تاريخ النشر : 09/11/2024, 23:33:19

ذي قار (القيثاره الذهبيه)

 

بقلمي الكاتبة زهراء الركابي 

 

★★★★★★★★★★★

 

مصطفى"

قلبي احسه ايريد يطلع من صدري من كد الوجع والتفكير اخذ كل عقلي وما اعرف شصرف شنو احجي احس نفسي طفل عاجز عن الحركه

كاعد بمكتبي وايدي على راسي دخل علي  

 

علي: هلا ابو احمد كول يارب ياخويه شبيك ذبلنه وعيونك الصفر رايحه روحهم

 

مصطفى: ايناس درت بتول مخطوبه 

 

بلع ريكه ونطت عيونه وجه رجف 

مصطفى: بس ما تعرف منو خطبه ولا ليش وافقت 

 

علي: وشون تحل سالفه وهي تريد تسوي عرس 

 

مصطفى: حامض على بوزه اسويله عرس لو حفله تجي تنجب غصبن عليه 

 

علي: اوكف اوكف اعصابك نور تكول عزمتنه كلنه وكالتلهم عزمو ايناس 

 

مصطفى: اعرف اتريد اتسوي مشكله وتخلي ايناس تعرف حتى تطلب الطلاك

 

علي: وشون تحله؛ اني تعذرني ما اوكف وياك ضد ايناس اذا انت تحبه قاط اني الف قاط 

 

لزمته من خونكينه وضربته بوك من الاعصاب 

مصطفى: جلب تكلي احبه وكبال عيني شنو مكرن اني لو ما عدي غيره 

 

علي: تاكل نـ*** تمام اختي وغصبن على راسك احبه 

دفعني وراد يطلع لزمت اني معرف شبيه أصلاً اي واحد الزمه اضربه لو اغلط 

 

مصطفى: هاي انتَ تدري بالسالفه هجي سوي لعد الغريب شيكول عليه 

 

طبطب على كتفي وطلع بقيت حسبه تاخذني وحسبه ترجعن اليوم لزم اودي ايناس لهله لان باجر عقدي وي بتول لزم نطلع بليل الايران اني وابوي وابوه حتى لا يوصل الخبر الايناس 

 

رفعت تلفوني اتصلت عليه اول ما رن ردت 

بتول: هلا مصطفى 

 

مصطفى: بتول اخر مره اكله الج بقرب فرصه اطلكج وصيرن مطلقه للمره ثانيه ولا تتوقعين بيوم يكولج موقف بيني وبينج غير الخوه واني راح استر عليج من الفضيحه الي اصير اذا رفضت ازوجج 

 

بتول: قابله معدي مانع بكل شؤوطك 

 

تنفرز يربي تنفرز سديت بوجه بدون سلام بدون كرامه رجعت اتصلت عليه 

مصطفى: لا تضلين دكدكين وتعزمين وحظري جوازج اذا وصل خبر عقدي عليج الايناس ما يصير بعيني اكبر واحد 

 

رجعت سديته بوجه وخذت سويجي ومحفظتي وطلعت للبيت متنفرز وروحي ما اطيقه اسمع صوته 

 

دخلت للبيت وشفته قبالي كاشخه على اخر حبايه رغم الحمل متعبه وأيناس من تحمل تتبهذل حاله تروح خدوده حوه عيونه سود

دخلت بستعجال واني احجي ويها بدون لا ابين ضوجتي بس اظاهر اني متنفرز حيل 

 

مصطفى: أيناس لمي ملابسج اخذج لبيت اهلج 

أيناس: ها! 

