تاريخ النشر : 08/01/2024, 05:46:44

 

#انثى_في_معتقل_الخطيئه 5

بقلم #نورا. #غدرني_الزمن

قياد...:

طلعنا اني ورضا ..دخلنه للسياره وانطلقنا .. الطفل لسه نايم ..گتله شراح تگول لشذى لو اصلا كايل الها

رضا.. : تعرف بموضوع الطفل .. بس انت احجي شتريد منها هالبنت .. ماعهدتك هيجي وتدور هيج سوالف .. لو حلتلك الشغله

قياد..: ضحكت ..ومسحت ع راس الطفل وگتله ابو محمد الانسان من ينصدم كل شي يسوي ..

رضا..: بشنو مصدوم يمعود البنيه مو من نصيبك .. اقتنع مثل مااني اقتنعت ان ريهام عاهر ومريضه راح تموت وخلص

قياد.. اني مو مثلك. .حقدت ومدااكدر أاذيها ولاكادر اقتنع ان هي خلص صارت الغيري التفكير ماكل قلبي وفكري واريد اخلص مدداكدر دتجيلي هيج افكار بلكي اخلص ..

رضا..: خلص قياد سوي الي يريحك ووكفني يم اقرب صيدليه او محل اخذ لحمودي حليب وحفاضات .. بنت الكلب لگفت الفلوس حتى ملابسه منطتني اياهم

قياد.. اي دتضمهم لغير طفل ..شبيك انت هه

نزل رضا اخذ شغلات للطفل وبقاه يمي اباوعله انقهرت عليه شنو ذنبه هذا ليش هيج اهله خلفو بالغلط ليش ما حافضو ع نفسهم .. وبقيت افكر اكثر بلي ناوي اسوي ..بس جية رضا قطعت افكاري .. وصلت رضا والطفل للبيت ورحت اني للبيت .....

زمن ... : بهالفتره ماما كلش تعبت وديناهه المستشفى اني وسيف ابن نوال .. الطبيب كال ادعولها وتوقعوا كل شي .ولازم هالفتره تبقى بالمستشفى. كعدت ابجي وسيف يهدأ بيه وجابلي مي ..بعدها شفت نوال جايه للمستشفى .. تفاجئت اكيد عدها حسبه ابالهه سئلت على ماما وگتلهه هيج الطبيب گال .. گالت لعد يلا انت امشي ويايه .. كتلهه وين ..:

نوال ..: للبيت بعد وين

زمن ..: اني مااعوف امي

نوال .. :تمشين ويايه لااادزلج جم واحد من الجماعه هم يصلخونج صلخ وهم تتأدبين وتتعلمين تاخذين الحجي .

زمن...: حسيت من كلامها اكو شي وهددتني بالجماعه خفت منهم ذول يعاقبون الي .. ميخاذن كلامها النواال گتلها خليني اشوف امي ..دخلنه عليهه .. جانت تعبانه حييل امي .. لزمت ايدهه شاورتني باذني كالت اكو علبه زغيره بالكنتور الج گتلها ماشي. بوستها ودموعي تجري هي كانت سندي فتحت عيوني ع الدنيا ولكيتها هي امي رغم اعرف مو هي الي ولدتني 

اخذتني نوال وبقه سيف بالمستشفى يم امي اول مارجعنه ..كان وقت عصر. . شفت بنات اثنين وبوسطهم ريهام متكينها وماشين بيها شكلها تعبان وجهه متقرح وغريب ومابيهه تمشي ومااعرف وين مودينها ..

دخلت للغرفه كعدت ع سرير امي ابجي واحساسي كاني جبل وانهد ع الكاع وصار كومه حجار اعرف بنفسي رح اضيع من بعد امي والكلاب رح تنهشني خليت راسي ع ركبي وابجي وادعي ربي ان يرجعها اليه بس اعرف هالمرض فتاك ولايمكن ان تشفى منا خاصة حالتها سيئه من اشهر .. دخلت عليه نوال ووياهه بنات اثنين ..اشرت الهم بايدها كمت ع رجليه كتلهه شكو شكو شتريدين مني

لزمني البنات من ايديه .. تقربت عليه .شوفي ولج كافي دلع ودلال من الليله راح تدخلين للشغل ..

