تاريخ النشر : 08/27/2024, 12:40:41

الكاتبة زهراء الركابي 

ذي قار (القيثاره الذهبيه) 

★★★★★★★★★

أيناس "

 

جان يوم عكد ما متعب و شاق و افتر من محل المحل و من مكان لمكان ع انو حلو و عشت احله لحضات حياتي احمد جان وياي و يكمن تقربت منه اكثر من طلعنه بهاي الايام و احنه نجهز 

 

وصلت للبيت ميته تعب و النفس بلكوه اجره ذبيت نفسي ع ابجربايه ع وجهي و نمت كعدت ع صوت رغد تسحل بيه

 

رغد: يله ولج لا يروح سرانه بصالون

 

أيناس:  عليج العباس شويه بعدني تعبانه 

 

رغد:  كومي لا اعضج وعلي

 

طفرت لان اسوي صدك هاي. مخبله كمت سبحت و نشفت شعري و نزلت شربت قهوه و طلعنه للصالون 

 

لل12 كملنه بقت اشياء قليه احمد دزلنه صاج و مندي و بيدزه اكلنه و كملتي ام الصالون اجاني مصطفى اخذني للقاعه 

 

بقت اقل نص ساعه و نزلت للقاعه سويت دخوليه بسيطه  

 

دخلت ابدلتي المنفوشه ماروني جانت ردن و محكمه بس شعري مفتوح ع طوله 

الكل جان واكف يصفك و يهلهل و الي يهز وي النغمه شويه وسو دخوليه احمد وراي 

 

أحمد:  تباوعي بعيوني شو خال اتكد إني 

مجاي احلم 

 

رفعت وجهي اله لكيته يبجي حظني و شالني بقه يفر بيه اسمع مصطفى يصيح قريب منه 

 

مصطفى:  لا ينجر كتلك اثكل 

 

تباوعت بعيوني ع الحظور شفت نور صديقتي جايه و كاعده يم علياء و بت أحمد و رغد و امي و كل الي جانو مقابلين بزوجنه حتى خالي ابو أحمد اخذت نفس براحه 

تفاجئت من احمد بقه يغني اغنيه الكاظم الساهر يا صيغن ذهب و يلبسني بذهب و اني مبتسمه وكل ما يلبسني قطعه يبوس مكانه بحنان و فرح 

 

جان بنسبه للكل مثل ساعقه الكل جان معترض امي امه خوالي ابو جدي الله يرحمه بنات خالتي الكل حرفياً قله القليلن يردون نزوج 

 

نزلنه بنص القاعه عيني بعينه و اديه على صدره و ادي على خصري 

و اغنيه ياهنيالي تارسه القاعه 

نتمايل اني ويا وي الاغنيه

 

أحمد:  هنيالي 

 

أيناس: اني هم هنيالي 

 

حظني و بقه رافعني عن الارض و يفتر بيه

 

اجتي نور وكفت يمي و ضحكنه شويه بعدين بقت تعدل ابدلتي و تسولف وياي 

 

شويه علياء و رغد شغلن اغنيه مال صديقاتي 

بقينه نركص احنه الاربعه 

صدك الفرحه معتله اوجوهنا 

 

خلصت الحفله و طلعو المعازيم ضياء مقبل اله نسوي زفه البيت اهلي نتونس بيه و نوصل مصوره الاهله و صدك اربع سيارت و سيارتنه هو يسوق بيه  و هرجو الدنيا هرج مصطفى وعلي يدكون درنكه و يغنون 

 

نور:  لا مخابيل رسمي وعلي

 

أيناس:  بعدج مشايفه شي 

 

أحمد:  اني لوما البرستيج و عريس جان سويت نفسهم 

صدك ضحكنه عليه و فتح جامه وبقه يصيح بعلو صوته 

 

احمد:  ولكم اخذتها ولكم اخذتها 

 

أيناس: عزه أحمد فضحتنه فضيحه 

 

نور جانت تضحك هي و ساره صاعدات وره وصلوني نزلنه و احمد اخذ نور و ساره يوصلوها 

 

رجعنا للدوام جان اول يوم دوام 

 

نور: هله بعروستنه 

 

أيناس: هلا بيج صدك ليش ما رديتي جواب لاهل علي قلبهم نار يردون رد منج 

 

نور: اريد افكر خايفه خاف اضيع روحي 

 

أيناس: لا هنا حقج 

 

نور: صدك اليوم نتائج 

 

أيناس: مهامني 

 

صدك طلعت الاول على المدرسه و نور هم درجاته عاليه و سولنه تكريم و صور و هدايه تقريبا احنه عشره بنات 

 

رجعت للبيت و اهلي هم احتفلو بيه و سونله كيك و حفله

 

واكفه  مقابيله و لابسه البدله البيضه 

و عليه دم و اديه كله دم و أحمد عيونه صايره بيض شويه شويه يتلاشه من كدامي 

 

كعدت مفزوعه من الحلم و الهث و اصرخ جان بيومها عدنه عزيمه و بدايه 2018 هجي و الكل عدنه حرفياً عمامي كلهم موجودين 

 

كامت بتول و علياء و عمتي هناء عليه و اني بس اصرخ جنت فاقده 

و على اثر صراخي صعد أحمد و تشبثت بركبته و ابجي و اكله لا تعوفني حرفياً جان موقف يخوف و عيونه جانن ينقلبن 

 

و اديه و البدله يصيرن كلهن دم و انكث الدم و يرجع جنت اصرخ بكل قوتي و أحمد يهدي و يقرا قران ع راسي يله هديت من يومها و الحلم لحكني و كامت كل اسبوع و احلم بي بيتنه كمل و القليل يعرفون علياء و رغد و مصطفى و علي محد غيرهم جانو المقربين منه و شله وحده و ضحك و سوالف  بس فجائه كل واحد بينه نكلبت حياته 

 

نمت بليلته و بيبتي اصرت على أحمد ياخذني  للعلويه و ما قبل 

 

أحمد: وحق من انزل القران اذا أيناس رحت لذني دجالات بعد محد يشوف وجهي اخذ بتي و اهج 

 

بجيت بساعته و حلفت بيبي تسكت و فعلن بيبي سكتت و بعد مفتحنه الموضوع الصبح تريكنه و طلعنه لكربلاء بلمنشأه بس مكدرت لا ازور ولا اي شي بقيت بالمستشفى اسبوع اني بس اتقياء 

و الاكل ميبقه بمعدتي تعبت و تعب مو طبيعي 

 

احمد اقتنع و بكربلاء نصحونه بواحد بالديوانيه رحناله جان انسان خلوق و حباب و بعده شباب مو كلش جبير أحمد جان وياي حاضني و طلع مثل ما اتوقعت بيبي سحر بالمي الاسود الي خلاني اعاني طول حياتي و ما فاركني 

بس شويه ارتاحيت و مارست حياتي طبيعي و الحلم مال دم و البدله السوده ما فاركني و المشكله أحمد يحلم صار نفس الحلم  التزمت بصلاتي و صرت اقر قران بكثره  نجحت بالوزاري و أحمد هم نجح و فاجئني من طلع ممتحن و سوى مثل ما اريد و قدم ع معهد  و جان متفوق والحمد الله شغله ماشي بغداد معارض و بناصريه و اربيل جانت حالته الماديه فوق الممتاز 

 

تيسرت امورنه و كمل بيتنه بيوم اني نايمه اجتي امي تعيط بيه كومي عمتج جوه 

 

أيناس: ياهو منهن 

 

أم  أيناس  : عمتج هديل يعني اكو غيرها جايه علمودج 

 

أيناس:  هديل و هجي  خايفه تزعل نتاخر عليه و مهتمه للموضوع 

 

أم أيناس:  يله ولج بله طولت اللسان 

 

حرفياً علاقت امي و عمتي صايره زينه و صارن وحده تلتقي بلثانيه و عمتي شوكته نكسرت على كولت امي و امي عايفه التكبر و صايره خوش مراه 

 

أيناس: هلا عمه 

 

هديل:  هلا بيج حبيبتي تعالي أحمد مشتاقلج بس بغداد كلت اجي اشوفه علمودج 

 

أيناس:  سوده عليه خابرني البارحه ادري بي 

 

هديل:  اسم الله عليج  بنته ويا مو وحده هو دايره باله عليه 

 

ابتسمت اله لان حرفياً جنت  كاعد غصب عني مكدر انسه مواقفه ماكدر انسه تصرفاته اي شيء مكدر انسى منه شون وكفت بوجه زواجنه شون رادت تزوج احمد مرتين وما قبل وسافر للخارج و فشله وي الناس شون جانت طلع كلام عليه و هواي اشياء  ما تنسمع ولا تنحجي بس بقيت متحملته 

 

بتول " 

 

كاعده بصاله دخل ابوي يصيح غمضت عيوني بحسره و جاوبته 

 

بتول:  ها بابا 

 

ابو بتول:  خطيبج جاي يحدد موعد حفله الخطوبه من زمان عاقدين

 

هزيتله راسي و سكتت اخذت نفس و رحت ابدل يابه والله احسه مجبور و ما يريدني و ابوي يلزكني بي كوه استغفرالله شسوي وياهم ذوله بقيت افكر اذكرت السحاره العدي وكمت اركض 

 

بتول:  يمه محلفتج باعز ما عدج انتي مسويه سحر علمود مصطفى يخطبني 

 

نخطف لونه و ضلت تبلع بريكه تريد تجاوب  و خايفة و عيونه ناطات كل هل حركات اثبتت الي بالي صح 

 

ام بتول:  شهل حجي يوم والله هو يحبج و كتل روحه عليج شهل كلام مالج 

 

امتلت عيوني بالدموع وكعت كبال عيونه

صبت دموعي الي من صدك بينت ضعفي

:  تدرين اني شكد رخيصه بعينه يطلع وياي كوه و يبقه طول الوكت اسولف و هو  بالكوه يطلع كلمه و خايف ع سمعتي لا تنكسر و ما يفصخ الخطبه

 

كعدت الطم و املخ بنفسي من القهر الي بيه و هي واكفه تحاول تهديني التمو اخواتي و صادفت جيتهم و دخلو عليه لكوني بهل حال

 

مصطفى: شبيج بتول احجي 

 

بتول: دخيلك مصطفى ماكو غيرك يحله 

 

مصطفى:  افى كولي بتول بس لا اشوف دموعج 

 

صح ماكو حب بينه و هل شي صار من سحر بس اني و مصطفى اصدقاء الطفوله جان احترام بينه من كبرنه صرنه واعين و نفتهم و صداقتنه جانت حلوه بس ما اتوقعت هجي يصير 

 

كضيت ايده بايدي و حجيتله كل شيء 

اول شيء صفن مثل الي استدرك نفسه بعدين من ابوي دخل ع امي يكتل بيه هو انتبه و كام يدافع عنه 

 

مصطفى:  عمي مو هجي تنحل على كيفك ياعمي 

 

طردهم كلهم بقينه بس اني ويا و جدتي جانت جايه وياهم حجه بكل برود وهداوه خلاها تسترخي و ما تخاف منه بلعكس لا تحجي 

 

مصطفى: عمه انتِ مرت عمي و بت عم ابونه يعني عمتي من جهتين و اخاف عليج سولفي صدك سويتي هجي و مراح اكل الاحد غيرنه احنه الثلاثه 

 

الغريب امي حجتله كل شيء  شون سوت سحر و شون خلتهم يشربون وين دافنته و كل شيء حرفياً 

 

طلع و من طلع صحت ورى

بتول: مصطفى طلكني

 

مصطفى:......... 

 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد