تاريخ النشر : 08/29/2024, 23:04:50

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

بقه يهلهل وكل ما نصفن جرنه بهلهوله والاغنيه الي مشغلته حزينه نزلنه البيت اجتي رغد وعلياء يساعدني وصعدت للغرفه كبل تمددت على فراشي ونور بدت تسوالفلهن شسويت بالبنج واني كل شويه اريد ابجي ويسكتني 

 

بتول: عادي عادي معليج حبي بس ذني الفديوهات الي عد مصطفى يودنج ورى الشمس 

بقيت ادك بحركه على فخذي وهنه يضحكن عليه وعلياء كل شي تغمز وتكلي طلع بيج بله سمعنه دك على باب كلنه خنسنه سكته كامت بتول تشوف منو وطلع مصطفى يكلنه اجو ولد عمي وعمامي يسلمون عليه عدلت كعدتي 

وهمه دخلو يسلمون ويضحكون 

 

زياد: اني منتظر فضيحه ايناس شفضحت بالبنج 

بعد مكدر الزم نفسي قبل بجيت وعلي ومصطفى تمددو يضحكون وعيونهم تدمع وضياء يصيح بيهم سكتو وكل شويه تفلت ضحكه منهم 

 

مرت ثالث اشهر اجني مصطفى للبيت نسولف على الاملاك مال احمد واخيراً راح اخلص من حمل الامانه سوينه عزيمه جبيره ابيتنه ومصطفى جايب محاميه وياه والشخص الي سلامنه الوكاله لان هو عنده دار العجزه وشخص ثاني دار الايتام خلصنه العزيمه والغد والكل جان كاعد من ضمنهم امير ومحمد اخوان احمد وخالي ابو احمد كامت البنيه المحاميه حجتلهم 

 

المحاميه: كل الاملاك انتقلن وشخصين بس برئه ذمه اخذ من املاك احمد رغد .... .... زوجت احمد سابقن وعندها بنيه من عده جان عمرها 14 سنه من توفت فالبيت الي جان باسمه انتقل الامها والاخت علياء ...... ...... ايضا اخذت بيت مساحته 250 متر والابيت صار باسمه هي حرت التصرف بي اما باقي الاملاك انتقلت لدار العجز ودار الايتمام كملت حديثه محاميه سلمت وطلعت 

محد يكدر يفك حلكه بكلمه بعد نفذت الي اريده بس اعيونهم تتنقل طلعو من بيت مخنوكين وهما عبالهم صلح ياخذون وكالت الاملاك من شفت الكل طلع التفت العلياء الي جانت حابسه دمعه 

 

ايناس: اريد بس يومين افرغ البيت من اغراضنه واطي الج مهنايه عليه هل بيت اطي كالت علياء هي الشخص الوحيد يحافظ عليه 

 

علياء نهدت بالبجي واني مكدر ولا اكدر اسيطر على دموعي كمت ورغد اجتي وراي 

 

رغد: ايناس ليش هجي سويتي اني مريد متنزله عنه اخذي 

 

ايناس: حق بنتج انتي متردينه بتج معده احد يذكرها اجر البيت وخلي ايجره صدقه عن روحها 

 

هزت راسه واني صعدت وصعدن بتول ونور وعمتي هناء ومرت عمي ابو مصطفى 

 

هناء: والله لوما اعرف قلبج جن قلت انت قاسيه بس معرف شنو المسوينه امير و محمد حتى هجي تكرهيهم 

 

ايناس: عمه اذا تردين تلومين احد روح الاحمد ولوميه لان هو كاتب الوصيه مو اني وعلى فكره اني تنزلت على كل شي مخلي باسمي لا سياره ولا البيت ولا شقه ولا اي شي تمام اني مخذت شي حتى تلوموني عليهن اني اطيتهن الناس محتاج محمد ماعد وبطله بايده خل يروح يشتغل ويسجل املاك باسمه 

كلته ونمت وغطيت راسي اني مو كد نقاشهن وبتول نهد بعمتي 

 

انتها نقاشهن بطلعتهن من غرفتي كعدت ابجي من كل قلبي اشهك واذكر سولفي وي احمد لحد يوم وفاته علياء بقت للعصر واني نزلت الهم مبدله ولابسه اسود كل معتاد نزلت بخطوات خاوي جهالها بقو بالبيت يم امي وبيبتي وبتول 

