تاريخ النشر : 07/30/2024, 12:26:29

 

ﻋﻤﺎﺭ ...

ﻣﻨﻮ ﺍﻟﻲ ﺍﺗﻌﺪﻯ ﻋﻠﻴﺞ ﺗﻌﺮﻓﻴﻪ ..

ﺍﻱ ﺍﻋﺮﻓﻪ ...

ﺍﺣﺠﻴﻠﻲ ﻗﺼﺘﺞ ﻣﻦ ﺍﻟﺒﺪﺍﻳﻪ ﻭﺍﺫﺍ ﺻﺪﻙ ﺍﺧﺬﻟﺞ ﺣﻘﺞ ..

ﺍﺣﺠﻴﻠﻚ ﺑﺲ ﻃﻮﻳﻠﻪ ﻗﺼﺘﻲ ..

ﻭﺍﻧﻲ ﺍﺳﻤﻌﻠﺞ ..

ﺍﻧﻲ ﻫﺒﺔ ﻋﻤﺮﻱ ١٨ ﺳﻨﻪ .. ﺍﻣﻲ ﺗﻮﻓﺖ ﻭﺍﻧﻲ ﻋﻤﺮﻱ ١٠ ﺳﻨﻴﻦ ﺟﻨﺖ ﺍﻧﻲ ﻭﺣﻴﺪﺗﻬﺎ ﻭﻫﻴﻪ ﺻﺤﺘﻬﺎ ﻣﻮ ﺗﻤﺎﻡ ﮔﻠﺒﻬﺎ ﺿﻌﻴﻒ ﺣﺘﻰ ﻣﻦ ﺻﺮﺕ ﺍﻧﻲ ﺟﺎﻧﻮﺍ ﺧﺎﻳﻔﻴﻦ ﻋﻠﻴﻬﺎ ﻻﺗﺮﻭﺡ ﺑﻴﻬﺎ ﺍﺑﻮﻳﻪ ﺟﺎﻥ ﻳﺤﺒﻬﺎ ﻫﻴﻪ ﺣﻠﻮﺓ ﻭﺍﻣﻮﺭﻫﺎ ﺍﻟﻤﺎﺩﻳﻪ ﺯﻳﻨﻪ ﻋﺪﻫﺎ ﺍﺧﺖ ﻭﺣﺪﻩ ﻭﺃﺧﻮﺓ ﺍﺛﻨﻴﻦ .. ﺧﺎﻟﺘﻲ ﻣﺴﺎﻓﺮﻩ ﻫﻲ ﻭﺧﺎﻟﻲ ﺍﻟﺠﺒﻴﺮ .. ﺑﺲ ﺧﺎﻟﻲ ﺍﻟﺼﻐﻴﺮ ﻋﺎﻳﺶ ﻫﻨﺎ ...

ﺿﻠﺖ ﺗﺘﻌﺐ ﺍﻣﻲ ﻭﺍﻟﻲ ﻳﺰﻳﺪ ﺗﻌﺒﻬﺎ ﺍﻧﻲ ﻭﺷﻠﻮﻥ ﺗﻌﻮﻓﻨﻲ ﻭﺣﺪﻱ ﻭﺍﻟﻤﻦ ..

ﺑﺪﺕ ﺗﺪﻫﻮﺭ ﺣﺎﻟﺘﻬﺎ ﻭﺑﻴﻮﻡ ﻣﺜﻞ ﻫﻴﺞ ﺟﻮ ﺑﺎﺭﺩﺓ ﺍﻟﺪﻧﻴﺎ ﻭﻣﻄﺮ ﻗﻮﻱ ﺍﻣﻲ ﺍﻧﺘﻜﺴﺖ ﻛﻠﺶ ﻭﺳﻠﻤﺘﻬﺎ ﺟﻨﺖ ﺍﺩﺭﻱ ﻫﺬﺍ ﺍﻟﻴﻮﻡ ﺭﺍﺡ ﻳﺠﻲ ﺑﺲ ﻣﺎﺗﺼﻮﺭﺕ ﺭﺍﺡ ﻟﻬﺪﺭﺟﻪ ﺍﻋﺎﻧﻲ ﻭﺭﺍﻫﺎ ﺻﺢ ﺟﺎﻧﺖ ﻣﺮﻳﻀﻪ ﺑﺲ ﺟﻨﺖ ﺷﺎﺩﻩ ﺣﺰﺍﻡ ﻇﻬﺮﻱ ﺑﻴﻬﺎ ...

ﺍﺑﻮﻳﻪ ﺍﻧﻬﺎﺭ ﺑﺴﺒﺒﻬﺎ ﻭﺩﻧﻴﺎ ﻃﻠﻌﺖ ﻣﻦ ﻋﻴﻮﻧﻪ ﻛﺎﻡ ﻳﻜﺮﻩ ﻳﻄﺐ ﺍﻟﺒﻴﺖ ﻭﺍﻧﻲ ﻛﺎﻋﺪﻩ ﻭﺣﺪﻱ ﺑﻴﻦ ﻓﺘﺮﺓ ﻭﻓﺘﺮﺓ ﺗﺠﻲ ﻣﺮﺕ ﻋﻤﻲ ﻭﻋﻤﻲ ﻳﻤﻨﺎ ﻳﺠﻴﺒﻮﻥ ﺑﻴﺒﺘﻲ ﺍﻡ ﺍﺑﻮﻳﻪ ﻭﻳﻀﻠﻮﻥ ﺍﻳﺎﻡ ﻭﻳﺮﺣﻮﻥ ﻣﺮﺕ ﻋﻤﻲ ﻋﻠﻤﺘﻨﻲ ﻋﻠﻰ ﺍﻟﻄﺒﺦ ﻻﻥ ﺑﻌﺪ ﻣﺤﺪ ﺍﻟﻨﺎ ﻛﻤﺖ ﺍﺗﻌﻠﻢ ﺑﺲ ﻳﺎﺩﻭﺏ ﺍﻭﻛﻒ ﻋﻠﻰ ﺍﻟﻄﺒﺎﺥ ﺍﺿﻞ ﺧﺎﻳﻔﻪ ﻣﻦ ﺍﻟﻨﺎﺭ ﻭﺍﻟﺠﺪﺭ ﺧﺎﻑ ﻳﻮﻛﻊ ﻋﻠﻴﻪ ..

ﺑﻴﺒﺘﻲ ﺍﻡ ﺍﺑﻮﻱ ﺿﻠﺖ ﺗﻨﻮﺡ ﻭﺗﺒﺠﻲ ﻋﻠﻰ ﺍﻣﻲ ﺍﻟﻲ ﻣﻦ ﺗﺰﻭﺟﺖ ﻟﺤﺪ ﻣﺎ ﻣﺎﺗﺖ ﻣﺎﺻﺤﺖ ﺍﺑﺪ ﻭﻫﻤﺎ ﺍﺧﺬﻭﻫﺎ ﻭﺭﺩﺓ ﻣﻔﺘﺤﻪ ﻟﻜﻦ ﻳﻤﻬﻢ ﺑﺪﺕ ﺗﺬﺑﻞ ﻳﻮﻡ ﻳﻮﻡ ﻟﺤﺪ ﻣﺎﺭﺍﺣﺖ ﻟﺪﺍﺭ ﺣﻘﻬﺎ ...

ﺑﻴﺒﻴﺘﻲ ..

ﺍﺑﻨﻲ ﺭﺣﻴﻢ ..

ﻫﺎ ﻳﻮﻡ ..

ﺟﻢ ﺩﻭﺏ ﺗﺒﻘﻰ ﺑﻼ ﻣﺮﺓ ...

ﻳﻤﻪ ﺍﺗﺰﻭﺝ ﺟﺮﺑﺖ ﺣﻈﻲ ..

ﻻ ﻳﻤﻪ ﻫﺎﻱ ﻗﺴﻤﺘﻬﺎ ﻭﻫﺎﻱ ﺑﺘﻚ ﺻﻐﻴﺮﻩ ﺧﻠﻴﻬﺎ ﺗﺮﺟﻊ ﻟﻤﺪﺭﺳﺘﻬﺎ ﺷﻨﻮ ﺫﻧﺒﻬﺎ ﻓﻮﻛﺎﻫﺎ ﺑﻼ ﻋﻼﻡ ...

ﻳﻤﻪ ﻣﻨﻮ ﺍﻟﻲ ﻭﻣﻨﻮ ﺗﺎﺧﺬﻧﻲ ..

ﻳﺎﺍﺍ ﺍﺷﺒﻴﻚ ﺍﻋﻤﻰ ﺍﻋﺮﺝ ﻭﻳﺎﻫﻮ ﺍﻟﺘﺎﺧﺬﻙ ﺍﻟﻒ ﻭﺣﺪﺓ ﺗﺘﻤﻨﺎﻙ ﻭﺍﻛﻮ ﻧﺎﺱ ﺟﺪﺩ ﻛﺎﻋﺪﻳﻦ ﻫﻨﺎ ﻣﻦ ﺟﻮﺍﺭﻳﻨﺎ ﺍﻟﺠﺪﺩ ﻋﺪﻫﻢ ﺑﻨﻴﻪ ﺣﻠﻴﻮﺓ ﺍﺧﻄﺒﻬﺎ ﺍﻟﻚ ..

ﺍﻧﻲ ﺑﺎﻟﻤﻄﺒﺦ ﺳﻤﻌﺖ ﺣﺠﻴﻬﻢ ﻭﺑﺠﻴﺖ ..

ﻋﻤﺎﺭ ﻳﺒﺎﻭﻉ ﻋﻠﻰ ﻫﺒﻪ ﻭﻫﻲ ﺗﺤﺠﻲ ﻭﺗﺒﺠﻲ ..

ﺍﺟﺘﻲ ﺍﻟﻤﻤﺮﺿﻪ ... ﺑﻬﺎﻟﻠﺤﻈﻪ ﺷﻠﻮﻥ ﺻﺮﺗﻲ ..

ﻋﻨﺪﻱ ﺍﻻﻻﻡ ﺗﺮﻭﺡ ﻭﺗﺠﻲ ..

ﻃﺒﻴﻌﻲ ﺗﺼﻴﺮ ﺍﻻﻻﻡ ﺍﻧﻲ ﺣﺎﻧﻄﻴﺞ ﺍﺑﺮﻩ ﺗﺮﺗﺎﺣﻴﻦ ..

ﺑﺎﻭﻋﺖ ﻋﻠﻰ ﺳﺎﻋﺘﻲ ﺟﺎﻧﺖ ٣ ﺍﻟﻔﺠﺮ ..

ﻫﺒﻪ ﺍﻧﻲ ﺭﺍﻳﺢ ﺑﺎﺟﺮ ﺟﺎﻱ ﺩﻳﺮﻱ ﺑﺎﻟﺞ ﺗﻄﻠﻌﻴﻦ ﺑﺪﻭﻥ ﻋﻠﻤﻲ ﻫﺎﺝ ﺭﻗﻤﻲ ﺧﺎﻑ ﺗﺤﺘﺎﺟﻴﻨﻲ ﻛﻞ ﺷﺊ ﻳﺼﻴﺮ ..

ﺑﺲ ﻣﺎﻋﻨﺪﻱ ﺗﻠﻔﻮﻥ ...

ﻣﻴﺨﺎﻟﻒ ﺧﻠﻲ ﻳﻤﺞ ﻛﻠﺸﻲ ﻳﺼﻴﺮ ﺑﺎﺟﺮ ﺍﻧﻲ ﺟﺎﻳﺞ ..

ﺗﺼﺒﺤﻴﻦ ﻋﻠﻰ ﺧﻴﺮ .. .

ﺻﻌﺪﺕ ﺳﻴﺎﺭﺗﻲ ﺍﻟﻤﻄﺮ ﺟﺎﻥ ﻭﺍﻛﻒ ﻭﺍﻟﻨﺠﻮﻡ ﻃﻠﻌﺖ ﺑﺲ ﺍﻟﺠﻮ ﺟﺎﻥ ﺑﺎﺭﺩ ﻭﺍﻟﻬﻮﻯ ﻋﺬﻳﺒﻲ ﻳﺮﺩ ﺍﻟﺮﻭﺡ ... ﻣﺸﻴﺖ ﻭﺍﻧﻲ ﺍﻓﻜﺮ ﺑﻴﻬﺎ ﺟﺎﻥ ﻳﻌﺠﺒﻨﻲ ﺍﻛﻤﻞ ﻗﺼﺘﻬﺎ ﺑﺲ ﺍﻟﻤﻤﺮﺿﻪ ﻭﻟﻮ ﻫﻲ ﻫﻢ ﺗﻌﺒﺎﻧﻪ ﺟﺎﻧﺖ ..

ﻃﺒﻴﺖ ﻟﻠﺒﻴﺖ ﻟﻜﻴﺖ ﻣﺮﻳﻢ ﻧﺎﻳﻤﻪ ﻋﻠﻰ ﺍﻟﻘﻨﻔﻪ ﻣﻮ ﺑﻔﺮﺍﺷﻬﺎ .

ﻣﺮﻳﻢ ..

ﻫﺎﺍﺍﺍ ﻋﻤﺎﺭ ﺍﺟﻴﺖ ﺑﺸﺮ ﺷﺨﺒﺎﺭ ﺍﻟﺒﻨﻴﻪ .. ﻛﺎﻟﺘﻬﺎ ﺑﺼﻮﺕ ﻧﺎﺻﻲ ﺍﻟﺤﻤﺪﻟﻠﻪ ﺯﻳﻨﻪ ..

ﺍﻟﺤﻤﺪﻟﻠﻪ ﺍﺳﻮﻳﻠﻚ ﻋﺸﻪ ..

ﻻ ﺭﻭﺣﻲ ﻛﻤﻠﻲ ﻧﻮﻣﺘﺞ ﺑﻐﺮﻓﺘﺞ ..

ﺻﻌﺪﺕ ﻣﺮﻳﻢ ﻟﻐﺮﻓﺘﻬﺎ ﺿﻠﻴﺖ ﻛﺎﻋﺪ ﺑﺎﻟﻬﻮﻝ ﻭﺍﻧﻲ ﺍﻓﻜﺮ ﺑﻬﺒﺔ ﻭﺑﻜﻼﻣﻬﺎ ﻟﺤﺪ ﻣﺎ ﻧﻤﺖ .. ﺻﺤﻴﺖ ﻋﻠﻰ ﺻﻮﺕ ﺍﻣﻲ ..

ﻣﺎﻣﺎ ﻟﻴﺶ ﻫﻨﺎ ﻧﺎﻳﻢ ..

ﻫﺎ ﺍﻣﻲ ﺣﺒﻴﺒﺘﻲ ﺷﻠﻮﻧﺞ ..

ﺯﻳﻨﻪ ﺍﻧﻲ ﺍﺑﻨﻲ ﺍﺫﺍ ﺍﻧﺖ ﺯﻳﻦ ﺷﺒﻴﻚ ﻳﻮﻡ ...

ﻻ ﻳﻮﻡ ﻣﺎﺑﻴﻪ ..

ﻳﺎﺍﺑﻨﻲ ﺷﻮﻛﺖ ﺗﺰﻭﺝ ﺗﺒﻘﻰ ﻫﻴﺞ ..

ﺍﻣﻲ ﻣﻀﻞ ﺷﻲ ﻭﻟﻮ ﻫﻮ ﺍﻟﺰﻭﺍﺝ ﺷﺮﺍﺡ ﻳﺴﻮﻳﻠﻲ ..

ﻛﻤﺖ ﻣﻦ ﻳﻤﻬﺎ ﺳﻮﻳﺖ ﺍﻟﺠﺎﻱ ﻭﺩﺧﻨﺖ ﺟﻜﺎﺭﺗﻲ ﻭﻛﻤﻠﺖ ﺍﻟﻔﻄﻮﺭ ﻭﻛﻌﺪﻧﺎ ﺍﻧﻲ ﻭﺍﻣﻲ ﻭﻧﺰﻟﺖ ﻣﺮﻳﻢ ﻣﻦ ﻏﺮﻓﺘﻬﺎ ...

ﻫﺎ ﺗﺴﻮﻭﻥ ﺍﻛﻞ ﻭﻣﺘﻜﻌﺪﻭﻧﻲ ﺻﺒﺎﺡ ﺍﻟﺨﻴﺮ ..

ﺻﺒﺎﺡ ﺍﻟﻨﻮﺭ ﻳﺎﻟﻪ ﺗﻌﺎﻱ ﻋﻠﻰ ﺍﻭﻟﻬﺎ ﺣﺒﻴﺒﺘﻲ ..

ﺿﻠﻴﻨﺎ ﻧﺴﻮﻟﻒ ﻭﻧﻀﺤﻚ ﻭﻛﻤﻠﺖ ﺍﻛﻠﻲ ﻃﺒﻴﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﻭﺳﻠﻤﺖ ﻋﻠﻰ ﺍﻣﻲ ﻭﻃﻠﻌﺖ ﻭﺍﺧﺬﺕ ﻣﻼﺑﺲ ﻭﻳﺎﻱ ﻣﻦ ﻣﺮﻳﻢ ﻟﻬﺒﺔ ..

ﺍﺗﺼﻠﺖ ﺑﺎﻟﻤﺮﻛﺰ ﻭﺑﻠﻐﺘﻬﻢ ﺍﻧﻲ ﻣﺎﺍﺟﻲ ﺍﻟﻴﻮﻡ ﻋﻨﺪﻱ ﺷﻐﻞ ﻭﺍﻛﻮ ﺿﺎﺑﻂ ﺍﺧﺮ ﻭﻳﺎﻱ ﺍﺳﻤﻪ ﻣﺤﻤﺪ ﺟﺎﻥ ﻳﺨﻠﺼﻠﻲ ﺷﻐﻠﻲ ﺑﺎﻭﻗﺎﺕ ﺍﻧﻲ ﻣﺎﻣﻮﺟﻮﺩ ﺑﻴﻬﺎ ﻭﺑﺎﻟﻌﻜﺲ ﺍﻧﻲ ﻫﻢ ..

ﻭﺻﻠﺖ ﻟﻠﻤﺴﺘﺸﻔﻰ ﻭﺭﺣﺖ ﺭﺍﺳﺎ ﻋﻠﻰ ﻏﺮﻓﻪ ﻫﺒﻪ ﻟﻜﻴﺘﻬﺎ ﻳﻢ ﺍﻟﺸﺒﺎﻙ ﺗﺒﺎﻭﻉ ﻭﻫﻲ ﺑﻌﺎﻟﻢ ﺛﺎﻧﻲ .. ﻛﻌﺪﺕ ﻳﻤﻬﺎ ..

ﺍﻱ ﻫﺒﻪ ﺷﻠﻮﻧﺞ ..

ﻫﺎﻱ ﻣﻼﺑﺲ ﺑﺪﻟﻲ ﻭﺣﺘﻰ ﺍﻛﻮ ﺟﻮﺍﺭﻳﺒﺎﺕ ﻣﻦ ﺍﺧﺘﻲ ﺟﺒﺘﻠﺞ ﺑﺪﻟﻲ ﺍﻟﺪﻧﻴﺎ ﺑﺎﺭﺩﺓ ﺑﻴﻦ ﻣﺎﺍﺍﺩﺧﻦ ﻫﺎﻟﺠﻜﺎﺭﺓ ﻃﻠﻌﺖ ﺑﺮﺓ ﻭﺍﻧﺘﻈﺮﺗﻬﺎ ﺑﻴﻦ ﻣﺎﺗﻐﻴﺮ ﻣﻼﺑﺴﻬﺎ ..

ﻓﺘﺤﺖ ﺍﻟﺒﺎﺏ ﻭﻛﺎﻟﺖ ﻛﻤﻠﺖ ﺑﺎﻭﻋﺖ ﻋﻠﻴﻬﺎ ﺻﺎﺣﺒﻪ ﺟﺴﻢ ﻭﻃﻮﻝ ﻭﻋﻴﻮﻥ ﺭﻣﺎﺩﻳﻪ ﻭﺍﻟﺸﻌﺮ ﺍﺳﻮﺩ ﺭﺍﻓﻌﺘﻪ ﻟﻜﻦ ﻭﺟﻬﻪ ﻛﻠﻪ ﻛﺪﻣﺎﺕ ..

ﺗﻌﺎﻝ ﺍﺳﺘﺎﺫ ..

ﺩﺧﻠﺖ ..

ﺍﺳﻤﻲ ﻋﻤﺎﺭ ﻛﻤﻠﻲ ﺳﺎﻟﻔﺘﺞ ﺗﺒﻴﻨﻴﻦ ﺯﻳﻨﻪ ﺍﻟﻴﻮﻡ ...

ﺍﻱ ﺍﻟﺤﻤﺪﻟﻠﻪ ...

ﻭﺻﻠﻨﺎ ﺍﻟﻰ ......

ﺍﻧﺘﻲ ﺑﺎﻟﻤﻄﺒﺦ ﻭﺗﺴﻤﻌﻴﻦ ﻛﻼﻡ ﺑﻴﺒﻴﺘﺞ ..

ﺍﻱ ﺻﺢ ..

ﻛﻤﻠﻲ ..

ﺟﻨﺖ ﺑﺤﻜﻢ ﻋﻤﻠﻲ ﺑﺎﻟﻤﺮﻛﺰ ﺍﻋﺮﻑ ﺍﺫﺍ ﺍﻟﻲ ﻳﺴﺮﺩﻟﻲ ﻗﺼﺘﻪ ﻛﺎﺫﺏ ﻟﻮ ﺻﺎﺩﻕ ﺟﺎﻧﺖ ﻫﺒﻪ ﺗﺤﺠﻲ ﻭﺗﺘﺒﻠﻌﻢ ﻭﺑﺼﺮﺍﺣﺔ ﻛﺴﺮﺕ ﺧﺎﻃﺮﻱ ...

ﺍﻧﻲ ﻣﺎﺣﺠﻴﺖ ﺷﻲ ﻭﻱ ﺑﻴﺒﻲ ﺷﻔﺖ ﻣﻦ ﺣﻘﻪ ﺑﺎﺑﺎ ﻳﺘﺰﻭﺝ ﻫﻢ ﺷﻨﻮ ﺫﻧﺒﻪ ...

ﺭﺍﺣﻮ ﺧﻄﺒﻮﻫﺎ ﻻﺑﻮﻳﻪ ﻃﻠﻌﺖ ﺍﺭﻣﻠﻪ ﻭﻋﺪﻫﺎ ﺟﻬﺎﻝ ﺍﺛﻨﻴﻦ ﺍﺻﻐﺮ ﻣﻨﻲ ﻭﻋﺪﻫﻢ ﺭﺍﺗﺐ ﺗﻌﻴﺸﻬﻢ ﺑﻴﻪ ... ﺻﺎﺭﺕ ﺍﻟﺨﻄﻮﺑﻪ ﺑﺴﺮﻋﻪ ﻭﺧﻼﻝ ﺷﻬﺮ ﺍﺗﺰﻭﺝ ﺍﺑﻮﻳﻪ ﻭﺑﺪﺕ ﺭﺣﻠﻪ ﺛﺎﻧﻴﻪ ﻣﻦ ﺍﻟﻌﺬﺍﺏ ...

ﺟﺎﻧﺖ ﺯﻭﺟﺘﻪ ﺍﺳﻤﻬﺎ ﻧﺎﺩﻳﻪ .. ﻣﻦ ﺷﻔﺘﻬﺎ ﻭﺍﻧﻲ ﻋﻤﺮﻱ ﺻﻐﻴﺮ ﻋﺮﻓﺘﻬﺎ ﻇﺎﻟﻤﻪ ﻭﻧﺎﻭﻳﻪ ﻋﻠﻰ ﺷﺮ ﻭﻣﺸﺎﻛﻠﻬﺎ ﺣﺘﺒﺪﻱ ﻛﻠﺖ ﻳﺠﻮﺯ ﺍﻧﻲ ﻏﻠﻄﺎﻧﻪ ﺑﺲ ﺟﺎﻥ ﺍﺣﺴﺎﺳﻲ ﺑﻤﺤﻠﻪ ..

ﻣﺮﺕ ﺍﻻﻳﺎﻡ ﺍﻻﻭﻟﻰ ﻫﻲ ﺑﻐﺮﻓﻪ ﻧﻮﻣﻬﺎ ﻭﺟﻬﺎﻟﻬﺎ ﺻﻐﺎﺭ ﺗﺸﻤﺮﻫﻢ ﻋﻠﻴﻪ ﻭﺗﺮﻭﺡ ﺗﻨﺎﻡ ﺑﺤﻀﻦ ﺍﺑﻮﻳﻪ ﻣﺠﺎﻧﺖ ﺗﻬﺘﻢ ﺍﻧﻲ ﻣﻮﺟﻮﺩﺓ ﺗﻔﺘﺮ ﺑﻤﻼﺑﺲ ﺍﻟﻨﻮﻡ ﺑﺎﻟﺒﻴﺖ .. ﺟﺎﻧﺖ ﻣﺘﻘﺒﻞ ﺍﺩﺍﻭﻡ ﻣﺪﺭﺳﻪ ﺑﺲ ﺑﻴﺒﻲ ﺟﺎﻧﺖ ﻣﺼﺮﻩ ﻋﻠﻰ ﺩﻭﺍﻣﻲ ﻭﻣﺘﻜﺪﺭ ﺗﻔﻚ ﺣﻠﻜﻬﺎ ﻭﻳﺎﻱ ﻭﻣﻦ ﺟﻨﺖ ﺍﺭﺟﻊ ﻣﻦ ﺩﻭﺍﻡ ﺍﺑﻠﺶ ﺑﺎﻟﺒﻴﺖ ﻭﺗﻨﻈﻴﻒ ﻭﺣﺘﻰ ﺍﻟﻐﺪﺓ ﻣﺮﺍﺕ ﺍﻃﺒﺨﻪ ﺍﺫﺍ ﺑﻴﺒﻲ ﻣﺎﺗﻄﺒﺦ ﺑﻬﺎﻟﻴﻮﻡ ﻭﻧﺎﺩﻳﻪ ﺭﺟﻞ ﻋﻠﻰ ﺭﺟﻞ ﻭﻣﺮﺍﻳﺘﻬﺎ ﺑﻴﺪﻫﺎ ﻭﻋﻠﺠﻬﺎ ﺑﺤﻠﻜﻬﺎ ...

ﺑﻴﺒﻲ ﺣﺴﺖ ﻭﻛﻊ ﺍﺑﻨﻬﺎ ﺑﻮﺣﺪﻩ ﻣﺘﺼﻠﺢ ﺃﻥ ﺗﻜﻮﻥ ﺯﻭﺟﻪ ﺧﺎﺻﻪ ﻭﺍﻥ ﺍﺑﻮﻳﻪ ﻓﻘﻴﺮ ﻭﻣﻦ ﺍﻫﻞ ﺍﻟﻠﻪ ﻣﺜﻞ ﻣﺎﻳﻜﻮﻟﻮﻥ .. ﺑﺲ ﺑﻌﺪ ﺍﻳﺶ ﺍﻟﻔﺎﺱ ﺑﺎﻟﺮﺃﺱ ...

ﺑﻴﻮﻡ ﻣﻦ ﺍﻻﻳﺎﻡ ﺍﺟﺘﻲ ﺑﻴﺒﻲ ﺗﻠﻬﺚ ﺑﻌﺪ ﻣﺎﺟﺎﻧﺖ ﻛﺎﻋﺪﺓ ﺑﺎﺏ ﺍﻟﺤﻮﺵ ..

ﻛﺘﻠﻬﺎ ﺑﻴﺒﻲ ﺷﺒﻴﺞ ..

ﻳﻮﻣﻪ ﺷﻠﻮﻥ ﻣﺼﻴﺒﻪ ﻭﻃﺮﻛﺎﻋﻪ ..

ﺷﻜﻮ ﺑﻴﺒﻲ ﺧﻮﻓﺘﻴﻨﻲ ﺷﺼﺎﻳﺮ ..

ﻟﺞ ﻫﺎﻱ ﻣﺮﺕ ﺍﺑﻮﺝ ﻃﺒﺖ ﺑﺮﺍﺱ ﺍﻟﺪﺭﺑﻮﻧﻪ ﺍﻭ ﻭﺍﺣﺪ ﻳﻤﺸﻲ ﺑﻜﻔﺎﻫﺎ ﻭﺗﺤﺠﻲ ﻭﺗﺘﻤﻀﺤﻚ ﻭﻳﺎﻩ ﺗﺎﻟﻲ ﻋﻤﺮﻧﺎ ﻳﺠﻴﻨﺎ ﺍﻟﻌﺎﺭ ﻣﻦ ﻫﺎﻟﺸﻜﻮﻻﺕ ..

ﺿﺮﺑﺖ ﻋﻠﻰ ﻭﺟﻬﻲ ﻭﻛﺘﻠﻬﺎ ﺻﺪﻙ ﺗﺤﺠﻴﻦ ﺑﻴﺒﻲ ﺧﺎﻑ ﻣﺘﻮﻫﻤﻪ ..

ﻟﺞ ﺑﻴﺒﻲ ﺍﻧﻲ ﻣﺎﺍﺗﻮﻫﻢ ﻃﺮﻛﺎﻋﻪ ﻭﻃﺎﺣﺖ ﻋﻠﻴﻨﺎ ..

ﻃﺒﺖ ﻣﺮﺕ ﺍﺑﻮﻳﻪ ﻭﺗﻠﻜﺘﻬﺎ ﺑﻴﺒﻲ ﺟﺮ ﻣﻦ ﺷﻌﺮﻫﺎ ﻟﺞ ﻳﺎ ﻙ .... ﻩ ﺷﻌﻨﺪﺝ ﺗﺴﻮﻟﻔﻴﻦ ﻭﻱ ﻫﺬﺍ ﺷﺘﻜﻮﻝ ﺍﻟﻌﺎﻟﻢ ﻋﻠﻴﻨﺎ ﻣﺮﺕ ﺭﺣﻴﻢ ﻋﺎﻳﻘﻪ ..

ﺍﻧﺘﻲ ﺷﻌﻠﻴﺞ ﺑﻴﻪ ﻋﺠﻮﺯ ﺍﻟﺒﻴﻦ ..

ﺍﻧﻲ ﻋﺠﻮﺯ ﺍﻟﺒﻴﻦ ﺍﻧﻲ ﺍﻋﻠﻤﺞ ﺍﻟﻴﻮﻡ ..

ﺑﻴﺒﻲ ﺻﺎﺭ ﻛﻞ ﺍﻟﺤﻴﻞ ﺑﻴﻬﺎ ﺟﺎﺑﺖ ﺍﻟﺒﺎﻛﻮﺭﺓ ﻭﺿﺮﺑﺘﻬﺎ ﻟﻤﺮﺕ ﺍﺑﻮﻱ ﻭﻃﻠﻊ ﺍﻟﺪﻡ ﻣﻦ ﺭﺍﺳﻬﺎ ﺑﻬﺎﻟﻠﺤﻈﻪ ﻃﺐ ﺍﺑﻮﻱ ..

ﺿﻞ ﺍﺑﻮﻱ ﺻﺎﻓﻦ ﻋﻠﻰ ﺑﻴﺒﻲ ﻳﻤﻪ ﻫﺎﻱ ﻟﻴﺶ ﻫﻴﺞ ..

ﻣﺮﺕ ﺍﺑﻮﻳﻪ ﻣﻦ ﺷﺎﻓﺖ ﺍﺑﻮﻳﻪ ﺷﻜﺖ ﺯﻳﺠﻬﺎ ﻭﻛﺎﻟﺖ ﻋﻠﻤﻮﺩ ﺍﻟﻐﺪﺓ ﻻﻥ ﻣﺎﺳﻮﻳﺖ ﻏﺪﻩ ﺑﻨﺘﻚ ﻭﺍﻣﻚ ﻻﺯﻡ ﺍﻻﻛﻞ ﻳﺠﻲ ﻟﻴﻤﻬﻦ ﺍﻧﺖ ﻣﺎﺧﺬﻧﻲ ﺧﺪﺍﻣﻪ ﻭﻓﻮﻛﺎﻫﺎ ﻳﻜﺘﻠﻦ ﺑﻴﻪ ..

ﻭﺭﺍﺣﺖ ﻟﻤﺖ ﻫﺪﻭﻣﻬﺎ ..

ﺍﺑﻮﻳﻪ ﺻﺎﺡ ﻋﻠﻰ ﺑﻴﺒﻲ

ﻳﻤﻪ ﻣﻮ ﻫﻴﺞ ﺑﻌﺪﻫﺎ ﻋﺮﻭﺱ ﻭﺗﻄﺒﺦ ..

ﺍﻧﻲ ﻛﺘﻠﻪ ﻳﺎﺑﺎ .. ﻣﻮ ....

ﻗﺎﻃﻌﺘﻨﻲ ﺑﻴﺒﻲ .. ﺍﻱ ﻳﻤﻪ ﺣﻘﻚ ﻭﺭﺍﺣﺖ ﺑﻴﺒﻲ ﻟﺒﺴﺖ ﻋﺒﺎﺗﻬﺎ ﻭﻃﻠﻌﺖ ﻭﺍﺑﻮﻱ ﻣﺎﻛﺎﻟﻠﻬﺎ ﻭﻳﻦ ﺭﺍﻳﺤﻪ ..

ﻃﻐﺖ ﻣﺮﺕ ﺍﺑﻮﻱ ﺍﻭ ﻭﺻﻠﺖ ﺑﻴﻬﺎ ﻛﺎﻣﺖ ﺗﺠﻴﺐ ﺭﻳﺎﺟﻴﻞ ﻟﻠﺒﻴﺖ .. ﻣﻦ ﻳﺮﻭﺡ ﺍﺑﻮﻳﻪ ﻳﺒﺎﺕ ﺑﺮﻩ ﺟﻨﺖ ﺍﺑﺠﻲ ﻭﺍﺧﺎﻑ ﺍﺣﺪ ﻳﻄﺐ ﻋﻠﻴﻪ ﻭﺍﻧﻲ ﺻﻐﻴﺮﻩ .. ﻛﺎﻡ ﻣﺤﺪ ﻳﺠﻴﻨﺎ ﻣﻦ ﻋﻤﺎﻣﻲ ﻭﺭﺓ ﻣﺎﻃﻠﻌﺖ ﺑﻴﺒﻲ ﻣﻦ ﺍﻟﺒﻴﺖ ﻭﻣﻦ ﺗﺪﺯ ﻋﻠﻴﻪ ﺍﺭﻭﺡ ﺳﺎﻋﺎﺕ ﺍﺷﻮﻓﻬﺎ ﻭﺟﺎﻧﺖ ﺗﻮﺻﻲ ﺑﺪﺭﺍﺳﺘﻲ ﻣﺎﺍﻋﻮﻓﻬﺎ ﻟﺤﺪ ﻣﺎﺑﻴﻮﻡ ﺍﺟﺎ ﻋﻤﻲ ﻭﻛﺎﻝ ﻭﻳﻦ ﺍﺑﻮﺝ ..

ﻛﺘﻠﻪ ﻣﻮ ﻫﻨﺎ ﻋﻤﻲ ..

ﺑﺲ ﻋﻤﻲ ﺟﺎﻥ ﺗﻌﺒﺎﻥ ﻭﻳﻠﻬﺚ ..

ﻋﻤﻲ ﺍﺷﺒﻴﻚ ﺷﻜﻮ ﺷﺼﺎﻳﺮ ..

ﻭﻫﻮ ﻳﺒﺠﻲ ﻛﺎﻝ .. ﺍﻣﻲ ﻣﺎﺗﺖ

ﺿﺮﺑﺖ ﻋﻠﻰ ﻭﺟﻬﻲ ﻭﺑﺠﻴﺖ ﻣﻦ ﻛﻞ ﻛﻠﺒﻲ ﻭﺭﺣﺖ ﻭﻳﺎﻩ ﻟﻠﺒﻴﺖ ﺟﺎﻧﺖ ﺍﻟﻨﺎﺱ ﺗﺒﺠﻲ ﻋﻠﻰ ﺑﺠﻴﺘﻲ ﻛﺒﺮﺕ ﺍﻭ ﻭﻋﻴﺖ ﻣﻦ ﺍﻟﺼﺪﻣﺎﺕ ﺍﻟﻲ ﺷﻔﺘﻬﺎ ..

ﺧﻠﺼﺖ ﺍﻟﻔﺎﺗﺤﻪ ﻭﺷﺪﺕ ﻧﺎﺩﻳﻪ ﻭﻳﺎﻱ ﻋﻠﻰ ﺍﻟﺪﺭﺍﺳﻪ ﻭﺍﺑﻮﻱ ﻫﺎﻣﻠﻨﻲ ﻛﺎﻣﺖ ﺣﺘﻰ ﺿﺮﺏ ﺗﻀﺮﺏ ﺑﻴﻪ ﻭﺗﺘﺤﺠﺞ ﻋﻠﻴﻪ ﻭﺣﺘﻰ ﺍﺑﻮﻱ ﻣﻦ ﻳﻨﻄﻴﻨﻲ ﻣﺼﺮﻑ ﺗﺄﺧﺬﻩ ﺑﺲ ﺟﻨﺖ ﺍﻛﻮﻝ ﺑﺲ ﺗﺴﻜﺖ ﻭﺗﻌﻮﻓﻨﻲ ﻣﺎﺭﻳﺪ ﺷﻲ ﻣﻨﻬﺎ ... ﻛﺒﺮﺕ ﻭﺑﺪﺍ ﺟﺴﻤﻲ ﻳﺒﺮﺯ ﻭﺻﺎﺭ ﻋﻤﺮﻱ ١٤ , ﺳﻨﻪ

ﻭﺑﻴﻮﻡ ﺍﻧﻲ ﺟﻨﺖ ﺑﻐﺮﻓﺘﻲ

ﻭﺍﺑﻮﻱ ﺟﺎﻥ ﻃﺎﻟﻊ ﺑﺎﻳﺖ ﺑﺮﻩ ﻳﺸﺘﻐﻞ ﻋﻠﻤﻮﺩ ﻳﺮﺿﻴﻬﺎ ﺳﻤﻌﺖ ﺻﻮﺕ ﻋﺮﻓﺖ ﻫﻴﻪ ﺟﺎﻳﺒﻪ ﺍﺣﺪ ﻟﻠﺒﻴﺖ ﺳﺪﻳﺖ ﺑﺎﺑﻲ ﻭﺳﻜﺘﺖ ..

ﻧﻤﺖ ﻣﻦ ﺍﻟﺘﻌﺐ ﻭﺍﻟﻀﺮﺏ ﻭﺗﺬﻛﺮﺕ ﺍﻣﻲ ﻭﺑﻴﺒﻲ ﻭﺑﺠﻴﺖ ﻋﻠﻴﻬﻢ .. ﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺒﺮﻩ .. ﻋﺮﻓﺖ ﺍﺑﻮﻱ ﺍﺟﺎ ﻓﺮﺣﺖ ﻻﻥ ﺣﺘﻨﻜﺸﻒ ﻭﺧﻔﺖ ﻋﻠﻰ ﺍﺑﻮﻳﻪ ﺧﺎﻑ ﻳﺼﻴﺮ ﺑﻴﻪ ﺷﻲ ..

ﻭﺟﺎﻥ ﺗﻨﺪﻙ ﺑﺎﺑﻲ ﺍﺳﻤﻊ ﺻﻮﺗﻬﺎ ﻟﺞ ﻫﺒﻪ ﺍﻟﺒﺎﺏ ﺍﻓﺘﺤﻴﻬﺎ ..

ﻓﺘﺤﺘﻬﺎ ..

ﻛﺘﻠﻬﺎ ﺷﻜﻮ ..

ﺑﺎﻭﻋﺖ ﺷﺎﺏ ﻭﻳﺎﻫﺎ ﻭﺍﻛﻒ ﻭﺟﺎﻥ ﻃﺒﺒﻪ ﻟﻐﺮﻓﺘﻲ ﻭﻛﺎﻟﺖ ﺑﺲ ﺗﻔﻜﻴﻦ ﺣﻠﻜﺞ ﺍﻣﻮﺗﺞ .. ﻃﺐ ﻫﻮ ﻭﺧﻠﻪ ﺍﻳﺪﻩ ﻋﻠﻰ ﺣﻠﻜﻲ .. ﻭﺳﺪ ﺍﻟﺒﺎﺏ ﻭﺭﺍﻩ ﻭﺭﺍﺣﺖ ﻫﻴﻪ ﻟﻠﺒﺎﺏ ﺍﻧﻲ ﻛﻤﺖ ﺍﺭﺟﻒ ﻣﻦ ﺍﻟﺨﻮﻑ ﻭﻛﻌﺪﻧﻲ ﻋﻠﻰ ﺟﺮﺑﺎﻳﻪ ﺟﺎﻥ ﺻﻴﻒ ﻭﻻﺑﺴﻪ ﺧﻔﻴﻒ ﻭﺑﺪﺍ ﻳﺘﺤﺴﺲ ﺑﺠﺴﻤﻲ ﻭﻳﻜﻮﻟﻲ ﺷﻜﺪ ﺣﻠﻮﺓ ﺍﻧﺘﻲ ﻭﻧﺎﻡ ﻓﻮﻛﺎﻳﻪ ... ﻛﻤﺖ ﺍﺩﻓﻊ ﺑﻴﻪ ﺑﺲ ﺟﺎﻥ ﻗﻮﻱ ﻭﻛﻠﺖ ﺧﻠﻲ ﺍﺻﺮﺥ ﻻﻥ ﻃﺒﻚ ﺟﺴﻤﻪ ﻋﻠﻴﻪ ﻭﻳﺘﺤﺴﺲ ﺑﻴﻪ ..

ﺻﺤﺖ ﺑﺼﻮﺕ ﻋﺎﻟﻲ ..

ﺑﻬﺎﻻﺛﻨﺎﺀ ﺍﺑﻮﻱ ﺟﺎﻥ ﻳﺮﻳﺪ ﻳﻄﺐ ﻟﻠﺤﻤﺎﻡ .. ﺳﻤﻊ ﺻﻮﺗﻲ ﺍﺟﺎ ﻳﺮﻛﺾ ﻭﻧﺎﺩﻳﻪ ﻭﺭﺍﻩ ﻓﺘﺢ ﺍﻟﺒﺎﺏ ﺷﺎﻓﻪ ﻓﻮﻛﺎﻳﻪ ﻛﺎﻡ ﻳﻀﺮﺏ ﺑﻴﻪ ﻭﺟﺎﻥ ﺗﺼﻴﺢ ﻧﺎﺩﻳﻪ ..

ﺭﺣﻴﻢ ﻋﻮﻓﻪ ﺗﻨﻜﺲ ﻧﻔﺴﻚ ﺑﺪﻣﻬﻢ ﻭﺗﺒﺘﻠﻲ ﺑﻴﻬﻢ ﻏﺼﺒﻦ ﻣﺎﻋﻠﻴﻪ ﻳﺘﺰﻭﺟﻬﺎ ﻭﻳﺴﺘﺮ ﻋﻠﻰ ﺑﺘﻚ ﻭﺧﻠﻲ ﻧﺨﻠﺺ ﻣﻨﻬﺎ ﻗﺒﻞ ﻻﺗﺠﻴﺒﻴﻦ ﺍﻟﻨﺎ ﺍﻟﻌﺎﺭ

..... 

يتبع