تاريخ النشر : 08/21/2024, 11:13:50

زهراء الركابي

 

ذي قار القيثاره الذهبيه 

★★★★★★★★★

 

سدت الخط امي و بقيت ابجي وحدي 

سمعت صوت علياء و هي صيح عليه 

ما رديت لان من صدك تعبت 

 

شويه و دخلت يركضون أحمد و علياء

عليه حضني و يهدي بيه 

 

أحمد: والخلقج اموتهم و الي وصل الخبر الجدي انتِ مو مريضه دباره يمي 

 

علياء : أحمد ترى امي راحت وصلتله الخبر 

أحمد: شنو شنو ليش بله

 

علياء: متعاركه وي ام أيناس و رايحه كالت الجدك 

 

أحمد: ثوله متعرف راح ترتاح إذا كالتله 

و بعدين هي مو طلكت من ابوي شكو رايحه العمامي ولا تنكدر 

 

بقيت استمع الهم و انشغ من حد البجي 

التفت عليه أحمد باس رأسي 

 

أحمد: اسم الله عليج بويه لا تتحسرين تاخذين روحي 

 

أيناس : والله عظيم طاح حظي الي يريد ينتقم منك لو من ابوي مني الي يريد يتعارك ويحرك قلب امي مني اني شون بيه 

 

تحسر و ضمني لصدره خابر على بابا

 

أحمد: هله خالي ..... بعد روحي خالي سد سالفه من يمك آني ما اجي و البنات يبقن هنا نخلص هذني الاسبوعين ونجي 

....... هسه اخابر عمي ابو علي و ابوي.......خالي هاي اختك فالت البرغي مالتة ضبه ...... هههههه لا خالي لا أبد بس تناشغ و تلطم زين ما ماتت هو خبر هذا تنقلون اله من شتعل شيب الخلفكم ....... مو عليك على غير ناس...... بتسم الله وياك و سد الخط 

 

أيناس: ها شنو شصاير احجي 

 

أحمد: اخذي نفس من اروح فدوه الهل خشم و شفه 

نطن عيوني و ضربته بصدره 

أيناس: كوم اطلع بره يا ما تستحي 

 

علياء : يمه متت خرب بيج والقران قلبي احسه وقف 

★★★

 

صار النه اربع ايام بايران طلعنه اني و احمد و ساره بقت يم ضياء و علياء رايحين يطلعون و كالو خليه أنتو روحو

 

أيناس : أحمد عادي بس نرجع تقدملي ع مدرسه لان يردوني مسائي و آني ما اكدر مسائي 

 

أحمد: سهل ، بعد غيره لان اكو حجي لعيونج

 

أيناس: أنت واعدني تقدم وياي 

 

أحمد: ما ناسي و جنت أريد اسويه مفاجئه بس حظرت جنابنج طيرتيه 

 

أيناس: اوي كزكزت عليك تعال اعضك 

نطن عيونه و تباوعاي و كح يداري جفصتي 

أحمد: امشي خل ناكل 

أيناس : مو جوعان مسويه دايت 

 

أحمد: يلوكلج حجه و ابتسم 

 

أيناس : تدري شنو 

أحمد: شنو 

 

أيناس: احجي بس ما تكول خفيفه 

 

أحمد: شوكت حجيت هل شيء عنج 

 

أيناس: شوف هو اني ولا مره حجيت ع مشاعري عادي احجي أحس الحجي خنكني 

 

جنه واكفين اتربع و هو يحجي

أحمد: امنيه حياتي اسمعهن منج يله 

 

أيناس: بلعت ريكي شعر من بارحه احفظ بي 

** ياكلشي وكلاشي و يااشكال الوان

طفل كلبي تعدة و شاف تكانك

ظل واكف ابابك كتلة اخذ شتريد

شو رادك شلع وي قطعة اعلانك

خلاني العشك تفكيري ماموزون

صدك كمت احسد فرجة اسنانك

لأن تلمس اشفافك كل صباح و ليل

ولأ بعظ الاحيان اداعب اللسانك

شفتك مرة وحدة و صار بية الصار

عمي الله يساعد كلب جيرانك

وية غيرك اردبس العن الشيطان

و انتَ اشماالعنة يزيز شيطانك

كون بليلي اظمك ليلي يحلم بيك

كره حتى النهار و انتَ ماخانك

احسك ملتزم عاصي اعلة روحك حيل

بس صدرك تمرد كسر عصيانك

و احس بعماق روحك صرخة استنجاد

على الحمل الثكيل الشالتة اغصانك

لو يصفة الوكت و اتكابل انة وياك

اشم تفاح خدك واسكي رمانك **

جان صافن بعيوني و يبلع بريكه

أحمد: أيناس نطقيها كولي احبك خل اسمعه 

أيناس : تاخرنه يله نكوم

 