واني نه طلعنه 

 

ضياء: أيناس اني لحد هسه معرف وين تردين ترحين 

 

أيناس: البيت احمد القديم 

 

علياء: ليش شنسوي رايحين 

 

أيناس: ضياء بس انت اكدر اطلب منك تاخذني لو ارجع

هز راسه ورحنه مرينه على بيت علي اخذنه نور وخلت بته عد عمتي حتى علياء رجعت ليوره وعلي صعد بالصدر ويانه مشينه 

واني اعصر بنفسي مريد احد بعد يشوف ضعفي بس هيهات دموعي كل شويه غدرني وصلنه للبيت ونزل ضياء اول ورى علي 

 

نزلت اني من سياره وهمه واكفين دمعه بقت تحرك بعيني رفعت راسي وامشي بخطوه ثكيله للبيت الي انبنت بي احلامنه البيت الي جان هو شاهد على حبنه على فرحنه ودمعنه علينه واحنه نصبغه بادينه ونجهز كل قطعه منه وكل جزء ازغير نشتري بفرحه وانرتب وجان املنه نعيش بي نزلت دمعتي ما سيطرت اكثر تقدمت على باب فتحت 

 

هبت عليه ذكريات صح مرايح من بالي بس واني اشوف المكان الي بي تعركنه وهو يرضني حتى لا ابجي المكان الي حركت الاكل ولبده بي عنه حتى لا يعصب وهو واكف يضحك المكان الي واكف يغني بي الي المرايه الي جنه نوكف يمه ونصور وهو يحظني ويسميني الفنجس لان اكصر منه واضعف من 

 

التفت للمكان الي زارع بي الشجره وطالعه شجره نابته المكان الي حط بي المرجوحه علمود اكعد اقرا بيه 

 

جنت واكفا بس مكدرت نزلت للكاع ابجي ونور اجت عليه صاح عليه علي كاله خليه براحته شبعت بجي بمكاني وكمت وهما كلمن مكان وكلمن زويه ما قضو ذكريات مثلنه هنا اني اكثر وحده عشت ويا بهل بيت سنتين اني ويا اجهز واصبغ البيت كل عله ذوقي وهو يشتغل ومبتسم ويدند ويغني تقدمت على باب صاله وفتحته 

 

صار المطبخ مقابيلي اكثر مكان يجهز بي رحت وكفت بالمكان الي يوكف بي ويغنيلي 

 

احمد: حبيبي امك متقبل من حاجيك

 

بجيت واذكره شون جان يغنيه الي سنه ونص اني مسامعه صوت محضنته ولا شمه عطره احس اختنكت طلعت للصاله 

متوجه الغرفتنه الي جهزنها فتحته على تجهيزنه بس تراب مالي الغرفه شغلت الاظويه صارت صورتنه قبال عيني وهو حاظني بلخطوبه التفت للجه ثانيه صورتنه اني ويا بين الحرمين بالعقد صارت عيني على جربيه ورجعت بيه الذكره اليوم 

 

أيناس: احمد شني هاي ما يصلح تنام على جربيه قبل عرس 

 

احمد: خايبه خليني نايم لا اجي اسحلج والعباس 

أيناس: نام عمي نام براحتك 

 

رجعت الارض الواقع نزلت على فراشه ابجي ونمت بالمكان النام بي واشهك من كل قلبي ونور وياي حاظنتني وتهدي بيه 

كمت فتحت الخانه ملابسه مسفطه بدلت العرس مالتي ومالته جابوها ثالث يوم الفاتحه خابر علينه المندوب جايبه من بغداد من بدلت عرس البدلت عزه جابوها وحطينها بالغرفه وسدو الباب عليه التفت الزويه دشاشته البيضه اذكره عليه شون يطلع كشخه بيه غترته تقدمت طلعتهن واشم بعطرهن بعده عطره ما راح نهاريت حرفياً بقيت بس الطم شصار بيه شنو الي سويته والله حاسبني واخذ مني اعز شي التفت على حظنت مصطفى الي وهو يهدي بيه 

 

مصطفى: خلص اهدي اني ليش كتلج ما اجيبج لان اعرف تنهارين قابل اني اكرهج لو اريد احرمج منه لا وداعت عيونج جاي ادوس على روحي واجيبج 

 

أيناس: مصطفى والله ما اكدر روحي معلكه بي مثل ما عطره تعلك بهل ملابس 

 

كعد مقابيلي بداشته السوده الوحيدن اني ويا منزعنه اسود سحب غترته وحطه على عيونه بقينه نسمع بس شهكاته وانهار وكل الي موجودين يبجون 

 

كمت بعد ما تعبت جبت جنط فتحتهن وبقيت الم بصورنه بدلت العرس مالتي بدلته هو لميت كلشي عطوره الي على ميز وكله تراب من زمان محد جاي طلعت وضياء سحب جنطه صارت صورته الي بنص صاله عفت وطلعت 

اجه مصطفى طلع الجنط بسيارته وصعد صعدت ويا 

 

أيناس: منو كالك اني هنا 

 

مصطفى: افا وهذا شنو شغلته 

 

ياشر عله قلبه عود يابه قلبه يدك وكاله أيناس ابيت احمد درت عليه ظربته بكتفه

أيناس: صافوو احجي لا تخليني مثل الثوله 

 

مصطفى: شيخت قلبي عمت عين عيوني شبي وجهج هجي ضعفان اروحلج فدوه 

اخذ يدي باسه وعيونه بعيوني وحرك سياره حرفياً خجلت ونزلت راسي وسحبت ايدي بهدوء منه وهو هم حس وابتسم بوجهي 

أيناس: صافو اطلب طلب 

 

مصطفى: اطلبي عيوني اشلعهن 

 

أيناس: ايع تخيلت منظرهم يخوف 

التفت عليه خزرني واني اني متت ضحك عله شكله 

مصطفى: انتِ شكول غزل انتِ شكول واحد يحط القنـ.... دره وعلى راسج 

 

اني مستمره اضحك وهو يتبوعلي بعيونه صفح ويخفي ابتسامته 

 

أيناس: صافو ياعيني هسه مو دا اشقه 

 

مصطفى: احجي عيني احجي 

 

أيناس: مريد نسوي عرس نعقد وروح الكربلاء نزور نخلص سبوع ونرجع 

 

مصطفى: تردين صدك اني هم ما ردت بس مردت اكسر بخاطرج هم حقج تردين تفرحين وتلبسين بدله 

 

نزلت راسي وسحبت ايدي الي جنت على ايده وبقيت افرك بيه بقهر وحجيت بالكوه 

 

أيناس: سويت عرس وصفكت ولبست البدله شنو حصلت بس القهر والدموع اني مريد اكسر فرحتك سوي حفله حنا وي الشباب واحتفلو بس اني مريد زفه فدوه خلصني منه 

 

مصطفى: هاي هي الي تردينه يصير وداعت عيونج الحلوع 

 

هزيت راسي وصلنا للبيت نزل الجنط الي جبتهن نيشاني كامل مجنت محتاجته ولا رايده وحتى هسه مكدر اشوفهن كل قطعه منهن اشترينها سوي ذكرني بااحمد واني اريد ابدي بدايه جديده مريد اكسر مصطفى ماله ذنب حطيتهن بغرفت امي معدا بس جنطت الهدايه وصور اخذته 

 

أيناس: يمه ذني الطيهن للفقره بعدهن جدد مريدهم 

 

صعدت درج وجنطت صور الخطوبه والبوم الحنه والهدايه وكل شي صعدت خليتهن بغرفتي جنت متردد افتحهن بس فتحتهن وصورت كل شي حطيتهن بصوره وحده كتبت نهايت اعيون الناس عليه نزلته ستوري وحذفت كل شي بالحساب حرفياً كل شي بقيت بصوره قبر احمد وشلت الاسم والبايو وخليت صوره بالهيلات وسجلت خروج من حساب وفتحت حساب جديد سويته خاص ضفت صديقتي الي تعرفت عليه ومصطفى والبنات وخليت صوره بنيه مخليت صورتنه ارتاحيت ومصطفى هم ما ضغط عليه وبالعكس كيف ميحب هجي سوالف وتلفوني سديته وخليت مصطفى جابلي تلفون جديد توه نازل وتلفون الي بي ذكرياتنه اني احمد قفلت 

 

مو نسيته بس لازم اكمل حياتي شكد اله حب بقلبي تعبت بكده قاطات انطوت صفحتي اني واحمد وبديت صفحه جديده بس وي مصطفى...... 

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وآل محمد