تاريخ النشر : 07/30/2024, 12:33:33

... 

ﻋﻤﺎﺭ ...

ﺑﻬﺎﻱ ﺍﻟﻠﺤﻈﻪ ﺍﺗﺼﻠﺖ ﺑﻴﻪ ﺍﺯﻝ ..

ﻫﻠﻮ ﺍﺯﻝ

ﻫﻠﻮ ﻋﻤﺎﺭ ..

ﺷﺒﻲ ﺻﻮﺗﺞ ..

ﺗﻌﺎﻝ ﻋﻠﻴﻪ ﺳﻴﺎﺭﺗﻲ ﻋﻄﻠﺖ ..

ﻫﺎﺍﺍﺍ ..

ﻋﻤﺎﺭ ﺷﺒﻴﻚ ﺳﻴﺎﺭﺗﻲ ﻋﻄﻠﺖ ﺷﻨﻮ ﻣﺴﻤﻌﺖ ..

ﺍﻱ ﺍﻱ ﺟﺎﻱ ﺍﻧﺘﻲ ﻭﻳﻦ ..

ﺍﻧﻲ ﺑﺎﻟﻜﺮﺍﺩﺓ ﻳﻢ ﺻﺪﻳﻘﻚ ﺍﺑﻮ ﺍﻟﻤﻮﺑﺎﻳﻼﺕ ..

ﺍﻭﻙ ﺟﺎﻱ ..

ﺭﺟﻌﺖ ﻟﻠﻐﺮﻓﻪ ﻋﻠﻰ ﻫﺒﻪ ﻟﻜﻴﺘﻬﺎ ﻧﺎﻳﻤﻪ ﻓﺮﺣﺖ ﺣﺘﻰ ﺍﺭﻭﺡ ﻭﺍﺭﺟﻊ ﻟﻬﺎ ﺟﺎﻧﺖ ﺍﻟﺴﺎﻋﻪ ﺑﺎﻟﺨﻤﺴﻪ ﺗﻘﺮﻳﺒﺎ ﺍﻟﻌﺼﺮ ﻣﺤﺴﻴﺖ ﺑﺎﻟﻮﻗﺖ ﻭﻳﺎﻫﺎ .. ﺭﺣﺖ ﻋﻠﻰ ﺻﺪﻳﻘﻲ ﻣﺤﻤﺪ ﺍﻭ ﻭﺻﻴﺘﻪ ﻋﻠﻰ ﻫﺒﻪ ﺃﻧﻪ ﻳﺪﻳﺮ ﺑﺎﻟﻪ ﻋﻠﻴﻬﺎ ﻭﺗﻮﺟﻬﺖ ﻟﻠﻜﺮﺍﺩﺓ ﺟﺎﻧﺖ ﺍﻟﺸﻮﺍﺭﻉ ﻣﺰﺩﺣﻤﻪ ﻭﻛﻮﺓ ﻭﺻﻠﺖ ﺍﻟﻬﺎ ﻟﻜﻴﺘﻬﺎ ﻣﻤﻮﺟﻮﺩﻩ ﺗﻔﺎﺟﺎﺕ ﺭﺟﻌﺖ ﺍﺗﺼﻠﺖ ﺑﻴﻬﺎ ﺟﺎﻭﺑﺘﻨﻲ ..

ﻫﻠﻮﻭ ﻋﻤﺎﺭ ..

ﺍﻧﺘﻲ ﻭﻳﻦ ﺍﻧﻲ ﻭﺍﻛﻒ ..

ﻫﺎﺍﺍ ﺍﻧﻲ ﺭﺍﺡ ﺍﻭﺻﻞ ﺍﻟﺒﻴﺖ ..

ﺷﻨﻮﻭﻭ ..

ﺍﺣﻨﺎ ﻣﻮ ﻣﺘﻔﻘﻴﻦ ﺍﺟﻴﺞ ﻻﻥ ﺳﻴﺎﺭﺗﺞ ﻋﺎﻃﻠﻪ ..

ﻣﻮ ﺍﺟﺎ ﻭﺍﺣﺪ ﻭﻛﻔﻠﻲ ﻭﻃﻠﻌﺖ ﻣﺎﺑﻴﻬﺎ ﺑﻨﺰﻳﻦ ﻭﺧﻼﻟﻬﺎ ﺑﻨﺰﻳﻦ ﻭﺍﺷﺘﻐﻠﺖ ..

ﻏﻴﺮ ﺗﺘﺼﻠﻴﻦ ﺑﻴﻪ ..

ﻫﺴﻪ ﺷﻜﻮ ﺷﺼﺎﺭ ﻳﻌﻨﻲ ..

ﺍﻟﻲ ﺻﺎﺭ ﻋﻔﺖ ﺷﻐﻠﻲ ﻭﺍﺟﻴﺖ ﻭﺍﻧﺘﻲ ﻋﻔﺘﻴﻨﻲ ..

ﻃﺒﻌﺎ ﺷﻐﻠﻚ ﺍﻫﻢ ﻣﻨﻲ ﺍﻧﺖ ﻣﺘﺤﺒﻨﻲ ﺍﻫﻢ ﺷﻲ ﺷﻐﻠﻚ ﻭﺭﺍﺣﺘﻚ ﺍﻧﻲ ﺍﺷﻮﻑ ﻭﺍﻟﺪﻱ ﻳﺸﻮﻑ ﺣﻞ ﻟﻤﻮﺿﻮﻋﻨﺎ ..

ﻫﺴﻪ ﺍﻧﻲ ﻃﻠﻌﺖ ﻏﻠﻄﺎﻥ ..

ﺍﺭﻭﺡ ﺍﻧﻲ ﺗﻌﺒﺎﻧﻪ ﺑﺎﻱ ﻭﺳﺪﺕ ﺍﻟﺘﻠﻔﻮﻥ ..

