تاريخ النشر : 08/25/2024, 12:43:14

الكاتبه زهراء الركابي 

ذي قار (القيثاره الذهبيه) 

 

★★★★★★★★★

 

أيناس: بابا زغير يكول لازم درسين و إني اخاف من المعلمات

 

نبأ:  لا تعالي نصير صديقات و اخليج متخافين 

 

ابتسمت و اني اذكر كلامه طفولي وياي 

و شون جانت تخليني امسح دموعي بكل مره 

نبأ: والله اذا انخطبتي لاحمد ادبجلج دبج واكسر الكاشيه وخلي علياء اصيح اني اخت الولد اني هم اختج 

 

أيناس: اخت العروس ما تركص 

 

نبأ: عادي اني اركص 

 

كعدت اقره قران يم كبره اخذت فتره زينه و اني اقره قران حجيت بصوت مبحوح من كثر البجي و العبره الي بداخلي 

 

أيناس:  نبأ ما اشتاقيتلي والله قلبي يتكطع من نومتج هاي ما تردين تعرفين شصار ما تردين احجيلج تفاصيل يومي مثل قبل زعلتج بشي حتى عفتيني و رحتي 

 

نزلت دموعي من ما سمعت جواب منه 

احس حيلي ينهد و اني اشوفه جوه التراب و عطره الي احبه ماكو ينهد حيلي من ابجي و ما تكول احرك امو و ابو الي يبجي ايناسي  متت الف موته يم قبره و ما ترضه تسمعني متت و الهواء ضاك بصدري التفت على أحمد من شافني

هجي كام بسرعه جابلي مي و شربني و غسل وجهي و كومني من يمه رش مي ع كبر و قره قرآن و اخذ ايدي و مشه 

 

أحمد: أيناس لازم تتخطين ميصير بكل مره تموتين  نفسج والله حرام عليج تعذبيه بقبره من تبجين 

 

أيناس:  والله مجاي اكدر اتخطا ولا اكدر استقبل الانسان الي جانت ظهر الي ماتت والله احس روحي وحيده بهل دنيه 

 

احمد:  لا أيناس إني وين رحت سولفي على غير شيء بس لا تكولين وحيده جاي افديج بروحي حتى لا تحسين بالوحده و صادقتي بنيه اخلاق و حبابه 

 

أيناس:  لا تصدك  مكان نبأ يختفي بقلبي 

لو احد ياخذ مكانه 

 

أحمد:  يابه والله اعرف و اعرف ليش هجي تحبينه لان جانت دوم وياج و ما تعوفج 

 

سكتنه بعده رحنه المقبرتنه سلمنه علة جدي و رشينه ماي و قرينه صورت الفتحه و طلعنه من المقبره 

 

أيناس:  أحمد اكلك شي وما تعصب 

 

أحمد:  كولي يابه 

 

أيناس:  جوعانه ميته جوع

 

أحمد: يخسى الجوع 

 

ضحكت عليه نزلنه لمطعم بالنجف اتغدينه و كملنه و طلعنه للناصريه من وصلنه الناصريه احمد نزل الجامات 

 

أيناس: ليش نزلتهن الجو بارد 

 

أحمد: ماكو احله من هواء الناصريه ارتاح من اشم هواء محافظتي شكد سكنت بغداد و شغل عدي باربيل بس الناصريه عدي تختلف ارتاح بيه 

 

أيناس:  شنو سبب  

 

بوكته سكت و ما جاوبني و حتى من رجعنه للمذكرات هم ما عرفت ليش ولا مبقي شي تجاه هل موضوع و بقيت ابد معرفته و ضلت حسره بقلبي اعرفه 

 

وصلنه للناصريه نزل العلاليك بالباب و كال بس ترتاحين تحظرين نفسج لباجر نعقد محكمه ورها نحتفل

 

البنات حاجزات قاعه و رغد كالت إني اخذج مكان يبع بدلات و ايجار بس احمد ما قبل اجر كاله جديده و ما ملبوسه و تشترينه و الصالون حاجزته بتول و الولد باختصار خلصو كلشي بضرف اربع ايام 

كله من طلب احمد حتى ديجي جابو 

 

ثاني يوم اجت سياره وكفت بابا طلع شويه و رجع كال احمد يريدج طلعت تفاجئت سيارتنه مزينه و هو صاعد ورى 

اني جنت لابسه فستان بيج و كعب ابيض 

و مكياج خفيف يعني حلوه عليه 

 

أيناس: صباح الخير  

 

مصطفى:  كللوووووش هلا هلا بعروستنه كلوووش 

و يهلهل فرحان اكثر منه و يهوس و علي ابن عمي يصيح بي اثكل يولي و هو ولا همه مشغل ساجده اعبيد و يهوس 

 

دخلنه للمحكمه ويانه مصطفى محامي مشه كل شي سريع و علي ضابط من انطانه العقد مصطفى ركعنه هلوهله بنص المحكمه و الناس تباوع علينه و احمد يخزر بي 

 

اخذ ايدي و السويج من مصطفى و طلعنه

 

احمد: صرتي مرتي شرعاً و قانون 

بس درت وجهي علي بجيت من الفرحه 

أحمد: لا بعد عيونج ما ادمع لا بلفرح ولا بلحزن اريدج دوم اضحكين 

صعدنه بسياره  ثنيهنه و غنينه 

 

يهنيالي....  و يهنيالي 

حبيبي يمي هنيالي 

انا تمنيت بقلبي بيت 

و عيشك بلقلب مالي

 

 

نور " 

كاعد ثار يومين من خلصت امتحنات وكاضيته نوم

فويت على صوت التلفون رقم غريب ستغربته صار يومين يتصل عليه كلت ارد عليه واخلي على اذني اسمع منو رديت خليته على اذني 

 

علي:شونه حلوتنه

 

نور:منو  

علي: افااا حتى صوتي ما حفضته 

 

نور: علي 

علي: روحه العلي وعافيته نور فدوه العينج بس باصريني وكليلي اني ابادلك نفس الحب 

نور: علاوي فدوه اني مو صاحبت هاي السوالف واخوني ثاقين بيه مكدر اكسر ثقتهم 

 

علي: افا شاربي مو عليه اذا خليتج تكسرين ثقته روحي بويه روحي 

 

سد الفون مني واني كمت نطلع للسوك اني وامي لان باجر الحفله مال العقد مال ايناس اويلي حبيبت روحي راح تعقد 

ولا جن اشهر صار اعرف تمول سنين 

نور: يمه اريد اشتري فستان محجبات باجر عقد صديقتي واريد اروح وانتي كلتي اخذج 

ام نور: يمه دخذي نفس شمالج 

ضحكت وصعدت ابدل وبقيته تحجي وي اخوي حتى ياخذنه للسوك طلعنه للسوك اشتريت كعب وفستان ودا انسق وي الشال وماما كاعد بعيد صار بصفي علي كال للولد الي بيعني

علي: روح جود حبيبي تغده اني هنا بمكانكم 

 

الولد: صارساتذي

علي: ما كلتلي راح تجين المحلنه جاي وحدج؟ 

 

نور: لا ذيج ماما جاي ادور اله شيله 

 

علي: اممم اطيني هذة الفستان البيدج 

اخذه مني بدون ما اني احجي ويا نسقلي شال وراح الامي

علي: شونج خاله شخبرج 

 

ام نور: هلا وليد؛ التفت الي تريدني احجي بقيت ساكته ومستحيه شكله

 

علي: خاله اني اصير ابن عم أيناس على اكثر من مره وصلت نور بتكم للبيت وسالته كالت امي جاي تسوك كالت والله ما افوته واجي اتعرف على هذا الوجه الطيب 

ام نور: بعد قلبي خاله من طيب اصلك النه شرف بمعرفتكم ناس ونعم من سمعتكم واصلكم شيوخ ولد شيوخ 

قطع كلامنه دخول ولد 

زياد: ها ابو حسين حبيب تعبتك وانت توك جاي من دوام 

جاوب وهو يتبوع عليه: لو هجي تعب يوميه راضي بي 

نزلت راسي ودرت الامي: يمه خلصت اني 

 

ام نور: يله يمه؛ خاله فدوه وي هاي الشيله شوفلي الحساب الشكد 

 

علي: مو عيب هل حجي محل ابنج شوكت متردين هلا بيج طبين تاخذين الي يعجبج

 

ام نور: لا خاله هجي تخليني ما اخذهن منك 

علي: لا بالله اذا ما تخذينهن يصير غير حجي اول دخله الج للمحل ودفعين الحساب كولي غيره يمه يله زياد حبيبي حطهن بعلاكه لخاله ام نور 

 

ام نور: روح يربي يفتحه بوجهكم ويرزقكم بنات الحلال ويفتح عليك من اوسع ابوبه 

علي: تسلمين خاله حبيبتي يله منو يجيكم اوصلكم بطريقي مدامني نازل ولا تكلي اخابر مدري شنو

 

أم نور: خاله نكلف عليك وانت تعبان 

 

علي: بطريقي خاله بيتكم قريب على بيتنه 

نزلنه نتمشه وياه وهو يمشي ويسوالف وي امي واني بيدي العلاكه وامشي ورى واديه طاحن من علاليك التف عليه رجع شالهن بدون لا يحجي وياي ومشه بينه للسياره فتح الباب الي يصير ورى صعدت بي وامي دارت من جه الثانيه بقه موجه المرايه على وجهي وكل شويه يرفع عينه يباوعلي وينزله خاف امي تنتبه وهو يسولف ويها 

علي: خاله باجر مو ما تجين للعقد واذا معدكم احد يجيبكم اني اجيكم 

 

ام نور: شون ما نجي هي طلعه كله علمود نواري تريد تكشخ بفستان جديد بعقد صديقته 

علي: تستاهل يابه مرتبه نور 

 

ام نور: يطيك العافيه خاله 

نزلنه امي دخلت ركض امي ما اتحب طلعه بقيت اني اخذ بالعلاليك منه اخر علاكه ردت اخذه سحبه رفعت عيني بعينه 

علي: اخذيله صوره بالفستان 

 

نور: شهل حجي روح بابا 

ضحك ومسه دخلت للبيت مبتسمه ودخلت العلاليك للبيت نمت بيومه واني مخلصه شغل البيت على اخر حبايه 

 

كعدت ب11 فتت للحمام سبحت وسويت تنضيف البشرتي وتعديل واني جاي البخ شفت ساعه صارت وحده عزززه بعد ما الحك اجه اتصال من ايناس 

 

أيناس: الو نواري راح تجيكم سياره تاخذكم للقاعه مال العقد كبد 

 

نور: شون حجي هذا احنه يجي ويلي مريد نكلف عليكم 

أيناس: لا ماكو كلافه 

نزلت والامي كتله ورجعت اكمل مكياجي والبس فساتني طلع حيل منفوش شون امشي بي هذا يربي ندك الباب وامي صاحت كالت اجت سياره نزلت جنطه بايدي وتلفوني واني ابخ عطر على درج والكعب بايدي ولابسه سليبر مالت الحمام 

حطيت جنطه والفون عد ماما وطلعن الكعب بايدي كل فكري واحد ما نعرف سايق غريب طلع علي واكف يم سيار متخصر ويسوالف بالفون نزل النظارت من عيونه وتباوعلي من فوك ليجوه رجع سالم على ماما وكاله تصعد يمه بالمقدمه 

 

أم نور:مفلولوكه ينوريه كتلج اخذي فستان زغير لا اريد هذا المنفوش نفشو كفشتج نخيه الحسن 

نزلت راسي مستحيه وهي مستمره ترزل وهو يخفي ابتسامته 

 

نور: يمه ارجع هسه انزعه عيوني بعد ما يتحملن راح ابجي والكفل زينب 

 

ام نور: لا يمه والله طالعه تخبلين اني

الرزاله يبعد روحي 

هوي يضحك واني البس بالكعب وصلنه للقاعه كعدنه على طوله مخصصه منتظرين جيه ايناس

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد و ال محمد