﺖ ﻋﻠﻰ ﺍﺑﻮﺝ ﺍﻟﺒﺎﺭﺣﺔ

ﻭﻛﺎﻝ ﻣﻴﺨﺎﻟﻒ ﺗﻌﺎﻝ ﺣﺘﻰ ﺍﺭﺗﺒﻠﻚ ﺍﻻﺟﺮﺍﺀﺍﺕ ﻣﺎﻟﺖ ﺍﻟﻤﺤﻜﻤﺔ

- ﺻﺪﻙ ﺍﺷﻮ ﺑﺎﺑﺎ ﻣﺤﺠﺔ ﻣﻜﻠﻲ ﺣﺘﻰ ﺍﺟﻬﺰ ﻧﻔﺴﻲ

- ﻫﻮ ﺍﺑﻮﺝ ﻣﻦ ﺷﻮﻛﺖ ﻳﺎﺧﺬ ﺭﺃﻳﻜﻢ ﻫﺴﺔ ﺑﻘﺖ ﻋﻠﻰ ﻫﺎﻱ

ﺍﻧﺘﻬﻰ ﺍﻻﺗﺼﺎﻝ

ﺍﻡ ﺳﻬﻰ - ﻫﺬﺍ ﻣﻨﻮ

- ﻣﺎﻣﺎ ﻫﺬﺍ ﻓﺮﺍﺱ ﺭﺍﺡ ﻳﺠﻲ ﻋﻠﻴﺔ ﺣﺘﻰ ﻳﺎﺧﺬﻧﻲ ﻟﻠﻤﺤﻜﻤﺔ ﻭﻧﻌﻘﺪ

ﺍﻡ ﺳﻬﻰ - ﻟﻌﺪ ﺧﻮﺵ ﺣﺘﻰ ﺍﺳﻮﻱ ﺣﺴﺎﺏ ﻓﺮﺍﺱ ﻋﺎﻟﻐﺪﺓ

ﺭﺣﺖ ﺻﻌﺪﺕ ﻓﻮﻙ ﺣﺘﻰ ﺍﺑﺪﻝ

ﺍﺳﺘﻐﻔﺮ ﺍﻟﻠﻪ ﺣﺘﻰ ﻓﺮﺍﺱ ﺍﻧﺘﺒﻪ ﻋﻠﻰ ﺍﺳﻠﻮﺏ ﺑﺎﺑﺎ ﺑﺎﻟﺮﻏﻢ ﺍﻧﻲ ﺣﺎﻭﻟﺖ ﺍﻥ ﻣﺎ ﺍﺑﻴﻦ ﺗﻬﺎﻭﻥ ﺑﺎﺑﺎ ﺑﺘﺠﺎﻫﻨﺎ

ﺣﺘﻰ ﻣﺎ ﺍﻗﻠﻞ ﻣﻦ ﻗﻴﻤﺘﻲ ﻛﺪﺍﻣﺔ

ﻻﺯﻡ ﻣﺎ ﺍﺑﻴﻦ ﺣﺘﻰ ﻳﺤﺘﺮﻣﻨﻲ ﻭﻳﺴﻮﻳﻠﻲ ﺍﺣﺴﺎﺏ

ﺑﺲ ﻣﻊ ﺍﻻﺳﻒ ﺷﻜﻞ ﺍﻟﻮﻟﺪ ﻋﺮﻑ ﺍﺳﻠﻮﺏ ﺑﺎﺑﺎ

ﺑﺲ ﻛﻮﻥ ﻣﺎ ﻳﺴﺘﻬﺎﻥ ﺑﻴﺔ

ﻛﻤﻠﺖ ﺗﺒﺪﻳﻞ ﻣﻼﺑﺴﻲ ﻭﺧﻠﺼﺖ ﻭﻛﻌﺪﺕ ﺍﻧﺘﻈﺮﺓ

ﻭﺍﺟﺔ ﻣﻦ ﺍﻟﺒﺎﺏ ﺩﻙ ﻫﻮﺭﻥ ﻣﻨﺰﻝ

ﻭﻃﻠﻊ ﺍﺧﻮﻳﺔ ﻗﺘﻴﺒﺔ ﻭﺑﻌﺪﻫﺎ ﺻﺎﺣﻠﻲ

ﻛﻠﻲ ﻓﺮﺍﺱ ﻳﻨﻈﺮﺝ ﺑﺎﻟﺴﻴﺎﺭﺓ ﻣﺴﺘﻌﺠﻞ

ﺭﺣﺖ ﺭﻛﺒﺖ ﺑﺼﻔﺔ ﻭﺳﻠﻤﺖ ﻛﻨﺖ ﻻﺑﺴﺔ ﺑﻨﻄﺮﻭﻥ ﺟﻴﻨﺰ ﻭﻗﻤﻴﺺ ﻣﻘﻔﻞ ﻭﺷﺎﻝ ﺍﺑﺎﻭﻉ ﻟﻨﻈﺮﺍﺕ ﻓﺮﺍﺱ ﻋﻠﻴﺔ

ﺍﻛﻠﻨﻲ ﺍﻛﻞ

- ﻟﺞ ﻃﺎﻟﻌﺔ ﺗﻤﻮﺗﻴﻦ

ﺷﻴﺼﺒﺮﻧﻲ ﻋﻠﻤﺎ ﺗﺪﻭﺭ ﺳﻨﻮﻳﺔ ﺟﺪﺗﺞ

ﻣﺎ ﺍﻋﺮﻑ ﻟﻴﺶ ﺍﺑﻮﺝ ﻣﺼﺮ ﺍﻻ ﺗﺪﻭﺭ ﺍﻟﺴﻨﺔ ﻳﺎﻟﻠﻪ ﻧﮕﺪﺭ ﻧﺘﺰﻭﺝ

- ﻣﻴﺼﻴﺮ ﻏﻴﺮ ﺑﻴﺒﻲ ﻣﺼﺎﺭﻟﻬﺎ ٤ﺍﺷﻬﺮ ﻣﻦ ﺗﻮﻓﺖ ﻣﺘﺸﻮﻑ ﺑﺎﺑﺎ ﻣﻘﺒﻞ ﻧﺴﻮﻱ ﺣﻔﻠﺔ ﻣﻬﺮ

ﻭﺻﻠﻨﺎ ﻟﻠﻤﺤﻜﻤﺔ ﻭﻛﺎﻥ ﺑﺎﺑﺎ ﻣﻮﺻﻲ ﻣﻮﺿﻒ ﻋﻨﺪﺓ ﺑﺎﻟﻤﺤﻜﻤﺔ ﺍﻥ ﻳﺎﺧﺬﻧﺎ ﻭﻳﺨﻠﺺ ﺍﻻﺟﺮﺍﺀﺍﺕ ﻭﻧﻮﺏ ﺑﻌﺪﻳﻦ ﺍﺟﺔ ﺑﺎﺑﺎ ﻭﺍﺧﺬﻧﺎ ﻟﻠﻘﺎﺿﻲ ﻳﺼﻴﺮ ﺻﺪﻳﻘﺔ

ﺣﺘﻰ ﻳﻌﻘﺪﻟﻨﺎ

ﻭﺧﻠﺺ ﺍﻟﻌﻘﺪ ﻭﺍﻧﻲ ﺑﻮﻗﺘﻬﺎ ﺣﺴﻴﺖ ﻭﻗﻌﺖ ﻋﻠﻰ ﺍﻧﺘﻬﺎﺀ

ﻣﺴﺘﻘﺒﻠﻲ ﻭﺍﻋﺪﺍﻡ ﺷﺒﺎﺑﻲ

ﺭﺟﻌﻨﺎ ﺍﻧﻲ ﻭﺑﺎﺑﺎ ﻭﻓﺮﺍﺱ ﻟﻠﺒﻴﺖ ﻭﺑﻴﻮﻣﻬﺎ ﺑﺎﺑﺎ ﻣﻘﺒﻞ ﻳﺨﻠﻲ ﻓﺮﺍﺱ ﻳﺮﺟﻊ ﻻﻫﻠﺔ ﺑﻨﻔﺲ ﺍﻟﻴﻮﻡ

ﺍﺑﻮﺳﻬﻰ - ﻻ ﺷﻨﻮ ﻳﻤﻌﻮﺩ ﺍﻟﻴﻮﻡ ﺍﺟﻴﺖ ﻣﻦ ﺍﻟﺴﻔﺮ ﻭﺗﺮﻳﺪ ﺗﺮﺟﻊ ﺑﻨﻔﺲ ﺍﻟﻴﻮﻡ ﻣﻴﺼﻴﺮ ﻫﻴﺞ ﺍﻟﻴﻮﻡ ﺑﺎﺕ ﻭﺍﻟﻔﺠﺮ ﺍﺗﻮﻛﻞ ﻻﻥ ﺍﻟﻄﺮﻳﻖ ﻃﻮﻳﻞ ﻭﺧﻄﺮ ﻋﻠﻴﻚ