ﺭﺟﻌﺖ ﻟﻠﻤﺴﺘﺸﻔﻰ ﻭﺍﻧﻲ ﻣﺘﻌﺠﺐ ﻋﻠﻰ ﺗﺼﺮﻓﺎﺕ ﺧﻄﻴﺒﺘﻲ ﺍﻟﻄﻔﻮﻟﻴﻪ ﻫﻮﺍﻱ ﺗﻐﻴﺮﺕ ﺍﺯﻝ ﺑﺲ ﺷﺎﺳﻮﻱ ﺣﺒﻴﺘﻬﺎ ﻭﺻﺎﺭﺕ ﺧﻄﻴﺒﺘﻲ ..

ﻧﺰﻟﺖ ﻣﻦ ﺍﻟﺴﻴﺎﺭﺓ ﻳﻢ ﻣﻄﻌﻢ ﻭﺍﺧﺬﺗﻠﻬﺎ ﻋﺸﻪ ﺍﻭ ﺭﺟﻌﺖ ﻟﻠﻤﺴﺘﺸﻔﻰ ﺩﺧﻠﺖ ﻟﻐﺮﻓﺘﻬﺎ ﺟﺎﻧﺖ ﺍﻟﺴﺎﻋﻪ ﺗﻘﺮﻳﺒﺎ ﺑﺎﻟﺴﺒﻌﻪ ﻭﻧﺺ ﻟﻜﻴﺘﻬﺎ ﻛﺎﻋﺪﺓ ﻭﺣﺪﻫﺎ ﺑﺎﻟﻐﺮﻓﻪ ..

ﻭﻳﻦ ﺭﺣﺖ ..

ﺭﺣﺖ ﺑﺸﻐﻠﻪ ﻭﺭﺟﻌﺖ ﻳﺎﻟﻪ ﻛﻮﻣﻲ ﻧﺎﻛﻞ ﺍﻧﻲ ﺟﻌﺖ ﻛﻠﺶ ..

ﻛﺎﻣﺖ ﻛﻌﺪﺕ ﻛﺪﺍﻣﻲ ﻭﺑﺪﺕ ﺗﺎﻛﻞ ﻭﺗﺎﻛﻞ ﻟﻜﻤﻪ ﻭﺗﺼﻔﻦ .

ﻫﺒﻪ ﺍﻛﻠﻲ ..

ﺍﻧﺖ ﻟﻴﺶ ﻫﻴﺞ ..

ﺷﻨﻮ ﻟﻴﺶ ..

ﻟﻴﺶ ﺩﺗﺴﺎﻋﺪﻧﻲ ﻭﺗﺴﻤﻌﻠﻲ ..

ﺍﻧﻲ ﺍﻟﺴﺒﺐ ﺑﺪﺧﻮﻟﺞ ﻟﻠﻤﺴﺘﺸﻔﻰ ﺷﻠﻮﻥ ﺍﻋﻮﻓﺞ ﻭﺍﻧﻲ ﺍﺭﻳﺪ ﺍﺳﻤﻊ ﻗﺼﺘﺞ ﻣﻦ ﺍﻟﺒﺪﺍﻳﻪ ﺣﺘﻰ ﺍﺟﻴﺒﻬﻢ ﻛﺪﺍﻣﻲ ﻭﺍﺣﺎﺳﺒﻬﻢ ..

ﺑﻬﺎﻟﻠﺤﻈﻪ ﺭﻥ ﺗﻠﻔﻮﻧﻲ ..

ﺑﺎﻭﻋﺖ ﻟﻜﻴﺘﻬﺎ ﺍﺯﻝ ﻣﺎﺭﺩﻳﺖ ﻋﻠﻴﻬﺎ ..

ﻛﺎﻟﺖ ﺭﺩ ﺧﺎﻑ ﺍﻫﻠﻚ ..

ﻻ ﻣﻮ ﺍﻫﻠﻲ ..

ﻛﻤﻠﻨﺎ ﺍﻛﻞ ﻭﺻﺤﺖ ﻋﻠﻰ ﺍﻟﻤﻤﺮﺿﻪ ﻧﻀﻔﺖ ﺍﻟﻤﻜﺎﻥ ﻭﺍﺟﺎ ﻣﺤﻤﺪ ﺑﻬﺎﻟﻠﺤﻈﻪ ..

ﻫﺎ ﻋﻤﺎﺭ ﻣﺤﺘﺎﺝ ﺷﻲ ..

ﺣﻤﻮﺩﻱ ﺷﻮﻓﻨﺎ ﺍﺣﺪ ﻳﺠﻴﺒﻠﻨﺎ ﺟﺎﻱ ..

ﺗﺪﻟﻞ ﺣﺒﻴﺒﻲ ﻋﺸﺮ ﺩﻗﺎﻳﻖ ﻭﻫﻮ ﻳﻤﻚ ..

ﺑﺎﻭﻋﺖ ﻋﻠﻴﻬﺎ ﻭﻫﻲ ﻛﺎﻋﺪﺓ ﻋﻠﻰ ﺳﺮﻳﺮﻫﺎ ﻋﺎﻛﻔﻪ ﺭﺟﻠﻬﺎ ﻭﻭﺗﻜﺼﻜﺺ ﺑﺎﺿﺎﻓﺮﻫﺎ ﻟﻮ ﺑﺎﻳﺪﻫﺎ ﻟﻮ ﺗﺠﺮﻫﺎ ﺑﺎﺳﻨﺎﻧﻬﺎ ﺟﺎﻧﺖ ﻣﺘﻮﺗﺮﺓ ﻛﻠﺶ ﻭﺧﺎﻳﻔﻪ ..

ﻳﺎﻟﻪ ﻫﺒﻪ ﻛﻤﻠﻲ ﻗﺼﺘﺞ ﻭﺻﻠﻨﺎ ﺍﻧﺘﻲ ﻃﻠﻌﺘﻲ ﺣﺎﻣﻞ ..

ﺿﻞ ﺧﺎﻟﻲ ﺗﻌﺒﺎﻥ ﻭﻣﺮﺕ ﺧﺎﻟﻲ ﻣﺎﺍﻟﻬﺎ ﺷﻐﻠﻪ ﺑﻴﻪ ﺍﻧﻲ ﻣﺎﻋﻔﺘﻪ ﺍﺑﺪ ﻭﺑﺪﺕ ﺣﺎﻟﺘﻪ ﺗﺴﻮﺀ ﻛﺘﻠﻪ ﺧﺎﻟﻲ ﻻﺗﻀﻞ ﺗﻔﻜﺮ ﻣﻮﺯﻳﻦ ﻋﻠﻴﻚ ..

ﻭﻛﺎﻡ ﻳﺒﺠﻲ ﻭﻳﻜﻮﻟﻲ ﺑﻨﻴﺘﻲ ﻣﺤﺪ ﺳﻮﺍﻫﺎ ﻣﺎﺳﻤﻌﻨﺎ ﻭﺍﺣﺪ ﻳﻌﺘﺪﻱ ﻋﻠﻰ ﺑﺖ ﺧﺎﻟﻪ ﻭﻫﻲ ﺟﺎﻳﻪ ﻳﻤﻬﻢ ...

ﺻﺎﺭﺕ ﺧﺎﻟﻲ ﺑﻌﺪ ﻻﺗﻔﻜﺮ ﻣﻮ ﺯﻳﻦ ﻋﻠﻴﻚ ..

ﺍﻟﻠﻪ ﻛﺮﻳﻢ ﺑﻨﺘﻲ ..

ﻣﺮﺕ ﺧﺎﻟﻲ ﻣﻦ ﻋﺮﻓﺖ ﻛﺎﻣﺖ ﺗﻠﺢ ﻭﻳﺎﻱ ﺑﺸﻐﻞ ﺍﻟﺒﻴﺖ ﺑﻠﻜﺖ ﻳﻨﺰﻝ ﺍﻟﺠﻨﻴﻦ .. ﻭﺑﻴﻮﻡ ﺍﺗﻌﺎﺭﻛﺖ ﻫﻴﻪ ﻭﺧﺎﻟﻲ ﻭﻫﻮ ﻏﻠﻂ ﻋﻠﻴﻬﺎ ﻛﺪﺍﻣﻲ ...

ﻛﺎﻟﺘﻠﻪ ﺍﻻ ﺍﺭﻭﺡ ﻻﻫﻠﻲ ...

ﻭﺑﺪﺍ ﻳﺘﺼﺎﻳﺢ ﻫﻮ ﻭﻳﺎﻫﺎ ﺟﺎﻥ ﺗﻠﻢ ﻫﺪﻭﻣﻬﺎ ﻭﺍﻧﻲ ﺍﺗﻮﺳﻞ ﺑﻴﻬﺎ ﻭﺩﻓﻌﺘﻨﻲ ﻭﻛﺎﻟﺖ ﻛﻠﻪ ﻣﻨﺞ ﻳﺎﺻﻐﻴﺮﻩ ﺍﻟﺒﻴﻦ ﻭﺧﺎﻟﻲ ﻏﻠﻂ ﻋﻠﻴﻬﺎ ﻭﻃﺮﺩﻫﺎ ﻣﻦ ﺍﻟﺒﻴﺖ ﻟﻄﻮﻝ ﻟﺴﺎﻧﻬﺎ ﻭﺍﺧﺬﺕ ﻣﻴﺲ ﻭﻳﺎﻫﺎ ﺑﻘﻴﺖ ﻭﺣﺪﻱ ﺑﺎﻟﺒﻴﺖ ﻭﺧﺎﻟﻲ ﺻﺤﺘﻪ ﺗﻌﺒﺎﻧﻪ ﺍﻛﻠﻪ ﺍﺳﻮﻳﻪ ﺑﻬﺮﻳﺰ ﻭﺑﻌﺪ ﻳﻮﻣﻴﻦ ﻣﻦ ﺍﻟﻤﺸﻜﻠﻪ ﺍﺟﺘﻲ ﺑﻨﺖ ﺧﺎﻟﻲ ﺍﻟﻤﺘﺰﻭﺟﻪ ﺍﻟﻲ ﺍﺻﻐﺮ ﻣﻦ ﻋﻠﻲ ﺍﺳﻤﻬﺎ ﻣﻨﺎﺭ ..

ﻃﺒﺖ ﻟﻠﺒﻴﺖ ﻭﺍﻧﻲ ﺑﺎﻟﻤﻄﺒﺦ ﻻ ﺳﻼﻡ ﻭﻻﻛﻼﻡ ﻭﺍﺳﻤﻌﻬﺎ ﺗﺤﺠﻲ ﻭﻱ ﺍﺑﻮﻫﺎ ﻭﺗﻜﻮﻟﻪ ﻫﺎﻱ ﺍﻣﻲ ﺻﺎﺭ ﻟﻬﺎ ﺷﻜﺪ ﺯﻋﻼﻧﻪ ﺣﺘﻰ ﻣﺴﺎﻟﺖ ﻋﻠﻴﻬﺎ ﺷﻨﻮ ﻣﺼﺪﻛﺖ ﺣﺘﻰ ﺧﻮﺍﻟﻲ ﺯﻋﻼﻧﻴﻦ ..

ﺧﻠﻴﻬﻢ ﻳﺰﻋﻠﻮﻥ ﺧﻠﻲ ﻳﺨﻠﻮﻫﺎ ﻳﻤﻬﻢ ﺧﻠﻲ ﺗﺘﺮﺑﻰ ﻣﻦ ﺟﺪﻳﺪ ﺧﻴﺮﻳﻪ ..

ﻳﺎﺑﺎ ﺍﻟﻤﻮﺿﻮﻉ ﻣﻴﺴﻮﻩ ..

ﺷﺮﻑ ﺑﻨﺖ ﺍﻟﻨﺎﺱ ﻣﻴﺴﻮﻩ ﻋﻨﺪﺝ ﺑﺖ ﺧﻴﺮﻳﻪ ﻭﻳﻦ ﺍﺭﻭﺡ ﻣﻦ ﺭﺏ ﺍﻟﻌﺎﻟﻤﻴﻦ ﺍﺧﻮﺝ ﺍﻟﻲ ﺳﻮﺍﻩ ﻣﺤﺪ ﻳﺴﻮﻳﻪ ﺍﻧﺘﻬﻚ ﻋﺮﺽ ﻳﺘﻴﻤﻪ ﻭﺑﺖ ﺍﺧﺘﻲ ﻭﺍﺫﺍ ﻣﻴﺠﻲ ﻳﺰﻭﺟﻬﺎ ﻭﻫﻴﻪ ﻫﺴﻪ ﺣﺎﻣﻞ ﻻ ﺍﺑﻨﻲ ﻭﻻ ﺍﻋﺮﻓﻪ ﺍﺗﺒﺮﻯ ﻣﻨﻪ ﻟﻴﻮﻡ ﺍﻟﺪﻳﻦ ﻭﻛﻮﻟﻴﻠﻬﺎ ﻻﻣﺞ ﺍﺫﺍ ﻋﺪﻫﺎ ﺍﺗﺼﺎﻝ ﻭﻱ ﺍﺑﻨﻬﺎ ﻭﺗﻨﺪﻝ ﻣﻜﺎﻧﻪ ﻭﺩﺯ ﻓﻠﻮﺱ ﺍﻟﻪ ﻣﺘﻠﻮﻡ ﺍﻻ ﻧﻔﺴﻬﺎ ﺍﻃﻠﻜﻬﺎ ﻭﻣﺘﺼﻴﺮﻟﻲ ﻣﺮﺓ .. ﻛﺎﻣﺖ ﺗﺼﻴﺢ ﻭﺻﻮﺗﻬﺎ ﻋﻠﻰ ﻭﻱ ﺍﺑﻮﻫﺎ ﻭﻃﻠﻌﺖ ..

ﺳﻮﻳﺖ ﺍﻟﻐﺪﺓ ﻭﺟﺒﺘﻪ ﻟﺨﺎﻟﻲ ﻭﻛﻌﺪﺕ ﻭﻳﺎﻩ ﺍﺗﻐﺪﻩ

ﺧﺎﻟﻲ ... ﺍﻟﻠﻪ ﻳﺨﻠﻴﻚ ﺧﻠﻲ ﺧﺎﻟﺘﻲ ﺧﻴﺮﻳﻪ ﺗﺮﺟﻊ ﻟﻠﺒﻴﺖ ..

ﺧﺎﻟﻲ ﺍﻧﻲ ﺷﻌﻨﺪﻱ ﻭﻳﺎﻫﺎ ﻫﻴﻪ ﺗﺮﻯ ﻣﻦ ﻳﻮﻣﻬﺎ ﻫﻴﺞ ﺑﺲ ﺍﻧﻲ ﻣﺘﺤﻤﻠﻬﺎ ﻟﺨﺎﻃﺮ ﺟﻬﺎﻟﻬﺎ ﺑﺲ ﻟﻬﻨﺎ ﻭﺑﺲ ﺑﻌﺪ ﻛﺎﻓﻲ ﺍﻟﺤﻖ ﺣﻖ ﺍﺣﻨﺎ ﻇﻠﻤﻨﺎﺝ ﻭﺍﻧﻲ ﻣﺎﺑﻴﺪﻱ ﺷﻲ ﻋﻠﻲ ﻣﻴﻄﺐ ﺍﻟﺒﻴﺖ ﻭﻻ ﻳﻜﻌﺪ ﺑﻴﻪ ﺍﻻ ﻳﻌﻘﺪ ﻋﻠﻴﺞ ﻭﺍﺭﺗﺎﺡ ﺍﻧﻲ ﻣﺎﺭﻳﺪ ﺍﻣﻮﺕ ﻭﺫﻧﺒﺞ ﺑﺮﻛﺒﺘﻲ ...

ﺍﻧﺖ ﺷﻨﻮ ﺫﻧﺒﻚ ﻫﻮ ﺳﻮﻯ ﺍﻟﻲ ﺳﻮﺍﻩ ﻭﺍﻧﻬﺰﻡ ...

ﺿﻞ ﺧﺎﻟﻲ ﻳﻔﻜﺮ ﺑﻴﻪ ﻭﻣﻴﻌﺮﻑ ﺷﻴﺴﻮﻱ ﻭﺷﺎﻑ ﻧﻔﺴﻪ ﻋﺎﺟﺰ ﻋﻦ ﺣﻞ ﻣﺸﻜﻠﺘﻲ .. ﻭﺍﻧﻲ ﻛﻤﺖ ﺍﻃﺐ ﻟﻐﺮﻓﺘﻲ ﻭﺍﻛﻤﺰ ﻣﻦ ﺍﻟﺠﺮﺑﺎﻳﺔ ﺣﺘﻰ ﺍﺳﻘﻂ ﺍﻟﺠﻨﻴﻦ ﺻﺢ ﻫﻮ ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﺜﺒﺖ ﺍﻧﻪ ﻋﻠﻲ ﺳﻮﻩ ﺍﻟﻲ ﺳﻮﺍﻩ ﺑﺲ ﺍﻧﻲ ﻣﺎﺭﻳﺪﻩ ﻭﻻﺯﻡ ﺍﻧﺰﻟﻪ ..

ﻭﺑﻴﻮﻡ ﺍﺟﺎﻧﻲ ﺧﺎﻟﻲ ﻭﻛﺎﻟﻲ

ﺍﺳﻤﻌﻲ ﺑﻨﺘﻲ ﺍﻧﺘﻲ ﻣﺎﻋﻨﺪﺝ ﺍﺣﺪ ﺑﻬﺎﻱ ﺍﻟﺪﻧﻴﺎ ﺑﺲ ﺍﻧﻲ ﻭﺭﺏ ﺍﻟﻌﺎﻟﻤﻴﻦ ﻭﺍﻧﻲ ﺍﺫﺍ ﻣﺘﺖ ﺗﻀﻠﻴﻦ ﻭﺣﺪﺝ ﺍﻧﻲ ﺳﺠﻠﺖ ﻭﺍﺣﺪ ﻣﻦ ﺍﻣﻼﻛﻲ ﺑﺎﺳﻤﺞ ﺑﻴﺖ ﺻﻐﻴﺮ ﻳﻜﻔﻴﺞ ﺑﺲ ﻫﺬﺍ ﻣﻮ ﻣﻌﻨﺎﻩ ﺍﻧﻲ ﺩﺍﺍﻋﻮﺿﺞ ﻋﻦ ﺍﻟﻲ ﺳﻮﺍﻩ ﺍﺑﻨﻲ ﺑﻴﺞ ﻻ ﺑﺲ ﺧﺎﻑ ﺍﻣﻮﺕ ﻭﺍﻧﻲ ﺍﻋﺮﻓﻬﺎ ﻟﺨﻴﺮﻳﻪ ﺗﻄﺮﺩﺝ ﻫﺬﺍ ﺳﻨﺪ ﺍﻟﺒﻴﺖ ﻭﻫﺬﺍ ﻋﻨﻮﺍﻧﻪ ﻭﻣﺎﺭﻳﺪ ﺍﺣﺪ ﻳﻌﺮﻑ ﺑﻬﺎﻟﺸﻲ ﺑﺲ ﺍﻧﻲ ﻭﺍﻧﺘﻲ ..

