تاريخ النشر : 09/04/2024, 02:30:24

كعدت من النوم اسمع صياح وصوت ضرب وشي تكسر بوقتها جان عمري ست سنوات 

حور:  كافي الله يخليك والله تعبت شهل ضيم الي معيشنه بيه 

فضل:  ها ضيم تحجي بالضيم بت الاوادم ولج والله لو ما هل طفل اطلكج واذبج حالج حال الحيوان  يا حيوانه امشي عن وجهي  لا اكسر عظامج 

حور / هو انت شبقيت ما كسرته كسرتني ودمرتني قسمة السودة والكشره عليه 

....  هاي الصيحة اسمعها يوميه  وانه بعمر صغير اضل كاعد بجربايتي مغطي راسي اخاف 

تجي امي تحضني وتكلي ابني السبع لاتخاف اشوف وجها مورم عينها بيها زراق  تداري نفسه بكريمات حتى لاتبين الكدمات

جو صيف وحار دخل ابوي  معصب بيدة علاكة فواكه رحت يمه شالني ابني البطل بارق حبيب ابوه ابوي كلش يحبني ومايقبل احد يلمسني انه مدلل من امي ومن ابوي السنه اسحل مدرسه صف اول امي كلش فرحانه بيه      فرحتها كبيرة كلش ثمرة تعبها تحسني كل مره تكلي انت سعادتي بالدنيا تكعد تعلمني الحروف وانه اكتبهن كلش تفرح خلصت العطلة الصيفيه واجه تسجيل المدارس جهزوني من اجمل التحهيزات جنطة وملابس وقرطاسيه كلشي من احسن واجمل التجهيزات 

رجعت للبيت انه وامي وابوي ركضت على جدتي 

... بيبي بيبي شوفي شنو شتريت 

بيبي/ الله يخبلن بالعافيه 

حور/ الله يساعدج عمه شلونج 

بيبي/هلا بيج حور 

فضل/حور حضريلي شي اكله وغسلي ملابسي باجر عندي شغل