تاريخ النشر : 08/27/2024, 18:02:07

الكاتبه زهراء الركابي 

ذي قار (القيثاره الذهبيه) 

 

★★★★★★★★★

أيناس "

 

جانت زفه جنن و احله شي صار  بالزفه ركصو و هوسو و صلنه لبيت جدي الجبير 

استقبلونه عماتي و بيبتي و بيبي ام امي جايه من الامارات وياهن خالاتي كلهن حاظرات و حتى حسين شفته واكف وي الولد حرفياً الكل نجمع و أحمد وفه بوعده و سوالي حنه تحجي بيه دنيا و المصوره الجابه صورتنه صور جنن 

 

أحمد: عاشت ايدي على هل تصميم 

 

نزلت راسي وما رفعت حرفين جامده بمكاني لو نازعه البدله ارحم من هل منظر و هو يضحك و جايب ذهب عمتي هناء اجته 

 

هناء: تلبسه الذهب غير 

 

أحمد: لعد المن جايبه هو حتى البسه اله و يغمز 

 

بدل الحلقه باديه و لبسني اسوار حلوه عليه احرفنه A♡A تجنن و صبت عيوني عليه و هو اخذ ايدي باسه بعد ما لبسني الاسوار اخذ تراجي و لبسنياهن و باس اذني اهنا اني صوفرت و كضيت ايده عصرته لان صاير ع ايدي 

رفع نظره الي و همس 

 

أحمد: حلالي يابه تحرميني ايدج اظافيرج دخلن بايدي 

 

هنا حرفياً اجيت انهار من المستحه اجه لبسني كلادتين الاول جان على ركبه و باسه و عمتي هدى عاطت بي و كلاده ثانيه نازله على صدري اجه ينزل راسة و عطت بي بهمس 

 

أيناس: اذا تنزل راسك و العباس اصيح و المه عليك و اجل العرس 

 

أحمد: طلع حسج مو توج جنتي خانسه كومي خل نركص عيني 

 

هنا عيوني صارن بكصتي لان رجلي تطلع كله عزه بعينك احمد 

 

أيناس: والعباس انت واحد فاسد 

ضحك و جاوب 

أحمد: ليش منو كالج اني مؤدب اني احب الفساد 

 

أيناس: جنت ولد عاقل شسواك هجي 

 

ضحك و حجه 

أحمد: جنتي زغيره هسه كبرتي 

خزرته و درت وجهي صاحت رغد 

 

رغد: تعاركووو يبوي يبوي 

 

هناء: اسم الله شبيج خايبه هسه يبوسه و تنسه 

طبيت بنص هدومي يا هدوم هنا وينهن 

أحمد ضحك لعمتي هناء و غمزله يعني معناته متفقين عليه 

هناء: يله عيني من رخصتكم فرغولي الوسط عرسانه اريد اركصهم 

 

كالت هجي و درت عليه خزرته خزره ضحك و اخذ ايدي كومني

 

أحمد: يله حبيبتي يله 

 

شغلو اغنيه لمحمود تركي بعدني لحد الان اذكر اشون احمد مندمج و حضني و يغني ويها 

 

عطرك هوايه ..... صوتك دوايه 

 

عشقي و حناني .... ماله نهايه 

ضمني ضمني محتاجك حيل 

 

يغنيه و يحضني و اني الضحكه شاكه حلكي 

 

أحمد: اوف شكد احبج 

ابتسمت و نزلت راسي و رغد عندت ما نكعد و شغلت اغنيه توه نازله مال محمود الغياث ربي ارزقني فد عشك 

 

مندمجين اني ويا نركص ع الاغنيه و هو مبتسم وصل النص الي يكول بي 

 

وين الك مثلج بالعمر 

ياستري يا اجمل ستر 

فنانه بلحب و الغزل...! 

بس هي خلتني استقر 

معشوقتي و ما نفترق 

ذايب بحبها و محترك 

 

هنا احمد يغني ويا و حاظني و يصيح باعله صوته بكلمات الاغنيه و اني مبتسمه على شكله و هو يغني و منطلق 

 

رغد "

 

خلصت الحفله و كلت الساره تروح وياي مقبلت توسلت بيه قلبي نغزني من ما قبلت و من شفت نسوان تباوعله و هي بدلته الحد الركبه و رجليه طالعه اتوسلت كل الي كالته 

 

ساره: ماما والله باجر بابا عده شغل يروح البغداد و خطيه يروح وحده 

 

رغد: ديري بالج عله روحج فدوه ماما ترى هذوله كلهم مو بمعزتج يبعد امج و ابوها 

 

ساره: اسم الله عليج ماما والله معليه شي تعودت اني وي بابا مكدر اعوفه تعز عليه روحته وحده 

 

رغد: سوده بوجهي عليج يمه تعذبتي من وراي 

 

ساره: لا والله ماما بالعكس بابا احسن شخص دخل حياتي بس ما الكم نصيب سويه و اني متقبله هل موضوع و عمه ايناس ما مقصره وياي 

 

بست راسه و حظنته خفت عليه صايره عاقله و راكزه تفهم و تحجي بسته و كتله تروح 

 

أيناس "

 

أيناس: أحمد تعبانه وصلني البيت اهلي و ما اريد اشوفك منا لمن يجي يوم عرس بعد اسبوعين 

 

ضحك هو و اخذ ايدي باسه منتظر السيارت تطلع حتى نطلع وصلني للبيت 

 

أحمد: خالي من رخصتك عادي 

 

صعدنه هو شايل بدلتي بايده صارت عيونه بعيوني غمز التفت منا و منا ماكو احد ظربته بوكس ابطنه 