ﻭﺍﻟﺒﻴﺖ ﺳﺎﻛﻨﻴﻦ ﺑﻴﻪ ﻧﺎﺱ ﻣﺄﺟﺮﻳﻪ ﻭﺍﻳﺠﺎﺭﻩ ﺍﻟﺞ ﺑﻌﺪ .. ﺗﺸﻜﺮﺕ ﻣﻦ ﺧﺎﻟﻲ ﻭﺍﺧﺬﺕ ﺍﻻﻭﺭﺍﻕ ﻭﺿﻤﻴﺘﻬﺎ ﺑﻌﺪ ﻓﺘﺮﺓ ﺍﺟﺎ ﺍﺧﻮ ﺧﻴﺮﻳﻪ ﻋﻠﻰ ﺧﺎﻟﻲ ﻭﺳﻤﻌﺘﻪ ﻳﻌﺮﻑ ﺑﺴﺎﻟﻔﻪ ﺍﻟﺒﻴﺖ ﻭﺧﺎﻟﻲ ﺍﺧﺘﺼﺮ ﺍﻟﻤﻮﺿﻮﻉ ﻭﻳﺎﻩ ﻭﻛﺎﻝ ﺍﻟﻪ ﻻﺗﺪﺧﻞ ﻣﻌﻠﻴﻚ ﺍﻧﺖ ﻣﺎﻟﻲ ﻭﺍﻧﻲ ﺣﺮ ﺑﻴﻪ ..

ﻭﻣﻦ ﺳﺎﻟﺘﻪ ﻟﺨﺎﻟﻲ ﻣﻨﻴﻦ ﻋﺮﻓﻮﺍ ﺑﺴﺎﻟﻔﻪ ﺍﻟﺒﻴﺖ ﻛﺎﻝ .. ﻫﻲ ﺩﺗﺎﺧﺬ ﺍﻳﺠﺎﺭﺍﺕ ﺍﻟﺒﻴﻮﺕ ﻭﺗﻨﻄﻲ ﻻﺑﻨﻬﺎ ﻋﻠﻲ ﻣﻨﻬﺎ ﻭﺍﻧﻲ ﻫﺴﻪ ﻭﻛﻔﺖ ﻛﻠﺸﻲ ﺑﻌﺪ ﻣﻨﻴﻦ ﺗﻨﻄﻴﻴﻪ ﻻﻥ ﻭﺻﻴﺖ ﺍﻫﻞ ﺍﻟﺒﻴﻮﺕ ﺍﻟﻲ ﺳﺎﻛﻨﻴﻦ ﺑﻴﻬﻢ ﺍﻻﻳﺠﺎﺭ ﻣﻴﺴﻠﻤﻮﻩ ﻟﻐﻴﺮﻱ ﻭﺑﻬﺎﻱ ﺍﻟﺤﺎﻟﻪ ﺣﻴﺠﻲ ﺍﺑﻨﻬﺎ ﺧﻤﺎ ﻳﻀﻞ ﺩﺍﻳﺢ ﺑﺎﻟﺸﻮﺍﺭﻉ ﻭﺍﻟﺒﻴﻮﺕ ..

ﺧﻴﺮﻳﻪ ﻃﻮﻝ ﻫﺎﻱ ﺍﻟﻔﺘﺮﺓ ﻛﻠﻬﺎ ﺑﻘﺖ ﻳﻢ ﺍﻫﻠﻬﺎ ﻭﻣﺎﺭﺟﻌﺖ ﺑﺲ ﺍﻫﻠﻬﺎ ﺭﺍﻳﺤﻴﻦ ﺟﺎﻳﻴﻦ ﻋﻠﻤﻮﺩ ﺍﻻﻣﻼﻙ ﻭﺍﻻﻳﺠﺎﺭﺍﺕ ﻭﺍﻟﺼﺪﻣﻪ ﺍﻻﻛﺒﺮ ﺭﻓﻌﻮﺍ ﻗﻀﻴﻪ ﺣﺠﺮ ﻋﻠﻰ ﺍﻣﻮﺍﻝ ﺍﺑﻮﻫﻢ ﻭﺧﺎﻟﻲ ﻭﻻ ﺍﻫﺘﻢ ﺍﻟﻬﻢ ﺍﻭ ﻭﻛﻞ ﻣﺤﺎﻣﻲ ﻭﺭﺩ ﺍﻟﺪﻋﻮﻯ ﻋﻠﻴﻬﻢ ﻭﻛﺴﺐ ﺧﺎﻟﻲ ﺍﻟﻘﻀﻴﻪ ﻭﺑﻴﻮﻡ ﻛﺎﻝ ﺧﺎﻟﻲ ﺣﻈﺮﻱ ﺍﻭﺭﺍﻗﺞ ﻭﺍﻣﺸﻲ ﻭﻳﺎﻱ ﺍﻟﺼﺒﺢ ﻛﺘﻠﻪ ﻭﻳﻦ ﻛﺎﻝ ﻣﻌﻠﻴﺞ ﺑﺎﺟﺮ ﺗﻌﺮﻓﻴﻦ ..

ﻃﻠﻌﻨﺎ ﺍﻟﺼﺒﺢ ﺍﻧﻲ ﻭﻳﺎﻩ ﺍﻭ ﻭﻗﻌﻮﻧﻲ ﻋﻠﻰ ﺍﻭﺭﺍﻕ ﻭﺍﺧﺬﻧﻲ ﺣﺘﻰ ﻟﻜﺎﺗﺐ ﻋﺪﻝ ﻭﺍﻧﻲ ﺳﺎﻛﺘﻪ ﻣﺎﺳﺎﻟﺘﻪ ﻛﻞ ﻫﻤﻲ ﺟﺎﻥ ﻫﺬﺍ ﺍﻟﻲ ﺑﻄﻨﻲ ﺷﻠﻮﻥ ﺍﺗﺨﻠﺺ ﻣﻨﻪ ﺧﺼﻮﺻﺎ ﻭﺑﺪﺕ ﺍﻋﺮﺍﺽ ﺍﻟﺤﻤﻞ ﺗﺰﻳﺪ ﻋﻨﺪﻱ ﻭﺩﺧﻠﺖ ﺷﻬﺮ ﺍﻟﺜﺎﻟﺚ ..

ﻣﻦ ﺭﺟﻌﻨﺎ ﻟﻠﺒﻴﺖ ﺗﻌﺒﺎﻧﻴﻦ ﻭﺟﺒﻨﺎ ﺍﻛﻞ ﻭﻳﺎﻧﺎ ﻭﺍﺣﻨﺎ ﺩﻧﺎﻛﻞ ﺧﺎﻟﻲ ﻛﺎﻝ ..

ﻫﺒﻪ ﺗﺪﺭﻳﻦ ﻭﻳﻦ ﺭﺣﻨﺎ ﺍﻟﻴﻮﻡ ﻭﺷﺴﻮﻳﻨﺎ ..

ﺧﺎﻟﻲ ﺍﻧﻲ ﻣﻴﻬﻤﻨﻲ ﺑﺲ ﺍﺭﻳﺪﻙ ﺗﺒﻘﻰ ﻃﻴﺐ ﻭﺳﺎﻟﻢ ﺍﻟﻲ ﺍﻧﻲ ﻣﺎﻋﻨﺪﻱ ﻏﻴﺮﻙ ..

ﺷﻮﻓﻲ ﺑﻨﺘﻲ ﺍﻧﻲ ﺳﺠﻠﺖ ﻛﻞ ﺍﻣﻼﻛﻲ ﺑﺎﺳﻤﺞ ..

ﺷﻠﻮﻥ ﺧﺎﻟﻲ ..

ﺍﻱ ﺧﺎﻟﻮ ﻣﺜﻞ ﻣﺎﺳﻤﻌﺘﻲ ﺍﻧﻲ ﻣﻦ ﻧﻄﻴﺘﺞ ﺑﻴﺖ ﺻﻐﻴﺮ ﺣﺘﻰ ﻳﻠﻤﺞ ﺧﺎﻑ ﺍﻣﻮﺕ ﺍﻧﻲ ﻣﺎﺟﻨﺖ ﺍﺭﻳﺪﺝ ﺗﺮﺣﻴﻦ ﻟﻨﺎﺩﻳﻪ ﻭﺿﻠﻤﻬﺎ

ﺑﺲ ﺍﻟﻠﻪ ﺧﻼﻧﻲ ﺍﺳﻮﻱ ﻫﻴﺞ ﺣﺘﻰ ﻳﺸﻮﻓﻨﻲ ﺍﻧﻲ ﻭﻱ ﻣﻨﻮ ﻋﺎﻳﺶ ﺻﺢ ﺍﻟﻲ ﺻﺎﺭ ﺻﻌﺐ ﻋﻠﻴﻨﺎ ﺑﺲ ﻛﺸﻔﺖ ﺍﻟﻨﺎ ﺣﻘﺎﺋﻖ ﻭﻋﺮﻓﻨﺎ ﻣﻌﺎﺩﻥ ﺍﻟﻨﺎﺱ .. ﻭﺑﻨﻔﺲ ﺍﻟﻮﻗﺖ ﺍﻧﻲ ﺍﻭﺻﻴﺞ ﻭﺻﻴﻪ ﻭﻫﻲ ﺍﻣﺎﻧﻪ ﺑﺮﻛﺒﺘﺞ ﻟﻴﻮﻡ ﺍﻟﺪﻳﻦ ﺍﻧﻲ ﺻﺢ ﺧﻠﻴﺖ ﺑﺎﺳﻤﺞ ﺍﻣﻼﻛﻲ ﺣﺘﻰ ﺗﺤﺎﻓﻀﻴﻦ ﻋﻠﻴﻬﻢ ﻭﺍﺫﺍ ﺍﺗﺰﻭﺟﺘﻲ ﻭﺍﺳﺘﻘﺮﻳﺘﻲ ﺍﻧﻄﻲ ﻛﻠﻤﻦ ﺣﻘﻪ ﺑﺲ ﻋﻠﻲ ﺩﻳﻨﺎﺭ ﻻﺗﻨﻄﻴﻪ ﺍﻻ ﺍﺫﺍ ﺗﺰﻭﺝ ﻣﻨﺞ ﻭﺍﻋﺘﺮﻑ ﺑﺎﺑﻨﻪ ....

ﻭﺍﺫﺍ ﻣﺎﺍﻋﺘﺮﻑ ﺑﺎﺑﻨﻪ ﺷﻠﻮﻥ ﺍﻟﻮﻟﺪ ﺑﺎﺳﻢ ﻣﻨﻮ ﺍﺳﺠﻠﻪ ..

ﻣﻌﻠﻴﺞ ﺍﻟﻤﺤﺎﻣﻲ ﻛﺎﺭﺗﻪ ﻳﻤﺞ ﻫﻮ ﻳﻘﻮﻡ ﺑﻜﻞ ﺷﻲ ﻓﻲ ﺣﺎﻟﻪ ﺍﻧﻲ ﻣﺎﻣﻮﺟﻮﺩ ﺑﺲ ﺍﺫﺍ ﻣﻮﺟﻮﺩ ﺍﻧﻲ ﺍﺗﻜﻔﻞ ﺍﻟﻤﻮﺿﻮﻉ ..

