تاريخ النشر : 08/14/2024, 21:16:23

الكاتبة زهراء الركابي 

ذي قار (القيثاره الذهبيه) 

 part 4

★★★★★★★★★

 

احمد : انتي انسانه مؤمنه هسه 

خالي خابر مصطفى كال نبأ ماتت

 

نطق هاي الجمله احس صفير صار باذني كعدت ع ركبي ولطمت ع وجهي بدون وعي وما أتذكر كل شي بس علياء سولفتلي بعد مصحيت 

 

"علياء "

مجنت متوقعه هجي خبر والصدمني أكثر ردت فعل أيناس جنت متوقعه بس راح تبجي صفنت دقيقه بوجه احمد بقت تظرب ع صدره والعالم التمت ع صوت صريخها بقت تملخ بخدوها واحمد 

حوطها بادي وكالها 

 

احمد : أيناس الزمي نفسج إذا تردين تشوفيها خلي نروح للنجف نتلكاهم

 

العالم التمت تسال شكو جانت منهاره 

 

المره: شبيه خطيه توكف باب قلب 

: خاله اخته توفت 

المره: سوده بوجهي خاله الله يصبره 

 

و كالو يجيبوها للمغيسل بلنجف وفعلاً رحنه لكيناهم مكملين تغسيل وجاي يجفونن بيها دخلت عليها أيناس كالت كلمات صح جانت ما واعيه بس بجت الكل بساعتها امها و اختها ما بجن بكد ما أيناس بجت خليتها براحتها حظنت وجها باديه و اسولف 

 

أيناس: بيت أسراري و صديقتي و امي

و روحي وسندي وظهري و اختي أنتِ الي حملتي دمعت و ما اذمرتي مني 

بيوم كل يوم تسمعيلي سو اني كتلج او ما كتلج تحسين بتعبي و تخليني افضف عمرج ما جرحتيني بكلمه جنتيلي نعمه الأخت انتِ مو دائماً دكولين مكتوبلج تبقين وحيده هاي هسه صدك صرت وحيده حتى انتِ خذاج الموت مني 

و انتِ ما صدكتي عفتيني و مشيتي

ولج أخ ينار الي حطيتها بقلبي ولج أخ 

يا حسرت قلبي ولج شكلتي روحج من مشيتي بعمر الورد 

 

"علياء" 

جانت تحجي وتبجي بقهر وحركه  وحدها صدك فكد العزيز يقطع القلب كومتها عنها جانن امها واختها ثنينهن يبجن وي أيناس كومتها جفنوها عدل وطلعنه 

اتلكانه احمد أخذهها وصعدنا بالسياره ويانه رجال من اقارب البنية وراحو للمكبره يدفونها واحنه وياهم أيناس جانت تبجي بصمت 

التفت احمد وكال 

احمد: وادعتها سولفت وياها لو بقت ساكته

 

علياء : لا سوده عليه كطعت روحها بالبجي وسوالف ويها

 

احمد : خليه احسن ترتاح

وصلنه للأمام علي (عليه سلام) زوروها وبقو شويه انتبهت لولد اخوها اجه باتجها و كال لايناس

أخو نباء: انتي أكثر وحده تستاهلين واحد يعزيچ جانت دائما سولف بيج وتحجي عنج جنتي الها نعمه الأخت 

خويه والله راحت نبأ بس جاي اشوفها بيج جنه كاعدين اني واحمد نستمع اله و أيناس بنصنه و تبجي و كل ميكول كلمه 

تعصر عباته أكثر و تبجي بحركه و تتحسر 

و اخيراً

أيناس : تدري يوسف مرا شكالتلي نبأ

كالتي انتي مكتوبلج تبقين وحيده محد يبقه وياج و يسمعلج حتى تجين تتفضفيلي وتشكيلي لان اغار عليج صادقين غيري كالتها وبجت ورجعت تكمل

 

