تاريخ النشر : 07/30/2024, 14:36:20

 

 

#انثى_في_معتقل_الخطيئه بارت 2

بقلمي نورا غدرني الزمن

قياد ...

هو كال هيج انصدمنه اني ورضا صدمه قويه اخذت رضا بعد ماودعنه صديقي ورحنا للسياره ..رضا صار وجهه ينطي الوان .. اول مادخلنا للسياره ظل يفرك بعيونه .. ويضرب ايده ع السياره ..كتله هدي ..شبيك هي من صالحك انت متزوج احتفظ بزوجتك بنت اوادم وناس

رضا...قياد حبيتها اني دخلت قلبي صار 3اشهر وياهه .. حتى ابنها حبيته وردت اصير اله اب ..بس مااصدگ قياد والله مااصدك اني ..ولك اخذتها للشقه رفضت اتقرب الها .. شون ترفض اتقرب الها وهي عايشه ببيت دعاره يمكن صديقك هذا متوهم

قياد ...

ليش متوهم يعني قابل يتبلا ع الناس هذا اعرفه من زمان واعرف اخلاقه ميسويهه

رضا..

لا لازم اعرف ليش هيج سوت ولازم اتواصل وياهه وافتهم منها ..

قياد..

مشينه بالسياره وصلته للبيت ورجعت للمعرض هو مكدر يكمل تعبان ومااله خلك شون كدرت تخدعه .. ماادري .. كملت شغل رجعت للبيت .. عمتي جانت رايحه يم بيت ابويه وزوجها طالع سفره لتركيا .. بقيت وحدي بالبيت .. رحت للفراش اريد انام مثل كل ليله اتذكر ورده ومدااكدر انساهه ابد

تثكل بعيني الدنيا واتذكر سوالفها .. اني اريدها وهي تريدني بس القدر اخخ القدر ولو بس اعرف شنو السبب الي يخلي اهلنا رافضين جان ارتاحيت .. وصلت المرحله احس انو قلبي ضعيف بحبها شكد مااحاول انساهه مااكدر .. غفيت

واستمرت الايام ..

رضا حالته مو هالكد كله ضايج ومطنكر .. وتجيله اتصالات .. ولو يطلع من المعرض بعد ما يستاذن وميحجي هوايه كثر الحجي ويا مديجيب نتيجه عفته شسويله ..

بفد يوم اجا الي گلي هالايام ابد مداتتواصل ويايه جهازها مغلق .. ولاعرفت عنها شي ..هي اخر ايام جانت تعبانه كلش اريد اعرف اخبارها .. قياد اريدك ويايه فدوه

قياد ..:شنو وياك ماافتهمتك رضاو

رضا..:اريد افوت للبيت. الي بي ريهام وانت ويايه

قياد..:كمت ع حيلي من الكرسي ظل يفتر الكرسي وحده هالكد ما كومتي جانت بقوه وعصبيه ..

گتله رضا تخبلت وحده ساقطه ولعبت عليك وخلص الموضوع منتهي عوفها

رضا..:انت كلتها ساقطه بس اريد اعرف ليش مامكنتني من نفسها ورفضت اتقرب الها هاه

قياد..:

هو هذا الي يهمك لك رضا فوووق ع نفسك اصحى كافي حس بنفسك ورجعت عدلت الكرسي وكعدت واني متنرفز

رضا..:

راح اصحى بعد مااحاجيهه لاخر مره وعد مني ياصديقي بس اريد و كفتك ويايه هالمره

قياد..:تريدني افوت بيت دعاره وانا ابن شيخ

قياد..:

ماشي شوكت بس ..عدلت شعري فتحت دكمت قميصي ..وجريت النفس

رضا..:الليله

قياد..:زين ليش تريدني وياك

رضا..: احس بالامان وانت وياي لااكثر

قياد..:ماشي وانا الامان الك ..خويي حالتك سيئه هالايام اريدك تطلع من هالكأبه الي انت بيها .. ومرتك شامرها يم اهلها ..تره ميصير هالحاله .. اسمعني رضا اني راح اافوت وياك

بس ها بشرط تحجي وياهه وترجع الطبيعتك بعدها ماشي .....

رضا..بصوت حزين ماشي وهزيت راسي

********************

قياد...:

وتحضرنا لنروح لبيت الدعاره وهي اول مره ادخل لهيج بيت مو طبعي ابد دائما ملتزم بحدودي من هالاماكن رغم عندي اصدقاء يرتادون هيج مواقع بس اني لا مكتفي بحب طاهر بقلبي وهو حبي لورده حب نزيه ونضيف ولاتشوبه شائبه وتفكيري بيها كحبيبه بدون اي رغبات اريدها تكون شريكة حياتي وزوجتي وعلى سنة الله ورسوله وبس.. بس الحظ ميحالفنه .. والمسافه الي بينه طويله وكبيره مسافة كيلو مترات وهم مسافة رفض ومشاكل قديمه بين الاهل اسبابها مجهوله .. الي والها واتمنى بيوم اكتشفها بس امي ملتزمه الصمت دائما اتجاه هالموضوع واحس جواتها حسره وحزن مااعرف ليش من اسئلها وتسد الموضوع وتختمه بموضوع ثاني وتكتفي بكلمة وحده من بين حسراتها وتكول مجرد مشاكل لتدوخ راسك بيها ..

المهم انطلقنا اني ورضا ووصلنا للبيت المطلوب ومتفق وياهم رضا ..

دخلنا البيت عادي مفروش فتحته النا بنت وبالصاله كعدتنا. كالت راح اصيح الباجي نوال تجيكم .. بعد شويه جانت ساعه عشره بالليل ومبين عدهم حفله ديتحضرون الها 

كعدنا اني ورضا ع التخم واحد بصف الاخ دغيته كتله الله يستر من هي الليله كال شنو تخاف ..كتله لك لا وطبت وحده عمرها بداية الاربعين هيج مبين عليها ..لابسه فستان رصاصي ع فضي لمااااع وضيق ومبينه كل تفاصيل جسمها وترهلاته .وصدرها طالع جزء كبير منه . ومخليه مكياج الدنيا كله

گالت يا هلا بالشباب هلا وغلا اني نوال صاحبة هي الدار يسموني هنا الباجي باجي نوال ..انتوا اول مره تجون هنا مو.

جاوبها رضا وكال اي نعم

نوال ..:منو ارشدكم علينه

رضا ..:والله صديق النا يجي يمكم وارشدنا الكم

نوال ..:هلا وغلا عيوني احنه بناتنه نضيفات تره لتخافون واكيد مدام جيتو هالمره اكيد كل مره راح تجون ..وطلعت

قياد..:هه تكول نضيفات ..لك رضا نعلاعلا لشت لشت ..خليني ساكت لعبة نفسي والله

بعدهه ..بدت حفلتهم ..صارو يجون شباب اشكال والوان وبنات شبه عاريات

ويقدمون شراب .. كلما يقدمون الي اني ارفض مااريد .ورضا هم .وبده صوت الدي جي يعله والشباب يركصون ويه البنات ويشربون .. طكت روحي .. دخت كلش ممتعود ع هيج شي ..رضا كام وياهم ويدور ع ريهام بلكي يشوفها ويه الراقصات .. ماكو اباوعله عيونه تدورها..بين العاهرات ..والحيره بنضراته وتصرفات وحركات جسمه كولها ..اشترت اله بايدي بمعنى ها هز الي براسه بمعنى ماكو ..

رضا..:

رحت حجيت ويا نوال كتلها احنه نريد نبات هنا لان ماعدنه مكان ناخذ البنات نتونس . يعني نكدر نبات هنا ..

نوال..:

اي بس السعر راح يصير اضعافه عليكم

رضا..:ميهم عادي .. كالت ماشي راح اجهز الكم غرفتين ..

رحت لقياد وكتله ع الخطه الجديده واني ايضا راسم ابالي شي .. عصب قياد وماارتاح للوضعيه ..بس اني الحيت عليه وكتله الخاطر الخوه .. طلبنا من نوال تجهز النا بنات والغرف ..رحت اني الغرفه الي صارت جاهزه الي وويايه بنت .. اخذتها ورحت للغرفه .. دخلنا اني وياهه وبايدها بطل مشروب ..نزعت ولبست ملابس نوم. اني تمددت ع السرير واجت هي تمددت فوكايه وصارت تداعبني للحضه ردت اضعف كدامها ..وانام وياهه .. بس دفعتها ع الخفيف ..كتلها هوب هوب ..اريد منج شغله

گالت شنو .. گتلها شنو اسمج

گالت .اسمي.سالي .. گتلهه ..اريد اسألج ع بنيه ..بالبيت هنا اسمها ريهام ..*اريدج تدليني عليها

سالي..:اي بس. اخاف من باجي نوال

رضا..:لج لا بس احاجيهه .. وهاج هي ورقه طلعت فلوس من محفظتي وانطيتها .. الها

سالي..:اي بس مو هسه خلي يسكرون كلش وميحسون بعد ع روحهم ..

رضا..:دزيت مسج لقياد وكتله نتاخر وغلقته الفون ..بعدها صارت ساعه 1اخذتني سالي وطلعنا اني وهي ..جان الكل يااما سكران يااما طالعين او خاتلين بالغرف 😉

مشيت وراها ..وصلنه لغرفة وكانها مخزن .. فتحت سالي الباب .. ودخلت الجو جان ديقلب صيف وبي شويه حروره ..الغرفه كانت بيها فقط بنكه .. وشفت ريهام وابنها وجانت ممدده ع الارض. .وحالتها يرثى لها طبيت وطبت سالي وسدينه الباب .. جان الطفل نايم ..وهي مدده بس موغافيه .. گتلها ليش ريهام ..هي بكوه كعدت ع حيلها

ريها..:رضا ليش اجيت شجابك (بتلعثم)

رضا..:اجيت اكشفج ع حقيقتج ولزمتها من ايدها لج اني تلعبين عليه ..

ريهام..:بضعف ووهن ورجفه لزمت ايده وگتله رضا سامحني مكدرت امنع نفسي عنك بس والله موبيدي

رضا..:لاتجيبين اسم الله على لسانج انت ..وسكتت ..كملت كلامي ومسويه نفسج شريفه .. ومتخليني اقترب الج

ريهام..:لارضا افهمني .. اني خفت عليك لان اني اني مريضه وعندي ايدز خفت لاانقل الك المرض وانت من صدك انسان شريف

رضا..:عفت ايدهه وكعدت ع الكع واني مصدوم .. تفاجئت من هيج كالت باوعت للطفل .. كتلها والطفل

ريهام..:كالت مو ابني ابن وحده صديقتي بس الله شاهد ابن حلال .. حملت من خطيبها ومات .. وابتلت بي واخذته اني وهسه باجي نوال تريد تبيعه بهالايام لان اني من 3سنوات بيه هذا المرض وهسه زاد عليه لان مدااخذ علاج وموتي قرب ..

رضا..:بقيت صافن مدري انقهر عليها مدري على الطفل مدري ع القصص الي اسمعها شون ام تتخلى عن ابنها .. تاثرت كلش وبقيت يمها احاجيها .. كتلها راح اطلعج منا

واعالجج والطفل راح اخذه اشتري من نوال بس مااكدر اكون الج زوج ابد

ريهام ..:رضا بس اخذ الطفل اني هي نهايتي گضيت عمري من حضن رجال الرجال وهي نهايتها مصابه بمرض نقص المناعه مرض فتاك ديفتك بيه من سنوات ..°الليله الي قابلتك بيها ردت اهرب من البيت هذا بس وين اروح ..رجعت اله ..نوال تخلت عني وحبستني هنا تكول راح تبقين هنا حد ماتموتين واصلا اني بلا اهل لان لقيطه .. وانتهت فترة شغلي وصرت اكسباير ...... اتركني هنا .. بس انقذ الطفل ..بقيت اسولف وياهه ووعدتها ارجع اخذ الطفل ..~

بعدها طلعنا اني وسالي للغرفه .. وكعدت انتظر الصبح يطلع .. حتى نروح من هالمكان القذر...

قياد...*:

رحنا اني والبنت *المومس* للغرفه .. جان بيها سرير ابو نفرين .. ومفروشه ارضيتها وبي دولاب ملابس عمودي ببابين •

تمددت ع السرير اني ..وهي كامت لبست ملابس نوم ..وجتي يمي تداعبني باوعت الها بشرتها سمره بس مطكعه كلها زراكات برقبتها وصدرها ..لعبت نفسي منها اباوعلها وافكر هي شكم واحد معاشره ..خرب لعبت روحي. نعلاعليك رضاو بعدتها عني..وكتلها تعالي نسولف وصرت اصب الها مشروب وتشرب وتسولف شون هربت من اهلها شون اجت الهنا وصارت حياتها مو ملكها بعدها سكرت اكثر ..وشون ظلت تحجي عن انواع الرجال الي يقتربون منها ..الي يعذبها والي يضربها والي يطلب منها طلبات غريبه تلعب النفس الحد ما كلش سكرت ووكعت نايمه .. قريت رسالة رضا وظليت اسبه .. بقيت العب بالفون وبعدهه .. غفيت

كعدت الصبح..

 

 

 

منعس واحس بلعومي منشف وشفتي ميت عطش شفت كاس يمي حسبته ماي جرعته ووكع كله بزردومي وطعمه حار كلش جرح لهاتي .. ‡★

ملحكت حتى ابصقه ..( عفوا) 

دخت كلش ..جان حمام بالغرفه كمت اترنح لان ممتعود ع الشراب وهي اول مره دوخني كلش المومس كانت ماكو بالغرفه طالعه .. رحت للحمام .. غسلت وجهي اريد اصحصح فتحت دكم القميص ..

غسلت راسي .. وطلعت. من الحمام بس دايخ واحس بغير عالم اني ..^♪

لزمت الحايط الي بصف الحمام وصرت امشي بهدوء .وصلت للسرير .. كامت بنيه جانت بصف السرير ع الكاع .. كامت ع رجليها ..باوعت الها هي ورده اي هي ورده نفس العيون نفس لون الشعر والبشره والعيون كل شي .. ظلت صافنه بوجهي وصافن بوجها للحظه حسيت بيها هي واني بهالحاله حييل محتاجها ..

تقربت الها وحظنتها وشمرتها ع السرير وصرت نايم عليها وجسمي ملاصق الهاا

وضعت بملامحها ملامح حبيبتي ورده

الي متأثر ببعدي عنها .. وجفاهه الي

حسيت بنفسي محتاج الهالنسخه من ورده

صارت عيوني المغوشه بسبب تاثير المشروب ترسمها الي ورده حبيبتي

تقربت عليها ..تفاجئت بردة فعلها صارت تدفع بيه واني اناديهه ورده ورده جاوبتني

لاعفيه عوفني اني مورده اني. اسمي 

زمن ....

يتبع