زمن ..: لاياشغل شتحجين انت مااشتغل شغلكم الوسخ .. مدت ايدهه العريضه وضربتني ع وجهي حسيت خدي انشلع

نوال ..:ولج شنو احنه فاتحين فندق هنا .. شوفي لو تشتغلين بارادتج لو اخلي سامر وحامد يروضونج

زمن ..: شأحجي وشأكوول دموعي ملت خدي اعرف سامر وحامد. هم ضخمين ومايرحمون خفت من كلامها واعرف شحيصيرلي الي اعرفه راح اتعرض للاغتصاب .. من قبلهم .. رحت وياهم مدنجه راسي وابجي ... خلص راح استسلم لو شنو الحياة وكفت بعيني شنومن الممكن ان يكون مصيري

واني نشأت ببيت دعاره ..بعد مااتخلت امي عني وهي عايشه بنعيم .. واني الي العذاب .

اخذتني البنيه اسمها باسمه .. سوتلي هيريموڤ واني كالجثه الي يحركون بيها بالمغيسل يغسلوها وينضفوها حالتي مثلها مااحرك ساكن هم يحركوني .. بس فرقي عن الجثه ان هي بدون احساس اما انا كل الاحاسيس بيه ..احساس الوجع والفقد فقد امي الربتني واحساس الحقد ع ام انجبتني وعشت بداخل احشائها 9اشهر لكن ماان ابصرت نور الدنيا بل ظلامها ..تخلت عني ..احساس الغيره من كل بنت عايشه حياة طبيعيه .. تحب وتنحب وتتزوج بالحلال اه يالحلال الي مراح اتذوق طعمه بيوم

بعدها فوتتني تحت الدوش وصبت الماي عليه واحس دتصب عليه تيزاب تحركني ..دتجهزني لحتى اصير فريسه حلوه للي حيفترسني .. كملت الحمام وطلعت للغرفه لبست فستان اسود ربع ردن وحد الركبه ضيق وسشورت شعري وخلت الي ميك اب .. واني ابجي وهي تصيح بيه ولج حتخربي ..باوعتلها كتلها باسمه عفيه شحيصير الي ..

باسمه ..:ههههي شيصير بس اول مره تتوجعين بعدين راح يصير الج عسل .. انت شربي ومتحسين

زمن ..: مااريد باسمه اريد امي ..وكعت بالكاع على ركبي وصرت ابجي اريد امي دخيلكم والله لسه طفله ممكمله 16اني ..ع صوتي دخلت نوال .. وكالت الي بعمرج صارن خبره من طيح الله حظ سميره (ام زمن اسمها سمر) الي مادخلتج للخدمه من اول

زمن ..:صرت تحت رجليها اتوسلها .حضنت سيقانها .فدوه باجي نوال كل شي اسوي .. بس لاتخلين احد يلمسني عفيه انضف اطبخ اي شي فدووه.. دفعتني برجليها ..طكت باصابيعها الوسط والابهام وكالت ربع ساعه اريدها جاهزه .. باسمه كالت صار .. طلعت نوال بقيت بالغرفه باسمه تشتغلني ..صفنت شفت نفسي كبيره بالعمر .. ومتمدده ونايمه واعاني من الوجع والامراض فركت عيوني ..غمضت شفت نفسي حالي من حال ريهام ..صحيت ع صوت باسمه ولج صخام شسويتي بعيونج .. دفعتها ضربتني ع وجهي وكالت رايحه اصيح لسامر .. كتلها خلص هذا هو عدلي اخر مره ..استسلمت ..الوجع الي بداخلي تحول براكين من حقد ميخمدها بس الانتقام .. ماالي ذنب بوجودي بين احشاء امراه مذنبه.. ومالي ذنب خرجت من صلب ذكر ناقص .ماعنده ذرة رجوله . بعد ماتخلص هالليله

5

قررت اروح لامي سمر ..واخليها تحجيلي عن اهلي والي اخذتني منهم ..هي كانت ملمحتلي عنها بس اريد اعرفهم واوصل الهم وانتقم منهم شر انتقام ..

تمنيت الحظ ينصفني ويوگف بجانبي ..لاني مظلومه

خلصت كل شي ..قويت نفسي ورفعت وجهي ع المرايه وصرت اباوع و لا كأنه هذه انا ..المكياج مغيرني ..وشعري مفتوح ومبروم ومغطي جزء كبير من ايديه .. لانه طويل .. اباع العيوني تغيرت نضراتها الى حقد .سمعت صوت سيف فتحت الباب طلعت سئلته عن امي كال نفس ماهي عليه حالتهه وطلعوني اني مقبلو ابقى رجعت للغرفه مدري افكر بامي مدري بحالي . دخلت ورايه نوال .. شافتني كالت ايي هيييج انت احلى وحده هنا راح دريلي ذهب وفلوس باوعتلها وحجيت بقلبي ..اذا الله قاسم الي انتقم فراح اشملج بانتقامي وماراح ارحمج .. راح اقبل بمصيري .. لاني ضعيفه هسه بس صدگي حتى چلابج سامر وحامد الي يحرسونج راح اخليهم ينهشونج مثل مانهشو هوايه بنات بسببج لزمتني من كتفي وطلعت وياهه نمشي بهدوء .. جان يصيرون كبالي سامر وحامد .. اشرتلي عليهم بأصبعها الابهام والسبابه وگالت باعيهم ومحاجه اكولج شيسوون بيج .. صيري حبابه وارضي بنصيبج واخذتني ودخلتني بالصاله كنت مندگه راسي وكالت يلا عيني صارت جاهزه الك زمزميه .. رفعت راسي .. شفته نفسه الولد الي طخيت بي بالغرفه انصدمت ليش هو نفسه وشمعنى هو بعدها كلت خلص مبين هذا من رواد البيت ..باوعته لابس قميص زيتوني بلون عيونه ردانه مشكلها بدكمه قريب العكسه ..وبنطرون بيجي .. وشعره اسود سرح وساحبه بالجل .. نضراته ماتنحزر كانه متردد ..نوب خزرني خفت حسيت بالضعف ..تذكرت عيونه حمر وهو سكران ..شراح يسوي بيه .. كالت يلا اخذها سحبني من ايدي قوي حسيتها حتنخلع بيده .. خوفني ..و تألمت ..

دخلنا لنفس الغرفه .. شمرني ع السرير وعيونه بعيوني صرت ابجي .. ويا دموعي الكحل ينزل .. ايدينه ع خصره وگال شكو ليش تبجين .. بعد مو هي شغلتج .. ليش البجي .. گتله لا فدوه اني مو هيج هي اول مره عفيه اتركني .. تقرب مني وحضني ضحك باستهزاء.. ههههه تقنعيني اول مره .. لزمني من خدي وباعد عن شعري وصار يبوسني برقبتي شهگت بجي اني بحظنه .. رفع راسه مني ودفعني ع السرير تمددت ..صرت ازحف وصلت لمكان المخاد وكعدت حاوطت جسمي بايديه .. هو بقه واگف ..ولازم راسه ..

قياد..:اني كنت متردد بس ماادري شنو الي جابرني اسوي هيج شفتها تبجي .. صرت عاجز وضجت توقعت راح تدلعني ماعرفت شبيها ..واني اصلا ماارتاحيت للغرفه ابد بس بداخلي اريدها وكل مااباوع الها اشوفها ورده نفس الدم نفس الملامح اخذتها من ايديها ضاعت بيدي قررت اخذها للبيت لان محد بي عمتي وزوجها باربيل .. زواج اقاربه لصباح .. گتلها گومي ويايه ..

زمن ..:لافدوه اسوي التريده بس لاتوديني لباجي نوال تكطعني تعاقبني والله ..

قياد..: دمشي گتلهه بصوت عالي فززتها سحبتها حييل من ايدها وهي ع السرير وصلتها الي طخت بيه وبقت ملاصقه الصدري ومخليه ايدها عليه حضنتها بايدي وطلعنا ... صارت بوجهي نوال .. گالت ها اكو شي خو مااذتك تره دبارها يمي بس كول ..

قياد..: لا مو هيج بس ماارتاحيت هنا ممكن اخذها وياي لبيتي مو ؟

نوال .. : اخذهه حصتك هي الليله

زمن ... :: طلعني من الغرفه وحاضني متت خوف حيسلمني لنوال .. وجلابهه من كاللهه اخذهه للبيت كلت يمكن هو ارحم من سامر وحامد .مااعرف شنو ينتظري . سمعت كلامها وكأنه اني سلعه رخيصه.. باوعتلها بحقد ردتها الي بنضرات تهديد .صرنا نمشي اني ويا بالبيت نريد نطلع هو حاضني بأيدينه واني من الخوف متشبثه بي وراسي ع صدره حسيت بللت قميصه بدموعي وتلفته بمكياجي النزل من عيني بسبب البجي ..الحيره ماليه روحي ان بقيت هنا معروف مصيري وان طلعت ويا ...مااعرف شحيصيرلي ...صرت اباوع بالوجوه ردت احد ينقذني يصير الي ظهر ويحميني لكن مااكو احد الكل ملتهي بالرقص والونسه .والشرب والرذيله .لحظتها الوجع..ماوسع روحي . وطلعنا من البيت دخلني بسيارته وانطلق بيه الى مصيري المجهول او المحتوم ماادري

😨

يتبع