تاريخ النشر : 08/27/2024, 18:26:47

الكاتبه زهراء الركابي 

ذي قار (القيثاره الذهبيه) 

 

★★★★★★★★★

ايناس " 

 

جسمي كله رجف عرفت أحمد صار بي شيء من ما جوب على تلفونه 

 

جنت كاعده يم مصطفى بالسدر و هو ياشر بعيون جاوبي 

 

أيناس: خويه بس طمني صاحب هذا التلفون بي شيء 

 

الولد: خويه مسوي حادث و نقلو للمستفى هو و طفله 

حرفين جمد جسمي اخذت العنوان و طلعنه المستشفى صارت بعيده علينه خابرو على ضياء و بابا و خالي ابو أحمد 

 

وصلنه لكيت عمي ابو مصطفى كاعد و ادي على راسه و يبجي و ضياء هم واكفين باب الغرفه رحت اركض وكعت يم ضياء و مصطفى شالني وكفني كضيت ضياء من قميصه من كد ما فاقده نسيت الحرام والعيب 

 

أيناس: بداعت جهالك قلي مبي شي والله اموت 

 

ضياء: اذكري الله احمد مابي شي ظربه 

خفيفه على راسه و صاير عده كسور وجه متشوه بس ساره صاير عده نزيف بعد ما لحكو عليه 

 

صرخت لااااااا أحمد يموت اذا دره ساره متعوره مو ميته ضياء مبيه شيء روح للدكتور خلي يشوفه 

 

حرفين جنت فاقده مصطفى حظني و يهدي بيه و يكلي اهدي اذكري الله قوي روحج علمود احمد و اني تهسترت ابجي و ادك ع وجهي طلع الدكتور من الغرفه كال المريض جوه صحه اذا تردون ادخلون عليه دخلت حرفياً وجه احمد منعدم مابي اي ملامح كله زلوغ و دم مصطفى وياي كاظني لان حرفياً منهاره و ما اعرف شصرف دخلت عليه ابتسم بتعب 

 

أيناس: الحمدلله عدت حبيبي نسيت و جود مصطفى و ركضت عليه ابوس براسه و ادي و شفته نسيت الدنياه ضياء و عمي كلهم واكفين ما ادري نسيت وجودهم 

 

رفع ايدي عليه باسه و مابي ينطقه بس دموعه صبت هاي اول مره اشوف أحمد ضعفان كدام مجموعه كله و خاصه كدم ابوه ابتسمتله 

 

أيناس: عمت عيني اذا خلي دموعك تنزل انت كده و راح تتعافه بسرعه حبيبي انت وعدتني متعوفني 

 

أحمد: بنتي رايحه وياي مو 

 

صفرت اذني من كلمته و بقيت صافنه بوجه تقربت اكثر من عنده همست مبيه شي حبيبي ان شاءلله هم زينه عفنه يمه رغد و علياء 

 

أحمد: جذبتج مفضوحه رموش عيني متعرفين تجذبين 

 

اجه الدكتور طلعنه ردت ابقى بس مصطفى كومني و كال تعالي وياي 

 

مصطفى: روحي غسلي وجهج و عدلي شالج شعرج طلع 

 

هزيت راسي ورحت 

 

مصطفى "

 

راحت أيناس سحبت نفس بالقوه خنكه صارت بصدري شون صار كل هذا قبل ساعه احنه نركص و هو فرحان اليوم الحنه الاحد الجاي عرسه 

 

طلع الدكتور علامات قلق تعتل وجه رفعت عيوني اله حجيت بصوت مبحوح 

 

مصطفى: خير دكتور اخوي بي شيء 

 

الدكتور: عنده نزيف بالدماغ و معرف شون بعده عايش راح نحوله للعمليات 

 

طلعت ممرضه اصيح دكتور دخل و سد الباب بقه جوه شوي و طلع 

 

بلع ريكه اكثر من مره و دنك راسه و حجاها بصوت مبحوح 

 

دكتور: الله يصبركم 

 

ما نطق غيرها حيلي نهد شكل الايناس شون اني شون راح ارجع و شايل جنازت اخوي شون صديقي و رفيق دربي شخص الي شال هموم دنيا عني بعدني بدوامت تفكير اجت أيناس صفنت بوجوهنه الي اعتله الحزن بساعه وحده ودعنه أثنين من اعز ناس ع قلبنه باقل من ربع ساعه 

 

أيناس: شبيكم مصطفى شصاير احجي 

شبي وجهك نكلب 

 