ﺍﻟﻤﻬﻢ ﺑﻘﻰ ﻓﺮﺍﺱ ﺑﺒﻴﺖ ﺍﻫﻠﻲ ﻭﺑﻴﻮﻣﻬﺎ ﺍﺗﻌﺸﺎ ﻋﺪﻧﺎ ﻫﻮ ﻭﺍﺧﻮﺗﻲ ﻭﺑﺎﺑﺎ ﻭﺍﻟﺘﻬﻴﻨﺎ ﺍﻧﻲ ﻭﺍﻣﻲ ﻭﻧﻮﺭ ﻧﺠﻬﺰ ﺍﻟﻬﻢ ﺍﻟﻌﺸﺎ

ﻃﺒﻌﺎً ﻭﺍﺳﺘﺎﺫ ﻓﺮﺍﺱ ﺍﺳﺘﻐﻠﻬﺎ ﻓﺮﺻﺔ ﻛﻠﺴﺎﻋﺔ ﻳﻄﻠﻊ ﺣﺠﺔ ﺣﺘﻰ ﻳﻜﺮﺹ ﺑﻴﺔ ﺑﺎﻻﺳﺘﻘﺒﺎﻝ ﻭﻳﺎﺧﺬ ﺍﻟﻤﻘﺴﻮﻡ

ﺑﺲ ﺷﻠﻮﻥ ﻗﻬﺮ ﺍﺣﺲ ﺑﻤﺸﺎﻋﺮﻱ ﻣﺜﻞ ﺍﻟﻄﺎﺑﻮﻛﺔ ﺍﺑﺪ ﻣﺎ ﺍﺣﺲ ﺑﺄﻱ ﺷﻲ ﻭﻟﻮﻣﺎ ﺍﺧﺎﻑ ﻭﺍﻟﻠﻪ ﺍﻧﻄﻲ ﺿﺮﺑﺔ ﻋﻠﻰ ﺣﻠﻜﺔ

ﻳﻌﻨﻲ ﻣﺎ ﻋﻨﺪﺓ ﺍﺳﻠﻮﺏ ﺑﺪﻭﻥ ﻣﻘﺪﻣﺎﺕ ﻳﻈﻞ ﻳﺘﻠﻤﺲ ﻭﻳﺒﻮﺱ ﺑﺸﻜﻞ ﻣﻘﺰﺯ ﺣﺘﻰ ﻛﻼﻡ ﺣﻠﻮ ﻣﺎ ﺍﺳﻤﻊ ﻣﻨﺔ ﺍﺣﺲ ﺑﻲ ﻳﻘﺘﺮﺏ ﻣﻨﻲ ﺣﺘﻰ ﻳﺸﺒﻊ ﻏﺮﻳﺰﺗﺔ

ﺑﻮﻗﺘﻬﺎ ﺩﻓﻌﺘﺔ ﺣﻴﻞ ﻭﺍﺑﺘﻌﺪﺕ ﻋﻨﺔ ﺍﺣﺲ ﺍﺧﺘﻨﮕﺖ ﻣﻦ ﻛﺪ ﻣﺎ ﺟﻨﺖ ﺣﺎﺑﺴﺔ ﺍﻧﻔﺎﺳﻲ ﺩﺍﺧﻞ ﺻﺪﺭﻱ ﻭﺷﻔﺘﺔ ﺻﺎﺭ ﻳﺘﻤﺎﺩﺓ ﺑﺎﻟﻠﻤﺴﺎﺕ ﺍﻟﻈﺎﻫﺮ ﻋﻘﺪ ﺍﻟﻤﺤﻜﻤﺔ ﺍﻧﻄﺎﻩ ﺩﺍﻓﻊ

ﺣﺘﻰ ﻳﺼﻴﺮ ﻳﺎﺧﺬ ﺭﺍﺣﺘﺔ ﺑﻤﻌﺎﻣﻠﺘﺔ ﻭﻳﺎﻱ

ﺑﺲ ﻣﺎ ﺍﻋﺮﻑ ﻟﻴﺶ ﻫﺎﻱ ﺣﺮﻛﺎﺗﺔ ﺍﺣﺲ ﺑﻴﻬﺎ ﺗﺪﻧﺲ ﺑﺮﺍﺋﺘﻲ ﻭﺗﻘﻠﻞ ﻣﻦ ﻛﺮﺍﻣﺘﻲ ﻭﻗﻴﻤﺘﻲ

ﺍﺣﺲ ﺑﻌﺪﺓ ﺩﺍﺧﻠﻲ ﺭﻭﺡ ﻃﻔﻠﺔ ﻟﻢ ﺗﻜﺒﺮ ﺍﻟﻰ ﺍﻻﻥ

ﺩﻓﻌﺘﺔ ﻭﺭﻛﻀﺖ ﻃﻠﻌﺖ ﺑﺮﺓ ﺍﻻﺳﺘﻘﺒﺎﻝ

ﺳﻤﻌﺖ ﺻﻮﺕ ﻣﺎﻣﺎ ﺗﺼﻴﺤﻨﻲ

- ﻫَـﺎ ﻣﺎﻣﺎ ﺻﺤﺘﻴﻨﻲ

- ﺍﻱ ﻳﻤﺔ ﻫﺎﻱ ﺳﺎﺭﺓ ﺍﺗﺼﻠﺖ ﻋﻠﻴﺞ

ﺭﺣﺖ ﺍﺧﺬﺕ ﺍﻟﻨﻘﺎﻝ ﻣﻨﻬﺎ ﻣﻦ ﺳﻤﻌﺖ ﺻﻮﺕ ﺳﺎﺭﺓ ﺣﺴﻴﺖ

ﺍﻛﻮ ﻓﺪ ﺍﻣﻞ ﺍﻥ ﺑﻌﺪﻧﻲ ﺑﺮﻳﺌﺔ ﻭﺍﻛﺪﺭ ﺍﻧﺴﻰ ﻧﻔﺴﻲ ﻣﻦ ﺍﺣﺠﻲ ﻭﻳﺔ ﺳﺎﺭﺓ ﺑﺎﺭﻛﺘﻠﻲ ﻋﻠﻰ ﺍﻟﻌﻘﺪ ﻭﻇﻠﻴﻨﺎ ﻧﺴﻮﻟﻒ ﻭﻧﺤﺠﻲ ﻟﺤﺪ ﻣﺎ ﺍﺟﺘﻲ ﻧﻮﺭ

- ﺳﻬﻰ ﻣﺎﻣﺎ ﺗﻜﻮﻝ ﺧﻠﻲ ﺗﺠﻲ ﺗﺴﺎﻋﺪﻧﻲ ﺣﺘﻰ ﻧﺼﺐ ﺍﻟﻌﺸﺎ

ﺳﻬﻰ - ﻳﺎﻟﻠﻪ ﺳﺎﺭﺓ ﺑَـــﺎﻱ ﻣﻊ ﺍﻟﺴﻼﻣﺔ ﺍﻧﻲ ﺭﺍﺡ ﺍﺭﻭﺡ

ﺍﻟﻴﻮﻡ ﺯﻭﺟﻲ ﺍﻟﺘﺤﻔﺔ ﻣﻮﺟﻮﺩ ﺑﺎﻟﺒﻴﺖ ﻭﺭﺍﺡ ﻳﺒﺎﺕ ﻋﺪﻧﺎ

ﺳﺎﺭﺓ - ﺍﻫﻮﻭ ﻣﺒﻴﻦ ﻣﻦ ﺧﻼﻝ ﻛﻼﻣﺞ ﺍﻥ ﺍﻧﺘﻲ ﻣﻤﺮﺗﺎﺣﺔ ﻭﻳﺎﻩ

ﺳﻬﻰ - ﺍﺷﺶ ﺧﻠﻴﻬﺔ ﺳﻜﺘﺔ ﻣﺎ ﺍﻛﺪﺭ ﺍﺣﺠﻲ ﻫﺴﺔ ﺑﻌﺪﻳﻦ ﻣﻦ ﺍﻓﺮﻍ ﺍﺣﺠﻴﻠﺞ

ﻧﻬﻴﺖ ﺍﻻﺗﺼﺎﻝ ﻭﺭﺣﺖ ﻻﻣﻲ

ﻭﺑﻬﺎﻱ ﺍﻻﺛﻨﺎﺀ ﻛﻌﺪﺕ ﺍﻟﻤﺢ ﻷﻣﻲ ﻋﻦ ﺗﺼﺮﻑ ﻓﺮﺍﺱ

ﻭﻳﺎﻱ

ﺳﻬﻰ - ﺍﺓ ﺍﺓ ﺍﺣﻢ ﺍﻛﻠﺞ ﻳﻮﻡ ﺍﻟﻤﺮﻳﺔ ﺷﻠﻮﻥ ﻻﺯﻡ ﺗﺘﻌﺎﻣﻞ ﻭﻳﺔ ﺯﻭﺟﻬﺎ ﻣﺜﻼ ﺍﺫﺍ ﺣﺎﻭﻝ ﻳﻘﺘﺮﺏ ﻣﻨﻬﺎ ﻋﺎﺩﻱ ﺗﺼﺪﺓ ﻳﻌﻨﻲ

ﻫﻢ ﺍﻟﻬﺔ ﺍﻟﺤﻖ ﺑﺎﻟﺮﻓﺾ ﺍﺫﺍ ﻛﺎﻧﺖ ﻣﻴﻌﺠﺒﻬﺎ ﻳﻘﺘﺮﺏ ﻣﻨﻬﺎ

ﺍﻡ ﺳﻬﻰ - ﻻ ﻳﻮﻡ ﻋﻴﺐ ﻣﻴﺼﻴﺮ ﺍﻟﻤﺮﺓ ﺗﺼﺪ ﺭﺟﻠﻬﺎ ﻭﺗﺒﻌﺪﺓ ﻋﻨﻬﺎ ﺷﺘﺮﺩﻳﻦ ﻳﻜﻮﻟﻮﻥ ﻋﻨﻬﺎ ﺍﻟﻨﺎﺱ ﻃﻔﺸﺖ ﺭﺟﻠﻬﺎ

ﻛﻨﺖ ﺍﺳﻮﻱ ﺯﻻﻃﺔ ﻭﺍﺣﺠﻲ ﻭﻳﺎﻫﺔ

ﻃﺒﻌﺎً ﺍﻏﻠﺐ ﺗﺼﺮﻓﺎﺗﻨﺎ ﺍﻟﻌﻴﺐ ﻭﺣﺠﻲ ﺍﻟﻨﺎﺱ

ﻳﻌﻨﻲ ﻋﺒﺎﻟﻚ ﻋﺎﻳﺸﻴﻦ ﺣﻴﺎﺗﻨﺎ ﻋﻠﻤﻮﺩ ﺍﺭﺿﺎﺀ ﺍﻟﻨﺎﺱ

ﻭﺍﻟﻠﻪ ﺗﻔﻜﻴﺮﻫﻢ ﺗﻌﺒﺎﻥ

ﻟﻜﻦ ﻣﻊ ﺍﻻﺳﻒ ﻣﺠﻨﺖ ﺍﻋﺮﻑ ﺍﻥ ﻫﺬﺍ ﺗﻔﻜﻴﺮﻫﻢ

ﺭﺍﺡ ﻳﻌﻢ ﻋﻠﻰ ﺣﻴﺎﺗﻲ

ﺑﻴﻮﻣﻬﺎ ﺧﻠﺼﻨﺎ ﺍﻟﻌﺸﺎ ﻃﺒﻌﺎً ﺍﻟﻮﻟﺪ ﻟﻮﺣﺪﻫﻢ ﺍﺗﻌﺸﻮ ﻻﻥ ﺑﺎﺑﺎ

ﻣﻴﺼﺮﻓﻠﺔ ﺍﻥ ﻛﻠﻨﺎ ﻧﺎﻛﻞ ﺳﻮﻳﺔ ﻣﺎ ﺍﻋﺮﻑ ﻫﺬﺍ ﺍﻟﺘﻔﻜﻴﺮ ﺍﻟﺘﻌﺒﺎﻥ ﻣﺴﺘﻨﺪ ﻋﻠﻰ ﻳﺎﻗﺎﻧﻮﻥ

ﺑﻌﺪ ﻣﺎ ﺧﻠﺼﻮ ﻭﺷﻮﻳﺔ ﺷﺮﺑﻮ ﺟﺎﻱ ﻭﺍﻟﺘﻬﻴﺖ ﺍﻏﺴﻞ ﺑﻤﻮﺍﻋﻴﻦ ﺍﻟﻌﺸﺎ ﺳﻤﻌﺖ ﺍﻣﻲ ﺻﺎﺣﺘﻠﻲ

- ﻳﻤﺔ ﺳﻬﺎﻭﻱ ﺭﻭﺣﻲ ﻓﺮﺷﻠﻲ ﻟﺮﺟﻠﺞ ﺧﻠﻲ ﻳﻨﺎﻡ ﺍﻟﺒﺎﺟﺮ ﻭﺭﺍﻩ ﺳﻔﺮ ﻣﻦ ﺍﻟﻔﺠﺮ

- ﺻﺎﺭ ﻳﻮﻡ ﺑﺲ ﺧﻠﻲ ﺍﺧﻠﺺ ﺍﻟﻲ ﺑﺒﻴﺪﻱ ﻭﺍﺭﻭﺡ ﺍﻓﺮﺷﻠﺔ

ﻭﺍﻟﻠﻪ ﺧﻠﺼﺖ ﺷﻐﻠﻲ ﻭﺭﺣﺖ ﺟﺒﺘﻠﻬﺔ ﻓﺮﺍﺵ ﻭﻃﻠﻌﺘﻠﺔ ﺑﻄﺎﻧﻴﺔ ﺟﺪﻳﺪﺓ ﻣﻦ ﺍﻟﺠﻴﺲ ﻭﻣﺨﺪﺓ ﻭﺑﻴﻦ ﻣﺎ ﻛﻨﺖ ﺍﻓﺮﺵ ﺑﺎﻻﺳﺘﻘﺒﺎﻝ ﺳﻤﻌﺖ ﺻﻮﺕ ﺑﺎﺏ ﺍﻻﺳﺘﻘﺒﺎﻝ ﺍﻧﻘﻔﻞ ﺍﻟﺘﻔﺘﺖ ﺷﻔﺘﺔ ﻓﺮﺍﺱ ﻣﻨﺘﺠﻲ ﻋﻠﻰ ﺍﻟﺒﺎﺏ ﻭﻳﺒﺎﻭﻋﻠﻲ ﺑﻨﻈﺮﺍﺕ ﺷﺮﻫﺔ ﻭﻛﺼﻨﻲ ﻛﺺ

ﮔﻠﺒﻲ ﺍﺑﺪ ﻣﺎ ﺍﺭﺗﺎﺡ ﻟﻨﻈﺮﺍﺗﺔ ﺍﻟﻲ

ﺭﺩﺕ ﺍﻃﻠﻊ ﺳﺤﺒﻨﻲ

ﻣﻦ ﺍﻳﺪﻱ ﻭﺑﺼﻮﺕ ﻧﺎﺻﻲ

- ﻭﻳﻦ ﻭﻳﻦ ﻃﺎﻟﻌﺔ ﺍﻭﻛﻔﻲ ﺍﻟﻠﻪ ﻋﻠﻴﺞ ﻧﻮﻣﻴﻨﻲ ﻭﺭﻭﺣﻲ

- ﺷﻨﻮ ﺍﻧﺖ ﻃﻔﻞ ﺍﻧﻮﻣﻚ

- ﺍﻫﻮﻭﻭ ﻫﺴﺔ ﻫﺎﻱ ﺷﻴﻔﻬﻤﻬﺎ ﻭﺍﻟﻠﻪ ﻋﻘﻠﺞ ﻣﺤﺠﺮ

ﻳﻌﻨﻲ ﺑﺎﺑﺎ ﺍﺭﻳﺪ ﺍﺟﺮﺏ ﺍﻧﺎﻡ ﺑﺤﻀﻨﺞ

ﺍﺗﺴﻌﺖ ﻋﻴﻮﻧﻲ ﻣﺘﻔﺎﺟﺌﺔ

- ﻻ ﻋﻴﻨﻲ ﺷﻨﻮ ﻋﻴﺐ ﻭﻳﻦ ﻛﺎﻋﺪﻳﻦ

- ﺟﺮﻧﻲ ﻭﻗﺮﺑﻨﻲ ﻋﻠﻴﻪ ﺣﻴﻞ

ﺷﻨﻮ ﻭﻳﻦ ﻛﺎﻋﺪﻳﻦ ﺑﺎﺑﺎ ﺍﻧﺘﻲ ﺻﺮﺗﻲ ﺣﻼﻟﻲ ﻭﺯﻭﺟﺘﻲ ﻭﻣﺤﺪ ﺍﻟﺔ ﺣﻖ ﻳﺤﺠﻲ ﻭﻳﻔﻚ ﺣﻠﻜﺔ ﻋﺴﻰ ﻣﺎ ﺍﺧﺬﺝ ﻫﺴﺔ ﻣﺤﺪ ﺭﺍﺡ ﻳﺤﺠﻲ

ﺩﻓﻌﺘﺔ ﺧﺎﻳﻔﺔ ﻣﻨﺔ

- ﻻ ﻻ ﻋﻔﻴﺔ ﻓﺮﺍﺱ ﻋﻮﻓﻨﻲ ﺍﺭﻭﺡ ﻭﺍﻟﻠﻪ ﺑﺎﺑﺎ ﻣﻴﻘﺒﻞ

ﺷﻨﻮ ﺍﺻﻼ ﺍﺣﻨﺎ ﻣﻤﺘﺰﻭﺟﻴﻦ ﺷﻠﻮﻥ ﺗﺤﺠﻲ ﻫﺬﺍ ﺍﻟﻜﻼﻡ

- ﺍﺑﻮﻳﺔ ﺍﻧﺘﻲ ﺍﻟﻴﻮﻡ ﻋﻘﺪﻧﺎ ﻣﺤﻜﻤﺔ ﻭﻋﺎﻗﺪﻳﻦ ﺳﻴﺪ ﺑﻌﺪ ﺷﺘﺮﺩﻳﻦ ﺑﺲ ﺍﻧﺘﻮ ﺍﻻ ﻫﻮﺳﺔ ﻭﺑﺪﻟﺔ ﻋﺮﺱ ﻭﻃﺒﻠﺔ ﻳﺎﻟﻠﻪ ﺗﻌﺘﺮﻓﻮﻥ ﺑﺎﻟﺰﻭﺍﺝ

- ﻻ ﻣﻮ ﻗﺼﺪﻱ ﻫﻴﺞ ﺑﺲ ﺍﻻﺻﻮﻝ ﺗﻜﻮﻝ ﺍﺻﻴﺮ ﺑﺒﻴﺘﻚ ﻳﺎﻟﻠﻪ ﻳﺤﻘﻠﻚ ﺗﺎﺧﺬﻧﻲ

ﻃﺒﻌﺎً ﺍﻧﻲ ﺍﺣﺠﻲ ﻭﻫﻮ ﻳﺴﺤﺒﻨﻲ ﻭﻳﻘﺮﺑﻨﻲ ﻭﻳﺒﻮﺱ

ﺑﺤﻴﺚ ﺍﺭﻳﺪ ﺑﺲ ﺍﻓﻚ ﻧﻔﺴﻲ ﻣﻨﺔ ﻣﺎﻛﻮ

ﺑﺲ ﺑﻮﻗﺘﻬﺎ ﺻﺮﺕ ﺍﻗﺎﻭﻡ ﺑﻲ ﺑﺲ ﺑﺪﻭﻥ ﻣﺎ ﺍﻃﻠﻊ ﺻﻮﺕ ﺍﺧﺎﻑ ﻳﺴﻤﻌﻮﻧﻲ ﺍﻫﻠﻲ ﺑﺤﻠﻈﺘﻬﺎ ﺍﻣﺘﻠﻜﻨﻲ

ﺍﻟﺨﻮﻑ ﻣﻨﺔ ﻭﺍﻟﻤﻮﻗﻒ ﻏﺮﻳﺐ ﻋﻨﻲ ﻳﻌﻨﻲ ﻟﻤﺴﺎﺗﺔ ﺻﺎﺭﺕ ﺍﻛﺜﺮ ﺟﺮﺋﺔ ﻭﺻﺎﺭ ﻛﻠﺶ ﻗﺮﻳﺐ ﻋﻠﻴﺔ ﺍﺣﺲ ﺑﻲ ﻣﻮ ﻋﺒﺎﻟﻚ ﺩﻳﺒﺎﺩﻟﻨﻲ ﺍﻟﺤﺐ ﻻ ﻋﺒﺎﻟﻚ ﺩﻳﻨﻬﺶ ﺑﻠﺤﻤﻲ ﺷﻠﻮﻥ ﺍﻟﻔﺮﻳﺴﺔ

ﺣﺴﻴﺖ ﻋﻠﻴﻪ ﺩﻓﻌﻨﻲ ﻭﺻﺎﺭ ﻳﺮﻓﻊ ﺑﻤﻼﺑﺴﻲ ﻭﺍﻧﻲ ﻛﻌﺪﺕ ﺍﺗﻼﻭﺓ ﻭﻳﺎﻩ ﻭﺍﻧﺰﻝ ﺑﻴﻬﻢ ﻭﺍﺩﻓﻌﺔ ﻋﻨﻲ

ﺑﺲ ﻣﻊ ﺍﻻﺳﻒ ﻫﻮ ﻣﺜﻞ ﺍﻟﺤﺎﻳﻂ ﺍﺑﺪ ﻣﺎ ﻳﻬﺘﺰ ﻭﺍﻟﻤﺸﻜﻠﺔ ﻫﻮ

ﺍﺿﺨﻢ ﻣﻨﻲ ﻭ ﺑﻌﺪ ﻫﺬﻩ ﺍﻟﻤﻌﺮﻛﺔ ﺍﻟﺨﺎﺳﺮﺓ

ﺍﻟﻲ ﺩﺍﺭﺕ ﺑﻴﻨﻲ ﻭﺑﻴﻨﻪ

ﺣﺴﻴﺖ ﺑﺄﻟﻢ ﻭﺻﺮﺧﺖ ﻭﻫﻮ ﺍﻟﺘﻘﻒ ﺻﺮﺧﺎﺗﻲ

ﻭﺳﺪ ﺣﻠﻜﻲ ﺑﺄﻳﺪﺓ ﺣﺘﻰ ﻣﺤﺪ ﻳﺴﻤﻌﻨﻲ ﺩﻓﻌﺘﺔ ﻭﺑﻌﺪﺗﺔ ﻋﻨﻲ ﺑﻮﻗﺘﻬﺎ ﻭﻇﻠﻴﺖ ﺍﺑﺠﻲ ﻭﺍﻟﻄﻢ ﻭﺍﺣﺠﻲ ﻋﻠﻴﻪ ﺑﺼﻮﺕ ﻧﺎﺻﻲ ﺣﺘﻰ ﻣﺤﺪ ﻳﺴﻤﻌﻨﻲ ﻋﺒﺎﻟﻚ ﺳﻮﻳﺖ ﻣﻜﺴﻮﺭﺓ

- ﻟﻚ ﻓﺮﺍﺱ ﺷﺴﻮﻳﺖ

ﺣﺴﻴﺖ ﺑﻲ ﻛﺎﻡ ﻣﻦ ﻋﻠﻴﺔ ﻭﻫﻮ ﻣﻔﺰﻭﻉ

ﺍﺣﺘﻤﺎﻝ ﻣﻜﺎﻥ ﻳﺤﺲ ﻋﻠﻰ ﺭﻭﺣﺔ ﺷﻨﻮ ﺳﻮﺓ

ﻭﻣﺴﺢ ﻋﻠﻰ ﻭﺟﻬﺔ ﺑﻴﺪﺓ

- ﻟﺘﺨﺎﻓﻴﻦ ﺍﻧﻲ ﺍﺧﺬﺗﺞ ﻭﺍﻧﺘﻲ ﻫﺴﺔ ﺻﺮﺗﻲ ﻣﺮﺗﻲ ﻭﺣﻼﻟﻲ

ﻳﺘﺒﻊ