تاريخ النشر : 08/27/2024, 17:59:33

الكاتبه زهراء الركابي 

ذي قار (القيثاره الذهبيه) 

 

★★★★★★★★★

ايناس: ان شاءلله ناجح اذا رسب ما ازوجك واجل العرس 

 

دار وجه عليه خزرني وزمخ ويدردم واني ميته ضحك وهو اعصابه تفور بس ادوس هجي باصبعك ينفجر 

نزلنه يم جسر الحظره نفس كل مره المكان المفضل عدنه تمشينه واطني علاكه بيه مجموعه كتب جديده 

ابتسمتله 

ايناس: لو اضل ساجد الرب العالمين طول عمري واشكره لان اطنياك مراح اوفي حقه 

 

اكتفه بالابتسام تعبني احمد بس يكتم ضايج طول وقت وكل ما اسائله يكلي دوام تعب مشكله لوما حسبته و تلفونه عدي كلت يخون بس اعرفه شنو تلفونه 

داما عدي وحسباته مفتوحه عدي 

 

حاولت اتغاضه عن الموضوع بقدر المستطاع بس ماكو ماكدر توكف بلعومي 

جان ثاني يوم اروح لبغداد علمود تصاميم مالت بدلت العرس وبدلت الحنه 

فعلاً اجني من صبح ورحنه اني ويا وساره بنته جنت اول مره ادخل بيته الي ابغداد كلش مرتب وحلو ونظيف 

 

أحمد: باجر نروح للمصم دخلو ارتاحو 

وبعدين اكعدجن نتمشه تمام 

 

ايناس: صار حبيبي 

 

نمنه كعدنه المغرب صلينه وطلعنه جو جان حلو ارتاحين بلمشي والسولف اني وساره صديقات اكثر من كوني مرت اب وهي بنت زوجي 

 

أحمد: الله يحفظجن الي ويخلجن دوم هجي صديقات ومبتسمات وحده تحب ثانيه 

 

ايناس، ساره: آمين 

 

ابتسم النه ابسامته المعتاده و سكت ما كمل حديث ويانه ساره هم صفنت و حجت شبي بابا رفعتله اكتافي بعدم معرف 

 

رجعنه للبيت و كملنه نومه اني بقيت طول لليل احوس بفراشي واني بين النايمه والكاعده حسيت احد دخل للغرف من عطره عرفته احمد شويه حسيته رفع الغطه ونام وياي 

 

أحمد: ادري بيج منايمه و اني صار فتره مطلعه الروحج بتصرفاتي بس والله العظيم اني احبج بس أيناس احساس غريب تخيلي اول شعور الخوف عمري ما حاس بيه حسيت بي علمودج خايف اكسرج بسبب تصرف غبي 

 

درت عليه و حظنته و نمت ومجوبته على كلامه لان حرفياً معدني اجابه اله 

صبح كعدنه ع صوت سدت الباب ساره طلعت اظاهر استحت من منظرنه 

بلعت ريكي و حجيت 

 

أيناس: من ورك البنيه شافتنه هسه هجي احسن 

 

أحمد: يابه شمسوين بس مغموتين 

 

أيناس: اسم الله عليك من الغمته 

 

ادنه عليه عاض شفته و اني اخزر بي و هو ولا هامه مبتسم بخبث 

 

ساره: بابا شنو هاي 

 

أحمد: ها يبعد ابوج والله ما مسوي شي 

 

أيناس: عزه بعينك كوم يله كوم راح نتاخر اريد ننرجع للناصريه 

 

أحمد: اي بس تسوكي منا كم شغله و بعدين اروح 

 

أيناس: بكيفك 

 

ساره: بابا اريد اشتري بدلات اربعه 

 

أحمد: شسوين بيهن بابا مو اشترينه بلناصريه 

 

ساره: لا بابا حباب

 

احمد: صار يابه الي يعجبج نشتري 

 

طلعنه و صدك افترينه بغداد كله من مول المول و من مجمع لمجمع بحيث رجليه صارن خيوط من كد ما مشيت و هو مستمر يمشي رجعنه للشقه قبل على جربابه بليل حسيت احد ينعزني الحذاء و الجواريب و يفتح الشال من شالني و عدلني عرفت احمد اسمع ساره تحجي ويا بس الي فرزنته احمد يكله لا انام هنا يمجن 

 

كعدت الصبح لكيته حاضني و نايم بقيت صافنه بوجه تقريبن ساعه و اني صافنه احفظ تفاصيل وجه 

 

أحمد: تتنسين عليه شنو بويه صار ساعه صافنه بوجهي 

 

بقيت ابلع بلكلمه اريده تتطلع الكلمه ماكو متت من الخجل و العرك كام يكت 

حظني و هو يظحك 

 

أيناس: كوم يله خلينه نرجع للناصريه 

 

أحمد: صار يابه كعدي ساره حتى نتريك بلطريق و انروح 

 

أيناس: ساره قلبي يله عمه اكعدي 

 

كعدت لمت ملابسه و اني لميت ملابسي و اغراضي طلعنه ساره نامت بلكشن  الورى و اني بقيت يم احمد و اسولف عليه وصلنه الناصريه بالف ياعلي من التعب 

 

وصلني البيتي و هما راحوو تلكاني بابا و ماما سالوني ع كم شغله 

 

ابو ايناس: شوكت حددتو العرس 

 

ايناس: بابا بيتنه بعد هواي بي نواقص و اني ما كملت نيشاني باقي هواي اغراض ما اشتريته 

 

أم ايناس: ان شاءلله مبقه شيء تخلصون و تستقرون 

 

صعدت و نمت كعدت ثاني يوم على مكالمته رفعت الفون و جاوبت الو 

 

أحمد: شنو يابه نايمه و كعدتج 

 

ايناس: بيش الساعه 

 

أحمد: 8 صبح 

 

ايناس: يح هاي من امس لهسه نايمه همزين كعدتني 

 

أحمد: ابقي نايمه بابا شعدج كاعده 

 

ايناس: ابوي سالني شوكت نزوج و بقيت محتاره شجوب 

 

أحمد: هسه احنه 7/10 نخلص بيتنه و انتِ تخلصين اغراضج 

 

ايناس: تمام، اكلك اني ارجع انام بعدني نعسانه 

 

أحمد: نوم العوافي 

 

ايناس: صدك محتاج شي 

 

أحمد: اي والله محتاجج و مشتاقلج 

 

ايناس: اوي شون بيه بهل كلام اني 

 

أحمد: شتعلو ابكاز و رواحو الجهنم على هل اوي بعد بعد خاف اني ناقص 

 

ضحكت على عصبيته و هو يسولف 

 

أحمد: انتِ منين اجيتي و منين طلعتيني 

و شسويتي بحالي الحمدلله و الشكر 

 

ايناس: احمد نعوف العرس و نزوج هجي 

 

أحمد: شنو يبه شبيج صدك تحجين لا خليه اسويلج عرس الناصريه كله تشهد عليه 

 

أيناس: جاي اشوفك تعبان ما اريد اضغط عليك 

أحمد: معليج بيه

 

علياء "

 

خلصن ثالث اشهر مثل لمح البصر صح تعبنه بس احس شويه ارتاحينه من راح يصير العرس عدنه و نركص و الاثنين الي تعبو هواي حتى حتى يوصلون 

رغد جانت حامل للمره الثالثه و بطنه شويه منفوخ بشهر الخامس واكفه صفك

 

رغد: لليله حنته و باجر يزفونه 

 

علياء: لا رغد عوفي الهوسات شغلي مال حنو العروس حنوها عريسه شيخ الشباب 

 

ضحكت و ركضت جابت الامبثري بيوم حنت ايناس حجزنه كلنه بصالون واحد و ملتمين عليه و نغني و نصفك و هي هم فرحانه ويانه شفت شاشت مبايلي تهتز 

لكيته ضياء 

 

علياء: ها ضياء 

 

ضياء: تعالي استلمي البدله جابوها من بغداد وها البدله البيضه ع يوم ثلاثاء يجبوها 

 

علياء: اي تمام جاي 

طلعت استلمت بدله منه جانت جنن ماروني و منفوشه و تجنن ما حجزنه لا قاعه ولا شي ابيت جدي بالاستقبال جبير نسوي حنه بيناتنه 

 

ايناس: ها وصلت البدله بس كون مبيه نقص هاي ثالث مره تجي و ارجعه و هاي رابعه بعد مابيه ترجيع 

 

علياء: لا تخافين تجنن يله كومي خل نسويلج جلسه تصويريه ملكيه وي البدله 

ابتسمت و كامت تسريحته تجنن و البدله و العيون و المكياج اصلي ع محمد و اقراله معوذات خايفه عليه من العين 

 

رغد: قل اعوذ برب الفلق من عيون الحاسده يمه خيتي اسم الله عليج من عيون يارب احميه اسم الله اسم الله 

 

حتى ساره بت احمد اجت لبست ايناس كلاده بيه ام سبع عيون و كالتله لا تنزعيه لا تنسحدين 

 

لبست البدله جانت حيل مفتوحه من ناحيه الصدر و رجله كله طالعه الحد فخذ 

و رغد تريد تفتح بزياده اكله عوفي تكلي نجبي انتِ خل الولد يمتع نظره 

 

أيناس: يعني هو اختار هل تصميم حتى هجي اتعرين من كون اكتلكم هسه ولجن لو نازعته مو احسن 

 

ضحكت عليه و شون منفعله لان جسمه امبين 

 

علياء: لا تخافين حبي من نطلع تلبسين البرنص و الرجل بيه طباقيات نسده الج ما يبين شيء بعد 

 

أيناس: اي و من نوصل شون 

 

رغد: ولد ماكو بس بنات بعد شكو من منو مستحيه هو بس احمد هذا هم تستحين منه 

 

ضحكت ع تعابير وجه أيناس و بتول اجته على رغد هيه و نور 

 

نور: اسكتي عن الفرخه عوفيها بحاله 

 

بتول: وعلي احمد ينجلط شهل جمال اني و سحت احمد شيصير بي 

 

علياء: عود اجت تكحله عمته امشن يله اجت سياره تاخذجن

 

واكفين بالباب وايناس واكفه منتظره احمد يجي ياخذه من صالون للسياره اني ورغد كلنه نوصله للسياره قبل نصعد دخل احمد بالقاط الي مرتب واكيد ايناس اختارت يتناسق وي بدلته وشعره ومبين توه محلق 

 

رغد: اسمر ويخبل كل قوط تلوك عليه اسمر ويخبل 

 

علياء: ذبو القوط يهل القوط حمودي لبس قاطه 

التفت علينه يضحلك احمد: ما عدجن غير القوط شنو لطشتن بالقاط لان ما مقتنع بيه 

 

ضحكنه صدك هو مجان مقتنع بالقاط واحنه نقنع بي لان ايناس تقلبها مناحه اذا ميلبسه 

طلعنه كاضين البدله مالت ايناس بايدينه

 

جان احمد مسوي زفه جبيره بسياره جايب عماتي و خالتي و عمامي 

و ابو أيناس صاعد بلصدر مال السياره زفه و مصطفى يسوق رجل رغد اخذنه اني و رغد و جهالنه زفه جانت احله زفه مرت على عيوني جنت طول الطريق اصلي ع محمد ولدنه يخبلون و فرحتهم حلو عليهم و من احمد ازوج طارو بي لان كلنه نشهد شكد يحبون بعض 

سياره الزفه قبالنه 

 

وكفو مصطفى و أحمد و ضياء يهزون و ابني وياهم شايله ضياء يهوس بي 

علي نازع ستره و يهوس بيه 

 

و نزل وياهم عمي و يهوس 

 

ابو علي: عمامه هواي و شارع يسدونه

 

الولد: عمامه هواي و شارع يسدونه 

 

مصطفى: عريس و ربعه يزفونه 

 

جنه كلنه فرحانين و الفرحه ما سايعتنه و احنه نشوف عرس اعز ثنين بالعائله 

و الثنين الي واجهو اعتراض الكل اليوم ازوجوو...... 

 

يوماً ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد

 

احداث من المستقبل..... 

 

جنت كاعده وتلفون بايدي اتصل عليه ما يجاوب اخر شي رد عليه 

 

: صاحب هذا الرقم بالمستشفى مسوي حادث هو و طفله