أحمد: توه حجيتلي شعر يشعل شيب

خلفني و من اكوله كولي احبك كوم تاخرنه والله اليوم ابات بشارع اذا متكوليه

 

أيناس: ما احبك يله كوم 

كام وهو يدردم و ماله خلك و يسب و يغلط 

 

رجعنه للشقه لكينها فارغه خابرهم 

 

أحمد:أنتم وين ..... تمام ....لا لا رجعنه ....لان أيناس تعبت .... الله وياك 

 

أيناس: ها وين 

اتباوعلي بنظره خزرني 

 

أحمد: روحي واصله لهنا منج أمشي ولي عني 

 

ضحكت و رحت للغرفه فتحت تلفوني و خابرت بابا 

 

أيناس:هلا بابا شونك 

ابو أيناس: هلا بويه شونج مشتاقيلج 

 

بقه يسولف و يعبر عن اشتياقه إليه و سديت فون كمت اسوي عشه 

و احمد ويايا يغني

 

أحمد: صدك مخطوبه يفلانه 

صدك باجر يزفونج 

عسنى لا يجي باجر و اشوفن دمعت عيونج 

أيناس: مجبوره وغصب يفلان 

غصبوني و رضيت اني 

و يذبحوني من اكولن لا و اصيرلك خبر كان

يذبحون وتظل أنت وحيد بهاي دنيانه 

لبست الخاتم ابيدي و يادي حيل حزنانه

 

جنه نغني و متحمسين و منعرف منو ويانه واحد هاي بثاني و نغني و عيونه مدمعه لان صدك ايام خطوبتي اذاتنه سنتين احنه متاذين سكتنه ع صوت يصيح الله و صوت تصفيك التفنه لكينه 

ضياء و مصطفى و بنات عمي و علياء و ضياء التفت الاحمد 

أيناس : هذا الجمهور كله جان يسمعلنه 

 

أحمد: ضحك و كال أي اي جمهورنه 

بجيت و هو يضحك عليه و اجه حظني 

و آني عزه كل منك و هو بس يضحك 

 

مصطفى: عوفو رومنسيات اجينه علمودكم تجون تسلمون علينه 

احمد : نجب لا هلا ولا مرحبا بجيت عزيزت قلبي 

مصطفى: شسمه أخذه واطلع عدنه 

شغل بشقه و صدك طردونه من الشقه

 

و آني صافنهم أيناس: عزه شبيهم ذواله 

ابتسم وحجه 

أحمد: امشي يفلانه امشي 

ضحكت و مشينه و رحنه نزور كعد احمد مقابيل الأمام و حطيت رأسي ع متنه و هو كاظ ايدي و يتباوع على قبت الامام و يحجي 

أحمد: اوف ربي تحققت امنيتي و أخيراً ياربي محتار شنو اسوي من فرحتي 

روحي من الفرح احسه طايره 

و هو كل شويه يبوس ايدي 

 

ابتسمت و رجعنه للشقه و لكينها ضلمه عزه أحمد يمكن طلعو 

أحمد: أي يمكن فوتي حبيبتي 

 

أيناس: احمد خاف ضلمه اشعل أي شيء

ما اسمع صوت طكاكات وصوت اغنيه عيد ميلاد بقيت متصنمه بمكاني 

و هو يضحك عليه ع تعابير وجهي 

 

أحمد: كل عام وانتي بخير معشوقتي 

نظر عيني 

أيناس : عزه عود صدك اليوم عيد ميلادي و محتفلين نفس ما اتمنى وعلي فلا توقعته حسيت نفسي بمسلسل هندي 

 

ضحك احمد بكل قوته و حضني 

 

احمد : أريد البسج هديتج 

طلع علبه بيه كلاده ذهب و اسوار الاسوار بي اسمي و الكلاده بيه حروفنه ابتسمت و حظنته وهو يضحك و شايلني

 

مصطفى: يله تعالي هاي هديتج جان جايب كتاب ويا و رده 

 

علياء : و هاي هديتنه اني و ضياء ملكينه احله من هل هديه 

 

جانت الهديه صورتي اني و نباء محطوطه بايطار و كلش جبير و حلوه 

و مكتوب عبارة بيه 

أيناس : عزه يمه قلبي والله معرف اشون اشكركم ركضت ع علياء حضنته و دمعن عيوني و هي ابتسمت 

علياء : جنت أريد اجيبلج ذهب بس ضياء اقترح هل شي 

أيناس : عزه والقران تسوه ذهب هاي اعز من روحي الهديه صارت 

 

احمد جان واكف و مبتسم بنات عمي هم جايبات هدايه أخذتها و تشكرات منهن و خلصنه احتفالنه و احمد كال باجر نرجع حظرن نفسجن و فعلاً لمينه الاغراض كله و نمنه من وكت و حجزلنه تذاكر 

بالمطار و احمد لزم ايدي و ايد بنته حجزلنه اني ويا نفس مقعد و بنته مقابيلنه وي بنات 

أيناس : احمد إذا وصلنه العراق متعوفني مو 

احمد : ليش اني عفتج قبل حتى اعوفج هسه 

ابتسمت و خليت رأسي ع جتفه وهو حاظني وكل شويه يرفع ايدي يبوسها 

 

★★★

 

وصلنه العراق تلكونه بالمطار بابا و سند  و واحد من خوالي رجعنه للبيت الجبير لان كله منتظرتنه صعد احمد وياي و كاض ايدي و يطمن بيه 

 

أحمد: إذا شفتج تبجين اكسر الراسج و اعوفج أريدج صلبه و توكفين بوجه شيخ القبيلة 

 

أيناس : أن شاء الله

 

وصلنه و جدي واكف بلباب و ذبح النه ذبيحه واول ما نزلت سحبني وباس رأسي

 

شكد حنون و يحبني بس قرارته دائماً تاذيني و تكون قاسيه عليه ولا مره عصيت امره كونه شيخ القبيلة و الارجل الاكبر بعشيرتنه و بابا راح يستلم مشيخه منه و رفض واحد من ولده يستلم مشيخه رغم خالي ابو احمد و خالي ابو علي و خالي خالد و البقيه بس اصراره على انو بابا يخذ المشيخه شي كلش ما عرفنه سببه و بقه مجهول لليوم 

 

حاكم : هلا بشيخه 

ابتسمت و جاوبته بهداوه 

أيناس: هلا بيك جدو الله يطول بعمرك و تبقه منورنه البيت 

ابتسم 

حاكم : شيختنه الحكيمه فوتي بويه

حجه احمد 

احمد : جدي أيناس ما تفوت إذا حسين موجود و يطلع قبل لا ايناس تفوت للبيت غير هجي أيناس ما تفوت جان يحجيه بصيغت أمر و تحدي

حاكم: تامر أمر صاح ع علي ابن خالي جبير وكاله تكل الحسين يطلع من ديوان ما اريده 

جدي رغم كبره بس يعز احفاده و كل واحد بينه اله مكانه مثل اني و احمد ياخذ بكلامنه بدون ميسال حسين يحبه و ما يرفضله طلب بس مياخذ بكلامه علياء عنده كل ما سافر دوله و لكه بيه علاج يروح يحجزله و يسفرها هي و ضياء يعالجه و ميقبل تنزل دمعه منه يعني كل شخص بينه اله جانب خاص ويا بس هو جبار و كلمته الي تمشي و ما يثني كلمته 

 

علي : جدي اطلع من الديوان من الباب الخلفي 

حاكم : يله شيخه فوتي 

ابتسمت و تنهدت و دخلت 

أحمد: تعال ابوسك هسه و نحجي اني وياك حجي زلم و ما ندخل جهال بينه 

 

ابتسم جدي ع كلامه و مزامطه بلحجي 

دخلنه و اسمع الهوسه بس كاضه ايد علياء و ابجي 

علياء: شجاج احمد ما يعوفج الهم 

 

ضياء : 

جان احمد يحجي برهاوه بحيل صدره و ماخذ ديوان بصوته و محد حجه لا عمامه و لا خواله كلهم ساكتين 

 

أحمد: جدي شيخه الي صيحله شيخه نهانت و نظربت و الي أعرفه اني شيخه لا تنهان ولا تنظرب 

 

حاكم: بس مو هجي تحل الأمر بالهدوء يوليدي  ترهو حسين عزيز عليه ميهولي اشوفه مكسور خاطر 

 

أحمد: جدي إذا حسين حفيدك ف أيناس بنتي ربيته من جانت بلكماط و ربت بيدي 

و حجين و كلامه حافظه تجيني نص الليل تبجي مكتوله  تدري دكتور كال الانسداد الي صار براسه من ظربتين قويات جياته احمد ربك مصاير عدها ارتجاج 

 

حاكم : بس حيف عليك تغدر ابن عمك

مفروض تشد ظهرها مو تكتله حتى يطلكه غصب عنه و هو رايده

 

أحمد: إذا صدك رايده ميروح يزوج بتركيا و يجي و الي يزوجه ابن خالته و انتَ كلي يا غدره اقوه غدرتي لو غدرته

 

حاكم: مزوج منو ولك ؟ مكالي و لا شارني

 

احمد: ازوج حور و بعيوني شفت صورهم 

و من طلعو راحو للمطار سوه و هي راسلت أيناس و تكله تزوجته و ما نفعت سحورتج و لا مكرج

 

جان يحجي و منفعل حجيت اني بهدوء 

ضياء : بويه من رخصتكم صح يابه اني غريب بس ميخالف اطيكم رئي يابه صيح البنات ثنيهن وخليهن يحجن و ايناس إذا عده صور للمحادثات خل تجيبهن 

 

حاكم : أي كوم حسن صيح البنات حور و ايناس 

 

أيناس :

 

علياء و عيونج خايف مسويله لعبه وهو يكول اخليج ترجعيلي

 

علياء : خفه لهل حلك هسه يحلوها 

 

جنه نسولف و دخل ابن خالي حسن يلهث 

حسن : أيناس بسسرعه عباتج و تعالي المضيف 

طفرت و لطمت ع صدري : اصخام بوجهي راح يرجعون يعقدولي ع خيخه 

كلت هجي وضحك و كال

 

حسن : لا لا  جيبي تلفونج و تعالي 

طفرت اركض لبست جواريب وعباتي على ملابسي دخلت و انصدمت بحور كاعده عد رجل جدي و تبجي و تحلف 

 

أحمد: بعدنه محجينه شي بجيتي و نزلت عد رجلي ضاهر تعرفين بروحج مسويه سالفه 

 

اجيت وكفت بشموخ مثل ما وصاني و فتحت تلفون الخالي الجبير و بده يقراه رسائل بصوت عالي و شوف الصور لجدي 

 

نزل ع حور كضاها من شعرها و دفره براه الديوان و صاح ع ولد يجبوله حسين بيومها صارت هواية أشياء مذكره بس اخر شي ظرب حسين كف خلا اثول فوك ماهو اثول كعدنه ناكل أجت ناس علينه سلمت لان جنه بايران 

 

حاكم: أيناس صدك توفت صويحبتج 

 

نزلت رأسي و نزلت دمعتي 

أيناس: أي جدي ماتت صارله سنه و نص 

 

حاكم : ذكري الله جدي الله يرحمه 

 

بقينه للعصر واحد يعيط واحد يحجي واحد يكبس لعبنه لعب كعدنه برى العش نشرب جاي و ناكل حب و كرزات وجو حلو كله تضحك 

 

تباوعلي احمد و غمز و حجه 

أحمد: جدي من بعد اذنك اني أريد اطلب من شيخت بنات ع سنه الله ورسوله 

 

حاكم : اكعد وليدي و عوف مشاكل امها و امك موش ع صلح و فوك هذا ابن عمتك جان خاطبه ما اريد صير علينه حجوه كل احنه نصدمنه اني اول وحده نصدمت من القرار طلع احمد من ديوان فاير دمه و ضياء لحكه بقينه للتسعه و طلعت للحديقه مال البيت لكيت احمد يدخن 

حطيت ايدي ع كتفه هو التفت عليه ابتسم بوجهي 

 

أحمد: لا تتوقعين اعوفج او استسلم اله غصبن ع خشمه اخذج و اشوف ياهو يمنعني لا يوكف لا شيخ قبيله و لا شيخ 

و لا أي واحد 

أيناس : عادي تعودت أصلاً مضايجه أهم شي اني مو على ذمت شخص ثاني و ماكدر احجي وياك ابتسم بقينه للفجر نسولف فجاء فزينه سمعنه صوت صريخه 

 

: ولكم ابوي راح ولكم الحكولي

 

أحمد: كومي خل نشوف شكو

أيناس: احمد اخاف 

احمد: تعالي وياي رحنه ودخلنه

 

ونصدمنه بالمنظر .....

 

يوماً ما ستكتمل حروف هذه الحكايه 

★★★★★★★★★

 

 

اللهم صلي ع محد والي بيت محمد 

استغفر الله

شنو تتوقعون صار؟ 

احمد ممكن يخطب أيناس ويزوجون ويستقرون ؟