تاريخ النشر : 08/16/2024, 12:17:18

الكاتبة زهراء الركابي 

ذي قار( القيثاره الذهبيه) 

★★★★★★★★★

 

"سند "

منتظرهم بلمطار وشفتهم يمشون اجتي 

ايناس تركض حظنتة حيل و شلتة و افتريت بية

سند: اوف ياريحت المحنه 

 

أيناس : سنه كامله ولك شنو هاي 

 

جانت تحظن بيه و آني ميت ع ريحتهة 

امي ثانية هاي 

 

أحمد: شنو يابه بس أيناس جانت مسافره 

 

حظنتهم و سلمت عليه أخذتهم جان صديقي منتظرنة و صلنهم للبيت و تلكتهم ذبايح و هلاهل من عماتي و جكليت 

دخلت أيناس جوه و ابوي و أحمد للديوان

بقو للعصر ناس طابه ناس طالعه اتباوع

لـ أحمد عيونه صارت بكصته هذا يتخبل من هيجي سوالف 

 

رحت على أخو امير

 

سند : امير بداعت الخوه روح اوكف بمكان احمد خطيه ولك تعب 

 

أمير : تدلل بس مد ايدك بجيبك مو بلاش

 

ضحكت وكتله: تدلل والله بعيوني 

 

ضحك وراح لـ أحمد و أحمد اجه يركض 

أخذته و دخلت و استلمنه عماتي صحت بصوت 

 

: و العباس دفعت فلوس حتى يجي 

ينام الي تبوسه تمد ايده بجنطته تطيني 10 التفت عليه و غمني

 

أحمد :سويهن 25 امداك هيجي بوستي رخيصة

 

: خاب دمشي، امشي و ادفع اني

وراك اني ابو ذروك 

 

التفت عليه خزرني و خرطت العافيه

 

أحمد أكبر من بهواي بس احسه صديقي 

بيناته الميانه زفت واكعه للكاع

 

سكتت من سمعت صوت أيناس تحجي 

 

أيناس : احساب أحمد ندفع اني ادفعه

 

التفت عليه وهو مبتسم وحچه 

 

أحمد : حبيبتي بنيتي انتِ عساج دايمه

 

ضحكت و حچت 

أيناس : الحمام جاهز و ملابسك كامله إذا تريد ترتاح 

 

ابتسم اله و ما حجه حسيت بقلبه حجي 

 

"أيناس" 

 

احس بروحي مرتاحه رغم الوجع بس احس وجع روحي خف من اشوفه يبتسم يسولف وياي 

 

من وصلنه للبيت لكيت بطن علياء واصله لحلكه ورغد صاير عده ولد مسميته وليد مو وليد يجنن عيونه زرق و اشقر ينكرط كرط 

بس رغد ضايجه لان ساره تغار منه 

رغم ساره جبيره 

 

رغد : والله يا أيناس ساعه و لكيته تبجي تكلي تحبين وليد أكثر مني 

 

: شوفي هي طفله ما تفهم بس بنفس الوقت عباله اخوها اخذ الاهتمام منه لزم قبل لا ذكرين اسم وليد ذكريه 

و هيجي و هو مو رجع احمد بعد ميخله ترجع يمج غير يوم لو يومين استحمليه 

 

دمعت عيونه حجيت بسرعه: سوده عليه و القران مقصدي ازعلج لا والله مقصدت بس يعني احمد يخاف من حرام و بنته ميصير زوجج يشوفها بدون حجاب و كذا ف هجي حجيت 

 

رغد: شهد الله مزعلنه منج أصلاً متمنيته يزوجج اليوم قبل باجر لان أعرف بنتي تحبج و تحبيها

 

: سدي هذا الموضوع احس احمد ورى منخطبت ما طايقني جنت احجي و ما منتبه ع رغد عيوني بلكاع دمعت عيوني و سمعت صوته من وراي يحجي

 

أحمد : منو مطايق يشوفج 

 

بلعت ريكي و بقيت افرك بوجهي و هو كمل كلامه

أحمد: خايبه اني منتظرج صيرين زينه حتى افتح موضوع وي ابوج 

 

أيناس: يعني مراح تعوفني ؟ 

 

أحمد: ما اعوفج خليج قويه 

 

أيناس : اعرف وراح ابقه منتظرتك طول عمري ضحك و ضحكت ويا و رغد مبتسمه علينه

 

طلع و صحت عليه : احمد دفترك 

 

ابتسم وحچه

أحمد: خلي عدج تستاهلينهة 

 

ابتسمت ورديت عليه : دفتر ذكرياتك شسوي بيه 

 

أحمد : من تقرينه تعرفين ليش انتِ تستاهلينه بالذات 

 

هزيت رأسي بقبول و هو طلع رتبت ملابسي بالكنتور أحمد كومه جابلي ملابس من إيران و مكياج و هواي اشياء كال بس توصلين عراق ذبين اغراضج

موتنسين رغد يمي نسولف حجت بحماس

 

رغد : أيناس خل نسوي حفلة بمناسبت رجعوج بسلامه 

 

: خلصت فلوسي يمعوده يا حفلة 

يردله كيك وصالون 

 

رغد: الصمي كلشي عليه معليج بس أريد مكان نحتفل بي 

 

ابتسمت بخبث: مزرعة خوالي حجيته وهزيت حواجبي وهي مكيفه تموت ع خباثه 

 

نزلنه جوه لكينه الكل كاعد اشرتله بحواجبي صاحت هي بصوت عالي على مياعة

 

رغد : عيني باجر أريد اسوي حفله الرجوع أحمد و أيناس بسلامه ف من رخصتكم عيني خوال أيناس عدكم مزرعة أريد نحتفل بية

 

ابو علي : أي يابه تدللون 

 

مزرعة بمكان كلش بعيد عن ناس و هادء لو تذب الابره تنسمع صدك والله ثاني يوم رحنه اني و رغد و علياء 

 

علياء : خيبات كوه اجر نفس و انتن تسحلن بيه بطني خانكتني و انتن تعالي علياء روحي علياء و هاي هاي ام المصايب والخيانه وتاشر عليه وتحجي 

 

علياء : متصيحلي علياء لا عئليه 

 

ضحكت بقوه ع حركت قلبه و حجيت 

 

: مو جنت صيحين أريد طفل أريد طفل يله اجج طفل نجبي و لا تتململين 

 

ضحكت و كالت

علياء : أن شاء الله للائربعين ويجي أخو 

 

فكيت حلكي عليه و حجيت 

: بزون وعلي مو مره رغد بس كلت هجي نفجرت تضحك

 

رغد: معليج بيه علياء هسه تزوج ونشوف شون تحجي هجي معلك و بخشم مرفوع 

 

ضحكت ع سوالفهن و سكتت خلصنه من صالون و طلعن للمزرعة اجنه ضياء گالب وجه 

 

ضياء: يعني بربجن الكوستر أخذت نسوان كله بس أنتن بقيتن وتعال ضياء جيب وادي 

 

اني و رغد بصوت واحد 

: مسع مرتك رزتلنه وهسه أنتَ

 

ضحك بقه ساكت شويه و مر من يم محل وكف طلع هو و أحمد صعد بسدر و احنه ورى وساره و ابن رغد ورى 

 

أحمد: لك هلا وديناهن جبار رجعن زليخه

 

كال هيجي و خزرته كال ادرك الموقف و تلاحك نفسه 

أحمد: بس هاي كمر من يومها كولبت عيوني معاجبني و هو دمغني ع متني 

أحمد: عيونج لا افكسهن 

 

أيناس: سويهن إذا تكدر 

 

بلع ريكه وفتح عيون ع وسعهن والتفت بكل حيله

 

أحمد: كلولي هاي أيناس فقيره والعباس 

مفرمتيها 

 

ضحك ضياء و حجه و هو يكح 

ضياء : عيني هاي دروسك و هو يهز 

بحواجبه 

ضحكنه بيومها اهواي سولفنه جان طريق بعد ساعه و أحمد جايب حلويات الي و البنتة سارة لان احنه زعاطيط و الباقي كله كبار جان دفتر أحمد بيدي التفت عليه علياء و صاحت 

 

علياء : طاح حظ الخوه هذا دفتر أحمد اطا الج و آني اتوسل بي اشوفه بس ميقبل اقرا 

التفت علينه مبتسم 

أحمد: أكثر شخص يستاهل يقره هو أيناس 

 

: عوفها ميته غيره 

ضحك و غمز 

و آني فتحت دفتره اقراه وين وصلت 

 

"مذكرات احمد "

اول يوم الة بدوام جانت مدمعة عيونها و كفت باب مدرسه يله حبيبتي فوتي حجت بصوت يرجف 

أيناس: بابا الصغير تدخل وياي للمدرسه مو 

أحمد: ميصير حبيبتي اني جبير والمدرسه للصغار بجت و آني شلته حظنته و دخلت للاداره سمحلي المدير ادخل ويها بس اول أسبوع جنت كاعد باب الصف منتظره طلعت ويها بنيه يضحكن ابتسمت الهن من اجتني تركض و البنيه ويها و حجت 

 

أيناس: بابا الصغير تعرفت ع هاي البنيه حبابه و مخلتني ابجي ومسحت دموعي 

 

ابتسمت و حجيت : شنو اسمج عمو 

 

: نبأ إسمي عمو آني راسبه من عام و اعرف المعلمات و الصف بس بنتك صغير متعرف 

ابتسمت ع كلماتها و حجت أيناس

أيناس: بابا الصغير حبيبي بعد روح اني صرت جبيره و من أريد اطلع تعال أنت اخذني 

 

ابتسمت وهزيت رأسي اله و طلعت من مدرسه و قبل لا يطلعون رحتله 

و اكف اني و اجتي تركض من بعيد وحظنتني و صيح بابا بكل قوته و فرحانه 

 

أحمد: روحه الابوج شو فرحان حلوه المدرسه ؟

 

أيناس: بابا حيل حلوه و هي البنيه صديقتي حبابه و اطوني كتب حلوه 

ها و هاي البنيه شترت جبس و اشترتلي ويها 

 

ابتسمت و هي مكمله يومها تحجي بدون توقف شلته الحظني و امشي بيه كلش ناعمه رغم جبيره قزومتي 

ابتسمت و اخذت نفس

 

أيناس : بابا الصغير تعبت

أحمد : هواية حجيتي حبيبتي اجيبلج مي هزت راسه بقبول شتريتله حلويات جان مصار هواية ع وفات أبني شكد اضوج و اتعب و احس نفسي تعبان من تجي أيناس يروح كل تعب احس راحه نفسيه ويها ومن صيح كلمت بابا الصغير انسه كل شي تعب حزن طفوله قاسيه كله أنسها من تجي بحظني وصلنه لبيتهم نزلته دكيت باب طلعلي سند ابتسمت اله وحجيت

 

احمد: بابا موجود ؟

 

سند: أي جوه عمو ابتسمت اله و آني كاض ايد أيناس دخلت و هي مبتسمه تلكها ابوها يحضن و يبوس بيه أخذتها من خالي و حجيت 

 

أحمد: لا تبوس بيه خالي فدوه لا تتحسس خدودها ابتسم خالي وحجه

 

ابو أيناس: يعني ما تتحسس منك بس مني خاب دكوم عني 

 

ابتسمت و سكتت شون اكله اغار عليه من عيوني الصلفه

 

"الرجوع للواقع "

ابتسمت الاحمد من المرايه وهو هم بتسم دنكت رأسي 

 

صح مجاي اذكر مواقفه وياي بس من قريتهن جاي ترجعلي لمحات منه اكزز عليه أريد اروح احظنه 

مصارين بطني دكوم تركص من الفرحه 

 

وصلنه للمزرعة لكيناهم واصلين 

و طابخين الغده كعدنه نتغده و نسوالف و نضحك و الولد يحششون يضحكون 

هذا كله جان ب نهايه 2016 يعني مر ع خطوبتي من سنتين أخ شكد مرتاحه وحره جنه نضحك وناكل و ناس تصب و ناس تكول جيب خبز ناس صيح لبن سمعت صوته اجتني الرجفه 

 

حسين : السلام عليكم، الحمدلله على سلامتج 

رفعت رأسي الـ أحمد من شافه اجه كام يخازر 

حسين : شسالفتج ترى مراح اكلج هو كل سلام و اسمعي مني كم كلمه عجبنج كان بها ما عجبنج نسد ع سيره 

أحمد تخطه الكل و اجه و كف بصفي و حجه برهاوه 

 

أحمد: إذا تريد تحجي و يها تعالي حاجيني البنيه خطيبتي 

بلعت ريكي و تبوعت بعيونه لا اكدر اجذبه و لا اكدر اسكت حسين بهت وجه و طلع محجه شي أحمد راد يرجع لمكانه كضيت: ايده شون تحجي و يا هجي شي و هو مصاير 

ابتسم وحجه : چنت أريد اسويها مفاجئه 

بس ميخالف البارحة حجيت وي ابوج و قبل و كال حددو فتره معينه وسو الي تردونه 

ضحكت بفرح و حضنته بدون ما ادري 

وهو شالني و آني اضحك و ابجي بنفس الوقت 

 

رغد : يابه احنه هنا والعباس ونصه حدايق و الجفاف وصل للستار

 

ضحك أحمد و آني ستحيت وادركت الموقف و ابتعدت عنه صعدنا بلطابق الفوك الي هو بس للبنات ضحكنه و سولفنه حچت رغد 

 

رغد : عيني يله كومي اسويلج مكياج نحتفل بمناسبت خطبتج 

 

ابتسمت مستحيه و كومتني سوتلي تسريحه بشعري و خلته مفتوح ولبستني فستان مستور كلش نازك يعني بينه بس بنات وصدك لليل شغلو دجي جوه ونزلنه 

 

ضياء تلكه علياء يصفك و يهز جتف و رغد الله يسلمه ولا تكول احمد طليقه وتغربت عنه عادي عده تهز جتف و تركص بته وابنه و الكل متونس و يركص ولا عبالهم اني و أحمد كل واحد واكف بجها ودموعه بعيونه ما مصدكين

 

"مذكرات احمد "

يوم بعد يوم ايناسي تكبر صارت سادس ابتدائي و اخذه للدورات بسيارتي و ارجعها حبيته وحب ماله حدود هل مره صدك اكول احبه كا انسانه صير شركيه حياتي جنت مقرر اليوم بس ترجع من مدرسه اعترف اله

واكف مقابيل المدرسه وهي طلعت تتمشه 

 

أيناس: أحمد شونك مكالولي راح تجي اليوم تاخذني

 

ابتسمت اله بتوتر وحجيت

أحمد :سبرايز ابتسمت 

 

أيناس: جا لعد كمل السبرايز مالتك و اكلني راح اموت من الجوع 

ابتسمت ع كلمت جا لعد وهي ضحكت و مشيت بسياره و صلنه يم الكافتريه و نزلت أخذت منهم لفات كص و بيتزا و رجعت للسياره

لكيته مشغله اغنيه مثل عاده و صافنه بطريق اردفت بهدوء 

أحمد:ايناسي عادي نحجي ورى من تخلصين اكل نحجي بموضوع

مهم ممكن هزت راسه خابرت ع خالي 

 

أحمد: خالي أيناس وياي امي و بيبي يردن يشوفنها 

 

ابو أيناس: براحتكم يابه بس دير بالك عليه بعد خالك 

 

أحمد: تدلل حجي 

 

خلصت اكل وحجت 

أيناس: يله سولف سالفتك الي جذبت على بابا علمودها سولفه 

 

أحمد: السانج ام جفصات عيني 

اجذب شنو ولج

ضحكت بخفه و نزلت راسهة و حجت 

أيناس: اسفه معيدها مو بقصدي والله 

 

أحمد: لا تعتذرين ، شوفي أيناس 

آني ربيتج من جنتي لحمه حمره 

واعرفج 

 

أيناس : كلي شي اني معرفه أصلاً من كد ما مربيني والله عبالي أنتَ بابا فهذا الشيء اعرفه غيره 

 

أحمد :أيناس اني احبج 

حسيت وجهي وج نار من راجدي مالتها

 

أيناس:أنت.............

 

★★★★★★★★★

 

اللهم صلي ع محد والي بيت محمد 

استغفر الله