تاريخ النشر : 09/02/2024, 07:43:22

.... 

ﺳﻬﻰ ﻭﻫﻲ ﺗﺴﺤﺐ ﺳﺎﺭﺓ

- ﺳﺎﺭﺓ ﻛﺎﻓﻲ ﻟﺘﺼﻴﺤﻴﻦ ﻋﻮﻓﻲ ﺧﻞ ﻧﻠﺤﻚ ﻧﺮﻭﺡ ﻋﺎﻟﻤﺤﺎﺿﺮﺓ ﻟﺘﻔﻮﺗﻨﺎ

ﺭﻓﻌﺖ ﺭﺍﺳﻲ ﻭﺍﺟﺖ ﻋﻴﻮﻧﻲ ﻣﺘﺮﻭﺳﺔ ﺩﻣﻮﻉ

ﺑﻌﻴﻮﻥ ﺍﻟﻮﻟﺪ ﺍﻟﻲ ﺩﻋﻤﻨﻲ ﺑﺴﻴﺎﺭﺗﺔ

ﻫﻮ ﺟﺎﻥ ﻳﺤﺠﻲ ﻭﻋﺼﺒﻲ ﻣﻦ ﺍﻟﺘﻘﺖ ﻧﻈﺮﺍﺗﻨﺎ ﺣﺴﻴﺖ ﺑﻲ

ﻗﻄﻊ ﻛﻼﻣﺔ ﻭﻇﻞ ﻳﺒﺎﻭﻉ ﻋﻠﻴﺔ ﺷﻔﺘﺔ ﻓﻘﺪ ﺍﻟﻜﻠﻤﺎﺕ ﺣﺘﻰ ﻳﻜﻤﻞ ﻛﻼﻣﺔ ﻭﻳﺔ ﺳﺎﺭﺓ ﻭﻇﻞ ﻳﺒﺎﻭﻉ ﻋﻠﻴﺔ ﺑﻨﻈﺮﺍﺕ

ﺗﻤﻮﺕ

ﻻﻭﻝ ﻣﺮﺓ ﺑﺤﻴﺎﺗﻲ ﺍﺣﻂ ﻋﻴﻨﻲ ﺑﻌﻴﻦ ﺭﺟﺎﻝ ﻏﻴﺮ ﺍﺧﻮﺗﻲ ﻭﺑﺎﺑﺎ ﺑﺲ ﺑﻠﺤﻀﺘﻬﺎ ﺣﺴﻴﺖ ﺑﮕﻠﺒﻲ ﺍﺟﺔ ﻳﻮﮔﻒ

ﻗﻄﻌﺖ ﺍﺗﺼﺎﻝ ﺍﻟﻨﻈﺮﺍﺕ ﺑﻴﻨﻲ ﻭﺑﻴﻨﺔ ﻭﻫﻤﺴﺖ ﺑﺼﻮﺕ ﺑﻲ ﺭﺟﻔﺔ ﺧﻮﻑ ﻭﺑﺠﻲ ﺳﺤﺒﺖ ﺳﺎﺭﺓ

- ﺳﺎﺭﺓ ﻳﺎﻟﻠﻪ ﺍﻣﺸﻲ ﻛﺎﻓﻲ ﻟﺘﺤﺠﻴﻦ ﻭﻳﺎﻩ ﻣﻼﺯﻡ ﻣﺒﻴﺔ ﺷﻲ

ﺳﻤﻌﺘﺔ ﮔﻌﺪ ﻳﺠﻠﻲ ﺑﺼﻮﺗﺔ

- ﺍﺣﻢ ﺍﺣﻢ ﺍﻛﻮ ﻭﺣﺪﺓ ﺗﺸﻤﺮ ﺭﻭﺣﻬﺎ ﮔﺪﺍﻡ ﺳﻴﺎﺭﺓ ﻫﻴﺞ

ﺷﻨﻮ ﻋﻤﻴﺔ

ﻣﺮﻓﻌﺖ ﺭﺍﺳﻲ

ﻇﻠﺖ ﻋﻴﻨﻲ ﻋﻠﻰ ﺳﺎﺭﺓ ﻭﺣﺠﻴﺖ ﻭﺍﻧﻲ ﺍﻓﺮﻙ ﺑﺮﺟﻠﻲ ﻛﻠﺶ ﺍﺫﺗﻨﻲ

- ﻻ ﻣﻮ ﻋﻤﻴﺔ ﺑﺲ ﺣﻀﺮﺗﻚ ﺍﻟﻲ ﺟﻨﺖ ﻃﺎﻳﺮ ﺑﺴﻴﺎﺭﺗﻚ ﻋﺒﺎﻟﻚ ﺑﺲ ﺍﻧﺖ ﺑﺎﻟﺸﺎﺭﻉ ﻣﺎﻛﻮ ﻋﺎﻟﻢ ﻭﻳﺎﻙ ﻣﺎ ﺍﺩﺭﻱ ﻋﻴﻮﻧﻜﻢ ﻭﻳﻦ

ﻳﺎﻟﻠﻪ ﻫﺴﺔ ﻋﻠﻰ ﺍﻟﻌﻤﻮﻡ ﺗﻜﺪﺭ ﺗﺮﻭﺡ ﺗﻜﻤﻞ ﻃﺮﻳﻘﻚ

ﺣﺴﻴﺖ ﻋﻠﻴﻪ ﺻﺎﺭ ﻧﺎﺭ ﻭﻋﺼﺐ

- ﺷﻨﻮ ﺣﻀﺮﺗﺞ ﺟﺎﻱ ﺗﺼﺮﻓﻴﻨﻲ ﻟﻮﺗﺴﻜﺘﻴﻨﻲ

ﻋﺰﺓ ﻫﺬﺍ ﻣﺎ ﻧﺎﻭﻱ ﻳﺠﻴﺒﻬﺎ ﻟﺒﺮ

ﺍﻧﻲ ﻇﻠﻴﺖ ﺍﺗﻠﻔﺖ ﺧﺎﻑ ﻭﺍﺣﺪ ﻳﺸﻮﻓﻨﺎ ﻭﻫﻮ ﻋﺼﺒﻲ

ﻛﻤﻞ ﻛﻼﻣﺔ - ﻣﻮﺵ ﺍﻧﺘﻲ ﺍﻟﻲ ﺗﻌﻠﻤﻴﻨﻲ ﺷﻨﻮ ﺍﺳﻮﻱ

ﺣﺴﻴﺖ ﺍﻋﺼﺎﺑﻲ ﺗﻠﻔﺖ ﻭﺑﻌﺪ ﻣﺎ ﻛﺪﺭﺕ ﺍﺗﺤﻤﻞ

ﻃﺒﻌﺎً ﻣﺎﺍﻋﺮﻑ ﺷﻠﻮﻥ ﺍﺗﺼﺮﻑ ﺑﻬﻴﺞ ﻣﻮﺍﻗﻒ

- ﻫﺴﺔ ﺍﻧﺖ ﺷﺘﺮﻳﺪ ﻳﻌﻨﻲ ﻫﻢ ﺍﻧﺖ ﺩﺍﻋﻤﻨﻲ ﻭﻓﻮﮔﺎﻫﺔ ﻣﻘﺎﺑﻞ

ﻳﻌﻨﻲ ﺍﻛﻠﻚ ﻣﺼﺎﺭ ﺷﻲ ﻭﺗﻜﺪﺭ ﺗﺮﻭﺡ ﺣﻀﺮﺗﻚ ﻣﻴﻌﺠﺒﻚ ﺷﻨﻮ ﻳﻌﻨﻲ ﺗﺮﻳﺪ ﻣﻨﻲ ﺍﺑﻮﺱ ﺍﻳﺪﻙ ﺣﺘﻰ ﺣﻀﺮﺕ ﺟﻨﺎﺑﻚ

ﺗﺮﺿﻰ

ﺳﻤﻌﺖ ﺻﻮﺕ ﻣﻦ ﻭﺭﺓ ﺍﻟﻮﻟﺪ ﻭﺍﺣﺪ ﻳﺼﻴﺤﻠﺔ

- ﺛﺎﺋﺮ ﺳﻼﻣﺎﺕ ﺷﻨﻮ ﺍﻟﻤﻮﺿﻮﻉ

- ﻻ ﻣﺎﻛﻮ ﺷﻲ ﺑﺲ ﻫﺎﻱ ﻭﺣﺪﺓ ﻣﻄﻔﻴﺔ

ﺫﺑﺖ ﺭﻭﺣﻬﺎ ﮔﺪﺍﻡ ﺳﻴﺎﺭﺗﻲ ﺯﻳﻦ ﻣﺎ ﺍﺑﺘﻠﻴﺖ ﺑﻴﻬﺎ

ﻭﻭﺭﻃﺘﻨﻲ ﻋﻠﻰ ﺍﺳﺎﺱ ﺍﻧﺔ ﻧﺎﻗﺺ

ﺛﺎﺋﺮ

ﻃﺒﻌﺎً ﺍﻧﺎ ﺍﺣﺠﻲ ﻭﻳﺔ ﺻﺪﻳﻘﻲ

ﻭﻋﻴﻨﻲ ﺍﺑﺪ ﻣﻮﮔﻌﺖ ﻣﻦ ﻋﻠﻰ ﺍﻟﺒﻨﻴﺔ

ﺷﺎﻳﻠﺔ ﺣﺴﻦ ﺭﺑﺎﻧﻲ ﺗﺠﻴﺐ ﺍﻟﺘﺎﻳﻪ

ﺑﻨﺖ ﺍﻟﻠﺬﻳﻦ ﺧﻠﺘﻨﻲ ﺍﺿﻴﻊ ﺍﻟﻜﻼﻡ

ﺑﺤﻴﺚ

ﻋﺼﺒﺖ ﻋﻠﻴﻬﺎ ﻻﻥ ﺍﻟﻬﺔ ﻳﺪ ﺑﻀﻴﺎﻉ ﺍﻟﻜﻼﻡ ﻣﻨﻲ

ﻭﺍﻧﺔ ﻫﺬﺍ ﻣﻮ ﻃﺒﻌﻲ ﺣﺴﻴﺖ ﻟﻠﺤﻀﺎﺕ ﻓﻘﺪﺕ ﺍﻟﺴﻴﻄﺮﺓ

ﺟﺎﻧﺖ ﺗﻤﻠﻚ ﻫﺎﻟﺔ ﻣﻦ ﺍﻟﺒﺮﺍﺋﺔ ﻭﺍﻟﻀﻌﻒ ﺗﺠﺬﺏ ﺍﻻﻧﻈﺎﺭ ﺍﻟﻬﺔ

.......................

ﺍﺳﻤﻲ ﺛﺎﺋﺮ ﺍﻟﻌﻤﺮ٣٠ﺳﻨﺔ

ﺍﻧﻲ ﻣﻦ ﺍﻫﺎﻟﻲ ﺍﻟﺠﻨﻮﺏ

ﻭﺟﺎﻱ ﻟﺒﻐﺪﺍﺩ ﻋﻨﺪﻱ ﺷﻐﻞ

ﻭﻣﺮﻳﺖ ﻫﻨﺎ ﺣﺘﻰ ﺍﺷﻮﻑ ﺻﺪﻳﻘﻲ ﻋﺴﺎﻑ

ﺍﻧﻲ ﺭﺟﻞ ﺍﻋﻤﺎﻝ ﺣﺮﺓ

ﺷﻐﻠﻲ ﻣﺸﺘﺮﻙ ﻭﻳﺔ ﻭﺍﻟﺪﻱ ﻭﺍﺧﻮﺗﻲ ﻳﻌﻨﻲ ﺧﻴﺮﻧﺎ ﺣﻼﻟﻨﺎ ﻭﺍﺣﺪ

ﻣﺘﺰﻭﺝ ﻭﺻﺎﺭﻟﻲ ﺳﻨﺘﻴﻦ ﻣﻄﻠﻚ ﻣﺮﺗﻲ

ﻭﻋﻨﺪﻱ ﻣﻨﻬﺎ ﺑﻨﻴﺔ ﺍﺣﻨﺎ ﻧﺎﺱ ﻣﻌﺮﻭﻓﻴﻦ ﺑﺎﻟﺠﻨﻮﺏ ﻣﻦ ﻋﺸﻴﺮﺓ ﺫﺍﻳﻌﺔ ﺍﻟﺼﻴﺖ ﻭﺍﻟﺠﺎﻩ

ﺍﺗﻌﻮﺩﺕ ﻋﻠﻰ ﺳﻮﺍﻟﻒ ﺍﻟﺒﻨﺎﺕ ﻭﻓﻴﻜﺎﺗﻬﻢ ﻣﺎﻝ ﺗﺸﻤﺮ ﻧﻔﺴﻬﺎ ﻛﺒﺎﻝ ﺳﻴﺎﺭﺗﻲ ﺍﻭ ﻳﺘﺼﻠﻮﻥ ﻋﻠﻰ ﻧﻘﺎﻟﻲ ﺑﺎﻟﻐﻠﻂ ﻭﺗﺴﻮﻱ ﻧﻔﺴﻬﺎ ﻣﺘﻌﺮﻑ ﺍﻭ ﺗﻤﺸﻲ ﻭﺗﻀﺮﺏ ﺑﺠﺘﺎﻓﻲ ﺑﺪﻭﻥ ﻣﺘﻘﺼﺪ

ﺍﻭ ﺗﺠﻲ ﻣﺤﺘﺎﺟﺔ ﻣﺴﺎﻋﺪﺓ ﻭﻏﻴﺮﻫﺎ ﻣﻦ ﻫﺎﻟﺴﻮﺍﻟﻒ

ﺻﺎﺭﺕ ﻣﺘﻌﺒﺮ ﻋﻠﻴﺔ ﻣﺤﺎﻭﻻﺗﻬﻢ ﺑﺎﻟﺘﻘﺮﺏ ﻣﻨﻲ ﻭﺍﻟﺘﻌﺮﻑ

ﻋﻠﻴﺔ ﻻﻥ ﻳﺸﻮﻓﻨﻲ ﻣﺘﺎﺡ ﺣﺎﻟﻴﺎً ﻟﻠﺰﻭﺍﺝ

.... 

ﻟﻜﻦ ﺍﻧﺔ ﺑﻄﺒﻌﻲ ﺍﺣﺐ ﺍﺻﻴﺪ ﻣﺎ ﺍﻧﺼﺎﺩ ﻣﺘﻌﺠﺒﻨﻲ ﺍﻟﺒﻨﻴﺔ ﺍﻟﺨﻔﻴﻔﺔ

ﺍﻟﻲ ﺗﻔﺮﺽ ﻧﻔﺴﻬﺎ ﻋﻠﻴﺔ ﻟﻮ ﺗﺼﻴﺮ ﻣﻦ ﺫﻫﺐ ﻓﻼ ﺍﻋﺒﺮﻫﺎ

ﺑﺎﻟﺒﺪﺍﻳﺔ ﻣﻦ ﺷﻔﺖ ﺻﺪﻳﻘﺘﻬﺎ ﻫﺪﺕ ﻋﻠﻴﺔ ﻭﻇﻠﺖ ﺗﺤﺠﻲ ﻋﺮﻓﺖ ﻫﺎﻱ ﻭﺣﺪﺓ ﻣﻨﻬﻦ ﻟﻜﻦ ﻣﻦ ﺳﻤﻌﺖ ﺻﻮﺕ ﺍﻟﺒﻨﻴﺔ ﺍﻟﺜﺎﻧﻴﺔ ﺍﻟﻲ ﻛﺎﻧﺖ ﻫﻲ ﺻﺎﺣﺒﺔ ﺍﻟﺤﺎﺩﺙ

ﺍﺗﻌﻠﺜﻤﺖ ﺑﺎﻟﻜﻼﻡ

ﻟﻔﺘﻨﻲ ﻧﻈﺮﺓ ﺍﻟﺤﺰﻥ ﺍﻟﻲ ﺑﻌﻴﻮﻧﻬﺎ ﻛﺎﻥ ﺑﻴﻬﺎ ﺫﺑﻮﻝ

ﻣﻐﺮﻱ ﻳﺜﻴﺮ ﻓﻀﻮﻝ ﺍﻱ ﺭﺟﻞ ﻟﺤﺘﻰ ﻳﺒﺤﺚ ﻭﻳﻄﻘﺲ

ﻋﻨﻬﺎ ﻟﺤﺘﻰ ﻳﻌﺮﻑ ﺳﺒﺐ ﺣﺰﻥ ﻫﺎﻱ ﺍﻟﻌﻴﻮﻥ ﺍﻟﺠﻤﻴﻠﺔ

ﺍﺍﺍﺍﺍﺥ ﻳﺎﺍﺍﺍﺍﺑﺔ ﻭﺍﻟﻠﻪ ﺣﺘﻰ ﺍﻟﺤﺰﻥ ﻻﻳﻚ ﻋﻠﻴﻬﻢ

ﺍﺧﺬﻧﻲ ﺍﻟﻔﻀﻮﻝ ﺍﺭﻳﺪ ﺍﺷﻮﻑ ﻫﺎﻱ ﺍﻟﻌﻴﻮﻥ ﺍﺫﺍ ﺍﺑﺘﺴﻤﺖ

ﺷﻠﻮﻥ ﺭﺍﺡ ﺗﻜﻮﻥ ﺷﻜﻠﻬﻦ

ﻇﻠﻴﺖ ﺍﺑﺎﻭﻉ ﻋﻠﻴﻬﺎ ﺑﻌﻴﻮﻧﻲ ﻭﺩﺭﺳﺖ ﻛﻞ ﺗﻘﺎﺳﻴﻢ ﻭﺟﻬﺔ

ﻋﻴﻮﻧﻬﺎ ﺧﺸﻤﻬﺎ ﺧﻮﻭ ﺣﻠﮕﻬﺎ ﻫﺬﺍ ﻟﻮﺣﺪﺓ ﺩﺍﻫﻴﺔ ﻭﺍﻟﺤﻨﻚ ﺑﻲ ﻧﻮﻧﺔ

ﻋﻀﻴﺖ ﺷﻔﺘﻲ ﺍﺗﻤﻨﻴﺖ ﻛﻮﻥ ﺣﻨﻜﻬﺎ ﺑﻴﻦ ﺍﺳﻨﺎﻧﻲ

ﻭﺍﻋﺾ ﺍﻟﻨﻮﻧﺔ

ﻫﺰﻳﺖ ﺭﺍﺳﻲ ﻣﺜﻞ ﺍﻟﻲ ﻳﻨﻔﺾ ﺍﻻﻓﻜﺎﺭ ﺍﻟﺸﺮﻳﺮﺓ ﻣﻦ ﺭﺍﺳﻲ

ﺍﻧﺘﺒﻬﺖ ﻋﻠﻴﻬﺎ ﻟﺰﻣﺖ ﺻﺪﻳﻘﺘﻬﺎ

ﻭﺣﺮﻛﺖ ﺷﻔﺎﻳﻔﻬﺎ ﻭﻣﺎﻋﺮﻓﺖ ﺷﻨﻮ ﺣﺠﺖ ﻻﻥ ﻛﺎﻧﺖ ﺗﺤﺠﻲ ﺑﺼﻮﺕ ﻫﺎﻣﺲ

ﻟﻜﻦ ﺑﺎﻟﻨﺴﺒﺔ ﺍﻟﻲ ﺣﺮﻛﺔ ﺷﻔﺎﻳﻔﻬﺔ ﻗﻀﺖ ﻋﻠﻰ ﺍﺧﺮ

ﻧﻘﻄﺔ ﻋﻘﻞ ﻋﻨﺪﻱ ﻋﺒﺎﻟﻚ ﻛﺎﻧﺖ ﺗﻤﺘﻢ ﺑﺘﻌﻮﻳﺬﺓ

ﻟﺤﺘﻰ ﺗﻨﺴﺞ ﺧﻴﻮﻁ ﺳﺤﺮﻫﺎ ﻋﻠﻰ ﺍﻓﻜﺎﺭﻱ

ﺍﻋﻮﺫ ﺑﺎﻟﻠﻪ ﻫﺎﻱ ﻣﻨﻴﻦ ﻃﻠﻌﺘﻠﻲ

ﺟﺎﻧﺖ ﻣﺤﺎﻃﺔ ﻭﻻﻗﻄﺮﺓ ﻣﻜﻴﺎﺝ ﻋﻠﻰ ﻭﺟﻬﺔ

ﻋﺒﺎﻟﻚ ﻋﺼﻔﻮﺭ ﺧﺎﺭﺝ ﺍﻟﺴﺮﺏ ﻣﺎﻟﺘﺔ

ﻳﻤﻜﻦ ﻫﺬﺍ ﺍﻟﺸﻲ ﻣﻴﺰﻫﺔ

ﺍﻧﺘﺒﻬﺖ ﻋﻠﻴﻬﺎ ﻣﻮﺟﻮﻋﺔ ﻭﺗﻔﺮﻙ ﺑﺮﺟﻠﻬﺎ

ﺳﺎﻓﺮﺕ ﻧﻈﺮﺍﺕ ﻋﻴﻮﻧﻲ ﻋﻠﻰ ﻃﻮﻝ ﺟﺴﻤﻬﺎ ﻋﺒﺎﻟﻚ

ﺟﺎﻱ ﺍﺧﻈﻌﻬﺎ ﻟﻠﻔﺤﺺ ﻣﻮ ﺑﻴﺪﻱ

ﺣﺸﻤﺘﻬﺎ ﺧﻠﺖ ﺍﻟﻔﻀﻮﻝ ﻳﺰﻳﺪ ﻋﻨﺪﻱ

ﺍﺭﻳﺪ ﺍﺷﻮﻑ ﺍﻛﺜﺮ

ﻳﻌﻨﻲ ﺍﺣﺘﻤﺎﻝ ﻟﻮ ﻭﺣﺪﺓ ﻏﻴﺮﻫﺎ ﺗﻤﺸﻲ ﺟﺪﺍﻣﻲ ﻣﻔﺮﻋﺔ

ﻣﺮﺍﺡ ﺗﻠﻔﺖ ﺍﻧﺘﺒﺎﻫﻲ ﺑﮕﺪ ﻫﺎﻱ ﺍﻟﻲ ﻭﺍﻛﻔﺔ ﮔﺒﺎﻟﻲ

ﻭﺷﻔﺘﻬﺎ ﺟﺮﺕ ﺍﻳﺪ ﺻﺪﻳﻘﺘﻬﺎ

ﻇﻠﻴﺖ ﺍﺣﺠﻲ ﺭﺩﺕ ﺍﻃﻮﻝ ﻭﻳﺎﻫﺔ ﺑﺎﻟﻜﻼﻡ ﺣﺘﻰ ﺍﺿﻤﻦ ﺑﻘﺎﺀﻫﺎ ﻭﻗﺖ ﺍﻛﺜﺮ ﺍﺭﻳﺪ ﺍﺗﻌﺮﻑ ﻋﻠﻴﻬﺎ

ﻫﻬﻬﻬﻬﻪ ﺍﻧﮕﻠﺒﺖ ﺍﻻﻳﺔ ﺻﺮﺕ ﻣﻦ ﺍﻟﺒﻨﺎﺕ ﺗﻄﺎﺭﺩﻧﻲ ﺍﻟﻰ ﺍﻧﺔ ﺍﺧﺘﻠﻖ ﺍﻟﻔﺮﺻﺔ ﺣﺘﻰ ﺍﺣﺠﻲ ﻭﻳﺎﻫﺔ ﺣﺴﻴﺖ ﻋﻠﻴﻬﺎ

ﺗﺮﻳﺪ ﺑﺲ ﺗﺸﺮﺩ ﻣﻨﻲ ﻣﺎ ﺍﻋﺮﻑ ﻟﻴﺶ

ﺳﻬﻰ

ﺍﻧﻲ ﺷﻔﺘﺔ ﻇﻞ ﻳﺤﺠﻲ ﻭﺷﻔﺖ ﺍﺟﺔ ﺻﺪﻳﻘﺔ

ﻭﺍﻧﻲ ﻛﻤﺖ ﺍﺭﺟﻒ ﻋﺰﺓ ﻭﻫﺬﺍ ﻭﺍﺣﺪ ﻻﺥ ﺍﺟﺔ ﻫﺴﺔ ﺭﺍﺡ ﻳﻨﻘﻠﻮﻥ ﺍﻟﺼﻮﺭﺓ ﻻﺧﻮﻱ ﺍﺣﻤﺪ ﺍﻧﻲ ﮔﺎﻋﺪﺓ ﺍﺩﻙ ﺳﻮﺍﻟﻒ ﻭﻳﺔ ﻫﺬﻭﻟﻲ

ﺍﻧﺘﺒﻬﺖ ﻋﻠﻴﻪ ﺍﻧﺸﻐﻞ ﺑﺼﺪﻳﻘﺔ

ﺍﻧﻲ ﺍﺳﺘﻐﻠﻴﺘﻬﺎ ﻓﺮﺻﺔ ﻭﺳﺤﺒﺖ ﺳﺎﺭﺓ ﻭﺍﻧﻲ ﻣﺮﺗﺒﻜﺔ ﻭﺣﺴﻴﺖ ﻋﻠﻰ ﺍﻟﻢ ﺑﺎﻟﻘﺪﻡ ﻭﻛﻌﺪﺕ ﺍﻋﺮﺝ ﺷﻮﻳﺔ ﻭﺍﻧﻲ ﺍﻣﺸﻲ

- ﻳﺎﻟﻠﻪ ﺳﺎﺭﺓ ﺍﻣﺸﻲ ﺷﻨﻮ ﻟﻄﺸﺘﻲ

ﺳﺎﺭﺓ ﻭﻫﻲ ﺗﻤﺸﻲ ﻭﻳﺎﻱ ﺑﺎﻟﮕﻮﺓ

- ﺧﺮﺏ ﺣﻈﻲ ﻫﺬﺍ ﻣﻨﻴﻦ ﺍﺟﺎﻧﺔ ﺧﺮﺏ

ﻭﺍﻟﻠﻪ ﻋﻠﻴﻪ ﻧﻈﺮﺍﺕ ﺫﺑﺎﺣﺔ ﺍﺑﻦ ﺍﻻﻭﺍﺩﻡ ﺑﺲ ﻫﺬﺍ ﻣﻤﺒﻴﻦ ﻋﻠﻴﻪ ﻃﺎﻟﺐ ﺷﻜﻠﺔ ﻭﻣﻼﺑﺴﺔ ﻣﺒﻴﻦ ﺟﺎﻱ ﻫﻨﺎ ﻣﻦ ﻏﻴﺮ ﻣﻜﺎﻥ

ﻭﻣﺒﻴﻦ ﻣﻦ ﻛﻼﻣﺔ ﺍﺻﻼ ﻣﻮ ﻣﻦ ﺑﻐﺪﺍﺩ

ﺍﻟﺘﻔﺘﺖ ﻋﻠﻴﻬﺎ ﻭﺍﺣﻨﺎ ﺑﻄﺮﻳﻘﻨﺎ ﻟﻠﻤﺤﺎﺿﺮﺓ

- ﺷﻮﻑ ﻫﺎﻱ ﺍﻧﻲ ﻃﺎﻳﺢ ﺣﻀﻲ ﻭﺟﺎﻱ ﺍﻋﺮﺝ ﻭﻫﺎﻱ

ﻛﺎﻋﺪﺓ ﺗﺤﻘﻖ ﺑﻬﻮﻳﺔ ﺍﻟﺮﺟﺎﻝ

- ﻋﻔﻴﺔ ﻋﻠﻴﺞ ﺍﻧﺘﻲ ﮔﻠﺘﻴﻬﺎ ﺭﺟﺎﻝ

ﻭﺍﺣﻨﺎ ﻣﻮ ﻛﻞ ﻳﻮﻡ ﻧﺸﻮﻑ ﻫﻴﺞ ﺭﺟﺎﻝ

ﻭﺍﻟﻠﻪ ﺍﻧﺘﻲ ﺍﻛﺒﺮ ﺛﻮﻟﺔ ﺍﻧﻲ ﻟﻮ ﻣﻨﺞ ﻭﺍﻟﻠﻪ ﻣﺎ ﺍﻋﻮﻓﺔ ﺍﻻ ﺍﺧﻠﻴﻪ ﻳﺎﺧﺬﻧﻲ ﻟﻠﻄﺒﻴﺐ ﻭﻳﻜﺸﻒ ﻋﻠﻰ ﺭﺟﻠﻲ ﻭﺍﺧﻠﻲ ﻳﺘﻮﺳﻞ ﺣﺘﻰ ﺍﺗﻨﺎﺯﻝ ﻋﻦ ﺍﻟﺤﺎﺩﺙ ﻭﺍﺧﻠﻲ ﻳﻨﻄﻴﻨﻲ ﺭﻗﻤﺔ

ﻇﻠﻴﺖ ﺻﺎﻓﻨﺔ ﺑﻮﺟﻬﺎ

- ﻭ ﺭﻗﻤﺔ ﻟﻴﺶ ﺷﺘﺴﻮﻳﻦ ﺑﻲ

- ﻟﺞ ﻋﻮﺑﺔ ﻃﺒﻌﺎً ﺍﺭﻗﻤﺔ

ﻟﺞ ﺍﻧﺘﻲ ﺷﻔﺘﻲ ﻃﻮﻟﺔ ﻭﺟﺴﻤﺔ ﻭ ﺍﻧﺎﻗﺘﺔ ﻭﻛﺸﺨﺘﺔ ﻭﺷﻜﻠﺔ ﺷﻠﻮﻥ ﺷﺨﺼﻴﺔ

ﻟﺞ ﻫﺬﺍ ﻣﻴﺘﻔﻮﺕ ﻣﻮ ﻛﻞ ﻳﻮﻡ ﺗﺼﺎﺩﻓﻴﻦ ﻫﻴﺞ ﻭﺍﺣﺪ

ﺍﻭﻭﻭﻑ ﺑﺲ ﺣﺮﺍﻣﺎﺕ ﻛﻮﻥ ﻣﺼﻮﺭﺓ ﺷﻜﻠﺔ ﺷﻠﻮﻥ ﻓﻬﺔ ﻋﻠﻴﺞ ﻭﺿﻴﻊ ﺍﻟﻜﻼﻡ

- ﺍﻫﻮﻭﻭ ﻫﺴﺔ ﺍﻟﻴﺴﻤﻌﺞ ﺷﺎﻳﻒ ﺍﻻﻣﻴﺮﺓ ﺩﻳﺎﻧﺎ

ﻭﻟﻮ ﻫﻮ ﺍﻟﺤﻤﺪ ﻟﻠﻪ ﻣﻘﺼﺮ ﺧﻮﺵ ﺯﻓﻨﻲ ﺯﻓﺔ

ﺍﺷﻜﺪ ﻣﻜﺮﻭﻩ ﻣﺎﻋﻨﺪﺓ ﺍﺳﻠﻮﺏ ﺑﺎﻟﺘﻌﺎﻣﻞ

- ﻟﺞ ﻋﻮﺑﺔ ﺣﻘﺞ ﻭﺟﻪ ﺑﻮﻣﺔ ﻭﻳﻦ ﺗﻌﺮﻓﻴﻦ ﻫﺎﻱ ﺍﻟﺴﻮﺍﻟﻒ ﻣﻊ ﺍﺣﺘﺮﺍﻣﻲ ﺍﻟﺞ ﺑﺲ ﺍﻧﺘﻲ ﺛﻮﻟﺔ ﻋﻠﻰ ﮔﻮﻟﺖ ﻫﺬﺍ ﺍﻟﻲ ﺍﺳﻤﺔ ﺛﺎﺋﺮ

ﻻﻥ ﻣﻤﻨﺘﺒﻬﺔ ﻋﻠﻰ ﺟﻤﺎﻟﺞ ﻟﺞ ﺍﻧﺘﻲ ﺣﻠﻮﺓ ﺑﺲ ﻣﻦ ﻭﺭﺓ ﺍﺧﻮﺗﺞ ﻃﺎﻣﺮﻳﻦ ﺭﺍﺳﺞ ﺑﺎﻟﺘﺮﺍﺏ ﻣﺜﻞ ﺍﻟﻨﻌﺎﻣﺔ ﺑﺤﻴﺚ ﺧﺎﻟﻴﺞ ﻣﺘﻨﺪﻟﻴﻦ ﺩﺭﺑﺞ ﻭﻣﺘﺸﻮﻓﻴﻦ ﺍﺣﺪ ﻏﻴﺮﻫﻢ

..... 

ﻇﻞ ﺭﺍﺳﻲ ﻳﺪﻭﺭ

ﻳﻌﻨﻲ ﻓﻌﻼً ﺷﻜﻠﺔ ﻳﻨﻄﺒﻊ ﺑﺎﻟﺬﺍﻛﺮﺓ ﻭﻧﻀﺮﺍﺗﺔ ﺗﺸﻐﻞ ﺍﻟﺘﻔﻜﻴﺮ

ﺭﺣﻨﺎ ﻟﻠﻤﺤﺎﺿﺮﺓ ﻭﺍﻧﻲ ﺍﻋﺮﺝ ﺑﺲ ﻋﻠﻰ ﺧﻔﻴﻒ

ﻻﻥ ﺳﺘﻮﻧﻲ ﻳﺎﻟﻠﻪ ﺣﺴﻴﺖ ﻋﻠﻰ ﺍﻻﻟﻢ

ﻭﻛﻤﻠﻨﺎ ﻣﺤﺎﺿﺮﺗﻴﻦ ﺍﻻﻭﻟﻰ ﻭﺑﻌﺪﻫﺎ ﺍﺧﺬﻧﺎ ﺭﻳﺴﺖ

ﺍﻧﻲ ﺑﻴﻮﻣﻬﺎ ﻣﮕﺪﺭﺕ ﺍﻃﻠﻊ ﺑﻘﻴﺖ ﮔﺎﻋﺪﺓ ﺑﺎﻟﻘﺎﻋﺔ ﻻﻥ ﺭﺟﻠﻲ ﺣﻴﻞ ﻛﺎﻣﺖ ﺗﻮﺟﻌﻨﻲ

ﺍﺟﺘﻲ ﺳﺎﺭﺓ ﺣﺘﻰ ﺗﻄﻤﻦ ﻋﻠﻴﺔ ﻭﺷﺎﻓﺘﻨﻲ ﻣﺎ ﺍﻛﺪﺭ ﺍﮔﻮﻡ

- ﺍﺫﺍ ﻣﺘﻜﺪﺭﻳﻦ ﺗﮕﻮﻣﻴﻦ ﻟﻌﺪ ﺍﻧﻲ ﺭﺍﺡ ﺍﺷﺘﺮﻱ ﻛﻴﻚ ﻭﻋﺼﻴﺮ ﻭﺍﺭﺟﻊ ﺍﮔﻌﺪ ﻳﻤﺞ ﻳﺎﻟﻠﻪ ﺑَــﺎﻱ

ﺍﻧﻄﻴﺘﻬﺎ ﻣﺼﺮﻓﻲ ﺣﺘﻰ ﺗﺠﻴﺒﻠﻲ ﻭﻳﺎﻫﺔ ﻭﺭﺍﺣﺖ

ﻭﺭﺓ ﻟﺤﻀﺎﺕ ﺧﻔﺖ ﺍﻟﻘﺎﻋﺔ ﻣﻦ ﺍﻟﻄﻼﺏ ﻭﺑﻘﺔ ﺑﻴﻬﺎ ﻛﻢ ﺑﻨﻴﺔ ﻛﺎﻋﺪﺍﺕ ﻋﻠﻰ ﺍﻻﺳﺘﻴﺞ ﺍﻻﻣﺎﻣﻲ ﻭﺛﻨﻴﻦ ﻭﻟﺪ ﻛﺎﻋﺪﻳﻦ ﻳﺴﻮﻟﻔﻮﻥ ﻋﻠﻰ ﻣﻜﺘﺐ ﺍﻻﺳﺘﺎﺫ

ﻭﺍﻧﻲ ﮔﺎﻋﺪﺓ ﺑﻤﻜﺎﻧﻲ ﺑﻨﻬﺎﻳﺔ ﺍﻟﻘﺎﻋﺔ ﻭﺟﻨﺖ ﺍﻛﺘﺐ ﻋﻠﻰ ﺍﻟﺴﺠﻞ ﻣﺎﻟﺘﻲ ﺍﺷﺨﺒﻂ

ﺣﺴﻴﺖ ﺍﻛﻮ ﻇﻞ ﻭﻛﻒ ﻋﻠﻰ ﺭﺍﺳﻲ ﻋﺒﺎﻟﻲ ﺳﺎﺭﺓ

ﺑﺲ ﺍﺳﺘﻐﺮﺑﺖ ﻣﻮ ﻣﻦ ﻋﻮﺍﻳﺪﻫﺎ ﺳﺎﻛﺘﺔ ﺭﻓﻌﺖ ﺭﺍﺳﻲ ﻭﺟﺎﻥ ﺍﺷﻮﻑ ﻫﺬﺍ ﻧﻔﺴﺔ ﺍﻟﻲ ﺩﻋﻤﻨﻲ

ﻇﻠﻴﺖ ﻓﺎﺗﺤﺔ ﺣﻠﻜﻲ ﻣﻦ ﺍﻟﻤﻔﺎﺟﺌﺔ

- ﻟﻴﺶ ﺷﺮﺩﺗﻲ ﻭﺍﻧﻲ ﺑﻌﺪﻧﻲ ﻣﻤﻜﻤﻞ ﻛﻼﻣﻲ ﻭﻳﺎﺝ

ﺑﺎﻭﻉ ﺑﻌﻴﻮﻧﻲ ﻭﺭﺟﻊ ﻛﻤﻞ ﻛﻼﻣﺔ

- ﺷﻨﻮ ﺷﻠﻮﻧﻬﺎ ﺭﺟﻠﺞ

ﺍﻧﻲ ﻫﻮ ﻳﺤﺠﻲ ﻭﺍﻧﻲ ﺍﺣﺲ ﺑﻠﺴﺎﻧﻲ ﺍﻧﻌﻘﺪ ﻣﻦ ﺍﻟﻤﻔﺎﺟﺌﺔ

ﻣﺎﺍﻋﺮﻑ ﻟﻴﺶ ﺣﻀﻮﺭﻩ ﺍﺭﺑﻜﻨﻲ

ﺍﺭﻳﺪ ﺑﺲ ﺍﻃﻠﻊ ﻛﻢ ﻛﻠﻤﺔ ﺍﺗﻼﺣﻚ ﻟﺮﻭﺣﻲ ﻗﺒﻞ ﻻ ﺍﺣﺮﺝ ﻧﻔﺴﻲ ﻫﺬﺍ ﺷﻠﻮﻥ ﻋﺮﻑ ﻣﻜﺎﻧﻲ ﻭﺑﺄﻱ ﻗﺴﻢ ﺍﻧﻲ

- ﺍﺓ ﺍﺓ ﺭﺟﻠﻲ ﺯﻳﻨﺔ ﺍﻟﺤﻤﺪﻟﻠﻪ

- ﺑﺎﻟﻠﻪ ﺷﻮ ﮔﻮﻣﻲ ﮔﺪﺍﻣﻲ ﺧﻞ ﺍﺷﻮﻓﻬﺎ

ﮔﻠﺒﻲ ﺍﺟﺔ ﻳﻨﻂ ﻣﻦ ﺻﺪﺭﻱ ﻋﺰﺓ ﻫﺬﺍ ﻳﺮﻳﺪ ﺍﮔﻮﻡ ﮔﺪﺍﻣﺔ ﻻﺑﺎﻟﻠﻪ

- ﻻ ﻻ ﻣﻴﺤﺘﺎﺝ ﺍﮔﻮﻡ ﻟﺘﺨﺎﻑ ﻣﺮﺍﺡ ﺍﺣﺠﻲ ﻷﻫﻠﻲ ﻋﻠﻴﻚ ﻭﺍﻛﻠﻠﻬﻢ ﺩﻋﻤﺘﻨﻲ ﺍﺧﺬ ﺭﺍﺣﺘﻚ

ﺷﻔﺘﺔ ﺍﺑﺴﺘﻢ ﻭﻋﻴﻮﻧﺔ ﻇﻠﺖ ﺗﺮﺍﻗﺒﻨﻲ

- ﻻ ﺑﺎﻟﻠﻪ ﺍﺷﻮ ﺍﻻ ﺗﮕﻮﻟﻴﻦ ﻻﻫﻠﺞ ﺍﻥ ﺍﻧﺘﻲ ﺛﻮﻟﺔ ﻭﺷﻤﺮﺗﻲ ﺭﻭﺣﺞ ﮔﺒﺎﻝ ﺳﻴﺎﺭﺗﻲ ﻭﻧﺪﻋﻤﺘﻲ

ﺍﻧﻲ ﺷﻬﻜﺖ ﺿﺮﺑﺖ ﻋﻠﻰ ﺻﺪﺭﻱ ﻭﻛﺎﻧﺖ ﻋﻴﻮﻧﺔ

ﺍﺗﺒﻌﺖ ﺣﺮﻛﺘﻲ ﻭﻧﻈﺮﺍﺕ ﻋﻴﻮﻧﺔ ﺍﺑﺪ ﻣﻨﺰﻟﺖ ﻣﻦ ﺷﻔﺎﻳﻔﻲ ﻭﻋﻴﻮﻧﻲ ﻭﺟﺴﻤﻲ

ﻣﺎ ﺍﻋﺮﻑ ﺣﺴﻴﺖ ﻋﺒﺎﻟﻚ ﮔﺎﻋﺪﺓ ﮔﺒﺎﻝ ﺟﻬﺎﺯ ﺳﻮﻧﺎﺭ ﻭﺩﺍﺧﻀﻊ ﻟﻔﺤﺺ ﺷﺎﻣﻞ

ﻳﻌﻨﻲ ﺷﻜﺪ ﺳﺎﻣﻌﺔ ﺑﻨﺎﺱ ﻭﻗﺤﻴﻦ ﻣﺜﻞ ﻫﺬﺍ ﻣﺸﻔﺖ

ﺍﻧﺘﺒﻬﺖ ﻋﻠﻰ ﺍﻟﻲ ﺑﺎﻟﻘﺎﻋﺔ ﺻﺎﺭﻭ ﻫﺎﺩﺋﻴﻦ ﻭﻛﺄﻧﻤﺎ

ﻛﺎﻧﻮ ﻳﺘﺴﻤﻌﻮﻥ ﻟﻜﻼﻣﻨﺎ

ﻭﺷﻔﺖ ﺍﻟﺒﻨﺎﺕ ﻛﻞ ﺳﺎﻋﺔ ﻭﺣﺪﺓ ﺗﺒﻮﮒ ﻧﻈﺮﺓ ﻭﺗﺒﺎﻭﻉ ﻋﻠﻴﻪ

ﺍﻱ ﻃﺒﻌﺎً ﻻﻥ ﺷﻜﻠﺔ . ﻭﻃﻮﻟﻪ

ﻣﻠﻔﺖ ﻭﻳﺠﺬﺏ ﺍﻟﻨﻈﺮ

ﺑﺲ ﺍﺭﻳﺪ ﺍﻋﺮﻑ ﺷﻴﺴﻮﻱ ﻫﻨﺎ ﻭﺍﻛﻒ

ﺍﺻﻼً ﻫﻮ ﻣﻜﺎﻧﺔ ﻫﻨﺎ ﻏﻠﻂ

ﺷﻴﺴﻮﻱ ﺟﺎﻱ ﺑﺎﻟﻜﻠﻴﺔ ﻭﻻ ﻭﺑﻌﺪ ﻭﺍﻛﻒ ﻫﻨﺎ ﻳﻤﻲ ﻳﺤﺠﻲ ﻭﻳﺎﻱ

- ﻋﻔﻴﺔ ﺍﻟﻠﻪ ﻳﺨﻠﻴﻚ ﺭﻭﺡ ﻣﻨﺎ ﻣﺎ ﺍﻋﺮﻑ ﺍﻧﺖ ﻫﺴﺔ ﺟﺎﻱ ﺷﺘﺮﻳﺪ ﻣﻨﻲ

- ﺍﺟﻴﺖ ﺍﺷﻮﻑ ﺍﺫﺍ ﻣﺤﺘﺎﺟﺔ ﻣﺴﺎﻋﺪﺓ

ﻫﻮ ﺻﺤﻴﺢ ﺍﻧﺘﻲ ﺍﻟﺴﺒﺐ ﺑﺎﻟﺤﺎﺩﺙ ﺑﺲ

ﺭﻏﻢ ﺫﻟﻚ ﮔﻠﺖ ﻣﻴﺨﺎﻟﻒ ﺍﮔﻮﻡ ﺑﺎﻟﻮﺍﺟﺐ

- ﺍﺷﻜﺮﻙ ﻋﻠﻰ ﺳﺆﺍﻟﻚ ﺍﻧﻲ ﻣﺒﻴﺔ ﺷﻲ ﺗﻜﺪﺭ ﺗﺮﻭﺡ ﻭﺍﻧﺖ ﻣﺘﻄﻤﻦ

ﺭﻓﻊ ﺗﻚ ﺣﺎﺟﺐ ﺑﺘﺴﺎﺋﻞ

ﺣﺮﻛﺘﺔ ﻟﻔﺘﺖ ﺍﻧﺘﺒﺎﻫﻲ ﻋﻠﻰ ﺣﺎﺟﺒﺔ ﻛﺎﻥ ﻣﻘﻄﻮﻉ ﻣﻦ ﺍﻟﻨﺼﻒ ﺍﺣﺘﻤﺎﻝ ﺍﺛﺮ ﺿﺮﺑﺔ ﺑﺲ ﺿﺎﻳﻔﺘﻠﺔ ﺟﺎﺫﺑﻴﺔ

ﻭﺻﺎﻳﺮ ﻋﺒﺎﻟﻚ ﺭﺟﻞ ﺧﻄﻴﺮ

ﻫﻮ ﺣﻘﻴﻘﺘﺎً ﻓﻌﻼ ﻳﺸﻜﻞ ﺧﻄﺮ ﻋﻠﻰ ﻛﻞ ﺑﻨﻴﺔ ﻣﺜﻞ ﺣﻼﺗﻲ

- ﻟﻴﺶ ﺍﺣﺲ ﺑﻴﺞ ﺗﺮﺩﻳﻦ ﺗﺼﺮﻓﻴﻨﻲ ﻭﺗﻔﺘﻜﻴﻦ ﻣﻨﻲ ﺷﻜﻮ

ﻋﺒﺎﻟﻚ ﻣﻤﺮﺗﺎﺣﺔ ﻟﻘﺮﺑﻲ ﻣﻨﺞ

ﻭﻫﻮ ﻳﺤﺠﻲ ﻭﻋﻴﻮﻧﺔ ﺑﻌﻴﻮﻧﻲ

ﺛﺎﺋﺮ

ﺍﻭﻝ ﻣﺮﺓ ﺑﺤﻴﺎﺗﻲ ﺍﺷﻮﻑ ﺑﻨﻴﺔ ﻣﺎﻣﻬﺘﻤﺔ ﺍﺣﺠﻲ ﻭﻳﺎﻫﺔ

ﻣﻮ ﺗﻜﺒﺮ ﻣﻨﻲ ﺑﺲ ﺍﺗﻌﻠﻤﺖ ﻋﻠﻰ ﺗﻤﻠﻖ ﻭﺍﻫﺘﻤﺎﻡ ﺍﻟﺒﻨﺎﺕ ﺍﻟﻲ

ﻭﺍﺑﺪ ﻭﻻﻣﺮﺓ ﻭﺣﺪﺓ ﺻﺪﺗﻨﻲ

ﺑﺲ ﺍﺷﻮ ﻫﺎﻱ ﻏﻴﺮﺭ ﻫﺎﻱ ﺣﺘﻰ ﻣﻦ ﺗﺤﺠﻲ ﻭﻳﺎﻱ

ﻣﺘﺒﺎﻭﻉ ﻋﻠﻴﺔ ﻭﺗﺤﺠﻲ ﺑﻼ ﻣﺒﺎﻻﺕ

ﻭﻫﺬﺍ ﺍﻟﺸﻲ ﺷﺪﻧﻲ ﺍﻟﻬﺎ

... 

ﺳﻬﻰ

- ﻋﻔﻴﺔ ﻋﻠﻴﻚ ﺗﺮﺓ ﺭﺍﺡ ﺍﻧﻄﻴﻚ ﺍﻳﺎﻫﺎ ﻣﻦ ﺍﻻﺧﻴﺮ ﺍﻫﻠﻲ ﻣﻴﻘﺒﻠﻮﻥ ﺍﺣﺠﻲ ﺍﻭ ﺍﻛﻌﺪ ﻭﻳﺔ ﺍﻱ ﻭﺍﺣﺪ ﺣﺘﻰ ﻟﻮ ﺑﺲ ﺳﻼﻡ

ﻇﻞ ﺻﺎﻓﻦ ﻋﻠﻰ ﻛﻼﻣﻲ ﻣﺜﻞ ﺍﻟﻤﺘﻌﺠﺐ ﺣﺴﻴﺖ ﺭﻓﻊ ﺗﻚ ﺣﺎﺟﺐ ﺑﺲ ﺍﻭﻭﻑ ﻳﻤﺔ ﺷﻨﻮ ﻣﻦ ﻋﻴﻮﻥ ﻋﺒﺎﻟﻚ ﻋﻴﻮﻥ ﺻﻘﺮ

- ﻟﻬﺪﺭﺟﺔ ﺍﻫﻠﺞ ﻣﻮﺍﺛﻘﻴﻦ ﺑﻴﺞ

- ﻻ ﻣﻮ ﻣﻮﺍﺛﻘﻴﻦ ﺑﻴﺔ ﻭﺍﻧﻤﺎ ﻳﺨﺎﻓﻮﻥ ﻋﻠﻴﺔ ﺗﮕﺪﺭ ﺗﺴﻤﻲ ﺣﺮﺹ

- ﻋﻠﻰ ﺍﻟﻌﻤﻮﻡ ﻟﺘﺨﺎﻓﻴﻦ ﺍﻧﺎ ﻣﺠﺎﻱ ﻛﺎﺗﻞ ﻧﻔﺴﻲ ﻋﻠﻴﺞ

ﺑﺲ ﺍﻟﻮﺍﺟﺐ ﻳﻘﺘﻀﻲ ﺍﻥ ﺍﺳﺄﻝ ﻋﻨﺞ

ﻳﻌﻨﻲ ﺣﺘﻰ ﻟﻮ ﺩﺍﻋﻢ ﺑﺰﻭﻧﺔ ﻫﻢ ﺭﺍﺡ ﺗﻜﺴﺮ ﺧﺎﻃﺮﻱ ﻭﺍﺟﻲ ﺍﻧﺸﺪ ‏( ﺍﺳﺄﻝ ‏) ﻋﻠﻴﻬﺎ ﻋﺎﺩﻱ ﺗﺮﺓ ﻻ ﺗﺼﺪﮔﻴﻦ ﻧﻔﺴﺞ

ﻳﺎﻟﻠﻪ ﺑﺮﺍﺣﺘﺞ ﺳﺖ ﺳﻬﻰ ﻓﺮﺻﺔ ﺳﻌﻴﺪﺓ

ﻭﺟﻬﻠﻲ ﻧﻈﺮﺓ ﻏﺮﻳﺒﺔ ﻗﺒﻞ ﻻ ﻳﺮﻭﺡ

ﻇﻠﻴﺖ ﻓﺎﺗﺤﺔ ﺣﻠﮕﻲ ﺑﺎﻟﻠﻪ ﻫﺬﺍ ﺟﺎﻱ ﻳﻄﻤﻦ ﻋﻠﻴﺔ

ﻟﻮ ﺟﺎﻱ ﻳﺮﺯﻟﻨﻲ

ﺍﺷﻮ ﺩﺧﻞ ﻋﻠﻴﺔ ﻣﺜﻞ ﺍﻟﻌﺎﺻﻔﺔ ﻭﻣﺎﺍﻧﻄﺎﻧﻲ ﻣﺠﺎﻝ

ﻭﺧﺮﺑﻂ ﺍﺣﻮﺍﻟﻲ ﻭﺭﺍﺡ ﻭﺗﺮﻛﻨﻲ

ﻋﺰﺓ ﻫﺬﺍ ﺷﻠﻮﻥ ﻋﺮﻑ ﺍﺳﻤﻲ

ﺑﺲ ﺭﺍﺡ ﺍﺳﺄﻝ ﺳﺎﺭﺓ ﺍﺟﺖ ﺳﺎﺭﺓ ﻭﺷﺎﻓﺘﺔ ﻃﻠﻊ ﻣﻦ ﺍﻟﻘﺎﻋﺔ ﻭﻫﻲ ﻧﺰﻟﺖ ﺑﻴﺔ ﺩﻙ ﺍﺳﺌﻠﺔ

ﺣﺠﻴﺘﻠﻬﺎ ﻋﻠﻰ ﻛﻠﺸﻲ ﻭﻇﻠﺖ ﻣﺼﻔﺼﻔﺔ ﻣﺜﻞ ﺣﻼﺗﻲ

ﺭﺟﻌﺖ ﻟﻠﺒﻴﺖ ﻭﺑﺮﺟﻌﺘﻲ ﺷﻔﺖ ﺟﺎﺭﺗﻨﺎ ﺍﻡ ﺍﺑﺮﺍﻫﻴﻢ ﺳﺘﻮﻫﺔ ﻃﺎﻟﻌﺔ ﻣﻦ ﺑﻴﺘﻨﺎ ﻭﺍﻣﻲ ﻭﺍﻛﻔﺔ ﺑﺎﻟﺒﺎﺏ ﻧﺰﻟﺖ ﻭﺳﻠﻤﺖ ﻋﻠﻴﻬﻢ

ﺍﻡ ﺍﺑﺮﺍﻫﻴﻢ - ﻫﻠﺔ ﺧﺎﻟﺔ ﺳﻬﺎﻭﻱ ﺻﺎﻳﺮﺓ ﺗﺨﺒﻠﻴﻦ ﻋﻴﻦ ﺍﻟﺒﺎﺭﺩﺓ

ﻋﻠﻴﺞ ﻛﻮﻥ ﺍﻟﻠﻪ ﻳﻘﺪﺭﻧﻲ ﻭﺍﺷﻮﻓﺞ ﻋﺮﻭﺳﺔ

ﺳﻬﻰ ﺑﺒﺘﺴﺎﻣﺔ - ﻫﻠﺔ ﺑﻴﺞ ﺧﺎﻟﺔ ﺍﺷﻜﺮﺝ ﻋﻴﻮﻧﺞ ﺍﻟﺤﻠﻮﺍﺕ

ﺍﻟﺒﻨﺎﺕ ﺷﻠﻮﻧﻬﻢ

- ﺍﻟﺤﻤﺪﻟﻠﻪ ﺯﻳﻨﺎﺕ ﺳﻜﺘﻲ ﺍﻟﻴﻮﻡ ﺟﺒﺘﻠﺞ ﺧﻮﺵ ﻋﺮﻳﺲ ﺍﻧﻲ ﻫﺴﺔ ﺭﺍﻳﺤﺔ ﺧﻠﻲ ﺍﻣﺞ ﺗﺤﺠﻴﻠﺞ ﻋﻨﺔ

ﻇﻠﻴﺖ ﻣﺼﻔﺼﻔﺔ

ﻭﺩﺧﻠﺖ ﻭﺭﺓ ﺍﻣﻲ ﺑﻌﺪ ﻣﺎ ﺳﺪﺕ ﺍﻟﺒﺎﺏ ﻭﺭﺓ ﺧﺎﻟﺔ ﺍﻡ ﺍﺑﺮﺍﻫﻴﻢ

ﻭﻓﺘﺖ ﻟﻠﻤﻄﺒﺦ ﻭﺍﺧﺬﺗﻠﻲ ﻛﻼﺹ ﻣﺎﻱ ﻭﻛﻌﺪﺕ ﺍﺷﺮﺏ

ﻭﺍﻣﻲ ﻓﺘﺤﺖ ﺍﻟﺜﻼﺟﺔ ﻭﻃﻠﻌﺖ ﻛﺎﺳﺔ ﺍﻟﺰﻻﻃﺔ

ﺍﻡ ﺳﻬﻰ - ﺭﻭﺣﻲ ﻳﻤﺔ ﺻﻌﺪﻱ ﺑﺪﻟﻲ ﻣﺎ ﺍﺗﻐﺪﻳﺖ ﻣﻨﺘﻈﺮﺗﺞ

ﺳﻬﻰ - ﻟﻴﺶ ﻳﻤﺔ ﻭﺍﺧﻮﺍﻧﻲ ﻭﻳﻦ

ﺍﻡ ﺳﻬﻰ - ﻛﻠﻤﻦ ﻣﻠﺘﻬﻲ ﺑﺸﻐﻠﺔ ﺑﻌﺪﻫﻢ ﻣﺎ ﺭﺟﻌﻮ ﻭﺍﻟﺒﻨﺎﺕ ﻛﻠﻤﻦ ﺑﻐﺮﻓﺘﻬﺎ ﻭﻫﺎﻱ ﺍﺧﺘﺞ ﻧﻮﺭ ﻣﻠﺘﻬﻴﺔ ﺗﺪﺭﺱ

ﻭﻛﻮﺓ ﺍﻛﻠﺖ ﻟﻜﻤﺔ ﻭﻟﻔﺖ ﺭﺍﺳﻬﺔ ﻭﻧﺎﻣﺖ

ﺳﻬﻰ - ﻳﺎﻟﻠﻪ ﻟﻌﺪ ﺍﻧﺘﻈﺮﻳﻨﻲ ﺑﺲ ﻟﺤﻈﺔ ﺍﺑﺪﻝ ﻭﺍﺟﻴﺞ ﺣﺘﻰ ﺗﺤﺠﻴﻠﻲ ﻋﻠﻰ ﺍﻟﻌﺮﻳﺲ ﺍﻟﺘﺤﻔﺔ ﺍﻟﻲ ﺟﺎﻳﺒﺘﺔ ﺍﻡ ﺍﺑﺮﺍﻫﻴﻢ

ﺑﺪﻟﺖ ﻭﻧﺰﻟﺖ ﻭﺷﻔﺖ ﺍﻣﻲ ﺻﺎﺑﺔ ﺍﻟﻐﺪﺓ ﻭﻛﻌﺪﺕ ﺍﻧﻲ ﻭﻳﺎﻫﺔ ﻋﺎﻟﻤﻴﺰ

ﺍﻡ ﺳﻬﻰ - ﻫﺬﺍ ﺍﻟﻮﻟﺪ ﻣﻦ ﻃﺮﻑ ﺍﻡ ﺍﺑﺮﺍﻫﻴﻢ ﺗﻜﻮﻝ ﻋﻠﻴﻪ ﺧﻮﺵ ﻭﻟﺪ ﻭﻋﻨﺪﺓ ﺳﻮﺑﺮ ﻣﺎﺭﻛﺖ ﻭﺍﻟﻠﻪ ﺷﺎﻳﻞ ﺣﻤﺎﻟﺘﺔ

ﻫﻮ ﻣﺮﺗﺔ ﻣﺘﻮﻓﻴﺔ ﻭﻋﻨﺪﺓ ﺛﻼﺙ ﺍﻃﻔﺎﻝ ﻣﻨﻬﺎ ﻭﻳﺪﻭﺭ ﻋﻠﻰ ﺑﻨﻴﺔ ﺑﻨﺖ ﺣﻼﻝ

ﻭﺍﻡ ﺍﺑﺮﺍﻫﻴﻢ ﺍﺧﺬﺕ ﻣﻦ ﻧﻘﺎﻟﻲ ﺻﻮﺭﺓ ﺍﻟﺞ ﻭﺍﻧﺘﻲ ﻣﺤﺠﺒﺔ ﻭﺷﻮﻓﺘﻬﺎ ﻟﻠﻮﻟﺪ ﻭﻫﻮ ﺷﺎﻑ ﺻﻮﺭﺗﺞ ﻭﺍﻧﻌﺠﺐ ﺑﻴﺞ ﺑﺲ ﺑﻘﺔ ﻳﺴﺄﻝ ﻋﻠﻴﺞ ﺑﺎﻟﻤﻨﻄﻘﺔ ﻭﺍﺧﻮﺍﻧﺞ ﻳﺴﺆﻟﻮﻥ ﻋﻠﻴﻪ

ﺳﻬﻰ - ﺍﻱ ﻳﻤﺔ ﺯﻳﻦ ﻫﻮ ﻳﻌﺮﻑ ﺑﺘﻔﺎﺻﻴﻞ ﺣﻴﺎﺗﻲ ﻟﻮ ﻣﺜﻞ

ﺍﻟﻲ ﻗﺒﻠﺔ ﻳﺸﺮﺩﻭﻥ ﻣﻦ ﻳﺴﻤﻌﻮﻥ ﺑﻤﻮﺿﻮﻋﻲ

ﺍﻡ ﺳﻬﻰ ﻭﻫﻲ ﺗﺘﻠﻔﺖ ﺑﺎﺭﺗﺒﺎﻙ

- ﺍﺓ ﺍﺓ ﺍﻧﻲ ﺍﻛﺪﺕ ﻋﻠﻰ ﺍﻡ ﺍﺑﺮﺍﻫﻴﻢ ﻣﺘﺠﻴﺐ ﺳﻴﺮﺓ ﻟﻠﻮﻟﺪ ﻣﻨﺎ ﻟﺤﺪ ﻣﺎ ﺗﻜﻤﻞ ﺳﺎﻟﻔﺔ ﺧﻄﻮﺑﺘﻜﻢ ﻭﻳﺘﻌﺮﻑ ﻋﻠﻴﺞ ﻭﻋﻠﻰ ﺍﺧﻼﻗﺞ ﻳﺎﻟﻠﻪ ﺗﺤﺠﻴﻠﺔ ﻋﻦ ﺳﺎﻟﻔﺘﺞ

- ﻫﺎﺍﺍ ﻳﻌﻨﻲ ﻗﺼﺪﺝ ﻧﺴﻮﻳﻠﺔ ﻛﻤﻴﻦ ﺣﺘﻰ ﺑﻌﺪ ﻣﻴﻜﺪﺭ ﻳﺮﺟﻊ ﺑﻜﻼﻣﻪ ﺻﺤﻴﺢ ﻣﺎﻣﺎ ﻫﺬﺍ ﻗﺼﺪﺝ ﻧﻘﺸﻤﺮ ﺍﻟﻮﻟﺪ ﻭﻧﻀﺤﻚ

ﻋﻠﻴﻪ

ﺍﻡ ﺳﻬﻰ - ﺳﻜﺘﻲ ﺳﻜﺘﻲ ﻫﺴﺔ ﻋﺎﺩ ﺍﻟﻲ ﻳﺴﻤﻌﺞ ﻳﻜﻮﻝ ﻻﺯﻣﻴﻬﺎ ﻭﻳﺔ ﺻﺎﺣﺒﻬﺎ ﺷﺎﺭﺩﺓ ﻭﻳﺎﻩ

ﺳﻬﻰ - ﻳﻮﻡ ﻫﺬﺍ ﻣﻮ ﻛﻼﻣﻲ ﻛﻼﻣﻜﻢ ﺍﻧﺘﻮ ﻭ ﺍﺧﻮﺗﻲ ﻋﻨﻲ ﻭﻧﻈﺮﺕ ﺍﻟﻨﺎﺱ

ﺍﻧﻲ ﺍﻋﺮﻑ ﻧﻔﺴﻲ ﺑﺲ ﺍﻟﻨﺎﺱ

ﻋﻠﻴﻬﺎ ﺍﻟﻈﺎﻫﺮ

ﻭﻣﻦ ﻫﺴﺔ ﺍﻛﻠﺞ ﻫﺴﺔ ﺗﺘﺼﻠﻴﻦ ﻋﻠﻰ ﺍﻡ ﺍﺑﺮﺍﻫﻴﻢ ﮔﺪﺍﻣﻲ ﻭﺗﻜﻠﻴﻠﻬﺎ ﺗﺤﺠﻲ ﻟﻠﻮﻟﺪ ﻋﻦ ﻣﻮﺿﻮﻋﻲ ﻗﺒﻞ ﻛﻠﺸﻲ ﺳﺎﻣﻌﺔ ﻳﻮﻡ ﻟﻮ ﻳﺤﺘﺎﺝ ﺍﻋﻴﺪ