أيناس: هسه حتى هيه عافتني مفكرت بيه خلتني صدك وحيده و مالي احد صرت مثل اليتيمه بجه الولد بكل صوته و كامت أيناس تقدمت ع تابوت و حظنته و بجت و صيح بصوتها و تندب يا علي بكل قوتها وتكول

 

أيناس : ياعلي اليوم اختي و صديقت دربي يمك اليوم الخاوتني بلوفه يمك امانه تراها تختنك وتخاف من الضلمه تلكها يا علي و تصيح بصوت  

كومها احمد و طلعنه من الأمام و رحنه نمشي وياهم احمد ما ترك أيناس و لا ثانيه حاظن اديها ويهديها ويصبرها ويقرا قران بصوت عالي لان نمشي قريبين ع الجنازه صعدنه ورحنه للمكبره كعدنه قريب من مكان الكبر الحافرينه و ايناس صارت تفرغ اديها من احمد و تلطم ودك ع وجه 

و تخرمش خدوها و صيح فقدت و احمد ساع يحظنها لصدره ساعه يكول يارب صبرها من صبر  زينب (عليها السلام ) ويرجع يكمل سورت البقرة و يرتلها ع قلبها و هيه بس تبج و تملخ بنفسها هدات من خلصو دفن و نامت ع الكبر كل اهل نبأ بقو واكفين و ايناس جانت حاظنه الكبر  و اسولف وياها

أيناس : نبأ سمعيني اسمعين ايناسج ما متعوده اسولف عليج وانت متردين مو كتيلي اسولفلچ شون اصالحنه ملحكت يوم الخميس اسولفلج يله كومي سمعي والله هواية راح ضحكين مو كلتيلي ادعيلي وجيبلي هديه من ترحين لكربلاء

حبابه كومي لا تعوفيني هجي وحيده ومالي احد والله راح ابطل ازعل عليج بس ارجعيلي  بس انطقي حرف واحد 

 

جانت تبجي و تحجي بقهر تقرب منها احمد كالها

احمد : أيناس يله كومي ميفيد البجي يله يابه اهلها يردون يزورها ويرجعون كومي يله  كومها ومشينه للسياره ورجعنه للناصريه وصلنه ب 8 بليل دخلنه وتلكتنه عمتي وهي محجت بقت ساكته صعدت لغرفتها بسكته ولا نطقت حرف سالوني عليها كتلهم تعبت من البجي و الطم ع خدودها جانت اقرب شي الها تخلص كل وقت يمها حقها منكدر لومها حجت عمتي

 

الام : خابرتني يوم الخميس من طلعتو

وكالتي خاله ترى أيناس تعبانه ديربالج عليها والله ما تتحمل و توصي بيه عليها 

 

بجت مرت خالي كالت الغريبه احن مني ع بتياحمد تمدد بلصاله ع قنفه من التعب 

و الطريق كله يسوق بس جنه خايفين ع أيناس فا احمد كال

 

علياء صعديلنه فراشات بالصاله الفوك كالنه اني و خالي و سند و انتي و خالتي بغرفت أيناس لا نعوفها وحدها 

وفعلاً سوينه هجي 

صعدت و لكيتها كاعده ع جربايه وراسها بين رجليها  وتنشغ حظنتها وهديتها

بس هيهات صحت احمد 

أجه نومها ع رجله وبده يرتل قران بصوت عالي نامت بعد معانات انتبهت للساعه ب2:00 طلعت بره خابرت ع ضياء 

ضياء : الو ، ها شون صارت أيناس 

 

علياء : بلشفعات يله نامت و احمد يقرا قران ع راسها يله شوفلي ساره بت احمد سوده بوجهي ابوها ماهو عنها وآني نسيتها شدهتني أيناس 

 

ضياء : لا يضل بالج و كلتها و خليتها بم بيبتج نومنها بحضنها 

علياء : حمد الله يله رايحه أنام لان والله تكسرت تكسر 

ضياء : الله وياج حبيبتي 

علياء : عمري أنت الله وياك

كلتها وسديت التلفون رجعت صعدت لكيت احمد نايم و خالي و سند كاعدين دخلت للغرفه لكيت مرت خالي خاله أيناس بحضنها وغافيه و آني فرشت فراش و نمت 

