تاريخ النشر : 08/27/2024, 19:19:37

الكاتبه زهراء الركابي 

ذي قار (القيثاره الذهبيه) 

 

★★★★★★★★★

علي" 

بعدتهم عنه و كضيت اديه وصحتهن ع ماي شربته اله وقدمته ع تابوت 

 

_تبجين بهداوه وتحظنيه وتوادعين ويا اخليج ما بجيتي عدل وملختي روحج اخذه وما اخلي هنا 

هزت راسه بقبول  وكعدت هاديه تبجي وتسوالف ويا بهمس هدت حيلنه مدللت احمد مهظومه شون هظمه هظمته 

شالها مصطفى من اجو ياخذون تابوت 

كضت ايد مصطفى تتوسل بي اخذه مصطفى ويا بسيارته حاظنه 

 

طلب من مصطفى ناخذ البيته وعمي ومصطفى ما رفضوله طلب ودخلو التابوت البيته ونزلت بس ايناس ومصطفى 

 

مصطفى "

 

واكف ع صفحه نزلنه بنص صاله محطوطه صورت خطوبتهم بكربلاء بنص صاله جبيره واضحه كعدت مقابيل صوره وتحجي ويا بس بهمس تاخرنه بس مكدرن نكسر بخاطره واحنه نعرف احمد شنو بنسبه اله طلعنه من بيت واخذت بسيارتي للنجف طول الطريق واني افكر شون راح تكون ردت فعله من نزله للكبر ما اخذ نسوان ويانه بس أيناس جلبت بركبتي وحلفتني وصلنه للنجف دخلنه للامام علي(ع) 

 

ونزلو يصلون عليه أيناس بايدي احسه فاقده مو واعيه لان لو واعيه ما تتقبل لمستي اله بس اني مجبور الزمه لا توكع

 

توجهنه للدفن واني عاصر نفسي عليه وشون راح تتقبل دفنا هو ميت خلص 

 

كعدنه قريبين ع كبر وحاضنه حتى ما تروح يمهم خلصو حفر وهي وسعت عيونه ورادت تكوم ولزمته 

 

أيناس: مصطفى راح يدفنونه مصطفى عوفني مصطفى خليني اروحله

 

ايناس: اني وعده اذا مات ما اعوف انزل ويا للكبر 

 

أيناس: ولك اخر مره هدني خل اشم عطره اخر مره بعد ما اشوفه 

 

أيناس: لا تصير انت ودنيا عليه 

 

أيناس: ولك بابا احمد بنتك ربيته مهضومه كوم حاجيني

 

صوته جان مبحوح من صريخ وتحاول تصرخ احس الاحبال صوتيه تكطعت 

 

أيناس: ولك مصطفى راح بعد ما اشوفه خل احظنه 

 

تحجي وتظرب بيه تريدني افلته احس حيلي كل نهد واني اشوفه مكسوره 

 

خلصو دفن هدئت بس ونين يطلع منه 

اجه علي باتجاهنه 

 

علي: ياله كومي أيناس خويه تعبتي 

 

مصطفى: لا عوفه روحو اني اجيبه بسيارتي روحو انتو 

 

بقينه اني وياها يم القبر حجت وبجت كلش هواي من ماكو شالت التراب وحطته ع راسه وبقت دك على راسه 

ركضت عليها اهدي بيه عسى ولعل اخفف عنها 

 

طلعتها من مقبره ورجعنه للناصريه خابرت بتول واني بطريق

 

مصطفى: بتول مريد بشر يتلكه أيناس لطم لو بجي حظيرله ملابس وحمام احنه راح نوصل ما بقه شي 

 

بتول: تم من عيوني وهسه اوصيهم 

 

التفت عليه لكيته تتبوع بطريق وساكته حتى بجي عافته 

 

مصطفى: أيناس جعتي اجيبلج شي 

هزت راسه بلا 

مصطفى: زين خل ارجعلج كرسي نامي 

هم هزت راسه 

مصطفى: زين احجي سمعيني صوتج كليلي شبيج 

واخير نطقت بصوت خافت لدرجه كوه ينسمع 

أيناس: مكدر بلعومي يوجعني 

 

مصطفى: اهدي خويه مبيج شي هسه بس نرجع شربي مي حار يصير زين 

 

احاول احجيه بكل طريقه اخر شي نطقت 

 

أيناس: هذا الشي الي جان خايف منه كل ما نكعد ويكلي خاف اموت خل ابقي ذكره الج حلوه جنه كل ما نكعد يصور ويخلي فديوات طويله الي حتى اشوفه 

ومن يطلع للشغل كل شويه دازلي فديو احفظي لا تمسحين شي 

 

حاولت اتنفس حتى اجوبه بس مكدرت شريد اكله واني ادري شكد تحبه وادري مستحيل تتخطى 

 

مصطفى: قل لن يصبنا اله ماكتب الله لنا 

أيناس انت انسانه قويه ومؤمنه خسرتي جدي وجدج ابو امج وعمي وصديقتج و مدرستج وهواي ناس تعزيهم وتخطيتي 

وهسه هم راح تتخطين رب العالمين من علينه بنعمه النسيان وراح تنسين 

 

هزت راسه وبقت ساكته تفهمت سكوته وما حجيت وصلنه البيت جدي لكيتهم واصلين قبلنه نزلت بلقوه تمشي اجه عمي عليه كض ايده وصله للبيت وتلكتنه بتول هي ومرت علي اخذنه التفت شفت علياء كاعد رحت عليه بست راسه 

مصطفى: الله يصبرج خويه 

 

علياء: رح مو راح هو وبته مخللنه ذكره مات فرد موته 

 

مصطفى: حمدي ربج متعرفين شنو حكمته 

 

اجيت اطلع صاحتني بتول 

بتول: مصطفى تعال حظرتلك الحمام وايناس كلت ما تغديت تعال تغده واطلع لان بعد ما يهدونك 

 

هزيتله راسي مشت هي كدامي واني وراها 

 

بتول "

 

اتبوع هاي شصار شنو سوينه حتى لله ما كتبنه الفرح ستغفرت ربي ورحت لايناس بالحمام دكيت بابا وطلعت عليه منشفه على راسه وملابسه بايده ينقطن مي 

 

أيناس: بس نشفيهن الي حباب 

 

بتول: شنو سالفتج عود صدك شنو يعني تستنكفين احنه نغسل ملابسج 

 

أيناس: لا بتول بس عيب عليه انتن هم مشغولات، فدوه اريد ارتاح تعبانه 

 

بتول: امشي وياي فوك توني صعدت البنات و ولد يتغدون انت هم اكلي لكمه ونامي 

 

هزت راسه وراحت تمشي  ناحيه درج نشفت صعدت ورها لكيت بيبي حاطته بحظنه وهي تبجي 

 

بتول: جده احنه معولنه نسكته هجي تسوين كومي ريم كومي الجدتي صبيله غده 

 

ريم: تم هسه 

 

كومت ايناس اتبوع بالكل لكيته كل تبجي وكاعد ع صفحه 

 

بتول: يله تغدو ورانه شغل اذا ما تكلون شون تشتغلون ياله تحركو يا عيني 

 

مصطفى: اني ما اشتهي اريد اخذلي غفه ظهري تكسر 

 

بتول: فرشتلك بذيج الغرف بس أيناس تتغده بيه وعمتي هم نايمه 

هز راسه وكام تبوعتله يمشي بثقل تاففت وشلت الاكل ولميت سفره ونزلت جوه وي البنات دنيا مخبوصه.....

 

نور " 

مرت ايام الفاتحه تمددت حتى ارتاح وسمعت صريخ اختض جسمي وكمت اشوف شكو 

واشوف واصله البدله مال العرس مال أيناس وهيه شاكه ثوبه وتلطم وتملخ بروحه 

مصطفى: شون جيبوها لهنا انتم مو تعرفون ايناس فاقده شون جيبوها اله شووووون فهمني

 

علي: والقران والفرقان صاحب هاي الدكه مره لو رجال ما ارحمه 

نزلوو ثنينهم عليه بس همه يكدرون يسكتونها هاي ذني الايام معرف شون يهدونها ويحولن بكل الطرق وسياسه 

 

نزل علي يحضنه الصدره وهي ما تدري وفاقده واله ايناس يلزمه واحد من ولد عمه وتبقه مسنحه وما ادفعه لو طيح حضه 

علي: أيناس ما عرفتج هجي ضعيفه ومهزوزه احمد دوم جان يكول أيناس ذيبه وقويه 

 

أيناس: علاوي خويه نهد حيلي هو قوتي هو الي جان مصبرني على هل دنيا هو الي تحملت علموده ذله من اقرب الناس الي 

مصطفى: والله خويه حاسين بيج ونعرف شكد عزيز على قلبج ونعرف شكد تحبي وشنو عشتي ويا وشكد عانيتو 

 

أيناس: انت جاي تستوعب بعد يومين على موعد عرسنه جاي تدرك الموضوع

 

 "عروس لابسه اسود والعريس مدفون "

 

نزل راسه مصطفى يشهك ويبجي صار اليوم خامس ومصطفى وعلي واكفين على حيلهم بنص نسوان يرحون يرجعون لخاطر ايناس والولد يكلون مكدرو حتى يبجون لو يفرغون الي بقلبهم 

 

تقابلو ثالثتهم يبجون وايناس مو تبجي لا تفطر باب القلب نضاف صوت بجي ولطم لاصواتهم رفعت راسي شفت علياء لازمه ضياء وجهاله بيد بنيه وياه في ما بعد عرفت هاي البنيه اخت ضياء جانت مسافره وهيه جيته من مطار 

كعدت علياء مكابله ايناس تشهك وتبجي 

علياء: ولك حمودي خوي ولك يمه ما شفت راحه بيوم يمه جعلني اني

 

ولا انت ولك داد شون استوعب فراكك ولك داده محضره العرسك اريد افرح بيك 

تاليه تغدر بيه وتروح وتعوفنه بنص طريق 

ولك احمد داده يا يوم ندهتك وما رديت 

 

الكل واكف على صفحه بس اكتافه تهتز ومصطفى وعلي وضياء متربعين وياهن ينوحون رواحتهم رايحه بلكوه يجرون النفس

 

أيناس "

احس جنت فاصله عن العالم التفت على بابا مخذني بسياره لبيتنه اني واحمد اشغله شمعه اليوم صار 18 يوم حس ما كالت علياء لان اني عقلي بعد واكف بيوم الحنه بعدني منتضره خمس ايام حتى يصير العرس ويرجع احمد من بغداد بعدني ما مستوعبه الي ديصير وين واصله اني بيا مرحله رفعت عيوني شفت باب البيت تنهدت جاي احول اتقبل الامر الواقع دخلت للبيت ضلمه موحش بس هب عليه عطر احمد من دخلت صاله بقيت واكف ما اكدر ابجي عيوني يحركني بس ماكو دمووع 

 

ابو أيناس: فوتي بابا شغلي شمعه خلينه نقره قران حتى روح خاف تجينه ناس 

هزيت راسي ودخلت 

هاي صار من يوم السابع نجي للبيت نشغل شمعه قبل الاذان بشوييه ونقره قران ونطلع ورى صلاه  

بابا احس روحه هافته اكثر مني من يشوف حالتي امي صرت ما اطيق اشوفه لو قابله من زمان جان مصار كل هذا عل الاقل جنه عشنه فتره طويله سويه 

اعرف اعرف اني جاي اغلط بس مجاي اكدر اصيطر على تفكيري احس خلاص كل شي تلخبط ماكو شي صح لزم شهر الجاي الزم العده شهرين ونص لان ماكو زواج فعلي فقط عقد قران 

رجعت للبيت صعدت فوك تجي عالم تريد اسلم اسوي روحي نايمه مالي نفس اشوف احد ولا اطيق اشوف احد نصهم نفاققق جانو يكرهونه ويموتون منه هسه صار عزيز خيولون احس نفسي تخبلت 

حاولت انام ساعه بعده 8 غفيت وفزيت ساعه 10 اتفقد تلفوني بلكي اكو مسج منه اتصال شبي زعلان وياي 

أيناس: الو احمد شبيك زعلان عليه ليش مدزلي شي ليششش ما تكتبلي ليش زعلان مني 

هاي اخر صدمه بروحي صح لو بعد اكو صدمه 

 

يوماً ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد وال محمد