تاريخ النشر : 08/30/2024, 24:46:16

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

مصطفى"

 

دخلت للبيت بعد ما وصلت أيناس بيت اهله واسمع امي تعيط وي ابوي تتعارك وي ابوي ستغفرت وردت ادخل استوفني اسم أيناس

 

ام مصطفى: ولك يا رجال افهم شنو يعني يزوج ارمل حتى لو ما عده جهال جانت تحبه وطب وتطلع ويا الله يعلم شمسوين ما مسوين

 

أبو مصطفى: لا تضلمين بختج يا مره عدج بنات وبعدين نسيتي هاي بت امير القبيله 

 

أم مصطفى: يمه شون بيه راح يموتني هل رجال جاي تفهمني جاي اكلك لو اميره ما دامه ارمله مريده لبني شنو شناقصه محامي وبيت وكل شي 

 

أبو مصطفى: للا تتوقعين اوفق على خطبت بت اختج لو اخر مره ضل ما اخليه صير جنتي تحلمين 

 

أم مصطفى: انت تطرب على الكـ....  

 

مصطفى: يمه لهنا وكافي لا انتي الي راح تعيشين ويها ولا انتي الي راح تربطين اسمج باسمه 

أم مصطفى: لا بالله ابني مو صاحي ولك يمه ساحرتك 

مصطفى: يمه السحر شغل اخواتج لو نسيتي ام بتول شسوت؛ حجيته ورفعت حاجبي اله 

أم مصطفى: مسويتلك حرز لا تضلم بختك والبت تعال وشوفه الكل يتمنها 

 

مصطفى: خلص لعد أيناس هم مسويتلي حرز على مولتج؛ وهم هاي الشيخه والكل يتمنها مو شباب عاديه لا ولد شيوخ القبيله ولد الامير قبيله بعد مو بت اختج الي عقدت سبوع والسبوع الي بعد طلكوها؛ اني عمري كله ما حاجي بعرض العالم استغفر الله واتوب اليك ربي من هاي البشريه 

مصطفى: امي شوفي من الخير هاي قبال ابوي فلس احمر ما تشوفين مني تمام وبتول لو اخر مره بالعالم ما اخذه تردين تحظرين العرس وتصفكين وتهلهلين تعالي متردين الله ومحمد وعلي 

 

تركته وطلعت بعد يوم واحد للحنه مالتنه دكت تلفوني مالي خلك اجوبه بس المتصل أيناس  

أيناس: الو اسفه ضوجتك 

 

مصطفى: يوميه ضوجيني هجي ممكن 

 

أيناس: احم… مصطفى اريد اطلب منك شي حباب لا تردني 

 

مصطفى: شاربي مو عليه اذا رديتج

 

أيناس: اريد اروح للسوك اشتري كم شغلة يعني شغلت نيشن وهاي سوالف 

 

مصطفى:خاف عليج تعبين اني اخذج بعيني بس شنو رئيج توصين من النت 

 

أيناس:لا شسمه ما فهمتني شوف شسمه هو هو 

مصطفى: علكتي بويه شنو 

 

أيناس: لا شوف مصطفى عود هذا 

 

رغد: امداج شو طيني خل اني احجي ويا

 

أيناس: ترى انت ورطتيني كتلج ما ادبره خليه وحده تجي 

ضحكت من كل قلبي واجني صوت رغد وهيه هم جانت تضحك أيناس اعرفه شنو خجوله مو مال هجي سوالف 

رغد: مصطفى خوي تعال اخذه طلعو سوه بحجت نيشان اختارله ملابسه على ذوقك نسقو لبسات سوه شوفله عطورات الي تعجبك يعني من هل سوالف فهمت عليه مو … وها نسيت اكلك ترى أيناس جانت حابه الفكره وهيه الي اقترحته بس المسكينه طلعت خجوله 

 

مصطفى: رغد تكدرين تتنفسين صح؟ 

شكيت بعد الجريده الي حجته تكدر تتنفس 

رغد: اهو شوف اني وين وانت وين 

مصطفى: كله تبدل اني جايه 

 

رحت عليه اجت لابسه الوان بعد فتره كلشش طويله بالاسود وعيون مكحله صعدت يمي واني صافن بوجه 

 

أيناس: شبيك مصطفى تسمعني لو لا

 

عضيت على شفتي سفليه وغمزتله دارت وجه عني ومنزله راسه 

مصطفى: تدرين حسام رسام شيكول 

 

بلعت ريكه بلكوه وجاوبت: شيكول 

 

مصطفى: عجيبه الكحله ما ذابت على جفونج وانا زلمه وذبت من نظرت عيونج 

 

بقت منزله راسه تفرك باديه حركت سياره وصلنه للسوك وهيه بعده على توتره سحبت ايد بسته 

مصطفى: وين روح حبيبتي

 

أيناس: ها…لصايغ الذهب نشتري حلقات

 

مصطفى: اممم… وبعد 

 

أيناس: ومحل مال الملابس و الكسسوارت وهجي ومحل شسمه هاي شسمه نسائيه 

ضحكت اهز راسي صفطت السياره ابوعله تتقدم خطوه ترجع الف 

بعد ما فرتني السوك كله وكفت يم محل العطور دخلنه اني ويها بعد ما ودينه العلاليك بسياره 

أيناس: مصطفى شوف هذا عطره طيب؟ 

 

صفنت بوجه وضايع بعالم ثاني اريد اكدر ارد بي ضاعت الاجوبه مني نسيت احنه بالمحل اخذت ايده الي مخليله العطر عليه شميته بشوغه وبسته توترت وسحبت ايده مني… 

 

أيناس "

 

كاعده على الكوشه بعد ما البنات سون حفله وما قبلن ما اسوي حفله زغيره وبينه حفله الحنه بفستان بسيط مشتريته رغد ما مفتوح حيل مرتب وحلو صبغت شعري وفاتحته على طوله واصل لكربت رجلي ولبسه مثل طوك على راسي كله فراشات ومرتب 

 

دخل مصطفى حنه ايدي ولبسني الذهب وطلع محبيت لا ركص ولا شي كلش جنه هادئين ومصطفى هم خجول ميحب هل سوالف 

 

رغد: تتهنين يروحي ويبعد عنج عين الحاسد 

 

ابتسمت اله وبست خده واجتي علياء والبنات كلهن سلمن عليه اتبوعت بتول ماكو صحت نور تشوفه 

 

نور: كاعد بالغرفه وعيونه حمر يمكن تبجي 

أيناس: شون تبجي ليش؟ 

اشرت العلياء راحت اله شويه واجت سلمت عليه 

أيناس: حلفتج بالله تكليلي ليش تبجين

 

بتول: لا يضل بالج والله سمعت حجايه وحزت بخاطري وبجيت ماكو غير شي 

 

ما صدكته اجت رغد وسولفت سالفه كامله وشون مرت عمي ابو علي معيرته

واني بقيت الوب عليها صعدت نمت وثاني يوم اجتي رغده ساعه تسعه ويها بنات ثنين سوالي مكياج ولبست فستان طويل ورتبلتي شال وعليه تاج بطريقه حلوه مرتبه تبوعت العلياء لكيته تبجي 

درت على عمتي هدى تبجي 

 

أيناس: بالقرآن الكريم اني گوه حابسه دموعي ومقاومه ليش هجي سون بيه 

 

سكتن كل وحده مرتبه شكل حتى بتول شفته تضحك وكاشخه وحاطه مكياج سمعت ديجي جوه رفعت نظري على رغد 

 

رغد: لا تبوعيلي ادري عرس لو فاتحه البارحه كوه قنعناج على حنه واليوم العرس تردين سكته حتى الولد عباله رايح فاتحه مو عرسه 

 

تنهدت لان كلامها صح شويه واجتي نور وكفت بالباب وتبوعلي وعيونه دمعت 

 

نور: يا فرحتي بيج 

ام البنين اتلكته أيناس حلوه زفته 

وهلهلت هلاهل اني انصدمت منه معبالي نور دخلت وسلمت عليه الى يمكن طكت بلاعيمه واجتي عليه حظنتني وشموسه بيدها لبسه بدله بيضه وعليه فيونك من ورى بلفيونكه اكو جزء طويل مكتوب بي العروسه خالتي 

 

تبوعت الجهال رغد هم لبسين قوط تجنن عليهم وبظهر مكتوب العروسه خالتي ابتسمت الهم ونزلت بوستهم وحظنتهم