ﻛﻤﺖ ﺗﺮﻛﺖ ﺍﻻﻛﻞ ﻋﺎﻟﻨﺺ ﻻ ﺍﻧﺴﺪﺕ ﻧﻔﺴﻲ

ﻳﻤﺔ ﺭﺍﺡ ﺍﺧﺬ ﻧﻘﺎﻟﺞ ﺍﺭﻳﺪ ﺍﺗﺼﻞ ﻋﻠﻰ ﺧﺎﻟﺔ ﺍﻡ ﻓﺮﺍﺱ

ﺍﺭﻳﺪ ﺍﺳﻤﻊ ﺻﻮﺕ ﺣﺴﻮﻧﻲ

ﻃﺒﻌﺎً ﺍﺣﻤﺪ ﺍﻟﻠﻪ ﻭﺍﺷﻜﺮﺓ ﺍﻟﻒ ﻣﺮﺓ ﻋﻠﻰ ﻧﻌﻤﺔ ﺍﻟﻜﻠﻴﺔ ﻳﻌﻨﻲ ﻟﻮﻣﺎ ﺍﻟﻜﻠﻴﺔ ﻭﺍﻧﺸﻐﺎﻟﻲ ﺑﻴﻬﺎ ﺟﺎﻥ ﻫﺴﺔ ﺍﻧﻲ ﻣﺘﺨﺒﻠﺔ ﻭﺍﻟﻠﻪ ﻭﺍﺣﺘﻤﺎﻝ ﻋﺎﻳﺸﺔ ﻋﻠﻰ ﺍﻟﻤﻬﺪﺋﺎﺕ ﻻﻥ ﻓﺮﺍﻙ ﺍﺑﻨﻲ

ﺧﻠﺔ ﺣﺮﮔﺔ ﺑﮕﻠﺒﻲ ﺑﺲ ﻳﻤﻜﻦ ﺭﺑﻲ ﻳﺎﺧﺬ ﺷﻲ ﻭﻳﻨﻄﻲ ﺷﻲ

ﻣﻦ ﺷﺎﻓﺘﻨﻲ ﺍﻣﻲ ﮔﻤﺖ ﻣﻨﻬﺎ ﺍﻋﺮﺝ ﺍﻧﺘﺒﻬﺖ ﻋﻠﻴﺔ

ﻫﻬﻬﻬﻬﻪ ﺧﻄﻴﺔ ﺍﻣﻲ ﻣﻦ ﺗﺴﻤﻊ ﺑﺴﺎﻟﻔﺔ ﺧﻄﺎﺑﺔ ﺍﻟﻲ

ﺗﺼﻴﺮ ﻣﺘﺸﻮﻑ ﺩﺭﺑﻬﺎ ﻣﻦ ﻭﺭﺍﻱ ﺍﺣﺲ ﺑﻴﻬﺎ

ﺷﻜﺪ ﺷﺎﻳﻠﺔ ﻫﻤﻲ ﻭﺻﺎﺭ ﺷﻐﻞ ﺍﻣﻲ ﺍﻟﺸﺎﻏﻞ ﻓﻜﺮﻫﺎ

ﺑﺎﻟﺤﻴﺎﺓ ﺗﺮﻳﺪ ﺗﺪﺑﺮﻟﻲ ﻋﺮﻳﺲ ﻳﻘﺒﻞ ﺑﻴﺔ ﻭﻳﺮﺿﻰ ﺑﻮﺿﻌﻲ

ﮔﺎﻣﺖ ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ ﺍﻟﻌﺮﻳﺲ

ﺧﻄﻴﺔ ﺣﺘﻰ ﻣﺮﺍﺕ ﺍﺷﻮﻓﻬﺎ ﻣﻦ ﺗﻄﻠﻊ ﻟﻠﺴﻮﻙ ﻭﺗﺮﺟﻊ

ﺍﺷﻮﻓﻬﺎ ﺗﺠﻴﺒﻠﻲ ﻛﻢ ﻓﺴﺘﺎﻥ

ﻭﺗﮕﻠﻲ ﻫﺬﻧﻲ ﺿﻤﻴﻬﻦ ﻟﻌﺮﺳﺞ ﻣﻦ ﺗﺘﺰﻭﺟﻴﻦ ﻳﻔﻴﺪﻭﺝ ﻟﻮ ﺗﺸﺘﺮﻳﻠﻲ ﺗﺮﺍﺟﻲ ﻟﻮ ﻛﻼﺩﺓ

ﺩﺍﺋﻤﺎ ﺗﺤﺠﻲ ﻫﺎﻱ ﺍﻟﻌﺒﺎﺭﺓ ﺿﻤﻴﻬﻦ ﻳﻤﺔ ﻣﻦ ﺗﻌﺮﺳﻴﻦ

ﺣﺴﻴﺖ ﺻﺎﺭ ﺑﻴﻬﺎ ﻫﻮﺱ ﻣﻦ ﻭﺭﺍﻱ

ﻭﺍﻟﻠﻪ ﻛﺴﺮﺕ ﺧﺎﻃﺮﻱ ﺍﻣﻲ

ﺍﻟﻈﺎﻫﺮ ﻋﻨﺪﻫﺎ ﻣﺨﺎﻭﻑ ﺍﻥ ﺍﻧﻲ ﺭﺍﺡ ﺍﺑﻘﻰ ﮔﺎﻋﺪﺓ ﻋﻠﻰ ﮔﻠﺒﻬﺎ ﻭﻣﺤﺪ ﺭﺍﺡ ﻳﻘﺒﻞ ﻳﺘﺰﻭﺟﻨﻲ ﺑﻴﻦ ﻗﻮﺳﻴﻦ

ﺭﺍﺡ ﺍﺻﻴﺮ ﻋﺎﻧﺲ

ﺍﻡ ﺳﻬﻰ - ﻫﺎﻱ ﺷﻨﻮ ﻟﻴﺶ ﺗﻌﺮﺟﻴﻦ ﺍﺳﻢ ﺍﻟﻠﻪ

ﺳﻬﻰ ﻣﺤﺒﻴﺖ ﺍﺧﻮﻓﻬﺎ

- ﻻ ﻳﻮﻡ ﺟﻨﺖ ﺍﻧﺰﻝ ﻣﻦ ﺍﻟﺪﺭﺝ ﺑﺎﻟﻜﻠﻴﺔ ﻭﻧﻠﻮﺕ ﺭﺟﻠﻲ

ﻫﺴﺔ ﺍﻏﺴﻠﻬﺎ ﺑﻤﺎﻱ ﺣﺎﺭ ﺷﻮﻳﺔ ﻭﺭﺗﺎﺡ

ﻳﻮﻡ ﺛﺎﻧﻲ ﺩﺍﻭﻣﺖ

ﻧﺰﻟﻨﺎ ﻣﻦ ﺍﻟﺴﻴﺎﺭﺓ ﻭﺭﺟﻠﻲ ﺷﻮﻳﺔ ﺗﻮﺟﻌﻨﻲ ﺑﻌﺪ ﻣﺎ ﺍﻣﻲ ﺍﻧﻄﺘﻨﻲ ﻣﺴﻜﻦ ﺍﻻﻻﻡ

ﻛﻨﺖ ﺍﻧﻲ ﻭﺳﺎﺭﺓ ﻧﻤﺸﻲ ﻭﻧﺴﻮﻟﻒ ﺳﻤﻌﺖ ﺻﻮﺕ ﻭﻟﺪ

ﺻﺎﺡ ﻟﺴﺎﺭﺓ ﺭﻓﻌﺖ ﺭﺍﺳﻲ ﺷﻔﺘﺔ ﻧﻔﺴﺔ ﺍﻟﻮﻟﺪ

ﺍﻟﻲ ﺣﺠﺔ ﺍﻟﺒﺎﺭﺣﺔ ﻭﻳﺔ ﺛﺎﺋﺮ ﻫﻬﻬﻪ ﻋﺮﻓﺖ ﺍﺳﻤﺔ ﻻﻥ ﻣﻴﻨﺴﻲ

ﺳﻬﻰ - ﻳﺎﻟﻠﻪ ﻟﻌﺪ ﺍﻧﻲ ﺭﺍﻳﺤﺔ ﺍﺧﺬﻱ ﺭﺍﺣﺘﺞ

ﻋﻔﻴﺔ ﻣﻮ ﺗﻨﺴﻴﻨﻲ ﻣﺮﻱ ﻋﻠﻴﺔ

ﺳﺎﺭﺓ - ﺍﻭﻙ ﻳﺎﻟﻠﻪ ﺑﺎﻱ

ﺭﺣﺖ ﻋﻠﻰ ﻣﺤﺎﺿﺮﺍﺗﻲ ﻭﻛﺎﻧﺖ ﺍﻭﻝ ﻣﺤﺎﺿﺮﺓ ﻛﻤﻴﺎﺀ ﻋﺎﻣﺔ

ﺑﻌﺪ ﻣﺨﻠﺼﺖ ﺍﻟﻤﺤﺎﺿﺮﺓ ﻃﻠﻌﺖ ﺍﻧﻲ ﻭﻣﻨﻰ ﺻﺪﻳﻘﺘﻲ

ﺭﺣﺖ ﺍﺩﻭﺭ ﻋﻠﻰ ﺳﺎﺭﺓ ﻣﺸﻔﺘﻬﺎ

ﻛﻨﺖ ﺍﺗﻤﺸﻰ

ﻃﺒﻌﺎً ﻣﻨﻰ ﺍﺗﻌﺮﻓﺖ ﻋﻠﻴﻬﺎ ﻭﻳﺎﻱ ﺑﻨﻔﺲ ﺍﻟﻤﺮﺣﻠﺔ ﺧﻮﺵ ﺑﻨﻴﺔ

ﺑﻌﺪﻳﻦ ﻛﻌﺪﺕ ﺑﺎﻟﻤﻜﺎﻥ ﺍﻟﻲ ﺩﺍﺋﻤﺎً ﻧﺘﻮﺍﻋﺪ ﺑﻲ ﺍﻧﻲ ﻭﺳﺎﺭﺓ ﻣﻦ ﺍﺧﻠﺺ ﻣﺤﺎﺿﺮﺓ ﺍﺟﻲ ﻫﻨﺎ ﺍﻧﺘﻈﺮﻫﺎ ﻭﻫﻲ ﻫﻤﻴﻦ

... 

ﻛﻨﺖ ﺍﺣﺠﻲ ﻭﺍﺿﺤﻚ ﻋﻠﻰ ﺳﻮﺍﻟﻒ ﻣﻨﻰ

ﻫﻲ ﺷﻜﻠﻬﺎ ﺣﻠﻮ ﻭﻛﻼﻣﻬﺎ ﻛﺸﻜﻮﻟﻲ ﻳﺠﻨﻦ

ﻣﻨﻰ - ﻟﺞ ﻣﺤﺠﻴﺘﻠﺞ ﻣﻦ ﺭﺩﺕ ﺍﻃﻠﻊ ﻣﻦ ﺍﻟﺒﻴﺖ ﻭﺷﻔﺖ ﺻﺪﻳﻖ ﺍﺧﻮﻱ

ﻣﺘﻌﺮﻓﻴﻦ ﺷﺼﺎﺭ ﺑﻴﺔ ﺍﺟﻴﺖ ﺍﻣﻮﺕ ﻣﻦ ﺍﻟﻘﻬﺮ

- ﻟﻴﺶ

- ﻟﺞ ﻫﻮ ﺩﻙ ﺍﻟﺒﺎﺏ ﻭﺍﻧﻲ ﻣﻦ ﻭﺭﺓ ﺍﻟﺒﺎﺏ ﺻﺤﺖ ﻣﻨﻮ

- ﻛﻠﻲ ﺍﻧﻲ ﺳﺠﺎﺩ ﺭﻭﺡ ﺻﻴﺢ ﻻﺧﻮﻙ ﻛﻠﺔ ﺳﺠﺎﺩ ﺑﺎﻟﺒﺎﺏ ﻳﻨﺘﻈﺮﻙ ﻋﻔﻴﺔ ﺑﺎﻟﺒﻄﻞ

ﻟﺞ ﻣﺘﺖ ﻗﻬﺮ ﻣﻮ ﻫﻨﺎ ﺍﻟﻘﻬﺮ

ﺍﻟﻤﺼﻴﺒﺔ ﻣﻦ ﻃﻠﻌﺘﻠﺔ ﻭﺧﺰﺭﺗﺔ ﻭﻛﺘﻠﺔ ﺍﺧﻮﻱ ﻣﻮ ﻫﻨﺎ

ﻛﻠﺖ ﻫﺴﺔ ﻳﻔﺸﻞ ﻭﻳﺴﺘﺤﻲ ﻋﻠﻰ ﻧﻔﺴﺔ ﻻﻥ ﻫﺎﻥ ﺍﻧﻮﺛﺘﻲ ﻭﻗﺼﻔﻬﺎ

ﻣﺎ ﺳﻜﺖ ﮔﻠﻲ ﺍﻟﻌﻔﻮ ﺍﻧﺘﻲ ﻣﻨﻮ ﺍﻟﺒﻨﮕﺎﻟﻴﺔ ﻣﺎﻟﺘﻬﻢ

ﻋﻠﻴﺞ ﺍﻟﻠﻪ ﻫﺬﺍ ﻭﺟﻬﻲ ﻭﺟﻪ ﺑﻨﮕﺎﻟﻴﺔ

ﺳﻬﻰ ﺣﻄﻴﺖ ﺍﻳﺪﻱ ﻋﻠﻰ ﺣﮕﻠﻲ ﻭﺻﺮﺕ ﺍﺿﺤﻚ ﻣﻜﺪﺭﺕ ﺍﺳﻜﺖ

- ﻻ ﻭﺍﻟﻠﻪ ﻣﻮ ﻛﺪﺍﻣﺞ ﺍﻧﺘﻲ ﺣﻠﻮﺓ

ﺑﺲ ﺗﻠﮕﻴﻨﺔ ﺣﺐ ﻳﻜﺤﻠﻬﺎ ﻋﻤﺎﻫﺔ

ﺍﻟﻠﻪ ﻋﻠﻴﺞ ﺍﻧﺘﻲ ﺷﺠﺎﻭﺑﺘﻲ

- ﻛﺘﻠﺔ ﺑﻨﻜﺎﻟﻴﺔ ﺑﻌﻴﻨﻚ ﺍﺫﺍ ﺍﻧﻲ ﺑﻨﮕﺎﻟﻴﺔ ﻟﻌﺪ ﺍﻧﺘﺔ . ﺷﻨﻮ

ﺟﺎﻭﺑﻨﻲ ﺑﻜﻞ ﺛﻘﺔ

ﺍﻧﻲ ﺍﻻﺛﻴﻮﺑﻲ ﺑﺮﺳﻢ ﺍﻟﺨﺪﻣﺔ ﻣﺪﺍﻡ

ﻭﻟﺞ ﺑﻮﻛﺘﻬﺎ ﻣﻌﺮﻓﺖ ﺍﺿﺤﻚ ﻋﻠﻴﻪ ﻟﻮ ﺍﻧﻘﻬﺮ ﻣﻨﺔ ﻫﺬﺍ

ﺣﺘﻰ ﻋﻠﻰ ﻧﻔﺴﺔ ﻳﺼﻨﻒ ﺑﺲ ﻋﻮﺩﻙ ﺷﻠﻮﻥ ﺍﺛﻴﺒﻮﺑﻲ ﻏﻴﺮ ﻳﻤﻮﺕ

- ﺍﺷﻮﻓﺞ ﻣﻘﻬﻮﺭﺓ ﻣﻨﺔ ﻃﻠﻊ ﻻﻥ ﻭﺳﻴﻢ

ﺍﺑﺘﺴﻤﺖ ﻭﺣﺴﻴﺖ ﺍﻛﻮ ﻋﻴﻮﻥ ﺩﺗﺮﺍﻗﺒﻨﻲ

ﺭﻓﻌﺖ ﺭﺍﺳﻲ ﻭﺍﺗﻔﺎﺟﺌﺖ ﻣﻦ ﺷﻔﺖ ﻫﺬﺍ ﺍﻟﻮﻟﺪ ﺍﻟﻲ ﺩﻋﻤﻨﻲ ﺍﻟﺒﺎﺭﺣﺔ ﺍﻟﻲ ﺍﺳﻤﺔ ﺛﺎﺋﺮ ﻳﺒﺎﻭﻋﻠﻲ ﻣﻦ ﺻﺎﺭﺕ ﻋﻴﻨﻲ ﺑﻌﻴﻨﺔ

ﺍﺑﺘﺴﻤﻠﻲ ﺻﻔﺢ

ﻳﻤﺔ ﮔﻠﺒﻲ ﺍﺟﺔ ﻳﻮﮔﻒ ﺩﻧﻜﺖ

ﻭﻣﺎ ﺑﺎﺩﻟﺘﺔ ﺍﻻﺑﺘﺴﺎﻣﺔ

ﻭﺳﻮﻳﺖ ﻧﻔﺴﻲ ﻣﻤﻨﺘﺒﻬﺔ ﻋﻠﻴﻪ ﻭﺍﻟﺘﻬﻴﺖ ﻭﻳﺔ ﻣﻨﻰ

ﻭﻛﻠﺴﺎﻋﺔ ﺗﺮﺍﻭﻳﻨﻲ ﺷﻲ ﺑﺎﻟﻨﻘﺎﻝ

ﻭﺍﻧﻲ ﻧﻈﺮﻱ ﻳﻤﻬﺔ ﺑﺲ ﺗﺮﻛﻴﺰﻱ ﺑﻐﻴﺮ ﻣﻜﺎﻥ

ﻛﺎﻥ ﻋﻘﻠﻲ ﻭﻳﺔ ﻧﻈﺮﺍﺗﺔ ﺍﻟﻲ ﺍﺑﺪ ﻣﺎﺟﺎﻱ ﺗﻔﺎﺭﻙ ﻣﺨﻴﻠﺘﻲ

ﺍﺗﻀﺎﻳﻘﺖ ﻣﺎ ﺍﻋﺮﻑ ﻟﻴﺶ ﺧﺎﻧﺘﻨﻲ ﻋﻴﻮﻧﻲ ﻭﺭﺟﻌﺖ ﺭﻓﻌﺖ ﺭﺍﺳﻲ ﻋﺰﺓ ﻫﺬﺍ ﺑﻌﺪﺓ ﻳﺒﺎﻭﻉ ﻋﻠﻴﺔ

ﺍﺳﺘﻐﻔﺮ ﺍﻟﻠﻪ ﻳﻌﻨﻲ ﻛﺎﻋﺪ ﻭﻳﺔ ﻛﺮﻭﺏ ﺷﺒﺎﺏ ﻳﺼﻴﺮﻭﻥ ﻣﻘﺎﺑﻴﻠﻨﺎ

ﻭﺍﻟﻜﻞ ﻣﻠﺘﻬﻲ ﻳﺤﺠﻲ ﺍﻻ ﻫﻮ ﺩﻭﻥ ﻋﻨﻬﻢ ﺳﺎﻛﺖ ﻭﺩﺍﻳﺮ ﺭﺍﺳﺔ ﻋﻠﻴﺔ ﻭﻳﺒﺎﻭﻉ ﺑﺤﻴﺚ ﺣﺴﻴﺖ ﺑﻨﻈﺮﺍﺗﺔ ﺗﻠﻔﺖ ﺍﻻﻧﺘﺒﺎﻩ ﻋﻠﻴﺔ

ﺭﺟﻌﺖ ﺑﺴﺮﻋﺔ ﻭﺧﺮﺕ ﻋﻴﻨﻲ ﻣﻨﺔ ﺍﻭﻑ ﻭﺭﺟﻌﺖ ﺍﺳﻮﻟﻒ

ﻭﻳﺔ ﻣﻨﻰ ﻭﺧﺪﻭﺩﻱ ﺻﺎﺭﻭ ﺣﻤﺮ ﻣﻦ ﻭﺭﺍﻩ ﺍﻟﻠﻪ ﻻﻳﻨﻄﻲ ﺑﻠﻴﺴﻚ

ﺷﻔﺖ ﺳﺎﺭﺓ ﺍﺟﺘﻲ ﻋﻠﻴﻨﺎ ﻭﺍﻧﻲ ﻛﺄﻧﻤﺎ ﻣﺜﻞ ﺍﻟﻲ ﺟﻨﺖ ﺣﺎﺑﺴﺔ ﺍﻻﻧﻔﺎﺱ

ﻛﻤﺖ ﻣﻦ ﻳﻢ ﻣﻨﻰ ﻭﺭﺣﺖ ﻋﻠﻴﻬﺎ

ﺳﺎﺭﺓ - ﻟﺞ ﺟﺒﺘﻠﺞ ﺍﺧﺒﺎﺭ ﺍﻻﺑﺸﺪﺓ

ﺳﻬﻰ - ﻋﻔﻴﺔ ﺍﺣﺠﻴﻠﻲ ﺑﺲ ﺑﺎﻻﻭﻝ ﺧﻠﻲ ﻧﺮﻭﺡ ﺑﻐﻴﺮ ﻣﻜﺎﻥ

ﺳﺎﺭﺓ ﺑﺎﻭﻋﺖ ﻭﺭﺍﻱ ﻭﺷﺎﻓﺖ ﻣﻨﻰ ﻛﺎﻋﺪﺓ ﻭﻣﻜﺎﻧﺔ ﻣﺤﺪ ﻣﺎﺧﺬﺓ

ﺳﻬﻰ - ﺍﺭﻳﺪ ﺍﻏﻴﺮ ﺍﻟﻤﻜﺎﻥ ﻻﻥ ﻛﻠﺶ ﺍﺗﻀﺎﻳﻘﺖ ﻣﻦ ﻧﻈﺮﺍﺕ ﻫﺬﺍ ﺍﻟﻲ ﺍﺳﻤﺔ ﺛﺎﺋﺮ ﻳﺎﺧﺘﻲ ﺧﻨﻜﻨﻲ ﻣﺎﻛﻮ ﻫﻴﺞ ﺷﻲ ﻭﺍﻟﻠﻪ ﺍﺫﺍ ﺑﻘﺔ ﻫﻴﺞ ﻳﺒﺎﻭﻋﻠﻲ

ﺳﺎﺭﺓ ﺑﺒﺘﺴﺎﻣﺔ - ﺍﻱ ﺷﺮﺍﺡ ﺗﺴﻮﻳﻠﺔ ﺗﻜﻠﻴﻠﺔ ﺍﺭﻓﻊ ﻋﻴﻨﻚ ﻣﻨﻲ

ﻫﻬﻬﻬﻬﻪ ﺗﺮﺓ ﺣﻠﻮﺓ ﻫﺎﻱ ﻛﻞ ﻭﺍﺣﺪ ﻭﻫﻮ ﺣﺮ ﺑﻌﻴﻮﻧﺔ ﻭﻳﻦ ﻳﺒﺎﻭﻉ ﺍﻧﺘﻲ ﺷﻜﻮ

ﺟﺮﺗﻨﻲ ﺳﺎﺭﺓ ﻣﻦ ﺍﻳﺪﻱ

ﻭﺭﺟﻌﺘﻨﻲ ﻭﻛﻌﺪﺕ ﺑﻨﻔﺲ ﻣﻜﺎﻧﻲ ﺑﺲ ﻫﺎﻟﻤﺮﺓ ﻋﺎﻧﺪﺕ ﻧﻔﺴﻲ ﻭﻣﻮﺟﻬﺖ ﺍﻱ ﻧﻈﺮﺓ ﺑﺘﺠﺎﻫﺔ ﻋﺒﺎﻟﻚ ﻫﻮ ﻭﻻ ﻣﻮﺟﻮﺩ ﺭﻏﻢ ﮔﻠﺒﻲ ﺻﺎﺭ ﻳﻠﻮﺏ ﻳﺮﻳﺪ ﺑﺲ ﺍﺭﻓﻊ ﻋﻴﻨﻲ ﻭﺍﺷﻮﻓﺔ ﺑﻌﺪﺓ ﻳﺒﺎﻭﻋﻠﻲ ﻟﻮ ﻻ

ﻣﺎ ﺍﻋﺮﻑ ﻟﻴﺶ ﺍﻛﻮ ﺷﻌﻮﺭ ﻟﺬﻳﺬ

ﺻﺎﺭ ﺟﻤﻴﻞ ﺑﺪﺍﺧﻞ ﮔﻠﺒﻲ

ﻧﺘﻴﺠﺔ ﺍﻫﺘﻤﺎﻡ ﻭﻧﻈﺮﺍﺕ ﺛﺎﺋﺮ ﺑﺘﺠﺎﻫﻲ ﺣﺴﻴﺖ ﺑﺎﺣﺴﺎﺱ ﻏﺮﻳﺐ

ﺳﺎﺭﺓ - ﺳﻜﺘﻲ ﻭﻟﺞ ﺧﻠﻲ ﺍﺣﺠﻴﻠﺞ ﺗﺘﺬﻛﺮﻳﻦ ﺍﻭﻝ ﻣﺪﺧﻠﻨﺎ ﻟﻠﻜﻠﻴﺔ ﻣﻦ ﺻﺎﺣﻨﻲ ﺍﻟﻮﻟﺪ

ﺳﻬﻰ - ﺍﻱ ﻫﺬﺍ ﻣﻮ ﻧﻔﺴﺔ ﻫﻮ ﺍﻟﻮﻟﺪ ﺍﻟﻲ ﺻﺎﺡ ﻟﺜﺎﺋﺮ

ﺳﺎﺭﺓ - ﺍﻱ ﻭﺍﻟﻠﻪ ﻃﻠﻌﺘﻲ ﻣﻮ ﻫﻴﻨﺔ ﺑﻌﺪﺝ ﺗﺘﺬﻛﺮﻳﻦ ﺍﺳﻤﺔ

ﺳﻬﻰ - ﺍﻫﻮﻭﻭﻭ ﺷﻜﺪ ﺛﻘﻴﻠﺔ ﺩﻛﻤﻠﻲ ﺍﺣﺠﻲ

ﺳﺎﺭﺓ - ﻟﺞ ﻫﺬﺍ ﺍﻟﻮﻟﺪ ﻃﻠﻊ ﺍﺳﻤﺔ ﻋﺴﺎﻑ ﻭﻳﺎﻱ ﺑﻨﻔﺲ ﺍﻟﻤﺮﺣﻠﺔ ﻭﻣﺎ ﻣﻨﺘﺒﻬﺔ ﻋﻠﻴﻪ

ﺍﻟﻤﻬﻢ ﻣﻮ ﻫﺬﺍ ﻣﻮﺿﻮﻋﻨﺎ

ﻟﺞ ﺍﻟﻤﻮﺿﻮﻉ ﺻﺎﺣﺒﻨﺎ ﺍﺑﻮ ﺍﻟﺸﺨﺼﻴﺔ ﺛﺎﺋﺮ

ﺳﻬﻰ ﻣﻦ ﺳﻤﻌﺖ ﺑﺎﺳﻤﺔ ﺣﺴﻴﺖ ﺭﻭﺣﻲ ﮔﻄﻌﺖ ﺍﻟﻨﻔﺲ

ﻣﻨﻰ - ﺍﻛﻮﻝ ﺍﻧﻲ ﺭﺍﻳﺤﺔ ﺍﺟﺎﻧﻲ ﺍﺗﺼﺎﻝ ﺑﻌﺪﻳﻦ ﺍﺭﺟﻌﻠﻜﻢ ﻭﺗﺤﺠﻮﻟﻲ ﺍﻟﺴﺎﻟﻔﺔ ﻛﻠﻬﺎ

ﺳﺎﺭﺓ - ﺍﻭﻙ ﺳﻬﻰ ﺗﺤﺠﻴﻠﺞ ﻣﻦ ﺗﺮﺟﻌﻴﻦ ﻻﻥ ﻭﺭﺍﻱ ﻣﺤﺎﺿﺮﺓ

ﺭﺍﺣﺖ ﻣﻨﻰ

ﺳﻬﻰ ﺣﺴﻴﺖ ﺗﻠﻔﺖ ﺍﻋﺼﺎﺑﻲ ﻭﻣﺎﺑﻘﺔ ﻋﻨﺪﻱ ﺻﺒﺮ ﺍﺭﻳﺪ ﺍﻋﺮﻑ ﺷﺒﻲ

- ﺍﻱ ﻛﻤﻠﻲ

- ﺳﻤﻌﻲ ﻋﺴﺎﻑ ﺍﺟﺔ ﻭﻋﺮﻓﻨﻲ ﻋﻠﻰ ﻧﻔﺴﺔ ﺑﺄﻥ ﻫﻮ ﺯﻣﻴﻠﻲ

ﻭﻛﺎﻝ ﺻﺎﺣﺒﻲ ﺷﺎﻑ ﺻﺪﻳﻘﺘﺞ ﺍﻟﻲ ﻭﻳﺎﺝ

ﻭﺣﺎﺏ ﻳﺘﻌﺮﻑ ﻋﻠﻴﻬﺎ ﻭﺟﺪﺍً ﻋﺎﺟﺒﺘﺔ ﻭﻗﺼﺪﺓ ﺷﺮﻳﻒ ﺗﺮﺓ

ﺑﺲ ﺑﺎﻻﻭﻝ ﺣﺎﺏ ﻳﺘﻌﺮﻑ ﻋﻠﻴﻬﺎ ﻭﺗﺘﻌﺮﻑ ﻋﻠﻴﻪ

... 

ﺳﻬﻰ ﺑﺸﻬﮕﺔ ﻭﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ

ﺳﻤﻌﺖ ﺻﻮﺕ ﺧﺸﻦ ﻋﺎﻟﻲ ﻋﺼﺒﻲ

- ﻟﻚ ﻋﺴﺎﺍﺍﺍﻑ ﻣﻦ ﺍﺷﺘﻌﻠﺖ ﻋﺸﻴﺮﺗﻚ

ﺧﺎﻳﺐ ﺗﻌﺪﻝ ﻛﻌﺪﺗﻚ ﻻ ﺍﺟﻲ ﺍﻋﻠﻤﻚ ﺷﻠﻮﻥ ﺗﻜﻌﺪ ﻭﺷﻴﻞ ﺍﻳﺪﻙ ﻣﻦ ﺻﺪﺭﻙ ﻻ ﺑﺎﻟﻘﺮﺍﻥ ﺍﺟﻲ ﺍﻛﺴﺮﻫﺎ

ﻋﺴﺎﻑ ﻳﻀﺤﻚ ﻋﻠﻰ ﺻﺎﺣﺒﺔ

- ﻫﺎﻱ ﺷﺒﻴﻚ ﺍﺑﻮ ﺍﻟﺸﺒﺎﺏ ﻟﻴﺶ ﺗﺴﺐ ﺑﻌﺸﻴﺮﺗﻲ ﺷﻤﺴﻮﻳﻠﻚ

ﻳﻤﺔ ﺳﻤﻌﺖ ﺻﻮﺗﺔ ﺍﻟﺘﻔﺘﺖ ﻋﻠﻴﻪ ﻻ ﺍﺭﺍﺩﻳﺎً

ﻋﺰﺓ ﻫﺬﺍ ﺧﺰﺭﻧﻲ ﻭﺍﺷﺮﻟﻲ ﺑﻨﻈﺮﺗﺔ ﻋﻠﻰ ﺍﻳﺪﻱ

ﻋﺎﺍﺍﺍﺍ ﻫﺬﺍ ﺷﻨﻮ ﻋﺰﺯﺯﺓ ﻫﺬﺍ ﻳﻘﺼﺪﻧﻲ ﺍﻧﻲ ﺑﻜﻼﻣﺔ

ﻭﺍﻟﻠﻪ ﻣﻮ ﻃﺒﻴﻌﻲ

ﺍﻧﺘﺒﻬﺖ ﻋﻠﻰ ﺍﻳﺪﻱ

ﺧﺎﻟﺘﻬﺔ ﻋﻠﻰ ﺻﺪﺭﻱ ﻣﻦ ﺷﻬﻜﺖ ﺑﺴﺮﻋﺔ ﻧﺰﻟﺘﻬﺎ

ﻭﮔﻌﺪﺕ ﻋﺪﻝ

ﺑﺎﻭﻋﺖ ﺑﺘﺠﺎﻫﺔ ﻭﺻﺮﺕ ﻣﺜﻞ ﺍﻟﻄﻔﻠﺔ ﺍﺭﻳﺪ ﺍﻋﺮﻑ

ﻫﻮ ﺭﺍﺿﻲ ﻋﻠﻰ ﮔﻌﺪﺗﻲ ﻟﻮ ﻻ

ﺑﺎﻭﻋﺖ ﻋﻠﻴﻪ ﻭﺷﻔﺎﻳﻔﻲ ﺗﻬﺘﺰ ﺣﺎﺻﺮﺗﻨﻲ ﺍﻟﺒﺠﻴﺔ

ﻣﻦ ﺍﻻﺣﺮﺍﺝ

ﺍﻧﺘﺒﻬﺖ ﻋﻠﻴﻪ ﺣﺎﻁ ﺍﻳﺪﺓ ﻋﻠﻰ ﻟﺤﻴﺘﺔ ﻭﻛﺎﻋﺪ ﻳﺘﻠﻤﺲ ﺑﻴﻬﺎ

ﻭﺻﺎﺭ ﻳﺤﺠﻲ ﻭﻳﺔ ﻋﺴﺎﻑ

- ﻋﻔﻴﺔ ﻋﻠﻴﻚ ﻭﻟﻴﺪﻱ ﺻﻴﺮ ﺣﺒﺎﺏ ﻭﺍﺳﻤﻊ ﺍﻟﻜﻼﻡ

ﻋﺎﺍﺍﺍﺍﺍ ﺑﺴﺮﻋﺔ ﻛﻤﺖ ﻣﻦ ﻣﻜﺎﻧﻲ ﻣﺜﻞ ﺍﻟﻤﻜﺮﻭﺻﺔ

ﻻ ﻫﺬﺍ ﻣﺼﺨﻬﺎ

ﻭﺍﻧﻲ ﺣﺎﺻﺮﺗﻨﻲ ﺍﻟﺒﺠﻴﺔ ﻻﻭﻝ ﻣﺮﺓ ﺑﺤﻴﺎﺗﻲ ﺍﻧﺤﻂ ﺑﻬﻴﺞ ﻣﻮﻗﻒ

ﻭﺍﻟﻈﺎﻫﺮ ﻭﻳﺔ ﻫﺬﺍ ﺍﻟﺸﺨﺺ ﺭﺍﺡ ﻳﻜﻮﻥ ﻛﻠﺸﻲ ﻳﺼﻴﺮ ﻭﻳﺎﻱ ﺍﻭﻝ ﻣﺮﺓ ﺳﻤﻌﺘﺔ ﻳﺤﺠﻲ ﻭﻳﺔ ﻋﺴﺎﻑ ﻭﻋﻴﻨﺔ ﻋﻠﻴﺔ

- ﻟﻚ ﺍﻧﻲ ﺍﺑﻮﺍﺑﻮﻱ ﻣﺤﺘﺮﻙ ﻭﻫﺬﺍ ﮔﺎﻋﺪ ﮔﺒﺎﻟﻲ ﻳﻠﻌﺐ ﺑﺎﻋﺼﺎﺑﻲ

ﻋﺰﺯﺯﺓ ﻫﺬﺍ ﻳﻘﺼﺪﻧﻲ ﺍﻟﻲ

ﻻ ﺑﻌﺪ ﻣﺎﺍﻛﺪﺭ ﺍﺑﻘﻰ ﺍﻛﺜﺮ ﺻﻮﺗﻲ ﺑﻲ ﺍﻟﺒﺠﻴﺔ

- ﻟﺞ ﮔﻮﻣﻲ ﺧﻠﻲ ﻧﻤﺸﻲ ﻣﻨﺎ ﺑﻌﺪ ﻣﺎ ﺍﺗﺤﻤﻞ ﻫﺬﺍ ﻛﻠﺶ ﻣﺼﺨﻬﺎ

ﺗﻌﺎﻱ ﺧﻞ ﻧﻜﻌﺪ ﺑﻐﻴﺮ ﻣﻜﺎﻥ ﻭﺍﺣﺠﻴﻠﻲ

ﺳﺎﺭﺓ - ﺍﻫﻮﻭ ﻫﺎﻱ ﺷﺒﻴﺞ ﻋﺒﺎﻟﻚ ﺭﺍﻛﺾ ﻭﺭﺍﺝ ﺟﻠﺐ ﺍﺻﺒﺮﻱ ﺑﺲ ﺷﻮﻳﺔ

- ﺍﻧﻲ ﺭﺍﻳﺤﺔ ﻣﺎ ﺍﺑﻘﻰ ﻟﺤﻈﺔ ﻭﺣﺪﺓ ﻫﻨﺎ

ﺍﺫﺍ ﺗﺮﺩﻳﻦ ﺗﻌﺎﻱ ﻭﺭﺍﻱ

ﻟﻤﺖ ﻛﺘﺒﻬﺎ ﻭﻏﺮﺍﺿﻬﺎ ﻭﺍﺟﺘﻲ ﻭﺭﺍﻱ ﺗﺮﻛﺾ

ﺍﻧﺘﻘﻠﻨﺎ ﺑﻐﻴﺮ ﻣﻜﺎﻥ ﻭﺣﺴﻴﺖ ﺭﺟﻊ ﺍﻟﺪﻡ ﺑﻮﺟﻬﻲ

ﻭﺟﺮﻳﺖ ﻧﻔﺲ ﻋﺒﺎﻟﻚ ﺟﻨﺖ ﺣﺎﺑﺴﺔ ﺍﻧﻔﺎﺳﻲ

ﺧﺮﺏ ﺑﺎﻟﺤﻆ

ﺳﺎﺭﺓ ﺗﻀﺤﻚ ﻋﻠﻴﺔ - ﻟﺞ ﺍﻧﺘﻲ ﺷﺒﻴﺞ ﺟﺒﺎﻧﺔ ﺗﺮﺓ ﻋﺎﺩﻱ ﺍﻟﻮﻟﺪ ﻳﺒﺎﻭﻉ ﻋﻠﻰ ﺑﻨﻴﺔ ﺑﺲ ﺗﺮﺩﻳﻦ ﺍﻟﺼﺪﻙ ﻣﺸﻔﺘﻲ ﺷﻠﻮﻥ ﺍﻛﻠﺞ

ﺍﻛﻞ ﺑﻌﻴﻮﻧﺔ ﻭﺍﻧﺘﻲ ﻭﻻ ﻣﻌﺒﺮﺗﺔ ﻫﻬﻬﻪ ﺣﺒﻴﺖ

ﺷﻜﻠﺞ ﻭﺍﻧﺘﻲ ﻣﺴﻮﻳﺔ ﻧﻔﺴﺞ ﻣﻤﻬﺘﻤﺔ ﻟﻮﺟﻮﺩﻩ ﺑﺲ ﺑﻨﻔﺲ ﺍﻟﻮﻛﺖ ﺍﻧﺘﻲ ﻣﺤﺘﺮﻛﺔ ﺣﺮﻙ ﻣﻦ ﻭﺭﺍﻩ ﺍﻟﻠﻪ

- ﻫﺴﺔ ﺗﻜﻤﻠﻴﻦ ﻛﻼﻣﺞ ﻟﻮ ﺍﻛﻮﻡ ﻭﺍﻋﻮﻓﺞ

- ﻳﺎﻟﻠﻪ ﻳﺎﻟﻠﻪ ﺷﺒﻴﺞ ﻣﺘﺤﺒﻴﻦ ﺍﻟﺸﻘﺔ ﻋﺎﺑﺘﻠﺞ

ﻋﻠﻰ ﺍﻟﻌﻤﻮﻡ ﻣﻦ ﺍﺟﺔ ﻃﻠﺐ ﺭﻗﻢ ﻧﻘﺎﻟﺞ

ﺍﻱ ﻟﺘﺒﺎﻭﻋﻴﻦ ﺑﻮﺟﻬﻲ ﻫﻴﺞ ﺟﻨﻨﺞ ﺑﻮﻣﺔ ﻣﺴﺘﻐﺮﺑﺔ

ﺗﺮﺓ ﻋﺎﺩﻱ ﺍﻟﻮﻟﺪ ﻳﻄﻠﺐ ﺭﻗﻢ ﺑﻨﻴﺔ ﻭﺑﻘﺖ ﻳﻢ ﺍﻟﺒﻨﻴﺔ ﺗﺮﻓﺾ ﻟﻮ ﺗﻘﺒﻞ

- ﺍﻱ ﻭﺍﻧﺘﻲ ﺷﻨﻮ ﺟﺎﻭﺑﺘﻲ ﻋﺴﺎﻑ

- ﻛﺘﻠﺔ ﺍﺑﻮﻳﺔ ﺍﻧﺖ ﺗﺮﺓ ﻫﺎﻱ ﺍﻟﺒﻨﻴﺔ ﺑﺎﻟﺬﺍﺕ ﻣﺮﺍﺡ ﺗﻘﺒﻞ ﺗﻨﻄﻴﻚ ﺭﻗﻤﻬﺎ ﻟﺼﺪﻳﻘﻚ ﻟﻮ ﻣﻮ ﻗﺼﺪﺓ ﺷﺮﻳﻒ

ﺣﺘﻰ ﻟﻮ ﻳﺠﺐ ﺍﻣﺔ ﻭﻳﺎﻩ ﻣﺮﺍﺡ ﺗﻘﺒﻞ

ﻫﺎﻱ ﺍﻭﻝ ﺷﻲ

ﺛﺎﻧﻲ ﺷﻲ ﻫﻲ ﻣﺎﻋﻨﺪﻫﺎ ﻧﻘﺎﻝ ﻟﺬﻟﻚ ﻟﺘﻌﺐ ﺣﺎﻟﻚ ﻭﺍﻧﻄﻴﻚ ﺍﻳﺎﻫﺔ ﻣﻦ ﺍﻻﺧﻴﺮ ﺍﻟﺒﻨﻴﺔ ﻣﻮ ﻣﺎﻝ ﻟﻌﺐ ﻭﻫﺎﻱ ﺍﻟﺴﻮﺍﻟﻒ ﺍﺑﺪ ﻣﻮ ﻳﻤﻬﺔ ﺍﻧﺼﺤﻚ ﺗﻜﻮﻝ ﻟﺼﺎﺣﺒﻚ ﻳﺮﻭﺡ ﻳﻠﻌﺐ ﺑﻌﻴﺪ ﻋﻨﻬﺎ

ﺳﻬﻰ ﺿﻠﻴﺖ ﺻﺎﻓﻨﺔ ﻋﻠﻰ ﻛﻼﻣﻬﺎ ﻭﻓﺎﺗﺤﺔ ﺣﻠﻜﻲ ﻣﻦ ﺍﻟﺼﺪﻣﺔ

- ﻫﺎﻱ ﺷﺪﺗﺤﺠﻴﻦ ﻣﻌﻘﻮﻟﺔ ﺍﻛﻮ ﻫﻴﺞ ﺷﻲ

- ﻫﻬﻬﻬﻪ ﻟﺞ ﺍﻧﺘﻲ ﺑﻌﺪﺝ ﻣﺘﻌﺮﻓﻴﻦ ﻫﺬﺍ ﺍﻟﻌﺎﻟﻢ ﺍﻟﻲ ﺍﻧﺘﻲ ﺑﻲ

ﺑﻌﺪﺝ ﻭﺭﺩﺓ ﻣﻐﻤﻀﺔ ﻣﺘﺸﻮﻓﻴﻦ ﺍﻛﻠﺘﺔ ﺑﻜﺸﻮﺭﺓ ﺑﺤﻴﺚ ﻣﺨﻠﻴﺘﺔ ﻳﻨﺪﻝ ﺣﻠﻜﺔ ﻫﻬﻪ

ﻭﺧﻠﺺ ﺍﻟﺪﻭﺍﻡ ﻭﺑﻌﺪﻫﺎ ﻣﻄﻠﻌﺖ ﻣﻦ ﺍﻟﻘﺎﻋﺔ ﺧﺎﻑ ﺍﺻﺎﺩﻓﺔ ﻻﻥ ﻣﻨﻰ ﻃﻠﻌﺖ ﻗﺒﻠﻨﺎ

ﮔﺎﻟﺖ ﺍﺧﻮﻳﺔ ﺍﻟﻴﻮﻡ ﺭﺍﺡ ﻳﺠﻲ ﻋﻠﻴﺔ ﻣﻦ ﻭﻛﺖ ﺧﻠﺼﺖ ﺑﺲ ﺍﻭﻝ ﻣﺤﺎﺿﺮﺗﻴﻦ ﻭﺭﺍﺣﺖ

ﻣﻦ ﻋﺮﻓﺖ ﻧﻴﺘﺔ ﺍﺗﺠﺎﻫﻲ ﺷﻨﻮ ﺧﻔﺖ ﺍﻃﻠﻊ ﻣﻦ ﺍﻟﻘﺎﻋﺔ ﻭﺍﺷﻮﻓﺔ

ﻟﺬﻟﻚ ﻓﻈﻠﺖ ﺍﻟﺒﻘﺎﺀ ﻫﻨﺎ ﺍﺣﺴﻦ

ﻭﺧﻠﺺ ﺍﻟﺪﻭﺍﻡ ﻭﺍﺟﺘﻲ ﺳﺎﺭﺓ ﻋﻠﻴﺔ ﻭﻃﻠﻌﻨﺎ ﺳﻮﻳﺔ

ﻭﺭﺟﻌﻨﺎ ﻟﻠﺒﻴﺖ ﻃﺒﻌﺎ ﺍﺣﻨﺎ ﻣﺄﺟﺮﻳﻦ ﺳﻴﺎﺭﺓ ﺧﺎﺻﺔ ﺑﻴﺔ ﺍﻧﻲ ﻭﺳﺎﺭﺓ ﺑﺲ ﺣﺘﻰ ﺗﻮﺻﻠﻨﺎ ﻻﻥ ﺳﺎﺭﺓ ﺑﻨﻔﺲ ﻣﻨﻄﻘﺘﻨﺎ

ﺭﺟﻌﺖ ﻟﻠﺒﻴﺖ ﻛﺎﻟﻌﺎﺩﺓ ﺷﻔﺖ ﺍﻣﻲ ﻭﻫﻲ ﺣﺎﻃﺔ ﺍﻳﺪﻫﺎ ﻋﻠﻰ ﺧﺪﻫﺎ

ﺳﻬﻰ - ﻫﻠﺔ ﻳﻮﻡ ﺷﻠﻮﻧﺞ ﺷﺨﺒﺎﺭﺝ ﺷﻨﻮ ﺷﺒﻴﺞ ﻟﻴﺶ ﺣﺎﻃﺔ ﺍﻳﺪﺝ ﻋﻠﻰ ﺧﺪﺝ

ﺍﻡ ﺳﻬﻰ ﺑﺤﺰﻥ - ﻻ ﻫﻴﺞ ﻣﺒﻴﺔ ﺷﻲ ﺑﺲ ﺍﻛﻮﻝ ﺣﻈﺞ ﻭﻳﻦ ﻧﺎﻳﻢ

ﺳﻬﻰ - ﺷﻨﻮ ﻟﻴﺶ ﻳﻤﺔ ﺷﺒﻲ ﺣﻈﻲ

ﺍﻡ ﺳﻬﻰ ﻭﻫﻲ ﺗﺠﺮ ﺣﺴﺮﺓ - ﻟﺞ ﻳﻤﺔ ﺳﻬﺎﻭﻱ ﺍﻟﻌﺮﻳﺲ ﻃﺎﺭ ﻣﻦ ﺍﺩﻳﻨﺔ ﻭﻣﻘﺒﻞ ﻣﻦ ﻋﺮﻑ ﺑﺎﻟﻤﻮﺿﻮﻉ ﻛﻠﺔ ﻣﻦ ﻭﺭﺍﺝ

ﺧﻠﻴﺘﻲ ﺍﻡ ﺍﺑﺮﺍﻫﻴﻢ ﺗﺤﺠﻴﻠﺔ ﻫﺴﺔ ﻋﻠﻰ ﺍﻻﻗﻞ ﺟﺎﻥ ﺷﺎﻓﺞ ﻭﺍﺗﻌﺮﻑ ﻋﻠﻴﺞ ﺍﻧﻲ ﻣﺘﺄﻛﺪﺓ ﺍﺫﺍ ﻳﺸﻮﻓﺞ ﻭﺍﻟﻠﻪ ﻳﻐﻴﺮ ﺭﺃﻳﺔ

ﺳﻬﻰ - ﺷﺒﻴﺞ ﻳﻮﻡ ﻫﺴﺔ ﺍﻟﻲ ﻳﺴﻤﻌﺞ ﺩﺧﻠﺖ ﺑﺎﻟﻌﻤﺮﻳﻦ ﻭﻋﻨﺴﺖ ﻛﻮﻟﻲ ﻳﺎﻟﻠﻪ ﺗﺮﺓ ﻛﻠﺔ ﻋﻤﺮﻱ ﻋﻠﻰ ﺑﻌﻀﺔ

٢٣ ﺳﻨﺔ

ﻛﻤﻠﺖ ﻳﻮﻣﻲ ﻭﻛﺎﻟﻌﺎﺩﺓ ﺍﺗﺼﻠﺖ ﻋﻠﻰ ﺍﻡ ﻓﺮﺍﺱ ﺣﺘﻰ ﺍﺷﻮﻓﻬﻢ ﺷﻮﻛﺖ ﻳﺠﻴﺒﻮﻥ ﺍﺑﻨﻲ ﺣﺴﻦ ﺣﺘﻰ ﺍﺷﻮﻓﺔ

ﻭﺍﻟﻠﻪ ﻭﺟﺎﻭﺑﺘﻨﻲ ﻭﺻﻮﺗﻬﺎ ﺗﻌﺒﺎﻥ ﻛﻠﺶ

ﻭﺣﺠﻴﺖ ﻭﻳﺎﻫﺔ ﻭﻓﺮﺣﺘﻨﻲ ﻣﻦ ﻛﺎﻟﺖ ﺭﺍﺡ ﺍﺧﻠﻲ ﻋﻢ ﺣﺴﻦ ﻳﺠﺒﺔ ﺍﻟﺞ ﻳﺒﻘﻰ ﻳﻤﺞ ﻓﺪ ﺷﻬﺮﻳﻦ ﻻﻥ ﻫﻲ ﺭﺍﺡ ﺗﺴﺎﻓﺮ ﻫﻲ ﻭﺍﺑﻨﻬﺎ ﻟﻠﻌﻼﺝ ﺍﻟﻈﺎﻫﺮ ﻋﻨﺪﻫﺎ ﺿﻌﻒ ﺑﺎﻟﻘﻠﺐ

ﻭﺗﺮﻳﺪ ﺗﺴﻮﻱ ﻋﻤﻠﻴﺔ ﻳﻤﺔ ﻭﺍﻧﻲ ﻃﺮﺕ ﻣﻦ ﺍﻟﻔﺮﺣﺔ ﻣﺎ ﺍﻋﺮﻑ ﺻﺪﻙ ﻣﺼﺎﺋﺐ ﻗﻮﻣﺎً ﻋﻨﺪ ﻗﻮﻣﺎً ﻓﻮﺍﺋﺪﺍً

ﺭﺣﺖ ﺑﻴﻮﻣﻬﺎ ﻭﻧﻤﺖ ﺑﺎﻟﻔﺮﺍﺵ

ﻭﻏﻤﻀﺖ ﻋﻴﻮﻧﻲ ﻭﺻﺎﺭﺕ ﻧﻈﺮﺍﺕ ﻫﺬﺍ ﺍﻟﻲ ﺍﺳﻤﺔ ﺛﺎﺋﺮ

ﮔﺪﺍﻣﻲ ﺍﻭﻭﻑ ﺷﻠﻮﻥ ﻋﻴﻮﻥ ﺟﺮﻳﺌﺔ ﺧﺮﺏ ﻳﻌﻨﻲ ﺣﺘﻰ ﺑﺠﺮﺋﺘﺔ ﺷﺨﺼﻴﺔ ﺍﻭﻭﻑ ﺑﻜﻞ ﻋﻘﻠﻲ ﺍﻧﻲ ﺩﺍﻓﻜﺮ ﺑﻨﻈﺮﺍﺗﺔ ﻭﺑﻜﻼﻣﺔ ﻭﻃﻠﺒﺔ ﻣﻦ ﺳﺎﺭﺓ

ﻣﺎ ﺍﻧﻜﺮ ﺷﻌﻮﺭ ﺍﻻﻧﺜﻰ ﺍﻟﻲ ﺑﺪﺍﺧﻠﻲ ﺍﺗﺤﺮﻙ ﺣﺴﻴﺖ ﺑﺎﻟﺤﻴﺎﺓ ﻣﺜﻞ ﺍﻟﺰﻫﺮﺓ ﺍﻟﻲ ﻳﺴﻘﻮﻧﻬﺎ ﻣﺎﻱ ﻭﺗﺰﻫﺮ ﻫﻴﺞ ﺻﺎﺭ ﺣﺎﻟﻲ

ﻟﻜﻦ ﺍﻧﻲ ﻭﺍﻋﻴﺔ

ﻭﻋﻘﻠﻲ ﻫﻮ ﺍﻟﻲ ﻳﺤﻜﻤﻨﻲ ﻻﻳﻐﺮﻙ ﺣﻠﻮ ﺍﻟﻜﻼﻡ

ﺗﺮﺓ ﺍﻟﻤﺜﻠﻲ ﻣﺎ ﺍﺗﻮﻗﻊ ﺍﻟﻬﺔ ﺍﻟﺤﻖ ﺍﻥ ﺗﺤﻠﻢ ﻭﺗﺘﺄﻣﻞ ﻣﺜﻞ ﺍﻟﺒﻨﺎﺕ

ﺍﻭﻭﻭﻑ ﺳﻬﻰ ﺧﻠﻴﺞ ﻣﻬﺘﻤﺔ ﺑﺪﺭﺍﺳﺘﺞ ﻭﺍﺑﻨﺞ ﺍﺣﺴﻨﻠﺞ ﻫﺬﻭﻟﻲ ﻫﻤﺔ ﻣﺴﺘﻘﺒﻠﺞ ﺗﺮﺓ ﻫﺬﺍ ﺍﻭ ﻏﻴﺮﻩ ﺑﺲ ﺭﺍﺡ ﻳﺴﻤﻌﻮﻥ ﺑﻤﻮﺿﻮﻋﻲ ﺭﺍﺡ ﻳﺸﺮﺩﻭﻥ ﻣﺜﻞ ﺍﻟﺒﺎﻗﻴﻦ

ﻫﻮ ﺫﺍﻙ ﻣﻦ ﻃﺮﻑ ﺍﻡ ﺍﺑﺮﺍﻫﻴﻢ ﻋﻨﺪﺓ ﺍﻃﻔﺎﻝ ﻭﺧﺎﺵ ﺑﺎﻟﻌﻤﺮﻳﻦ ﻭﻣﻘﺒﻞ ﺑﻴﺔ ﺍﺭﻳﺪ ﻫﺬﺍ

ﺍﻟﻲ ﻧﻈﺮﺍﺕ ﺍﻟﺒﻨﺎﺕ ﻛﻠﻬﻦ ﻋﻠﻴﻪ ﻭﻳﺘﻤﻨﻮﻥ ﻣﻨﺔ ﺑﺲ ﻧﻈﺮﺓ

ﻳﺠﻴﻨﻲ ﺍﻧﻲ ﻻ ﺑﺎﻟﻠﻪ ﺻﺪﻙ ﺑﻄﺮﺍﻧﺔ

ﻛﻌﺪﺕ ﻳﻮﻡ ﺛﺎﻧﻲ ﺍﻟﺼﺒﺢ ﻋﻠﻰ ﺻﻮﺕ ﺻﻴﺎﺡ

ﺍﺣﻤﺪ

ﻳﺎﺳﺘﺎﺭ ﺷﻜﻮ ﻧﺰﻟﺖ ﻭﻋﻴﻮﻧﻲ ﺑﻴﻬﺎ ﺍﻟﻨﻮﻣﺔ ﺷﻔﺘﺔ ﻳﺠﺮ ﺑﻤﺮﺗﺔ

ﻭﻛﺎﻋﺪ ﻳﺴﺐ ﻭﻳﻐﻠﻂ

ﻭﺷﻤﺮﻫﺎ ﻋﻨﺪ ﺍﻣﻲ

- ﻳﻤﺔ ﻫﺎﻱ ﺑﻌﺪ ﻣﺎ ﺍﺭﻳﺪﻫﺎ ﻧﻜﺴﺔ ﻫﺴﺔ ﺗﺎﺧﺬﻳﻨﻬﺎ ﻭﺗﻮﺩﻳﻬﺎ ﻻﻫﻠﻬﺎ

ﺍﻧﻲ ﻋﻴﻦ ﻋﺎﻟﺴﺎﻋﺔ ﺧﺎﻑ ﻳﺠﻲ ﺍﻟﺴﺎﻳﻖ ﻭﻋﻴﻦ ﻋﻠﻰ ﻫﺬﺍ ﺍﺧﻮﻱ ﺍﻟﻲ ﻛﺎﺗﻞ ﻣﺮﺗﺔ ﻣﻦ ﺍﻟﺼﺒﺢ ﻭﻳﺮﻳﺪ ﻳﻄﺮﺩﻫﺎ

ﺍﻡ ﺳﻬﻰ - ﻟﻚ ﻳﻮﻡ ﺍﺳﺘﻬﺪﻱ ﺑﺎﻟﺮﺣﻤﻦ ﻣﺮﺗﻚ ﺣﺎﻣﻞ ﻭﻣﻮﺯﻳﻦ ﻋﻠﻴﻬﺎ ﻟﻴﺶ ﺷﻨﻮ ﺻﺎﻳﺮ

ﺳﻤﻌﺘﺔ

- ﻫﺎ ﻣﻬﺎ ﺍﺣﺠﻴﻠﻬﻢ ﺷﻨﻮ ﺻﺎﻳﺮ ﻟﻮ ﺍﻛﻮﻝ ﺍﻧﻲ

ﻳﻤﺔ ﺳﺖ ﺍﻟﺤﺴﻦ ﻭﺍﻟﺠﻤﺎﻝ ﺷﻔﺘﻬﺎ ﺗﺤﺠﻲ ﻭﻳﺔ ﻭﺍﺣﺪ ﺑﺎﻟﻨﻘﺎﻝ

ﻭﺑﻴﻨﻬﻢ ﻋﻼﻗﺔ ﺍﻟﻘﺬﺭﺓ

ﻣﻬﺎ - ﻋﻤﺔ ﻭﺍﻟﻠﻪ ﺟﺬﺍﺏ ﻫﺬﺍ ﺍﺑﻦ ﺧﺎﻟﻲ ﺑﺎﻟﻔﻴﺲ ﺟﻨﺖ ﺍﺣﺠﻲ ﻭﻳﺎﻩ

ﺭﻛﺾ ﻋﻠﻴﻬﺎ ﺍﺣﻤﺪ ﺭﺍﺩ ﻳﺨﻤﻄﻬﺎ ﻣﻦ ﻳﻢ ﺍﻣﻲ ﺑﺲ ﺍﻣﻲ ﻭﻛﻔﺖ ﻛﺒﺎﻟﻪ

- ﻻ ﻳﻤﺔ ﺍﺣﻤﺪ ﺍﺗﻌﻮﺫ ﻣﻦ ﺍﻟﺸﻴﻄﺎﻥ ﻣﻮ ﻫﻴﺞ ﺍﻟﺤﺠﻲ

ﻫﺪﻱ ﻧﻔﺴﻚ ﺷﻮﻳﺔ ﻭﻛﻠﺸﻲ ﺑﺎﻟﺘﻔﺎﻫﻢ ﻳﻨﺤﻞ

ﻧﺰﻝ ﺍﺧﻮﻳﺔ ﺍﻣﺠﺪ ﻭﻇﻞ ﻳﺤﺠﻲ ﻭﻳﺎﻩ ﻭﻳﻬﺪﻱ

ﺍﻧﻲ ﺍﻧﺘﺒﻬﺖ ﻋﺎﻟﺴﺎﻋﺔ ﻭﺭﺣﺖ ﺭﻛﺾ ﺍﺑﺪﻝ ﺑﻌﺪ ﻣﺒﻘﺔ ﻭﻗﺖ

ﺟﻨﺖ ﺍﻟﺒﺲ ﻭﺍﺗﺬﻛﺮ ﻛﻼﻡ ﺍﺣﻤﺪ ﺑﻴﻮﻡ ﻳﮕﻠﻲ

ﻣﻬﺎ ﺗﺎﺝ ﺭﺍﺳﺞ

ﻳﺎﻟﻠﻪ ﻫﺴﺔ ﻫﺎﻱ ﺑﺤﻀﻦ ﺭﺟﺎﻝ ﻭﺧﺎﻧﺘﺔ ﻭﻫﻲ ﺣﺎﻣﻞ

ﺷﺤﺠﻲ ﺑﻌﺪ ﺑﺲ ﺍﻟﻠﻬﻢ ﻻ ﺷﻤﺎﺗﺔ ﻣﻴﻨﻄﻴﻨﻲ ﮔﻠﺒﻲ ﺍﺗﺸﻤﺖ ﺑﺎﺧﻮﻱ

ﻻﻥ ﻫﺬﺍ ﻣﻮ ﻃﺒﻌﻲ

ﺧﻠﺼﺖ ﻭﺳﻤﻌﺖ ﺍﻟﺴﺎﻳﻖ ﺍﺟﺔ ﻭﺍﻧﻲ ﺭﻛﻀﺖ ﻭﺍﻧﻄﻴﺖ ﺧﺒﺮ ﻻﻣﻲ

ﺍﺧﻮ ﻓﺮﺍﺱ ﺭﺍﺡ ﻳﺠﻲ ﺍﻟﻴﻮﻡ ﻭﻳﺠﻴﺐ ﺣﺴﻦ

ﺭﺣﺖ ﻭﺻﻌﺪﺕ ﻭﻳﺔ ﺳﺎﺭﺓ ﻛﺎﻥ ﺍﻟﻄﺮﻳﻖ ﺍﺯﺩﺣﺎﻡ

ﻭﺻﻠﻨﺎ ﻟﻠﻜﻠﻴﺔ ﻣﺘﺄﺧﺮﺍﺕ

ﺳﺎﺭﺓ - ﻫﺴﺔ ﺍﻟﻤﺤﺎﺿﺮﺓ ﺍﻻﻭﻟﻰ ﺭﺍﺣﺖ ﻋﻠﻴﻨﺎ ﺧﻠﻲ ﻧﺮﻭﺡ ﻟﻠﻨﺎﺩﻱ ﻧﺘﺮﻳﻚ ﻻﻥ ﺍﻧﻲ ﻣﺎ ﺍﻛﻠﺖ ﺷﻲ

ﺳﻬﻰ - ﺣﺘﻰ ﺍﻧﻲ ﺍﻛﻠﺖ ﻫﺒﻄﺔ ﻣﻦ ﺍﻟﺼﺒﺢ ﻣﻦ ﻭﺭﺓ ﺍﺧﻮﻱ ﻭﻣﺮﺗﺔ

ﻭﺭﺣﻨﺎ ﻭﺍﺣﻨﺎ ﻧﻤﺸﻲ ﺟﻨﺖ ﺍﺣﺠﻴﻠﻬﺎ ﻋﻠﻰ ﺍﻟﻲ ﺻﺎﺭ

ﺩﺧﻠﻨﺎ ﻭﺍﺧﺘﺎﺭﻳﻨﺎ ﻣﻜﺎﻥ ﺑﺰﺍﻭﻳﺔ ﻣﺘﻌﻮﺩﺍﺕ ﻋﻠﻴﻪ

ﻭﺭﺍﺣﺖ ﺳﺎﺭﺓ ﺗﻄﻠﺐ ﺍﻟﻨﺎ

ﻭﺍﻧﻲ ﺿﻠﻴﺖ ﻛﺎﻋﺪ ﺑﻤﻜﺎﻧﻲ ﻭﺣﺎﻃﺔ ﺍﻳﺪﻱ ﻋﻠﻰ ﺧﺪﻱ

ﺍﺗﻤﻨﻰ ﺍﺷﺘﺮﻱ ﺷﻲ ﻻﺑﻨﻲ ﺣﺴﻮﻧﻲ ﻣﻦ ﺍﺭﻭﺡ ﻣﺎ ﺍﺭﻳﺪ ﺍﻳﺪﻱ ﻓﺎﺭﻏﺔ ﺑﺎﻟﻠﻪ ﺧﻞ ﺍﺳﺄﻝ ﺳﺎﺭﺓ ﺷﻨﻮ ﺗﻘﺘﺮﺡ ﻋﻠﻴﺔ

ﺣﺴﻴﺖ ﺑﻮﺍﺣﺪ ﻭﻛﻒ ﻳﻢ ﺍﻟﻤﻴﺰ ﻭﺣﻂ ﻋﻼﮔﺔ ﺳﻮﺩﺓ

ﮔﺒﺎﻟﻲ ﺭﻓﻌﺖ ﺭﺍﺳﻲ ﺍﺗﻔﺎﺟﺌﺖ

ﻳﺘﺒﻊ