كظيت اديه اثنيهن وبست راسه اهديه 

مصطفى: اله بذكر الله تطمئن القلوب ذكري الله ياخيتي هم سابقون و نحن لاحقون الله يصبرج و يطيج من صبر زينب بس ذني كلمت الي حجيتهن جان كفيلات يقتلنه جان كفيلات ينهن فرحته بأنو أحمد عايش 

التفت على ضياء الي كاعد بالكاع وحاله مو احسن من حالي

 

أيناس: كولي جذب ضياء كولي أحمد بعده عدل ما مات كولي جوه يردج لا تجذبون عليه 

 

عمي جان منهار و ما الومه ابنه الجبير اكثر من كونه ابن اخته و زوج بت الي بعده ما ازوجت و ترملت جانت كفيله تهد حيله 

 

اخذت اديه و كضيته درته عليه أيناس ذكري الله و كولي يالله تعالي انفوت نودعه اني وياج 

 

فتنه للغرفه يمكن من جانت بره مصبره نفسه شفته ع السديه ممدود و هي تهسترت اجه ضياء راد يكض اديه و خرته عنه حطت راسه على راس احمد و كظته بديه 

 

أيناس: عمت عيني بعد عينك غمضت عيونك و عيوني مفتوحه ابوي و حبيبي الي ما حبيت و لا راح احب غيره باست

راسه و ادي حطت راسه بركبته و تتنفس حيل مدت ايده اله و حجت بحس رايح من الصريخ 

 

أيناس: اريد انام العب بايدي حتى انام خليني و سولف عليه حتى ادوخ و انام تدري ما اكدر انام بدونك شون بيه و اني لو رحت يومين لبغداد احط قميصك يمي حتى اغفه

 بعد اديها نهارت تبجي من ما لكت جواب ورجعت حطت راسها على راسه تبوس بكل وجها تبوس عيون و خدوه ونزلت على شفته بقت تنوح ورجعت راسها بصدر

 

حجت شعر بس ما اذكره شنو اجه دكاتره أثنين يردون ياذخونه للثلاجه حتى الصبح نستلمه هو و بنته أيناس تخبلت و بقت تلطم اخذته و شبكته باديه حتى اسيطر عليه ماكدرت فقدت وكعت بين اديه نقلوه الغرفه ثانيه و شكلوله مغذي بقيت يم راسه اجاني عمي 

 

أبو أيناس: عمي اخذه للبيت و احنه الصبح نجي وراكم 

 

ابو مصطفى: اي بويه روح وي بيت جدك 

لان عماتك و دنيا مخبوصه غادي

 

مصطفى: صار كلته و درت وجهي على أيناس انتظرته تكعد كعدت بس دموع صب اخذته و رحنه و عسى لا وصلنه للبيت بساعته علياء الي طول عمري اسميه مثل للقوه ملخت نفسه و عمتي الي طول عمره متجبره و خشمه ما يطخ صارت مثل المخبله و بيبتي الي طول عمره صبوره منهاره و متعرف منين تلزم اديه تملخ بروحها ايناس باله حاله ستثائيه عنهم كاعده بنص البيت و تصيح بصوت عالي و تنشغ من كل قلبه 

 

التفت ع صوت مراه اصيح و شفت رغده شاكه هدومه و اصيح استغفرت و رحت عليه لميته بعباته 

 

رغد: ولك بتي مصطفى بتي وينه ولك صدك لو جذب عليه ولك بتي لو دنيا كله مطفيه ولا بتي ولج يمه منين اجيب صبر ولج يمه لحكيلي 

 

مستحملت الوضع طلعت لكيت جهال رغد يم ابوهم وهو واكف يبجي ع بجيتها 

 

نور"

 

خلصت الحفله و رجعنه ردنه نرتاح بطني متعبتني و حمل لعب بحالي بشهر الثامن و طايح حظي توني سبحت و اجه اتصال لعلي طفر من مكانه 

 

علي: ساعه ب 12:00 ياهو يتصل هجي وكت خير يا ستار 

 

نور: ان شاءلله خير رد يمعود 

 

كام و رد ما اسمعه غير صوت العيطه من جوه و هو هم كال 

 

علي: اخ ياكسرت ضهري يا اخوي 

 

اني جفلت بمكاني و اريد اكوم اشوف شكو ماكو دخلت ريم اخت عليه تبجي 

 

ريم: أحمد و بته سوو حادث و ساره بته توفت و أحمد بين الحياه و الموت عمي خابر كال خل اروح البيت جدي راحو بقيت بس اني اخذني وياكم 

 

علي: لا تعطلني بسرعه بدلن 

 

كمت بدلت ملابسي و لبست دشاشه سوده و فوكها جبه و طلعت امشي بالكوه و بالي يم ايناس شون بيه و هي توه شافت وجه الله و فرحت وصلنه للبيت جدهم بقينه ساعه و اتصلو مره ثانيه و بالغونه بوفات احمد اهنا صدك قلبي عصرني على ايناس شون بيه شون راح تتحمل وهو بعد اقل الخمس ايام على زوجهم 

 

بقينه بالنص ساعه دخل مصطفى ابن عم علي ويا ايناس خدوده املخه و عيوني زرك مبينه لطمه عليهم صاحت بصوت مبحوح من شافت جدته طالعه 

 

ايناس: شفتي شون عافني و مشه شفتي شون كسر ظهري بنومته هاي شفتي شسوه بحالي بيبي منين اجيب الصبر شال قبل عرسي بيام شال بليه وداع بيبي كسر ظهري بنومته 

 

حرفياً بجتنه شكد امه و أخته و دنيا كله تبجي خو علياء ملخت روحه و بتول بالكوه تكض بيه بس ايناس تحجي بقلب محروك و تبجي و تصرخ بعلو صوتها و تقابلن هن و علياء وحده تبجي وحده تعتب وبيبيتهن تنعالهن 

 

كل الي جنت اشوفه شعر ايناس وهو يطاير ع كد ما ملخت بي حاولنه نلزم اديه بكل طرق ماكو اله لمن اجه مصطفى و هداها و بقه يقراله قران يله هدت 

 

ودخلت رغد شي ثاني وهي مالشه شعره 

خطيه طالعه من البيت كياليهم مسوين حادث خفيف وصلت هنا لكت الولد ملثمين ويبجون اول ما نازله وصاير علي قباله محلفته يحجيله هو كاله بتج ميته و هي ملخه روحه بشارع كوه مدخلينه عمام علي للبيت 

 

جانت ساعات كائيبه قبل شويه جنه نركص هنا قبل شويه هو يتغزل بايناس هنا قبل شويه ساره تركص وي امها هنا فرحان الابوها حرفياً بثانيه وحده نقلب البيت من فرح واغاني لعزه 

 

شكد عدهم بنات يتشغلن ويعدلن وشكد البيت متروس نسوان كل هذا وما كفه للشغل وناس بدت تجي اول مره اشوف هجي عزه بحياتي كله فواتحنه على كدنه 

 

تبوعت لعلي واكف رحتله اشوف شرايد لان جان يصيح ومحد ترد عليه كله ملتهي 

نور: ها علي شرايد

 

علي: خابرني ضياء كال راح يجيبون جنايز تحركي صيحلي عمتي هناء و هدى و مرت عمي ام ايناس و ها ام مصطفى وياج 

 

نور: صار 

 

كلته ورحت صحت بتول تصيحهن وياي هي وريم ندورهن لان اشك نلكه وحده بيهن بهل هوسه. فعلن كلهن جهزن و جابن عبي لعياء وايناس روحهن رايحه رغد بحث. ثاني اريد الكه شي بوجه صاحي ماكو لبسنه البنات دشاشه فوك دشاشته الي شكته وايناس جابله شال لان جان شاله ماروني 

 

علي " 

 

جنت و اكف ساعه 4:00صبح توه خلص الاذن و اجني اتصال من ضياء دزيت ولد صديقي يروحلهم لان بعيده علينه اروح منن الناصريه الهم 

 

شويه و صلو وكفت سياره اول مره احس بهجي كسره من صدك جان احمد من اعز اصدقائي شفت مصطفى مو احسن من حالتي تبوعت لولد عمي كلهم منزلين روسهم واكتافهم تهتز من بجي شسوه بينه شنو شي جان يخلينه انعزه هل معزه 

نزلنه التابوت الاول ساره بت احمد دخلوها ولد عمي ورحنه اني ومصطفى ع سياره ثانيه نزلنه تبوت احمد انهد حيلي و اني اشوف وجه مشوه نزلت للتبوت كعدت على ركبي بجيت بحركه مصطفى اجه حظني ويبجي وياي شالو الولد واني وياهم دخلنا منظر ايناس وعمي شون حاظنه حتى ما اتملخ نفسه مستحيل يناشل من ذاكرتي كله تريد تكضه محد يسيطر عليه شون احمد جان كل ما تفقد شخص يحظنه ويهدي وشون هل مره هو الي مخليه مهدودت حيل و مكسورت خاطر

 

يوماً ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد