تاريخ النشر : 07/30/2024, 12:31:53

... 

ﻋﻤﺎﺭ ..

ﺟﺎﻧﺖ ﻫﺒﻪ ﺗﺤﺠﻲ ﻭﺗﺒﺠﻲ ﻭﺍﻧﻲ ﻧﺴﻴﺖ ﺃﻧﻪ ﺍﻧﻲ ﺿﺎﺑﻂ ﺷﺮﻃﻪ ﻭﻣﺎﺭ ﻋﻠﻴﻪ ﻛﻞ ﺍﻧﻮﺍﻉ ﺍﻟﺠﺮﺍﺋﻢ .. ﺣﺴﻴﺖ ﻫﺎﻱ ﺍﻟﺒﻨﻴﻪ ﺍﻟﺼﻐﻴﺮﻩ ﻛﺪﺍﻣﻲ ﻣﻮ ﺑﺲ ﻳﺘﻴﻤﻪ ﻭﻛﺪﺍﻣﻲ ﻻ ﺣﺴﻴﺘﻬﺎ ﺟﺰﺀ ﻣﻨﻲ ﻭﻻﺯﻡ ﺍﺣﺎﻓﻆ ﻋﻠﻴﻪ ﺍﺧﺬﺗﻨﻲ ﺍﻟﻐﻴﺮﻩ ﻋﻠﻴﻬﺎ ﻭﻃﺒﻄﺒﺖ ﻋﻠﻴﻬﺎ ﻭﻛﺘﻠﻬﺎ ﻛﻤﻠﻲ ﺍﻧﻲ ﻳﻤﺞ ﻛﺎﻓﻲ ﺗﺒﺠﻴﻦ ﺍﻟﻲ ﺻﺎﺭ ﺑﻌﺪ ﺻﺎﺭ ..

ﻛﺎﻟﺖ ..

ﺍﺭﻳﺪ ﺍﺭﻓﻊ ﻧﻔﺴﻲ ﻣﺎﺍﻛﺪﺭ ﺟﺴﻤﻲ ﺗﻌﺒﺎﻥ ﻭﻳﻮﺟﻌﻨﻲ ﻭﺍﻟﺪﻡ ﺑﺎﻟﻔﺮﺍﺵ ﺟﺎﻥ ﻳﻮﻡ ﺟﻤﻌﻪ ﻻﻥ ﻋﻠﻲ ﻣﺘﻌﻮﺩ ﻳﺸﺮﺏ ﺍﻟﺨﻤﻴﺲ .. ﻣﺮﺕ ﺧﺎﻟﻲ ﺟﺎﻧﺖ ﺟﻮﺓ ﺩﺗﺴﻮﻱ ﺭﻳﻮﻙ ﻭﺧﺎﻟﻲ ﺑﺎﻟﺤﺪﻳﻘﺔ ﻃﺐ ﺟﻮﺓ ﻭﻫﻲ ﺣﻈﺮﺕ ﺍﻟﺮﻳﻮﻙ ﻛﺎﻟﻠﻬﺎ ﻫﺒﻪ ﻭﻳﻦ ..

ﻛﺎﻟﺘﻠﻪ ﺑﻌﺪﻫﺎ ﻧﺎﻳﻤﻪ ..

ﻣﻮ ﻃﺒﻌﻬﺎ ﺳﺎﻋﻪ ﺗﺴﻌﻪ ﻭﻫﻲ ﻧﺎﻳﻤﻪ ﺷﻮﻓﻴﻬﺎ ﺻﻌﺪﻱ ﻋﻠﻴﻬﺎ ..

ﺧﻴﺮﻳﻪ ﻛﺎﻟﺖ ﻟﺒﺘﻬﺎ ﺍﻟﺼﻐﻴﺮﺓ ﻣﻴﺲ ﺻﻌﺪﻱ ﻛﻌﺪﻱ ﻫﺒﻪ ..

ﺻﺎﺭ ﺍﻣﻲ ..

ﺻﺤﻴﺖ ﺍﻧﻲ ﻭﻛﻤﺖ ﻭﻣﻜﺪﺭﺕ ﺍﻭﻛﻒ ﻭ ﻭﻛﻌﺖ ﻛﻤﺖ ﺍﺑﺠﻲ ﻭﺍﻧﻬﺎﺭﻳﺖ ﻭﺑﺪﺍ ﺻﻮﺗﻲ ﻳﻄﻠﻊ ﻛﻤﺖ ﺍﺻﻴﺢ ﺧﺎﻟﻲ ﺳﻤﻊ ﺻﻮﺗﻲ ﻓﺰ ﻣﻦ ﻣﻜﺎﻧﻪ ﻭﻣﻴﺲ ﻓﺘﺤﺖ ﺑﺎﺏ ﺍﻟﻐﺮﻓﻪ ﻋﻠﻴﻪ ﺷﺎﻓﺖ ﺍﻟﺪﻡ ﻭﺍﻟﻀﺮﺏ ﻋﻠﻴﻪ .. ﻟﻔﻴﺖ ﺭﻭﺣﻲ ﺑﺎﻟﺠﺮﺟﻒ ﻭﻛﻌﺪﺕ ﺑﺎﻟﺰﺍﻭﻳﺎ ﺍﺭﺟﻒ ﻭﺍﻋﻴﻂ ﺑﺪﻳﺖ ﺍﻓﻘﺪ ﺍﻟﺴﻴﻄﺮﺓ ﻭﺻﺎﺭ ﻋﻨﺪﻱ ﺍﻧﻬﻴﺎﺭ ﻋﺼﺒﻲ ..

ﺩﺧﻞ ﺧﺎﻟﻲ ﻭﻣﺮﺗﻪ ﻭﺷﺎﻓﻮﻧﻲ ﺑﻬﺎﻟﺤﺎﻝ ﺧﻴﺮﻳﻪ ﺍﻓﺘﻬﻤﺖ ﻭﺿﺮﺑﺖ ﻋﻠﻰ ﻭﺟﻬﻪ ﻭﻛﺎﻣﺖ ﺗﺪﻙ ﻭﺗﻠﻄﻢ ﻋﺮﻓﺖ ﺍﺑﻨﻬﺎ ﻭﺭﺓ ﺍﻟﻤﻮﺿﻮﻉ ﻭﺧﺎﻟﻲ ﺻﺎﻓﻦ ﻣﻴﻌﺮﻑ ﺷﻨﻮ ﺍﻟﻲ ﺻﺎﺭ ﺟﺎﻥ ﻳﺘﺼﻮﺭ ﺍﺣﺪ ﺿﺎﺭﺑﻨﻲ ﺑﺲ ﻣﻦ ﺷﺎﻑ ﺍﻟﺪﻡ ﺍﻧﺼﺪﻡ ﺻﺪﻣﻪ ﻗﻮﻳﻪ ﻣﻨﻮ ﻳﺘﺠﺮﺃ ﻳﻄﺐ ﻟﻐﺮﻓﺘﻲ ﻭﻳﻌﺘﺪﻱ ﻋﻠﻴﻪ ﺑﺎﻭﻉ ﻋﻠﻰ ﻣﺮﺗﻪ ﺍﻟﻲ ﻛﺎﻣﺖ ﺗﺤﺠﻲ ﻭﺗﻜﻮﻟﻲ ﻣﻮ ﻛﺘﻠﺞ ﺑﺎﺑﺞ ﻻﺗﻌﻮﻓﻴﻬﺎ ﻣﻔﺘﻮﺣﻪ ﺍﻻ ﺗﻘﻔﻠﻴﻬﺎ ﺍﻧﻲ ﻛﻤﺖ ﺍﺿﺮﺏ ﻋﻠﻰ ﻭﺟﻬﻲ ...

ﺍﺟﺎ ﻳﻤﻲ ﺧﺎﻟﻲ ﻭﻛﺎﻝ .. ﺷﻠﻮﻥ ﺳﻮﺓ ﻫﻴﺞ ﺍﺑﻨﻲ ﺍﺣﺠﻴﻠﻲ ﺧﺎﻟﻲ ﻻﺗﺨﺎﻓﻴﻦ .. ﺣﺠﻴﺘﻠﻪ ﺍﻟﻲ ﺻﺎﺭ ﻭﺍﻧﻲ ﺍﺑﺠﻲ ﻭﻛﺘﻠﻪ ﺗﻮﺳﻠﺖ ﺑﻴﻪ ﺑﺲ ﺟﺘﻔﻨﻲ ﻣﻦ ﺍﻳﺪﻱ ﻭﺳﺪ ﺣﻠﻜﻲ ..

ﺧﺎﻟﻲ ﻛﻌﺪ ﺑﺎﻟﻜﺎﻉ ﻭﻛﺎﻡ ﻳﺒﺠﻲ ﻋﻠﻴﻪ ﻭﻳﻜﻮﻝ ﺟﻠﻴﻠﻪ ﺑﻨﺘﺞ ﻣﺎﺣﺎﻓﻈﺖ ﻋﻠﻴﻬﺎ ﻭﺭﺣﻴﻢ ﺍﻟﻲ ﻳﻜﻮﻟﻲ ﺍﻧﻲ ﻣﺎﺍﻛﺪﺭ ﻋﻠﻴﻬﺎ ﺧﻠﻴﻬﺎ ﻳﻤﻚ ﺍﻣﺎﻧﻪ ﻫﺎﻱ ﺍﻻﻣﺎﻧﻪ ﻫﻴﺞ ﻳﺴﻮﻭﻥ ﺑﻴﻬﺎ ..

ﺍﻣﻲ ﺟﺎﻧﺖ ﺍﻛﺒﺮ ﻣﻦ ﺧﺎﻟﻲ ﻭﺗﺰﻭﺟﺖ ﺍﺧﺮ ﻭﺣﺪﻩ ﻻﻥ ﺟﺎﻧﺖ ﺻﺤﺘﻬﺎ ﺗﻌﺒﺎﻧﻪ ﺑﺲ ﺣﺒﺖ ﺍﺑﻮﻳﻪ ﻭﺗﺰﻭﺟﺖ ﻣﻨﻪ ..

ﺧﻴﺮﻳﻪ ﺭﺍﺣﺖ ﻟﻐﺮﻓﻪ ﻋﻠﻲ ﺗﺮﻛﺾ ﺗﺪﻭﺭ ﻋﻠﻴﻪ ﻣﺎﻛﻮ ﻣﺎﺧﺬ ﻫﺪﻭﻣﻪ ﻭﻃﺎﻟﻊ ﺍﺗﺼﻞ ﺑﻴﻪ ﺧﺎﻟﻲ ﻣﻐﻠﻖ ﺗﻠﻔﻮﻧﻪ ﻣﺮﺕ ﺧﺎﻟﻲ ﺍﻧﻘﻬﺮﺕ ﻋﻠﻴﻪ ﺑﺲ ﻣﺎﺗﻨﻄﻲ ﺑﺎﺑﻨﻬﺎ ﻭﺗﺨﺎﻑ ﺗﺤﺠﻲ ﻛﺪﺍﻡ ﺧﺎﻟﻲ ﻃﺒﻴﺖ ﻟﻠﺤﻤﺎﻡ ﻭﺳﺒﺤﺖ ﻭﻃﻠﻌﺖ ﻟﺒﺴﺖ ﻫﺪﻭﻡ ﻧﻈﻴﻔﻪ ﻭﻛﻌﺪﺕ ﺍﺻﻠﻲ ﻭﺍﺩﻋﻲ ﺭﺑﻲ ﺍﻟﻠﻪ ﻳﺒﺎﻭﻉ ﻟﺤﺎﻟﻲ ﺷﻤﻌﻪ ﻭﺍﻧﻄﻔﻴﺖ ﺿﺎﻋﺖ ﺣﻴﺎﺗﻲ ﻣﻦ ﻭﺭﺓ ﺍﺑﻦ ﺧﺎﻟﻲ ﻭﺍﺑﻮﻳﻪ ﺍﻱ ﺍﺑﻮﻳﻪ ﺍﻟﻲ ﺿﻴﻌﻨﻲ ﻋﻠﻤﻮﺩ ﻧﺎﺩﻳﻪ ﺣﺒﻴﺒﺘﻪ ﻭﺑﺎﻋﻨﻲ ﻭﺳﻨﻴﻦ ﻣﺎﻳﺤﻦ ﻭﻳﺴﺄﻝ ﻋﻠﻴﻪ ..

