تاريخ النشر : 09/22/2024, 16:15:11

ذي قار (القيثاره الذهبيه )

بقلمي الكاتبة زهراء الركابي 

نور" 

 

خنست بمكاني من صوته ادري بي ما يقبل على مصطفى 

 

نور: اسفه 

 

علي: انسي خابري ايناس نعزمه على العشه باجر وتبقه عدنه سبوع هجي 

بلعت ريكي تنهدت ورفعت التلفون اتصل عليه 

أيناس: هله بنوره شونج؛ خايبه توج طلعت من يمي وجهال بقو يبجون عليكم 

 

نور: سوده عليه حبيبي علي عازمج هذا سبوع يمنه وكال مريد اي عذر وازعل عليه اذا ما تجي 

 

أيناس: يختي والله ماله داعي

 

سديته منه ورورحي تلوب عليه كل ما اذكر اشون نغدرت من الانسان الي ثاقه بي 

دخلت للمطبخ اسوي كنافه وحلويات لان تتنسه على حلاه واني كل يوميه العصر اخذله شي بس اليوم راح تجي تبقه يمي سبوع

بعد ثالث اسابيع تخلص سادس وتدخل بالسابع ومصطفى بعدله سبوعين يرجع من ايران

درت وجهي شفت علي نايم وجهال نايمين سحبت تلفوني من الغرفه وصعدت للطابق الثاني على اساس انضفه واتصلت بعلياء

 

نور :علياء اريد اكلج شغله بس مو اني الكلته ولا اني الحجيته

 

علياء: خير يا ستار شنو صاير

 

نور : راح ابدي اسوالف من بدايه وتسمعيلي للاخير تمام واذا ملحكت ادزلج فويزات

 

علياء: احجي عاد فتيتي قلبي

 

نور : عمو ابو ايناس مو خله الواجبات على خالج ابو مصطفى وابو بتول

ذاك اليوم عدهم واجب وطالعين همه ومصطفى وعلي رايح وياهم من مخلصين الواجب الديوان بي كومه شيوخ معروفه ولدهم ترسه المضيف بده خالج ابو مصطفى يسولف وينصح ويطي مواعض ومو عيب واحد ياخذ مره ثانيه ومعرف شنو لايص بعد من حجي

 

علياء : اذا براسه حض خل ياخذ على مرته

نور: المهم كام وكف بنص الديوان وكال لخالج ابو بتول اني خاطب بنتك الجبيره الابني مصطفى كدام ديوان كله انتشرف بسه

 

علياء: صخام بوجهي حصره بموقف

نور : تشعوطو علي ومصفى لان عمج ابو بتول رد عليه كبال الديوان وكاله انطيتك واني موافق رجع علي ويا مصطفى حتى بجي بجه هنا

 

علياء: سوده عليه داد اينأس تلوع قلبج ومكتوبلج القهر

 

نور : راحوله للبيت كاله مصطفى اني مرتاح بحياتي وانت مصارلج سنه من نفصلتي 

راده عليه ما يهم اني شعليه بالناس رجع حجه ويها وكاله تحلمين اتفربلج بيوم من الايام

 

علياء: هسه شنو ولج الحك احجي الخالي

 

نور : اني اول امس دريت من عاقدين صارلهم سبوعين وهذا سبوع صار ثالث اسابيع 

 

علياء: شلحك صخام وهسه أيناس درت

 

نور : ديري بالج حمله بالكوه ثبت

 

علياء : والحل شون نبقه نتفرج

 

بقينه للعصر واجت ايناس وجه مبتسم اليوم وتضحك غير عن امس من رحتله

 

نور : خير ياربي خير سنج يضحك اليوم

 

أيناس: مصطفى بقه للصبح وياي يحجي

تحسرت وبلعت الغصه الي تكومت بلعومي عليه

نور : يالله ياربي يديم الراحه والمحبه بينكم

كعدنه عصرونيه ناكل ونتشاقه اجت علياء تلوب وساكته

 

أيناس : من عده اخبار من بتول شوكت العقد مالته شو نكطعت اخباره

 

علياء : شلج بيه داده خل تولي لا بجدرنه ولا بخبزنه

 

أيناس :لا أسال خاف محتاجه شي

 

نور : نسيتي شسوت بيج ايناس طلعت العمل من بيتج

 

أيناس : شيطان شاطر حبيبتي مدام هسه كفتني خيره شره خلوكم ويها واني من بعيد لبعيد اسعادجن بالي تحتاجه

 

علياء كامت ما استحملت بقت تبجي واني كوه مصبره نفسي وحتى علي كام يتحسر وساكت بقينه لليل كاعدين احمد ابن ايناس يتنحس ويبجي على ابو وهتان زينه تبجي بس اذا ايناس نومته بحضنه تسكت وهي روحه تلوب من حمل هجي خلصنه هذا سبوع علي ياخذ جهالنه وابن ايناس ويا يخليهم يتعبون ويجيبهم نايمين بالسياره فكها من حمل شكبره الى ما يوم الجمعه دكت رجله تريد تروح لهله وعلى شنو ذنبكم مسلوبه راحتكم

 

علي : يابه شعدنه اشو انت وجهالج بغرفتج حتى مطلعون اله اصيحكم ماكو مترحين منها شنو مو حسبت اخوج اني

 

أيناس : لا والله بحسبت اخوي بس ياخي شنو ذنبك انت مسلوبه راحتك

 

وحاول شكد يقنعه بس ماكو راسه والف سيف متبقه اخذه علي هي والجهال ورجع ضايج حيل لف راسه ونام

 

علياء "

 

واكفه الوب بالمطبخ اريد احجي المن احجي روحي فرفحت على ايناس

ضياء : شبيج علياء

جنت منتظرته من الله نهديت ابجي وروحي تفرفح واحجي اله هو بقه يدك على راسه ومحتار مثلي وفضل سكوت بس كالي اتصل على بتول خل نشوف وين واصل الأمور هزيت راسي موافقه وكضيت تلفوني وجاوبتي بحس باجي

بتول : الو هله علياء

علياء : هلا بيج وينج مختفيه كلتي اعزمجن على العقد ونصالح وهل هل

بتول : عقد الاسو عليه علياء تبهذلت وبس دموع وداعتج والحجيت ابتليت وسكتت بتليت

 

علياء : سولفي بعد اختج سولفي

 

بتول : حجت امي وي خالتي وكالتله مصطفى لو ذبحينه مراح يزوج بتول بس اكو مشيه بعد كم يوم معرف شنو اذا خطبه ابو مصطفى من ابو بتول راح ينحرج ويوافق واني قنعت ابو مصطفى

 

كعدت امي يومين تقنع بابوي يوافق وهو يصيح ما انطي بتي على بت اخوي واخرب بيته ويفرفح وامي ويا من جه اني اعرف مصطفى كلش زين رفضت وكت الماما تنسه السالفه خابرت خالتي ام مصطفى

 

ام مصطفى: بتول خاله تجين يمي وفن واحد يمسج لو يسمعج حجايه وهاي ام سحوره يتفين حضه ونكله سكتوي ونفجر القنبله بيوم العقد نعزمه 

 

بتول : خاله مصطفى من غير شي يكرهني من شافني بالمطعم وي الولد اضحك

 

اهنا عرفت سبب كره مصطفى البتول وعرفت مسويه مصيبه اكبر من ضحك وي الولد لان مصطفى مو لهل درجه معقد بس معرفت السبب الرئيسي وبقه مجهول وجنت منتظره ينكش مدام لزمنه راس الخيط

 

كملت كلامها وحجتلي اجها مرتين للبيت وهي كالتله قابله بكل شروطك وبدت تسولف على سفره ايران

 

بتول :اول ماعقدنه بكربلاء سافرنه اني وامي وامه وابوي وعمي وهو بس هو مطنكر وكل شويه يتصل على علي ويحجي وي احمد ابنه ويبتسم ومن يحس بيه بصفه او احجي ويا يقلب وجه

 

وصلنه المطار ايران ونزلن امي وامه واني بفستاني الابيض وهو لبسه عادي ولا متانق ولا شي تحسه يريد يشرب من دمنه من خزراته النه وجان شرطه انتم دفعون كل شي مهر سفر فيز جوزات ولا ربع دفع هو وكل ما يكلوله على حاجه يكلهم ماعدي منين اجيبلكم اني بركبتي عائله وانتم ورطتوني كل شويه ابجي وامس وخالتي يسكتني ويصبرن وكل وحده تقنع شكل ختمته خالتي ام مصطفى

: هسه دخلين للغرفه ويا وبدلي والبسي وتانقي وتعطري ودلعي راح يفتر عقله ابني واعرفه يموت بهاي السوالف

هزيت راسي مقتنعه بكلامهن لا والله اقنع بنفسي واحس تورطت بنتي بعيده عني وهيه متعوده تنام اله بحضني بجيت من طلعن ودخلت للحمام بدلت وتعطرت وعدلت نفسي مثل ما وصن

 

دخلنه ساعه 6للشقه بقيت ساعه ساعتين ماكو ولا اسمع حس بالصاله كمت لبست الروب وطلعت للصاله شفته فارغه !

بقيت كاعده بمكاني لا اكلت ولا شربت وبطني تكطعت من جوع بقيت للربعه صبح على كعدت وبس ابجي ودمعه جر دمعه

 

دخل وي حدود الاربعه ونص يفر بالمفاتيح ويقره قصيد تحبه ايناس دوم تنزله ستوري جانت ومن زمان تحبه مو هسه قبل لا تزوج احمد اصلا انحسنت سحن من القهر والحركه

 

شافني راح للغرفه بدله ودار وجه ونام

بتول : مصطفى عشاك هذا برد وما اكلت منه

:اششش حرف ما اريد اريد انام واطلعي من يوجن عود اكعد خوش

 

طلعت من غرف بايدي ملابسي سبحت وجوه دوش شبعت بجي

اجت خالتي ساعه تسعه رحت كعدته يفتح الباب بقه خازرني

 

مصطفى: اي شي بينه يطلع حسبي الله ما خلقج انهيج

 

بلعت ريكي ساكته وهو طلع فتح الباب ودخلت امي وخالتي سكتت وما نطقت حرف واحد 

 

خلصنه سبوع على هاي الحاله كمت ما انتظره انام من وقت وما احجي ويا كلمه اكعد صبح الكه اكل بثلاجه عمي ما يجي عليه عباله مصطفى يمي 

 

طكت روحي رفعت التلفون على امي احجيه على كل شي طكت روحي من احساس الذل والاهانه صوج مني اني الي هنت نفسي ردت عليه امي واني انفتكت بيه

 

بتول :كله منج من اول مره سويتي العمل خربتي عليه انتم اهل انتم ولا واحد فكر بيه اني صوجي والله العلي العظيم صوجي وافقت على حجيج نذليت يوم نذليت

 

ام بتول : والله الخاطر عيونج سويت والله على مودج سويته شفتج متلوعه عليه

 

سديت منه مفرفحه روحي ومطايقه احد شويه شفت فوني يتصل اختي الي مخليه عده بتي رديت ابلع بريكي خايفه على بتي

 

سهام : ها بتول خابرت امي تبجي احجي شبيج

 

بتول : ولج مذبوبه مثل جلب هنا صار سبوعين وحتى ميجي للشقه غير بالليل ساعه بثالثه من يدخل احس عليه واكوم ياخذ فراشه وينام بصاله ولج كله بسب امج وابوج انذليت

 

سهام :شلج بيه هاي انت مو داكه روحج بنعال عليه وكنالج مزوج يحب مرته

بتول :اي اريده بس مو بطريقت امج وخالتج لعبن بحالي ضيعن شبابي

 

سهام : كنالج انزوجج اغات اغات بس انت دكيتي روحج وسويتها عناد يطبج مرض

 

سدت تلفون زاد قهر وبجي وبقيت للصبح بصاله على التلفزيون معبالي امي حجت الخالتي وراح يزيد والضع سؤء 

من حسيت عليه ور الباب عدلت شعري سريع ومسحت دموعي ابتسمتله اول مدخل عبرني وراح للغرفه قفله عليه رجعت لنوبه البكاء نمت وكعدت الصبح.

 

دكيت الباب حتى ابدل واسبح فتحلي الباب والتلفون على اذنه كل عقلي جان يحجي وي ايناس ويخزر بيه مجنت متوقعه خالتي مرزلته عليه وتحجي ويا بنتر لان ضالمني وراكني واني بعدني بعد شبابي

 

رزالني بالمقسوم وطلع وهاي صارله سبوع هو بقم واني بمشهد وحتى اكل خلصت يكلي روحيلهم همه يجبولج واستحي اكل العمي مصطفى مايجيني 

 

علياء : ما اريد الومج فوك الوجع الي انت بي بس ليش شنو جان بعقلج يكلج تعالي بحضني جنت اسمعلج وساكته منتضره تفرغين حركت قلبج بس انت تصرفج خطاء وكلامج عن زوجج خطاء جاي تشككين برجولته هجي يم اهله تدرين هو ثالث ايام ما راح الايناس بس ما حجت ولو ما هو حاجيلي هم ايناس متحجي بس تعرفين بمصطفى شكد قريب عليه علمود ايناس جان خايف يتقريله وتنفر خلها براحته انت لزكه بي وكرامتج مسحتي بيه الكاع رجعي للعراق ويصير خير

 

بتول: بعد سبوع او سبوعين

 

علياء :الله كريم بس لا تتوقعين يستقبلونج بالاحضان

 

سلمت عليه وسديت التلفون رفعت راسي من دخل ضياء دخلت بحضنه ابجي وهو يمسح على عيوني

 

ضياء :ما تقربله صح⸮

 

علياء :وين عرفت ⸮

 

ضياء : بيوم الي مصطفى شاف بتول بالمطعم وي الولد اني ويا

 

توسعت عيوني بصدمه من المصيبه سمعته

 

يوم ستكتمل حروف الروايه ستكون العيون باكيه

★★★★★★★★★

استغفر الله

اللهم صلي على محمد وال محمد