تاريخ النشر : 08/15/2024, 22:04:06

الكاتبة زهراء الركابي 

ذي قار (القيثاره الذهبيه) 

★★★★★★★★★

 

" لا أُريد حُباً من بعد حُبيَ لہَ نفسي "

★★★★★★★★★

 

 

أيناس : بين النايمه وبين الكاعده اسمع أصوات مثل وشه 

 

فتحت عيوني شفت احمد ابتسمت واجه 

عليه باس رأسي 

 

احمد: سلامتج بويه من كل تعب

بعدوينج أن شاء الله

 

أيناس : الله يسلمك شبيه اني رأسي موتني 

 

احمد : سالمه بعد بوج كلشي مبيج 

 

أجت علياء عليه حضنتني 

 

علياء : يمه فدوه اروح لوجهج اسم الله عليج من هل نومه يمه فدوه اروحلج

 

ابتسمت بتعب وبقيت ساكته

دخلت دكتوره ويها دكاتره ثنين ابتسمت بوجهي رديت الها الابتسمه

 

الدكتوره : شون صرتي 

 

أيناس : زينه بس الم رأسي ذبحني 

احس راح ينفجر 

ضحكت 

الدكتوره : شوفي حبيبتي

انتِ بنيه جبيره واعيه انتِ ممنوع عليج العصبيه و البجي و الضوجه تمام 

اول شي صار عدج شقيقه و لازم تبدين تعالجيها و هاي بسيطه بس اكو شي ثاني مسببلج الألم براسج الي هو شريان

منسد 

 

أيناس : دكتوره شنو سببه

 

دكتوره : يا اما الحلوه عصبيه بزياد 

او كتومه او صدمه معرف شنو سبب بلضبط بس أريد منج لا تتوترين ولا تعصبين 

 

كالت كلامها وسلمت وطلعت بقيت صافنه وين وصل بيه الحال 

كله من ورى شخص يريد ينتقم 

و آني مالي ذنب ابتسمت من سمعت احمد يحاجيني 

 

احمد : يابه شنو هاي إذا تردين تشوفين 

معزتج امني انتِ وي الهواء صعدين وتنزلين 

 

ابتسمت 

أيناس: والله اعرف بس مدري شجاني 

 

مر يومين ع دخولي بالمستشفى

 

علياء وامي يتنوبن و احمد يبقه برى يدخل وي إذان صبح يسولف و ينسيني 

لصفنه و التفكير 

 

طلعنه لكيت البيت مخبوص خوالي و عمامي و دنيا مخبوصه 

 

نزلت تعبانه واقل صوت احس دنيا ادور بيه كعدت يم بيبي و حطيت رأسي بحظنها حركتي المفضله و فتحت شالي و خليته تلعب بشعري و تقرا قران 

رغم الوجع و التعب نمت و هدوء تام خايفين يصير صوت و ياذيني 

نمت نومه عميقه كعدت 

ع صوت بيبي 

 

بيبي : كومي اكلي من سوده بوجه الجدتدج 

 

أيناس : اسم الله عليج بيبي بستها و كعدت يمها و هيه سويلي معلاك بلفه و شربني

عصير عنب

مدري شنو فلم الي يتمرض يوكلو معلاك تلعب نفسي منه بس بيبي كعدت تلف 

أجه احمد وهو يضحك 

 

احمد: اوف يابه شهل دلال هنيالج 

 

أيناس : دلال بت ابو عصام الي باب الحارة 

 

كلتها و هو نفجر يضحك دمعت عيونه ع كد ما ضحك بيبي تصيح بي ع كيف عود حتى لا ياذيني الصوت

 

بيبي : يمفلوك الفرخه مريضه وخر غاد وضحك 

 

احمد : جايبله خبر اله بشد يخله هسه

تكوم تركص جوبي وطك اصبعتين

كل هجي و بيبي غمته: كوم غاد خل تكمل لكمتها لا اكسر العصه ع ضلوعك 

احمد : عوفيها اني اوكلها

بقه هو يلف و هي تحط بحلكي و آني بس صافنه عليهم و بس أحط يدي أريد آكل بيبي تظربني تكلي

بيبي : اني اوكلج بيدي

وتاخذ ايدي تبوس بيها بقو ع هل حال لحد ما شبعت 

كعد مقابيلي وحجه

احمد : ايناسي شنو رئيج نسافر 

تتعالجين با يران كالو اكو خوش دكتور 

 

أيناس: احمد خايفه كلتها و بجيت

 

احمد : يخسى الخوف 

 

أيناس : إذا سافرنه منو يروح ويانه

حسين يجلب وآني روحي ماحملتها 

 

احمد : بابا يا حسين هسه تجيج الأخبار الحلوة

كالها و غمز ابتسمت كتله 

 

أيناس: تدري شكد اكره الرجال الخفيف الي يغمز 

كلت هجي وهو اجه يدمغني و رجع دمغ نفسه كال 

احمد : اعلمج اعلمج اني خفيف 

 

أيناس:ههههههه مو هجي قصدي 

والله لا تفهم غلط 

 