ﺿﻞ ﻋﻠﻲ ٣ﺍﻳﺎﻡ ﻣﺎﻛﻮ ﻳﺪﻭﺭﺧﺎﻟﻲ ﻋﻠﻴﻪ ﻣﺎﻛﻮ ﻭﻳﺘﺼﻞ ﺑﺄﺻﺪﻗﺎﺋﻪ ﻣﺎﻛﻮ ﻭﺍﺗﺼﻞ ﺻﺪﻳﻖ ﻋﻠﻲ ﻭﻛﺎﻝ ﻟﺨﺎﻟﻲ ﺃﻧﻪ ﺷﺎﻳﻒ ﻋﻠﻲ ﺑﻔﻼﻥ ﻣﻘﻬﻰ ﻳﻠﺘﻘﻲ ﺭﺍﺡ ﺧﺎﻟﻲ ﻋﻠﻴﻪ ﺑﺎﻟﻠﻴﻞ ﺟﺎﺑﻪ ﻭﺍﺟﺎ ﻭﻟﺰﻣﻪ ﺑﺎﻟﻌﺼﺎ ﻛﻠﺶ ﻗﺴﻰ ﻋﻠﻴﻪ ﻭﺧﻴﺮﻳﻪ ﺑﻴﻨﺎﺗﻬﻢ ﻭﺍﺳﻤﻌﻪ ﻳﻜﻮﻝ ﻟﺨﺎﻟﻲ ﻫﻴﻪ ﻏﻮﺗﻨﻲ ﻭﺫﺑﺖ ﺭﻭﺣﻬﺎ ﻋﻠﻴﻪ ﻭﻛﺎﻟﺘﻠﻲ ﻫﻴﻪ ﻭﻱ ﻣﺆﻳﺪ ﺍﺻﻼ ﻏﻠﻄﺖ ..

ﻟﻚ ﺍﻧﺖ ﻣﻌﻘﻮﻟﻪ ﺍﺑﻨﻲ ﺍﻧﺖ ﻣﻮ ﺑﺸﺮ ﺍﻧﺖ ﺷﻴﻄﺎﻥ ﺗﺘﻌﺪﻯ ﻋﻠﻰ ﻋﺮﺿﻚ ﻭﺗﺘﻬﻢ ﺑﻴﻬﺎ ﻓﻮﻛﺎﻫﺎ ... ﺍﺳﻤﻊ ﺍﻛﻮﻟﻚ ﻏﺼﺒﻦ ﻋﻠﻴﻚ ﺗﺰﻭﺟﻬﺎ ...

ﻭﺍﻟﻠﻪ ﻣﺎﺗﺰﻭﺟﻬﺎ ﻣﺎﺍﺭﻳﺪﻫﺎ ..

ﺧﻴﺮﻳﻪ .. ﻛﻞ ﻋﻘﻠﻚ ﺍﺯﻭﺟﻬﺎ ﻻﺑﻨﻲ ﺍﻧﺖ ﺷﻠﻮﻥ ﺗﻘﺒﻠﻬﺎ ﺳﻌﺪﻭﻥ ..

ﻟﻌﺪ ﻣﻦ ﻫﻮ ﺳﻜﺮﺍﻥ ﻭﺗﻌﺪﻯ ﻋﻠﻴﻬﺎ ﺷﻌﺒﺎﻟﻪ ﻭﺍﻧﺘﻲ ﺍﺳﻜﺘﻲ ﻭﻻ ﻛﻠﻤﻪ ﺗﺤﺠﻴﻦ ﻫﺴﻪ ﺍﺭﻣﻲ ﺍﻟﻴﻤﻴﻦ ﻋﻠﻴﺞ ...

ﻳﺎﺑﺎ ﻣﻮ ﺑﻮﻋﻴﻲ ﺟﻨﺖ ﻭﻫﻴﻪ ﻏﻮﺗﻨﻲ ﻫﻴﻪ ﻓﺘﺤﺖ ﺍﻟﺒﺎﺏ ﻭﺟﺮﺗﻨﻲ ﻟﻠﻐﺮﻓﻪ ..

ﺍﺳﻤﻊ ﺍﻟﺨﻤﻴﺲ ﻧﺒﺪﻱ ﺑﺎﺟﺮﺍﺀﺍﺕ ﺍﻟﺰﻭﺍﺝ ﺳﻤﻌﺖ ﻟﻮ ﻻ ..

ﻛﺎﻣﺖ ﻣﺮﺕ ﺧﺎﻟﻲ ﺗﺒﺠﻲ ﻭﺗﻠﻌﻦ ﺍﻟﺴﺎﻋﻪ ﺍﻟﻲ ﺍﺟﻴﺖ ﺑﻴﻬﺎ .

ﺧﺎﻟﻲ ﺟﺎﻥ ﻣﺼﺮ ﺍﻧﻪ ﻳﺰﻭﺟﻨﻲ ﻟﻌﻠﻲ ﻭﺑﺪﺕ ﺧﻴﺮﻳﻪ ﺗﺤﺎﺭﺑﻨﻲ ﺑﺎﻟﺒﻴﺖ ﻭﺻﺎﺭﺕ ﺣﻴﺎﺗﻲ ﺟﺤﻴﻢ ﻭﻋﻔﺖ ﺍﻟﻤﺪﺭﺳﻪ ﻭﺍﻧﻲ ﺳﺎﺩﺱ ﻋﻠﻤﻲ ﻛﺮﻫﺖ ﻧﻔﺴﻲ ﻭﻛﺮﻫﺖ ﺍﺑﻮﻳﻪ ﺍﻟﻲ ﺟﺎﻥ ﺳﺒﺐ ﺑﻠﻲ ﺍﻧﻲ ﺑﻴﻪ ..