كعدت الصبح ع بجي أيناس تقريباً

جانت ساعه6:30  صادف يوم احد 

رحت عليها لكيت احمد كاض ايديها 

ويهدي بيها و امها واكفه و ابها بس يبجي ع حالتها

اخذنها ورحنا للفاتحه يله هدت شويه حجه 

احمد : راح اخليجن هسه

وارجع عليج ب 3:00 علياء ديري بالج عليها واي شي يصير خابريني كالها ونزلنه

آني و ايناس دخلت تلكنها النسوان اخوت نبأ و اختها و امها حظننها و يبجن و كلهن يكولون نشوف نبأ بيج 

 

بقينه لل11 و دخلن مدرساتهم و بنات بلشعبه وياها جنه آني و ايناس كاعدين بين ام نبأ لبين اختها من أجت مدرستهم حظنت أيناس و بقت تبجي و تصيح و تكلها

ست امل: بعد ويامن سولفين و المن تشكين 

منو يتلكاج اباب المدرسه ينتظرج منو 

يسكتج كلما بچيتي منو يخبث عليج أيناس جانت هادائه من حجت هجي مدرستهن أيناس ذبت روحها بحظنها وبقت تبجي وام نبأ بقت تلطم ع وجها و اخواتها كظنها ...... 

خلصنه ثلاث أيام الفاتحه 

و ايناس يوميه تتعب شي الوحيد الحلو انو خطيبها مسافر تركيا 

احمد جبرها ادوم و مرتين نص الدوام و يخابرونه نرجعها غابت اسبوع و بقت تتعالج يم دكتور صارت زينه و رجعت أيناس بعد ما طلعت روحنا و ماتت ألف موته رجعو كالو خطيبها راح يبقه خمس أشهر كيفنه ع اقل تتعدل نفسيتها و كل ما يخابر امها ترزله رزاله غسل و لبس أكثر من مره صورتها وحتفظت بيهن ل أيناس 

حته تشوفها من تتحسن 

 

"أيناس" 

 

نفسيتي كلش تعبت بعد مراحت اعز انسانه ع قلبي مجنت اعرف هيجي فراكها صعب بعد شهر و أسبوع داومت لان امتحناتي مبقاله شي

 

اخذاني احمد للدوام و نزل وياي وآني و كفت بلباب ابجي و آني اشوف مكانها الي تنتظرني بي بجيت و حجيت بصوت مبحوح 

أيناس : نبأ محد واكف منتظر جيتي

مكانج بقه خالي و حياتي صارت صدك سوده و مسحت دموعي وآني شفت مدرسينا واكفين ثنيهم يبجون وياي وست امل بس سمعت بيه اجيت أجت حظنتني دخلت للمدرسه و احمد وياي دخلني للئداره سلم عليه المدير

المدير : بقيه بحياتج أيناس و الحمدالله ع سلامتج صدكيني  أيناس فراك نبأ صعب علينه كلنه لا تتخيلن جانت مجرد طالبه و بس أثرت بينا هواية ومكانها كلش صار فارغ و كلحنه ما تمنيه يجي هل يوم بس يا بنتي أريد منج صبر حرام جاي تعذبيها ابجيج و البارحه والدت نبأ والدها اجوي علمودج وما لكوج وشرحنلهم حالتج وكنالهم كالو باجر إن شاء الله دوم اريدها منج يا بنتي أصبر و اذاكرين الله وترحين الصفج

 

طلعت اني و ست امل بقه احمد يم المدير يسولف ويساله ع حالتي 

وست امل اخذتني للشعبه و دخلت للشعبه كعدت ع رحلتنه و بجيت بقهر و الطلاب كلهم يبجون وياي طالبات الي جانن ميحاجني اجن وحظنني واسني

جا شكد اني مثيره للشفقه بذيج الساعه 

 

فعلاً صرت أنطوائيه و مكمت احجي هواية طول الوقت ساكته و ما احجي اله وكت السؤال وبالليل ما انام اله بحظن علياء او بيبي بقت تروح و تجي و ليليه 

احمد او بابا يقرولي قران احمد يوميه بس مرات يصير عده شغل و ميرجع يبقه بابا يقرالي قران وحده من عماتي بيبي او علياء تبقه بلغرفه وياي صرت اخاف ابقه وحدي 

 

مر تقريبا درسين واجاني طالب من اول متوسط جان عدنه درس تاريخ وآني جنت واكفه اشرح وي الاستاذ و دخل طالب وكال

طالب : استاذ يردون الطالبه أيناس .... ... بالاداره المدير يردها ضروري كالي 

التفت عليه استاذ كال روحي بس بنيتي 

ابقه صبوره لا تبجين لان دكاتره موصين عليج وابن خالج وصانه ما نضوجج بس اهل نبأ بالاداره 

هزيت براسي بقبول وطلعت جنت لابسه

تنوره وقميص اسود وشال اسود 

دكيت الباب و اردفت بهدوء

أيناس: استاذ صحتني 

التفت عليه ام نبأ و بجت وهو جاوب

المدير :أي بنيتي تفضلي 

دخلت و كامت ام نبأ حظنتني نزلن دموعي باستني و مسحت دموعي و حجت 

أم نبأ: سوده عليه خاله كالو مريضه

 

بس خاله وداعتج حيل مبقه بيه اجي الج للبيت بس لان مدرسه قريبه علينه جابوني الولد بالسياره امانه هاي وصتني نبأ اجيبها الج ومكدرت اعوفها اله اجيبه الج 

أخذتها منه وحظنتها وكتلها

أيناس: خاله انتي تعذريني والله خاله مكدرت اجي مفروض اجي عليج بس ولله خاله نوم ما اكدر انام وكوه امشي وداعت عيونج معدي حيل باست رأسي و كالت خاله عذرينه أخذنه من وقتج ودعتها و مشيت بهدوء للصف جان درس الرابع اخذنه فرصه وبقيت كاعده برحلتنه حطيت رأسي  و اتذكر شكد جنه نتعارك ع المكان ياهو تكعد بدايت الرحله و منو تكعد بنهايته وآني جنت دائما ازعل ونبأ تراضيني اكعد عليها نزلت دمعتي جان درس الخامس انكليزي دخلت ست امل لابسه أسود جنه اعز ثلاث صديقات اني ونبأ مدرستنه ست امل 

 

ست امل : أيناس تعبانه اطلعين 

 

رفعت رأسي بعيوني المدمعه مسحت خدودي وهزيت رأسي بالرفض 

خلص الدرس طلعت لكيت احمد واكف باب المدرس اشرلي و اجاني اخذ الجنطه مني و صعدت و هو يحجي بحماس

 

احمد : منين هذا الصندوك 

 

جاوبته بهدوء 

أيناس:نبأ مخليته  يم امها امانه الي قبل لا تموت بساعتين كلتها وهو سحب بريك بصدمه والتفت عليه 

احمد : معقوله جانت تدري بنفسها لان مخابره امج توصيها عليج وصتني عليج ومصيه علياء ومخليه امانه يم امها 

 

أيناس :ما اعرف امها تكول صاحت معدتي اخذنها المستشفى ساعه وماتت 

 

احمد: خلص اهدي شربي هل مي وذكري الله الله يرحمها هو خلقها وهو ابصر بيها 

 

أيناس : سمعت خبر عن حسن لان حور مسافره يمكن راح يزوجون بالخارج

كلتها بكل هدوء و التفت عليه مصدوم 

وحجه 

احمد :صدك عود لو جذب 

 

أيناس : أيناس وداعت نبأ بعد شتريد 

 

ابتسم كال 

احمد :حلو اختصر هواية أشياء جنت أريد اسويها بي 

 

بقيت ساكته هو تناهد لان قبل جان متعود عليه اكرك ولا اسكت وكف السياره يم بيتنا نزلت سكته هو كال 

 

احمد : شنو متكليلي انزل  

جوابته بهدوء : احمد والله مبيه حيل احجي حرف حباب لا تححسني بالذنب

 

 ابتسم وكال؛ احمد: اني وياج يا وتيني 

 

ابتسمت من كال وتيني أخذت صندوك و دخلت و هو دخل وياي دخلنه سكته للبيت تلكتني امي سلمت عليها برود و دخلت لكيت بيبي كاعده رحت حطيت رأسي بحظنها وفتحت شالي وحطيت ايدها ع شعري وضلت تلعب بشعري وتقرا قران نمت بحظنها وفزيت ع صوت خالتي 

 

وهي تحجي تكول شنو بس لا تخبلت

هي جانت عايزه بعد و صير مخبله كمت عن بيبي هي سكتت سحكتها وصعدت لكيت صندوك ع الجربايه اكيد احمد حطا

خفت افتحه انهار نزلت ع درج واشرت لعلياء اجتني كالت

 

علياء : ها أيناس بيج شي

 

كتلها : أريد احمد فدوه محتازته 

 

علياء: صار هسه كالتها و راحت صعدت بقيت كاعده مقابيل الصندوك ندك الباب 

لبست حجابي وهو فات

 

احمد : صحتيني؟ 

 

أيناس : أي أريد افتحه وخايفه

 

تنهد بقوه و كال : تعالي اني وياج 

 

فتحه هو و طلع  من دفتر مذكراتها 

بقا مسدود كال ما اقراء انتي تقرينه بيناتكم خصوصيه طلع كوب وست صور النه بالمدرسة جانن عده مخذتهن بكامرتها 

وبلوزه و ظرف رساله و علبه مستطيل مو كلش زغيره فتحتها بيها شعر نبأ حظنته وبجيت و شميت ريحتها وبقيت ابجي واحمد حط أيده ع راسي 

 

احمد : الله قويج بنيتي 

فتحت الظرف بي اسوار بي عين  فتحت رساله 

نبأ"

" هلا يا اعز شي ع قلبي صديقتي اعرف حالياً تاذيتي بسبب فقداني بس وداعتج 

آني معرف شنو هل شعور جاي احس بي انو اني رايحه وعايفتكم أيناس الاسواره هاي تلبسيه عن العين بعقدج وي احمد 

اما البلوزه فهاي يا حبيبتي هديه عيد ميلادج مال هاي سنه اما دفتر مذكراتي 

محد يستاهل يقرا ويحتفظ بي غيرج 

وشعري حتى متنسين ريحتي اذكريني أيناس لا تنسيني احبج ع كولت احمدج 

وتيني " 

بجيت حطيت راسي بلكاع و بقيت ابجي 

احمد بقى يقرا قران الحد ما نمت بعد ما حسيت على شي

 

كعدت بعد فتره من النومه العميقه الي انس بيه على فوني يتصل بشكل مستمر 

وهستيري فتحت الخط بدون ما اشوف منو او احجي بس حطيته على اذني 

 

حور: شنو شونج كالو تعبانه وتوفت صديقتج عفيه انتي هجي نحس ابتعدي عن حسوني لان بعد اقل شهر ويبن الحمل مالتي وشوفي 

 

: اكو ايه بالقران بسوره النور اية رقم سته وعشرين 

بسم الله الرحمٰن الرحيم

«الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ» 

 

سديت الفون بوجه وبقيت ابجي وما موفره دموع حسيت بالم اسفل راسي ودنيه دور جان عبالي فقر دم بسب قلت الاكل ردت انزل اجه اشعار غمضت عيوني فتحته شفت الي جنت اتمنى الحمد 

💬حسين:.....

هذه ليست محطت النهاية

 

★★★★★★★★★

توقعولي الاحداث الجايه شنو سبب كره حسين ل احمد