 

نزلنه على درج البنات مرتباته وخلالته ورد والدرج فارشاته فرشه حلوه صاير شكله حلو مال زفه مرتبه رفعت عيني مصطفى والولد واكفين بنهايه درج كل البنات نزلن وكفن على جه وحده ويصورن نور بقت وياي وريم اخت علي فوك تصور والبنات من جوه كلهن يصورن بدو الولد بالهوسات 

 

علي: ياناس صلو على نبي عريسنه جنه اجنبي 

الولد ضحكو وبد ولد عمي يعزفون ويصفكون وشي يهوس ما اذكر هواي 

تفاصيل بس كل شي جان مصور

بس اذكر سامي سوه زفه بصوته وجانت كلش حلوه عباره عن انشيد دينيه وختمه بمولد النورين لباسم كربلائي 

 

سامي: صحت يا طيور غنيلي 

على غصن العشق ميلي 

بزواج النور اريد الكون 

يعيش افراح غني لي 

خلي الليل ونجمه يرسم اجمل بسمه 

بشفاف الكمره 

خل الورد بكاسه تتعطر انفاسه 

من ينثر عطره 

الليلة بهالفرحه مرت اعذب نفحة 

 

الكل: عساه سعيد ومبارك 

تظل دوم الفرح دارك 

 

سامي: اي عساه اسعيد ومبارك 

 

دمعت عيوني واني اشوف ابوي واخوي سند صعدو الي نزلوني من الدرج واني بيدي المسكه وحذاء الفلات والفستان البسيط كلوشه وطويله حسيت نفسي اميره بي 

اخذونه للستقبال الكل جان هناك عماتي وخالتي وبيبياتي ولد والبنات حرفين جانت خنكه كعدت على كرسي والكوشه البيضه البسيطه ومصطفى يمي ثنينه هادئين وهو طلب يشغلون بس مواليد واناشيد مراد اغاني شويه وعمي جاب الشيخ وفرغ الستقبال بقت بس المصوره وامي ورغد وكفات يمي يعدللي بشال ومصور توثق كل لحظه النه 

 

كمل السيد واني انطيت موافقتي 

السيد: سمعونه صلات على محمد وال محمد 

 

الكل: اللهم صلي على محمد وال محمد 

 

ومسك ايد مصطفى وكمل كلامه بنهايت الكلام 

مصطفى: نعم قبلت تزوج 

 

رغد فوكاي طرشت اذاني بهلولته وعمتي ام مصطفى هم هلهلت كام مصطفى سلم على الكل رجع عليه ورغد كومتني اله 

 

باس كصتي وحط كصته على كصتي ودي حوطت خصري شالني ودارني بمكانه ورجع نزلني وباس اديه ثنيهن 

 

اني هنا لو بيدي اتبخر عمامي كلهم واكفين والولد هم 

 

مصطفى: الف مبروك حبيبتي 

 

أيناس: الله يبارك بيك 

 

اخذ ايدي وطلعنه وصلنه للباب الخروج 

بابا وكف يوصي بي عليه 

 

ابو ايناس: بويه مصطفى ترها المدلله عينك عليه لا تكسر بخطره المرت بي مو سهل شافت الموت بعينه لا تخلي دمعتها ترخص يوليدي 

تقدم عليه بابا باسني واني حظنت ركبته بقيت بس ابجي وهوه يهدي بيه 

التفت على امي لكيت عيونه مدمعه هم حظنته وطلعنه ايدي بيده صعدنه بالصدر وهو يسوق مشغل مولد بسياره واني المسكه بحظني وسيارت الولد كدامنه مسوين زفه زغيره تبوعت لساعه السياره ب1:40 التفت على مصطفى ساعه يبوعلي ساعه يبوع للطريق اني مرتبكه وهو هم مرتبك 

 

أيناس: مصطفى عادي نصور بتلفون 

اريد بس افتح موضوع هو ابتسم لان هو اصلا يريد يحجي وخايف مدري مرتبك 

 

مصطفى: اي والله شغلي الاغنيه الي تعجبج وفتحي الكامره وخلينه نغني عليه ونصور

ابتسمت بوجه وشغلت علي الدلفي 

«الف مبروك» 

 

بقيت اصور واغني وي الانشوده وهو مندمج وياي نغني ونصور بعدين هو كض ايدي وبقه شابكه ونغني نصور نزلنه ادينه نصور بس ادينه والاغنيه مشتغله 

 

وكف يم مطعم نزل جاب اكل واجه وبحكم هو محامي سيارته مضلله محد يشوف منه شي فا رفعت البوشيه الي خالته الي وبدينه ناكل واحنه نمشي وهو ياكل ويسولف وياي من تقربت من مصطفى عرفت انسان جد لطيف وهادء وقلبه نظيف معده مشاكل وهادء وحتى وضيفته مو مثل شخصيته وضيفته يردله شخص قوي وخارق على كولته بس هو انسان مسالم ومو عصبي وهادء طول الوقت يا يقره يا يكتب يا نطلع نتمشه اني ويا وحتى لو صار خلاف بينه اني اتعصب وهو يبقه بس يبتسم من اساله يكلي احب شكلج طلعين كيوت 

وانتي جنج سنفور مقابيلي واني اذا اكضج اخليج بجف ايدي بس اني اعصبج عناد حتى اشوف شكلج انسه العركه وابقه مركزه ويا

 

وصلنه الكربلاء المغرب لان كل شويه يوكف اني مستحمل طريق وصايره اتعب بسرعه وهو خطيه يوكف يفتحلي الباب من جهتي ويشربني مي ويخليني اشم الهوى ويرجع يصعد الشقه مالته مجهزه وصايره حلوه والغرفه مرتبه وشكله حلو والنزله البيضه ودشاشته الي معلكه على مسند الروب الابيض الي معلك شحطاتنه الي محطوطات صفه العطر الورد المنثور حرفياً منظر حلو صورت كل شي وهو مبتسم الي واني اصور احس بتقيد من يتبوعلي بس من يبتسم يخفف التوتر والقلق ويعلمني شون اصور بطريقه احله 

وكفنه قبال المرايه وصورنه المسكه بايد وهو ايده عل خصري كل صور يجنن ادينه سويه شكد جانت تفاصيل حلوه بقت بذكرتنه ما تنمحي 

 

نزلنه انزور ونصلي بين الحرمين فعلاً زرنه وصلينه وبقينه كاعدين لل8:30 

وكمنه اخذنه عشانه ورحنه للشقه 

 

رحت للجنطه فتحته طلعت منه تراك ابيض هادء ورحت سبحت وهو راح لبس دشاشته بقه واكف يتعطر حلو منظره شكله حلو اول مره اشوف جماله 

كعدنه نتعشى ونسولف وسولفه ضحك ابد مو سالبي ايجابي بطريقه حلوه وفرفوش 

 

نور" 

 

طلعت ايناس هي ومصطفى رشو على سيارت مي طلعنه سوينلهم زفه زغيره لنهايه الناصريه ورجعنه كلمن البيته اني وعلي لبيتنه وسامي ورغد وضياء وعلياء وسايره الولد اصدقاء مصطفى هم رجعو 

 

وصلنه الشقتنه فزيت على صوت علي

 

علي: شنو سالفه شبيج حبيبتي يله نزلي

بشنو صافنه طاحت ايدج من ورى شمس 

 

صدك نايمه على ايدي ابتسمت وهزيت راسي دار من جهتي واخذها من ايدي واني نزلت فتحنه بابا الشقه وصعدنه راح علي لغرفت شمس يخليه بغرفتها 

 

رحت اني للمطبخ اسوي اي شيء لان التهيت وي البنات ونسيت نفسي ما اكلت واني شوني هل فتره دوخه كظتني 

 

نور: علاوي اسويلك اكل 

 

علي: لا حبيبي اكلت تعالي هنا اكلي مشتاقلج ترى 

ابتسمت اخذت ماعون الزلاطه والروبه ورحت كعدت متربعه قباله ونسولف شويه ودكن البنات رفعت الخط 

 

رغد: ولج يمكن كبرت رجليه ما احس بيه 

 

بتول: يمكن كبرتي ولج صرتي عجوز 

 

علياء: ولجن اسكتن  اني اجيت اموت من وجع 

 