مصطفى: شنو ها شبيج أيناس جيبي جنطه جبير راح ابقه شهر او شهرين معرف اخذ ابوي للعلاج 

بذيج ساعه تمنيت صدك رايحن نعالج ابوي من المرض الي هو بي قله غير على ابنه مخلي بهجي موقف سخيف

 

أيناس: ليش شبي عمي 

مصطفى: مريد عمي يدري اذا كلج مصطفى ليش جايبكم كليله راح يفتح مشروع وي عمامي 

هزت راسه ودمعه بطرف عيونه وما مصدكه وادري بأيناس اذكه من هجي واني غبي والغباء استحوذ تفكيري من القلق والتوتر كمت معرف افكر ولو حاجي عمي يخلصني منه بس اني طمست روحي بالنكره الي حفروها النه وكل ظني شهر واحد واخلص مجنت ادري راح اخسر هجي خساير

 

أيناس: خلصت مصطفى  

دخلت عليهم دمعتي بطؤف عيوني عليه مو طبعي اغدر بيه لو اجذب عليه 

 

أيناس" 

 

حظني ويبجي واني اعرف الموضوع مو على ابوي بس مكدرت ازيد الموقف عليه واضغط عليه اكثر وهو روحه خاويه صارله سبوع لا ياكل ولا نايم اخذ جهاله يحظن بيهم اخذني نزلني يم بيت اهلي وما نزل!  

 

شون ما ينزل وهو اقرب شخص على ابوي واقرب من اخواني ولد عمي كلهم قبل لا يخطبني هو واحمد الله يرحمه جانو قريبن عليه ومن توفه احمد صار مصطفى السند الوحيد الابوي 

 

طلع اخوي سند بحلق عيونه عليه شكلي وحده جايه زعلانه مو تسيوره 

 

سند: شبيج أيناس 

 

أيناس: شسالفه خويه ما تستقبلوني بعد 

 

هتان بالعربانه واحمد يمشي وياي والجنط بصفي ما شايله شي بطني وصله الخشمه احسه واني بشهر الخامس بس معرف شبيه منفوخه 

 

دخلنه للبيت ابوي صدم بجيتي لان اني اجيهم صبح المغرب مصطفى يوكف باب مسقبل ابات وطول السبع سنوات احنه حتى من تعارك نتصالح بيومها 

 

حتى بحملي شكد متعب ونساتي متعبه هو يمي ميعوفني حتى من يطلع المكتبه يبقه فاتح كام وياي 

 

ابو ايناس: خيرج بويه 

 

أيناس: والله بابا عمامي اجو على مصطفى صارلهم سبوع مشاكل يردونه يفتح مشروع بايران وحتى علي مكدر يروح ويا 

 

ابو ايناس: خير ان شاءلله شكد يبقه هناك 

 

أيناس: والله يبابا ما اعرف بس اني مكدرت ابقه وحدي ولا كدرت اسافر حتريت وين اروح كلت اجي فتره عليكم وارجع البيتي 

 

ابو ايناس: افه بويه شنو راسي ما يشم الهو وتردين ترحين لبيت وحدج رجلج يمر بمحنه وظرف اقوه منه تحملي الخطره 

أيناس: لا بابا اني ما عدي مانع خلي يروح اني أصلاً هل فتره حملي متعبني 

 

ابو ايناس: ياخوفي البالي صح بس اني اعرف مصطفى ما يسويه 

 

اخذت حسره وروحي رايحه اجيت افتح موضوع خطبت بتول بس خل يولي هجي موضوع شعليه بس يرتني فاتحته وي ابوي حتى متحلكه على عمري

 

اخذت جهالي وصعدت ورى متعشينه دخلت الغرفتي غرفتي هاي تخنكني تكسر قلبي غير جنط هدايه والصور وكلش بي ذكره توجع روحي نومت جهالي حتى اكدر اخذ راحت حيل مخنوكه 

 

نام احمد ونام هتانه ورى بشويه بلعت ريكي وايدي ترجف تقدمت للكنتور فتحته طلعت صورت احمد قبالي مكدرت اصبر صبن دموعي 

 

أيناس: ما اشتاقيتلي؟ شكد احترم مصطفى واحبه هسه بص ما نساني حبك ولا نساني طيفك ولا صوتك سبع سنوات على امل الي دا امر بي حلم  

 

شبعت من صور وشبعت من تراب الكبر اريدك انت طك بيه صبر كل ما اجي لبيت اهلي ميدرون بيه اجي اشكيلك على كل شيء يصير بيه 

 

بس مكدر اخون مصطفى حتى بالتفكير بيك مصطفى ما منقص عليه شي 

 

تدري من كد ما افكر بيك احمد ابني صار يشبهك تدري ماخذ هواي صفات منك من يكلولي يشبه مصطفى اسايرهم بس اني اعرف يشبهك شكل وتصرف سبحان الي خلقه نسخه منك

 

شبعت بجي وبقيت اسوالف وافضفض الي بقلبي بدون قيود 

 

طلعت غسلت ورجعت نمت بفراشي باجر راح ابدي حرب من كلام الناس على ابو زعلانه وجابه البيت اهله وعافه وسافر وكومه سوالف اعرفهن بدون لا يحجوهن او اسمعهن 

 

نزلت صبح من اني وجهالي ومثل يوميه بيت اهلي هوسه ما ينطب من المشيات والمظيف الصوته واصل لسابع جار مو بس بصاله مال البيت ونسون يم امي والمسعدات يشتغل وينضفن سلمت ودخلت للمطبخ اشرف على الاكل 

لان الاضاهر اكو مشيه جبيره اليوم 

 

المساعده اسوالف وياي واني نا منتبه صافنه وافكر ب مصطفى حتى ما فكر يتصل بينه اني وجهالي تركنه هنا ومشه واحس عضمي ثكيل على اهلي حتى لو شايلني بعيونهم بعد اني عدي بيتي المفروض اعيش بي 

 

القهر موتني وشكل عدي سكري ومن هنا بدت معنا جديده معنى المرض وي الحمل شون شرح يصير واخلص الحمل هذا خير 

 

صدمتني الدكتور من كالت حامل بتو ولد زاد ضيمي وتفكيري شراح يصير بيه وشون راح استقبلهم وابوهم الحد الان ما راسل ولا حجه. وهاي صار الاسبوع ثالث مصطفى مسافر 

 

سمعت برجعت عمتي ام مصطفي ونويت اروحله اسلم عليه والكل اعترض واولهم علي 

 

علي: أيناس حملج بوضع حرج وبعدلج شبوع ودخلين بالسادس اذا ترحسن وطكتج لو دفعتج لو قهرتج يروحن وليدات اخوي 

بلعت غصتي وكعدت وسكتت ولو رايحه بوكته يمكن الصدمه تكون خفيفه لان جنت متوقعه كل شي 

 

مصطفى " 

 

جنت كاعد يم الامام ازور وطلعت عمي ابو بتول رجع هو وامي وامه بقينه بس احنه ثالثه ابوي بشقته واحنه بشقتنه  

 

منتظر الوقت يصير بثالثه حتى ما الكها كاعده واتواجه ويها بس اليوم جان اله رائي ثاني 

بتول: هلا حبيبي منتظرتك على العشه 

 

مصطفى: ما اريد متعشي بره 

درتي وجهي ورحت نمت بالغرفه وقفلت الباب ونمت واني الافكار تتناطح براسي كطع حبل افكاري المخربطه مكالمه من علي 

 

علي: ها مصطفى شونك 

 

مصطفى: بنص الخير شوني يعني بربك عايف مؤتي وجهالي وميت على محطهم على قلبي واحضنهم 

 

علي: ابشرك ابشاره حلوه صدكني راح تفرحك وتنسيك الضيم وترجع ركض 

 

مصطفى: كول كول والله ما ضنتي هل هم ينزاح 

 

علي: أيناس حامل بتوم ولد مساع جنه يم دكتوره اخذنه اني ونور 

 

مصطفى: بصلات محمد عليك؟ 

 

علي: والله ولو شايف شون فرحت بعدين فرحته طارت من اجت تريد تخابرك وبعدين بطلت 

 

مصطفى: اذا تخبرني انفضح كدامها معرف اجذب عليه علي أيناس بامانتك بس خل يخلص هل سبوع وشهر واجي 

 

علي: من تدخل بشهر سابع تعالي لان راح تتعب وهي معتازتك 

 

مصطفى: بس خل تبرد السالف والله ارجع اني كاره الكعده هنا 

 

علي: صدك باجر راح اخذهم وياي اطلعهم وصدك نور درت وشبعت بجي وسبتك مسبه بس الله يدير شكد 

 

مصطفى: استاهل استعاهل بس لا تحجي الايناس تموت 

 

علي: لا امن متكدر تحجي لان وضعه مو تمام واكل نور يوميه تسوي شغله وتروح عليهم تجبره تاكل وامر عليهم ورى العشه اخذه 

 

مصطفى: شبيدي عليهم علي اتكطع ورحي تلوب عليهم

 

علي: تهون يخوي تهون يله يالحبيب اخذ راحتك 

 

سديته منه واني دمعه بطرف عيني مشتاق الريحته مشتاق الكل شي سوالفنه وضحكنه مشتاق الحمودي مشتاق التوته 

وعائلتي راح زيد نفرين واني بعيد عنهم تحسرت ونمت نومه عميقه كعدت على صوت دكت الباب ودك التلفون 

 

كمت اخذت التلفون بايدي وفتحت الباب دخلت بتول وجه احمر مبينه لطمه وباجيه لما الله كايليله بس 

 

رديت على امي الي حركت التلفون حرك بالتصالات 

 

ام مصطفى: يالما تخاف الله ابنيه بعمر الورد صارلك ثالث اسابيع ما مدنيله ليش 

 

مصطفى: يمه يمه هاي شغلات بيني وبيت مرتي لحد يدخل حسكم عينكم احد يدخل بينه زوجتونه خلص رحم الله والديكم 

 

سديت التلفون بدون ما اسمع جوابه التفت عليه كاعده على جربايه مبدله ومغندبه وجه 

 

مصطفى: شتحسين من ترحين لمي طلعيله اسرارج شتحسين من ترحين تشهرين بزوج كدامها؟ ها جوبي لو نبلع اللسانج 

 

بتول: والله مو بقصدي اسياء الك بس 

 

مصطفى: اششششش خلص ولا حرف اسمع منج خاف جانت لعبنه نفسي منج هسه شمائزت روحي منج وراحت اخر ذرت احترام عفت بتج يم امي ملطوعه لا اكل ولا شرب وتركضين ورى رجال مزوج شتحسين

 

طلعن من يمه اغلي اغلي روحي فايره مكدر اصيطر على اعصابي 

 

دخلت المطعم نزلت اكل هذا حالي بدل ما اكعد بوجه مرت الكها مسويتلي ريوك افتر بمطاعم ايران الستغفر الله منكدر نحجي 

 

طلعت افتر بأيران صعدت على جبال ورحت بالنفاق بالقطرات نويت اليوم ما ارجع للشقه واروح غير محافظه بايران اتونس براسهم مدام همه كالو كل سفرتكم وزوجكم علينه بس زوجه خلص خل اتونس 

صورت كم صوره مرتبت ونويت اتصل بأيناس اليوم طكت روحي عليه 

 

أيناس: هلا مصطفى 

 

مصطفى: هلا بروح مصطفى هلا باهل مصطفى كلهم انتي مشتاقلج يروحي انتي ضليت امطر عليه بالغزل والسوالف الحلوه عسى ولع ترتاح نفسيته 

 

أيناس: عزه مصطفى

 

مصطفى: هسه انتِ بس العز ماكو مشتاقتلك حبيبي 

 

أيناس: عدي الك خبر بدل مشتاقتلك 

 

مصطفى: يله باله اسمعج

 

أيناس: اني حامل بتوئم ولد 

 

مصطفى: الهم صلي على محمد؛ اهم شي صحتج ميهم البقيه 

 

أيناس: صحتي تم اذا انت زين وترجعلنه عمو شلونه 

 

مصطفى: زين الحمدلله اني عفته بشقه اليوم وطلعت اغير نفسيتي صورتلج الاجواء ادزهم الج بعشويه 

 

نور " 

 

سد علي الاتصال وي مصطفى واني رجعت للمناحه والبجي على ايناس والي راح يصير بيه واخاف احجيله علي يطلكني 

 

نور: واللّه كمت ما اطيقه وهاي بتول الجلبه الله ياخذ كل وحده تخرب بيت رجال مزوج ومرتاح وي زوجت 

 

علي: نووووررر

بلعت ريكي والخوف دب بقلبي 

يوم ستكتمل حروف الروايه وستكون العيون باكيه 

★★★★★★★★★

الحمدلله حمد كثير 

الهم صلي على محمد و