تاريخ النشر : 08/14/2024, 21:10:39

الكاتبة زهراء الركابي 

بقلمي ذي قار (القيثاره الذهبيه) 

part 3

★★★★★★★★★

 

لولا النساء ، لمَا وُجدت الورود 🤍.

★★★★★★★★★

 

«الحاظر »

كاعده مقبيل صورته ومبتسمه

صورته الي اني أخذتها اله 

الاحبه 

تنفست براحه وكمت من مكاني نكت الاتراب

: يله يابه نمشي ؟ 

 

: اي بنيتي براحتج 

 

«الماضي »

 : حسن وداعت امي ما اسوي شي 

اجيت اسلم واشيل طفله والله معدي شي 

 

وي كلامي وضربه إليه دخلو سند وبابا ع صوتي واحمد سحبه ونزل عليه بوكسات 

 

احمد: لك شو تغلط وتفشر وتظرب وهي 

بنص بيت اهلها 

 

بقو اهلي يفاككون بينهم وآني انشغ من 

بجي اجه احمد باس ع راسي وكال

 

احمد : يابه عذريني سبب مني خليتج تتاذين اني راح اخذ بنتي واختي وانتِ ارتاحي 

 

الاب : لا والله ما تتحرك ع جثتي 

 

جانت بت احمد توه كاعده 

رحت عليه لان عرف عايشه جو من هدواء و ماكو بس هي و ابوها ممتعوده 

ع هجي جو شلته و خليته ع قلبي

 

: صرصرتي خفتي؟

 

ساره: لا عمه انتِ مو دائماً تكليلي اني قويه 

 

ابتسمت و اخذته لحظني و صعدته الفوك بحظني و اشم بيه بيه ريحته بيه دفوه كلامه بيه حنانه متروسه جماله اه يقلبي شكد بعد تتحمل غدر من اهلك نامت نزلت و لكيت الجمهور العربي مال خالتي ما اهتميت نزلت اتمشه لان علياء خبرت ع عماتي وبيبتي ام ابوي بيبي وحده تحط خالتي سبعه جوه ابطه ههههههه 

شتفتني علياء وابتسمت وغمزتوصاحت بصوت 

 

علياء : أجت ست البنات أجت زينه العشيره أجت شيخه الشيخات أجت ملكت جمال العشيرة

وي كلامها دخلت بيبي

بيبي:  وكالت يمه شيختنه المستقبليه يمه زينت البنات يمه الهم صلي ع نبي و بيته سور سور ونبايه كله حظور تكول و تنفخ ع وجهي 

ضحكت من شفت عماتي مبتسمات وشنات الحرب واجن عليه وآني اسلم حسيت بصوت بلدوانيه وهو يرعد ع ابوي 

: هاي من. يصيح ع ابوي 

 

ام حسن : تاج راسج وراسه 

 

ابتسمت بستهزاء وكالت 

 

: عيدي لان اذني يمكن چانت وصخه مسمعت زين

 

ام حسن: لا حبيبتي سمعتي واله اطيحه حظج 

احنه نسولف واشتد نقاش بلديوان 

والتفت ع عمتي كلته 

 

 : عمه فدوه ما توكلينه تبن ومشيت و علياء وياي و كالت 

: منو بالديوان 

 

علياء : عمامي وخوالي وسيد 

 

 :تمام اطيني تلفونج وشالي عدل

 

علياء : صخام بوجهي شتردين اسوين 

 

: أريد اشيل تاج رأسي خابرت ابن عمي و طلعلي وحجيتله مختصر عن الي أريد اسوي كال البسي عبايه وآني وياج أخذت بشت و عدلت شالي. وفتت وياه اول مدخلت هجم عليه ظربني ع حلكي

 

حسن : كـ.......ه شعدج طالعه بنص الزلم بنت ...... انعل ..... 

كلامه كله افشار وغلط واشكال الاهين ويريد يكمشني ميكدر ولد عمي واكفين مقابيلي التفت لااحمد ابتسملي بهدوء 

رحت ع رأس ابوي بسته 

 

: والله متستاهل لا هيجي نسيب ولا هيجي كلام صاحني السيد وكعدت يم ابوي و سولفت ويا بكل هدوء

 

: عمو آني من اول يوم خطبه شفت قله ادبه بس بقيت محترمته وزلم الي يكول عليهم اخواني وعمامي بمقام ابوي بس عمو هاك شوف هاي تسجيلات گبالك وشوف شكد يسب ويغلط ويتعده عليه بكلامه ومحترمته وما اذيته بكلمه كله بس لان اجيت اسلم ع ابن عمتي وبنته ويانه واخته هم وبنص الديوان وين الغلط بلموضوع وها الشيخه صدك ما ترضه على نفسه هذا الكلام على نفسه ولا تخلي حكه يروح صح 

 

السيد: شيخه حكج يوصل العندج وهو ظاهر فريخ وميعرف الحجي

 

ابتسمت و گلت

 

: هذا عشمي بيك كلشي مريد منه بس يعتذر من بابا لان تجاوز عليه 

 

كالتها و گمت و انا طالعه صار احمد بوجهي ابتسم وطلعت

 

خلصو حجي وحسب ما سمعت تصافو بينهم بالديوان لل3 العصر وكعدنه نتغده احنه وعماتي و ولد عمي امي راحت وي اختها

 

حجه ابن عمي 

مصطفى: ليش مطلبتي الطلاك

 

رفعت نظري اله ودرت ع احمد وبجيت بقهر 

 

احمد : اني كالتله لا تطلب الطلاك 

لان إذا طالبت طلاك وهي مصارله 

شهرين الحجي ميصير ع ذاك الكلب الحجي يصير عليها

 

ضياء : ابنيتي انتي تردين تطلكين 

 

: إذا تكدر أي والقران مخنوكه وما أريد اكمل باقيه غصب 

 

عمتي هناء: اوف شكول عليج يالي بالي 

مكدر ادعي عليج 

 

علياء : اوف من امي كله منها يمعوده شعليج بيها بت اخوج هاي وانتي جناينج كلهم غرب اخذي بت اخوج أخ منها 

 

ضياء : كولو  يالله أيناس بويه صبري هل فتره ان شاء الله يصير كل خير بس لا تتصرفين من كيفج واريدچ قويه وكلشي تحجينه لعلياء واحمد راح ينقل شغله هنا يله بنيتي مسحي دموعج وآني بايدي اطلكج منه 

 

أخذت نفس ومسحت دموعي وعماتي كالن 

 

عمه هيفاء ، هناء ،وهدى : نروح للزياره وناخذ امي وناخذ البنات 

 

طفر احمد 

احمد : أيناس أهم شي 

 

ضحكت عمه هدى وكالت 

 

هدى : يمدهرب كون تحبها جا ما خطبته

قبل لا يجي هذا كـ.....د 

هي كالت هجي وآني طفرت واسمع بس 

صوت ضحك متت بدمي عمتي هدى فد السانها رشاش ما تلزم السانها اني حترمت نفسي بقيت بلمطبخ اسوي جاي لبين ما ينسون السالفه

اجه بابا

بيبتي  كالتله؛ بيبي :باجر أمر عليها واخذها من الدوام أريد أخذه وياي لكربلاء  

 

الاب : وين متردين اخذيها من زمان مشايفه لا طلعه ولا تونست بس البجي

 

ابتسمت وكمت لبابا حظنته بكل قوتي : حبيته من راسه وايده وصحت بصوت بابا حبيبي احبك احبك والعباس ابتسم بابا وجرني لحظنه اسمعه يتنفس بصعوبه و يبچي

 

: بابا لا فدوه 

 

واخذت ايده ابوس بيها :بابا إذا تحبني صدك امسح دموعك اني أستمد طاقتي منك 

مسح دموعه وحجه : ما ادري شنو الي يخليني موافق عليه ومن يجي لساني يربط كدامه

 

 : بابا والله اني راضيه بنصيبي بس لا اشوفك تضعف أموت والله 

 