نور: ايع ولجن شبيجن ترى مو هجي شدعوه كله رتبنه صاله والكوشه حتى الاكل جابو جاهز 

 

بتول: اسكتي عوفي عجايزنه 

ضحكت على سوالف بتول بعدين كالت اكلجن شي بس اني مفرحانه كل احنه بحماس اصرينه اسوالف 

 

بتول: شسمه ليث ابن عمي حاجني كال راح اجي اخطبج من ابوج بس اني هم يعوفني على نص طريق فكتله مريد تجي تعلقني بيك وتكسرني 

 

علياء: ترى خيه مو كل الزلم خيخه هاي ضياء سامي علي ومصطفى ما عافونه بنص الطريق سامي تمسك برغد من قبل لا تزوج ازوجت وطلكت وعده بنيه وهو متمسك بيه هذا ضياء اخواني فشخو بالطابوك من خطبني وهل متمسك بيه 

ومصطفى تعرفين ايناس شون سحلته سحل بس همه زلم وما عافونه وحتى مصطفى لو انت ما طلبه طلاك ما يطلكج بس انت الي اصريتي عليه وكالج يابه اني متسمك بيج بس انت دكيتي رجل 

 

بتول: والله اعرف بس اني مريده يعيرني بعدين وامي طكته بسحر كتلك اتخلص من بدايه وهسه ما اريد ازوج لوله كلام الناس وصارت عانس ونفصخت خطوبته مرتين 

 

نور: حبي مالج دخل بناس انت شوفي الي يعجبج سوي 

بهل اثناء حجه علي وي بتول وهي خجلت واني نسيت هو كاعد 

 

علي: توله اذا تردين اني اشوفلج الموضوع بس اصبري عليه يومين 

 

بتول: لا خويه مريد اتعبك ولا شي اني رافضه 

علي: عوفي هاي سوالف مال رافضه ومعرف شنو ليث اعرفه خوش ولد بس اني اتاكد منه بسكته واكلج اتوافقين لو لا خليه وراي 

 

صدك اقتنعت واحنه مكيفين اقتعنعت نمنه بيومه مرتاحين خلصنه من زواج ايناس ومصطفى صار سبوع نركض ركض وما ملحكين بس الحمدلله جان كلشي بسيط لا قاعه ولا اي شيء واخذو جوالتهم (هدومهم) على كولت بيبيت علي وراحو بكربلاء وحدهم بعيدن عن الازعاج 

 

ساعه جانت ب1:00 بويوم زفت مصطفى وايناس وعلي حرك المبايل على مصطفى كل شويه يتصل عليه اخر شي قفله بوجه متت ضحك 

 

نور: ليش تخبث عليه خطيه هو من غير شي تعلعل 

 

علي: جا عبالج اني انسها اله ضامه اله 

 

نور: عزه يعني الي خبصنه بالاتصالة ذيج المره هو 

 

علي: اي وحلفت بالعباس اردهن اله جبيبي تلفونج اتصل على ايناس 

 

متت من ضحك عليه وبقه يتصل بايناس الى ان نقفل 

 

علي: افيش يمه ارتاحيت 

 

ضحكت بصوت علي وهو كام حظني وحط وجه بوجهي 

علي: شهل ضحكه اول مره اشوفج هجي ضحكين 

 

بلعت ريكي وبلكوه حجيت بصوت مبحوح ويرجف 

نور: علي اني حامل 

فتح عيونه على وسعهن وحظني وحط راسه بركبتي وبقه يشهك رفع راسه وكظ وجهي بادي 

 

علي: صدك تحجين لو تشاقين 

 

نور: وداعت اعيونك 

باس وجهي كله وحظني واسمعه يتحمد لله 

 

علي: الف الحمدلله الف الحمدلله 

 

بتول "

 

مر ثالث ايام على روحت ايناس ومصطفى لكربلاء وعلي كل يوم يخابرني ويستفسر مني على خطبت ليث اخر شي خابرني كال اليوم راح يجونكم 

 

صدك اجون استقبلناهم وضيفنهم وعمي 

فتت عليهم بالستقبال كعدت بصف ابوي 

وهو مقابيلي طلب نكعد سويه بس اني ويا طلعو وخلونه وحدنه 

 

ليث: بتول صدك خايف من اني اخذلج واعوفج