تاريخ النشر : 08/29/2024, 17:58:46

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★★

 

كاعده مقبيل صورته ومبتسمه

صورته الي اني أخذتها اله 

الاحبه 

تنفست براحه وكمت من مكاني نكاتت  الاتراب

أيناس: يله يابه نمشي ؟ 

 

ابو ايناس: اي بنيتي براحتج 

 

هاي مرت سنه كاملة اني مستمره بلعلاج النفسي وي دكتور رجعت للدوامي لان بقتلي اخر سنه اريد اكمله درستي 

صعدت بسيار بلورة وابوي بلكدم يم الولد ابن جيرانة

 

اخذت نفس ونمت واني اشوف الطريق الرجعه هاي صار سنه كئنما  البارحه مات أحمد مو سنة وكل مره اجي بكامل قوتي بس من ارجع مهدود حيلي ارجع واني ما محصلة شي صار شهر من دارت سنه احمد 

 

وصلت للناصريه وسويت مثل ما سوه احمد فتحت جامه بس محسيت بالحب ولا بدفو مثل قبل سنه كامله ما كدرت اتخطا ودكتور نفسي والعائلة اشون اتقبل معرف مرات احس راح انام اكعد اشوفة موجود مرات احس نفسي اني نايمه وراح اصحة  من هل الحلم مرات اكول يمكن يسوي بيه مقلب ومسافر وهسه يرجع وصلت للجنون حرفين وبعد ما انتشرت كارونة  وصار الحظر ازدادت حالي سؤ على الاقل قبل اطلع هسه اشون اطلع والحظر مجود 

 

وصلت للبيت نزلت وبيدي الجنطة صغيرة  الي حرفيا صارت صديقتي بيه تاب والشاحن وعلبه كليجه او معجنات أدوم فتره طويله بدون ما تخرب ومطاره القهوه نزلت مباشرة  لغرفتي شفت اكو خطار غلست صعدت بدلت واخذت حمام لطيف سمعت الاصوات علت لبست شالي ونزلت 

 

مصطفى: مالك حق تاخذها وتبصمها على اي شي جاي اكلك حقه وانت تريد تاكله 

 

دخلت سكتو والانظار توجهت عليه 

 

امير: اي عيني شونج بما انو اجيتي ممكن تنورينه بكلامج وتحجين شويه 

 

أيناس: احمد كاتب وصيت لانت ولا الف يخوفوني وصيت الاموال والبيوت تتسلم دار العجزه والدار الايتام والمعرض يبقه يشتغل صدقه جاريه الهم حتى يصير الهم راتب منه تمام 

 

محمد: لا مو تمام وتمشين تبصمين النه تنازل على اي حق تروح اموالنه للغريب 

 

جان واكف يحجي بنتوره ورافع اصبعه وتهديد الكل واكف عمامي اربعتهم خوالي ولدهم واكفين تقدمت وحجيت بتنبيه وغظب 

 

أيناس: اصبعك ما ترفعه بوجهي وتنزل هاي اول ثانياً  ما افتهم الكلامي لان عقلك على كدك حاول تكبر عقلك وتجي تحجي وياي كلك خلك زعطوط 

ثالثاً والاهم انت ما اشتغلت وي احمد حتى اطيك فلوسه احمد تعب وشكه من طفوله من عمره 19 لحد قبل لا يموت هو يشتغل وانت كاعد للشرب  وللربابه وعبالك ما ادري لان زغيره كل شي مكتوب بورقه وراح ارفع قضيه عليك اعفنك بلسجون ويله يمه لم جوالتك والي منا توني جايه من طريق وراسي مثوال 

 

كلته ودرت وطلعت وعالت اصواتهم  صعدت فوك نمت كعدت الفجر صليت ونشرت ستوري مثل عادتي ردت عليه علياء اتريد نصعد مكالمه لان جهالها نايمين 

 

علياء: أيناس وافقي على مصطفى 

والله حباب وهو الوحيد الي يكدر على هل شله كلها 

 

أيناس: مجاي اكدر اتقبل اي شخص من بعد احمد والله اختنك من اسمع شخص خطبني حسو بيه ليش عبالكم اني ما ضايجه على نفسي باقيه بنفس القوقعه سنه كامل 

 

علياء: سوده عليه هجي بجيتي من وراي عمت عيني عليج خلص والله سكتت 

 

أيناس: اسم الله عليج يله رايحه انام حتى اكعد اقره باجر عدي دوام 

 

علياء: مو محضرات الكتروني 

 

أيناس: اي بس لزم يشفوني نتواجد

 

علياء: يله ميخالف ما بقه شي على نصف سنه 

 

سالمت عليه وسديت الاتصال ونمت 

وكعدت على صوت امي خلصت  قرايه للمغرب نزلت لكيت بتول ومصطفى وعمي ابو بتول رحبت بيهم دخلت للمطبخ اكمل العشه عن امي واجتي بتول وياي شويه سمعت اصوات برى 

طلعت وشفت علياء ورغد ونور ونور شايله قمر بايده رحت اله شالته واكطف بيه بلسما

 

رغد: لا هجي ما نرظه اني وبنتي 

 

أيناس: ولجن اني عدي جهالجن بلدنيه كله 

دخلن للمطبخ كلنه وابتول حجت بخجل 

 

بتول: اني نخطبت 

 

كل احنه فرحنه اله وحظنها لان حرفياً جانت رافضه فكرت الزواجي بس بعد ما عمي الحمدلله رجع يمشي ويتحرك طبيعي هو بقه يلح عليه تزوج وهو قرر يرجع زوجته  لان امها وابوها ماتو بس الصدمه الي خطب بتول جنت متوقعه مصطفى رجعلها بس الي خطبه ولد ويها بلمستشفى 

 

أيناس: يعني مصطفى تخطيتي بعد ما تحبي 

 

بتول: يبقه اخوي وصديقي كالته وتبوعت العلياء وحجت بهدوء 

 

بتول: اعرف انتي رافضته لان عبالج اني احبه مو لان ما تخطيتي احمد احمد بحث اخر بنسبه الج لان مصطفى هم ما كدر يتخطى احمد والشي الي مخلي يتقبلج ويحبج حالياً انتو ما ازوجتو زواج فعلي انتي واحمد 

 

كمت عنهم ماريد اجاوبهم او بالأحره اني معدي جواب اني الي ضايعه ومجاي الكه نفسي اجه مرتين راد ياخذني ويا للنجف 

ورفضت اروح ويا 

 

أيناس؛: مصطفى لو ابقه طول عمري بحسره اروح لكبر احمد وانت الوحيد الي توصلني ما اروح وياك 

 

مصطفى: أيناس جاي تاذيني هواي بس معرف شنو الي يخليني احبج وامحيلج كل مره 

بلعت ريكي ومشيت عنه ما اريده يكرهني من ريحت احمد هذا صديقه الي يعرفه اكثر مني ومن امه الشخص الي اسرار احمد كلهن عده 

 

من بعد هذا كلام بقه يحجي وي البنات علياء وبتول وعلي حتى يحجي وي نور بلكي تاثر عليه وكل مره يرجعوله بجواي 

يكسر الخاطر ويجي يراسل وما افتح المسج حتى

 

طلعت من المطبخ حتى ينهون النقاش وما يحجون بي وصار بوجهي اخذت نفس لان متاكد يريد يحجي وياي صارله هواي مجاي

 

مصطفى: شونج أيناس ما دريت بيج هلكد  تكرهيني  كل ضني الي معزه بداخلج ولو شويه 

 

أيناس: لا والله مو اكرهك بس اني ما اكدر اتحكم بتصرفاتي وردات فعلي فابتعد حتى لحد يزعل مني 

 

مصطفى: لو دوسين بطني ولا هجي جافيني ولا ازعل منج، باجر راح امشي بالمعملات تردين تطين الاحد من الاملاك اول تتنزلين شخص حتى اكتب بالمعمله 

 

هزيت راسي وكاضه دمعتي بالكوه مكدرت انفجرت ابجي واشهك وهو حجه بسرعه 

مصطفى: لا لا ايناس ابد والله مريدج تبجين مسحي ادموعج وكل شيء راح يعدي يله بعد قلبي 

 

مسحت دموعي واني اشهك 

 

أيناس: اكو بيت باسم ساره واحمد مخليلي والكاله عدي مالت كل اشغاله وبيوته راح اخلي بيت ساره الامها وبيت الجبير الي جنه ريد نزوج بي هذا لعلياء 

 

مصطفى: وانت ما تردين يبقالج شي 

 

أيناس: اني ما حبيت احمد علمود فلوسه مثلهم ولا مثل ما  همه يكولون ولا راح اخذ ربع والوكاله مال معارض الي بغداد اريد شخص ثقه اطيه اله يطي كل اربحها للميتم 

 

مصطفى: تم كل شيء مثل ما تردين 

 

التفت راد يروح واني امسح بدموعي رجع التف عليه 

 

مصطفى: العتاب من محبه واني لو ما احبج واحترمج ما عتبت عليج 

 

هزيت راسي اله  ومشيت احس نفسي مختنكه من دنيا شون اتقبل والله مجاي اتقبل كل الي صار بيه اتصلت على دكتور اشهك وابجي والشهكه تطلع من نص قلبي 

 

دكتور: اهدي أيناس اخذي نفس واحجي الي بقلبج واذا تحتاجين اقدملج جلستج 

 

أيناس: محد جاي يفهمني والله 

 

الدكتور: خلص ارتاحي وباجر تعالي للعياده باجر جمعه واني استقبلج اول وحده ماشي 

 

استاذن وسد التلفون واني سحبت نفس ونزلت جوه اقوي بنفسي وابتسم اجباري

الكل اتقبل او تناسو الموضوع الى انه بعدني لابسه الاسود وما اكدر اضحك واذا ضحكت اغص بضحكتي والكل منتبه ويحاولون ينسوني  بدون ميحجون بس شيسون شبيدهم 

 

مصطفى: أيناس محتاجه شي كولي ليش ساكته 

 

أيناس: اي قدمت جلستي وي دكتور  واريد اروح باجر 

 

مصطفى: سهله اذا على هاي هسه نخذ موافقه من عمي واخذج وياي للبيت البنات مشتاقتلج وباجر نطلع للدكتور 

 

ابوي هز راسه ودمعه بعينه ميعرف شيسوي وحاير وما بقه شي ما سوى الي 

 

مصطفى: حظري نفسج يله اوصل عمي وبتول واخذج 

 

كمت حظرت نفسي ورحت ويا معرف شنو شي الي دفعني اكله وصل عمي وبتول 

واني حولت يمه بلمقدمه التفت يحجي 

مصطفى: هاي ليش تبجين 

 

أيناس: مخنوكه 

 

مصطفى: تردين اخذج مكان تحبي

 

أيناس: مثل شنو 

 

مصطفى: خليه عليه ولا يهمج 

 

بقيت صافنه دنيا حظر محد طالع

الشوارع تخوف وكف يم محل حلويات اجه شايل علاكه بايده وكف  بسيارته يم جسر الحظارات 

 

مصطفى: يله نزلي للمكان الي تحبي

وها لحظه هو ماكو كهوه بارده مثل ما انتي تحبين بس هاج هذا عصير طيب وسكرياته قليله 

 

ابتسمت ورجعت دموعي نزلت هو مشا قدامي واني مشيت ورى بعدين مشه على كيف 

 

مصطفى: لا تستغربين مره شفتكم على جسر انتي واحمد وسالته وبوكته ابتسم وكال التفاصيل الزغيره الي عده تخليني اتعلق بيه يعني مثل جنتي من ضوجين يجبلج روايه وكهوه ويجيبج لهنا تتمشين مو صح 

 

أيناس: كل ايامي ويا حلوه مع الرغم تعبونه وكل فتره يردون ننفصل بس جنه معاندين واكفين بوجهم وجوده جان يصبرني 

سوالفت هواي عليه هو ما مل كل ما ارفع راسي الكه مبتسم بوجهي ويكلي كملي يمكن احنه الثنين الوحيدين الي بعدنه ملتزمين السواد وما متخطين بس مصطفى شاغل نفسي ومشي حياته الي اني واكفه على دراسه وحسابي بالانستقرام والغرفه وبس ماكو شي ثاني 

سالته بتردد 

 

أيناس: مصطفى عادي اسالك سؤال 

 

هز راسه بقبول وعدل كعدت 

 

مصطفى: سألي الي يعجبج 

 

أيناس: هم ضوج من احجي على احمد وحبي اله 

 

مصطفى: ..... 

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وآل محمد