جان احمد كاعد وما نطق حرف شويه و كال : أيناس وين ساره بنتي 

 

 : لا تخاف نومتها بغرفتي

 

غمزلي وحجه: أريد اشوفها تكدرين تاخذيني الها

 

: أي تفضل وصعدت قبله وهو  يمشي وراي و يضرب حسرات التفت عليه

 

: إذا تبقه هجي تتحسر راح اطيرني 

ضحك وكال 

احمد : هو المطلوب اطيرين من مقابيل الكل حتى محد يشوفج

 

من دخلنه بالغرف اجيت اطلع 

 

احمد: أيناس هذا تلفون الج وبي خط وحساب جديد وكلشي جديد وضفتلج البنات وحجيتلهم محد يطي حسابج ولا يكول هاي انتي ولا ضيفين غير الي ضفتهم الج أخذتا ضميته وهو راد يطل ورجع دار كال

احمد: صدك صديقتج نبأ ضافته 

وهي جانت تنقلي اخبارچ 

 

وغمز وطلع ،ابتسمت عرف اني انطيته حسابه تطمئان الي عليه ونزلت ورى 

 

ثانيوم كعدت متأخر ع سائق ورايح وهما باتو عدنه كلهم نزلت ابجي وكلهم كعدو الكل :شبيج أيناس ع شنو تبيجن

 

 : راح عليه نومه من فلم مالتكم وهسه سايق عايفني وماشي 

 

احمد : عبالي شي يستاهل كملي وآني هسه اخذج

 صاح البنات خمس دقايق أريد جاي غير هجي ألبس القوري بروسجن 

 

جنت أريد اصعد التفت عليه صحت بصوت عالي : ايع احمد شغيغ (شرير)

 

ضحك وكام يركض عليه وآني صعدت 

بدلت وكملت نزلت لكيته منتظرني يم السياره ابتسمت

 

:  شوكت غيرتها

 

احمد : من زعلتي ورحت البغداد مو نشرتيه بلفيس رحت جبتها 

 

تنهدت وصعدت وساره بحظني شغلت قران واطيتها حلويات تاكل وآني بقيت اقرا امتحاني مبقي شي وتخلص هاي سنه واصير بثالث 

 

احمد : شون مستواج خو ما نزل 

 

التفت عليه و كلت : شتعرفني انتَ 

 

احمد :شاطره شطوره بس ميخالف اتاكد 

 

: احمد اطلب طلب وما تردني ؟

 

احمد : انتِ ما اطلبين اتامرين 

 

ابتسمت اله و گلت

: السنه الجايه قدم وياي ثالث خارجي كمل دراستك لخاطري ولخاطر بنتك 

 

ابتسم وجاوب : والله بالي مشغول بل محلات وسياقه ويني وين دراسه بس لخاطرج ميخالف اجرب ابتسمت وصفكت بفرحه ضحك بكل قوته ونزلت من شفت نبأ بالباب واكفه 

 

نبأ :يابه شنو صايرين احوال ونوب همه يوصلوج وتغمز وآني احس الجو صار حار هفيت ع وجهي وكلت

: يمكن جو صار حار 

 

التفت ع صوت احمد وهو يضحك ويدخل المدرسه وكال : لا مو جو حار انتِ راح اسيحين 

 

نبأ: هله خويه شونك والله خيوه أنت وجهك نوراني احسن من ذاك شيطان 

 

ضحك بقوه وانطاني الجنطه وكال

 

احمد : مزين تذكرين الشياطين من صبح 

 

ضحكنه اني ونبأ ودخلت جنطتي وتوجهت لالاداره وهو يسأل ع مستواي 

واكفت ب الباب وساكته دكيت الباب بخفه التفت المدير وكال

مدير : هله أيناس فوتي

 

أيناس:  شكراً استاذ 

الاستاذ : أيناس الورده هسه عرفتها من اشطر الطالبات العدي

ابتسمت واختفت ابتسامتي من كال

الاستاذ: بس عيبه الوحيد تبجي بسسرعه 

ضحك احمد و التفت و حجه

احمد: المدلله مالتي هاي خلوها تدلل براحته 

 

دخلت ست امل وي كلامنه وكالت

ست امل : أنت خطيب أيناس 

 

آني صار وجهي بنزركي من المستحه ومن احمد الي احس اختنك اخذ حسره وجاوب 

 

احمد : انا المشاف راح بيوم انا التحسر ع لكمه وهي كبالي اخذ حسره واردف، لابت خالي هاي وابنيتي

 

ابتسمت بخفه وطلعت لصفي واحمد راح

 

نبأ : نخلص الدرس وتحجيلي كلشي شون جابج وشسوين ويا وكل شيء كل شيء افتهمتي 

 

: شسالفه ما تطين مجال تاخذيني نفس احمد ضافج بتلوفني الجديد مو صح 

 

نبأ: راسلني البارحة ودزلي رقمج وراسلتچ بس ما رديتي وحسابج مسوي يجنن

 

: أي ما اريد جنس مخلوق ع كره الارضية يعرف هاي اني ع كولتج شيطان ميدري 

 

نبأ: اف سرج بتانكي مزروف ولا يهمج 

 

ابتسمت ع سوالفها والتفت ع دخلت استاذ التاريخ واتفاجائت من وكف يبارلكي 

 

استاذ التاريخ : ألف مبروك أيناس على الخطبه

 

نطن عيوني مجنت اريد احد يعرف 

جوابت والبجيه بطرف عيني : الل ... الله يبارك بيك 

 

ابتسم وكال نبدي درسنه وكل درس اني 

صافنه وهو سوالي ستدعاء للائداره 

 

ورحت ألى ست امل تروح وياي وكفت مقابيلهم 

 

الاستاذ : مستواج حلو إذا نخطبتي وتردين تاثرين ع مستواج فا آني ما اسمحلج اسويلج استدعاء ولي أمر

 

 :استاذ آني مو أمس نخطبت آني صارلي شهرين من مخطوبه ودرجاتي كله عاليها بس آني مردت احد يعرف وتفاجئت من باركتلي بنص شعبه

وكدام الطالب وترخصت وطلعت 

 

مر اليوم عادي وطبعاً طش خبر رابع درس جان عدنه رياضه طلعنه اني و نبأ نتمشه ونسولف وشفنه ابنيه ويانه من الثالث متوسط 

 

الابنيه: صدك نخطبتي

 

: حبيبتي حياتي الشخصيه محب احجي عنها من رخصتج كلته ومشيت طلعت للحديقه بعيده امشي ونبأ وياي وتهدي بيه دخلت للشعبه واجتي ست امل

 

ست امل : أيناس صدك تحجين ؟

 

 : ست وين ما اروح منو وليش نخطبتي واجباري نخطبتي لعبنها الروحي ست فدوه أريد اطلع اطيني تلفونج اخابر ع اهلي 

 

ست امل همه: مو على أساس يجونج طلعين لكربلاء أصبري مبقه شي 

بعدنه نسولف اجه طالب صاح ءان يردونج بالاداره مسحت دموعي ومشيت

 

لكيت احمد اول مشفني اجه عليه و گال

احمد:شبيج باجيه منو مضوجج احجي بقيت ساكته و كتله :أريد اطلع هسه مريد ابقه فدوه

 

احمد : أي هسه نطلع يله امشينه بس يكتبولج اجازه الأحد لان هم ما تجين

 

مشيت سكته لكيت نبأ جايبه جنطتي وتبجي انصدمت

 : شبيج نبأ منو اذاج

 

نبأ: والله قلبي يوجعني عليج والقران موتيني شسوي شبيدي عليج وآني اشوفج تتدمرين 

 

:  تعودت عادي شي طبيعي 

 

طلع احمد مبتسم اخذ الجنطه وحاجته نبأ: احمد خويه اطلبك طلب

 

احمد : العزيز عد انوستي عزيز عليه امري 

 

نبأ: أيناس امانه بركبتك ولا تخليها بيد الشرير وابتسمت احمد محجه ابتسم واشر ع عيونه مجنت اعرف نبأ جانت تودع مو تحجي مجنت ادري هذا آخر لقاء وهي مكالتي وما نبهتني خلصت اليوم كل شويه لو تحضني لو تبجي وتبوس رأسي 

 

طلعنه اني واحمد لكيت علياء وعمتي وبيبي ليوره وآني فتحلي باب الصدر ابتسمت  على كلمته 

احمد : اصعدي شيختنه اصعدي عيني ست الصبايه 

صعدت و كلت : شهل دلال عيني اليوم 

 

ابتسم وغنه بصوته الي أحبه وما امل من اسمعه واكثر شي احبه من يقرأ قران 

 

احمد: تتبغداد علينه 

واحنه اهل بغداد.... 

ألعب غيرها يا حضره الاستاذ 

غزال الرافدين يصيد ما ينصاد 

لملم هل شباك وروح يا صياد 

الحب عاطفه 

ماهو بغصب وعناد

تتبغداد علينه

بيبي وعلياء وعمه يصفكن وآني اضحك مثل الثوله وهو يغني ومستمر وآني اضحك وكل شويه التفت وساره بنته تضحك ويا بعد ساعات وصلنه النجف الاشرف ولكينه ولد عمي ماجرين شقه غرفتين وصاله ومطبخ دخلنه ارتاحينه علياء اجتي عليه 

 

علياء : أيناس كومي بدلي احمد كال خل

نطلع و نتونس سويه و نتعشه ونرجع 

 

صدك اني مكلت لا كمت بدلت وكشخت ولبست عبايه الراس وطلعت جنه نمشي اني واحمد وبنصنه بنته وضياء وعلياء مقابيلنه واحد لازم أيد الثاني اول مرحنه نزور وصلنه للقبه بقيت ابجي بصمت وادعي بقلبي واردد ياعلي ياعلي ياعلي كل ثلاث مرات سوه مجربه تقضي الحوائج 

 

بعد موصلنه للتفتيش افترقنه اخذنه بت احمد ويانه ازغر مني باربع سنوات بس شنو تخبل وكتوته أموت عليه تشبه ابوها عيونها عسلي حيل ومكحله وشعرها كيريلي نفس شعر وعيون ابوها ابتسمتلها أجت باستني رحنه اني وياها 

كعدنه بالصحن ع صفحه  نقرا قران ونصلي ونزور وهي وياي علياء عافتنه ومشت تزور براحتها علياء تلوع كلبها صارله ١٤ سنه مزوجه معده طفل وهمه زوجو عن حب وبقو متمسكين واحد بثاني و ضياء تنازل بالاطفال لخاطرها وهيه مقدره هل شي وداماً تكله خل اخطبلك 

 

أما احمد ازوج بعمر 17  سنه ابنيه عمرها 13 اسمها رغد كلش حلوه وايا من جمال بس هي ملسونه ومتحترم او قويه شخصيه مثل منكول ومتقبل ع نفسها شعره يعني بس احد يحجيها كلمه تكب بوجها عياط واحمد جان يتخبل لان تتجاوز على الاكبر منها بس مع ذالك يحترمها وحتى بعد ما نفصلو بتهم بقت بينهم ودائما ياخذها بتهم الها وميحرمها منها بس من زوجت كاله خليها يمي وكل مما تشتاقيلها خابريني اجيبها الج وفعلاً لو كان دنيا كله ع راسه ياخذها الها والهم من هذا رغد اقارب ابوي من بعيد 

 

كعدنا نصلي اني و علياء صلينه سوه

تقرا قران و تمسح ع راسي بلتربه و ترجع تحبه و تمسح ع راسي بيها صفنت افكر بالي صار بيه و ي قرات القرآن 

ابتسمت من شفت احمد جاي ابتجاهي وكعد بصفي وابتسم كال 

احمد :بشنو صافنه  

: ليش مو أنت خطيبي واجينه 

هنا نشكر أهل البيت لان نخطبنه ليش 

هجي معلعل قلبي ليش جاي ارتكب الحرام واعصي ما اذيت احد والله جاي 

يعاقبني لو شنو سويت

 

نزلت دمعتي وي اخر كلمه 

 

ابتسم وجاوب 

احمد: زين ليش متكولين جاي يختبر صبرنه لان احنه الاثنين نحب بعض 

ويرد يشوفنه نرتكب الحرام لو نبقه 

محافظين ع ايمانه

ابتسمت وارتاحيت بكلامه كال 

احمد: امسحي دمعتج وكومي نروح للسوك روميو و جوليت راحو سوه 

ضحكت ع وصفه ومسحت دمعتي و 

وكعدت ساره لان نامت ع رجلي 

وآني أقرأ قران أخذت قراني وطلعنه نتمشه بالشوارع اخذلنه حلويات ويضحك بينه ويسولف علينه سوالف اطفال لان آني وبنته فرق اربع سنوات مبينه هواية ضحك من شفنه لعبه وكناله أريد منه 

احمد : خويه أريد من هاي لعبه ثنين 

ابو محل:  تدلل عيني 

 

أخذنه العبه وطلعنه نضحك  ونمشي 

وحده بصفه من جه يمنه وثانيه من جه يسره و يكول

احمد:  والله بناتي ثنيجن اعز من روحي أريد ابوس رموشجن رمش رمش

 

ضحكنه ع كلامه 

شترالنه لفات كص وببسي وكعدنه ناكل 

رجعنه للشقه قبل نمنه من التعب 

خلصنه يوم ثاني هم بنجف وطلعنه لكربلاء يوم الجمعة بليل وصلنه 

هم حجزونه فندق غرفتين و نمنه كعدنه صبح رحنه زرنه اني وعلياء وساره بت احمد وبقينه بضريح الأمام العباس (عليه السلام)

 

شفت ثنين يعقدون صورتهم وي الهلاهل شفت احمد جاي ابتسمت من شفته يباوعلهم اجه يمي وكال

احمد : ادري شتمنيتي من شفتيهم 

 

أيناس : احمد والله اتمنيت بس اطلك 

من حسن هسه ميحترمني ولا يقدرني 

وكل سب وفشار وكلام ما متعوده عليه 

 

احمد : أيناس أريدج صبرين وكلشي ينحل وداعتج 

 

اتنهدت وبقينا ساكتين بس صوت القرآن بصوت احمد بعدين التفت عليه كلته احمد اقران قصيدة حسينيه حباب 

 

"قرا قصيده لباسم الكربلائي 

يشبه عمه عباس

من هيبته وجماله 

حتى زعل حلاله      

يشبه عمه عباس

يتمايل غزل   مثل غصن   بعيونه همسه

يهمس للهوى   وحتى الهوى   ويخجل يلمسه " 

جنه كلش مندمجين وجونه ضياء وعلياء وكعدو ويانه ونلطم كلنه سوه فجاء قاطعنه ابن عمي 

و هو قبل اجه وجه أصفر همس الاحمد و تغير شكله من مبتسم لعقد حواجه و الحزن بعيونه و كال 

احمد:كومن زورن أريد نرجع كمنه ثنينه اني وعلياء لطمنه على خدونه احمد شصاير 

 

احمد: ماكو شي بس يردونه خوالي يله فضنها 

كالها و راح 

اني و علياء اخذنه بت احمد و زرنه وطلعنه لكينه احمد عيونه حمر ويكول لابن عمي و ضياء 

احمد : شون نكلها وهيه اعز شي ع قلبه والله تموت هنا 

 

تقربت ع احمد و كتاله

أيناس :احمد بداعتي إذا اكو شي صاير 

كولي لا تخليني بقلق منا لما أوصل 

 

احمد : أيناس قولي يالله وكلنه ع هذا الطريق هم السابقون ونحن الاحقون

 

أيناس : احمد منو مات كلي 

 

احمد : أيناس انتِ انسانه مؤمنه هسه كالونه مات.......

 

~~~~

اللهم صلي ع محمد والي محمد

استغفر الله

شنو تتوقعون منو مات ومنو العزيز ع أيناس ومخلي احمد يتترد يكولله