ﺍﺭﺗﺎﺣﻴﺖ ﻣﻦ ﻋﺮﻓﺖ ﺍﻟﻮﻟﺪ ﺍﻟﻲ ﺑﻄﻨﻲ ﺧﺎﻟﻲ ﻳﺘﻜﻔﻞ ﻣﻮﺿﻮﻋﻪ ﻭﺭﺍﺡ ﻳﺴﺠﻠﻪ ﺑﺎﺳﻢ ﺍﺣﺪ ﻣﻴﻌﻮﻓﻪ ﺑﻼ ﺍﺳﻢ ﻭﻻ ﻫﻮﻳﻪ ..

ﻣﺮﺕ ﺍﻻﻳﺎﻡ ﻭﻣﺤﺪ ﻳﺴﺎﻝ ﻋﻠﻰ ﺧﺎﻟﻲ ﺑﺲ ﺍﺑﻨﻪ ﺍﻟﻲ ﻣﺴﺎﻓﺮ ﺑﺮﻩ ﺍﺳﻤﻪ ﺳﺎﻣﺮ .. ﻳﺘﺼﻞ ﺑﻴﻪ ﺑﻴﻦ ﻓﺘﺮﺓ ﻭﻓﺘﺮﺓ ﻭﻋﺮﻑ ﺑﺎﻟﺴﺎﻟﻔﻪ ﻛﻠﻬﺎ ﻭﺟﺎﻥ ﻣﺮﺍﺿﻲ ﻋﻠﻰ ﺍﺧﻮﻩ ﻭﺍﻣﻪ ..

ﻭﺑﻴﻮﻡ ﺍﻧﻲ ﻛﺎﻋﺪﻩ ﺍﻟﻌﺼﺮ ﺑﻐﺮﻓﺘﻲ ﺩﺍﺭﺗﺒﻬﺎ ﻻﻥ ﻫﺎﻣﻠﺘﻬﺎ ﻭﺩﺍﻧﺎﻡ ﻭﻱ ﺧﺎﻟﻲ ﻻﻥ ﻣﺮﻳﺾ ﻭﻣﺤﺪ ﻳﻤﻪ ﺳﻤﻌﺖ ﺍﻟﺒﺎﺏ ﺍﻧﺪﻛﺖ ﺑﻘﻮﻩ ﺑﺎﻭﻋﺖ ﻣﻦ ﺷﺒﺎﻙ ﻏﺮﻓﺘﻲ ﻭﺷﻔﺖ ﺍﻟﻲ ﻣﺎﺟﺎﻥ ﺃﺑﺎﻟﻲ .. ﺍﺑﻮﻳﻪ ﻭﻧﺎﺩﻳﻪ ﺑﺎﻟﺒﺎﺏ ﺍﻧﺼﺪﻣﺖ ﻭﻟﺰﻣﺘﻨﻲ ﺍﻟﺮﺟﻔﻪ ﻭﺍﺳﻤﻊ ﺧﺎﻟﻲ ﻳﻜﻮﻟﻪ ﻣﻮ ﻳﻤﻲ ﺭﺍﺣﺖ ﻭﻳﻪ ﺧﻴﺮﻳﻪ ﻣﻌﺰﻭﻣﻴﻦ ..

ﻛﺎﻟﻪ ﺍﺑﻮﻳﻪ .. ﺧﻴﺮﻳﻪ ﺯﻋﻼﻧﻪ ﺻﺎﺭ ﺷﻬﺮ ﻳﻢ ﺍﻫﻠﻬﺎ ﻭﻣﺤﺎﻛﻢ ﺍﻧﺖ ﻭﻳﺎﻫﺎ ..

ﻫﺴﻪ ﺍﻧﺖ ﺍﻟﻲ ﺗﺮﻳﺪﻩ ﺷﻨﻮ ﻫﺒﻪ ﻣﻮﻫﻨﺎ ..

ﻟﻌﺪ ﻭﻳﻦ ..

ﺳﻔﺮﺗﻬﺎ ..

ﺟﺎﻥ ﺍﺷﻮﻑ ﺍﺑﻮﻳﻪ ﻃﺐ ﻟﻠﺒﻴﺖ ﻭﺍﻧﻲ ﺿﻤﻴﺖ ﺭﻭﺣﻲ ﺟﺎﻧﺖ ﺍﻛﻮ ﻣﺴﺎﻓﻪ ﺻﻐﻴﺮﻩ ﻭﺭﻩ ﺍﻟﻜﻨﺘﻮﺭ ﺿﻤﻴﺖ ﻧﻔﺴﻲ ﻻﻥ ﺍﻧﻲ ﺿﻌﻔﺖ ﺑﺴﺒﺐ ﺍﻟﺤﻤﻞ ﻭﻛﺪﺭﺕ ﺍﺿﻢ ﻧﻔﺴﻲ ﺑﻴﻬﺎ ..

ﻃﺒﻮﺍ ﻟﻠﺒﻴﺖ ﻓﺘﺸﻮﺍ ﻣﺎﻟﻜﻮﺍ ﺍﺣﺪ .. ﻭﻃﻠﻊ ﺍﺑﻮﻳﻪ ﻳﺼﻴﺢ ﻋﻠﻰ ﺧﺎﻟﻲ ﻭﻳﻜﻮﻟﻪ ﺍﺳﻤﻊ ﺳﻌﺪﻭﻥ ﺑﻨﺘﻲ ﺍﺫﺍ ﻣﺎﺭﺟﻌﺖ ﺍﻟﻲ ﺭﺍﺡ ﺍﺭﻓﻊ ﺩﻋﻮﻯ ﺧﻄﻒ ..

ﻛﺎﻝ ﺍﻟﻪ ﺧﺎﻟﻲ .. ﺭﺣﻴﻢ ﺑﻨﺘﻚ ﻳﻤﻲ ﻭﺍﺟﺘﻲ ﻋﻠﻴﻪ ﺑﻌﻠﻤﻚ ﺷﻨﻮ ﺗﻜﻮﻝ ﺧﻄﻒ ..

ﺳﻌﺪﻭﻥ ﻭﺻﻠﻨﻲ ﺧﺒﺮ ﺑﻨﺘﻲ ﺣﺎﻣﻞ .. ﺍﺫﺍ ﻫﺬﺍ ﺍﻟﺨﺒﺮ ﺻﺤﻴﺢ ﻣﺎﺗﻠﻮﻡ ﺍﻻ ﻧﻔﺴﻚ ..

ﺍﻧﻲ ﻭﺭﺓ ﺍﻟﻜﻨﺘﻮﺭ ﺍﺭﺟﻒ ﻣﻦ ﺍﻟﺨﻮﻑ ﻭﻟﺰﻣﺘﻨﻲ ﺩﻭﺧﻪ ﻛﻮﺓ ﻟﺰﻣﺖ ﻧﻔﺴﻲ . ..

ﻟﺤﺪ ﻣﺎﻃﻠﻊ ﻭﺭﺍﺡ ..

ﺧﺎﻟﻲ ﺿﻞ ﺻﺎﻓﻦ ﻭﻣﺘﻌﺠﺐ ﻋﻠﻰ ﺧﻴﺮﻳﻪ ﺷﻠﻮﻥ ﺗﻜﻮﻝ ﻟﺮﺣﻴﻢ ﻫﺒﻪ ﺣﺎﻣﻞ .. ﻭﺿﻞ ﺧﺎﻟﻲ ﻛﺎﻋﺪ ﺑﺎﻟﺤﺪﻳﻘﺔ ﻭﺃﻳﺪﻩ ﻋﻠﻰ ﺧﺪﻩ ﻭﺍﻧﻲ ﺑﺪﺕ ﻋﻨﺪﻱ ﺍﻻﻻﻡ ﻭﻣﻐﺺ ﺑﻄﻨﻲ ﻗﻮﻱ ..

ﻭﻗﺮﺭﺕ ﺍﻧﻬﺰﻡ ﻣﻦ ﺑﻴﺖ ﺧﺎﻟﻲ ﻻﻥ ﺍﺑﻮﻳﻪ ﻋﺮﻑ ﺑﺤﻤﻠﻲ ﻭﻣﺮﺍﺡ ﻳﻌﻮﻓﻨﻲ ﻭﺻﺮﺕ ﺑﻨﻈﺮﻩ ﺍﻟﺒﻨﺖ ﺍﻟﻲ ﺟﺎﺑﺖ ﺍﻟﻌﺎﺭ ﻷﻫﻠﻬﺎ ..

ﺭﻥ ﺗﻠﻔﻮﻥ ﻋﻤﺎﺭ ..

ﺭﺩ ﻋﻠﻴﻬﺎ ﺟﺎﻧﺖ ﺍﺯﻝ ..

ﻳﻌﻨﻲ ﻣﺎﺍﺗﺼﻠﺖ ﻭﻻ ﺍﺟﻴﺖ ﻟﻠﺒﻴﺖ ..

ﻟﻴﺶ ﺍﺟﻲ ﺍﻧﻲ ﻣﺎﻛﺘﻠﺞ ﺍﺟﻲ ..

ﺑﺲ ﺗﻌﻮﻓﻨﻲ ﺯﻋﻼﻧﻪ ..

ﺍﻧﺘﻲ ﻋﻔﺘﻴﻨﻲ ﻭﺯﻋﻼﻧﻪ ﺍﺯﻝ ﺍﻧﻲ ﻣﻔﺎﺭﻍ ﻟﺴﻮﺍﻟﻔﺞ ﻛﺎﻓﻲ ...

ﺍﺟﺎ ﻣﺤﻤﺪ ﺑﻬﺎﻟﻠﺤﻈﻪ ﻭﺟﺎﺏ ﺍﻟﺠﺎﻱ ﺑﺎﻳﺪﻩ .. ﻭﺩﺧﻞ ﻋﻠﻰ ﻫﺒﻪ ﻭﺍﺷﺮﺗﻠﻪ ﺍﻟﻐﺮﻓﻪ .. ﻧﻬﻴﺖ ﺍﻟﻤﻜﺎﻟﻤﻪ ﻭﻣﺎﺟﻨﺖ ﺍﻟﻜﻰ ﺳﺒﺐ ﻟﺘﺼﺮﻓﺎﺕ ﺍﺯﻝ ﻓﺴﺮﺗﻬﺎ ﺍﻧﻲ ﺗﺼﺮﻓﺎﺗﻬﺎ ﻫﺎﻱ ﺑﺴﺒﺐ ﺃﻫﻤﺎﻟﻲ ﺍﻟﻬﺎ ..

ﺭﺟﻌﺖ ﺍﻟﻐﺮﻓﻪ ﻋﻠﻰ ﻫﺒﻪ ﻭﻛﺘﻠﻬﺎ ..

ﻫﺒﻪ ﻫﺴﻪ ﺍﺭﺗﺎﺣﻲ ﻭﺑﺎﺟﺮ ﺍﻃﻠﻌﺞ ﻣﻦ ﺍﻟﻤﺴﺘﺸﻔﻰ ..

ﺑﺲ ﻭﻳﻦ ﺍﺭﻭﺡ ﻣﺎﻛﺪﺭ ﺍﺭﻭﺡ ﻟﻠﺒﻴﻮﺕ ﺍﻟﻲ ﻧﻄﺎﻧﻲ ﺍﻳﺎﻫﺎ ﺧﺎﻟﻲ ﻻﻥ ﻳﻨﺪﻟﻮﻥ ﻣﻜﺎﻧﻲ ..

ﺣﺘﻰ ﻟﻮ ﺗﻜﺪﺭﻳﻦ ﻣﺎﺍﻋﻮﻓﺞ ﻭﺣﺪﺝ ﺗﺠﻴﻦ ﺗﺴﻜﻴﻦ ﻭﻳﺎﻱ ﺑﺎﻟﺒﻴﺖ ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﺎ ..

ﻭﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻭﺗﻮﺟﻬﺖ ﻟﺒﻴﺖ ﺍﺯﻝ ﺣﺘﻰ ﺍﺭﺍﺿﻴﻬﺎ ﻣﺎﺍﺣﺐ ﺍﺣﺪ ﻳﺰﻋﻞ ﻣﻨﻲ ﺧﺎﺻﻪ ﺍﻟﻲ ﺍﺣﺒﻪ

..... 

يتبع