"رغد" 

جنت كاعده ومر عليه احمد سلم

وانطاني ساره وراد يطلع 

 

رغد : احمد محتاج تحجي ؟

 

احمد : مختنك شويه اروح اكعد يم جسر الزيتون اشم هو وارجع 

 

رغد: إذا اتريد تحجي اني موجوده أشر براسه بقبول و طلع

بقيت الوب عليه صح نفصلنه بس مشفت منه شي مزين داما محترمني

بس قلبه مو الي و احنه صرنه ضحيه الامه الي عامي قلبه الحقد وشيطنه 

و انما أيناس كلش حبابه واحمد مربيها ووصوتها مينسمع وهادئه 

اتعجب ع ام احمد شون هجي تكرها 

 

زوجت بعد طلاقي من احمد بسنه ونص

للأسف مصار عدي أطفال كومه رجعت دكاتره و سافرنه لكومه اني و زوجي حتى بس نشم ريحت طفل 

أخذت نفس عميق من سمعت صوت ساره تحجي وياي 

 

ساره : ماما عمه أيناس تعبانه حيل و عمه علياء تبجي عليها 

عقدت حاجبي 

رغد : شبيه حبيبتي منين تمرضت 

ساره : من عمو الشرير بابا يكول 

ضحكت ع تعبير وجها و كمت أخذت تلفون و اتصلت على علياء 

ردت عليه بصوت خافت وتعبان مبينه جانت نايمه 

 

علياء : هلا رغوده

 

رغد: هلا بيج كلبي سمعت أيناس مريضه 

 

علياء: اوف اوف شحجيلج خيه هسه جنت أصلي وابجي و القران قلبي ورم عليها خيه بيوم و لليله خابرو كالو أيناس بلمستشفى شبيها انسداد بأحد شراين الدماغ واقل شي ينفجر ويصير نزيف

هسه مدرينه مثل ماي بصنيه 

 

رغد : ساره تكول عمو شرير شنو شمسويله ؟

 

علياء : كله من ذني خالتها اوف اوف ولج تخيلي طالعه من مستشفى وحده تكلها صاير سمره بزياده 

 

رغد : احمد دوم يحجي بيها يكول حليانه اني صارلي هواية مشايفتها 

وقبل جنها تخبل جنه صمونه كهربائي شمالهن يعيبن عليها

 

علياء : ع كولت احمد يكول متعافين ع لقمه و خطيبه اوف يخطيبها إذا اكضه 

و العباس اكله بسنوني هل سربوت الخيخه 

 

رغد : خايبه ضحكتيني و آني ضايجه عليها و ع احمد سود عليه والله يستاهلون كل خير ما يستاهلون هجي يصير بيهم

 

علياء : الله يبرد قلوبهم خطيبها راح ينفصل عنها لان تعبت ومريضه وبعد 

مابيها نفس يقلك خل تولي شسوي بيه 

 

رغد : يخسى ميستاهل ظفر منها اني باجر اجيب امي و اجي كولي لاحمد لا يجي ع ساره اني اجيبها لبيت خالج العصر بس دزيلي العنوان عفيه

 

علياء : صار اكلج مصار عدج شي ؟

 

رغد : اوف خيه الولد راح ينجلط من كد علاجات ذيج مرته نفصلت عنه و هسه متخبل يقلي مثل متعلقت بيج 

تنفصلين عني و الله خيه آني ما ابالي هجي و هو هم خطيه ما الومه ذيج مرته صار عدها ولد و حامل يتخبل من يعرف و حده حامل مو حسد بس يقلي راح تكرهيني 

 

علياء : اسكتي هاي سالفه شبعت منها 

آني بس العكس اني خيه مريضه واخذت علاج بس ما صار شي المهم عوفج من هاي السالفه ساره أمس تكلي أمي مريضه شبيج 

 

رغد : مدري تجيني ساعه انحل وساعه مبيه شي هاي صار سبوع

 

علياء : روحي حللي واله اكلج باجر من تجين اني راح اخذ أيناس نشكل الها مغذي و اخذج تحللين 

 

رغد: صفنت و جاوبت الله كريم بخت أيناس هجي واطلع حامل 

 

سلمت عليها ورحت لامي سولفتلها ع أيناس 

ضلت تبجي وتدعي الها

 

ساره : ماما تدرين عمه أيناس من رحنه الكربلاء اشترتلي ملابس و حلويات و متنام إذا متوكلني و تشبعني و تنومني بصفها 

 

رغد : يعني مو شريره 

 

ساره : لا والله ماما حتى من يخليني بابا عدهم تنومني و تاكلني و تخاف عليه 

ابتسمت ع اقل بتي بايدي امينه 

وما أخف عليها صح تبقه مرت اب بس والله حنونه ولا كنما بت مره الي جانت زوجت الولد الي يحبها بس ولا مره شتكت منها بتي و دائماً امي تكول اخذي الحجايه من طفل وفعلاً بنتي ولا مره كالتي او شكتلي منها 

 

كعدت اكلج يمه إذا صدك طلعت حامل شجبيلي 

 

امي جانت كاعده تستغفر و آني اجيتها 

غمتني مرتين و رجعت تكمل والله ما مقبولة منج تغمين هل وجه الفقير 

التقي هزت ايدها و كملت 

 

كمت عنها و آني ادردم والله ياله تغمني وآني اسولف وياها

 

نمت بيومها و آني متامله خير 

 

رحنه ساعه وحده و نص و امي صيح فشله داخلين ع ناس وكت الغده 

من طلعنه الحد ما وصلنه هي تحجي و ادردم 

 

وصلنه البيتهم لكينه سياره احمد 

نزلنه امي حجت

 

ام رغد : ثكلي مو تحجين وي الولد عيب امي انتي تزوجتي 

 

رغد : تمام امي

 

وصلنه للبيت دكيت الباب وطلع اخوها بقه صافن بعدين كال تفضلو

 

ام رغد : شبي هذا صفن بوجوهنا 

 

رغد: عادي امي عبالهم اني اكرهم وشي ترى شي طبيعي اني طلقت ابن عمتهم 

 

ام رغد : ها عبالي بيه شي 

 

دخلنه جوه بعد ما أجت امه هلت ورحبت بينه دخلنه غرفت أيناس 

لكيت احمد يرتل قران و هي بس صافنه ما قطعنه صوته هو بقه يقرا من انتبه صدق وكام 

 

احمد : ام ساره هله بيج خويه اتفضلو

 

ابتسمت ع ترحيبه و احترامه الي ساره ركضت لأيناس تبوس بيها خليت علبت الحلويات و كعدت سلمت عليها جانت صدك متغيره و ضعفانه مو أيناس القويه و السمينه 

امي سحبتها الحظنها وبقت تقرا ادعيه و قران ع راسها جابت امها ضيافه 

 

ام أيناس: حبيبتي رغوده خاله شونج مشتاقيلج 

 

ابتسمت الها 

رغد : الاداعي اشوق اول معرفت أيناس مريضه اجيت والله العظيم قلبي فرفح عليها 

 

جنت ساكته و امها عيونها ادمع وتمسحها 

وامي بقت تحجي ويها و صبر عليه التفت اله 

رغد : أي وين عريس الغفله ع كولت ساره الشرير

ابتسمت 

أيناس : دخيلج صارله سبوعين من تمرضت هو ما اجه مرتاحه منه 

 

ضحكت بخفه 

رغد :يارب يجي أريد اشوفه يستاهل هل كيك لو لا إذا لا احطه واكسره الج هنا واخلي يطلكج 

ضحكت 

أيناس: رغوده حبي شوكت تعقلين

ضحكت ع صوت احمد 

احمد : لو يحطون مكوار براسها متعقل

 

أيناس : شنو تريد تموته أنتَ 

ضحك وكالها 

احمد: لا اني شكو انتِ تردين تعقليها يعني انتي ضربيها 

گال هجي و آني ضحكت عليهم 

هسه عوفونه من كتله هاي تكي الثاني ع كولت عمتي

 

ضحكت من صاحت

علياء :  من الله يطيح حظج شنو نعال وتكج

كمت وحظنتها  و صحت

رغد:  ولج شكد مشتاقتلج 

علياء : وخري خنكتيني شو خل اشوف البيبي حبيبي الخاله

 

ودنكت تبوس بطني بكل عقلها كامت أيناس فرحانه صاحت

 

أيناس : صدك ولج حامل وما تفرحيني

 

رغد : والله خيه ما ادري هي علياء سوتني حامل 

كلت هجي و احمد جان يشرب مي غص و كام يكح  و ايناس تعرف قصده خزرته

و هو يكح و يضحك ع جفصتي 

 

علياء : خايبه وين عنه صاارلنه سبوعين بس المرض و البجي 

 

رغد : اوي راح تخليني انغر والله هجي ما احس اله اجتني الهبده بلمخده من امي التفت عليه خرزتني وصاحت ما ينطلع بيج 

 

رغد : يمه والعباس مخي طلع من حلكي 

آني كلت هجي وهمه سكرو من الضحك 

 

ساره حجت 

ساره : شنو بيبي مينطلع بيه جا هي عبايه لو حذاء 

خزرت أيا ادب سز هسه العبايه قبلنه بيه بس حذاء أيا مطيه بت زما....له  

 

ضحك احمد وهو يكول العباس لو ادري هجي نضحك جن جبتج من البارحه

 

ابتسمت الهم وكضيت طرف عباتي ادعي 

 

رغد : ياربي طيح هذا الي اسمه حسين من الطابق العاشر و كسره تكسير 

و طلك أيناس  منه انتبهت العلياء تخزر بس كملت  و ياربي  كون تزوجه من احمد و ياربي كون جيب اتوام اتوام 

صفت بصفي علياء وشواورتني 

 

علياء : يمصخمه غير ابن خالته و امها كاعده يعني يصير ابن اختها

آني ستحيت وسكتت 

 

يتبع .....

 

★★★★★★★★★

بارت خفيف لطيف