تاريخ النشر : 08/14/2024, 16:10:39

الكاتبة زهراء الركابي 

بقلمي ذي قار (القيثاره الذهبيه) 

part 1

★★★★★★★★★

 

تجمعت حروف العربيه

 لتحكي لنا هذه الروايه 

 

تجمعت كلمات وكلها امال 

ان توفي هذه الرواية 

 

تجمعت القسوات على 

بطل روايتنا كيف سيقص لنا حكيته

 

 

عياط نبع الحنان تارس البيت حتى صحينه لمدارسنه ورها تشتغل بالشبب

 

:هاي شنو امي غير ع كيفج لا يرتفع ضغطج 

واني حظنته من ظهره ومبتسمه بغباء 

 

:دمغتني على راسي إم يرتفع روحي كعدي أخوانج لا يتاخرون عن دوام وانتي لا تتاخرين على الخط عيب 

من رجال فدوه العينج

 

:تمام يا ست الكل تمام يا نظر عيوني 

عفته مبتسمه

 متعود ع كلامها وتفكيرها بالكل وحبه 

الي وحترامها وكاني صديقتها مو بنته جنت أتمنى تبقى تحبني وتبقى هاي المشاعر بداخلهة الي وما تتغير ولا اني تتغير هاي المشاعر تجها 

 

توجهت لغرفة أخواني گعدت الامير مالتنه سند سند اخوي ازغر مني بسنه يشتغل ومعتمد على نفسه مع العلم كل اعمارنه 16و15

يله عيني وراك دوام واليوم عدك امتحان 

سند :بس شويه عفيه نعاس بعده بعيني

 توجهت للشبابيك واني افتحه تافاف وكام رايح متوجه للحمام 

تنهدت وتوجهت لغرفتي اكعد اختي 

هاي ازغرني بهواي معرف شكد المهم ماكله الجو عليه 

:هاي شني يمعوده اكو واحد هجي ينام رجليه مدنده من جربايه ورأسه بمكان رجليه كعدته 

نزلت اركض بعد ما سمعت هورن السياره 

أيناس: ماما اني طالعه اجه سائق

 

ام أيناس : الله وياج بنيتي أنتبهي النفسج فدوه العينج

: طلعت وآني اشوف نظرات الطلاب الي وياي نظرات الاستنقاص واني شيخة العشيره بس والله ما اتكبر ولا اتعاله على احد ، نظرات التنمر الي حفظته ومستحيل انساها مهما كان السبب تنهدت وآني أسألم 

 

أيناس : شونك عمو ابو حسين 

 

السايق :هلا بنيتي نشغلج قران مثل كل يوم ؟ 

 

أيناس: أي عمو عفيه 

 

تنهدت بحزن وآني اسمع كلامهم البذيء 

ع اساس اني اتصنع ومن هل كلام 

باوعت لكتابي و اقرا عدي امتحان واليوم خميس وآني احد رافعات علم 

 

_ ابتسمت وآني اشوف صديقتي وعمري واكفه بلباب منتظره جيتي نزلت مبتسمه

 

نبأ : هلا هلا أجت صاحبت الابتسامة العريضه أجت صاحبت درجات العاليه هلا الوجه منور يعني البارحة اجوي عليكم مو ؟ 

 

: ولج انطيني النفسج مجال راح تختنكين و فضحتينه لا حبي بعده زعلان وطلع البغداد شهر حتى يعاقبني 

 

نبأ : يله حبيبتي واللّه يحبج ، لا أيناس دموعچ بداعتي شو جيبي هل مهجومه "جنطه" تعالي وياي للصف 

 

 : لا مو ثكيله 

 

بين سوالفنه وطلعنه لساحه المدرسه 

تقدمت ارفع العلم وعيوني ع طلاب المدرس وهم يتبسبون بينتهم 

ويتنمرون على شكلي مع العلم اني 

ماما تشتريلي احسن الملابس

والعطور والاحذيه استغربت تنمرهم اليه، تنهدت تقدمت رفعت العلم وآني مبتسمه ابتسامتي حتى متنزل دموعي من تنمر البنات والطلاب الي ويايه 

 

نبأ : ءان شوف استاذ مرتضى راح 

يطلع راسبين بالامتحان شهر الاول 

مثل نص سنه 

 

أيناس : اسكتي قلبي راح يوكف 

 

نبأ: يمعود اني وياج منخاف اشطر طالبات عد استاذ مرتضى 

 

: تبوعتله بطرف عيني بعد ما صاحو اسمه نبأ ...... ..... وجهت نظراتي لله وآني اكتم بضحكتي ع شكلها 

 

وتنهدت براحه من سمعت اسمي وي 

الطالب الي مخذين درجات عاليه اوف 

مظاع تعبي الحمدلله 

 

نبأ :كلتيلي خايفه مو ؟؟ 

 

أيناس : كلتيلي انتِ اشطر طالبه عند

استاذ مرتضى 

وحده تخزر الثانيه بتوعد وطكينها بضحكه قويه وسكتنه واحنه ننتبه للاستاذ الجاي 

المدرس: السلام عليكم 

 

الطلاب : وعليكم السلام

 

المدرس : أيناس، نبأ طلعن برى صفنه بوجها بغباء زمخ بينه وطلعن نركض رحنه للئداره

 

نبأ : شنكلهم 

 

: مدري أنتِ دخلي اول 

 

تنهدنه ودخلنه سوه بعد عركه طويلة من تفوت اول اخذنه استاذ علي ورحنه وطلع مطلعنه لان ظاحكين بصوت عالي 

 

نبأ: الحقيــ...... ايريدنه اصنام

 

أيناس: سدي حلكج مدرس مايصير تغلطين عليه 

 

خلصنه دوام واحنه نتناقش ع الطرده وكل شويه متكافشين 

 

: وصلت للبيت ولكيت البيت مخبوص عدنه خطار شي عادي لان دائما تجمعات عدنه ما اهتميت صعدت لغرفتي بدلت ملابسي ونمت لان جنت تعبانه وخالاتي ما ينطاقن وتنمرهن يوصل لابو موزه 

 

كعدت 4:00 العصر سبات مو نومه 

فتحت تلفون واتفاجاء و الكه رسائل مبركات ستغربت نزلت جوه هدوء 

توجهت للمطبخ سويت كهوه أخذتها ورحت للحديقه بيدي كتاب روايه اقرا بيه

 

بقيت للـ5:30 كمت سويت عشه ودخلت الغرفت اهلي اكعدهم لكيتهم يصلون

طلعت متوجه لغرفت خواني صحتهم 

 

ابو أيناس:أيناس كالو اليوم طلعوج من المتفوقين 

 

أيناس : ابتسمت أي بابا أخذت اعله درجه بلشعبه 

 

ابتسم ابتسامه بيها قهر بس معرفت 

ليش بقينه ع هل حاله الى ان اجه اتصال لامي كلب وجهاه كلاب وكام

يطي الوان وتگوم بيه حتى مسمع 

حديثها تنهدت وتوجهت لغرفتي 

 

مرت العطله ع خير .....

يوم الأحد 

وصلت للدوم مثل كل يوم تلگتني 

نبأ بوسته وفتنه توجه الي طالب 

ويانه 

: سلام عليكم أيناس شونج ابتسمت ورديت

 

 : هلا خويه أوس تفضل محتاج شي ؟ 

 

أوس : أي خويه هاي المسئله معرفتلها رحمه ع اهلج بس وضحيه راسلتچ بلكروب متردين 

 

: ها أي اي مو آني ما اكض تلفوني هواية تعذرني 

 

نبأ حجت بهمس أيناس صايره شكد جذبين

شحال لو ما جمعة وسبت كضته اتصال 

كم " 

ش: ندسته حتى تسكت وبديت اشرح 

 

أوس: شكرا ً تعبتج

 

أيناس : لا ولو ادلل

 

أخذت نبأ ومشيت للائداره بعد ما سائلت ع مدرستنه الي صارله سبوعين غايبه 

دخلت الادره بابتسامه وبصوت ضحك ونهلي ونرحب وما ادري المدرسين يمه ضحكو بصوت عالي من شافوني 

 

وآني سويت انسحاب تكتيكي 

وضليت اليوم كله اغم بنفسي ع الموقف 

 

نبأ : شجاج متكليلي موقف صار انسي

 

: عوفج من الموقف قلبي نغزني من اهلي مدري شبيهم يسولفون وكل ماجي يمهم يسكتون والله حسيت نفسي غريبه عنهم لو انقل كلامهم 

 

نبأ : شسالفتج صايره حساسه لو فراك الحب مئاثر بيج وغمزة بقيت صافنه بوجها غميته ومشيت 

 

أجت وراي اصيح وكفت لان فضحته 

و الولد التفتو علينه

 

نبأ : والله مو قصدي اضوجج شنو بعدا محاجاج ؟

 

أيناس: اوف اوف كلبه حجار عليه ولاتكول اني التربيت ع ايده ويعرفني شنو أتصرف وشنو صح وشنو خطاء 

 

نبأ: عادي حبيبتي والله هسه يرضه محاولتي تخابرينه

 

أيناس : خابرته مرتين يرفضني ودزيتله

رسالة حظرني 

 

نبأ: يا شجاه 

 

أيناس : أي بليل لكيته راد ع راسلتي

ويكلي اني ارتاح واخابرج لا تخلين 

زعل يضخن 

 

نبأ :تركي براحته 

 

أيناس: اوف نبأ احس هاي الايام الأخيرة 

مريد اعوفه لحضه بس هو مايحس 

أخ كون يشوف نار قلبي 

 

نبأ : اهدي خل نشوف شعدنه درس واذا معدنه درس نستاذن ونطلع

 

_تنهدت كضيت ايدها الي مدتها الي 

وكمت للشعبه لكينا شاغر لان بعدها الطلاب تمتحن

 

نبأ: اكول أيناس ما حاجيتي امه؟

 

أيناس: ترى امه مطيق امي يعني تكيف إذا تعاركنه وعلياء مكدر ادخلها لان على كولته زعل يثخن

 

نبأ: جا خلي براحته بس اطمني عليه

من اخته 

 

_تنهدت وسكتت و نبأ تعرف طبعي 

من اضوجه ابقه ساكته وأفكار تاخذني 

وأفكار جيبني وهي ما تسكت اله تضحكني علاقتي بيه حلوه احبه وارتاح ويها بلكلام 

 

مر ايام اجه يوم الأربعاء بنص دوم 

أجه اخوي تفاجئت لان آني ما اطلع هيچي واخوي ميجي اله إذا صاير

شي نزلن دموعي وآني واكفه 

بعدني، نبأ لمت جنطتي وآني امسح بدموعي وصديقتي ثانيه تهدي بيه تباوعت للاستاذ اخوي كلك شي 

 

: لا والله بنيتي اخوج ولد من اقاربكم يطلعوج 

 

: تنهدت بقلق اوكي استاذ شكراً طلعت

جنطتي ع كتفي و نبأ وياي استأذنت تطلع أجت سلمت ع اخوي

 

نبأ كلته 

نبأ:خويه مصاير شي لان ءان انرعبت 

 

سند : هلا خوي لا خويه مصاير شي 

بس عدنه خبصه بلبيت و نريدها ويانه 

 

طلعن وتفاجائت حسن ؟؟ وبسيارته ؟؟

وياخذني؟؟ ومبتسم بوجهي؟؟ 

صعدت 

 

 : شلونك خويه 

 

ماحس اله التفت ع سند اخوي كله حسن:متدري مووو ...... 

 

سند : اهداء نوصل للبيت وتفهم 

 

 : شفتهم سند شكو شصاير امي بيها شي ؟ ابوي ؟ محمد؟ مروه؟ 

 

حسن : لا حبيبتي محد بي شيء أصلاً منتظرتج مفاجئه 

 

_ حسن وحبيبتي ؟ ومفاجئه ؟

ومبتسم بوجهي ؟ ذني كلها صدمات

بساعه لا والله بدقيقه كل تفكيري صار 

بكلامه متدري شنو شي الي ما ائدري بي ؟ وخلاهم يطلعوني من دوام 

وصلت للبيت وتفاجئات بلهوسه 

تلكتني امي تبوس وتحظن 

 

أيناس:....... 

★★★★★★★

شنو المفاجئه الي تنتظر أيناس 

استغفر الله 

اللهم صلي ع محمد وال محمد