 

أحمد: بويه بطني بويه وين اكو عروس تظرب بوكسات 

 

أيناس: اني وحتى كله اذا تريد 

 

 يضحك يسكت و يرجع يضحك و اني بس مبتسمه عرفت نفسي جفصت دخلنه الغرفتي ابتسم و تقدم عليه 

 

أيناس: دير بالك اسوي شي ترى ابيت اهلي و الم الدنيا عليك 

 

ضحك و اجه كض ايدي 

أحمد: ليش بالج شاطح منو خوفج انتِ متكليلي 

 

تباوعت بعيونه و عيوني مدمعه و برطمت شفتي لزكني بالحايط…

 

أحمد: اني رايح قبل لا احد يشوف وجهج كومي غسلي 

 

انتحبت ليش هجي بعدني ما مصوره 

ضحك بكل قوته و حجه 

 

أحمد: اني راح اروح لبغداد عدي شغل ان شاءلله ارجع بعد يومين و صدك بدله تتاخر اجلوها ع الخميس معدج شي غير 

لان العرس اسبوع الجاي بعد هواي وكت 

 

أيناس: لا عادي بس خليه بنهار روح لا تروح بليل طريق الليل يخوف 

 

أحمد: لا حبيبتي اريد اسلم شغل شخص مضمون و ما اروح بعد بس بالاجتمعات قويه 

 

ابتسمت متفهمته بس قلبي لجمني من روحته و خايفه عليه راد يطلع حظنته حيل و بقيت اشم بركبته و هو ما بعدني بقه حاظني و يشتم براسي و كل شوي يبوس وجهي كله 

 

نزل من يمي و قلبي موجر نار عليه فتحت اتصال ويا سمعت صوت ساره بنته ويا 

 

ساره: عمه فضوني ازوجو

 

أيناس: ارجعو بخير و سلامه و اسويلج عرس تشهد عليه الدنيا كله و طكلج اصبعتين و خلي دنيا كله تموت بغيضه 

 

اسمعه تضحك و رجع احمد يسولف وياي 

شويه كتله راح اروح للحمام و ارجع سديته من رجعت اتصلت عليه ما يجاوب؟ اتصلت مره ثانيه مغلق؟ 

رجعت اتصلت على ساره ما جاوابت؟ 

خفت و قلبي عصرني عليمن اتصل نزلت البابا ركض و حجيتله خابر عليه هم ما رد اني بسرعه صعدت لبست جبتي و شالي و خابرت مصطفى كتله تعالي دقايق و اجه بابا شافنه محجه لان هو قلق اكثر مني رحنه على السريع من طول لطول ماكو رجعنه رحنه من طريق ثاني 

و اني مستمره اتصل رد عليه صوت رجال رجفت كل اعضاء

 

علياء "

علياء: رجعنه للبيت بعد الهوسه الي صارت كل اعضامي تاذيني 

 

ضياء: تدرين تذكرت اليوم الحنه مالتي من زوجنه 

ضحكت بعدنه لحد الان عدنه الصور وكل ما انشوفهم يضحك ويرجع يعصف بينه الحب من جديد وروحنه تفرفح على ذيج الاايام 

 

علياء: اني ما يروحي من ذاكرتي من اجيت خطبتني ومحمد طكاك لليوم من اذكر منظرك روحي توجعني 

حجيته بعيون مدمعه وصوت مبحوح 

ضياء: اسم الله عليج عمري بعمامتي البـ… ولا بيج 

ضحكت بساعته وروحت جبت لولو واحمد انومهم احمد بعده تسع اشهر مو كلش جبير لولو صارت سنه وشهرين ودنفوشه وحلوه وعزيزه عد الكل وين متروح والكل يلكف بيه ويضحك على سوالفها 

 

ضياء: مجنت متخيل يوم من الايام راح يصير عدي اطفال هجي وحبيبتي بحضني ومستقر 

علياء: شنو شبيك ضياء شنو بحضني عزه والله خجلتني 

كمت اتلافه الموضوع وهو يضحك من كل قلبه ويرجع يجاكرني 

دك التلفون عافني وكام اله يشوفه 

 

ضياء: الو هله مصطفى … شوكت هل حجي جاي جاي بس اخلي علياء عد بيت جده … لا شون جاي … تمام 

 

صوته وشكله صار ما يتفسر ونكلب حاله كلاب ساعه ب11 مصارلنه ساعه من رجعنه ما ناقشت كمت شلت جهالي ورحنه ويا وهو ينافخ مجنت متوقع الصاير ولا الصدمه الي راح استقبله…

 

سامي " 

كاعد منتجي على تاج الجربايه ودخلت رغد بيده الجهل يبجون وهيه تبجي وياهم 

 

رغد: سامي والله لعبانه نفسي اريد اتقيأء واما اكدر اعوفهم 

كمت عليها اخذتهم من ايدها نومتهم وهيه تلوب مدري شبيه قلب والده يحس بعد

ضلت ذب من راسه ركضت عليه هديته وسحبته تنام  

دك التلفون غلست عنه ملتهي وي رغد الي حاله نقلب قلاب من رجعنه لحد هسه اتصل التلفون بطريقه هستيريه 

ضياء 14 مكالمه ومصطفى هم فوك سبع نكلامات جاي اشوف منو متصل واتصل بيدي ضياء 

 

سامي: ها ضياء خيركم يابه 

 

ضياء: سامي الحك ودي رغد البيت جدي الجبير وتعال للمستشفى 

 

سامي: يا ستار جاي جاي منو بالمستشفى 

 

ضياء: …

يوماً ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد