تاريخ النشر : 11/17/2024, 22:35:01

ذي قار (القيثاره الذهبيه) 

بقلمي الكاتبة زهراء الركابي 

★★★★★★★★★★

★★★★★★★★★★

علياء " 

 

روحي تفرفح واني اسمع الضياء وهو يحجيلي 

 

ضياء: بعد عرس مصطفى وايناس بسبوع من رجعو من كربلاء 

 

عزمنه مصطفى وطلعنه اني ومصطفى ويجي ورانه زياد وعلي وسامي 

دخلنه اني ومصطفى كوفي شباب وبنات مختلط والبنات الي يجن لهنا مو تمام وزيعتهن الكاع

 

مشينه بين طوالت نكص بوحد لبسه احمر ومكياجه اوفر وطلعات عكوس رجليه وضحكته تفشل وكاعده وي شباب ثلاثه ويها بنيه بس البنيه جان تتلفت ركزنه بالبنيه الي لبسه مشلتح وحمرته حمره والتفتنه واحد على ثاني نترجف

 

مستحيل هيه عقده بعدله ثالث ايام تبوعن للشباب منعرفهم ومبينين مدكدكين مو ولد حموله 

 

مصطفى: مستحيل تكون بتول 

 

ضياء: راح اخبر على الولد لا يجون واحنه نكعد نشوفه من بعيد 

 

هز راسه الي يرجف من عصبيه وعيونه حمر كعدنه طلبنه عصير وبس نتفرج عليهم نزلو نركيله وضحكهم عالي حيل عالي وكوه لزم مصطفى لا ننفضح بين العالم اخذولهم بالساعه ونص همه كاعدين واخيراً كامو طلعنه وراهم

 

مشت تمشه وي الولد بين الدرابين سحبت سلاحي ومصطفى وياي ركض مصطفى مشه بصفه وعته من ايده واني ركضت ورى الولد راد يطفر توليته بوكسات وهددنا ومشينه هيه ويانه بس حس البجي 

ومصطفى اعصابه ترجف وصاعد بالمقدمه واني الي اسوق 

 

وكفنه يم باب بيت اهله نزلت ونزلنه ويها فتحت الباب ترجف وهو بس يريد يدخل حتى يتولها واني لزم زنده اهدي بي دخلت وظاهر جان البيت فارغ دخلنه ويها وكفت هي واحن كعدنه  

 

اشرله مصطفى مقابيله تكعد اجت ترجف وتمشي

 

مصطفى: شفتج ذيج مره ومنعتج وكتيلي الخط عطلان وصدكتج هسه كليلي الخط عطلان ساعه ونص ساعه ونص احنه كاعدين وراج وانت ولا على بالج رايحه بالعسل 

 

منزله راسه تبجي وهو ينتر ويرزل بيه ويرجف من عصبيه 

 

مصطفى: خطوبتج بعدله ثالث ايام تنسترين وتنجبين عد رجلج وتسكتين يكتلج يموتج تكعدين وتسكتين مفهوم؟ 

 

هزت رايه تبجي نتر بيه 

 

مصطفى: انطقي مفهوم؟  

 

بتول: اي والله متنعاد

 

مصطفى: خساره بيج وعلي خساره 

دفر الميز وكام بقيت واكف اخذت نظر عليه صفكت بيدي ومشيت 

 

 

علياء: وهسه راحت زوجته غصب من عقله هاي صدك تحجي ولك ضياء فشلتنه فشلتنه من صخام بوجهي 

 

ضياء: هدي بويه مزين عليج لا يصعد الضغط

 

سكتت الوب ومتت قهر شنو ذنبه مصطفى يتحمل هجي مره ذكرت احجايت احمد من طلك مصطفى بتول  

 

احمد: مصطفى الي سوي سحوره كل شيء سوي اقرب واحد يخطبه نستر عليه وفضت راحت 

 

مصطفى: كول يالله يخوي بنيه ذهب ماكو منه 

 

اتوقع مصطفى ندمان على هل كلمه ندم بس الله يعرف بي 

 

ايناس "

 

مر هذا الاسبوع ركيضي بقيت واكفه اباب صاله كل ما يندك الباب افز 

فزيت على الفون بيدي هو دا يتصل عيوني غرغت بالدموع مدري شبيه 

 

ايناس: هله وبنك تاخرت 

 

مصطفى: جاي اني جاي بالطريق

 

ايناس: هلا بيك منتظرينك اني وجهالنه 

 

ضحك وسده اني بقيت مبتسمه واكفه شهرين من اصعب ايام حياتي اليوم الي يومين من دخلت بشهر سابع

 

دك هورن بالباب شويه ونفتح دخل عليه بطوله شكت حلكي الابتسامه قتحلي ايده واني بالكوه امشي من ورى بطني احس اطنان شايله 

 

أيناس: نورت محافظتك يبن عمي 

 

مصطفى: يروحي وهلي انتِ منوره ديرتي باأهله وغمز

 

يدري بيه احب هل لهج منه لهجتنه الي ما نحجي بيه وي الغرب بس من نكون العائله مشتمعه كلماتنه الي متنحذف من البال ديرتنه والجا وطوايفي وكومها كلمات احبهن بصوته 

 

تقدمت عليه حضنته حيل وابجي من كل قلبي 

مصطفى: عليش البجي ام فروخي 

أيناس: يع شنو فروخي شنو دجاجه اني 

 

مصطفى: هههههههه يمه هههه اخ معرف اتغزل ركعيلي

 

أيناس: حتى بابا متعلم يتغزل بماما احسن منك

 

مصطفى: ليش تحجين بهمس 

 

أيناس: خاف ماما تسمعني وانكتل 

 

بقه يضحك ويغص بضحكته ويرجع يوكف على حيله ويرجع يضحك 

 

التفتنه ثنينه علئ صوت احمد وهو لزم هتان لبس بدله بالون فستني منسقتلهم وياي 

 

نزللهم علئ اركبه يتلكهم واحمد يمشي علئ كيفه يخاف علئ اخته توكع لان توه دا تمشي 

مصطفى: روحه المصطفى انتم جان ميت وهسه عدل بشوفتكم 

 

احمد: بابا ديره ضلمه بلايك 

 

هتان حضنته واكفه وهو يشم باحمد ويرجع يبوس هتان 

 

ذكرت لطميه خطار اجاني يهلا بجيته صورتهم واني اضحك عليهم وعلئ لقائهم 

 

دخل مصطفى يسلم علئ ابوي وابوي ما مقتنع لا من راح ولا من رجع وكالب وجه عليه بس مصطفى ما يخلي بخاطره من ابوي 

 

طلعه لبيتنه مشتاقتله دخلت لكيته منضف هاي سوالف علياء ونور اكيد لان رغد مسافره صارله سبوعين بالامارات 

 

مصطفى: اخ يمه ولج وعلي مشتاقلكم الغرفتنه الجهالي طكت روحي يله خلصن ذني شهرين 

لمنه بحضنه ونمنه بدون عشه من فرحه وجهالنه بنصنه

 

كعدت متاخره لكيت مصطفى يدندن بالمطبخ اغنيه الماجد 

 

مصطفى: محله لقاي ويا 

 

أيناس: شهل صباح هذا … صباح الخير حبيبي 

 

ابتسم وتقدم يحط طوه على الطبله ويجي يحضني وينزل راسه علۍ بطني 

 

مصطفى: جنت مشوغه روحي على لزمتهم وهمه بطنج

 

وهو يحجي بقو يرفسون رفع راسه مبتسم ورجع بسرعه وياهم نصه على ركبه 

 

مصطفى: ها بابا لا تعبون امكم خطيه مريضه على كيفكم ويها 

 

مصطفى: اي بابا شنسميكم

 

يحجي وحاط راسه على بطني منتظر منهم جواب 

 

ضحكت وسحبت ايده كومته ناكل واني اضحك مجنت ادري هاي ضحكه راح ابجي بداله الف دمعه

 

 

كام يروح واني دخلت للغرفه شفت جنط مصطفى ثنين هدايه وحده ملابسه 

عفت مال ملابسه فتحت الهدايا جنت كلش متحمسه الهم

 

عزلت كل شخص اله هديته للن مسجل اسمائهم عليه فتح جنطه ثانيه لكيته النه اني وجهال ابتسمت على كل شغله جايبه الي واحظن وابوس بيهن 

دخل هو وشاف منظري وضحك 

مصطفى: لو ادري هجي تفرحين جا من البارحه فتحتهم

 ضحكت ورفعتله الاوفر مال الطفل انفاس : حبيته غير عن احمد وهتان كلش متحمسه لذواله جهالي احس فرحتي بيهم غير 

مصطفى: اعرف وشايف بعيونج وادري بيج انت مدكدرين تفترين وتجهزيهم جهزتهم الج 

ضحكت وحضنتهم وحطيتهم بجنطه على صفحه اجاني احساس احظر جنتط الولاده على وقت هل مره واحساسي ميخيب 

 

 

مر اليوم كله محد اجانه واحنه مكيفين على هدواء وجهال نايمين ثاني يوم اجه علي ساعه ب12 على الغده 

 

صبيتلهم جاي ما بعد الغده ودخلت اريد اعزل جنطت مصطفى مال سفر وياريت ما وصلت يمه ولا فتحته وخربت حياتي بفتحت هل جنطه 

 

فتحتهم لكيتهم مصفطات بترتيب واهتمام عقدت حاجبي شكد ما مصطفى مرتب بس ميرتب جنطه بهاي طريقه واعرف ترتيبه زين بلعت ريكي وكلت يجوز واحد من الولد واضحك على عقلي حتى بلكي يصدك 

 

 

بقيت اطلع القمصان واعزل الابيض عن الالون رجفت ايدي واني اشوف حمره حمره على القميص

 

روحي نسحنت قلبي نمرد اجتني كرفه قويه البطني وصرخت بعلو صوتي دخل مصطفى وعلي عليه يركضون

 

كض ايدي يرد يكومني دفعت بخفه وكتلهم ماكو شي تقلصات بس حيل قويه 

 

مصطفى: ارتاحي عوفي الشغل 

 

هزيت راسي ودموعي بقت تصب اشرتله على الاضائه طفها واخذ جهال وراح 

 

مستحملت ابقه اكثر كمت شغلت الاضويه تربعت يم جنطه فتحته من جديد وطلعت جوزلان مكياج زغير وعطر وهذا عطر مو غريب بس مجاي اذكره لمن كلهن جانن مصبراتني بس من 

 

طلعت سيت النوم مزق بايدي مستحملت ونهاريت ابجي والطم بالخنسه جهالي شون اني والخذلان بعد حب هاي السنين وحتى بتفكيري ما خنته يخوني بفعل قبيح مثل هذا؟ 

 

الوب وابجي طفيت الاضويه من جديد وتقلصات موتتني 

بس بقيت ساكته لان جانت عدي من زمان من اضوج تجيني مجنت اعرف المصيبه الثانيه راح تجيني 

 

نمت وحسيت بي عليه اجه نام بصفي مبين نيم جهال بغرفتهم تبوعت للساعه ساعه 9 يعني دنيا نص الليل شسوي اصرحه 

 

خاف يجيبه عليه هنا اموت بقهري 

اسكت راح اموت واعرف بشنو قصرت ويا بقت الافكار تودي وجيب 

متت بحسرتي ونمت 

 

مصطفى"

 

وصلت للمطار تلكاني علي وضياء حضنوني وسلمو عليه 

 

علي: مبروك عريسنه 

 

ضياء: عريس عايف مرت ترجع وي ابو بطياره وحدهم 

 

يحجونه بضحك واني اضحك على واهسهم 

 

علي: شنو راح يجينه ابن اخ بطريق 

 

تفلت عليه ومشيت وهو بقه بمكانه يطفر من قهر لان ما عبرت 

 

ضياء: كتلت لا دحره انت بيك د تـ* اضل

 

ضحكت صوته عالي واحنه بنص المطار وعالم صافنه عليهم ولا هامهم يمشون ويحشون بخلق الله 

 

مصطفى: سيارتي علي جبته 

 

علي: هاي البصمه حبيبي بس ايدك بجيبك فلوس البانزين 

 

مصطفى: تفلس من الهديه اذا اطيتك فلوس البانزين 

 

 

علي: والكفل زينب اخذهن ثنينهن هم معرس على حساب عمامي وهم ميرضه يصرف 

 

مصطفى: وعلي راح ضل جفص وراح تسمع ايناس وشيصير بحالي اني ها مكدر على فراكه 

 

 

علي: عوف الجذب صارلك شهرين بعيد 

 

مصطفى: عدي ارجع اله بس هسه اذا تعرف انجوم سمه اقربلي 

 

ضياء: وعلي حيكات سالفه حوكه معدله ونيتهن خراب بيوت كيدهن عظيم 

 

علي: كون بت عمي تفتهم وتفر العبه فر وتكلب طوله على روسهن 

 

 

هم يحجون واني حيار بزماني اني ادري بأيناس اذا سمعت شايف بتول تگلبه مناحه مو صير زوجتي

 

وصلوني البيت عمي اخذتهم ومشيت للبيت همه نامو واني بقيت الوب بمكاني كمت اخذت تلفون وطلعت بطرمت البيت

 

لكيت رساله من بتول 

 

💬 بتول: مصطفى البيت يخوف مكدر ابقه وحدي فدوه

 

💬مصطفى: مو وحدج اهلي بالطابق الجوه وبتج يمج اني أبيت مستحيل اطلع منه 

بقيت للظهر على هل وضع مكدرت انام اجه علي وكعدنه نسولف اني ويا بالكي اتعب وانام بس نوم جفاني والقلق اكلني مرن يومين على هل حاله واينا تتجنبني وتجنب تحجي وياي

الشي الي موتني قهر وحسيت واحد بالميه عرفت بس منين تعرف

رفعت تلفون اتصلت على بتول 

 

مصطفى: بتول احجي وصلتي خبر الايناس

 

بتول: وروحه الامي ما حاجيه شي 

 

مصطفى: مدام حلفتي بداعت امج العاصيه صدكتلج والله والله ادري مسويه شي بس خل اعرف شمسويه ادواج عدي 

 

بتول: مصطفى بس اس.... 

 

سديت الخط ورحت للبيت افتح المكتب صار شهرين لا فاتح المكتب لا شايف الدنيه 

 

 

أيناس“

 

 

مر يومين واني الوب لا كدرت احجي ولا كدرت اسكت بس الوجع ياكل بيه وعلى مرتين تذوه روحي من وجع واني وحدي ما اكدر لا اشكي ولا احجي

 

طلع مصطفى واني بقيت بالبيت وحده وروحي فايره اخذت الملابس للغساله بالممر مقابيل الحمام كل شويه افوت اغسل حتى يخف الوجع باخر مره مكدرت اتحرك بعد طلوك رسمي هذا بس شنو اني سبوعين بشهر سابع يبو على حضي هاي عايز 

 

 

ايناس: احمدددد يمه تعالي راح اموت 

 

اجت هتان تركض ونجبحت على وجه اجه احمد ورها عافه واجني يركض دفعت الاخته ما اهتم بقه لازم يدي ويبجي 

 

أحمد: ماما عسى يندار الوجع بيه ولا بيج هسه اخابر بابا حبابه ماما لا تبجين 

كام ورح كوم هتان جبه يمي لوهل حسيت رجال جبير مستنده عليه 

 

شويه واجني يمسح بدموعه واكف كبال كمرات الي بصاله واني اتكطع وحسيت على شي ينزل على رجلي حولت ارفع راسي اشوف شنو ينزل بس ظهري ما اكدر حسيت على حس بشري فوكاي 

 

علي ونور 

 

نور""

 

كاعد اعزل بالغرفه بعد العركه الي صارت بيني وبين علي لان دره حجيت االعلياء وعلياء حجت الضياء واليوم من دون الايام ما راسلت ايناس لان علي كسر فون وعاقبني بي وهو كاعد بصاله ماله خلك وطلبت منه اخابر ايناس لان خابرتني البارحه وكالت عده تقلصات ورفض رفض تام ميريدني احجي ويها 

 

 

علي: نور بسرعه مصطفى خابرني يكول سبقوني للبيت لان ايناس طايحه بالكاع ومخبره احمد 

 

نور: صخام بعيني كتلك خل اخبره عبالك جاي اللعب كتلك عده تقلصات الله ياخذ الساعه الي عرفتك بيه 

 

نحجي ونتعارك واحنه نبدل ونركض اخذنه جهالنه طلعت اركض لبيت ايناس وعلي راح سيارت يجبه ويا الجهال 

 

بقيت اركع بالباب اريد احد يفتحلي باب سمعت صوت احمد 

 

احمد: خاله نور ماما يطلع من رجله تعالي فدوه 

نور: حمودي حبيبي خاله افتح الباب لا تخاف 

 

فتح الباب ودفعته لكيته طايح من طابوكه سحبته على صدري واركض بي الجو وريتني ما دخل ايناس سابحه بدمه التفت العلي وشفت موسع عيونه مصدوم من منظر امرني اجيبله عبايه وامر احمد ياخذ اخته ويروح للسياره واحنه نجي وراهم فعلاً سوينه الي كالنه عليه 

 

أيناس: نور جنطت الولاده بالغرفه فدوه 

 

نور: بعيني هسه اجيبه

 رجعت جبته اله جنطه مكملته صارله يومين وصورت الي فرخانه بيه وبالشغلات الجايبه مصطفى  

 

 

مادري شنو وصلنه مستشفى اهلي وشون علي نزل عليهم يصيح يجيبون سديه

 

دخلن بقيت حاضنه جهالي وجهال ايناس ودخلت علي ورغد الي البارحه رجعت من سفرتهن وعمتهم الجبيره 

علياء شفات جهال ايناس وجهالي وحالي فكت عيونه التفت الضياء وهمست بينه وبينه اجه اخذهم وراح بقينه بس احنه اخيراً نور مصطفى واج مهتم ويركض ودموعه صب ويصيح بعلو حسه 

 

مصطفى: علي مرتي وين 

 

مصطفى: ولك اني شطلعني من عسه رجلي مكسوره ولا طلعت بذيج ساعه 

 

 

علي: هدي يخوي صلي على محمد وآل محمد 

 

الكل صله على محمد و مصطفى نهد حيل وكعد بالكاع يبجي بحسر ويدع عله رجله ويلوب يلوب كلنه التفتنه على فتحت الباب مال الغرفه الي بيه ايناس وطلت منه الدكتور راح اله سامي يركض 

 

سامي: دكتوره غدير شونج شونه المريضه الجوه اختي بشريني 

 

غدير: ياعيني سامي ما اجذب عليك دكتور وتفهم بهل سوالف ويمكن خبرتك اكبر مني المريضه وضعه حرج ولاده لا محال بس هسه هي عده نزيف حولنه نوقف نزيف والحمد الله لاكن الي قلقني وخوفني ضعط وسكر معلكات عدها واصابع ايده معوجه 

 

مريضه تعاني من صرع.؟ 

 

مصطفى: دكتوره كولي يالله زوجتي سليمه غير شريان بدماغه من سد وخضعت العمليتن جراحيه وما صار اله علاج وقبل هل حمل مرتين حامل 

 

هزت راسه تفكر التفن على سامي تحجي ويا همس واحنه عيونه عليهم 

 

غدير: القرار يبقه للمريضه  

 

نزل سامي راسه يفرك بي ورفع راسه على مصطفى الي راح تاكله ويعرف شبيه ايناس 

 

سامي: طفل ياثر على امه 100٪

 

مثل ما الام تاثر علىه ابنه معقول واحد من الاطفال بما انو هما توائم 

 

غدير: لحضه ارجع اشوف تقارير وضع الاطفل وارجعلك سامي انتطرني 

 

هز راسه سامي يفرك بي وعيونه تجدح و مصطفى طكت مراته ما يتحمل 

 

مصطفى: فضوني عاد يخوي حيل نهد احجي وريحني لا تخليني بقلق 

 

سامي: اصبر يخوي توجه الابو الفضل يوكفله بهل شده 

 

طلعت الدكتور مره ثانيه وجه على شبه ابتسامه 

 

غدير: حمد الله كل الي خفنه من ماكو بس اكو طفل من اطفال مشوه ياما فتحه رباعيه ياما ضمور بالدماغ ما ماكد هل شي بس ننتظر مريضه تصحه حتى ننقله للعمليه 

دار علينه سامي مبتسم ويحجي وي مصطفى 

 

سامي: احمدالله الف مره مرتك طلعت من موت وبينه وبين الموت شعره 

 

كعد مصطفى يدك ويلطم لطم نسوان وعلي يهدي بي وضياء يحجيله ايات قرانيه اما علياء ورغد ما تركن القران كاعدات هنه وعمتهن ويقران قران ويصلن من دخلن مستشفى لحد هسه واخير طل علينه ابو ايناس وامه تهفي بعبات وتنجبح على وجه ودموعه صب هاي اول ولاده ابوها وامها يحظرون كل مره تولد ايناس وروح نلكاهم مستقبليها هناك بهلاهل وفرقه حرفياً فرقه مال اعراس بس يهوسون للطفل 

 

بس هسه وضع اختلف عباته عله ايده وكاشخ امبين جان طالع مو جاي لهنا بس ضاهر صدمه خبر وجود ايناس هنا 

 

بس الي صدمنه هو روحت ابو ايناس على مصطفى وشاله من كاع بتك ايد ولا كانو الرجال الجبير تعبان ما شاءلله قوته بالف رجال شاله وسمطه جف ترس على وجه راد يتقدمون الولد مصطفى خزرهم ونزل رأسه العمه 

 

ابو ايناس: اني الغلط بيه انطيته الك ما تستهال ضفره انت تستاهل شيخه انت  

يحيج يفور وضربه الجف الثاني و مصطفى ما رفع عينه على عمه ابو وعلي ما تحمل طلع ما يقبل على مصطفى وشافه بهل حاله نقهر التفت اكمل حديث ابو ايناس وصفعات المصطفى حرفين صفعات 

ابو ايناس: ولك اني بت تحط على راسه شريج ولا ومنو بت عمه  

 

 

مصطفى: عمي بس اسمعي مني مو بيدي والله 

 

ابو ايناس: اسسس تاكل تبن لو جاينه احله الك بس هسه بعديش بعديش شسوي اطلكه منك ينذب صوج بنتي طلكت بت اخوي كالو فضل بته على بت اخو وما نصف بالعد وهو شيخ بس تف على الساعه الناسبتك بيه 

 

كاله وتفل على مصطفى ومشى على صفحه يوكف بص مرته يفرك براس و مصطفى نزل على ارض يبجي بجي النسوان منهار اول مره اشوف هجي اجا ضياء وسامي سحبو لان منظر يكسر القلب 

 

 

سامي: كول يالله يخوي صلي على محمد جهالك مناك مرتك هنا قوي عضمك لا تصير كلشش اعرفك جبل ما هز الزلز مو ريح 

 

مصطفى: موضوع يم ايناس اصير سعفه مو جبل موضوع صار شهرين ادري بي بس لا يوصل خبر اله وتهد حيل بفراكه صار العكس وهدت حيلي بمرضه 

 

سامي: كول يالله والله مابيه شي كوم هسه تطلع دكتور دكتل كعدت 

 

بقه على هل حاله وسامي وضياء وعلي الي رجع محتقن يهدي بي 

طلعت علينه الدكتور وصدمتنه 

 

غديرر.....

 

يوم ستكتمل حروف الروايه ستكون العيون باكيه

★★★★★★★★★

استغفر الله

اللهم صلي على محمد وال محمد