ﻭﺭﺓ ﻳﻮﻣﻴﻦ ﻋﻠﻲ ﺍﻧﻬﺰﻡ ﺑﻌﺪ ﻣﺎﺟﺎﻥ ﺧﺎﻟﻲ ﻗﺎﻓﻞ ﻋﻠﻴﻪ ﻭﺟﺎﻥ ﻋﻨﺪﻱ ﺷﻚ ﺃﻧﻪ ﺧﻴﺮﻳﻪ ﻫﻴﻪ ﺍﻟﻲ ﻫﺰﻣﺘﻪ ﻭﺧﺎﻟﻲ ﺿﻞ ﺣﺎﻳﺮ ﺑﻴﻪ ﻭﺑﻌﺪﻫﺎ ﺻﺮﺧﺖ ﺧﻴﺮﻳﻪ ﻣﻦ ﻃﺒﺖ ﻟﻐﺮﻓﺘﻬﺎ ﻭﻋﺮﻓﻨﺎ ﺃﻧﻪ ﻋﻠﻲ ﺑﺎﻳﻚ ﺍﻟﺬﻫﺐ ﻣﺎﻟﺘﻬﺎ ﻭﻓﻠﻮﺳﻬﺎ ﻭﻣﻬﺰﻭﻡ ﻭﺍﻟﺬﻫﺐ ﺟﺎﻥ ﺻﻨﺪﻭﻙ ﺑﻴﻪ ﻣﻼﻭﻱ ﻭﺷﺒﺎﺣﻴﻪ ﻭﺑﺘﻮﺕ ﻭﻛﻼﻳﺪ ﻭﻣﺤﺎﺑﺴﻬﺎ ﺍﻟﻲ ﻣﻮ ﺍﻗﻞ ﻣﻦ ٦ ﻣﺤﺎﺑﺲ ﻳﻌﻨﻲ ﺧﻮﺵ ﻓﻠﻮﺱ ﺑﻴﻬﺎ ﻭﺍﻧﻬﺰﻡ ..

ﺿﻞ ﺧﺎﻟﻲ ﻣﻜﺴﻮﺭ ﺑﺴﺒﺒﻲ ﻭﺧﻴﺮﻳﻪ ﺗﺒﺠﻲ ﻭﺗﻜﻮﻝ ﻣﻦ ﻃﺒﺖ ﻋﻠﻴﻨﺎ ﻫﺎﻟﻔﻜﺮ ﻓﻜﺮﺗﻨﺎ ﻭﺍﺗﻔﻜﻜﻨﺎ ﻣﻦ ﻭﺭﺍﻫﺎ .. ﺧﺎﻟﻲ ﺟﺎﻥ ﺑﻴﻪ ﺳﻜﺮ ﻭﻣﻦ ﻭﺭﺓ ﺍﻟﻲ ﺻﺎﺭ ﺑﻴﻪ ﺟﺎﻥ ﺧﺎﻳﻒ ﻣﻦ ﺍﺑﻮﻳﻪ ﻭﻣﺎﻋﺪﺍ ﺗﻔﻜﻴﺮﻩ ﺍﻧﻲ ﻳﺘﻴﻤﻪ ﻭﺷﻠﻮﻥ ﻳﺴﻮﻱ ﺍﺑﻨﻪ ﻫﻴﺞ ﺑﻴﻪ ..

ﺿﻞ ﻋﻠﻲ ﻣﺨﺘﻔﻲ ﻭﻣﺤﺪ ﻳﺪﺭﻱ ﺑﻴﻪ ﻭﺑﺪﺕ ﺻﺤﻪ ﺧﺎﻟﻲ ﺗﺪﻫﻮﺭ ﻭﺑﻘﻴﺖ ﺍﺩﺍﺭﻱ ﺑﻴﻪ .. ﻟﺤﺪ ﻣﺎﺻﺎﺭﺕ ﺍﻟﻤﻔﺎﺟﺌﻪ ﻭﺍﻛﺘﺸﻔﻮﺍ ﺍﻧﻲ ﺣﺎﻣﻞ

..... 

يتبع